Chapter
၁၇
၁ သူဢမ်ႇလႆႈဢဝ်သူဝ်းဝူဝ်းဢၼ်လၢၵ်ႈၶၼႃႇဢၢင်ႇၵႃႇဢမ်ႇၸုမ်ႇၼၼ်ႉလႄႈပုၵ်ႉၸေႃႇတီႈထႃႇဝရႃႉၽြႃးၽြႃးပဵၼ်ၸဝ်ႈသူ။ယိၸ်ႉၸိူဝ်ႉၼင်ႇၼၼ်ၼၼ်ႉပဵၼ်ဢၼ်လီႁင်ႈဢဵတ်ႇသဵတ်ႇတီႈထႃႇဝရႃႉၽြႃးၽြႃးပဵၼ်ၸဝ်ႈသူဢေႃႈ။
၂ ပေႃးသေၵေႃႉသေၵူၼ်းၵူၼ်းၸၢႆးဢမ်ႇဝႃႈၵူၼ်းယိင်းဢမ်ႇဝႃႈဢၼ်ယူႇၵႃႈၼႂ်းဝဵင်းသူဢၼ်ထႃႇဝႃႉရၽြႃးၽြႃးပဵၼ်ၸဝ်ႈသူပၼ်တီႈသူၼၼ်ႉပူၼ်ႉလိူဝ်ပတိၺိၼ်ႇထႃႇဝရႃႉၽြႃးၽြႃးပဵၼ်ၸဝ်ႈသူလႄႈ
၃ ႁဵတ်းတုၸရိူၵ်ႈမႅၼ်ႈသိုဝ်ႈၼႃႈတႂ်ႈတႃမၼ်းၸဝ်ႈၵႂႃႇႁဵတ်းဝၢတ်ႈၵူဝ်းၵွႆႇၽြႃးတၢင်ႇသူႇတၢင်ႇပႃးၵၢင်ဝၼ်းလိူၼ်ၶိူင်ႈပိုင်ႈၽႃႉၵၢင်ႁၢဝ်ၵူမ်ႈၵွမ်းဝႆသႃၶဝ်ဝႃႈၼႆပိူၼ်ႈမႃးမွၵ်ႇလၢတ်ႈတီႈသူလႄႈ
၄ သူလႆႈငိၼ်းလွင်ႈတၢင်းၼၼ်ႉၸိုင်သူတၵ်းလႆႈတွင်ႈထၢမ်ၸႅတ်ႈတူၺ်းၸေးၸေးၸွတ်ႇၸွတ်ႇလႄႈပေႃးထူပ်းႁၼ်ပဵၼ်ဢၼ်မၢၼ်ႇမႅၼ်ႈၸိုဝ်ႈၸႂ်ႈၸိုင်
၅ သူတၵ်းလႆႈဢဝ်ၵေႃႉဢၼ်ႁဵတ်းတုၸရိူၵ်ႈၼၼ်ႉဢွၵ်ႇၸူးၵႃႈတီႈၽၵ်းတူဝဵင်းသူလႄႈဢဝ်မၢၵ်ႇႁိၼ်ထုပ်ႉသႂ်ႇထၢၼ်ႈပေႃးတၢႆဢေႃႈ။
၆ ပေႃးမီးၵူၼ်းၶၢမ်ႇသၢၵ်ႈသေႇသွင်ၵေႃႉသၢမ်ၵေႃႉၸိုင်ၵေႃႉၼၼ်ႉထိူၵ်ႈၶၢမ်ႇတၢင်းတၢႆဢေႃႈ။ပေႃးမီးၵူၼ်းၶၢမ်ႇသၢၵ်ႈသေႇၵေႃႉလဵဝ်ၵူၺ်းၸိုင်ဢမ်ႇလႆႈၶၢမ်ႇတၢင်းတၢႆ။
