Chapter
၂၉
ပတိၺိၺ်ႇၸဝ်ႈၶိုၼ်းႁဵတ်းဢၼ်မႂ်ႇ
၁ ဢၼ်ၼႆႉၸမ်းပဵၼ်ၵႂၢမ်းပတိၺိၼ်ႇဢၼ်ထႃႇဝရႃႉၽြႃးသင်ႇလၢတ်ႈဝႆႉတီႈမုဝ်းသေႇႁႂ်ႈမၼ်းႁဵတ်းလူၺ်ႈၵၼ်တင်းၵူၼ်းမဵဝ်းဢိသရေႇလတင်းလၢႆၵႃႈၼႂ်းမိူင်းမေႃႇၽၼွၵ်ႈသပတေိၺိၼ်ႇဢၼ်ထႃႇဝရႃႉၽြႃးႁဵတ်းလူၺ်ႈၵၼ်တင်းၶဝ်ၵႃႈတီႈႁေႃႇရပ်ႉၼၼ်ႉဢေႃႈ။
၂ မုဝ်းသေႇႁွင်ႉဢဝ်ၵူၼ်းမဵဝ်းဢိသရေႇလတင်းသဵင်ႈတင်းလူင်သေလႄႈလၢတ်ႈတီႈၶဝ်လႄႈဝႃႈ၊-သူလႆႈႁၼ်ၵႃႈဢၼ်ထႃႇဝရႃႉၽြႃးႁဵတ်းသိုဝ်ႈၼႃႈတႂ်ႈတႃသူၵႃႈၼႂ်းမိူင်းဢေႇၵႅပ်ႉတုၵႃႈတီႈၸႃႉၸဵမ်ၶုၼ်ၽႃႇရေႃးလႄႈၶႃႈမၼ်းၵူၼ်းမၼ်းတင်းသဵင်ႈတင်းလူင်တင်းၵႃႈတီႈမိူင်းမၼ်းတင်းမိူင်း
၃ လွင်ႈတၢင်းဢၼ်ၸၢမ်းတူၺ်းဢၼ်ယႂ်ႇၼႃႇဢၼ်မၢၵ်ႇတႃသူလႆႈႁၼ်ၼီႉမိၵ်ႈလၢၵ်ႈၶၼႃႇတၼ်းၶူဝ်းဢၼ်လၢၵ်ႇလၢႆးဢၼ်ယႂ်ႇၼႃႇလူင်လၢင်တင်းလၢႆၸိူဝ်းၼၼ်ႉမႃးယဝ်ႉ။
၄ ၼႂ်းဝႃႈၼၼ်သေၵေႃႈထႃႇဝရႃႉၽြႃးယင်းဢမ်ႇပႆႇပၼ်ႁူဝ်ၸႂ်ဢၼ်ႁူႉလႆႈမၢၵ်ႇတႃဢၼ်ႁၼ်လႆႈႁူဢၼ်ငိၼ်းလႆႈၼၼ်ႉတီႈသူတေႃႇထိုင်ႁွတ်ႈဝၼ်းမိူဝ်ႈၼႆႉယဝ်ႉ။
၅ သီႇသိပ်းပီႊတဵမ်တဵမ်ၵဝ်သူင်ႇသူပူၼ်ႉၵႃႈၼႂ်းထိူၼ်ႇမႃးယဝ်ႉ။ၶူဝ်းၼုင်ႈသူဢၼ်သူၼုင်ႈမႆႊၼၼ်ႉဢမ်ႇၵဝ်ႇဢမ်ႇမွင်။ၶႅပ်းတိၼ်ဢၼ်သူတိုဝ်းၵေႃႈဢမ်ႇၵဝ်ႇဢမ်ႇမွင်။
၆ သူယင်းဢမ်ႇၵိၼ်ၶဝ်ႈမုၼ်းယင်းဢမ်ႇသူတ်ႉၼမ်ႉၸပိတ်ႉတင်းၼမ်ႉလဝ်ႈလႄႈယူႇႁႂ်ႈလႂ်ႈမီးဢၶႂၢင်ႉဢၼ်လႆႈႁူႉၸၵ်းလွင်ႈဢၼ်ၵဝ်ပဵၼ်ထႃႇဝရႃႉၽြႃးၽြႃးပဵၼ်ၸဝ်ႈသူၼၼ်ႉဢေႃႈ။
၇ မိူဝ်ႈဢၼ်သူႁွတ်ႈထိုင်ႈၵႃႈတီႈၼၼ်ႉသီႇႁူၼ်ႇ၊ၶုၼ်ႁေႃၶမ်းႁေႇသၽုၼ်ႇ၊တင်းဢေႃႇၶၶုၼ်ႁေႃၶမ်းပႃႇသၼ်ႇ၊ၸိူဝ်းၼၼ်ႉဢွၼ်ၵၼ်ဢွၵ်ႇမႃး
