Chapter
၂၂
၁ ပေႃးသူႁၼ်သူဝ်းဝူဝ်းပီႈၼွင်ႉသူၽိတ်းတၢင်းပိူင်ႈတၢင်းၵႂႃႇၼၼ်ႉၸိုင်သူဢမ်ႇလႆႈယူႇတဵတ်ႇတဵတ်ႇသူတၵ်းလႆႈဢဝ်ၶိုၼ်းသူင်ႇပၼ်တီႈပီႈၼွင်ႉသူဢေႃႈ။
၂ ပေႃးပီႈၼွင်ႈသူဢမ်ႇယူႇၸမ်ၵၼ်တင်းသူဢမ်ႇၼၼ်ပေႃးသူဢမ်ႇႁူႉမၼ်းပဵၼ်ၽူႈလႂ်ၼၼ်ႉၸိုင်သူတၵ်းလႆႈဢဝ်သူဝ်းဝူဝ်းၼၼ်ႉမႃးၵႃႈတီႈႁိူၼ်းသူဝႆႉၵႃႈတီႈသူတေႃႇထိုင်ႁွတ်ႈပီႈၼွင်ႉသူၸွမ်းမႃးႁႃလႄႈသူၵေႃႈတၵ်းလႆႈဢၢပ်ႈပၼ်တီႈမၼ်းၶိုၼ်းဢေႃႈ။
၃ ပေႃးသူႁၼ်မႃႉလီႈၶူဝ်းလဵင်းဢုၵ်ႇၸႃႇပီႈၼွင်ႉသူဢၼ်ႁၢႆၵႂႃႇသေၸိူဝ်ႉသေပိူင်ၸိုင်သူႁဵတ်းၸိူဝ်ႉၼၼ်ၼင်ႇၵဝ်ႇတႃႉ။
၄ သူဢမ်ႇလႆႈယူႇတဵတ်ႇတဵတ်ႇယူႇ။ပေႃးသူႁၼ်မႃႉလီႈဝူဝ်းပီႈၼွင်ႉသူလူမ်ႉတူၵ်းယူႇၵႃႈတီႈၵၢင်တၢင်းၸိုင်သူဢမ်ႇလႆႈယူႇတဵတ်ႇတဵတ်ႇယူႇ။သူတၵ်းလႆႈၸွႆႈထႅမ်မၼ်းႁႂ်ႈမၼ်းၶိုၼ်းလုၵ်ႉၸုၵ်းဢေႃႈ။
၅ မေႈယိင်းဢမ်ႇလႆႈၼုင်ႈၶူဝ်းၵူၼ်းၸၢႆး။ၵူၼ်းၸၢႆးၵေႃႈဢမ်ႇလႆႈၼုင်ႈၶူဝ်းမေႈယိင်း။ၶဝ်ၸိူဝ်းဢၼ်ၼုင်ႈၸိူဝ်ႉၼင်ႇၼၼ်ၼၼ်ႉပဵၼ်တၢင်းဢၼ်လီႁင်ႈဢဵတ်ႇသဵတ်ႇၵႃႈတီႈထႃႇဝရႃႉၽြႃးၽြႃးပဵၼ်ၸဝ်ႈသူဢေႃ။
၆ ပေႃးသူထူပ်းႁၼ်ႁၢင်းၼူၵ်ႉဢၼ်မီးၵႃႈတီႈၽၢႆႇၼႃႈသူၵႃႈၼိူဝ်တူၼ်ႈမႆႉၵႃႈၼိူဝ်လိၼ်ၵႃႈၼိူဝ်ၶူၼ်တၢင်းၸိုင်ဢၼ်မေႈမၼ်းငွမ်းလုၵ်ႈဢွၼ်ႇမၼ်းဢမ်ႇၼၼ်ငွမ်းၶႆႇမၼ်းယူႇၸိုင်ႇသူဢမ်ႇလႆႈဢဝ်ၼူၵ်ႉမေႈမၼ်းဢိၵ်ႇပႃးလုၵ်ႈဢွၼ်ႇမၼ်း။
