Chapter
၃၀
ၶိုၼ်းဝၢႆႇၼႃႈၸူးၽြႃးပဵၼ်ၸဝ်ႈလႄႈလႆႈမၢၵ်ႈမီးလီပဵၼ်
၁ မိူဝ်ႈဢၼ်လွင်ႈတၢင်းၸိူဝ်းၼႆႉၵႃႈမီးဢၼ်ဝႃၢႈင်းလီမၢင်ႇၵလႃႇဢိၵ်ႇတင်းဢႃႉမၢင်ႇၵလႃႇတၢင်းဢၼ်ၵိၼ်ႇဝႃႈဢၼ်ၵဝ်ဝႆႉၵႃႈတီႈၽၢႆႇၼႃႈသူမႃးယဝ်ႉၸိူဝ်းၼၼ်ႉႁွတ်ႈထိုင်ၵႃႈတီႈၼိူဝ်သူလႄႈသူလႆႈယူႇၵႃႈၼႂ်းမဵဝ်းၵူၼ်းၵူႈၸိူဝ်ႉၵူႈမဵဝ်းတီႈဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူ
၂ ဢဝ်သူႁေႃႈဢွၵ်ႇၸူးၸိူဝ်းၼၼ်ႉၸိုင်မိူဝ်ႈဢၼ်သူဢိၵ်ႇတင်းလုၵ်ႈလၢင်းသူၶုၵ်းၸႂ်လႆႈၶႆႈၸႂ်ထူပ်းလွင်ႈတၢင်းၸိူဝ်ႉၼၼ်သေယဝ်ႉပႃးတင်းၸႂ်သဵင်ႈသဵင်ႈႁူဝ်ၸႂ်သဵင်ႈသဵင်ႈသေလႄႈၶိုၼ်းမႃးၸူးၵႃႈတီႈထႃႇဝႃႉရၽြႃးၽြႃးပဵၼ်ၸဝ်ႈထွမ်ႇဢဝ်ၵႂၢမ်းမၼ်းၸဝ်ႈ
၃ ၸွမ်းၵႃႈၼင်ႇဢၼ်ၵဝ်သင်ႇလၢတ်ႈဝႆႉတီႈသူဝၼ်းမိူဝ်ႈၼႆႉၼၼ်ႉၸိုင်ထႃႇဝရႃႉၽြႃးၽြႃးပဵၼ်ၸဝ်ႈသူသမ်ႉတၵ်းပၼ်ၶိုၼ်းဢၼ်ပိူၼ်ႈသိမ်းဢဝ်ၵႂႃႇၼၼ်ႉသေလႄႈတၵ်းဢိတ်းလူသူသေယဝ်ႉႁႂ်ႈသူၶိုၼ်းလုၵ်ႉသေၵႃႈတီႈၵူၼ်းၵူႈၸိူဝ်ႉၵူႈမဵဝ်းမႃးၸူႉတွမ်ၵၼ်ဢေႃႈ။
၄ ပိၵ်ႉသမ်ႉၵူၼ်းသူၵမ်ႈၽွင်ႈလႆႈၶၢမ်ႇတၢင်းဢၼ်ႁေႃႈဢွၵ်ႇပႅတ်ႈတေႃႇထိုင်ႁွတ်ႈၵႃႈတီႈဢၼ်ၵႆၼႃႇသေပိူၼ်ႈတႂ်ႈၽႃႉၵၢင်ႁၢဝ်ၵေႃႈထႃႇဝရႃႉၽြႃးၽြႃးပဵၼ်ၸဝ်ႈသူတၵ်းၸူႉသိမ်းဢဝ်သူသေၵႃႈတီႈၼၼ်ႉလႄႈဢဝ်သူဢွၵ်ႇသေၵႃႈတီႈၼၼ်ႉမႃးဢေႃႈ။
၅ ထႃႇဝရႃႉၽြႃးၽြႃးပဵၼ်ၸဝ်ႈသူတၵ်းသမ်ႉဢဝ်သူၶိုၼ်းမႃးၵႃႈၼႂ်းမိူင်းဢၼ်ပူႇသူမွၼ်ႇသူၶဝ်ႈၸၢမ်ႇၸႃးၼၼ်ႉသေယဝ်ႉမၼ်းၸဝ်ႈတၵ်းသမ်ႉႁဵတ်းၵျေးၸူးတီႈသူလႄႈႁႂ်ႈသူယိင်ႈၶႅၼ်းယႂ်ႇၽႄႈၼမ်ၼႃလိူဝ်တွၼ်းသေပူႇမွၼ်ႇသူၸိူဝ်းၼၼ်ႉဢေႃႈ။
