၁၁
၁ ယွႆးတၢင်းဢၼ်ဢမ်ႇမၢၼ်ႇဢမ်ႇမႅၼ်ႈၼၼ်ႉ ပဵၼ်တီႈထႃႇဝရႃႉၽြႃး လီႁင်ႈဢဵတ်ႇသဵတ်ႇလႄႈ လုၵ်ႉၶၼ်မၢၼ်ႇမႅၼ်ႈၼၼ်ႉ ပဵၼ်တီႈဢၼ်မၼ်းၸဝ်ႈထုၵ်ႇၸႂ် ၵျိူၵ်ႈၸႂ်ဢေႃႈ။
၂ မိူဝ်ႈဢၼ်မႃႇၼႃႉပူၵ်းပႅၼ်ၼၼ်ႉၸိုင်ပဵၼ်တၢင်းဢၼ်လီဢူၵ်းလီဢၢႆလႄႈတီႈၶဝ်ၸိူဝ်းဢၼ်ၸႂ်ၶျႃးတႅမ်ႇၼၼ်ႉၸမ်းပဵၼ်ၺၢၼ်ႇဢေႃႈ။
၃ သၽေႃးတၢင်းဢၼ်ၸေးၸုမ်ႇ ဢၼ်မီးတီႈၶဝ်ၸိူဝ်းဢၼ်သိုဝ်ႈတေႃႇၼၼ်ႉ ပဵၼ်ဢၼ်ၼႄတၢင်းၶဝ်လႄႈသၽေႃးတၢင်းဢၼ်ၵူတ်ႉဢၼ်ငေႃး ဢၼ်မီးတီႈၶဝ်ၸိူဝ်းဢၼ်ပႅတ်ႉလႅၼ်ၼၼ်ႉၸမ်း ပဵၼ်တၢင်းလူႉတၢင်း လႅဝ်ဢေႃႈ။
၄ ၸေးၸိမ်ႇၶွင်ၶူဝ်းၼၼ်ႉဢမ်ႇပၼ်ဢၵျူဝ်းၼႂ်းမိူဝ်ႉဝၼ်းဢၼ် တေႃးသႃႉတၢင်းၸႂ်မႆႈၶႆႈၸႃႉဢွၵ်ႇၼၼ်ႉ။ပႃႇရမီႇတၢင်းဢၼ်သိုဝ်ႈတေႃႇၼၼ်ႉၸမ်းၵႄႇသႄႇၼုၵ်ႈဢဝ်သေၵႃႈၼႂ်းတၢင်းတၢႆဢေႃႈ။
၅ ပႃႇရမီႇတၢင်းဢၼ်သိုဝ်ႈတေႃႇ ဢၼ်မီးတီႈၶဝ်ၸိူဝ်းဢၼ်ၸေးၸုမ်ႇၼၼ်ႉ ႁႂ်ႈသဵၼ်ႈတၢင်းၶဝ်သိုဝ်ႈလီလႄႈၵေႃႉဢၼ်ဢမ်ႇတြႃးၼၼ်ႉၸမ်းတၵ်းလႆႈၶၢမ်ႇတၢင်းဢၼ်သုမ်းဢၼ် ၸွမ်းၵွပ်ႈပိူဝ်ႈလွင်ႈတၢင်းဢၼ်ဢမ်ႇ တြႃးတူဝ်ၸဝ်ႈၵဝ်ႇၼၼ်ႉဢေႃႈ။
၆ ပႃႇရမီႇတၢင်းဢၼ်သိုဝ်ႈတေႃႇ ဢၼ်မီးတီႈၶဝ်ၸိူဝ်းဢၼ်သိုဝ်ႈလီရူဝ်းလီၼၼ်ႉၵႄႇသႄႇၼုၵ်ႈဢဝ်ၶဝ်လႄႈ ၶဝ်ၸိူဝ်းဢၼ်ပႅတ်ႉလႅၼ်ၼၼ်ႉၸမ်း ထုၵ်ႇၶဵၼ်းမႅၼ်ႈၵွပ်ႈပိူဝ်ႈတၢင်းဢၼ် ၶဝ်တုၵ်းဢၢင်ႈၶႂ်ႈလႆႈၼၼ်ႉဢေႃႈ။