၇ သူမီးဢၶႂၢင်ႉဢဝ်လုၵ်ႈဢွၼ်ႇလႄႈႁႂ်ႈမေႈမၼ်းလွတ်ႈယူႇဢေႃႈ။ပေႃးႁဵတ်းၸိူဝ်ႉၼင်ႇၼၼ်ၸိုင်ၸူဝ်ႈဢသၢၵ်ႈသူတၵ်းယၢဝ်းယိုၼ်းဢေႃႈ။
၈ မိူဝ်ႈဢၼ်သူႁဵတ်းႁိူၼ်းမႂ်ႇၼၼ်ႉသူတၵ်းလႆႈႁဵတ်းဢၼ်ႁေႉဢၼ်ၵင်ႈလဵပ်ႈႁွပ်ႈၸွမ်းႁိမ်းမုင်းမၼ်းဢေႃႈ။ပေႃးႁဵတ်းၼၼ်ၸင်ႇမိူဝ်ႈဢၼ်ၵူၼ်းသေၵေႃႉၵေႃႉတူၵ်းသေၵႃႈၼိူဝ်မုင်းႁိူၼ်းတၢႆၼၼ်ႉၸိုင်လိူတ်ႈၵေႃႉဢၼ်တၢႆၼၼ်ႉတၵ်းဢမ်ႇႁွတ်ႈထိုင်ၵႃႈၼိူဝ်ႁိူၼ်းသူၼၼ်ႉဢေႃႈ။
၉ သူဢမ်ႇလႆႈဢဝ်ၸိူဝ်ႉၽၼ်းဢၼ်ပႅၵ်ႇပိူင်ႈၵၼ်ၼၼ်ႉဝၢၼ်ႇပိုၼ်ၸွမ်းၵၼ်ၵႃႈၼႂ်းသူၼ်ဢူးယိၼ်ႇမၢၵ်ႇၸပိတ်ႉ။ပေႃးဝၢၼ်ႇၸွမ်းၵၼ်ၸိုင်ၵွပ်ႈပိူဝ်ႈတူၼ်ႈၼၼ်ႉၵူၺ်းဢမ်ႇၵႃးမၢၵ်ႇၸပိတ်ႉၼၼ်ႉၵေႃႈတၵ်းပဵၼ်တၢင်းဢၼ်လူႉသုမ်းဢေႃႈ။
၁၀ သူဢမ်ႇလႆႈဢဝ်ဝူဝ်းတင်းမႃႉလီႈၽၢၵ်ႈၵိုၵ်းၵၼ်သေလႄႈထႆၼႃး။
၁၁ သူဢမ်ႇလႆႈၼုင်ႈၶူဝ်းၼုင်ႈဢၼ်ဢဝ်ၵူၺ်တင်းၶူၼ်သူဝ်းလေႃးၵၼ်သေလႄႈတေႃးႁဵတ်းၼၼ်ႉ။
၁၂ သူတၵ်းလႆႈႁဵတ်းပူႁွႆႈသႂ်ၵႃႈတီႈႁိမ်းၸဵင်ႇၶူဝ်းၼုင်ႈသူသီႇၽၢႆႇၼၼ်ႉဢေႃႈ။
တၢင်းဢၼ်ၽိတ်းပိူင်ႈၽူဝ်မေး
၁၃ ပေႃးသေၵေႃႉသေၵူၼ်းဢဝ်မေႈယိင်းလႄႈၶဝ်ႈၼွၼ်းၸူးတီႈမၼ်းသေယဝ်ႉသမ်ႉငိၼ်းၸင်းမၼ်းလႄႈသေႉသွမ်းယႃႉသလေႇမၼ်းလႄႈဝႃႈ၊-
