၂၁
၁ ႁူဝ်ၸႂ်ၶုၼ်ႁေႃၶမ်းမီးယူႇၵႃႈၼႂ်းမိုဝ်းထႃႇဝရႃႉၽြႃးမိူၼ်ၸိူဝ်ႉၼင်ႇၼမ်ႉႁွင်ႈၼမ်ႉၵေးၼၼ်ႉလႄႈ မၼ်းၸဝ်ႈႁႂ်ႈဝၢႆႇၵႂႃႇငိၵ်ၵႂႃႇၸွမ်း ၵႃႈၼင်ႇဢၼ်ဢလူဝ်ႇမၼ်း ၸဝ်ႈမီးၼၼ်ႉဢေႃႈ။
၂ သဵၼ်ႈတၢင်းဢၼ်ၵူၼ်းၵႂႃႇၵႃႈမီးၼၼ်ႉပဵၼ်ၼင်ႇဢၼ် သိုဝ်ႈလီရူဝ်းလီသိုဝ်ႈၼႃႈတႂ်ႈတႃမၼ်းသေၵေႃႈထႃႇဝရႃႉၽြႃးၸမ်း ၸင်ႈတူၺ်း ႁိဝ်ႈတူၺ်းႁူဝ်ၸႂ်ဢေႃႈ။
၃ တၢင်းဢၼ်ႁဵတ်းသိုဝ်ႈသိုဝ်ႈတေႃႇတေႃႇဢိၵ်ႇတင်း တၢင်းဢၼ်ၸီႇယၢင်ႇၸွမ်းၼင်ႇတြႃးၼၼ်ႉပဵၼ်တီႈဢၼ် ထုၵ်ႇၸႂ်ၵျိူၵ်ႈၸႂ်ထႃႇဝရႃႉၽြႃးယိင်ႈၶႅၼ်းလိူဝ်တွၼ်းၼႃႇသေ တၢင်းဢၼ် ပုၵ်ႉၸေႃႇယိၸ်ႉဢေႃႈ။
၄ ၼႃႈဢၼ်ပူၵ်းတင်းႁူဝ်ၸႂ်မႃႇၼႃႉယႂ်ႇ ဢၼ်ပဵၼ်ဢၼ်လႅင်း ၶဝ်ၸိူဝ်းဢၼ်ဢမ်ႇ တြႃးၼၼ်ႉပဵၼ်ဢပျႅတ်ႈဢေႃႈ။
၅ တၢင်းၵျၢမ်ႇတၢင်းပွင်ၵေႃႉဢၼ်ႁဵတ်းၵႆႉႁဵတ်းၶၵ်ႉၼၼ်ႉ ၸၢပ်ႈသႅင်ႇၵၼ်တင်းတၢင်းဢၼ် မၢၵ်ႇမီးလိူင်ႇတဵမ်ၼမ်ၼႃႇလႄႈ ၵေႃႉဢၼ်ဢမ်ႇမီးသမ်ႇမႃႇသတိၼၼ်ႉ ၸၢပ်ႈသႅင်ႇၵၼ် တင်းတၢင်းယၢၵ်ႈတၢင်းၽၢၼ်ဢေႃႈ။
၆ ၽၼ်ႇတႃႇဢၼ်ဢဝ်လိၼ်ႉဢၼ်သုင်းမူႉသႃႇသေလႄႈ ၸူႉသိမ်းဝႆႉၼၼ်ႉ ပဵၼ်တၢင်းဢၼ်ႁႃဢဝ်တၢင်းတၢႆလႄႈပဵၼ်ဢ ၼၼ်ႇတႃႉဢၼ်ပဝ်ႇလၢပ်ႈႁၢႆလၢႆၵႂႃႇဢေႃႈ။
၇ ဢပျႅတ်ႈဢႃႉထမ်ႇမႃႉ ဢၼ်ၶဝ်ၸိူဝ်းဢၼ်ဢမ်ႇတြႃး ႁဵတ်းၼၼ်ႉ တၵ်းယႃႉၽဵဝ်ႈၶဝ်ပႅတ်ႈၵွပ်ႈပိူဝ်ႈၶဝ်ဢမ်ႇမီးဢ လူဝ်ႇၶႂ်ႈၸီႇယၢင်ႇၸွမ်းၼင်ႇတြႃးၼၼ်ႉဢေႃႈ။
၈ ၵေႃႉဢၼ်ပိူင်ႈတၢင်းၵႂႃႇၼၼ်ႉ ပဵၼ်ၵေႃႉဢၼ်မီးဢပျႅတ်ႈလႄႈ ဢမူႉတၢင်းဢၼ်ၵေႃႉဢၼ်မူတ်းသႂ်ႁဵတ်းၼၼ်ႉ ၸမ်းသိုဝ်ႈလီရူဝ်းလီဢေႃႈ။
