၁၂
၁ ၵေႃႉဢၼ်ႁၵ်ႉ တၢင်းဢၼ်သင်ႇသွၼ်ပၼ်ၼၼ်ႉပဵၼ်ၵေႃႉဢၼ်ႁၵ်ႉတၢင်းဢၼ်ႁူႉဢၼ်ၸႅင်ႈၼၼ်ႉလႄႈ ၵေႃႉဢၼ်ၸင်းတၢင်းဢၼ်သုင်းမႃႉပၼ်ၼၼ်ႉ ပဵၼ်ၵေႃႉဢၼ်မီးသၽေႃးတရိၵ်ႈသၢၼ်ႇဢေႃႈ။
၂ ၵေႃႉဢၼ်လီဢၼ်ငၢမ်းၼၼ်ႉ လႆႈၼႃႈလႆႈတႃတီႈထႃႇဝရႃႉၽြႃးလႄႈ ၵေႃႉဢၼ်ၵျၢမ်ႇပွင်တၢင်းၵျၢမ်ႇတၢင်းပွင်ဢၼ်လီၼၼ်ႉၸမ်း တၵ်းလႆႈၶၢမ်ႇတၢင်း ဢၼ်မၼ်းၸဝ်ႈၸီႇယၢင်ႇဢပျႅတ်ႈဢေႃႈ။
၃ ၵူၼ်းတၵ်းဢမ်ႇႁွတ်ႈထိုင် တၢင်းဢၼ်မၼ်ႈၶိူင်ႇၵွပ်ႈပိူဝ်ႈတူႉၸရိူၵ်ႈၼၼ်ႉလႄႈ ငဝ်ႈႁၢၵ်ႈၵေႃႉဢၼ်သိုဝ်ႈတေႃႇၼၼ်ႉၸမ်းယင်းဢမ်ႇၶၢႆႉတီႈလႄႈ တၵ်းလႆႈတႄႇယူႇသေႇ သေႇဢေႃႈ။
၄ မေႈယိင်းဢၼ်မီးသီႇလႃႉၼၼ်ႉပဵၼ်ပၢၼ်းၵုမ်းသရၽူႇတီႈၽူဝ်မၼ်းလႄႈ မေႈယိင်းဢၼ်ၸၢင်ႊႁႂ်ႈၶွင်ၶူဝ်းႁၢႆၼၼ်ႉၸမ်း ပဵၼ်ၸိူဝ်ႉၼင်ႇတၢင်းဢၼ်ၽင်ႉဢူႉတီႈလုပ်ႇၽူဝ်မၼ်းၼၼ်ႉဢေႃႈ။
၅ တၢင်းၵျၢမ်ႇတၢင်းပွင်ၶဝ်ၸိူဝ်းဢၼ်သိုဝ်ႈတေႃႇၼၼ်ႉ သိုဝ်ႈလီရူဝ်းလီလႄႈ တၢင်းၵျၢမ်ႇတၢင်းပွင် ၶဝ်ၸိူဝ်းဢၼ်ဢမ်ႇ တြႃးၼၼ်ႉၸမ်းပဵၼ်မူႉသႃႇဢေႃႈ။
၆ ၵႂၢမ်းၶဝ်ၸိူဝ်းဢၼ်ဢမ်ႇတြႃးၼၼ်ႉ ပႂ်ႉလွမ်ပႂ်ႉတူၺ်းယူႇႁႂ်ႈလႆႈထွၵ်ႇလိူတ်ႈပိူၼ်ႈပႅတ်ႈလႄႈ သူပ်းၶဝ်ၸိူဝ်းဢၼ်သိုဝ်ႈတေႃႇၼၼ်ႉ ၸမ်းၸၢင်ႊၵႄႇသႄႇၼုၵ်ႈဢဝ်ပိူၼ်ႈဢေႃႈ။
၇ ၶဝ်ၸိူဝ်းဢၼ်ဢမ်ႇတြႃးၼၼ်ႉ လူမ်ႉပင်းၵႂႃႇလႄႈဢမ်ႇမီးယဝ်ႉ။ႁိူၼ်းၶဝ်ၸိူဝ်းဢၼ်သိုဝ်ႈတေႃႇၼၼ်ႉၸမ်း မီးတၢင်း ဢၼ်တႄႇယူႇဢေႃႈ။