၆ မၼ်းၸဝ်ႈတၵ်းထိူဝ်ႁိမ်းပၢႆၼင်ႁူဝ်ၸႂ်သူဢိၵ်ႇတင်းႁူဝ်ၸႂ်ၸိူဝ်ႉၶိူဝ်းသူႁႂ်ႈလႆႈပႃးတင်းၸႂ်သဵင်ႈသဵင်ႈသေလႄႈႁၵ်ႉထႃႇဝရႃႉၽြႃးၽြႃးပဵၼ်ၸဝ်ႈသူႁႂ်ႈဢသၢၵ်ႈသူလႆႈလိပ်းဢေႃႈ။
၇ ထႃႇဝရႃႉၽြႃးၽြႃးပဵၼ်ၸဝ်ႈသူတၵ်းႁႂ်ႈဢႃႉမၢင်ႇၵလႃႇတၢင်းဢၼ်ၵိၼ်ႇဝႃႈၵႃႈမီးၸိူဝ်းၼၼ်ႉတူၵ်းႁွတ်ႈၵႃႈၼိူဝ်ရၢၼ်ႇသူႇသူဢိၵ်ႇတင်းၵႃႈၼိူဝ်ၶဝ်ၸိူဝ်းဢၼ်ၸင်းသူလႄႈၼိၵ်ႈၸၢၵ်ႈငိၼ်းသေးသူၸိူဝ်းၼၼ်ႉဢေႃႈ။
၈ သူတၵ်းလႆႈၶိုၼ်းမႃးလႄႈထွမ်ႇဢဝ်ၵႂၢမ်းထႃႇဝရႃႉၽြႃးသေယဝ်ႉပႂ်ႉၸွမ်းပိင်းၺၢပ်ႈၸဝ်ႈၵႃႈဢၼ်ၵဝ်သင်ႇလၢတ်ႈဝႆႉတီႈသူဝၼ်းမိူဝ်ႈၼႆႉၸိူဝ်းၼၼ်ႉဢေႃႈ။
၉ ပေႃးသူထွမ်ႇဢဝ်ၵႂၢမ်းထႃႇဝရႃႉၽြႃးၽြႃးပဵၼ်ၸဝ်ႈသူလႄႈပႂ်ႉၸွမ်းပိင်းၺၢပ်ႈၸဝ်ႈဢိၵ်ႇတင်းထုင်းၽိင်ႈတြႃးၸဝ်ႈဢၼ်တႅမ်ႈသႂ်ႇဝႆႉၵႃႈၼႂ်းၵျၢမ်းပိင်းၺၢပ်ႈတိၸိူဝ်းၼၼ်ႉသေယဝ်ႉပႃးတင်းၸႂ်သဵင်ႈသဵင်ႈဢိၵ်ႇတင်းႁူဝ်ၸႂ်သဵင်ႈသဵင်ႈသေလႄႈၶိုၼ်းၸူးထႃႇဝရႃႉၽြႃးၽြႃးပဵၼ်ပဵၼ်ၸဝ်ႈသူၸိုင်
၁၀ ထႃႇဝႃႉရၽြႃးၽြႃးပဵၼ်ၸဝ်ႈသူတၵ်းႁႂ်ႈသူတဵမ်ထူၼ်းလိူင်ႇၸႂ်ၼႂ်းၵႃႈဢၼ်သူဢဝ်မိုဝ်းႁဵတ်းၼၼ်ႉဢိၵ်ႇတင်းၼႂ်းမၢၵ်ႇတွင်ႉတူဝ်ၶၼ်ႇထႃႇသူမၢၵ်ႇတွင်ႉတရိၵ်ႉသၢၼ်ႇသူတင်းမၢၵ်ႇလိၼ်ႁူင်းလိၼ်သူၸိူဝ်းၼၼ်ႉပုၼ်ႈဢၵျူဝ်းသူဢေႃႈ။ထႃႇဝရႃႉၽြႃးတၵ်းၸူမ်းသိူဝ်းမူၼ်ႈပျေႃႇၼႂ်းသူပုၼ်ႈဢၵျူဝ်းသူမိူၼ်ၸိူဝ်ႉၼင်ႇဢၼ်မၼ်းၸဝ်ႈၸူမ်းသိူဝ်းမူၼ်ႈပျေႃႇၼႂ်းပူႇသူမွၼ်ႇသူၸိူဝ်းၼၼ်ႉဢေႃႈ။
