Chapter
၂၅
၁ မိူဝ်ႈဢၼ်ၵူၼ်းၼင်ႇၵၼ်ႁဵတ်းဢမူႉတေႃႇၵၼ်ၸိုင်တၵ်းလႆႈဢဝ်ၶဝ်ၵႂႃႇၵႃႈတီႈလုမ်းသေလႄႈၶၢမ်ႇတၢင်းဢၼ်ၵူၼ်းလူင်ၸီႇယၢင်ႇတြႃးၼၼ်ႉၸီႇယၢင်ႇသေလႄႈႁႂ်ႈၵေႃႉဢၼ်သိုဝ်ႈတေႃႇၼၼ်ႉလွတ်ႈဢပျႅတ်ႈသေယဝ်ႉႁႂ်ႈၵေႃႉဢၼ်ႁၢႆႉႁူၵ်းၼၼ်ႉၶၢမ်ႇတၢင်းဢၼ်သုမ်းဢေႃႈ။
၂ ပေႃးၵေႃႉဢၼ်ႁၢႆႉႁူၵ်းၼၼ်ႉထိူၵ်ႈၶၢမ်ႇတၢင်းဢၼ်ပေႃႉယႅၼ်ႉၸိုင်ၵူၼ်းလူင်ဢၼ်ၸီႇယၢင်ႇတြႃးၼၼ်ႉတၵ်းလႆႈႁႂ်ႈဢဝ်မၼ်းဢူပ်ႇပူပ်ႇသေလႄႈပေႃႉယႅၼ်ႉသိုဝ်ႈၼႃႈတႂ်ႈတႃတူဝ်ၸဝ်ႈၵဝ်ႇၸွမ်းလူၺ်ႈဢပျႅတ်ႈမၼ်းဢၼ်မၼ်းထိူၵ်ႈၶၢမ်ႇတၢမ်ႇလၢႆပွၵ်ႈၼၼ်ႉဢေႃႈ။
၃ ၼႂ်းဝႃႈၼၼ်သေၵေႃႈဢမ်ႇလႆႈပၼ်တၢမ်ႇၶွၼ်ႉလိူဝ်တွၼ်းသသေီႇသိပ်းၵမ်း။ပေႃးပူၼ်ႉလိူဝ်ၵႂႃႇၸိုင်ၵူဝ်ပီႈၼွင်ႉသူၼၼ်ႉတၵ်းမိူၼ်ၼင်ႇပဵၼ်ၵေႃႉဢၼ်ယုတ်ႈဢၼ်မိူၵ်ႈၼၼ်ႉၵႂႃႇဢေႃႈ။
၄ ဝူဝ်းဢၼ်ယဵပ်ႇၶဝ်ႈၼူတ်ႈၶဝ်ႈယူႇၼၼ်ႉသူဢမ်ႇလႆႈမတ်ႉသူပ်းမၼ်းဝႆႉ။
၅ ပေႃးပီႈၼွင်ႉၵၼ်ယူႇၸွမ်းၵၼ်လႄႈပေႃးၵေႃႉဢၼ်ပဵၼ်ပီႈၸၢႆးမၼ်းတၢႆၵႂႃႇလႄႈမေးမၼ်းယင်းဢမ်ႇမီးလုၵ်ႈလႄႈၵိုတ်းၵျၢၼ်ႇဝႆႉၸိုင်တၵ်းဢမ်ႇလႆႈႁႂ်ႈပိူၼ်ႈတၢင်ႇၵေႃႉမႃးဢဝ်မေးပီႈဢၢႆႈမၼ်း။ၵေႃႉဢၼ်ပဵၼ်ၼွင်ႉၸၢႆးမၼ်းၼၼ်ႉတၵ်းလႆႈသိမ်းဢဝ်မေးပီႈဢၢႆႈမၼ်းႁႂ်ႈလႆႈပဵၼ်မေးမၼ်းလႄႈတၵ်းလႆႈႁဵတ်းဝုတ်ႉဢၼ်ၼွင်ႉၸၢႆးၽူဝ်ထုၵ်ႇလီႁဵတ်းတီႈမၼ်းၼၼ်ႉဢေႃႈ။
၆ လွင်ႈၼင်ႇႁိုဝ်တၵ်းၸိုဝ်သဵင်ပီႈၸၢႆးမၼ်းတၵ်းဢမ်ႇႁၢႆသေၵႃႈၼႂ်းမဵဝ်းဢိသရေႇလၸိုင်လုၵ်ႈၸၢႆးဢၼ်မၼ်းၵိုတ်ႇလဵင်ႉမႃးဢွၼ်တၢင်းပိူၼ်ႈၼၼ်ႉတၵ်းလႆႈၶၢမ်ႇဢဝ်ဢရႃႇၸိုဝ်သဵင်ပီႈၸၢႆးမၼ်းဢၼ်တၢႆၵႂႃႇၼၼ်ႉဢေႃႈ။