၈ ႁႂ်ႈလႆႈတိုၵ်းတေႃးယႃႉပႅတ်ႈၶဝ်သေယဝ်ႉ၊သိမ်းဢဝ်မိူင်းၶဝ်လႄႈပၼ်တီႈမဵဝ်းရူႉပိၼ်ႇမဵဝ်းၵတ်ႉမဵဝ်းမၼႃႇသေႇၶိုင်ႈၼိုင်ႈၼၼ်ႉဢေႃႈ။
၉ ပိူဝ်ႈၼႆလႄႈဢွၼ်ၵၼ်ပႂ်ႉၸွမ်းၵႂၢမ်းပတိၺိၼ်ႇၼႆႉသေလႄႈၵမ်ၵျၢင်ႉႁႂ်ႈသူလႆႈလီလႆႈပဵၼ်ၵႃႈၼႂ်းၵႃႈဢၼ်သူႁဵတ်းၼၼ်ႉတႃႉ။
၁၀ သူၸိူဝ်းၼႆႉဢၼ်ပဵၼ်ၵူၼ်းယႂ်ႇၵူၼ်းလူင်သူၵူၼ်းဢၼ်ပဵၼ်ၵႄႇပဵၼ်ႁူဝ်သူၶုၼ်ဢယႃႇသိသူၵူၼ်းၸၢႆးမဵဝ်းဢိသရေႇလၵႃႈမီး
၁၁ လုၵ်ႈဢွၼ်ႇလၢင်းဢွၼ်ႇသူ၊မေးသူ၊ၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်မီးယူႇၼႂ်းတပ်ႉသူၸႃႉၸဵမ်ၵေႃႉဢၼ်ၽၼ်းၽိုၼ်းတေႃႇထိုင်ၵေႃႉဢၼ်တဵၵ်းၼမ်ႉၼၼ်ႉတင်းသဵင်ႈတင်းလူင်ဢွၼ်ၵၼ်ၸုၵ်းယူႇၵႃႈတီႈၽၢႆႇၼႃႈထႃႇဝရႃႉၽြႃးၽြႃးပဵၼ်ၸဝ်ႈသူ
၁၂ ဝၼ်းမိူဝ်ႈၼႆႉႁႂ်ႈလႆႈၶဝ်ႈပႃးၵႃႈၼႂ်းပတိၺိၼ်ႇထႃႇဝရႃႉၽြႃးၽြႃးပဵၼ်ၸဝ်ႈသူဢိၵ်ႇတင်းၵႃႈၼႂ်းသႅတ်ႈၸႃႇဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူႁဵတ်းလူၺ်ႈၵၼ်တင်းသူဝၼ်းမိူဝ်ႈၼႆႉၼၼ်ႉဢိၵ်ႇတင်းႁႂ်ႈမၼ်းၸဝ်ႈလႆႈဢဝ်သူၶၢၼ်းဝႆႉ
၁၃ ၵႃႈၼႂ်းဢရႃႇမဵဝ်းၵူၼ်းမၼ်းၸဝ်ႈဝၼ်းမိူဝ်ႈၼႆႉဢိၵ်ႇတင်းႁႂ်ႈမၼ်းၸဝ်ႈလႆႈပဵၼ်ၽြႃးပဵၼ်ၸဝ်ႈသူၸွမ်းၵႃႈၼင်ႇဢၼ်မၼ်းၸဝ်ႈလၢတ်ႈတီႈသူမႃးၼၼ်ႉယဝ်ႉလႄႈတိူင်ႇဝႃႈဝႆႉတီႈပေႃႈသူဢႃႇပႃႉႁမ်ႇ၊ဢိၸၵ်ႉ၊ယႃႇၵုပ်ႉၸိူဝ်းၼၼ်ႉဢေႃႈ။
၁၄ လိူဝ်သေၼၼ်ႉပတိၺိၼ်ႇၼႆႉသႅတ်ႈၸႃႇၼႆႉၸိုင်ၵဝ်ႁဵတ်းလူၺ်ႈၵၼ်တင်းသူၵူၺ်းဢမ်ႇၵႃးၵဝ်ႁဵတ်းလူၺ်ႈၵၼ်တင်း