ဢသၢၵ်ႈလႄႈတၢင်းတၢႆ
၁၁ ပိင်းၺၢပ်ႈတြႃးဢၼ်ၵဝ်သင်ႇလၢတ်ႈဝႆႉတီႈသူဝၼ်းမိူဝ်ႈၼႆႉၼၼ်ႉပဵၼ်တြႃးဢၼ်သူဢမ်ႇႁူႉၸႅင်ႈလႆႈဢမ်ၸႂ်ႈ။ၵႆၵၼ်တင်းသူဢမ်ႇၸႂ်။
၁၂ မီးၵႃႈတီႈၵၢင်ႁၢဝ်ပုၼ်ႉထၢၼ်ႈပေႃးႁႂ်ႈသူလႆႈတွင်ႈထၢမ်လႄႈဝႃႈ၊-ၽူႈလႂ်တၵ်းၶိုၼ်ႈၵႃႈၼိူဝ်ၵၢင်ႁၢဝ်သေလႄႈဢဝ်တြႃးၼၼ်ႉမႃးၵႃႈတီႈႁဝ်းႁႂ်ႈႁဝ်းလႆႈထွမ်ႇဢဝ်ပႂ်ႉၵမ်ပႂ်ႉၸွမ်းဝႃႈၼင်ႇၼႆၼၼ်ႉဢမ်ႇၸႂ်။
၁၃ မီးၵႃႈတီႈၽၢႆႇပုၼ်ႉပၢင်ႇလၢႆႇထၢၼ်ႈပေႃးႁႂ်ႈသူလႆႈတွင်ႈထၢမ်လႄႈဝႃႈ၊-ၽူႈလႂ်တၵ်းၶၢမ်ႈပၢင်ႇလၢႆႇၵႂႃႇသေလႄႈဢဝ်တြႃးၼၼ်ႉမႃးၵႃႈတီႈႁဝ်းႁႂ်ႈႁဝ်းလႆႈထွမ်ႇဢဝ်လႄႈပႂ်ႉၸွမ်း၊ဝႃႈၼင်ႇၼႆၼၼ်ႉဢမ်ႇၸႂ်ႈ။
၁၄ တြႃးၸဝ်ႈၼၼ်ႉမီးၸမ်ၵၼ်တင်းသူၼႃႇလူင်လၢင်လႄႈမီးယူႇၵႃႈၼႂ်းသူပ်းသူဢိၵ်ႇတင်းၵႃႈၼႂ်းႁူဝ်ၸႂ်သူပုၼ်ႈဢၼ်သူတၵ်းပႂ်ႉၵမ်ပႂ်ႉၸွမ်းဢေႃႈ။
၁၅ တူၺ်းလူ။ၵဝ်ဢဝ်တၢင်းဢၼ်ဢသၢၵ်ႈလိပ်းတင်းတၢင်းဢၼ်ၵတ်းယဵၼ်ၶျၢမ်းသႃႇဢိၵ်ႇတင်းတၢင်းဢၼ်တၢႆတင်းတၢင်းဢၼ်တုၵ်ႉၶႃႉၶၢၼ်ၸႂ်ဝႆႉၵႃႈတီႈၽၢႆႇၼႃႈသူဝၼ်းမိူဝ်ႈၼႆႉယဝ်ႉ။
၁၆ လွင်ႈၼင်ႇႁိုဝ်သူတၵ်းဢသၢၵ်ႈလိပ်းလႄႈယႂ်ႇၽႄႈၼမ်ၵိုၼ်းမႃးဢိၵ်ႇတင်းလွင်ႈၼင်ႇႁိုဝ်ထႃႇဝရႃႉၽြႃးၽြႃးပဵၼ်ၸဝ်ႈသူတၵ်းပၼ်တၢင်းလီတီႈသူၵႃႈၼႂ်းမိူင်းဢၼ်သူတၵ်းၵႂႃႇလႄႈၸၢမ်ႇၸႃးၼၼ်ႉၸိုင်ၵဝ်သင်ႇလၢတ်ႈဝႆႉတီႈသူလႄႈဝႃႈ၊-ႁၵ်ႉထႃႇဝရႃႉၽြႃးၽြႃးပဵၼ်ၸဝ်ႈသူသေလႄႈၸွမ်းသဵၼ်ႈတၢင်းမၼ်းၸဝ်ႈလႄႈပႂ်ႉၵမ်ပႂ်ႉၵျၢင်ႉပိင်းၺၢပ်ႈမၼ်းၸဝ်ႈဢိၵ်ႇတင်းထုင်းၽိင်ႈတြႃးမၼ်းၸဝ်ႈတင်းလွင်ႈတၢင်းဢၼ်မၼ်းၸဝ်ႈၸီႇယင်ႇဝႆႉၸိူဝ်းၼၼ်ႉတႃႉ၊ဝႃႈၼင်ႇၼႆဢေႃႈ။
