Chapter
၅
ပိင်းၺၢပ်ႈၸဝ်ႈသိပ်းပိူင်
၁ မုဝ်းသေႇႁွင်ႉဢဝ်ၵူၼ်းမဵဝ်းဢိသရေႇလတင်းလၢႆလႄႈလၢတ်ႈဝႃႈ၊-ၵူၼ်းမဵဝ်းဢိသရေႇလၶဝ်ဢူၺ်း။ဢွၼ်ၵၼ်ထွမ်ႇငိၼ်းထုင်းၽိင်ႈတြႃးဢိၵ်ႇတင်းလွင်ႈတၢင်းဢၼ်ၸီႇယၢင်ႇဝႆႉဢၼ်ၵဝ်ႁေႃးလၢတ်ႈတီႈသူဝၼ်းမိူဝ်ႈၼႆႉၸိူဝ်းၼၼ်ႉႁႂ်ႈသူလႆႈသွၼ်ဢဝ်လႄႈပႂ်ႉၵမ်ပႂ်ႉၸွမ်းတႃႉ။
၂ ထႃႇဝရႃႉၽြႃးၽြႃးပဵၼ်ၸဝ်ႈႁဝ်းႁဵတ်းပတိၺိၼ်ႇလူၺ်ႈၵၼ်တင်းႁဝ်းၵႃႈတီႈလွႆႁေႃႇရပ်ႉၼၼ်ႉဢေႃႈ။
၃ ပတိၺိၼ်ႇတြႃးၼၼ်ႉၸိုင်ထႃႇဝရႃႉၽြႃးႁဵတ်းလူၺ်ႈၵၼ်တင်းပူႇမွၼ်ႇႁဝ်းၸိူဝ်းၼၼ်ႉၵူၺ်းဢမ်ႇၸႂ်ႈ။မၼ်းၸဝ်ႈႁဵတ်းလူၺ်ႈၵၼ်တင်းႁဝ်းၸိူဝ်းဢၼ်ဢသၢၵ်ႈလိပ်းယူႇလႄႈမီးယူႇၵႃႈတီႈၼႆႉဝၼ်းမိူဝ်ႈၼႆႉၵႃႈမီးၼႆႉဢေႃႈ။
၄ ထႃႇဝရႃႉၽြႃးတေႃႇၼႃႈၵၼ်တင်းသူသေလႄႈမီးဢမိင်ႉဢွၵ်ႇသေၵႃႈၼႂ်းၽႆးၵႃႈၼိူဝ်လွႆၼၼ်ႉဢေႃႈ။
၅ မိူဝ်ႈၼၼ်ႉၵဝ်ၸုၵ်းယူႇၵႃႈၼႂ်းၵႄႈဝူင်ႈၵၢင်ထႃႇဝရႃႉၽြႃးတင်းသူႁႂ်ႈလႆႈဢဝ်ဢမိင်ႉထႃႇဝရႃႉၽြႃးၼပျေႃးတီႈသူၵွပ်ႈပိူဝ်ႈဢၼ်သူၵူဝ်ၽႆးၼၼ်ႉလႄႈဢမ်ႇႁတ်းၶိုၼ်ႈၵႃႈၼိူဝ်လွႆၼၼ်ႉဢေႃႈ။
၆ ၵႂၢမ်းဢၼ်မၼ်းၸဝ်ႈမီးဢမိင်ႉဝႆႉလႄႈဝႃႈၸမ်း၊-ၵဝ်ပဵၼ်ထႃႇဝရႃႉၽြႃးၽြႃးပဵၼ်ၸဝ်ႈသူဢၼ်ၼုၵ်ႈဢဝ်သူဢွၵ်ႇသေၵႃႈၼႂ်းမိူင်းဢေႇၵႅပ်ႉတုတီႈဢၼ်သူလႆႈၶၢမ်ႇႁဵတ်းၶႃႈၼၼ်ႉဢေႃႈ။
၇ လိူဝ်သေၵဝ်ၼႆႉယႃႇပေၵူဝ်းၵႂၢႆႇၽြႃးတၢင်ႇသူႇတၢင်ႇပႃး။
