၁၉
၁ တၢင်းဢၼ်ပဵၼ် ၵူၼ်းဢၼ်ယၢၵ်ႈဢၼ်ၽၢၼ်ဢၼ်ၸွမ်းသဵၼ်ႈတၢင်း ဢၼ်ဢမ်ႇမီးတၢင်းဢၼ်ၸီႉၼႄးၼၼ်ႉယိင်ႈၶႅၼ်းလီၼႃႇသေၵေႃႉဢၼ်မိူၵ်ႈဢၼ် လၢတ်ႈၵႂၢမ်းဢၼ်ၵူတ်ႉဢၼ်ငေႃးၼၼ်ႉဢေႃႈ။
၂ မီးၸႂ်ႁႅင်းယႂ်ႇသေၵေႃႈ ပေႃးယင်းဢမ်ႇမီးပိင်ႇၺႃႇဢၼ်ႁူႉဢၼ်ၸႅင်ႈၸိုင်ဢမ်ႇထုၵ်ႇဢမ်ႇလီ။ယၢင်ႈတိၼ်ၵႂႃႇၶၼ်ၶၼ်ၽႂ်းၽႂ်းလႄႈ ၽိတ်းပိူင်ႈၼၼ်ႉၵေႃႈဢမ်ႇလီ။
၃ သၽေႃးတင်းမိူၵ်ႈၵူၼ်းၼၼ်ႉ ႁႂ်ႈသဵၼ်ႈတၢင်းမၼ်းပိူင်ႈၵႂႃႇလႄႈ ႁူဝ်ၸႂ်မၼ်း သေႉသွမ်းတၢင်ႇဢပျႅတ်ႈ ထႃႇဝရႃႉၽြႃးဢေႃႈ။
၄ ၸေးၸိမ်ႇႁႂ်ႈမီးၵေႃႉမီးသေႈၼမ်လႄႈ ၵေႃႉဢၼ်ယၢ ၵ်ႈဢၼ်ၽၢၼ်ၸမ်းလႆႈၶၢမ်ႇၵေႃႉ သေႈမၼ်းၸုၼ်ႉပႅတ်ႈဢေႃႈ။
၅ ၵေႃႉဢၼ်ၶၢမ်ႇသၢၵ်ႈသေႇဢၼ်ဢမ်ႇမၢၼ်ႇဢမ်ႇမႅၼ်ႈၼၼ်ႉ ယင်းဢမ်ႇလႆႈၶၢမ်ႇဢပျႅတ်ႈလႄႈဢမ်ႇလႆႈယူႇ။ၵေႃႉဢၼ်လၢတ်ႈမူႉသႃႇ ၼၼ်ႉၵေႃႈဢမ်ႇလႆႈၵၢင်းလွတ်ႈတင်းတၢမ်ႇ။
၆ ၵူၼ်းဢၼ်ၸၢင်ႊၶျေႃးဝွၼ်းၸူဝ်းဢဝ်ၶုၼ်မီးၼမ်ၼႃႇလႄႈ ၵူၼ်းၵူႈၵေႃႉၵူႈၵူၼ်းၸၢင်ႊႁဵတ်းၵေႃႉႁဵတ်းသေႈလူၺ်ႈၵၼ်တင်းၵေႃႉဢၼ်ၸၢင်ႊပၼ်လၢၵ်ႈသွင်ႇ ၼၼ်ႉဢေႃႈ။
၇ ၵေႃႉဢၼ်ယၢၵ်ႈဢၼ်ၽၢၼ်ၼၼ်ႉလႆႈၶၢမ်ႇပီႈၼွင်ႉမၼ်းၸုၼ်ႉပႅတ်ႈလႄႈ ၵေႃႉသေႈမၼ်းယိင်ႈၶႅၼ်းဢွၼ်ၵၼ်ဝေႈပႅတ်ႈမၼ်းၵႆၼႃႇဢေႃႈ။ပိၵ်ႉသမ်ႉမၼ်းၸွမ်းလႄႈ ႁွင်ႉၶဝ်သေၵေႃႈၶဝ်လပ်ႉပႅတ်ႈတဵတ်ႇ ပႅတ်ႈသေဢေႃႈ။
