၂၅
ၵႂၢမ်းသုၵ်ႉတၢမ်ႇသေႃးလမုၼ်ႇ
၁ ၵႂၢမ်းသုၵ်ႉတၢမ်ႇၶုၼ်သေႃးလမုၼ်ႇ ဢၼ်ၵူၼ်းႁေႇၸၵိၶုၼ်ႁေႃၶမ်းမိူင်းယုတၶဝ်ၵူးတႅမ်ႈဝႆႉၼၼ်ႉၸမ်း၊-တၢင်း ဢၼ်သိူင်ႇမႅပ်းဢမူႉၼၼ်ႉ
၂ ထုၵ်ႇၵၼ်မုၼ်ၽုင်းၽြႃးပဵၼ်ၸဝ်ႈလႄႈ တၢင်းဢၼ်ၸႅတ်ႈထၢမ်ၸႅတ်ႈတူၺ်းဢမူႉၼၼ်ႉထုၵ်ႇၵၼ်တင်း မုၼ်ၽုင်းၶုၼ်ႁေႃၶမ်းဢေႃႈ။
၃ မိူၼ်ၼင်ႇ တၢင်းဢၼ်သုငႃ်ႉၵၢင်ႁၢဝ် ဢိၵ်ႇတင်းတၢင်းဢၼ်လိုၵ်ႉလိၼ်မိူင်းၼၼ်ႉႁူဝ်ၸႂ် ၶုၼ်ႁေႃၶမ်းၼၼ်ႉၵေႃႈၸႅတ်ႈထၢမ်ၸႅတ်ႈတူၺ်းလႄႈ ဢမ်ႇႁူႉလႆႈ။
၄ ပေႃးၶႃၶီၶျေႃးဢွၵ်ႇပႅတ်ႈ ၵႃႈၼႂ်းငိုၼ်းၸိုင်တၵ်းလႆႈၵွၵ်းလႆႈဝၢၼ်ႇဢၼ်ထုၵ်ႇၵိုင်ႇၵၼ်တင်း ၸၢင်ႊၶမ်း ဢေႃႈ။
၅ ပေႃးပႄႇၽဵဝ်ႈၶဝ်ၸိူဝ်းဢၼ်ဢမ်ႇတြႃးၼၼ်ႉပႅတ်ႈသေၵႃႈတီႈၶုၼ်ႁေႃၶမ်းၸိုင်ရႃႇၸႃႉပလၢင်ႇ မၼ်းၸဝ်ႈတၵ်းတႄႇယူႇၼႂ်းတြႃးဢေႃႈ။
၆ ယႃႇပေယွင်ႈယေႃးတူဝ်ၸဝ်ႈၵဝ်ႇ ၵႃႈတီႈၽၢႆႇၼႃႈၶုၼ်ႁေႃၶမ်း။ယႃႇပေၸုၵ်းယူႇၵႃႈၼႂ်းၵႄႈၵၢင်ႈၵူၼ်းယႂ်ႇၵူၼ်း လူင်။
၇ လွင်ႈမၼ်းၸမ်းတၢင်းဢၼ်ပိူၼ်ႈလၢတ်ႈတီႈမႂ်းလႄႈဝႃႈ၊-ၶိုၼ်ႈမႃးၵႃႈတီႈၼႆႉသေၵမ်း၊ ဝႃႈၼင်ႇၼႆၼၼ်ႉယိင်ႈၶႅၼ်းလီၼႃႇသေတၢင်းဢၼ်လႆႈၶၢမ်ႇတၢင်းဢၼ်ပိူၼ်ႈႁႂ်ႈမႂ်းလူင်းၵႂႃႇတီႈတႅမ်ႇၵႃႈတီႈ ၽၢႆႇၼႃႈၶုၼ် ဢၼ်မႂ်းလႆႈႁၼ်ၼႃႈႁၼ်တႃၼၼ်ႉဢေႃႈ။
