၂၇
၁ ယႃႇပေဢုပ်ႇဢၢတ်ႇလွင်ႈဝၼ်းမိူဝ်ႈၽုၵ်ႈ။မႂ်းဢမ်ႇႁူႉလႆႈ လွင်ႈဢၼ်ၼႂ်းဝၼ်းၼိုင်ႈၵူၺ်းတၵ်းပဵၼ်မႃးၸိူဝ်ႉၼင်ႇႁိုဝ်ၼၼ်ႉ။
၂ ႁႂ်ႈပိူၼ်ႈယွင်ႈယေႃးမႂ်းသေၵမ်း။သူပ်းမႂ်းယႃႇပေယွင်ႈယေႃးတူဝ်မႂ်း။သီႇသူပ်းမႂ်းယင်းဢမ်ႇယွင်ႈယေႃးတူဝ်မႂ်းလႄႈႁႂ်ႈပိူၼ်ႈဢၼ်ဢမ်ႇၸၢပ်ႈ ဢမ်ႇသႅင်ႇၵၼ်တင်းမႂ်းၼၼ်ႉယွင်ႈယေႃးမႂ်းတႃႉ။
၃ မၢၵ်ႇႁိၼ်ပဵၼ်ဢၼ်ၼၵ်းလႄႈ သၢႆးပဵၼ်ဢၼ်ႁိဝ်ႈၼၵ်းၼႃႇဢေႃႈ။တေႃးသႃႉၵေႃႉဢၼ်မိူၵ်ႈၼၼ်ႉၸမ်းယိင်ႈၶႅၼ်းၼၵ်းၼႃႇသေသွင်ၸိူဝ်ႉသွင်ပိူင်ၼၼ်ႉဢေႃႈ။
၄ မႃႇၼႃႉမီးသၽေႃးဢၼ်ၵျၢမ်းရိူင်းၼႃႇလႄႈ တေႃးသႃႉၸၢင်ႊႁၢဝ်ႈၵျၢမ်းၼႃႇဢေႃႈ။ၸႂ်ဢၼ်သီႉၵေႉႁႄႈတႃႇ ၸမ်းၽူႈ လႂ်တၵ်းၸုၵ်းၶၢမ်ႇလႆႈ။
၅ တၢင်းဢၼ်သုင်းမႃႉတၢင်ႇဢပျႅတ်ႈ ထၢင်ႇထၢင်ႇသႃးသႃးၼၼ်ႉ ယိင်ႈၶႅၼ်းလီၼႃႇသေ တၢင်းဢၼ်ႁၵ်ႉပႅင်းတဵတ်ႇတဵတ်ႇ ၼၼ်ႉဢေႃႈ။
၆ ႁွႆးၸဵပ်းႁွႆးတၢမ်ႇဢၼ်ၵေႃႉသေႈပၼ်ၼၼ်ႉၸၢင်ႊယုမ်ႇလႆႈယူႇလႄႈ ရၢၼ်ႇသူႇတၵ်းပၼ် တၢင်းၸုပ်ႇတၢင်းၼူမ်ႈၶိူဝ်းၶိူဝ်းယႂ်းယႂ်းဢေႃႈ။
၇ ႁူဝ်ၸႂ်ဢၼ်ၵိၼ်လႄႈ ဢိမ်ႇယဝ်ႉၼၼ်ႉ ၸၢင်ႊမိူဝ်ႇၸၢၼ်ႈႁူဝ်ၼမ်ႉႁူင်းၽိုင်ႈလႄႈၵေႃႉဢၼ်တွင်ႉမႆႈသႆႈလိူတ်ႇၸမ်း ၸၢင်ႊထၢင်ႇၶိူင်ႈပိူင်ဢၼ်ၶူမ်ၵႃႈမီးၼၼ်ႉဝၢၼ် ဢေႃႈ။
၈ ၵေႃႉဢၼ်ၸုၼ်ႉပႅတ်ႈတီႈယူႇမၼ်းသေလႄႈလႄႇၵႂႃႇၼၼ်ႉ ပဵၼ်မိူၼ်ၸိူဝ်ႉၼင်ႇၼူၵ်ႉဢၼ်ၸုၼ်ႉ ပႅတ်ႈႁၢင်းမၼ်းသေလႄႈၵႂႃႇၼၼ်ႉဢေႃႈ။
၉ ၸိူဝ်ႉၼင်ႇဢၼ်ၼမ်ႉမၼ်းႁွမ်ဢိၵ်ႇတင်းၼၢမ်ႇသႃႇႁႂ်ႈႁူဝ်ၸႂ်ၸူမ်းသိူဝ်းၼၼ်ႉ တၢင်းဢၼ်ၵေႃႉသေႈ ႁၵ်ႉႁူမ်ၸူမ်းတွၼ်ႈလႄႈ ပၼ်တၢင်းၵျၢမ်ႇတၢင်းပွင်ၼၼ်ႉၸၢင်ႊႁႂ်ႈၸူမ်းသိူဝ်းဢေႃႈ။