၁၄ ၵဝ်ဢဝ်မေႈယိင်းၵေႃႉၼႆႉလႄႈမိူဝ်ႈဢၼ်ၵဝ်သိူၵ်ႈသမ်ႇၵၼ်းတင်းမၼ်းၼၼ်ႉၵဝ်ဢမ်ႇထူပ်းလၢၵ်ႈၶၼႃႇသၢၵ်ႈသေႇၵၼ်ႇၺႃႇဢၼ်ၸႅတ်ႈၼၼ်ႉတီႈမၼ်း၊ဝႃႈၼင်ႇၼႆၸိုင်
၁၅ ပေႃႈမေႈၽူႈယိင်းၼၼ်ႉတၵ်းလႆႈဢဝ်ၼႄႈလၢၵ်ႈၶၼႃႇသၢၵ်ႇသသေၢဝ်ၵၼ်ႇၺႃႇၸႅတ်ႈၼၼ်ႉၵႂႃႇတီႈၵူၼ်းဢၼ်ပဵၼ်ၵေႇပဵၼ်ႁူဝ်ၼႂ်းဝဵင်းၼၼ်ႉၵႃႈတီႈၽၵ်းတူဝဵင်းၼၼ်ႉလႄႈ
၁၆ ပေႃႈၽူႈယိင်းၼၼ်ႉတၵ်းလႆႈလဝ်ႈလၢတ်ႈတီႈၵူၼ်းဢၼ်ပဵၼ်ၵေႇပဵၼ်ႁူဝ်ၸိူဝ်းၼၼ်ႉလႄႈဝႃႈ၊-ၵဝ်ၶႃႈဢဝ်လုၵ်ႈယိင်းၵဝ်ၶႃႈပၼ်တီႈၵူၼ်းၸၢႆးၼႆႉၶႃႈယဝ်ႉ။
၁၇ မၼ်းသမ်ႉၸင်းမၼ်းလႄႈလၢတ်ႈလွင်ႈတၢင်းဢၼ်လီသေႉသွမ်းတီႈမၼ်းလႄႈဝႃႈ၊-ၵဝ်ဢမ်ႇထူပ်းႁၼ်လၢၵ်ႈၶၼႃႇသၢၵ်ႈသေႇသၢဝ်ၵၼ်ႇၺႃႇၸႅတ်ႈတီႈလုၵ်ႈယိင်းသူ၊ဝႃႈၼင်ႇၼႆယဝ်ႉ။ဢၼ်ၼႆႉပဵၼ်လၢၵ်ႈၶၼႃႇသၢၵ်ႈသေႇသၢဝ်ၵၼ်ႇၺႃႇၸႅတ်ႈလုၵ်ႈယိင်းၵဝ်ၶႃႈၶႃႈဢေႃႈ၊ဝႃႈၼႆသေလႄႈမၼ်းဢဝ်ၶူဝ်းၽူႈယိင်းၼၼ်ႉၽေႇၵီႈၼပျေႃႉၵႃႈတီႈၽၢႆႇၼႃႈၵူၼ်းလူင်ဢၼ်ပဵၼ်ၵႄႇပဵၼ်ႁူဝ်ၼႂ်းဝဵင်းၼၼ်ႉဢေႃႈ။
၁၈ မိူဝ်ႈၼၼ်ႉၵူၼ်းဢၼ်ပဵၼ်ၵႄႇပဵၼ်ႁူဝ်ၼႂ်းဝဵင်းၼၼ်ႉတၵ်းလႆႈဢဝ်ၵူၼ်းၸၢႆးၵေႃႉၼၼ်ႉသေလႄႈပေႃႉယႅၼ်ႉသေယဝ်ႉႁႂ်ႈမၼ်းယေႃႇသငေိုၼ်းၵျၢပ်ႈသၶေႇလႃႉပၢၵ်ႇၵျၢပ်ႈလႄႈပၼ်တီႈပေႃႈၽူႈယိင်းၼၼ်ႉဢေႃႈ။
၁၉ လွင်ႈမၼ်းၸမ်းမၼ်းၼၼ်ႉယႃႉသလေႇၵၢၼ်ႇၺႃႇမဵဝ်းဢိသရေႇလဢေႃႈ။