၈ ယႃႇပေႁိပ်ႈၼႅတ်ႈႁႂ်ႈလႆႈၽိတ်းၵၼ်။မႂ်းတၵ်းႁဵတ်းၸိူဝ်ႉၼင်ႇႁိုဝ် မိူဝ်ႈဢၼ်ၵူၼ်းႁိူၼ်းၸမ်ၵၼ်တင်းမႂ်း ၼၼ်ႉႁဵတ်းႁႂ်ႈမႂ်းဢူၵ်းဢၢႆယဝ်ႉၼၼ်ႉ။
၉ မႂ်းတိူင်ႇပၢင်ႇတွင်ႈထၢမ်လွင်ႈဢမူႉမႂ်း လူၺ်ႈၵၼ်တင်းၵူၼ်းႁိူၼ်းၸမ်ႈၵၼ်တင်းမႂ်းတႃႉ။ယႃႇပေၽုၺ်ႇဢွၵ်ႇၼႄပျႃးတၢင်း ဢၼ်ပိူၼ်ႈသိူင်ႇမႅပ်းဝႆႉၼၼ်ႉ။
၁၀ ၵူဝ်ၵေႃႉဢၼ်ငိၼ်းၼၼ်ႉတၵ်းတၢင်ႇဢပျႅတ်ႈတီႈမႂ်းလႄႈ မူၼ်ႈသရေႇမႂ်းတၵ်း သုမ်းပႅတ်ႈတႃႇသေႇဢေႃႈ။
၁၁ ၵႂၢမ်းဢၼ်လၢတ်ႈမိူဝ်ႈဢၼ်ၶိင်ႇမၼ်းထုၵ်ႇၼၼ်ႉ မိူၼ်ၸိူဝ်ႉၼင်ႇမၢၵ်ႇၶီႈၼူၶမ်းဢၼ်ၶပ်ႉၸီႇႁၢင်ႈၶိူင်ႈသႂ်ႇဝႆႉၵႃႈၼိူဝ်လၢႆးငိုၼ်း ၼၼ်ႉဢေႃႈ။
၁၂ ၵေႃႉဢၼ်ၸၢင်ႊသင်ႇသွၼ်သုင်းမႃႉပၼ်သေႇၶျႃႇလီငၢမ်းတီႈႁူ ဢၼ်ၸၢင်ႊထွမ်ႇဢဝ်ၼၼ်ႉပဵၼ်ၸိူဝ်ႉၼင်ႇပေႇႁူၶမ်း ဢိၵ်ႇတင်းၸိူဝ်ႉၼင်ႇၶိူင်ႈၶမ်း ၸႅတ်ႈၸႅတ်ႈၼၼ်ႉဢေႃႈ။
၁၃ တမၢၼ်ႇဢၼ်ပႂ်ႉသႅတ်ႉၸႃႇၼၼ်ႉပဵၼ်ၸိူဝ်ႉၼင်ႇ တၢင်းဢၼ်ၵတ်းလီမူၺ်ႁႃႇၼႂ်း ၶိင်ႇမိူဝ်ႈဢၼ်ပၢတ်ႇၶဝ်ႈၼၼ်ႉ တီႈၶဝ်ၸိူဝ်းဢၼ်ပွႆႇၸႂ်ႉမၼ်းၼၼ်ႉလႄႈ ၸၢင်ႊႁႂ်ႈၸႂ်ၸဝ်ႈမၼ်းၵတ်းလီယဵၼ်လီဢေႃႈ။
၁၄ ၵေႃႉဢၼ်ဢုပ်ႇဢၢတ်ႇလႄႈဝႃႈ၊-တၵ်းပၼ်ဢေႃႈ၊ဝႃႈၼင်ႇၼႆလႄႈယင်းဢမ်ႇပၼ်လႄႈယူႇၼၼ်ႉ ပဵၼ်ၸိူဝ်ႉၼင်ႇလူမ်းတင်းၽႃႈၽူၼ် ဢၼ်ဢမ်ႇပႃးၼမ်ႉၽူၼ်ၼၼ်ႉဢေႃႈ။