၉ တၢင်းဢၼ်ယူႇၵႃႈၼိူဝ်မုင်းႁိူၼ်းၼႂ်းၸွၵ်ႉၼႂ်းၸဵင်ႇၼၼ်ႉ ယိင်ႈၶႅၼ်းလီၼႃႇသေတၢင်းဢၼ် ယူႇလူၺ်ႈၵၼ်တင်းမေႈယိင်းဢၼ်ၸၢင်ႊႁဵတ်း တၢင်းဢၼ်ၽိတ်းၵၼ်ၵႃႈၼႂ်းႁိူၼ်းဢေႃႈ။
၁၀ ႁူဝ်ၸႂ်ၵေႃႉဢၼ်ဢမ်ႇတြႃးၼၼ်ႉ ၸွႆးၸပ်းလွင်ႈတၢင်းဢၼ်ဢမ်ႇလီဢမ်ႇငၢမ်းလႄႈၵူၼ်းႁိူၼ်းၸမ်ၵၼ်တင်းမၼ်း ဢမ်ႇလႆႈၶၢမ်ႇဢဝ်ၵျေးၸူးသိုဝ်ႈၼႃႈတႂ်ႈ တႃမၼ်း။
၁၁ မိူဝ်ႈဢၼ်ၵေႃႉဢၼ်ႁဵတ်းဢမ်ႇပေႃးၼင်ႇႁိုဝ်ၼၼ်ႉလႆႈၶၢမ်ႇတၢမ်ႇဢပျႅတ်ႈၸိုင်ၵေႃႉဢၼ်ငိူဝ်ႈငႃႉၼၼ်ႉၸၢင်ႊလႆႈသတိလႄႈ မိူဝ်ႈဢၼ်ၵေႃႉဢၼ်မီးသတိၼၼ်ႉလႆႈၶၢမ်ႇတၢင်းဢၼ် သင်ႇသွၼ်ပၼ်ၼၼ်ႉၸိုင် ပိင်ႇၺႃႇမၼ်းၸၢင်ႊယႂ်ႇၽႄႈၼမ်ၵိုၼ်းမႃးဢေႃႈ။
၁၂ ၵေႃႉဢၼ်တြႃးၼၼ်ႉ ၸၢင်ႊၶႆႈၸႂ်ဝူၼ်ႉၸႂ်လူၺ်ႈႁိူၼ်းၵေႃႉဢၼ်ဢမ်ႇတြႃးၼၼ်ႉလႄႈ ၶဝ်ၸိူဝ်းဢၼ်ဢမ်ႇတြႃးၼၼ်ႉၸမ်း မၼ်းၸဝ်ႈတၵ်းဢဝ်လူမ်ႉပၵ်ႉၶိတ်းတူၵ်းသႂ်ႇၵႃႈၼႂ်းတူႉၸရိူၵ်ႈဢၼ်ဢမ်ႇတြႃးၼၼ်ႉ ဢေႃႈ။
၁၃ ၵေႃႉဢၼ်ဢိုတ်းႁူးသေလႄႈဢမ်ႇၶႂ်ႈငိၼ်းသဵင်တၢင်းဢၼ်ၵူၼ်းယၢၵ်ႈၵူၼ်းၽၢၼ်ႇ ႁွင်ႉသႅၼ်ႇၼၼ်ႉတူဝ်မၼ်းတၵ်းလႆႈႁွင်ႉသႅၼ်ႇလႄႈ ၽူႈ လႂ်သေၵေႃႉသေ ၵူၼ်းတၵ်းဢမ်ႇလႆႈငိၼ်း။
၁၄ လၢၵ်ႈသွင်ႇဢၼ်တဵတ်ႇတဵတ်ႇပၼ်ၼၼ်ႉ ၸၢင်ႊႁႂ်ႈတေႃးသႃႉပျေႇလႄႈလၢၵ်ႈသွင်ႇတၼ်းသူဝ်းဢၼ်လၵ်ႉသိူင်ႇ ၵႃႈၼႂ်းဝၢင်ႈႁူဝ်ဢူၵ်းၼၼ်ႉ ၸၢင်ႊၽႄႈတၢင်းၸႂ်မႆႈၶႆႈၸႃႉ ႁႅင်းယႂ်ႇၼႃႇ ဢေႃႈ။