၈ ယႃႇပေႁဵတ်းရုၵ်ႉထုသင်းထုပုင်ႇႁၢင်ႊၶိုင်ပိုင်ႈဢၼ်မီးၵႃႈၼိူဝ်တီႈၽႃႉၵၢင်ႁၢဝ်ဢၼ်မီႈၵႃႈတႂ်ႈတီႈလိၼ်မိူင်းဢၼ်မီးၵႃႈၼႂ်းၼမ်ႉတႂ်ႈလိၼ်မိူင်းၸိူဝ်းၼၼ်ႉပုၼ်ႈတူဝ်ၸဝ်ႈၵဝ်ႇ။
၉ ယႃႇပေၵူမ်ႈႁူဝ်ၵွမ်းႁူဝ်တီႈၶဝ်။ယႃႇပေႁဵတ်းဝူတ်ႈႁဵတ်းဝၢတ်ႈတီႈၶဝ်။လွင်ႈမၼ်းၸမ်းၵဝ်ထႃႇဝရႃႉၽြႃးၽြႃးပဵၼ်ၸဝ်ႈသူၼႆႉပဵၼ်ၽြႃးဢၼ်ႁၵ်ႉၶႅၼ်ၽြႃးဢၼ်ၸီႇယၢင်ႇတႅၼ်းပၼ်ဢပျႅတ်ႈပေႃႈတင်းလၢႆတီႈလုၵ်ႈလၢင်းၸိူဝ်ႉၶိူဝ်းၶဝ်ၸိူဝ်းဢၼ်ၸင်းၵဝ်သိုပ်ႇသိုပ်ႇတၢမ်ႈတၢမ်ႈတေႃႇထိုင်ႁွတ်ႈသိုပ်ႇတတိယသိုပ်ႇၸတုၵ်ႉထၼၼ်ႉဢေႃႈ။
၁၀ ၽြႃးပဵၼ်ၸဝ်ႈၼပျေႃးၵရူႉၼႃႇတီႈၸိူဝ်ႉၶိူဝ်းၶဝ်ဢၼ်ႁၵ်ႉၵဝ်ၼၼ်ႉလႄႈၵမ်ၵျၢင်ႉပိင်းၺၢပ်ႈၵဝ်တင်းလၢႆၼၼ်ႉသိုပ်ႇသိုပ်ႇတၢမ်ႈတၢမ်ႈတေႃႇထိုင်ႁွတ်ႈႁဵင်သိုပ်ႇမိုၼ်သိုပ်ႇဢေႃႈ။
၁၁ ယႃႇပေၼပ်ႉတေႃဢဝ်ၼႃႇမႃႉၸိုဝ်သဵင်ထႃႇဝရႃႉၽြႃးၽြႃးပဵၼ်ၸဝ်ႈသူလၢတ်ႈဝႃႈလၢႆလၢႆလွၵ်ႇလွၵ်ႇလွင်ႈမၼ်းၸမ်းထႃႇဝရႃႉၽြႃးဢမ်ႇမၢတ်ႈၵေႃႉဢၼ်ၼပ်ႉတေႃႈဢဝ်ၼႃႇမႃႉၸိုဝ်သဵင်ၸဝ်ႈလၢတ်ႈဝႃႈလၢႆလၢႆလွၵ်ႇလွၵ်ႇၼၼ်ႉဢမ်ႇမီးဢပျႅတ်ႈၼၼ်ႉ။
၁၂ ပႂ်ႉဝၼ်းၵမ်သိၼ်ႁႂ်ႈဝၼ်းၼၼ်ႉလႆႈမူတ်းၸၢင်ႇၸွမ်းၼင်ႇဢၼ်ၽြႃးပဵၼ်ၸဝ်ႈသူသင်ႇလၢတ်ႈဝႆႉတီႈသူၼၼ်ႉတႃႉ။
၁၃ ၼႂ်းႁူၵ်းဝၼ်းၵႆႉၵျူဝ်းၸႃးလႄႈႁဵတ်းတၢင်းႁဵတ်းၵူႈၸိူဝ်ႉၵူႈပိူင်တႃႉ။