၁၅ ပေႃးယိူၼ်ႉၶၢမ်ႇယူႇႁိုင်ႁိုင်ၸိုင်တိုၵ်းယူင်းၸူဝ်းဢဝ်ၶုၼ်လႆႈလႄႈလိၼ်ႉဢၼ်ဝၢၼ်ဢၼ်လီၼၼ်ႉၵေႃႈ တတ်ႈၼိုင်ႇႁႂ်ႈ လုပ်ႇထၢၼ်ႈပေႃးႁၵ်းဢေႃႈ။
၁၆ ထူပ်းၼမ်ႉၽိုင်ႈႁိုဝ်။ၵိၼ်ႁႂ်ႈၵွမ်ႉပေႃးဢိမ်ႇပေႃးတဵမ်ၵူၺ်းတႃႉ။ပေႃးၵိၼ်ပူၼ်ႉ ၵိၼ်လိူဝ်ၸိုင်တၵ်းမိူဝ်ႇၸၢၼ်ႈလႄႈႁၢၵ်ႈဢေႃႈ။
၁၇ ယႃႇပေႁႂ်ႈတိၼ်မႂ်း လႆႈယဵပ်ႇၵႃႈတီႈႁိူၼ်းၵူၼ်းႁိူၼ်းၸမ်ၵၼ်တင်းမႂ်းၼၼ်ႉၶိူဝ်းၶိူဝ်းယႂ်းယႂ်း။ၵူဝ်မၼ်းတၵ်းမိူဝ်ႇ ၸၢၼ်ႈမႂ်းလႄႈၸင်းဢေႃႈ။
၁၈ ၵေႃႉဢၼ်ၶၢမ်ႇသၢၵ်ႈသေႇဢၼ်ဢမ်ႇၸိုဝ်ႈဢမ်ႇၸႂ်ႈ ယူႇၽၢႆႇၼိုင်ႈတင်းၵူၼ်းႁိူၼ်းၸမ်ၵၼ်တင်းမၼ်းၼၼ်ႉ မိူၼ်ၸိူဝ်ႉၼင်ႇၶွၼ်ႉလဵၵ်းလၢပ်ႇလႅဝ်းဢိၵ်ႇတင်းပိုၼ်ဢမ်ပၢႆလႅမ်ၼၼ်ႉ ဢေႃႈ။
၁၉ တၢင်းဢၼ်ယုမ်ႇၵေႃႉဢၼ်သႅတ်ႉၸႃႇၸၢင်ႊလူႉၼၼ်ႉ ၼႂ်းၶိင်ႇမိူဝ်ႈဢၼ်ဢမူႉႁွတ်ႈထိုင်ၼၼ်ႉပဵၼ်ၸိူဝ်ႉၼင်ႇၶဵဝ်ႈမၢင်ႈဢိၵ်ႇတင်း ပွင်ႈတိၼ်ၸုတ်ႈၵႂႃႇ လုတ်ႈၵႂႃႇၼၼ်ႉဢေႃႈ။
၂၀ ၵေႃႉဢၼ်ႁဵတ်းၵႂၢမ်းတီႈၵူၼ်းဢၼ်မႆႈၸႂ်ၶီၸႂ်ၼၼ်ႉ မိူၼ်ၸိူဝ်ႉၼင်ႇၵေႃႉဢၼ်ထွတ်ႇၶူဝ်းၼုင်ႈမၼ်းၼႂ်းၶိင်ႇၵတ်း ဢိၵ်ႇတင်းၵေႃႉဢၼ်ဢဝ်ၼမ်ႉမုၵ်ႈသူမ်ႈႁူတ်းသႂ်ႇၵႃႈၼိူဝ်ယၢမ်းလိပ်းၼၼ်ႉ ဢေႃႈ။
၂၁ ပေႃးရၢၼ်ႇသူႇမႂ်းတွင်ႉမႆႈတၢင်းၵိၼ်တၢင်းၶူပ်းၸိုင်ႁဵတ်းလဵင်ႉႁဵတ်းလူတႃႉ။ပေႃးမၼ်းတွင်ႉမႆႈၼမ်ႉၸိုင် ပၼ်ပုၼ်ႈဢၼ်မၼ်းတၵ်းၵိၼ်တႃႉ။