၇ မိုဝ်းၵေႃႉဢၼ်ၶၢမ်ႇသၢၵ်ႈသေႇၼၼ်ႉတၵ်းလႆႈၸႃႉႁဵတ်းတၢင်းဢၼ်ဢဝ်မၼ်းတၢႆလႄႈလိုၼ်းၼၼ်ႉၸင်ႇၵူၼ်းတင်းသဵင်ႈတင်းလူင်တၵ်းလႆႈႁဵတ်းၸွမ်းဢေႃႈ။ၼင်ႇၼၼ်လႄႈသူတၵ်းလႆႈဢဝ်တုၸရိူၵ်ႈပႄႇၽဵဝ်ႈပႅတ်ႈသေၵႃႈၼႂ်းသူဢေႃႈ။
လုမ်းဢၼ်ၸီႇယၢင်ႇတြႃး
၈ ပေႃးဢမူႉတင်းဢၼ်ဢဝ်ဢသၢၵ်ႈၵူၼ်းတၢႆဢမူႉတၢင်းဢၼ်ထူပ်းတြႃးၵၼ်ဢမူႉတၢင်းဢၼ်ပေႃႉယႅၼ်ႉၵၼ်ဢၼ်ၸီႇယၢင်ႇယၢပ်ႇၼႃႇၼၼ်ႉႁွတ်ႈထိုင်ၵႃႈတီႈသူၸိုင်သူၵႂႃႇၸူးၵႃႈတီႈဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူတၵ်းလိူၵ်ႈၵဵပ်းဢဝ်ၼၼ်ႉတႃႉ။
၉ သူၵႂႃႇၸူးၵႃႈတီႈယိတ်ႉပရေႃးႁိၵ်ႈၵူၼ်းမဵဝ်းလေႇဝိတင်းလၢႆဢိၵ်ႇတင်းၵေႃႉဢၼ်ႁဵတ်းၵူၼ်းၸီႇယၢင်ႇတြႃးၼႂ်းၶိင်ႇမိူဝ်ႈပၢၼ်ၼၼ်ႉလႄႈလဝ်ႈထၢမ်လွင်ႈတၢင်းဢၼ်ၸီႇယၢင်ႇတႃႉ။ၶဝ်ၼၼ်ႉတၵ်းလႆႈၽုၺ်ႇဢွၵ်ႇၼႄပျႃးလွင်ႈတၢင်းၸီႇယၢင်ႇၼၼ်ႉတီႈသူဢေႃႈ။
၁၀ သူတၵ်းလႆႈႁဵတ်းၸွမ်းၵႃႈၼင်ႇဢၼ်ထုၵ်ႇလီႁဵတ်းဢၼ်ၶဝ်ၽုၺ်ႇဢွၵ်ႇၼႄပျႃးၵႃႈတီႈဢၼ်ထႃႇဝရႃႉၽြႃးလိူၵ်ႈၵဵပ်းဢဝ်ၼၼ်ႉဢေႃႈ။ပႂ်ႉၸွမ်းႁဵတ်းၸွမ်းၵႃႈၼင်ႇဢၼ်ၶဝ်သွၼ်ပၼ်တီႈသူၼၼ်ႉတႃႉ။
၁၁ သူတၵ်းလႆႈႁဵတ်းၸွမ်းၵႃႈၼင်ႇတၢင်းဢၼ်ထုၵ်ႇလီၸီႇယၢင်ႇထမ်ႇမႃႉသတ်ႉဢၼ်ၶဝ်သွၼ်ပၼ်တီႈသူဢိၵ်ႇတင်းတၢင်းဢၼ်ထုၵ်ႇလီတႅပ်းတတ်းဢၼ်ၶဝ်မွၵ်ႇလၢတ်ႈတီႈသူၼၼ်ႉဢေႃႈ။သူဢမ်ႇလႆႈဝေႈပိူင်ႈသေၵႃႈတီႈဢၼ်ထုၵ်ႇလီၸီႇယၢင်ႇဢၼ်ၶဝ်ၽုၺ်ႇဢွၵ်ႇၼႄပျႃးတီႈသူၼၼ်ႉလႄႈဝၢႆႇၵႂႃႇၵႃႈတီႈၽၢႆႇသၢႆႉၽၢႆႇၶႂႃႇ။