၁၅ တၢင်းဢၼ်ၸီႇယၢင်ႇၸွမ်းၼင်ႇတြႃးၼၼ်ႉပဵၼ်တၢင်းၸူမ်းသိူဝ်း တီႈဢၼ်ၵေႃႉဢၼ်သိုဝ်ႈတေႃႇၼၼ်ႉလႄႈ ပဵၼ်တၢင်းဢၼ်လီၵူဝ်လီႁႄတီႈၶဝ်ၸိူဝ်း ဢၼ်ႁဵတ်းဢမူႉဢႃႉထမ်ႇမႃႉၼၼ်ႉဢေႃႈ။
၁၆ ၵေႃႉဢၼ်ဝႄႈပိူင်ႈသသေဵၼ်ႈတၢင်းၺၢၼ်ႇၼၼ်ႉ တၵ်းတူၵ်းတီႈတူၵ်းလႅၼ်ၵႃႈၼႂ်းၵူၼ်းပႃႇႁဵဝ်ႈတင်းလၢႆ ၸူႉတုမ်ၼၼ်ႉ ဢေႃႈ။
၁၇ ၵေႃႉဢၼ်မူၼ်ႈပျေႃႇၼႂ်းၵႃႇမၵုင်ႇၼၼ်ႉတၵ်းပဵၼ် ၵေႃႉဢၼ်ယၢၵ်ႈဢၼ်ၽၢၼ်လႄႈ ၵေႃႉဢၼ်ၵျိူၵ်ႈၼမ်ႉၸပိတ်ႉ ဢိၵ်ႇတင်း ၼမ်ႉမၼ်းၼၼ်ႉဢမ်ႇ လႆႈမၢၵ်ႈလႆႈမီး။
၁၈ ၵေႃႉဢၼ်ဢမ်ႇတြႃးၼၼ်ႉပဵၼ်ပုၼ်ႈဢၼ်တၵ်းထုၼ်ႇဢဝ်ၵေႃႉဢၼ်တြႃးၼၼ်ႉလႄႈ ၵေႃႉဢၼ်ပႅတ်ႈဢၼ်လႅၼ်ႇၼၼ်ႉပဵၼ်ပုၼ်ႈၵေႃႉဢၼ် သိုဝ်ႈလီရူဝ်းလီၼၼ်ႉဢေႃႈ။
၁၉ တၢင်းဢၼ်ယူႇၵႃႈၼႂ်းထိူၼ်ႇၼႂ်းၶိူဝ်းၼၼ်ႉယိင်ႈၶႅၼ်းလီၼႃႇသေတၢင်းဢၼ်ယူႇလူၺ်ႈၵၼ်တင်း မေႈယိင်းဢၼ်ၸၢင်ႊၸႂ်ပွတ်းၸႂ်လွတ်းလႄႈႁႃတၢင်းၽိတ်းသႂ်ႇယူႇၼၼ်ႉ ဢေႃႈ။
၂၀ ၽၼ်ႇတႃႇဢၼ်လီထုၵ်ႇၸႂ်ၵျိူၵ်ႈၸႂ်ဢိၵ်ႇတင်းၼမ်ႉမၼ်းၸၢင်ႊမီးၵႃႈၼႂ်းႁိူၼ်းၵေႃႉဢၼ်မီးၺၢၼ်ႇၼၼ်ႉလႄႈ ၵေႃႉဢၼ်မိူၵ်ႈၼၼ်ႉၸမ်းၸၢင်ႊ ၵိၼ်ႁႂ်ႈသဵင်ႈႁႂ်ႈမူတ်းဢေႃႈ။
၂၁ ၵေႃႉဢၼ်ႁႃဢဝ်တြႃး
တၢင်းသိုဝ်ႈတေႃႇ ဢိၵ်ႇတင်း ၵရူႉၼႃႇတြႃးၼၼ်ႉၸၢင်ႊထူပ်းတၢင်းဢၼ်ဢသၢၵ်ႈလိပ်း၊ တၢင်းဢၼ်သိုဝ်ႈတေႃႇ၊ တၢင်းဢၼ်မုၼ်သရေႇထၢင်ႇသႃးၼၼ်ႉ ဢေႃႈ။
၂၂ ၵေႃႉဢၼ်မီးၺၢၼ်ႇၼၼ်ႉၸၢင်ႊတိုၵ်းတေႃးလမ်းဝဵင်း ၶဝ်ၸိူဝ်းဢၼ်ႁႅင်းယႂ်ႇၼႃႇၼၼ်ႉသေလႄႈဢဝ်ႁႅင်းတၼ်းၶူဝ်းဢၼ်ၵူၼ်းဝဵင်းၸိူဝ်းၼၼ်ႉ ဢိင်ပိုင်ႈ ၼၼ်ႉၶျႃးတူၵ်းတီႈတႅမ်ႇဢေႃႈ။