၂၀ ၽူႈယိင်းၼၼ်ႉတၵ်းလႆႈပဵၼ်မေးမၼ်းလႄႈၸူဝ်ႈဢသၢၵ်ႈမၼ်းမၼ်းတေဢမ်ႇလႆႈပႅတ်ႈမေႈယိင်းၼၼ်ႉ။
၂၁ ဢမ်ႇၼၼ်ပေႃးၵႂၢမ်းၽူဝ်မၼ်းၸႂ်ႈလႄႈလၢၵ်ႈၶၼႃႇသၢၵ်ႈသေႇသၢဝ်ၵၼ်ႇၺႃႇၸႅတ်ႈဢမ်ႇမီးတီႈမေႈယိင်းၼၼ်ႉတေႉၸိုင်ၶဝ်တၵ်းလႆႈဢဝ်မေႈယိင်းၼၼ်ႉဢွၵ်ႇဝႆႉၵႃႈတီႈႁူးၽၵ်းတူႁိူၼ်းပေႃႈမေႈမၼ်းသေယဝ်ႉၵူၼ်းၸၢႆးဝဵင်းၼႂ်းၼၼ်ႉတၵ်းလႆႈဢွၼ်ၵၼ်ဢဝ်မၢၵ်ႇႁိၼ်ထိမ်ႈမၼ်းတၢႆဢေႃႈ။လွင်ႈမၼ်းၸမ်းမၼ်းၸွမ်းလူၺ်ႈမေႇထုင်ႇဢၼ်ဢမ်ႇတြႃးၵႃႈၼႂ်းႁိူၼ်းပေႃႈမၼ်းလႄႈႁဵတ်းဢမူႉဢၼ်ႁၢႆႉမိူၵ်ႈၵႃႈၼႂ်းမဵဝ်းဢိသရေႇလယဝ်ႉ။ၼင်ႇၼၼ်လႄႈသူတၵ်းလႆႈပႄႇၽဵဝ်ႈပႅတ်ႈတူႉၸရိူၵ်ႈဢပျႅတ်ႈသေၵႃႈၼႂ်းသူၼၼ်ႉဢေႃႈ။
၂၂ ပေႃးထူပ်းမႅၼ်ႈၵူၼ်းၸၢႆးတၢင်ႇၵေႃႉၼွၼ်းလူၺ်ႈၵၼ်တင်းမေႈယိင်းဢၼ်မီးၽူဝ်ယူႇၼၼ်ႉၸိုင်ၵူၼ်းၸၢႆးတင်းမေႈယိင်းၼၼ်ႉတၵ်းလႆႈၶၢမ်ႇတၢင်းဢၼ်ဢဝ်တၢႆတင်းသွင်ၵေႃႉဢေႃႈ။ၼင်ႇၼၼ်လႄႈသူတၵ်းလႆႈပႄႇၽဵဝ်ႈပႅတ်ႈတူႉၸရိူၵ်ႈဢပျႅတ်ႈသေၵႃႈၼႂ်းမဵဝ်းဢိသရေႇလဢေႃႈ။
၂၃ ပေႃးၵူၼ်းၸၢႆးတၢင်ႇၵေႃႉထူပ်းၺႃးၵၼ်ႇၺႃႇလုၵ်ႈယိင်းသၢဝ်ဢၼ်မၢႆၵၼ်ဝႆႉတင်းၵူၼ်းၸၢႆးယဝ်ႉၵႃႈၼႂ်းဝဵင်းၼၼ်ႉလႄႈၵူၼ်းၸၢႆးၼၼ်ႉၵႂႃႇၼႂ်းဝဵင်းသေလႄႈၼွၼ်းလူၺ်ႈၵၼ်းတင်းမၼ်းၸိုင်သူတၵ်းလႆႈဢဝ်သွင်ၶႃၼၼ်ႉဢွၵ်ႇၸူးၵႃႈတီႈၽၵ်းတူဝဵင်းသေလႄႈဢဝ်မၢၵ်ႇႁိၼ်ထိမ်ႈသွင်ၶႃတၢႆဢေႃႈ။