၇ မိူဝ်ႈဢၼ်ၵေႃႉဢၼ်ႁၢႆႉဢၼ်ယုတ်ႈတၢႆၼၼ်ႉၸိုင် တၢင်းဢၼ်မၼ်းမုင်ႈထႃႈမွင်းထႃႈၼၼ်ႉ တၵ်းလူႉတၵ်းလႅဝ်လႄႈတၢင်းဢၼ်ၵေႃႉဢၼ်ဢမ်ႇတြႃး တုၵ်းဢၢင်ႈၶႂ်ႈလႆႈၼၼ်ႉ ၵေႃႈလူႉလႅဝ်ဢေႃႈ။
၈ ၵေႃႉဢၼ်သိုဝ်ႈတေႃႇၼၼ်ႉလွတ်ႈဢွၵ်ႇသေၵႃႈၼႂ်းတုၵ်ႉၶႃႉလႄႈ တူၵ်းႁွတ်ႈၵႃႈၼိူဝ်ၵေႃႉ ဢၼ်ဢမ်ႇတြႃးၼၼ်ႉဢေႃႈ။
၉ ၵူၼ်းဢႃႉထမ်ႇမႃႉၼၼ်ႉဢဝ်တင်းသူပ်းမၼ်းလႄႈ ယႃႉၽဵဝ်ႈၵူၼ်းႁိူၼ်းၸမ်ၵၼ်တင်းမၼ်းလႄႈ ၵေႃႉဢၼ်သိုဝ်ႈတေႃႇၼၼ်ႉလႆႈလွတ်ႈဢွၵ်ႇ ၵွပ်ႈပိူဝ်ႈတၢင်းဢၼ်ႁူႉၸႅင်ႈၼၼ်ႉဢေႃႈ။
၁၀ မိူဝ်ႈဢၼ်ၵေႃႉဢၼ်တြႃး လႆႈလီလႆႈပဵၼ်ၼၼ်ႉဢွၼ်ၵၼ်ၸူမ်းသိူဝ်းတင်းဝဵင်းလႄႈ မိူဝ်ႈဢၼ်ၵေႃႉဢၼ်ဢမ်ႇတြႃးသုမ်းၸွမ်းၼၼ်ႉၸမ်း မီးတၢင်းၸူမ်းသိူဝ်း ဢၼ်ႁုၼ်ႉဢၼ်ႁိူဝ်ႇဢေႃႈ။
၁၁ ၵွပ်ႈပိူဝ်ႈၵေႃႉဢၼ်တြႃးၼၼ်ႉပၼ်တၢင်းလီလႄႈ ဝဵင်းတီႈယူႇမၼ်းႁွတ်ႈထိုင်တၢင်းဢၼ်ယုၵ်ႉယွင်ႈဢေႃႈ။ၵွပ်ႈပိူဝ်ႈသူပ်းၵေႃႉဢၼ်ဢမ်ႇတြႃးၼၼ်ႉလႄႈႁွတ်ႈထိုင်တၢင်းဢၼ်ၵိူၼ်ႇ ယႃႉပႅတ်ႈဢေႃႈ။
၁၂ ၵေႃႉဢၼ်ႁဵတ်းဢမ်ႇပေႃးၼင်ႇႁိုဝ်တီႈၵူၼ်းႁိူၼ်းၸမ်ၵၼ်တင်းမၼ်းၼၼ်ႉပဵၼ်ၵေႃႉဢၼ်ဢမ်ႇမီးပိင်ႇၺႃႇလႄႈ ၵေႃႉဢၼ်မီးၺၢၼ်ႇ ၼၼ်ႉၸမ်းယူႇတဵတ်ႇတဵတ်ႇဢေႃႈ။
