Chapter
၂၀
ၶိုၼ်ႈသိုၵ်း
၁ မိူဝ်ႈဢၼ်သူဢွၵ်ႇႁႂ်ႈလႆႈတိုၵ်းသိုၵ်းၵၼ်တင်းရၢၼ်ႇသူႇသူၼၼ်ႉပေႃးသူႁၼ်မႃႉ၊လေႃႉရထႃး၊ၵူၼ်းဢၼ်ယိင်ႈၶႅၼ်းႁႅင်းယႂ်ႇၼႃႇသသေူၼၼ်ႉၸိုင်ယႃႇပေၵူဝ်ပေႁေ။လွင်ႈမၼ်းၸမ်းထႃႇဝရႃႉၽြႃးၽြႃးပဵၼ်ၸဝ်ႈသူဢၼ်ၼုၵ်ႈဢဝ်သူဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃးၼၼ်ႉမီးယူႇလူၺ်ႈၵၼ်တင်းသူဢေႃႈ။
၂ မိူဝ်ႈဢၼ်ၶိင်ႇဢၼ်တိုၵ်းသိုၵ်းၸမ်မႃးၼၼ်ႉၸိုင်ယိတ်ႉပရေႃးႁိၵ်ႈတၵ်းလႆႈသုတ်ႉၸပ်းသုတ်ႉၸူးလႄႈလၢတ်ႈတီႈၵူၼ်းတင်းလၢႆလႄႈဝႃႈ၊-
၃ မဵဝ်းဢိသရေႇလဢူၺ်း၊ဝၼ်းမိူဝ်ႈၼႆႉသူသုတ်ႉၸပ်းသုတ်ႉၸူးႁႂ်ႈလႆႈတိုၵ်းသိုၵ်းၵၼ်တင်းရၢၼ်ႇသူႇသူယဝ်ႉလႄႈယႃႇပမေီးတၢင်းဢၼ်ၸႂ်လူႉ။
၄ ယႃႇပေၵူဝ်ပေႁေ။ယႃႇပေသၼ်ႇပေဝႆ။ယႃႇပေတူၵ်းၸႂ်လႆႈတိုၼ်ႇၵွပ်ႈပိူဝ်ႈၶဝ်ၼၼ်ႉ။လွင်ႈမၼ်းၸမ်းထႃႇဝရႃႉၽြႃးၽြႃးပဵၼ်ၸဝ်ႈသူၼၼ်ႉပဵၼ်ၸဝ်ႈဢၼ်ၵႂႃႇလူၺ်ႈၵၼ်တင်းသူႁႂ်ႈလႆႈတိုၵ်းသိုၵ်းၵၼ်တင်းရၢၼ်ႇသူႇသူပုၼ်ႈသူလႄႈၵႄႇသႄႇၶျွတ်ႈဢဝ်သူယဝ်ႉ၊ဝႃႈၼင်ႇၼႆဢေႃႈ။
၅ ပူဝ်ႇၶဝ်ၵေႃႈတၵ်းလႆႈလၢတ်ႈတီႈၵူၼ်းသိုၵ်းလႄႈဝႃႈ၊ပေႃးမီးၵေႃႉဢၼ်ႁဵတ်းႁိူၼ်းမႂ်ႇယဝ်ႉလႄႈဢမ်ႇပႆႇလႆႈသၢၵ်ႈၵၢပ်ႈၶိုၼ်ႈႁိူၼ်းမႂ်ႇၸိုင်ႁႂ်ႈမၼ်းၶိုၼ်းၵႂႃႇၸူးၵႃႈတီႈႁိူၼ်းမၼ်းသေ။ပေႃးဢမ်ႇၼၼ်ၵူဝ်မၼ်းတၵ်းတၢႆၼႂ်းသိုၵ်းလႄႈပိူၼ်ႈတၢင်ႇၵေႃႉတၵ်းၶိုၼ်ႈႁိူၼ်းမႂ်ႇမၼ်းၼၼ်ႉဢေႃႈ။
၆ ပေႃးမီးၵေႃႉဢၼ်ၽုၵ်ႇသွမ်ႈသူၼ်မၢၵ်ႇၸပိတ်ႉလႄႈဢမ်ႇပႆႇလႆႈၵိၼ်မၢၵ်ႇမၼ်းၸိုင်ႁႂ်ႈမၼ်းၶိုၼ်းမိူဝ်ႈၵႂႃႇၵႃႈတီႈႁိူၼ်းမၼ်းသေ။ၵူဝ်မၼ်းတၵ်းတၢႆၼႂ်းသိုၵ်းၼၼ်ႉလႄႈပိူၼ်ႈတၢင်ႇၵေႃႉတၵ်းၵိၼ်မၢၵ်ႇမၼ်းဢေႃႈ။