၇ ပေႃးၵူၼ်းၸၢႆးၼၼ်ႉဢမ်ႇမီးဢလူဝ်ႇၶႂ်းဢဝ်မေးပီႈၸၢႆးမၼ်းၸိုင်မေးပီႈၸၢႆးမၼ်းၼၼ်ႉတၵ်းလႆႈၵႂႃႇၸူးၵႃႈတီႈၵူၼ်းဢၼ်ပဵၼ်ၵေႇပဵၼ်ႁူဝ်ၵႃႈၼႂ်းဝဵင်းၼၼ်ႉလႄႈလဝ်ႈလၢတ်ႈဝႃႈ၊-ၼွင်ႉၸၢႆးၽူဝ်ၵဝ်ၶႃႈဢမ်ႇမီးဢလူဝ်ႇၶႂ်ႈႁႂ်ႈၸိုဝ်သဵင်ပီႈၸၢႆးမၼ်းတႄႇယူႇၵႃႈၼႂ်းမဵဝ်းဢိသရေႇလၼႆႉၶႃႈ။မၼ်းဢမ်ႇမီးဢလူဝ်ႇၶႂ်ႈႁဵတ်းဝုတ်ႉဢၼ်ၼွင်ႉၸၢႆးၽူဝ်ထုၵ်ႇလီႁဵတ်းၼၼ်ႉၶႃႈ၊ဝႃႈၼင်ႇၼႆသေယဝ်ႉၵူၼ်းဢၼ်ပဵၼ်ၵေႇပဵၼ်ႁူဝ်ၼႂ်းဝဵင်းၼၼ်ႉတၵ်းလႆႈႁွင်ႉဢဝ်မၼ်းမႃးလႄႈတွင်ႈထၢမ်ဢေႃႈ။
၈ ပေႃးမၼ်းၵႅၼ်ႇၶႅင်ၼႃႇလူင်လၢင်ယူႇသေလႄႈလၢတ်ႈဝႃႈ၊-ၵဝ်ၶႃႈဢမ်ႇမီးဢလူဝ်ႇၶႂ်ႈဢဝ်မၼ်းၶႃႈ၊ဝႃႈၼင်ႇၼႆၸိုင်၊ပီႈလူဝ်းမၼ်းၼၼ်ႉတၵ်းသုတ်ႉၸမ်ၵႃႈတီႈႁိမ်းမၼ်းၵႃႈတီႈၽၢႆႇၼႃႈၵူၼ်းဢၼ်ပဵၼ်ၵေႇပဵၼ်ႁူဝ်ၸိူဝ်းၼၼ်ႉသေလႄႈ
၉ ထွတ်ႇဢဝ်ၶႅပ်းတိၼ်မၼ်းၶွၼ်ၼိုင်ႈသေလႄႈထူမ်ႇၼမ်ႉလၢႆးသႂ်ႇၵႃႈတီႈၼႃႈမၼ်းယူႇသေယဝ်ႉလၢတ်ႈတီႈမၼ်းလႄႈဝႃႈ၊-ထုၵ်ႇလီႁဵတ်းၸိူဝ်ႉၼင်ႇၼႆတီႈၵေႃႉဢၼ်ဢမ်ႇမီးဢလူဝ်ႇၶႂ်ႈတႄႇႁဵတ်းႁိူၼ်းပီႈၸၢႆးတူဝ်ၸဝ်ႈၵဝ်ႇၼၼ်ႉဢေႃႈ၊ဝႃႈၼင်ႇၼႆဢေႃႈ။
၁၀ ၸိူဝ်ႉၶိူဝ်းၵူၼ်းၸၢႆးၼၼ်ႉတၵ်းလႆႈၶၢမ်ႇတၢင်းဢၼ်ႁွင်ႉႁိၵ်ႈၼႂ်းၵူၼ်းမဵဝ်းဢိသရေႇလဝႃႈ၊-မဵဝ်းဢၼ်လႆႈၶၢမ်ႇတၢင်းဢၼ်ထွတ်ႇၶႅပ်းတိၼ်၊ဝႃႈၼႆဢေႃႈ။
၁၁ ၼႂ်းမိူဝ်ႈဢၼ်ၵူၼ်းၸၢႆးၼင်ႇၵၼ်ၽိတ်းၵၼ်ယူႇၼၼ်ႉပေႃႈမေးၵူၼ်းၸၢႆးၵေႃႉၼိုင်ႈသုတ်ႉၸမ်ၵႃႈႁိမ်းၵူၼ်းၸႆးတၢင်ႇၵေႃႉႁႂ်ႈလႆႈၵႄႇသႄႇဢဝ်ၽူဝ်မၼ်းလွတ်ႈဢွၵ်ႇသေၵႃႈၼႂ်းမိုဝ်းၵေႃႉဢၼ်ပေႃႉယႅၼ်ႉၼၼ်ႉၸိုင်မၼ်းယိုၼ်းမိုဝ်းမၼ်းတိုတ်ႉၸၼ်ၶိူင်ႈၵူၼ်းၸၢႆးၵေႃႉၼၼ်ႉၸိုင်သူတၵ်းလႆႈတႅပ်းမိုဝ်းမေႈယိင်းၼၼ်ႉပႅတ်ႈဢေႃႈ။
၁၂ သူဢမ်ႇလႆႈမီးတၢင်းဢၼ်ဢိတ်းလူမၼ်း။
၁၃ ၵႃႈၼႂ်းထူင်သူၼၼ်ႉတၵ်းဢမ်ႇလႆႈမီးလုၵ်ႈၶၼ်ဢၼ်ပႅၵ်ႇပိူင်ႈၵၼ်ဢၼ်ဝႃႈလုၵ်ႈၶၼ်ဢၼ်ယႂ်ႇလုၵ်ႈၶၼ်ဢၼ်လဵၵ်ႉၼၼ်ႉ။