၁၀ ယႃႇပေၸုၼ်ႉပေပႅတ်ႈၵေႃႉသေႈမႂ်းဢိၵ်ႇတင်း ၵေႃႉသေႈပေႃႈမႂ်းၼႂ်းၶိင်ႇမိူဝ်ႈဢၼ်ဢမူႉႁွတ်ႈထိုင်တီႈမႂ်းၼၼ်ႉ။မႂ်းယႃႇပေၶဝ်ႈၵႃႈၼႂ်းႁိူၼ်းပီႈႁိူၼ်းၼွင်ႉမႂ်း။ၵူၼ်းႁိူၼ်းၸမ်ၵၼ်ဢၼ်မီးၸမ်မႂ်းၼၼ်ႉယိင်ႈၶႅၼ်းလီၼႃႇသေ ပီႈၼွင်ႉဢၼ်မီးၵႆၵၼ်တင်းမႂ်းၼၼ်ႉဢေႃႈ။
၁၁ လုၵ်ႈၸၢႆးၵဝ်ဢိူၺ်း။ႁႂ်ႈမီးၺၢၼ်ႇတႃႉ။ႁႂ်ႈၸႂ်ၵဝ်မီးတၢင်းဢၼ်ၸူမ်းဢၼ်သိူဝ်းထၢၼ်ႈပေႃး ႁႂ်ႈၵဝ်ၵႄႈလိတ်ႈလႆႈၵႂၢမ်းၵေႃႉဢၼ်သေႉသွမ်းၵဝ်ၼၼ်ႉတႃႉ။
၁၂ ၵေႃႉဢၼ်မီးသမ်ႇမႃႇသတိၼၼ်ႉႁူႉႁၼ်ဢမူႉလႄႈၸၢင်ႊတဵတ်ႇမႅပ်းယူႇဢေႃႈ။ၵေႃႉဢၼ်ငိူဝ်ႈဢၼ်ငႃႉၼၼ်ႉၸမ်းၸၢင်ႊၵႂႃႇၵႃႈၼင်ႇဢၼ်ၵႂႃႇၼၼ်ႉယူႇ လႄႈထူပ်းဢမူႉဢေႃႈ။
၁၃ သိမ်းဢဝ်ၽႃႈမႆႊၵေႃႉဢၼ်ၸၢင်ႊႁပ်ႉတုင်းဢဝ် ပုၼ်ႈၵေႃႉဢၼ်မၼ်းဢမ်ႇႁူႉၸၵ်း ၼၼ်ႉတႃႉ။
၁၄ ဢဝ်ၶွင်ၶူဝ်းၵေႃႉဢၼ်ႁပ်ႉတုင်းဢဝ်ပုၼ်ႈမေႈယိင်းလေႃႉၼၼ်ႉတႃႉ။ၵေႃႉဢၼ်လုၵ်ႉၵၢင်ၼႂ်ၸဝ်ႉၸဝ်ႉသေလႄႈဢဝ်တင်းသဵင်ဢၼ်ယႂ်ႇၼႃႇ ပၼ်တၢင်းလီတီႈၵေႃႉသေႈမၼ်းၼၼ်ႉ တေလႆႈမၢတ်ႈပဵၼ်တၢင်းဢၼ်ႁဵတ်းဢၼ်ၵိၼ်ႇဢၼ်ဝႃႈၼၼ်ႉဢေႃႈ။
၁၅ မေးဢၼ်ၸၢင်ႊထဵင်ၸၢင်ႊၽိတ်းၼၼ်ႉမိူၼ်ႈမဵတ်ႉၽူၼ်ဢၼ်ယွတ်ႇႁူဝ်ႈတူၵ်းယူႇၸိၵ်းၸိၵ်း ၼႂ်းၶိင်ႇၽူၼ်ၼၼ်ႉဢေႃႈ။
၁၆ ၵေႃႉဢၼ်ႁၢမ်ႈတပ်ႉႁႄႉၶႅၼ်မၼ်းၼၼ်ႉ မိူၼ်ၼင်ႇႁၢမ်ႈတပ်ႉႁႄႉၶႅၼ်လူမ်းလႄႈမိူၼ်ၼင်ႇ မိုဝ်းယိပ်းၵမ်ၼမ်ႉမၼ်းၼၼ်ႉဢေႃႈ။
၁၇ ၸိူဝ်ႉၼင်ႇလဵၵ်းႁဵတ်းႁႂ်ႈလဵၵ်းၽၢႆလီလႅမ်လီၼၼ်ႉ ၵူၼ်းၸၢင်ႊႁဵတ်း ႁႂ်ႈၵူၼ်းၵတ်ႉလီၶႅၼ်ႇလီဢေႃႈ။
၁၈ ၵေႃႉဢၼ်ပႂ်ႉတူၼ်ႈမၢၵ်ႇလိူဝ်ႇသၢင်းၽေႃးယူႇၼၼ်ႉ လႆႈၵိၼ်မၢၵ်ႇတူၼ်ႈၼၼ်ႉလႄႈ ၵေႃႉဢၼ်ႁဵတ်းပွင်ဢမူႉၸဝ်ႈမၼ်း ယူႇၼၼ်ႉ ၸၢင်ႊလႆႈမူၼ်ႈသရေႇဢေႃႈ။