၈ ၵေႃႉဢၼ်လႆႈၺၢၼ်ႇၼၼ်ႉႁၵ်ႉပႅင်းဢသၢၵ်ႈဝိၺိၺ်ႇမၼ်းလႄႈ ၵေႃႉဢၼ်ၸပ်းၸွႆးပိင်ႇၺႃႇ ၼၼ်ႉလႆႈၶၢမ်ႇဢဝ်တၢင်းလီဢေႃႈ။
၉ ၵေႃႉဢၼ်ၶၢမ်ႇသၢၵ်ႈသေႇ ဢၼ်ဢမ်ႇမၢၼ်ႇဢမ်ႇမႅၼ်ႈၼၼ်ႉ ယင်းဢမ်ႇလႆႈၶၢမ်ႇဢပျႅတ်ႈလႄႈဢမ်ႇလႆႈယူႇ။ၵေႃႉဢၼ်လၢတ်ႈၵႂၢမ်းမူႉသႃႇၼၼ်ႉၵေႃႈ တၵ်းႁွတ်ႈထိုင်တၢင်း လူႉတၢင်းလႅဝ်ဢေႃႈ။
၁၀ တၢင်းဢၼ်ၵူၼ်းယွင်ႇၵူၼ်းဝူၼ်းတၵ်းၶၢမ်ႇၸေးၸိမ်ႇၼၼ်ႉဢမ်ႇထုၵ်ႇ ဢမ်ႇမႅၼ်ႈလႄႈတၢင်းဢၼ်ၶႃႈတၵ်းဢုပ်ႉၼိူဝ်ၸဝ်ႈၼၼ်ႉ ယိင်ႈၶႅၼ်း တၵ်းဢမ်ႇထုၵ်ႇဢမ်ႇလီဢေႃႈ။
၁၁ သမ်ႇမႃႇသတိၵူၼ်းၸၢင်ႊၶျုၵ်ႈဝႆႉတေႃးသႃႉတၢင်းၸႂ်မႆႈၶႆႈၸႃႉလႄႈ တၢင်းဢၼ်ယိူၼ်ႉၶၢမ်ႇဢၼ်ၽိတ်းပိူင်ႈမၼ်းၼၼ်ႉၵေႃႈ မီး မူၼ်သရေႇတီႈမၼ်းဢေႃႈ။
၁၂ တၢင်းၸႂ်မႆႈၶႆႈၸႃႉၶုၼ်ႁေႃၶမ်း ပဵၼ်ၸိူဝ်ႉၼင်ႇ တၢင်းဢၼ်သၢင်ႇသီႈႁွင်ႉၼၼ်ႉလႄႈ ၵျေးၸူးမၼ်းၸဝ်ႈၸမ်းပဵၼ်ၸိူဝ်ႉၼင်ႇၼမ်ႉၼၢႆး ၵႃႈၼိူဝ်တူၼ်ႈယိူဝ်ႈတူၼ်ႈယႃႈၼၼ်ႉဢေႃႈ။
၁၃ လုၵ်ႈ
ၸၢႆးဢၼ်မိူၵ်ႈၼၼ်ႉ ပဵၼ်လွင်ႈဢၼ်ပေႃႈမၼ်းယၢပ်ႇၸႂ်ၽၢၼ်ၸႂ်လႄႈ မေးဢၼ်တွပ်ႇထဵင်ၼၼ်ႉပဵၼ်မိူၼ်ၸိူဝ်ႉၼင်ႇမဵတ်ႉၽူၼ် ယွတ်ႇႁူဝ်တူၵ်းယူႇၸိၵ်ႉၸိၵ်ႉၼၼ်ႉ ဢေႃႈ။
၁၄ ႁိူၼ်းဢိၵ်ႇတင်းၸေးၸိမ်ႇပဵၼ်ဢမူၺ်ႇၶွင်ၶူဝ်းဢၼ်လႆႈၶၢမ်ႇဢဝ်တီႈပေႃႈမေႈလႄႈမေးဢၼ်မီးသမ်ႇမႃႇသတိၸမ်း ပဵၼ်ဢၼ်ထႃႇဝရႃႉၽြႃးဢိတ်းလူပၼ်ဢေႃႈ။
၁၅ သၽေႃးဢၼ်ၶၢၼ်ႉဢၼ်ဢိူၼ်ၼၼ်ႉႁႂ်ႈၼွၼ်းပူၼ်ႉၼွၼ်းလိူဝ်လႄႈၵေႃႉဢၼ်ၶၢၼ်ႉဢၼ်ဢိူၼ်ၼၼ်ႉ တၵ်းလႆႈၶၢမ်ႇတၢင်းဢၼ်ဢိုပ်းယၢၵ်ႈဢေႃႈ။