၈ ၵူၼ်းတၵ်းလႆႈၶၢမ်ႇတၢင်းဢၼ်ယွင်ႈယေႃးၸွမ်း ၵႃႈၼင်ႇဢၼ်မီးပိင်ႇၺႃႇၺၢၼ်ႇၼၼ်ႉလႄႈ ၵေႃႉဢၼ်သၽေႃးၵူတ်ႉငေႃးၼၼ်ႉၸမ်းတၵ်းလႆႈၶၢမ်ႇ တၢင်းဢၼ်ႁဵတ်းဢမ်ႇပေႃးၼင်ႇႁိုဝ် ဢေႃႈ။
၉ ၵေႃႉဢၼ်ယင်းဢမ်ႇမီးၵႃႈသင်လႄႈမီးၵူၼ်းၸႂ်ႉၵူၼ်းသွႆၼၼ်ႉယိင်ႈၶႅၼ်းလီၼႃႇသေၵေႃႉဢၼ်ယင်းဢမ်ႇမီးတၢင်းၵိၼ်တၢင်းၶူပ်းလႄႈ ဢုပ်ႇဢၢတ်ႇ ယူႇၼၼ်ႉဢေႃႈ။
၁၀ ၵေႃႉဢၼ်သိုဝ်ႈတေႃႇၼၼ်ႉၸၢင်ႊဝူၼ်ႉၸႂ်ပုၼ်ႈတရိၵ်ႈသၢၼ်ႇတူဝ်ၸဝ်ႈၵဝ်လႄႈ တင်းႁဵတ်းၵရူႉၼႃႇၵေႃႉဢၼ်ဢမ်ႇတြႃးၼၼ်ႉၸမ်း ပဵၼ် ဢၼ်ႁဝ်ႈၵျမ်းၼႃႇလူင်လၢင်ဢေႃႈ။
၁၁ ၵေႃႉဢၼ်ႁဵတ်းႁႆႊႁဵတ်းၼႃးၼၼ်ႉ တၵ်းမီးတၢင်းၵိၼ်တၢင်းၶူပ်းလိူင်ႇၼႃႇလႄႈ ၵေႃႉဢၼ်ၸွမ်းလင်ၶဝ်ၸိူဝ်းဢၼ်လၢႆလၢႆဢမ်ႇပွင်ႇလွင်ႈၵႃႈသင်ၼၼ်ႉၸမ်း ဢမ်ႇမီးပိင်ႇၺႃႇ လႃးလႃး။
၁၂ ၵေႃႉဢၼ်ဢမ်ႇတြႃးၼၼ်ႉမီးဢလူဝ်ႇၶႂ်ႈလႆႈတူင်ႇႁဵဝ်ႉတူင်ႇၶိူမ်းဢၼ်ၵူၼ်းႁၢႆႉၵူၼ်းမိူၵ်ႈၶဝ်သုင်းၼၼ်ႉလႄႈႁၢၵ်ႈၵေႃႉဢၼ်သိုဝ်ႈတေႃႇၼၼ်ႉၸမ်း ၸၢင်ႊမၢၵ်ႇမၢၵ်ႇၼမ်ဢေႃႈ။
၁၃ တၢင်းဢၼ်သူပ်းပူၼ်ႉလိူဝ်ၼၼ်ႉပဵၼ်တူင်ႇႁဵဝ်ႉတူင်ႇၶိူမ်း ပုၼ်ႈၵေႃႉဢၼ်ႁၢႆႉမိူၵ်ႈၼၼ်ႉလႄႈ ၵေႃႉဢၼ်သိုဝ်ႈတေႃႇၼၼ်ႉၸမ်း ၵၢင်းလွတ်ႈသေႇဢမူႉ တၢင်းဢၼ်ယၢပ်ႇဢၼ်ၽိုတ်ႇၼၼ်ႉ ဢေႃႈ။
၁၄ ၵူၼ်းတၵ်းဢိမ်ႇတဵမ်ဝႆႉတင်းတၢင်းဢၼ်လီဢၼ်ငၢမ်း ၵွပ်ႈပိူဝ်ႈမၢၵ်ႇဢၼ်မၢၵ်ႇတီႈသီႇသူပ်းမၼ်းၼၼ်ႉလႄႈ ဢၵျူဝ်းတၢင်းဢၼ်မိုဝ်းၵူၼ်းႁဵတ်းၼၼ်ႉၵေႃႈလႆႈၶိုၼ်းမႃးၸူးၵႃႈတီႈမၼ်းဢေႃႈ။