၁၃ ၵေႃႉဢၼ်ၸင်းသေလႄႈ လၢတ်ႈၵႂၢမ်းၼမ်ၼႃႇၼၼ်ႉ ၽုၺ်ႇဢွၵ်ႇၼႄပျႃးလွင်ႈတၢင်းဢၼ် လီသိူပ်ႇလီမႅပ်းဝႆႉၼၼ်ႉလႄႈၵေႃႉဢၼ်ပႂ်ႉသႅတ်ႈၸႃႇၼၼ်ႉၸမ်းထိမ်ႇဝၢႆႉဢမ်ဝႆႉ ဢေႃႈ။
၁၄ ပေႃးဢမ်ႇမီးၺၢၼ်ႇဢၼ်ၸၢင်ႊပၼ်တၢင်းၵျၢမ်ႇတၢင်းပွင်လႆႈၼၼ်ႉၸိုင် ၵူၼ်းဝၢၼ်ႈၵူၼ်းမိူင်းတင်းလၢႆသုမ်းၸွမ်းလႄႈ ပေႃးမီးၶဝ်ၸိူဝ်းဢၼ်ပၼ်တၢင်းၵျၢမ်ႇတၢင်းပွင်ၼၼ်ႉၸိုင် ၵၢင်းလွတ်ႈတင်းၽေး ဢေႃႈ။
၁၅ မိူဝ်ႈဢၼ်ဢႃႇမႃႉၶၢမ်ႇဢဝ်ဢမူႉၵေႃႉဢၼ်ဢမ်ႇတြႃးၼၼ်ႉၸိုင် မၼ်းတၵ်းလႆႈၶၢမ်ႇလႄႈၵေႃႉဢၼ်ဢမ်ႇတူပ်းမိုဝ်း လူၺ်ႈၵၼ်တင်းၵေႃႉဢၼ်ႁၢႆႉမိူၵ်ႈၼၼ်ႉ ၸမ်းဢမ်ႇမီးတီႈလီမႆႈၸႂ်ၶီၸႂ်။
၁၆ မေႈယိင်းဢၼ်လီထုၵ်ႇၸႂ်ၵျိူၵ်ႈၸႂ်ၼၼ်ႉလႆႈမူၼ်သရေႇလႄႈ ၵူၼ်းၸၢႆးဢၼ်ႁႅင်းယႂ်ႇၼႃႇၼၼ်ႉလႆႈၸေးၸိမ်ႇဢေႃႈ။
၁၇ ၵေႃႉဢၼ်ဢိတ်းလူႁၵ်ႉပႅင်းၼၼ်ႉႁဵတ်းၵျေးၸူးတီႈ တူဝ်ၸဝ်ႈၵဝ်ႇလႄႈ ၵေႃႉဢၼ်ႁၢဝ်ႈၵျၢမ်းၼႃႇၼၼ်ႉၸမ်းယႃႉယူၵ်ႉ တူဝ်ၸဝ်ႈၵဝ်ႇဢေႃႈ။
၁၈ ၵေႃႉဢၼ်ဢမ်ႇတြႃးၼၼ်ႉလႆႈဢၵျူဝ်းဢၼ်ပႅတ်ႉဢၼ်လႅၼ်ၼၼ်ႉလႄႈၵေႃႉဢၼ်ဝၢၼ်ႇၸိူဝ်ႉဝၢၼ်ႇၽၼ်း တြႃးတၢင်းဢၼ်သိုဝ်ႈတေႃႇၼၼ်ႉၸမ်း တၵ်းလႆႈၶၢမ်ႇဢၵျူဝ်းဢၼ်မၼ်ႈဢၼ် ၶိူင်ႇဢေႃႈ။
၁၉ ၸိူဝ်ႉၼင်ႇဢၼ်တြႃးတၢင်းဢၼ်သိုဝ်ႈတေႃႇၸၢပ်ႈသႅင်ႇၵၼ်တင်းတၢင်းဢၼ်ဢသၢၵ်ႈလိပ်းၼၼ်ႉ ၵေႃႉဢၼ်ၸွမ်းႁႃတူႉၸရိူၵ်ႈၼၼ်ႉၸွမ်းႁႃ တၢင်းတၢႆဢေႃႈ။