၁၄ ဝၼ်းသတ်ႉထမပဵၼ်ဝၼ်းၵမ်သိၼ်ထႃႇဝရႃႉၽြႃးပဵၼ်ၸဝ်ႈသူဢေႃႈ။ၼႂ်းဝၼ်းၼၼ်ႉၸႃႉၸဵမ်သူလႄႈလုၵ်ႈၸၢႆးသူ၊လုၵ်ႈယိင်သူ၊ၶႃႈၵူၼ်းၸၢႆးသူ၊ၶႃႈၵူၼ်းယိင်းသူ၊ဝူဝ်းသူ၊လီႈသူ၊တရိၵ်ႉသၢၼ်ႇသူ၊တင်းၶႅၵ်ႇသူဢၼ်မီးယူႇၵႃႈၼႂ်းၽၢၵ်းတူႁိူၼ်းသူၼၼ်ႉဢမ်ႇလႆႈႁဵတ်းၵၢၼ်တၢင်းႁဵတ်း။ၸိူဝ်ႉၼင်ႇဢၼ်သူလႆႈယူႇၼိမ်ၼိမ်လီလီယူႇၼၼ်ႉ၊ၶႃႈၵူၼ်းၸၢႆးၶႃႈၵူၼ်းယိင်းသူၸိူဝ်းၼၼ်ႉၵေႃႈတၵ်းလႆႈယူႇၼိမ်ၼိမ်လီလီဢေႃႈ။
၁၅ ၶုၵ်းၸႂ်လႆႈၶႆႈၸႂ်ထူပ်းလွင်ႈဢၼ်သူလႆႈၶၢမ်ႇႁဵတ်းၶႃႈၵႃႈၼႂ်းမိူင်းဢေႇၵႅပ်ႉတုၼၼ်ႉဢိၵ်ႇတင်းလွင်ႈဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူဢဝ်တင်းမိုဝ်းမၼ်းၸဝ်ႈဢၼ်ႁႅင်းယႂ်ႇၼႃႇႁဵတ်းဢိၵ်ႇတင်းတၢင်းဢၼ်ၽႅတ်းၶႅၼ်ၽႅတ်းမိုဝ်းမၼ်းၸဝ်ႈလႄႈၼုၵ်ႈဢဝ်သူဢွၵ်ႇသေၵႃႈၼႂ်းမိူင်းၼၼ်ႉၸိူဝ်းၼၼ်ႉတႃႉ။ၵွပ်ႈပိူဝ်ႈလွင်ႈတၢင်းၼၼ်ႉလႄႈထႃႇဝရႃႉၽြႃးၽြႃးပဵၼ်ၸဝ်ႈသူသင်ႇလၢတ်ႈဝႆႉတီႈသူႁႂ်ႈသူပႂ်ႉဝၼ်းၵမ်သိၼ်ဢေႃႈ။
၁၆ လွင်ႈၼင်ႇႁိုဝ်ဢသၢၵ်ႈသူတၵ်းယိုၼ်ႈယၢဝ်းလႄႈသူတၵ်းလႆႈလီလႆႈပဵၼ်ၵႃႈၼႂ်းမိူင်းဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူပၼ်ၼၼ်ႉၸိုင်ႁဵတ်းရူဝ်ႇသေႇၵူဝ်ယမ်ပေႃႈမေႈသူၸွမ်းၵႃႈၼင်ႇဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူသင်ႇလၢတ်ႈဝႆႉၼၼ်ႉတႃႉ။
၁၇ ယႃႇပေဢဝ်ဢသၢၵ်ႈၵူၼ်းတၢႆ။
၁၈ ယႃႇပေၽိတ်းပိူင်ႈမေးပိူၼ်ႈ။