၁၅ သဵၼ်ႈတၢင်းၵေႃႉဢၼ်မိူၵ်ႈၸွမ်းၼၼ်ႉ မိူၼ်ၼင်ႇဢၼ်ပဵၼ်ဢၼ်မၢၼ်ႇမႅၼ်ႈပုၼ်ႈမၼ်းသေၵေႃႈ ၵေႃႉဢၼ်မေႃထွမ်ႇဢဝ်ၵႂၢမ်း ဢၼ်ပၼ်တၢင်းၵျၢမ်ႇတၢင်းပွင်ၼၼ်ႉၸမ်းပဵၼ်ၵေႃႉဢၼ်မီးၺၢၼ်ႇဢေႃႈ။
၁၆ တေႃးသႃႉတၢင်းၸႂ်မႆႈၶႆႈၸႃႉ ၵေႃႉဢၼ်မိူၵ်ႈၼၼ်ႉႁဵတ်းႁႂ်ႈပိူၼ်ႈႁူႉၵမ်းလဵဝ်လႄႈ ၵေႃႉဢၼ်မီးပိင်ႇၺႃႇသတိၼၼ်ႉၸမ်းၸၢင်ႊႁူမ်ႇငမ်း လွင်ႈတၢင်းဢၼ်လီဢူၵ်းလီဢၢႆၼၼ်ႉ ဢေႃႈ။
၁၇ ၵေႃႉဢၼ်လၢတ်ႈၵႂၢမ်းဢၼ်ၸိုဝ်ႈဢၼ်ၸႂ်ႈၼၼ်ႉၼႄပျႃးတြႃးတၢင်းဢၼ်သိုဝ်ႈတေႃႇလႄႈ ၵေႃႉဢၼ်ၶၢမ်ႇသၢၵ်ႈသေႇ ဢၼ်ဢမ်ႇၸိုဝ်ႈဢမ်ႇၸႂ်ႈၼၼ်ႉ ၸမ်းၼႄပျႃးတြႃးမူႉသႃႇဢေႃႈ။
၁၈ ၵူၼ်းဢၼ်ဢမ်ႇဝႆႉသတိလႄႈ လၢတ်ႈၵႂၢမ်းၼၼ်ႉ မိူၼ်ၸိူဝ်ႉၼင်ႇဢဝ်လၢပ်ႇဢဝ်လႅဝ်းတႅင်းသႂ်ႇၼၼ်ႉလႄႈ လိၼ်ႉၶဝ်ၸိူဝ်းဢၼ်မီးပိင်ႇၺႃႇၼၼ်ႉၸမ်း ႁဵတ်းႁႂ်ႈပူၼ်ႈသၢၵ်ႈသႃႇ ဢေႃႈ။
၁၉ သီႇသူပ်းသႅတ်ႈၸႃႇၸိုင်တႄႇယူႇတႃႇသေႇဢမ်ႇထၢတ်ႇလႄႈ လိၼ်ႉမူႉသႃႇၸမ်းတႄႇယူႇၸူဝ်ႈ ၽႅပ်ႉတႃႇၼိုင်ႈၵူၺ်းဢေႃႈ။
၂၀ သၽေႃးဢၼ်ၸၢင်ႊပႅတ်ႉၸၢင်ႊလႅၼ်ၼၼ်ႉမီးယူႇၵႃႈၼႂ်းၸႂ်ၶဝ်ၸိူဝ်းဢၼ်ၵျၢမ်ႇပွင်တၢင်းဢၼ်ဢမ်ႇလီၼၼ်ႉလႄႈ တီႈၶဝ်ၸိူဝ်းဢၼ်ပၼ်တၢင်းၵျၢမ်ႇတၢင်းပွင် ႁႂ်ႈတၢင်းဢၼ်ၽိတ်းၵၼ်ထၢတ်ႇယဵၼ်ၼၼ်ႉၸမ်း မီးလွင်ႈဢၼ်လီၸူမ်းလီသိူဝ်းဢေႃႈ။