၁၇ ပေႃးဢမ်ႇၼၼ်ပေႃးႁူဝ်ၸႂ်သူပိူင်ႈၵႂႃႇသေလႄႈသူယင်းဢမ်ႇထွမ်ႇဢမ်ႇဢဝ်လႄႈၸွမ်းတၢင်းဢၼ်ပိူၼ်ႈတိုၵ်းယူင်းၸူဝ်းဢဝ်ၼၼ်ႉသေလႄႈႁဵတ်းဝူတ်ႈၵူဝ်းၵွႆႇၽြႃးတၢင်ႇသူႇတၢင်ႇပႃးၸိုင်
၁၈ ၵဝ်ပၼ်သတိတီႈသူဝၼ်းမိူဝ်ႈၼႆႉလွင်ႈဢၼ်သူတၵ်းႁွတ်ႈထိုင်တၢင်းလူႉတၢင်းလႅဝ်ဢမၢၼ်ႇၶၼ်ႇပဵၼ်လႄႈၸူဝ်ႈဢသၢၵ်ႈသူတၵ်းဢမ်ႇယၢဝ်းဢမ်ႇယိုၼ်းၵႃႈၼႂ်းမိူင်းဢၼ်သူတၵ်းၶၢမ်ႈၼမ်ႉႁွင်ႊယေႃးတၢၼ်ႇၵႂႃႇလႄႈၶဝ်ႈၸၢမ်ႇၸႃးၼၼ်ႉဢေႃႈ။
၁၉ ၵဝ်ဢဝ်ၵၢင်ႁၢဝ်တင်းလိၼ်မိူင်းတိူင်ႇဝႃႈယူႇၽၢႆႇၼိုင်ႈတင်းသူလူၺ်ႈလွင်ႈဢၼ်ၵဝ်ဢဝ်တၢင်းဢၼ်ဢသၢၵ်ႈလိပ်းတင်းဢၼ်တၢႆတၢင်းဢၼ်ပၼ်တၢင်းလီတၢင်းဢၼ်ၵိၼ်ႇဝႃႈဝႆႉၵႃႈတီႈၽၢႆႇၼႃႈသူၼၼ်ႉဢေႃႈ။
၂၀ ပိူဝ်ႈၼႆလႄႈသူလိူၵ်ႈၵဵပ်းဢဝ်တၢင်းဢၼ်ဢသၢၵ်ႈလိပ်းႁႂ်ႈသူဢိၵ်ႇတင်းၸိူဝ်ႉၶိူဝ်းသူလႆႈဢသၢၵ်ႈလိပ်းယူႇသေလႄႈႁၵ်ႉထႃႇဝရႃႉၽြႃးၽြႃးပဵၼ်ၸဝ်ႈသူလႄႈထွမ်ႇဢဝ်ၵႂၢမ်းမၼ်းၸဝ်ႈလႄႈႁွႆႈၸပ်းယူႇတီႈမၼ်းၸဝ်ႈၵွပ်ႈပိူဝ်ႈဢၼ်မၼ်းၸဝ်ႈပဵၼ်တၢင်းဢၼ်သူဢသၢၵ်ႈလိပ်းတင်းတၢင်းဢၼ်ၸူဝ်ႈဢသၢၵ်ႈသူယၢဝ်းယိုၼ်းၼၼ်ႉဢိၵ်ႇတင်းႁႂ်ႈသူလႆႈယူႇၵႃႈၼႂ်းမိူင်းဢၼ်ထႃႇဝရႃႉၽြႃးတိူင်ႇဝႃႈဝႆႉတီႈပူႇမွၼ်ႇသူဢႃႇပႃႉႁမ်ႇ၊ဢိၸၵ်ႉ၊ယႃႇၵုပ်ႉၸိူဝ်းၼၼ်ႉလႄႈဝႃႈ၊တၵ်းပၼ်တီႈၶဝ်ဢေႃႈ၊ဝႃႈၼင်ႇၼႆၼၼ်ႉတႃႉ၊ဝႃႈၼင်ႇၼႆဢေႃႈ။