၂၂ ပေႃးႁဵတ်းၸိူဝ်ႉၼင်ႇၼၼ်ႉၸိုင် မႂ်းတၵ်းဢဝ်ထၢၼ်ႇၽႆးၵွင်သႂ်ႇဝႆႉၵႃႈၼိူဝ်ႁူဝ်မၼ်းလႄႈ ထႃႇဝရႃႉၽြႃးၵေႃႈတၵ်းၶျႃးသူးတီႈမႂ်းဢေႃႈ။
၂၃ ၸိူဝ်ႉၼင်ႇဢၼ်လူမ်းတၢင်းႁွင်ႇၸၢင်ႈပႃးဢဝ်ၼမ်ႉၽူ ၼ်မႃးၼၼ်ႉလိၼ်ႉဢၼ်သေႇယူင်းပူင်ၸႃႉၼၼ်ႉ ၸၢင်ႊပႃးဢဝ်ၼႃႈၶႆႈၸႃႉၶႆႈၸိတ်ႉမႃးဢေႃႈ။
၂၄ တၢင်းဢၼ်ယူႇၵႃႈၼိူဝ်မုင်းႁိူၼ်း ၼႂ်းၸွၵ်ႉၼႂ်းၸဵင်ႇၼၼ်ႉယိင်ႈၶႅၼ်းလီၼႃႇသေ တၢင်းဢၼ်ယူႇလူၺ်ႈၵၼ်တင်းမေႈယိင်းဢၼ်ၸၢင်ႊႁဵတ်းတၢင်းဢၼ်ၽိတ်းၵၼ်ၵႃႈၼႂ်းႁိူၼ်း ဢၼ်ၵူၼ်းႁိူၼ်းၵူၼ်းယေး ၼမ်ၼႃႇၼၼ်ႉဢေႃႈ။
၂၅ ၵႂၢမ်းသတၢင်းသဵင်ၶၢဝ်ႇဢၼ်လီဢၼ်ငၢမ်းဢၼ်လုၵ်ႉသေ ၵႃႈတီႈမိူင်းဢၼ်ၵႆႁွတ်ႈမႃးၼၼ်ႉပဵၼ်ၸိူဝ်ႉၼင်ႇ ၼမ်ႉဢၼ်ၵတ်းလီၼၼ်ႉတီႈၵေႃႉ ဢၼ်ယၢၵ်ႈၼမ်ႉၼၼ်ႉဢေႃႈ။
၂၆ ၵေႃႉဢၼ်သိုဝ်ႈတေႃႇဢၼ်လူမ်ႉတူၵ်းၵႃႈတီႈၽၢႆႇၼႃႈ ၵေႃႉဢၼ်ဢမ်ႇတြႃးၼၼ်ႉပဵၼ်မိူၼ်ၸိူဝ်ႉၼင်ႇၼမ်ႉဢွၵ်ႇႁူးဢၼ်ၶုၼ်ႇဢူၼ်ဢိၵ်ႇတင်း ၼမ်ႉမေႃႇဢၼ်တူႇၼဝ်ႈၼၼ်ႉဢေႃႈ။
၂၇ တၢင်းဢၼ်ၵိၼ်ၼမ်ႉၽိုင်ႈပူၼ်ႉလိူဝ်ၼၼ်ႉ ဢမ်ႇထုၵ်ႇဢမ်ႇလီ။မိူၼ်ၸိူဝ်ႉၼင်ႇၼၼ်တၢင်းဢၼ်ၵူၼ်းႁႃမူၼ်ႈသရေႇတူဝ်ၸဝ်ႈၵဝ်ႇၼၼ်ႉ ဢမ်ႇမီးမူၼ်ႈသရေႇ။
၂၈ ၵေႃႉဢၼ်ဢမ်ႇၶျုၵ်ႈၸႂ် တူဝ်ၸဝ်ႈၵဝ်ႇဝႆႉလႆႈၼၼ်ႉမိူၼ်ၸိူဝ်ႉၼင်ႇ ဝဵင်းဢၼ်လမ်းဝဵင်းမၼ်းပင်းလူႉလႄႈပဵၼ်ပလႁူဝ်ႇပလႁႃႇယူႇၼၼ်ႉဢေႃႈ။