Chapter
၃
ၶုၼ်ႁေႃၶမ်းပႃႇသၼ်ႇတူၵ်းသုမ်း
၁ မိူဝ်ႈၼၼ်ႉႁဝ်းဝၢႆႇၶိုၼ်းလႄႈၶိုၼ်ႈၸူးမိူင်းပႃႇသၼ်ႇဢေႃႈ။ဢေႃႇၶ၊ၶုၼ်ႁေႃၶမ်းပႃႇသၼ်ႇဢိၵ်ႇတင်းၵူၼ်းမၼ်းတင်းသဵင်ႈတင်းလူင်ဢွၼ်ၵၼ်ဢွၵ်ႇမႃးႁႂ်ႈလႆႈႁေႉတိုၵ်းႁဝ်းၶႃႈတီႈဢေႇတြိၼၼ်ႉဢေႃႈ။
၂ ထႃႇဝရႃႉၽြႃးမီးဢမိင်ႉတီႈၵဝ်လႄႈဝႃႈ၊-ယႃႇပေၵူဝ်ပေႁေ။ၵဝ်တၵ်းဢဝ်မၼ်းဢိၵ်ႇတင်းၵူၼ်းမၼ်းတင်းသဵင်ႈတင်းလူင်တၢင်းလႅၼ်လိၼ်မၼ်းဢၢပ်ႈပၼ်ၵႃႈၼႂ်းမိုဝ်းမ်ႂႈလႄႈသူတၵ်းလႆႈႁဵတ်းတီႈမၼ်းမိူၼ်ၸိူဝ်ႉၼင်ႇသူႁဵတ်းတီႈၸိႁုၼ်ႇၶုၼ်ႁေႃၶမ်းဢႃႇမေႃးရိဢၼ်ယူႇၵႃႈၼႂ်းဝဵင်းႁေႇသၽုၼ်ႇၼၼ်ႉဢေႃႈ၊ဝႃႈၼင်ႇၼႆဢေႃႈ။
၃ ၼင်ႇၼၼ်လႄႈထႃႇဝရႃႉၽြႃးၽြႃးပဵၼ်ၸဝ်ႈႁဝ်းဢဝ်ဢေႃႇၶၶုၼ်ႁေႃၶမ်းပႃႇသၼ်ႇဢၢပ်ႈပၼ်ၵႃႈၼႂ်းမိုဝ်းႁဝ်းလႄႈႁဝ်းတိုၵ်းတေႃးယႃႉပႅတ်ႈၶဝ်တေႃႇထိုင်ႁွတ်ႈထၢၼ်ႈပေႃးဢမ်ႇၵိုတ်းဢမ်ႇၵျၢၼ်သေၵေႃႉသေၵူၼ်းဢေႃႈ။
၄ မိူဝ်ႈၼၼ်ႉႁဝ်းတိုၵ်းဢဝ်ဝဵင်းမၼ်းတင်းသဵင်ႈတင်းလူင်ဢေႃႈ။ၵႃႈၼႂ်းဝဵင်းႁူၵ်းသိပ်းဝဵင်းၼၼ်ႉဝဵင်းဢၼ်ႁဝ်းဢမ်ႇတိုၵ်းဢဝ်လႄႈၵိုတ်းၵျၼ်ႇဝႆႉၼၼ်ႉဢမ်ႇမီးသေဝဵင်းၵႃႈၼႂ်းဢိုင်ႇဢႃႇၵေႃႇၽႁေႃၶမ်းဢေႃႇၶတီႈမိူင်းပႃႇသၼ်ႇၼၼ်ႉ။
၅ ဝဵင်းၵႃႈမီးၸိူဝ်းၼၼ်ႉပဵၼ်ဝဵင်းဢၼ်မၼ်းၶိုင်ႇဝႆႉတင်းလမ်းဝဵင်းဢၼ်သုင်လႂ်ၽၵ်းတူဝဵင်းလႂ်ၵိူၼ်ႇၽၵ်းတူလႂ်ဢေႃႈ။လိူဝ်သေၼၼ်ႉယင်းမီးဝၢၼ်ႈဢၼ်ဢမ်ႇမီးလမ်းဝဵင်းၼၼ်ႉၼမ်ၼႃႇဢေႃႈ။