၁၉ ယႃႇပလေၵ်ႉဢုၵ်ႉၸႃႇၶူဝ်းလဵင်းပိူၼ်ႈ။
၂၀ ယႃႇပယေူႇၽၢႆႇၼိုင်ႈသေလႄႈၶၢမ်ႇသၢၵ်ႈသေႇဢၼ်ဢမ်ႇၸိုဝ်ႈဢမ်ႇၸႂ်ႈလူၺ်ႈလွင်ႈၵေႃႉဢၼ်ၸပ်းသိင်ႇၵၼ်တင်းတူဝ်ၸဝ်ႈၵဝ်ႇၼၼ်ႉ။
၂၁ ယႃႇပမေီးၸႂ်ဢၼ်ၸပ်းၸွႆးၶႂ်ႈလႆႈမေးၵေႃႉဢၼ်ၸၢပ်ႈသႅင်ႇၵၼ်တင်းတူဝ်ၸဝ်ႈၵဝ်ႇၼၼ်ႉ။ယႃႇပေမီးၸႂ်ဢၼ်ၶႂ်ႈလႆႈႁိူၼ်း၊ႁႆႊၼႃးၶႃႈၵူၼ်းၸၢႆး၊ၶႃႈၵူၼ်းယိင်း၊ဝူၼ်း၊လီႈ၊ဢုၵ်ႉၸႃႇၶူဝ်းလဵင်းၵေႃႉဢၼ်ၸၢပ်ႈသႅင်ႇၵၼ်တင်းတူဝ်ၸဝ်ႈၵဝ်ႇၼၼ်ႉသေၸိူဝ်ႉသေပိူင်၊ဝႃႈၼႆဢေႃႈ။
၂၂ ပိင်းၺၢပ်ႈၸဝ်ႈၼၼ်ႉၸိုင်ထႃႇဝရႃႉၽြႃးဢဝ်တင်းသဵင်ဢၼ်ယႂ်ႇၼႃႇလူင်လၢင်မီးဢမိင်ႉဢွၵ်ႇသေၵႃႈၼႂ်းၽႆးၽႃႉၽူၼ်ဢၼ်လပ်းသိင်ႇဢၼ်ၼႃတၼ်ၼႃႇၵႃႈၼိူဝ်လွႆၼၼ်ႉၸူးတီႈသူပရိၵ်ႈသၢတ်ႈတင်းသဵင်ႈတင်းလူင်ဢေႃႈ။မၼ်းၸဝ်ႈဢမ်ႇထၢပ်ႈလႄႈမီးဢမိင်ႉထႅင်ႈ။ၵႂၢမ်းမၼ်းၸဝ်ႈၼၼ်ႉၵေႃႈမၼ်းၸဝ်ႈတႅမ်ႈသႂ်ႇၵႃႈၼိူဝ်ၶႅပ်းမၢၵ်ႇႁိၼ်သွင်ၽႅၼ်ႇလႄႈဢဝ်ဢၢပ်ႈပၼ်တီႈၵဝ်ဢေႃႈ။
၂၃ မိူဝ်ႈဢၼ်သူငိၼ်းသဵင်ၵႂၢမ်းဢွၵ်ႇသေၵႃႈၼႂ်းၵေႈၵၢင်လပ်းသိင်ႇလႄႈပၢႆၸိၵ်းလွႆမီးတၢင်းဢၼ်မႆႈၽႆးယူႇၼၼ်ႉၸိုင်ႈသူၵႃႈဢၼ်ပဵၼ်ၶုၼ်ၵႃႈတီႈမဵဝ်းသူတင်းလၢႆဢိၵ်ႇတင်းၶဝ်ၸိူဝ်းဢၼ်ပဵၼ်ၵေႇပဵၼ်ႁူဝ်သူတင်းသဵင်ႈတင်းလူင်ဢွၼ်ၵၼ်သုတ်ႉၸပ်းသုတ်းၸူးၵႃႈတီႈၵဝ်သေလႄႈလဝ်ႈဝႃႈ၊-