၂၃ ၵေႃႉဢၼ်ပႂ်ႉသူပ်းပႂ်ႉလိၼ်ႉမၼ်းၼၼ်ႉ ႁႂ်ႈဝိၺိၺ်ႇမၼ်းၵၢင်းလွတ်ႈတင်း တုၵ်ႉၶႃႉဢေႃႈ။
၂၄ ၵေႃႉဢၼ်မႃႇၼႃႉယႂ်ႇလႄႈပူၵ်းပႅၼ်ၽႅၼ်သုင်ယူႇၼၼ်ႉထုၵ်ႇလီႁွင်ႉႁိၵ်ႈၸိုဝ်ဝႃႈ- ၵေႃႉဢၼ်ၸၢင်ႊႁဵတ်းဢမ်ႇပေႃးၼင်ႇႁိုဝ်၊ဝႃႈၼႆလႄႈ မၼ်းမီးတၢင်းဢၼ်ၸွၵ်ႈၵႃးလူလၢႆဢေႃႈ။
၂၅ တၢင်းဢၼ်ၵေႃႉဢၼ်ၶၢၼ်ႉဢၼ်ဢိူၼ် ၸႂ်ၸပ်းၸႂ်ၸွႆးၼၼ်ႉၸၢင်ႊဢဝ်မၼ်းတၢႆ ၵွပ်ႈပိူဝ်ႈဢၼ်မၼ်းဢမ်ႇၶႂ်ႈဢဝ် မိုဝ်းမၼ်းႁဵတ်းတၢင်းႁဵတ်းၼၼ်ႉဢေႃႈ။
၂၆ မၼ်းၸၢင်ႊၸႂ်ၸပ်းၸႂ်ၸွႆးၼႃႇလူင်လၢင် တင်းဝၼ်းတင်းဝၼ်းလႄႈၵေႃႉဢၼ်သိုဝ်ႈတေႃႇၼၼ်ႉၸမ်း ယင်းဢမ်ႇသေႈ လၢႆလႄႈၸၢင်ႊယိုၼ်ႈမႅင်ႇဢေႃႈ။
၂၇ ယိၸ်ႉဢၼ်ၵေႃႉဢၼ်ဢမ်ႇတြႃးပုၵ်ႉၸေႃႇၼၼ်ႉ ပဵၼ်တီႈဢၼ်လီႁင်ႈဢဵတ်ႇသဵတ်ႇဢေႃႈ။လိူဝ်သေၼၼ်ႉဢမ်ႇၵႃးပေႃးမီးတင်းၸႂ်ဢမ်ႇတြႃးသေလႄႈ ပုၵ်ႉၸေႃႇၸိုင်ယိင်ႈၶႅၼ်း ၼႃႇဢေႃႈ။
၂၈ ၵေႃႉဢၼ်ၶၢမ်ႇသၢၵ်ႈသေႇဢၼ်ဢမ်ႇၸိုဝ်ဢမ်ႇၸႂ်ႈၼၼ်ႉတၵ်းလူႉလႅဝ်လႄႈၵေႃႉဢၼ်ထွမ်ႇ ငိၼ်းဢဝ်ၼၼ်ႉၵေႃႈတၵ်းလူႉလႅဝ်တႃႇသေႇဢေႃႈ။
၂၉ ၵေႃႉဢၼ်ဢမ်ႇတြႃးၼၼ်ႉ ၸၢင်ႊႁႂ်ႈၼႃႈတူဝ်ၸဝ်ႈၵဝ်ႇၵႅၼ်ႇၶႅင်ယူႇလႄႈၵေႃႉဢၼ်သိုဝ်ႈလီရူဝ်းလီၼၼ်ႉၸမ်း ၸၢင်ႊပွင်မႄးသဵတ်ႈတၢင်းဢၼ်မၼ်းၵႂႃႇၼၼ်ႉ ယူႇဢေႃႈ။
၃၀ ၺၢၼ်ႇပိင်ႇၺႃႇတၢင်းၵျၢမ်ႇတၢင်းပွင်ဢမ်ႇတႄႇယူႇၵႃႈတီႈၽၢႆႇၼႃႈထႃႇဝရႃႉၽြႃးလႆႈ သေၸိူဝ်ႉ သေပိူင်။
၃၁ ပိၵ်ႉသမ်ႉပွင်ႁႅၼ်းဝႆႉမႃႉပုၼ်ႈဢၼ်တိုၵ်းသိုၵ်းၼၼ်ႉသေၵေႃႈ တၢင်းဢၼ်ပႄႉၼႅင်ႇၸမ်းၸၢပ်ႈသႅင်ႇၵၼ်တင်းထႃႇဝရႃႉၽြႃးဢေႃႈ။