၂၁ တီႈၵေႃႉဢၼ်တြႃးၼၼ်ႉဢႃႉမၢင်ႇၵလႃႇဢမ်ႇလႆႈႁွတ်ႈလႆႈထိုင်လႄႈ ၵေႃႉဢၼ်ဢမ်ႇတြႃးၼၼ်ႉၸမ်း တၵ်းလႆႈတဵမ်ဝႆႉတင်းဢႃႉမၢင်ႇၵလႃႇ ဢေႃႈ။
၂၂ သီႇသူပ်းဢၼ်သုင်းတိုဝ်းမူႉသႃႇၼၼ်ႉပဵၼ်တီႈဢၼ်ထႃႇဝရႃႉၽြႃး လီႁင်ႈဢဵတ်ႇသဵတ်ႇလႄႈ ၶဝ်ၸိူဝ်းဢၼ်ပႂ်ႉၸွမ်းသႅတ်ႈၸႃႇတြႃးၼၼ်ႉၸမ်း ပဵၼ် တီႈဢၼ်မၼ်းၸဝ်ႈထုၵ်ႇၸႂ်ၵျိူၵ်ႈၸႂ်ဢေႃႈ။
၂၃ ၵေႃႉဢၼ်မီးပိင်ႇၺႃႇသတိၼၼ်ႉ သိူင်ႇမႅပ်းဝႆႉလွင်ႈတၢင်းဢၼ်တူဝ်ၸဝ်ႈၵဝ်ႇႁူႉၼၼ်ႉလႄႈ ႁူဝ်ၸႂ်ၵေႃႉဢၼ်မိူၵ်ႈၼၼ်ႉၸမ်း ၽုၺ်ႇဢွၵ်ႇၼႄပျႃးသၽေႃးဢၼ်မိူၵ်ႈမၼ်း ၼၼ်ႉဢေႃႈ။
၂၄ မိုဝ်းၵေႃႉဢၼ်မီးဝီႉရီ့ယႃႉၵႆႉၶၵ်ႉၼၼ်ႉလႆႈဢုပ်ႉပိူင်ႇလႄႈ ၵေႃႉဢၼ်ၶၢၼ်ႉဢၼ်ဢိူၼ်ၼၼ်ႉၸမ်း လႆႈပဵၼ်ၶႃႈဢေႃႈ။
၂၅ ႁူဝ်ၸႂ်ဢၼ်ဢမ်ႇတႄႇၼိမ်ၼၼ်ႉႁဵတ်းႁႂ်ႈၵူၼ်းႁဵဝ်ႇၸွပ်ႈလႄႈ ၵႂၢမ်းဢၼ်လီဢၼ်ငၢမ်း ၼၼ်ႉႁဵတ်းႁႂ်ႈၵူၼ်းၸူမ်းသိူဝ်းဢေႃႈ။
၂၆ ၵေႃႉဢၼ်သိုဝ်ႈတေႃႇၼၼ်ႉ ၼႄပျႃးသဵၼ်ႈတၢင်းတီႈၵေႃႉတီႈသေႈမၼ်းလႄႈ သဵၼ်ႈတၢင်းဢၼ်ၵေႃႉဢၼ်ဢမ်ႇတြႃးၸွမ်း ၼၼ်ႉၸမ်းၸၢင်ႊပႅတ်ႉၸၢင်ႊလႅၼ်ပိူၼ်ႈဢေႃႈ။
၂၇ ၵေႃႉဢၼ်ၶၢၼ်ႉဢၼ်ဢိူၼ်ၼၼ်ႉ ဢမ်ႇလႆႈဢဝ်တူဝ်ဢၼ်မၼ်းတီႉလႆႈၼၼ်ႉ ပိင်ႈၵိၼ်ႁၢင်းၵိၼ်လႄႈၶွင်ၶူဝ်းဢၼ်ထိူၵ်ႈၵႃႈထိူၵ်ႈၶၼ်တီႈၵူၼ်းၸမ်း ပဵၼ်ၵေႃႉ ဢၼ်မီးဝီႉရီ့ယႃႉၵႆႉၶၵ်ႉၼၼ်ႉဢေႃႈ။
၂၈ ၵႃႈၼႂ်းသဵၼ်ႈတၢင်းတြႃးဢၼ်သိုဝ်ႈတေႃႇၼၼ်ႉဢသၢၵ်ႈၵတ်းယဵၼ်ၶျၢမ်းသႃႇလႄႈ ၵႃႈၼႂ်းႁွႆးတၢင်းမၼ်းၼၼ်ႉဢမ်ႇမီးၽေးတၢင်းတၢႆ။