၆ ႁဝ်းယႃႉၽဵဝ်းၸိူဝ်းၼၼ်ႉပႅတ်ႈမူတ်းမူတ်းသဵင်ႈသဵင်ႈမိူၼ်ၸိူဝ်ႉၼင်ႇႁဝ်းႁဵတ်းတီႈသီႇႁုၼ်ႇၶုၼ်ႁေႃၶမ်းႁေႇသၽုၼ်ႇၼၼ်ႉလႄႈပေႉၽဵဝ်ႈၵူႈဝၢၼ်ႈၵူႈဝဵင်းဢိၵ်ႇတင်းၵူၼ်းၸၢႆးၵူၼ်းယိင်းလုၵ်ႈဢွၼ်ၶဝ်ပႅတ်ႈမူတ်းသဵင်ႈသဵင်ႈဢေႃး။
၇ ၵူၺ်းၵႃႈတရိၵ်ႈသၢၼ်ႇတင်းဢုၵ်ႈၸႃႇဢၼ်ႁိမ်လႆႈၵႃႈတီႈဝဵင်းၸိူဝ်းၼၼ်ႉၸိုင်ႁဝ်းသိမ်းဢဝ်ပုၼ်ႈတူဝ်ၸဝ်ႈၵဝ်ႇဢေႃႈ။
၈ မိူဝ်ႈၼၼ်ႉႁဝ်းသိမ်းဢဝ်သေၵႃႈၼႂ်းမိုဝ်းၶုၼ်ႁေႃၶမ်းၵူၼ်းမဵဝ်းဢႃႇမေႃးရိသွင်ပႃးလႅၼ်လိၼ်ၸႃႉၸွမ်းၼမ်ႉႁွင်ႊဢႃႇၼုၼ်ႇတေႃႇထိုင်ႁွတ်ႈလွႆႁေႇရမုၼ်ႇဢၼ်မီးၽၢႆႇဝၼ်းဢွၵ်ႇၼမ်ႉႁွင်ႊယေႃးတၢၼ်ႇၼၼ်ႉဢေႃႈ။
၉ ၵူၼ်းၸိတုမ်ႇၶဝ်ႁွင်ႉႁဵၵ်ႈလွႆႁေႇရမုၼ်ႇဝႃႈၸီႇႁုၼ်ႇၵူၼ်းမဵဝ်းဢႃႇမေႃးရိၶဝ်ႁွင်ႉႁိၵ်ႈလွႆႈႁေႇလမုၼ်ႇဝႃႈၸိၼိရဢေႃႈ။
၁၀ ႁဝ်းသိမ်းဢဝ်ဝဵင်းၵႃႈဢၼ်မီးၵႃႈၼႂ်းပၢင်ႇပဵင်းမိူင်းၵိလတ်ႉတင်းမိူင်း၊မိူင်းပႃႇသၼ်ႇတင်းမိူင်း၊တေႃႇထိုင်ႁွတ်ႈဝဵင်းသႃႇလၵတင်းဝဵင်းဢေႇတြိဢၼ်ၶဝ်ႈပႃးၼႂ်းမိူင်းၶုၼ်ဢေႃႇၶမိူင်းပႃႇသၼ်ႇၼၼ်ႉဢေႃႈ။
၁၁ ၼႂ်းၶဝ်ၸိူဝ်းဢၼ်သိုပ်ႇလူင်းမႃးၵႃႈတီႈမဵဝ်းၵူၼ်းဢၼ်ယႂ်ႇၼႃႇႁႅင်းၼႃႇၼၼ်ႉၵိုတ်းၵျၢၼ်ႇဝႆႉဢေႃႇၶၶုၼ်ႁေႃၶမ်းပႃႇသၼ်ႇၵေႃႉလဵဝ်ၵူၺ်းဢေႃႈ။ၵူႇတီႈၼွၼ်းမၼ်းဢဝ်လဵၵ်းႁဵတ်းဝႆႉလႄႈၼႃႈယၢဝ်းမၼ်းမီးၵဝ်ႈသွၵ်ႇၼႃႈပွတ်းမၼ်းမီးသီႇသွၵ်ႇဢေႃႈ။မီးယူႇၵႃႈတီႈဝဵင်းရပ်ႉပတ်ႉမိူင်းၵူၼ်းမဵဝ်းဢမ်ႇမုၼ်ႇၼၼ်ႉဢေႃႈ။
မႅင်ႇပၼ်လႅၼ်လိၼ်မိူင်း
၁၂ လႅၼ်လိၼ်ဢၼ်ႁဝ်းသိမ်းဢဝ်မိူဝ်ႈၼၼ်ႉၵဝ်ဢဝ်ပၼ်ၸႃႉၸဵမ်မိူင်းဢႃႇရေႃးဢၼ်မီးၵႃႈၼႂ်းပၢင်ႇႁူၺ်ႈဢႃႇၼုၼ်ႇလႄႈမိူင်းလွႆၵိလတ်ႉၶိုင်ႈၼိုင်ႈဢိၵ်ႇတင်းဝဵင်းမၼ်းတင်းလၢႆဢၢပ်ႈပၼ်တီႈၵူၼ်းမဵဝ်းရူပိၼ်ႇဢိၵ်ႇတင်းၵူၼ်းမဵဝ်းၵတ်ႉဢေႃႈ။