၁၂ ၵေႃႉဢၼ်ႁဵတ်းဢမ်ႇပေႃးၼင်ႇႁိုဝ်ၵႃႈတီႈၵူၼ်းလူင်ဢၼ်ၸီႇယၢင်ႇတြႃးဢမ်ႇၼၼ်ယိတ်ႉပရေႃးႁိၵ်ႈဢၼ်ၸုၵ်းယူႇၵႃႈတီႈၽၢႆႇၼႃႈထႃႇဝရႃႉၽြႃးၽြႃးပဵၼ်ၸဝ်ႈလႄႈပွင်ႁဵတ်းဢမူႉၸဝ်ႈယူႇၼၼ်ႉတၵ်းလႆႈၶၢမ်ႇတင်းဢၼ်ဢဝ်တၢႆဢေႃႈ။သူတၵ်းလႆႈပႄႇပႅတ်ႈဢၼ်ႁၢႆႉမိူၵ်ႈၵႃႈၼႂ်းမဵဝ်းဢိသရေႇလဢေႃႈ။
၁၃ ၵူၼ်းတင်းသဵင်ႈတင်းလူင်တၵ်းငိၼ်းလႄႈမီးၸႂ်ဢၼ်ၵူဝ်ႁယေူႇသေယဝ်ႉၵမ်းလိုၼ်းတၵ်းဢမ်ႇႁဵတ်းတၢင်းဢၼ်လူႈလၢႆဢေႃႈ။
ၶုၼ်ႁေႃၶမ်း
၁၄ မိူဝ်ႈဢၼ်သူႁွတ်ႈထိုင်ၵႃႈၼႂ်းမိူင်းဢၼ်ထႃႇဝရႃႉၽြႃးၽြႃးပဵၼ်ၸဝ်ႈပၼ်တီႈသူလႄႈသူလႆႈၸၢမ်ႇၸႃးယူႇၼၼ်ႉပေႃးသူဝႃႈ၊-ႁဝ်းတၵ်းယုၵ်ႉယွင်ႈသေၵေႃႉၵေႃႉၵႃႈၼႂ်းဢရႃႇၶုၼ်ႁေႃၶမ်းမိူၼ်ၸိူဝ်ႉၼင်ႇၵူၼ်းမဵဝ်းဢၼ်ယူႇလဵပ်းႁွပ်ႈႁဝ်းယူႇၼၼ်ႉဢေႃႈ၊ဝႃႈၼင်ႇၼႆၸိုင်သူတၵ်းလႆႈယုၵ်ႉယွင်ႈၵေႃႉဢၼ်ထႃဝႃႉရၽြႃးၽြႃးပဵၼ်ၸဝ်ႈသူလိူၵ်ႈၵဵပ်းဢဝ်ၼၼ်ႉၵူၺ်းဢေႃႈ။
၁၅ တၵ်းလႆႈဢဝ်ၵႃႈၼႂ်းပီႈၼႂ်းၼွင်ႉသူၼၼ်ႉၵေႃႉၼိုင်ႈယုၵ်ႉယွင်ႈဝႆႉဢေႃႈ။ဢမ်ႇလႆႈဢဝ်ၵူၼ်းတၢင်ႇၸိူဝ်ႉတၢင်ႇမဵဝ်းဢၼ်ဢမ်ႇၸႂ်ႈၼႂ်းပီႈၼႂ်းၼွင်ႉသူၼၼ်ႉ။