၂၄ တူၺ်းလူ၊ထႃႇဝရႃႉၽြႃးၽြႃးပဵၼ်ၸဝ်ႈႁဝ်းၶႃႈၼေပျႃးမုၼ်ၽုင်းတၼ်းၶူဝ်းဢႃႇၼုၽေႃႇမၼ်းၸဝ်ႈတီႈႁဝ်းၶႃႈၶႃႈယဝ်ႉ။ႁဝ်းၶႃႈလႆႈငိၼ်းသဵင်မၼ်းၸဝ်ႈဢွၵ်ႇသေၵႃႈၼႂ်းၽႆးၼၼ်ႉၶႃႈယဝ်ႉ။ဝၼ်းမိူဝ်ႈၼႆႉႁဝ်းၶႃႈလႆႈႁူႉလႆႈႁၼ်လွင်ႈဢၼ်ၽြႃးပဵၼ်ၸဝ်ႈလၢတ်ႈၵႂၢမ်းတေႃႇၵၼ်တင်းၵူၼ်းသေၵေႃႈၵူၼ်းယင်းဢသၢၵ်ႈလိပ်းယူႇၼၼ်ႉၶႃႈယဝ်ႉ။
၂၅ ပိူဝ်ႈၼႆလႄႈၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈႁဝ်းၶႃႈတၵ်းလႆႈတၢႆမိူဝ်ႈလဵဝ်ၼႆႉၶႃႈ။ၽႆးဢၼ်ယႂ်ႇၼႃၼႆႉတၵ်းမႆႈႁဝ်းၶႃႈသုတ်းပႅတ်ႈၶႃႈဢေႃႈ။ပေႃးႁဝ်းၶႃႈသမ်ႉငိၼ်းသဵင်ဢၼ်ထႃႇဝရႃႉၽြႃးၽြႃးပဵၼ်ၸဝ်ႈႁဝ်းၶႃႈမီးဢမိင်ႉၼၼ်ႉထႅင်ႈၸိုင်ႈႁဝ်းၶႃႈတၵ်းတၢႆၶႃႈဢေႃး။
၂၆ ၼႂ်းၵူၼ်းသတ်ႉတဝႃႇတင်းသဵင်ႈတင်းလူင်ၵေႃႉလႂ်လႆႈငိၼ်းသဵင်ၽြႃးပဵၼ်ၸဝ်ႈဢွၵ်ႇသေၵႃႈၼႂ်းၽႆးလႄႈဢသၢၵ်ႈလိပ်းယူႇမိူၼ်ၸိူဝ်ႉၼင်ႇႁဝ်းၶႃႈလႆႈငိၼ်းလႄႈဢသၢၵ်ႈလိပ်းယူႇၶႃႈ။
၂၇ သုတ်းၸပ်းသုတ်းၸူလႄႈထွမ်ႇငိၼ်းၵႃႈဢၼ်ထႃႇဝရႃႉၽြႃးၽြႃးပဵၼ်ၸဝ်ႈႁဝ်းၶႃႈမီးဢမိင်ႉၼၼ်ႉသေၵမ်းၶႃႈ။ဢဝ်ၵႃႈဢၼ်ထႃႇဝရႃႉၽြႃးၽြႃးပဵၼ်ၸဝ်ႈႁဝ်းၶႃႈမီးဢမိင်ႉတီႈၸဝ်ႈႁဝ်းၼၼ်ႉသေလႄႈသင်ႇလၢတ်ႈတီႈႁဝ်းၶႃႈသေၵမ်းၶႃႈ။ႁဝ်းၶႃႈတၵ်းဢွၼ်ၵၼ်ထွမ်ႇဢဝ်လႄႈႁဵတ်းၸွမ်းၶႃႈဢေႃႈ၊ဝႃႈၼင်ႇၼႆဢေႃႈ။
၂၈ ၼင်ႇၼၼ်လႄႈထႃႇဝရႃႉၽြႃးငိၼ်းၵႂၢမ်းဢၼ်သူလၢတ်ႈတီႈၵဝ်ၼၼ်ႉဢေႃႈ။ထႃႇဝရႃႉၽြႃးမီးဢမိင်ႉတီႈၵဝ်လႄႈဝႃႈ၊-ၵဝ်လႆႈငိၼ်းသဵင်ၵႂၢမ်းဢၼ်ၵူၼ်းတင်းလၢႆလၢတ်ႈတီႈသူၼၼ်ႉယဝ်ႉ။ၵႂၢမ်းဢၼ်ၶဝ်လၢတ်ႈၵႃႈမီးၼၼ်ႉပဵၼ်ဢၼ်ထုၵ်ႇဢၼ်လီဢေႃႈ။