၁၆ ၵေႃႉဢၼ်ပႂ်ႉပိင်းၺၢပ်ႈတြႃးၼၼ်ႉ ပႂ်ႉဢသၢၵ်ႈဝိႉၺိၼ်ႇမၼ်းယူႇလႄႈၵေႃႉဢၼ်ႁဵတ်းဢမ်ႇပေႃးၼင်ႇႁိုဝ်လႄႈဢမ်ႇၶႆႈၸႂ်လူၺ်ႈ သဵၼ်ႈတၢင်းမၼ်းၵႂႃႇၼၼ်ႉၸမ်း တၵ်းလႆႈတၢႆဢေႃႈ။
၁၇ ၵေႃႉဢၼ်ဢိတ်းလူၵူၼ်းယၢၵ်ႈၵူၼ်းၽၢၼ်ႇၼၼ်ႉ ပဵၼ်ၵေႃႉဢၼ်ပၼ်ၵူႈပၼ်ယိမ်းဝႆႉတီႈထႃႇဝရႃႉၽြႃးလႄႈ မၼ်းၸဝ်ႈတၵ်းတွပ်ႇတႅၼ်း ပၼ်ဢၵျူဝ်းတၢင်းဢၼ်မၼ်းႁဵတ်းၼၼ်ႉဢေႃႈ။
၁၈ ပိူဝ်ႈဢၼ်ယင်းမီးတီႈဢၼ် မုင်ႈထႃႈမွင်းထႃႈယူႇလႄႈသင်ႇသွၼ်သုင်းမႃႉလုၵ်ႈၸၢႆးမႂ်းတႃႉ။ယႃႇပေႁႂ်ႈမီးၸႂ်ဢၼ်ဢိတ်းလူယူႇတေႃႇထိုင်ႁွတ်ႈ ႁႂ်ႈဢၵျူဝ်းမၼ်း ထၼ်ႈပေႃးလူႉ။
၁၉ ၵေႃႉဢၼ်တေႃးသႃႉတၢင်းၸႂ်မႆႈယႂ်ႇၼႃႇၼၼ်ႉ တၵ်းလႆႈၶၢမ်ႇတၢမ်ႇဢပျႅတ်ႈလႄႈပေႃးမႂ်းၵႄႇသႄႇၼုၵ်ႈဢဝ်မၼ်းၸိုင် တၵ်းလႆႈၵႄႇသႄႇၼုၵ်ႈ ဢဝ်ၶိူဝ်းၶိူဝ်းယႂ်းယႂ်းဢေႃႈ။
၂၀ ထွမ်ႇဢဝ်ၵႂၢမ်းဢၼ်သင်ႇသွၼ်ႇပၼ်ၼၼ်ႉလႄႈ ၶၢမ်ႇဢဝ်တၢင်းဢၼ်သုင်းမႃႉပၼ်ၼၼ်ႉတႃႉ။တီႈသုတ်းတီႈၵွႆႈမႂ်းတၵ်းပဵၼ်ၵေႃႉဢၼ် မီးၺၢၼ်ႇဢေႃႈ။
၂၁ တၢင်းဢၼ်ၵူၼ်းၵျၢမ်ႇပွင်ယူႇၵႃႈၼႂ်းႁူဝ်ၸႂ်ၼၼ်ႉမီးၼမ်ၼႃႇဢေႃႈ။ၵူၺ်းၵႃႈတၢင်းဢၼ်ထႃႇဝရႃႉၽြႃး ဢဵၼ်းဢၢၼ်းၼၼ်ႉ တၵ်းလႆႈပဵၼ် ဢေႃႈ။
၂၂ ဢလူဝ်ႇၵူၼ်းၸမ်းပဵၼ်တၢင်းႁၵ်ႉမႅတ်ႈတႃႇဢၼ်ဢမ်ႇလူႉၼၼ်ႉလႄႈ တၢင်းဢၼ်ယၢၵ်ႈၽၢၼ်ၼၼ်ႉယိင်ႈၶႅၼ်းလီၼႃႇသေ တၢင်းဢၼ်ၽႅတ်ႉလႅၼ် ၼၼ်ႉဢေႃႈ။