၂၀ ၶဝ်ၸိူဝ်းဢၼ်သၽေႃးၵူတ်ႉငေႃးၼၼ်ႉ ပဵၼ်တီႈဢၼ်ထႃႇဝရႃႉႉၽြႃး လီႁင်ႈဢဵတ်ႇသဵတ်ႇလႄႈ ၶဝ်ၸိူဝ်းဢၼ်သိုဝ်ႈလီရူဝ်းလီ ၵႃႈၼႂ်းသဵၼ်ႈတၢင်းဢၼ်ၶဝ်ၵႂႃႇၼၼ်ႉၸမ်း ပဵၼ်တီႈဢၼ် မၼ်းၸဝ်ႈထုၵ်ႇၸႂ်ၵျိူၵ်ႈၸႂ်ဢေႃႈ။
၂၁ ပိၵ်ႉသမ်ႉတူပ်းမိုဝ်းၵၼ်ယဝ်ႉသေၵေႃႈၵေႃႉဢၼ်ႁၢႆႉဢၼ်ယုတ်ႈၼၼ်ႉဢမ်ႇလႆၵၢင်းလွတ်ႈတင်းဢပျႅတ်ႈလႄႈ ၸိူဝ်ႉၶိူဝ်းဢၼ် သိုဝ်ႈတေႃႇၼၼ်ႉၸမ်းတၵ်းလႆႈလွတ်ႈဢေႃႈ။
၂၂ မေႈယိင်းဢၼ်ႁၢင်ႈလီၽၢင်လီလႄႈ ၽၢတ်ႇယၢၼ်ၵၼ်တင်းသမ်ႇမႃႇသတိလႄႈယူႇၼၼ်ႉ မိူၼ်ၸိူဝ်ႉၼင်ႇၶိူင်ႈၶမ်းဢၼ်ႁွႆႈသႂ်ႇဝႆႉ ၵႃႈတီႈၽၢႆႇၸုၼ်ႇၶူႈလင်မူၼၼ်ႉ ဢေႃႈ။
၂၃ တၢင်းဢၼ်ၵေႃႉဢၼ်သိုဝ်ႈတေႃႇတုၵ်းဢၢင်ႈၶႂ်ႈလႆႈၼၼ်ႉပဵၼ်ဢၼ်မျၢတ်ႈလီလႄႈတၢင်းဢၼ်ၵေႃႉဢၼ်ဢမ်ႇတြႃး မုင်ႈထႃႈမွင်းထႃႈၼၼ်ႉၸမ်းၸၢင်ႊသႅင်ႇၵၼ်တင်း တေႃးသႃႉတၢင်းၸႂ်မႆႈဢေႃႈ။
၂၄ တၢင်းဢၼ်ၽႄႈၸွၼ်ယိုၼ်ႈမႅင်ႇၼၼ်ႉ ႁႂ်ႈၶွင်ၶူဝ်းၸၢင်ႊယႂ်ႇၽႄႈၼမ်မႃးမီးမႃးလႄႈ တၢင်းဢၼ်ၸူႉသိမ်းဝႆႉဢမ်ႇထုၵ်ႇဢမ်ႇတၢၼ်ႇၼၼ်ႉႁဵတ်းႁႂ်ႈႁွတ်ႈ ထိုင်တၢင်းဢၼ်ယၢၵ်ႈဢၼ်ၽၢၼ်ဢေႃႈ။
၂၅ ၵေႃႉဢၼ်မီးၸေႇတၼႃႇ ၽေးၸွၼ်းယိုၼ်မႅင်ႇၼၼ်ႉ တၵ်းလိူင်ႇၸႂ်မၢၵ်ႈမီးလီပဵၼ်လႄႈ ၵေႃႉဢၼ်ဢဝ်ၼမ်ႉႁူတ်းတီႈပိူၼ်ႈၼၼ်ႉ တူဝ်ၸဝ်ႈၵဝ်ႇ တၵ်းလႆႈၶၢမ်ႇတၢင်း ဢၼ်ဢဝ်ၼမ်ႉႁူတ်းဢေႃႈ။