၁၃ ဢၼ်ယင်းၵိုတ်းယင်းၵျၢၼ်ႇၵႃႈတီႈမိူင်းလွႆၵိလတ်ႉဢိၵ်ႇတင်းမိူင်းပႃႇသၼ်ႇတင်းမိူင်းဢၼ်ႁွင်ႉႁိၵ်ႈတီႈယူႇၵူၼ်းမဵဝ်းဢၼ်ယႂ်ႇၼႃႇႁႅင်းၼႃႇၼၼ်ႉၸိုင်ၵဝ်ဢၢပ်ႈပၼ်ၵူၼ်းမဵဝ်းမၼႃႇသေႇၶိုင်ႈၼိုင်ႈဢေႃႈ။
၁၄ ယႃႇဢိရၸိူဝ်ႉၶိူဝ်းၵူၼ်းမဵဝ်းမၼႃႇသေႇၼၼ်ႉသိမ်းဢဝ်ဢိုင်ႇဢႃႇၵေႃႇၽတင်းဢိုင်ႇတေႃႇထိုင်ႁွတ်ႈလႅၼ်လိၼ်ၵူၼ်းမဵဝ်းၵေႇသုရိတင်းၵူၼ်းမဵဝ်းမႃႇၶႃႇသိသေလႄႈႁွင်ႉႁိၵ်ႈပႃႇသၼ်ႇဝႃႈႁႃဝုတ်ႉယႃႇဢိရတေႃႇထိုင်ႁွတ်ႈဝၼ်းမိူဝ်ႈၼႆႉဢေႃႈ။
၁၅ မိူင်းၵိလတ်ႉၸမ်းၵဝ်ပၼ်တီႈၵူၼ်းမဵဝ်းမႃႇၶိရဢေႃႈ။တီႈၵူၼ်းမဵဝ်းရူပိၼ်ႇဢိၵ်ႇတင်းၵူၼ်းမဵဝ်းၵတ်ႉၵေႃႈၵဝ်ဢဝ်လႅၼ်လိၼ်ၸႃႉၸဵမ်ၵႃႈတီႈမိူင်းၵိလတ်ႉၵႂႃႇတေႃႇထိုင်ႁွတ်ႈပၢင်ႇႁူၺ်ႈႁွင်ႊဢႃႇၼုၼ်ႇ
၁၆ ဢိၵ်ႇတင်းလႅၼ်လိၼ်ဢၼ်ၸွမ်းႁိမ်းမၼ်းဢၼ်ဝႃႈတေႃႇထိုင်ႁွတ်ႈၼမ်ႉႁွင်ႊယပ်ႉပုတ်ႉဢၼ်ပဵၼ်လႅၼ်လိၼ်ၵူၼ်းမဵဝ်းဢမ်ႇမုၼ်ႇၸိူဝ်းၼၼ်ႉ
၁၇ ဢိၵ်ႇတင်းပၢင်ႇပဵင်းဢႃႇရၽႃႇတင်းၼမ်ႉႁွင်ႊယေႃးတၢၼ်ႇဢိၵ်ႇတင်းလႅၼ်လိၼ်ဢၼ်ၸွမ်းႁိမ်းမၼ်းဢဝ်ၵႃႈတီႈၵိၼ်ႇၼိသရိတ်ႉၵႂႃႇတေႃႇထိုင်ႁွတ်ႈပၢင်ႇလၢႆႇဢၼ်ၸၢပ်ႈသႅင်ႇၵၼ်တင်းပၢင်ႇပဵင်းဢႃႇရၽႃႇဢၼ်ဝႃႈၼွင်ၼမ်ႉၵိူဝ်ၵႃႈတီႈတႂ်ႈပဵမ်ႉလွႆပိသၵႃႇၽၢႆႇဝၼ်းဢွၵ်ႇၼၼ်ႉဢၢပ်ႈပၼ်ဢေႃႈ။