၁၅ ၶဝ်ၸိူဝ်းဢၼ်ၸုၵ်းယူႇၵႃႈတီႈၼႆႉၵႃႈတီႈၽၢႆႇၼႃႈထႃႇဝရႃႉၽြႃးၽြႃးပဵၼ်ၸဝ်ႈႁဝ်းဝၼ်းမိူဝ်ႈၼႆႉဢိၵ်ႇတင်းၶဝ်ၸိူဝ်းဢၼ်ဢမ်ႇပႃးၼႂ်းႁဝ်းဝၼ်းမိူဝ်ႈၼႆႉၼၼ်ႉဢေႃႈ။
၁၆ သူႁူႉလွင်ႈဢၼ်ႁဝ်းလႆႈယူႇၵႃႈၼႂ်းမိူင်းဢေႇၵႅပ်ႉတုၼၼ်ႉဢိၵ်ႇတင်းလွင်ႈဢၼ်ႁဝ်းၽႃႇလတ်းၵႂႃႇၵႃႈၼႂ်းၵူၼ်းမဵဝ်းတၢင်ႇၸိူဝ်ႉတၢင်ႇၶိူဝ်းတင်းလၢႆဢၼ်ယူႇပူၼ်ႉမႃးယဝ်ႉၼၼ်ႉဢေႃႈ။
၁၇ သူလႆႈႁၼ်မႃးၶိူင်ႈပိုင်ႈဢၼ်လီႁင်ႈဢဵတ်ႇသဵတ်ႇၶဝ်ဢၼ်ပဵၼ်ရူၵ်ႉထူႉၶဝ်ဢၼ်ပဵၼ်မႆႉပဵၼ်မၢၵ်ႇႁိၼ်ပဵၼ်ၶမ်းပဵၼ်ငိုၼ်းလႄႈမီးၵႃႈတီႈၶဝ်ၼၼ်ႉယဝ်ႉ။
၁၈ မီးတီႈဢၼ်မႆႈၸႂ်လူၺ်ႈလွင်ႈဢၼ်ၵူၼ်းၸၢႆးၵူၼ်းယိင်းပီႈၼွင်ႉမဵဝ်းၸိူဝ်ႉၶိူဝ်းၼႂ်းသူဢၼ်မီးႁူဝ်ၸႂ်ဢၼ်ဝေႈပိူင်ႈသေၵႃႈတီႈထႃႇဝရႃႉၽြႃးၽြႃးပဵၼ်ၸဝ်ႈႁဝ်းဝၼ်းမိူဝ်ႈၼႆႉသေလႄႈၵႂႃႇႁဵတ်းဝၢတ်ႈတီႈၽြႃးၵူၼ်းမဵဝ်းၸိူဝ်းၼၼ်ႉတၵ်းပႃးၵႃႈၼႂ်းသူဢိၵ်ႇတင်းလွင်ႈဢၼ်ႁၵ်းတူၼ်ႈဢၼ်ၸၢင်ႊမၢၵ်ႇမၢၵ်ႇဢၼ်ၶူမ်ၼႃႇတင်းမႂ်ႊတေႃးၼၼၼ်ႉတၵ်းဢွၵ်မႃးၵႃႈၼႂ်းသူတင်းလွင်ႈဢၼ်ၵေႃႉၸိူဝ်ႉၼင်ႇၼၼ်ၼၼ်ႉတၵ်းလၢတ်ႈၵႃႈၼႂ်းႁူဝ်ၸႂ်မၼ်းၼႂ်းမိူဝ်ႈဢၼ်မၼ်းငိၼ်းၵႂၢမ်းတၢင်းဢၼ်တိူင်ႇဝႃႈဝႆႉၼၼ်ႉလႄႈဝႃႈ၊-
၁၉ ပိၵ်ႉသမ်ႉၵဝ်ၵမ်ၵျၢင်ႉၸွမ်းၵႃႈၼင်ႇဢၼ်ၸႂ်ၵဝ်ၵႅၼ်ႇၶႅင်ၼၼ်ႉလႄႈဢဝ်တၢင်းဢၼ်မဝ်းလဝ်ႈထၢပ်ႈထႅင်ႈၵႃႈၼိူဝ်တၢင်းဢၼ်ယၢၵ်ႇၼမ်ႉၼၼ်ႉသေၵေႃႈၵဝ်တၵ်းၵတ်းယဵၼ်ၶျၢမ်းသႃႇယူႇဢေႃႈ၊ဝႃႈၼင်ႇၼႆလႄႈတူဝ်ၸဝ်ႈၵဝ်ႇတၵ်းပၼ်တၢင်းလီတီႈတူဝ်ၸဝ်ႈၵဝ်ႇၼၼ်ႉဢေႃႈ။