၂၆ ၵေႃႉဢၼ်သိမ်းပႅင်းၶဝ်ႈပိူၵ်ႇဝႆႉပုၼ်ႈတူဝ်ၸဝ်ႈၵဝ်ႇၼၼ်ႉ တၵ်းလႆႈၶၢမ်ႇတၢင်းဢၼ်ၵူၼ်းတင်းလၢႆသေႉသွမ်းလႄႈၵေႃႉဢၼ်ဢဝ်ဢွၵ်ႇၶၢႆပၼ်ပိူၼ်ႈၼၼ်ႉၸမ်း လႆႈတိုဝ်းသရၽူႇတၢင်း လီမင်ႇၵလႃႇၵႃႈၼိူဝ်ႁူဝ်မၼ်းဢေႃႈ။
၂၇ ၵေႃႉဢၼ်ၶတ်းၸႂ်ႁႃလွင်ႈတၢင်းဢၼ်လီဢၼ်ငၢမ်းၼၼ်ႉ လႆႈၶၢမ်ႇၵျေးၸူးလႄႈ ၵေႃႉဢၼ်ၵျၢမ်ႇႁႃႇႁႂ်ႈလႆႈယႃႉဢၵျူဝ်းပိူၼ်ႈၼၼ်ႉ တၵ်းႁွတ်ႈထိုင်တၢင်းဢၼ်ဢၵျူဝ်းတူဝ်ႈ ၸဝ်ႈၵဝ်ႇလူႉဢေႃႈ။
၂၈ ၵေႃႉဢၼ်ဢိင်ပိူင်ၸေးၸိမ်ႇတူဝ်ၸဝ်ႈၵဝ်ႇၼၼ်ႉတၵ်းသုမ်းၸွမ်းလႄႈ ၵေႃႉဢၼ်သိုဝ်ႈတေႃႇၼၼ်ႉၸမ်း တၵ်းၶဵဝ်လီတင်ႈလီမိူၼ်ၸိူဝ်ႉၼင်ႇ မႂ်ႊမႆႉဢေႃႈ။
၂၉ ၵေႃႉဢၼ်ယႃႉယူၵ်ႉႁိူၼ်းယေးတူဝ်ၸဝ်ႈၵဝ်ႇၼၼ်ႉလႆႈၶၢမ်ႇဢဝ်ဢမူၺ်ႇလူမ်းၵူၺ်းလႄႈ ၵေႃႉဢၼ်မိူၵ်ႈၼၼ်ႉၵေႃႈ တၵ်းလႆႈၶၢမ်ႇႁဵတ်းၶႃႈတီႈၵေႃႉဢၼ် ႁူဝ်ၸႂ်လၵ်းလႅမ်ၼၼ်ႉဢေႃႈ။
၃၀ မၢၵ်ႇဢၼ်ၵေႃႉဢၼ်သိုဝ်ႈတေႃႇမၢၵ်ႇၼၼ်ႉ ပဵၼ်မၢၵ်ႇတူၼ်ႈဢသၢၵ်ႈလႄႈၵေႃႉဢၼ်လႆႈၸႂ်ဝိၺိၺ်ႇပိူၼ်ႈၼၼ်ႉ ပဵၼ်ၵေႃႉဢၼ် မီးၺၢၼ်ႇဢေႃႈ။
၃၁ တူၺ်းလူ။တေႃႈၵႃႈၵေႃႉဢၼ်သိုဝ်ႈတေႃႇၼၼ်ႉ ယင်းလႆႈၶၢမ်ႇတၢမ်ႇဢပျႅတ်ႈၵႃႈၼိူဝ်လိၼ်မိူင်းၼႆႉၸိုင် ၵေႃႉဢၼ်ဢမ်ႇတြႃးဢိၵ်ႇတင်းၵေႃႉဢၼ်ဢပျႅတ်ႈထၢင်ႇသႃးယူႇၼၼ်ႉ တၵ်းမီးတီႈလၢတ်ႈၸိူဝ်ႉၼင်ႇႁိုဝ်။