၂၃ တၢင်းဢၼ်ၵူဝ်ႁႄထႃႇဝရႃႉၽြႃးၼၼ်ႉၸၢပ်ႈသႅင်ႇၵၼ်တင်း တၢင်းဢၼ်ဢသၢၵ်ႈလိပ်းလႄႈၵေႃႉဢၼ်မီးသၽေႃးဢိမ်ႇတဵမ်ၼၼ်ႉၸမ်း ၽေးဢူး ပၢတ်ႈဢမ်ႇယႃႉၵဝ်းလႆႈ။
၂၄ ၵေႃႉဢၼ်ၶၢၼ်ႉဢၼ်ဢိူၼ်ၼၼ်ႉ ဢဝ်မိုဝ်းမၼ်းၸူၵ်းၶဝ်ႈၵႃႈၼႂ်းမေႃႈသေလႄႈယင်းဢမ်ႇၶႆႈသမ်ႉၶိုၼ်းဢဝ်ဢွၵ်ႇလႄႈသႂ်ႇၵႃႈၼႂ်း သူပ်းမၼ်းလႄႈၵိၼ်။
၂၅ ပေႃးပေႃႉယႅၼ်ႉၵေႃႉဢၼ်ႁဵတ်းဢမ်ႇပေႃးၼင်ႇႁိုဝ်ၼၼ်ႉၸိုင် ၵေႃႉဢၼ်ငိူဝ်ႈငႃႉၼၼ်ႉတၵ်းလႆႈသတိလႄႈ ပေႃးသင်ႇသွၼ်သုင်းမႃႉၵေႃႉဢၼ် မီးၺၢၼ်ႇၼၼ်ႉၸိုင် မၼ်းတၵ်းလႆႈပိင်ႇၺႃႇတၢင်း ဢၼ်ႁူႉဢၼ်ၸႅင်ႈဢေႃႈ။
၂၆ ၵေႃႉဢၼ်ႁဵတ်းဢၼ်ယၢပ်ႇဢၼ်ၽိုတ်ႇသႂ်ႇတီႈပေႃႈမၼ်းလႄႈ ႁေႃႈမေႈမၼ်းဢွၵ်ႇပႅတ်ႈၼၼ်ႉ ပဵၼ်လုၵ်ႈၸၢႆးဢၼ်ႁဵတ်းႁႂ်ႈလီဢူၵ်း လီဢၢႆလႄႈၼႃႈမႆႈဢေႃႈ။
၂၇ လုၵ်ႈၸၢႆးၵဝ်ဢိူၺ်း။ယႃႇပေထွမ်ႇပေဢဝ် ၵႂၢမ်းသင်ႇသွၼ်သုင်းမႃႉသေလႄႈၵႂႃႇႁႂ်ႈလႆႈပႄႇပႅတ်ႈသေ ၵႂၢမ်းပိင်ႇၺႃႇတၢင်းဢၼ်ႁူႉဢၼ် ၸႅင်ႈၼၼ်ႉ။
၂၈ ၵူၼ်းမဝ်မၢင်ႇဢၼ်ၶၢမ်ႇသၢၵ်ႈသေႇၼၼ်ႉႁဵတ်းဢမ်ႇပေႃးၼင်ႇႁိုဝ်တီႈတြႃးတၢင်းဢၼ်ၸီႇယၢင်ႇၼၼ်ႉလႄႈ သူပ်းၶဝ်ၸိူဝ်းဢၼ်ဢမ်ႇတြႃး ၼၼ်ႉၵေႃႈဢိုၼ်ၵိၼ်တူႉၸရိူၵ်ႈဢေႃႈ။
၂၉ တၢင်းဢၼ်ၸီႇယၢင်ႇဢပျႅတ်ႈၼၼ်ႉ မီးဝႆႉပုၼ်ႈၶဝ်ၸိူဝ်းဢၼ်ႁဵတ်းဢမ်ႇပေႃးၼင်ႇႁိုဝ်ၼၼ်ႉလႄႈ တၢင်းဢၼ်ပေႃႉယႅၼ်ႉပေလင်ၶဝ်ၸိူဝ်းဢၼ်မိူၵ်ႈၼၼ်ႉမီးယူႇဢေႃႈ။