၂၀ ၵေႃႉၸိူဝ်ႉၼင်ႇၼၼ်ၼၼ်ႉၸိုင်၊ထႃႇဝရႃႉၽြႃးတၵ်းဢမ်ႇပွႆႇလွတ်ႈဢပျႅတ်ႈလႃးလႃး။တင်းဢၼ်ၸႂ်မႆႈၶႂ်းၸႃႉထႃႇဝရႃႉၽြႃးဢိၵ်ႇတင်းၸႂ်ၸဝ်ႈဢၼ်ႁၵ်ႉၶႅၼ်ၼၼ်ႉတၵ်းဢွၵ်ႇၵႂၼ်းၽႆးယူႇၽၢႆႇၼိုင်ႈတင်းၵေႃႉၼၼ်ႉလႄႈဢႃႉမၢင်ႇၵလႃႇၵႃႈဢၼ်တႅမ်ႈသႂ်ႇဝႆႉၵႃႈၼႂ်းၵျၢမ်းလိၵ်ႈၼႆႉတင်းသဵင်ႈတင်းလူင်တၵ်းတေႇယူႇၵႃႈၼိူဝ်ၵေႃႉၼၼ်ႉဢေႃႈ။ထႃႇဝရႃႉၽြႃးတၵ်းမွတ်ႇၸိုဝ်သဵင်ၵေႃႉၼၼ်ႉပႅတ်ႈသေၵႃႈတႂ်ႈၽႃႉၵၢင်ႁၢဝ်ဢေႃႈ။
၂၁ ထႃႇဝရႃႉၽြႃးတၵ်းၽေဢဝ်ၵေႃႉၼၼ်ႉဢွၵ်ႇသေၵႃႈၼႂ်းမဵဝ်းဢိသရေႇလၵူႈမဵဝ်းလႄႈဝႆႉပုၼ်ႈဢၼ်တၵ်းပၼ်ဢပျႅတ်ႈၸွမ်းၵႃႈၼင်ႇဢႃႉမၢင်ႇၵလႃႇပတိၺိၼ်ႇၵႃႈဢၼ်တႅမ်ႈသႂ်ႇဝႆႉၵႃႈၼႂ်းၵျၢမ်းလိၵ်ႈပိင်းၺၢပ်ႈၼႆႉၸိူဝ်းၼၼ်ႉဢေႃႈ။
၂၂ လုၵ်ႈလၢင်းမဵဝ်းသူဢၼ်တၵ်းပဵၼ်မႃးလိုၼ်းသူဢိၵ်ႇတင်းၵူၼ်းတၢင်ႇၸိူဝ်ႉတၢင်ႇမဵဝ်းဢၼ်လုၵ်ႉသေၵႃႈတီႈၵႆမႃးၸိူဝ်းၼၼ်ႉတၵ်းဢွၼ်ၵၼ်လႆႈႁၼ်ၽေးဢူးပၢတ်ႈဢိၵ်ႇတင်းတၢင်းၶႆႈတၢင်းပဵၼ်ဢၼ်ထႃႇဝရႃႉၽြႃးႁႂ်ႈတူၵ်းႁွတ်ႈမႃးၼၼ်ႉဢေႃႈ။
၂၃ မိူင်းတင်းမိူင်းဢမ်ႇမၢၵ်ႇမၢၵ်ႇမၼ်းႁူင်းမၼ်း။တူၼ်ႈယိူဝ်ႈတူၼ်ႈယႃႈဢမ်ႇဢွၵ်ႇလႄႈပဵၼ်ၸိူဝ်ႉၼင်ႇတၢင်းဢၼ်ၵိုၼ်းပင်းလူႉလႅဝ်ဝဵင်းသေႃႇတုမ်၊ဝဵင်းၵေႃးမေႃ:၇၊ဝဵင်းဢႃႇတမ၊ဝဵင်းၸေႇၽူဝ်ႇဢိမ်ႇဢၼ်ထႃႇဝရႃႉၽြႃးပႃးတင်းတၢင်းၸႂ်မႆႈၶႂ်ႈၸႃႉဢိၵ်ႇတင်းတၢင်းဢၼ်တေႃးသႃႉဢွၵ်ႇၼၼ်ႉသေလႄႈၶႂမ်ႈပိၼ်ႇပႅတ်ႈၼၼ်ႉဢေႃႈ။