၁၄ ၵႃႈၼႂ်းႁိူၼ်းသူၼၼ်ႉတၵ်းဢမ်ႇလႆႈမီးၶိူင်ႈတူင်ၶိူင်ႈတႅၵ်ႈဢၼ်ပႅၵ်ႇပိူင်ႈၵၼ်ဢၼ်ဝႃႈၶိူင်ႈတူင်ဢၼ်ယႂ်ႇၶိူင်ႈတူင်ဢၼ်လဵၵ်ႉၼၼ်ႉ။
၁၅ လွင်ႈၼင်ႇႁိုဝ်ဢသၢၵ်ႈသူတၵ်းယၢဝ်းယိုၼ်ႈၵႃႈၼႂ်းမိူင်းဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူတၵ်းပၼ်တီႈသူၼၼ်ႉၸိုင်သူတၵ်းလႆႈမီးလုၵ်ႈၶၼ်ဢၼ်မၢၼ်ႇဢၼ်မႅၼ်ႈၶိူင်ႈတူင်ၶိူင်ႈတႅၵ်ႈဢၼ်မၢၼ်ႇဢၼ်မႅၼ်ႈဢေႃႈ။
၁၆ လွင်ႈမၼ်းၸမ်းၽြႃးပဵၼ်ၸဝ်ႈၽြႃးပဵၼ်ၸဝ်ႈသူလီႁင်ႈဢဵတ်ႇသဵတ်ႇၶဝ်ၸိူဝ်းဢၼ်ႁဵတ်းလွင်ႈတၢင်းဢၼ်ဢမ်ႇတြႃးဢၼ်လီႁင်ႈဢဵတ်ႇသဵတ်ႇၸိူဝ်းၼၼ်ႉဢေႃႈ။
၁၇ ၶုၵ်းၸႂ်လႆႈၶႆႈၸႂ်ထူပ်းလွင်ႈဢၼ်ၵူၼ်းမဵဝ်းဢႃႇမလိၵ်ႉတင်းလၢႆႁဵတ်းတီႈသူၵႃႈတီႈၵၢင်တၢင်းၼႂ်းမိူဝ်ႈဢၼ်သူဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃးယူႇၼၼ်ႉတႃႉ။
၁၈ ၼႂ်းမိုဝ်းဢၼ်သူႁႅင်းလဵၵ်ႉႁႅင်းဢူၼ်ႈလႄႈႁိူဝ်ႉၼူၼ်းယူႇၼၼ်ႉၶဝ်ထူပ်းႁၼ်သူၵႃႈၼႂ်းတၢင်းလႄႈၶဝ်တိုၵ်းတေႃးယႃႉပႅတ်ႈၶဝ်ၸိူဝ်းဢၼ်မီးၽၢႆႇလင်သုတ်းသူၸိူဝ်းၼၼ်ႉဢေႃႈ။
၁၉ ၶဝ်ဢမ်ႇၵူဝ်ႁေၽြႃးပဵၼ်ၸဝ်ႈ။မိူဝ်ႈဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူၵႄႇသႄႇဢဝ်သူလွတ်ႈသေၵႃႈၼႂ်းမိူင်းရၢၼ်ႇသူႇသူတင်းသဵင်ႈတင်းလူင်ဢၼ်ယူႇလဵပ်ႈႁွပ်ႈသူၼၼ်ႉလႄႈပၼ်သူၵတ်းယဵၼ်ၶျၢမ်းသႃႇၵႃႈၼႂ်းမိူင်းဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူတၵ်းပၼ်သူပိူင်ႇပုၼ်ႈဢၼ်တၵ်းလႆႈၶၢမ်ႇဢမူၺ်ႇၼၼ်ႉၸိုင်တၵ်းလႆႈပႄႇၽဵဝ်ႈပႅတ်ႈတီႈမၢတ်ႈတီႈတွင်းၵူၼ်းမဵဝ်းဢႃႇမလိၵ်ႉသေၵႃႈတႂ်ႈၽႃႉၵၢင်ႁၢဝ်ဢေႃႈ။သူဢမ်ႇလႆႈလူင်လႆႈလိုမ်း။