၂၉ ဢိူဝ်ႈ။ၵဝ်မီႈဢလူဝ်ႇၶႆႈႁႂ်ႈၶဝ်မီးႁူဝ်ၸႂ်ဢၼ်ရူဝ်ႇသေႇၵူဝ်ယမ်ၵဝ်လႄႈပႂ်ႉၵမ်ပႂ်ႉၸွမ်းပိင်းၺၢပ်ႈၵဝ်ၵႃႈမီးၸိူဝ်ႉၼၼ်ႉတႃႇသေႇႁႂ်ႈၶဝ်ဢိၵ်တင်းလုၵ်ႈလၢင်းၶဝ်သိုပ်ႇသိုပ်ႇတၢမ်ႈတၢမ်ႈတၵ်းလႆႈၵတ်းယဵၼ်ၶျၢၼ်းသႃႇယဝ်ႉ။
၃၀ သူၵႂႃႇလႄႈလၢတ်ႈတီႈၶဝ်လႄႈဝႃႈ၊-သူၶိုၼ်ႈမိူဝ်းၵႂႃႇၵႃႈတီႈသုမ်ႉထဵင်မုဝ်းၵႃႇသူသတေႃႉ၊ဝႃႈၼင်ႇၼႆတႃႉ။
၃၁ မႂ်းၸမ်းၸုၵ်းယူႇၵႃႈတီႈႁိမ်းၵဝ်ၵႃႈတီႈၼႆႉတႃႉ။ၵဝ်တၵ်းဢွၵ်ႇသူပ်းလၢတ်ႈပၼ်ပိင်းၺၢပ်ႈဢိၵ်ႇတင်းထုင်းၽိင်ႈတၢင်းဢၼ်ၸီႇယၢင်ႇဝႆႉတင်းလၢႆဢၼ်သူတၵ်းလႆႈသင်ႇသွၼ်ပၼ်တီႈၶဝ်ပုၼ်ႈဢၼ်ၶဝ်တၵ်းလႆႈၵမ်ၵျၢင်ႉၵႃႈတီႈမိူင်းဢၼ်ၵဝ်ပၼ်တီႈၶဝ်ဢၼ်တၵ်းပိူင်ႇၼၼ်ႉဢေႃႈ၊ဝႃႈၼင်ႇၼႆဢေႃႈ။
၃၂ ပိူဝ်ႈၼႆလႄႈသူတၵ်းလႆႈဢွၼ်ၵၼ်ပႂ်ႉႁႂ်ႈလႆႈၵျၢင်ႉၵမ်ၸွမ်ႈၵႃႈၼင်ႇဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူသင်ႇလၢတ်ႈဝႆႉတီႈသူၼၼ်ႉဢေႃႈ။ဢမ်ႇလႆႈဝႄႈၵႂႃႇပိူင်ႈၵႂႃႇၵႂႃႇတီႈၽၢႆႇၶႂႃႇၽၢႆႇသၢႆႉ။
၃၃ သူတၵ်းလႆႈၸွမ်းၵႂႃႇၸွမ်းပႆၵႃႈၼႂ်းသဵၼ်တၢင်းဢၼ်ထႃႇဝရႃႉၽြႃးၽြႃးပဵၼ်ၸဝ်ႈႁဝ်းသင်ႇလၢတ်ႈဝႆႉၼၼ်ႉတင်းသဵင်ႈတင်းမူတ်းႁႂ်ႈသူလႆႈဢသၢၵ်ႈလိပ်းယူႇလႆႈလီလႆႈပဵၼ်ယူႇသေလႄႈဢသၢၵ်ႈယိုၼ်းယၢဝ်းယူႇၵႃႈၼႂ်းမိူင်းဢၼ်သူတၵ်းၶဝ်ႈၸၢမ်ႇၸႃးၼၼ်ႉဢေႃႈ။