၁၈ မိူဝ်ႈၼၼ်ႉၵဝ်သင်ႇလၢတ်ႈတီႈသူလႄႈဝႃႈ၊-ထႃႇဝရႃႉၽြႃးၽြႃးပဵၼ်ၸဝ်ႈသူဢဝ်လိၼ်ၼႆႉပၼ်တီႈသူႁႂ်ႈသူလႆႈပိူင်ႇယဝ်ႉ။ၼႂ်းဝႃႈၼၼ်သေၵေႃႈသူၵႃႈဢၼ်ၸၢင်ႊမေႃတိုၵ်းသိုၵ်းတင်းသဵင်ႈတင်းလူင်တၵ်းလႆႈယိပ်းၵမ်ဢဝ်လၢၵ်ႈၼၢၵ်ႈသေလႄႈဢွၼ်ၵၼ်ၶၢမ်ႈၵႂႃႇၵႃႈတီႈၽၢႆႇၼႃႈပီႈၼွင်ႉသူၵူၼ်းမဵဝ်းဢိသရေႇလတင်းလၢႆဢေႃႈ။
၁၉ ၵူၺ်းၵႃႈမေးသူလုၵ်ႈလၢင်းဢွၼ်ႇသူတရိၵ်ႈသၢၼ်ႇသူၵွပ်ႈပိူဝ်ႈဢၼ်ၵဝ်ႁူႉလွင်ႈဢၼ်သူမီးတရိၵ်ႈသၢၼ်ၼမ်ၼႃႇၼၼ်ႉလႄႈတၵ်းလႆႈယူႇၵႃႈတီႈဝဵင်းဢၼ်ၵဝ်ပၼ်တီႈသူၸိူဝ်းၼၼ်ႉတေႃႇထိုင်ႁွတ်ႈထႃႇဝရႃႉၽြႃးပၼ်ၵတ်းယဵၼ်ၶျၢမ်းသႃႇတီႈပီႈၼွင်ႉသူမိူၼ်ၸိူဝ်ႉၼင်ႇဢၼ်မၼ်းၸဝ်ႈပၼ်တီႈသူၼၼ်ႉလႄႈၶဝ်သိမ်းဢဝ်လိၼ်ဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူပၼ်တီႈၶဝ်ၵႃႈတီႈၽၢႆႇပုၼ်ႉၼမ်ႉႁွင်ႊယေႃးတၢၼ်ႇပုၼ်ႉဢေႃႈ။
၂၀ ဢၼ်ၼၼ်ႉယဝ်ႉတူဝ်ႈသေယဝ်ႉသူၵႃႈမီးတၵ်းလႆႈဢွၼ်ၵၼ်ၶိုၼ်းမႃးၵႃႈတီႈလိၼ်ဢၼ်တူဝ်ၸဝ်ႈၵဝ်ႇပိူင်ႇဢၼ်ၵဝ်ပၼ်ဝႆႉၼၼ်ႉႁင်းၽႂ်ႁင်းမၼ်းဢေႃႈ၊ဝႃႈၼင်ႇၼႆဢေႃႈ။
မုဝ်းသေႇဢမ်ႇလႆႈၶၢမ်ႈၼမ်ႉႁွင်ႊယေႃးတၢၼ်ႇ
၂၁ မိူဝ်ႈၼၼ်ႉၵဝ်သင်ႇလၢတ်ႈတီႈယေႃးသုလႄႈဝႃႈ၊-လွင်ႈတၢင်းဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူႁဵတ်းတီႈၶုၼ်ႁေႃၶမ်းသွင်ပႃးၼႆႉၵူႈၸိူဝ်ႉၵူႈပိူင်ၼၼ်ႉၸိုင်မၢၵ်ႇတႃသူလႆႈႁၼ်ယဝ်ႉ။မိူၼ်ၸိူဝ်ႉၼင်ႇၼၼ်ထႃႇဝရႃႉၽြႃးတၵ်းႁဵတ်းတီႈမိူင်းၵႃႈဢၼ်သူၶၢမ်ႈၵႂႃႇၸူးၼၼ်ႉၵူႈမိူင်းဢေႃႈ။
၂၂ ယႃႇပေၵူဝ်ပေႁေၶဝ်။ထႃႇဝရႃႉၽြႃးၽြႃးပဵၼ်ၸဝ်ႈသူၼၼ်ႉတၵ်းၸွႆႈသိုၵ်းထႅမ်သိုၵ်းယူႇၽၢႆႇသူဢေႃႈ၊ဝႃႈၼင်ႇၼႆဢေႃႈ။