၁၆ ၶုၼ်ၼၼ်ႉတၵ်းဢမ်ႇလႆႈလဵင်ႉမႃႉၼမ်ၼႃႇလူင်လၢင်ပုၼ်ႈတူဝ်ၸဝ်ႈၵဝ်ႇ။မၼ်းဢမ်ႇလႆႈၸႂ်ႉၵူၼ်းၶိုၼ်ႈမိူဝ်းၵႂႃႇၸူးမိူင်းဢေႇၵႅပ်ႉတုႁႂ်ႈလႆႈဢဝ်မႃႉမႃးၼမ်ၼမ်။လွင်ႈမၼ်းၸမ်းထႃႇဝရႃႉၽြႃးမီးဢမိင်ႉဝႆႉတီႈသူလႄႈဝႃႈသူဢမ်ႇလႆႈၶိုၼ်းမိူဝ်းၸွမ်းသဵၼ်ႈတၢင်းၼၼ်ႉ၊ဝႃႈၼင်ႇၼႆဢေႃႈ။
၁၇ လွင်ႈၼင်ႇႁိုဝ်ႁူဝ်ၸႂ်မၼ်းတၵ်းၵၢင်းလွတ်ႈတင်းတၢင်းဢၼ်ၽွၵ်ႈပျၢၼ်ႇၸိုင်မၼ်းဢမ်ႇလႆႈဢဝ်မေးၼမ်ၼမ်။မၼ်းဢမ်ႇလႆႈၸူႉသိမ်းငိုၼ်းၶမ်းၼမ်ၼႃလူင်လၢင်။
၁၈ မိူဝ်ႈဢၼ်မၼ်းၼင်ႈႁၢင်ႈၼင်ႈႁေႃၼၼ်ႉၸိုင်မၼ်းတၵ်းလႆႈတႅမ်ႈဢဝ်ၵူးဢဝ်လိၵ်ႈထမ်ႇမႃႉပိင်းၺၢပ်ႈတြႃးၵႃႈၼႂ်းလိၵ်ႈဢၼ်မီးဝႆႉၵႃႈတီႈယိတ်ႉပရေႃးႁိၵ်ႈၵူၼ်းမဵဝ်းလေႇဝိၸိူဝ်းၼၼ်ႉလႄႈ
၁၉ လိၵ်ႈၼၼ်ႉတၵ်းလႆႈမီးယူႇတီႈမၼ်းလႄႈမၼ်းတၵ်းလႆႈလူတူၺ်းၽတ်းတူၺ်းၸူဝ်ႈဢသၢၵ်ႈမၼ်းႁႂ်ႈမၼ်းလႆႈသွၼ်ဢဝ်လွင်ႈတၢင်းဢၼ်ထုၵ်ႇလီရူဝ်ႇသေႇၵူဝ်ယမ်ထႃႇဝရႃႉၽြႃးပႂ်ႉၵမ်ပႂ်ႉၸွမ်းတြႃးႁႂ်ႈလႆႈၵမ်လႆႈၵျၢင်ႉပိင်းၺၢပ်ႈတြႃးတင်းထုင်းၽိင်ႈတြႃးၵူႈၸိူဝ်ႉၵူႈပိူင်ႁႂ်ႈႁူဝ်ၸႂ်မၼ်းဢမ်ႇလႆႈမီးမႃႇၼႃႉပူၵ်းပႅၼ်လႄႈ
၂၀ ႁဵတ်းဢမ်ႇပေႃးၼင်ႇႁိုဝ်တီႈပီႈၼွင်ႉမၼ်းဢမ်ႇဝေႈပိူင်ႈသေၵႃႈတီႈသဵၼ်ႈတၢင်းတြႃးၵႂႃႇၵႃႈတီႈၽၢႆႇသၢႆႇၽၢႆႇၶႂႃႇမၼ်းဢိၵ်ႇတင်းလုၵ်ႈလၢင်းမၼ်းတင်းလၢႆတၵ်းလႆႈဢသၢၵ်ႈယိုၼ်းယၢဝ်းၵႃႈၼႂ်းသိုင်ႇၸိုင်ႈဝၢၼ်ႈမိူင်းမၼ်းၵႃႈၼႂ်းၵၢင်မဵဝ်းဢိသရေႇလၼၼ်ႉဢေႃႈ။