၇ ပေႃးမီးၵေႃႉဢၼ်မၢႆၵၼ်တင်းမေႈယိင်းဝႆႉလႄႈဢမ်ႇပႆႇလႆႈဢဝ်ၸိုင်ႁႂ်ႈမၼ်းၶိုၼ်းမိူဝ်းၵႂႃႇတီႈႁိူၼ်းမၼ်းသေ။ၵူဝ်မၼ်းတၵ်းၼႂ်းသိုၵ်းလႄႈပိူၼ်ႈတၢင်ႇၵေႃႉတၵ်းသိမ်းဢဝ်မေႈယိင်းၼၼ်ႉဢေႃႈ၊ဝႃႈၼင်ႇၼႆဢေႃႈ။
၈ ပူဝ်ႇၸိူဝ်းၼၼ်ႉတၵ်းသမ်ႉလႆႈလၢတ်ႈတီႈၵူၼ်းတင်းလၢႆထႅင်ႈလႄႈဝႃႈ၊ပေႃးမီးၵေႃႉဢၼ်မီးၸႂ်ၵူဝ်ၸႂ်ႁလေႄႈၸႂ်လူႉၼၼ်ႉႁႂ်ႈမၼ်းၶိုၼ်းမိူဝ်းၵႂႃႇၵႃႈတီႈႁိူၼ်းမၼ်းသေ။ပေႃးဢမ်ႇၼၼ်ၸႂ်ပီႈၼွင်ႉမၼ်းၸၢင်ႊၸိုမ်းယၢႆႈၵႂႃႇမိူၼ်ၸိူဝ်ႉၼင်ႇၸႂ်မၼ်းၼၼ်ႉဢေႃႈ၊ဝႃႈၼင်ႇၼႆဢေႃႈ။
၉ ဝၢႆးသေပူဝ်ႇၸိူဝ်းၼၼ်ႉလၢတ်ႈတီႈၵူၼ်းတင်းလၢႆယဝ်ႉတူဝ်ႈယဝ်ႉၶဝ်တၵ်းလႆႈၶၢၼ်းတပ်ႉမူးပူဝ်ႇပႃႇဢၼ်တၵ်းပဵၼ်ႁူဝ်ၵူၼ်းတင်းလၢႆဢေႃႈ။
၁၀ မိူဝ်ႈဢၼ်သူသုတ်ႉၸပ်းသုတ်ႉၸူးဝဵင်းသေဝဵင်းႁႂ်ႈလႆႈတိုၵ်းသိုၵ်းၼၼ်ႉၸိုင်တၵ်းလႆႈႁွင်ႉပၢဝ်ႇႁွင်ႉလၢတ်ႈထိုင်ၵူၼ်းတီႈဝဵင်းၼၼ်ႉႁႂ်ႈလႆႈပဵၼ်တၢင်းဢၼ်ထၢတ်ႇသိုၵ်းယဵၼ်သိုၵ်းဢေႃႈ။
၁၁ ပေႃးၵူၼ်းဝဵင်းၼၼ်ႉၶိုၼ်းလၢတ်ႈၵႂၢမ်းဢၼ်ထၢတ်ႇသိုၵ်းယဵၼ်သိုၵ်းလႄႈၽုၺ်ႇၽၵ်းတူဝဵင်းပၼ်သူၸိုင်ၵူၼ်းၵႃႈဢၼ်မီးၵႃႈၼႂ်းဝဵင်းၼၼ်ႉတၵ်းလႆႈသၢၵ်ႈၶွၼ်ႇပၼ်ၶွၼ်ႇတီႈသူလႄႈၶၢမ်ႇတၢင်းဢၼ်သူၸႂ်ႉဢေႃႈ။
၁၂ ပေႃးၶဝ်ယင်းဢမ်ႇလၢတ်ႈၵႂၢမ်းဢၼ်ပျေႇသိုၵ်းယဵၼ်သိုၵ်းတီႈသူလႄႈတိုၵ်းသိုၵ်းၵၼ်တင်းသူၸိုင်သူတၵ်းလႆႈလွမ်ႉႁွပ်ႈဝဵင်းၼၼ်ႉဢေႃႈ။
၁၃ မိူဝ်ႈဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူဢဝ်ဝဵင်းၼၼ်ႉဢၢပ်ႈပၼ်ၵႃႈတီႈၼႂ်းမိုဝ်းသူၼၼ်ႉၸိုင်သူတၵ်းလႆႈဢဝ်ၵူၼ်းၸၢႆးၵႃႈမီးတၢႆလူၺ်ႈၶူမ်းလၢပ်ႇၶူမ်းလႅဝ်းဢေႃႈ။
၁၄ သူတၵ်းလႆႈသိမ်းဢဝ်မေႈယိင်းလႂ်၊လုၵ်ႈဢွၼ်ႇလႂ်၊တရိၵ်ႈသၢၼ်ႇလႂ်၊ဢုၵ်ႉၸႃႇၵႃႈဢၼ်မီးၵႃႈၼႂ်းဝဵင်းဢၼ်ဝႃႈဢုၵ်ႉၸႃႇဢၼ်ႁိမ်လႆႈၸိူဝ်းၼၼ်ႉပုၼ်ႈသူလႄႈၵိၼ်ဢုၵ်ႉၸႃႇၵႃႈဢၼ်လႆႈၵႃႈၼႂ်းဝဵင်းမိူင်းရၢၼ်ႇသူႇသူဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူဢဝ်ဢၢပ်ႈပၼ်တီႈသူၼၼ်ႉဢေႃႈ။