၂၃ မိူဝ်ႈၼၼ်ႉၵဝ်တွင်းပၢၼ်ႇတီႈထႃႇဝရႃႉၽြႃးလႄႈဝႃႈၸမ်း၊-ဢူဝ်း၊ထႃႇဝရႃႉၽြႃးတီႈၶႃႈ။ၸဝ်ႈႁဝ်းၸႃႉၼပျေႃးတၼ်းၶူဝ်းဢႃႇၼူႉၽေႃႇၸဝ်ႈႁဝ်းဢိၵ်ႇတင်းမိုဝ်းၸဝ်ႈႁဝ်းဢၼ်ႁႅင်းယႂ်ႇၼႃႇၼၼ်ႉတီႈၶႃႈၸဝ်ႈႁဝ်းတီႈၶႃႈ။
၂၄ ၵႃႈၼိူဝ်ၵၢင်ႁၢဝ်ဢိၵ်ႇတင်းၵႃႈၼိူဝ်လိၼ်မိူင်းၼႆႉမီႈၽြႃးဢၼ်လႂ်ဢၼ်တၵ်းၼပျေႃႉၸွမ်းၵႃႈၼင်ႇဢၼ်ၸဝ်ႈႁဝ်းၸီႇယင်ႇႁဵတ်းဝႆႉလႄႈၼပျေႃးတၼ်ႈၶူဝ်းၸဝ်ႈႁဝ်းၼၼ်ႉလႆႈတီႈၶႃႈ။
၂၅ ၶႅၼ်းတေႃႈပၼ်ဢၶႂၢင်ႉႁႂ်ႈၶႃႈႁဝ်းလႆႈၶၢမ်ႈၵႂႃႇလႄႈႁၼ်မိူင်းဢၼ်လီဢၼ်ငၢမ်းဢၼ်မီးၵႃႈတီႈၽၢႆႇပုၼ်ႉၼမ်ႉႁွင်ႊယေႃးတၢၼ်ႇဢိၵ်ႇတင်းမိူင်းလွႆဢၼ်သေႇၶျူႇႁၢင်ႊလီၼၼ်ႉတင်းလွႆလေႇပၼုၼ်ႇသေၵမ်းတီႈၶႃႈ။
၂၆ ပိၵ်ႉသမ်ႉဝႃႈၼင်ႇၼႆသေၵေႃႈ၊ထႃႇဝရႃႉၽြႃးၸႂ်မႆႈၶႂ်ႈၸႃႉၼႃႇလူင်လၢင်တီႈၵဝ်ၵွပ်ႈပိူဝ်ႈသူလႄႈဢမ်ႇထွမ်ႇၵႂၢမ်းၵဝ်။ထႃႇဝရႃႉၽြႃးၵေႃႈမီးဢမိင်ႉတီႈၵဝ်လႄႈဝႃႈ၊-ပေႃးတႃႉ။ၵမ်းလိုၼ်းယႃႇပေလဝ်ႈလၢတ်ႈလူၺ်ႈလွင်ႈဢမူႉၼႆႉထႅင်ႈ။
၂၇ ပဵၵ်ႉသမ်ႉဝႃႈသူဢမ်ႇလႆႈၶၢမ်ႈၼမ်ႉႁွင်ႊယေႃးတၢၼ်ႇၼႆႉၵႂႃႇသေၵေႃႈယႃႇသူၶိုၼ်ႈၵႂႃႇၼိူဝ်ပၢႆၸိၵ်းလွႆပိသၵႃႇသေလႄႈလူတူၺ်းမိူင်းၼၼ်ႉတႃႉ။သင်ႇလၢတ်ႈတီႈယေႃးသုလႄႈႁႂ်ႈႁႅင်းၸႂ်မၼ်းမၼ်ႈၶိူင်ႇတႃႉ။ပၼ်ႁႅင်းတီႈမၼ်းတႃႉ။
၂၈ မၼ်းတၵ်းလႆႈဢွၼ်ႁူဝ်ၵူၼ်းၸိူဝ်းၼႆႉၶၢမ်ႈၵႂႃႇလႄႈႁႂ်ႈၶဝ်လႆႈၶၢမ်ႇဢမူၺ်ႇမိူင်းဢၼ်သူလႆႈႁၼ်ၼၼ်ႉဢေႃႈဝႃႈၼင်ႇၼႆဢေႃႈ။
၂၉ ၼင်ႇၼၼ်လႄႈႁဝ်းလႆႈယူႇၵႃႈၼႂ်းပၢင်ႇႁူၺ်ႈဢၼ်မီးသိုဝ်ႈဝဵင်းပိတ်ႉပေႇၵုရၼၼ်ႉဢေႃႈ။