၁၉ ၸိူဝ်ႉၼင်ႇၼမ်ႉႁႂ်ႈႁၼ်ၼႃႈၵူၼ်းၼၼ်ႉ ႁူဝ်ၸႂ်ၵူၼ်းႁႂ်ႈႁၼ်ၸႂ်သၽေႃးၵူၼ်း ဢေႃႈ။
၂၀ ၸိူဝ်ႉၼင်ႇတၢင်းတၢႆဢိၵ်ႇတင်းတၢင်းလူႉတၢင်းလႅဝ်ဢမ်ႇဢိမ်ႇၸႂ်လႆႈၼၼ်ႉ မၢၵ်ႇတႃၵူၼ်းၵေႃႈဢမ်ႇ ၸၢင်ႊဢိမ်ႇၸႂ်လႆႈ။
၂၁ မူၼ်ၼင်ႇမိူင်ႈပဵၼ်ပုၼ်ႈဢၼ်တၵ်းၸႅတ်ႈငိုၼ်းၶႃႈငိုၼ်းလႄႈမုၵ်ႈၽႆးပဵၼ်ပုၼ်ႈဢၼ်တၵ်းၸႅတ်ႈၶမ်းၶႃၶမ်းၼၼ်ႉၵူၼ်းလႆႈၶၢမ်ႇတၢင်းဢၼ်ၸႅတ်ႈထၢမ်ၸႅတ်ႈတူၺ်း လူၺ်ႈတၢင်းဢၼ် ပိူၼ်ႈယွင်ႈယေႃးၼၼ်ႉဢေႃႈ။
၂၂ ပိၵ်ႉသမ်ႉဢဝ်ၵေႃႉဢၼ်မိူၵ်ႈၼၼ်ႉ သႂ်ႇၵႃႈၼႂ်းၶူၵ်ႉဢဝ်သၢၵ်ႇတမ်လူၺ်ႈၵၼ်တင်းၶဝ်ႈပိူၵ်ႇၼၼ်ႉသေၵေႃႈသၽေႃးတၢင်းဢၼ်မိူၵ်ႈမၼ်းၼၼ်ႉဢမ်ႇၸၢင်ႊဢွၵ်ႇသေၵႃႈတီႈမၼ်း။
၂၃ ၵႆႉၶတ်းၸႂ်ႁႂ်ႈလႆႈႁူႉလွင်ႈၽုင်သူဝ်းမႂ်းတႃႉ။ၽုင်ဝူဝ်းမႂ်းၸိူဝ်းၼၼ်ႉၵေႃႈလူတူၺ်းၸေးၸေးၸွတ်ႇၸွတ်ႇတႃႉ။
၂၄ ၸေးၸိမ်ႇဢမ်ႇၸၢင်ႊတႄႇယူႇတႃႇသေႇ။ပၢၼ်းၵုမ်းသရၽူႇၵေႃႈ ဢမ်ႇၸၢင်ႊတႄႇယူႇတီႈၵူၼ်းၵူႈ ၸူဝ်ႈၵူႈပၢၼ်သိုပ်ႇသိုပ်ႇတၢမ်တၢမ်။
၂၅ ယိူဝ်ႈၵႄႇယႃႈၵႄႇၸၢင်ႊႁၢႆလၢႆၵႂႃႇလႄႈ ယိူဝ်ႈၼုမ်ႇၵဵင်ၼုမ်ႇၸၢင်ႊပေႃႇပဵၼ်မႃးဢေႃႈ။တူၼ်ႈလဵၵ်ႉတူၼ်ႈဢွၼ်ႇၵႃႈၼိူဝ်လွႆ ၼိူဝ်ၵုင်းၵေႃႈလႆႈသိမ်းဝႆႉဢေႃႈ။
၂၆ သူဝ်းဢွၼ်ႇတင်းလၢႆပဵၼ်ပုၼ်ႈတၢင်းၼုင်ႈတၢင်းမႆလႄႈ ပႄႉတင်းလၢႆၵေႃႈပဵၼ်ပုၼ်ႈဢၼ်တၵ်းၽႄႈ ၵႃႈၶၼ်ၵႂၢၵ်ႈလိၼ်ဢေႃႈ။
၂၇ ၼမ်ႉၼူမ်းပႄႉတၵ်းပေႃးတၵ်းၵုမ်ႇ ပုၼ်ႈဢၼ်မႂ်းတၵ်းၵိၼ်ပုၼ်ႈဢၼ် ၵူၼ်းႁိူၼ်းၵူၼ်းယေးမႂ်းတၵ်းၵိၼ်၊ပုၼ်ႈဢၼ်တၵ်းလဵင်ႉလူ ၶႃႈမေႈယိင်းမႂ်းၸိူဝ်းၼၼ်ႉယူႇဢေႃႈ။