၁၅ ၼႆၸမ်းပဵၼ်လွင်ႈတၢင်းဢၼ်သူတၵ်းလႆႈႁဵတ်းတီႈဝဵင်းဢၼ်ၵႆၵၼ်တင်းသူဢၼ်ဢမ်ႇၶဝ်ႈပႃးၼႂ်းမိူင်းၵူၼ်းမဵဝ်းႁိမ်းႁွမ်းၸိူဝ်းၼၼ်ႉဢေႃႈ။
၁၆ ၼႂ်းဝႃႈၼၼ်သေၵေႃႈၵႃႈၼႂ်းဝဵင်းဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူပၼ်ပုၼ်ႈဢၼ်သူတၵ်းၶၢမ်ႇဢမူၺ်ႇၸိူဝ်းၼၼ်ႉၸမ်းယႃႇႁႂ်ႈၵူၼ်းသတ်ႉတဝႃႇဢၼ်ထူၺ်ႈၸႂ်ယူႇၼၼ်ႉလႆႈဢသၢၵ်ႈလိပ်းယူႇသေၵေႃႉသေၵူၼ်း။
၁၇ သူတၵ်းလႆႈယႃႉၽဵဝ်ႈပႅတ်ႈၵူၼ်းမဵဝ်းႁိတ်ႉတိ၊ၵူၼ်းဢႃႇမေႃးရိ၊ၵူၼ်းၶႃႇၼၼိ၊ၵူၼ်းၽေႇရၸိ၊ၵူၼ်းႁိဝိ၊ၵူၼ်းယေႇပုသိၸိူဝ်းၼၼ်ႉမူတ်းမူတ်းသဵင်ႈသဵင်ႈၸွမ်းၵႃႈၼင်ႇဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူသင်ႇလၢတ်ႈဝႆႉတီႈသူၼၼ်ႉဢေႃႈ။
၁၈ ပေႃးဢမ်ႇၼၼ်ၶဝ်တေသွၼ်ပၼ်သူႁႂ်ႈသူလႆႈႁဵတ်းလွင်ႈတၢင်းဢၼ်လီႁင်ႈဢဵတ်ႇသဵတ်ႇဢၼ်ၶဝ်ႁဵတ်းတီႈၽြႃးၶဝ်ၸိူဝ်းၼၼ်ႉလႄႈသူတၵ်းၽိတ်းပိူင်ႈထႃႇဝရႃႉၽြႃးၽြႃးပဵၼ်ၸဝ်ႈသူၼၼ်ႉဢေႃႈ။
၁၉ မိူဝ်ႈဢၼ်သူလႆႈလွမ်ႉႁွပ်ႈဝဵင်းသေဝဵင်းဝဵင်းႁိုင်ၼႃႇႁႂ်ႈလႆႈတိုၵ်းဢဝ်ၼၼ်ႉၸိုင်သူဢမ်ႇလႆႈဢဝ်တႃမၢတ်ႇတႃမႅပ်းတီႇပွမ်ႈတႅပ်းၽၼ်းတူၼ်ႈမႆႉတင်းလၢႆ။လွင်ႈမၼ်းၸမ်းပဵၼ်တီႈဢၼ်သူၵိၼ်လႄႈသူဢမ်ႇလႆႈၽၼ်းလူမ်ႉ။တူၼ်ႈမႆႉဢၼ်ဢွၵ်ႇၵႃႈတီႈလိၼ်ၼၼ်ႉၸွင်ႇပဵၼ်ၵူၼ်းလႄႈသူတၵ်းလႆႈႁဵတ်းတၢင်းဢၼ်လွမ်ႉႁွပ်ႈၶဝ်ဝႆႉႁိုဝ်။
၂၀ ၵူၺ်းၵႃႈတူၼ်ႈမႆႉဢၼ်ဢမ်ႇၵိၼ်လႆႈဢမ်ႇမီးမၢၵ်ႇၼၼ်ႉၸိုင်သူမီးဢၶႂၢင်ႉဢၼ်လႆႈယႃႉပႅတ်ႈလႄႈၽၼ်းလူမ်ႉသေယဝ်ႉသုင်းတိုဝ်းႁဵတ်းၶိူင်ႈပိုင်ႈဢၼ်တိုၵ်းတေႃးဝဵင်းဢၼ်တိုၵ်းသိုၵ်းၵၼ်တင်းသူၼၼ်ႉတေႃႇထိုင်ႁွတ်ႈထၢၼ်ႈပေႃးဝဵင်းၼၼ်ႉတူၵ်းသုမ်းဢေႃႈ။