၂၄ ၵူၼ်းၵူႈမဵဝ်းၸိူဝ်းၼၼ်ႉတၵ်းဢွၼ်ၵၼ်တွင်ႈထၢမ်လႄႈဝႃႈ၊ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈထႃႇဝရႃႉၽြႃးႁဵတ်းၸိူဝ်ႉၼင်ႇၼႆတီႈမိူင်းၼႆႉ။ႁႅင်းၸႂ်မႆႈၶႂ်ႈၸႃႉမၼ်းၸဝ်ႈဢၼ်ယႂ်ႇၼႃႇလူင်လၢင်ၼႆႉၸမ်းပဵၼ်ၸိူဝ်ႉၼင်ႇႁိုဝ်၊ဝႃႈၼင်ႇၼႆလႄႈ၊တၵ်းၶိုၼ်းလၢတ်ႈလႄႈဝႃႈ၊-
၂၅ ၵွပ်ႈပိူဝ်ႈဢၼ်ၶဝ်ၼၼ်ႉၸုၼ်ႉပႅတ်ႈပတိၺိၼ်ႇထႃႇဝရႃႉၽြႃးၽြႃးပဵၼ်ၸဝ်ႈပူႇမွၼ်ႇၶဝ်ဢၼ်မၼ်းၸဝ်ႈႁဵတ်းဝႆႉလူၺ်ႈၵၼ်တင်းၶဝ်ၼႂ်းမိူဝ်ႈဢၼ်မၼ်းၸဝ်ႈၼုၵ်ႈဢဝ်ၶဝ်ဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃးၼၼ်ႉသေလႄႈ
၂၆ ၵႂႃႇႁဵတ်းဝၢတ်ႈၵူဝ်းၵႂၢႆႇတီႈၽြႃးတၢင်ႇသူႇတၢင်ႇပႃးဢၼ်ၶဝ်ဢမ်ႇတွၼ်ႉႁူႉတွၼ်ႉၸႅင်ႈဢၼ်မၼ်းၸဝ်ႈဢမ်ႇပၼ်တီႈၶဝ်ၼၼ်ႉလႄႈတၢင်းၸႂ်မႆႈၶႂ်ႈၸႃႉထႃႇဝရႃႉၽြႃး
၂၇ ဢွၵ်ႇသႂ်ႇမိူင်းၼႆႉႁႂ်ႈဢႃႉမၢင်ႇၵလႃႇဢၼ်တႅမ်ႈသႂ်ႇဝႆႉၵႃႈၼႂ်းၵျၢမ်းလိၵ်ႈၼႆႉၸိူဝ်းၼၼ်ႉတူၵ်းႁွတ်ႈၵႃႈၼိူဝ်မိူင်းၼႆႉသေယဝ်ႉထႃႇဝရႃႉၽြႃးပႃးတင်းတၢင်းဢၼ်ၸႂ်မႆႈၶႂ်ႈၸႃႉ၊
၂၈ တင်းဢၼ်တေႃးသႃႉဢွၵ်ႇတၢင်းဢၼ်ၸႂ်မႆႈၸႂ်လိူတ်ႇဢၼ်ႁၢဝ်ႉႁင်းၼႃႈထွတ်ႇထူၺ်ႈဢဝ်ၶဝ်ဢွၵ်ႇသေၵႃႈၼႂ်းမိူင်းၶဝ်လႄႈထိမ်ႈပႅတ်ႈၵႃႈၼႂ်းမိူင်းတၢင်ႇတီႈတၢင်ႇလႅၼ်မိူၼ်ႇၸိူဝ်ႉၼင်ႇဢၼ်ပဵၼ်ဝၼ်းမိူဝ်ႈၼႆႉၼၼ်ႉယဝ်ႉ၊ဝႃႈၼင်ႇၼႆဢေႃႈ။
၂၉ လွင်ႈတၢင်းဢၼ်ဢမ်ႇထၢင်ႇသႃးၸိူဝ်းၼၼ်ႉပဵၼ်ထႃႇဝရႃႉၽြႃးၽြႃးပဵၼ်ၸဝ်ႈႁဝ်းပိူင်ႇဢေႃႈ။လွင်ႈတၢင်းဢၼ်မၼ်းၸဝ်ႈၽုၺ်ႇဢွၵ်ႇၼႄပျႃးၸိူဝ်ႈၼၼ်ႉပဵၼ်ပုၼ်ႈတႃႇႁဝ်းဢိၵ်ႇတင်းလုၵ်ႈလၢင်းႁဝ်းၶိင်ႇၵႃႇလႃႉတႃႇသေႇဢမ်ႇထၢတ်ႇႁႂ်ႈႁဝ်းလႆႈပႂ်ႉၵမ်ပႂ်ႉၸွမ်းပိင်းၺၢပ်ႈတြႃးၼႆႉတင်းသဵင်ႈတင်းလူင်ဢေႃႈ။