၂၄ လွင်ႈမၼ်းၸမ်းမေႈယိင်းၼၼ်ႉမၼ်းမီးယူႇၵႃႈၼႂ်းဝဵင်းသေၵေႃႈမၼ်းဢမ်ႇႁွင်ႉဢမ်ႇသႅၼ်ႇၵူၼ်းၸၢႆးၼၼ်ႉၵွပ်ႈပိူဝ်ႈဢၼ်မၼ်းၽိတ်းပိူင်ႈမေးပိူၼ်ႈဢေႃႈ။ၼင်ႇၼၼ်လႄႈသူတၵ်းလႆႈပႅတ်ႈတူႉၸရိူၵ်ႈဢပျႅတ်ႈသေၵႃႈၼႂ်းသူၼၼ်ႉဢေႃႈ။
၂၅ ပေႃးၵူၼ်းၸၢႆးတၢင်ႇၵေႃႉထူပ်းႁၼ်ၵၼ်ႇၺႃႇလုၵ်ႈယိင်းသၢဝ်ဢၼ်မၢႆၵၼ်ဝႆႉတင်းၵူၼ်းၸၢႆးယဝ်ႉၼၼ်ႉၵႃႈၼႂ်းထိူၼ်ႇလႄႈႁဵတ်းဢႃႉထမ်ႇမႃႉတဵၵ်းၵၼ်ႉမၼ်းၸိုင်ၵူၼ်းၸၢႆးဢၼ်တဵၵ်းၵၼ်ႉမၼ်းၼၼ်ႉၵေႃႉလဵဝ်ၵူၺ်းတၵ်းလႆႈၶၢမ်ႇတၢင်းဢၼ်ဢဝ်တၢႆဢေႃႈ။
၂၆ သူဢမ်ႇလႆႈႁဵတ်းၵႃႈသင်တီႈမေႈယိင်းၼၼ်ႉလႃးလႃး။မေႈယိင်းၼၼ်ႉဢမ်ႇမီးဢပျႅတ်ႈဢၼ်ထိူၵ်ႈၶၢမ်ႇတၢင်းဢၼ်ဢဝ်တၢႆ။လွင်ႈမၼ်းၸမ်းဢမူႉၼၼ်ႉမိူၼ်ၸိူဝ်ႉၼင်ႇၵူၼ်းဢၼ်လုၵ်ႉယူႇၽၢႆႇၼိုင်ႈတင်းၵူၼ်းႁိူၼ်းၸမ်ၵၼ်တင်းမၼ်းလႄႈဢဝ်တၢႆၼၼ်ႉဢေႃႈ။
၂၇ မၼ်းထူပ်းႁၼ်မေႈယိင်းၼၼ်ႉၵႃႈၼႂ်းထိူၼ်ႇလႄႈပဵၵ်ႉသမ်ႉမေႈယိင်းႁွင်ႉသဵၼ်ႇသေၵေႃႈဢမ်ႇမီးၵေႃႉဢၼ်ၸွႆႈဢၼ်ထႅမ်မၼ်း။
၂၈ ပေႃးၵူၼ်းၸၢႆးထူပ်းမေႈယိင်းဢၼ်ဢမ်ႇပႆႇမၢႆၵၼ်ဝႆႉတင်းၵူၼ်းၸၢႆးၼၼ်ႉလႄႈႁဵတ်းဢႃႉထမ်ႇမႃႉတဵၵ်းၵၼ်ႉမၼ်းလႄႈပိူၼ်ႈထူပ်းႁၼ်မႅၼ်ႈၸိုင်ၵူၼ်းၸၢႆးဢၼ်တဵၵ်းၵၼ်ႉမၼ်းၼၼ်ႉတၵ်းလႆႈယေႃႇပၼ်ငိုၼ်းႁႃႈသိပ်းတီႈပေႃႈၵူၼ်းယိင်းၼၼ်ႉဢေႃႈ။
၂၉ ၵူၼ်းယိင်းၼၼ်ႉၵေႃႈတၵ်းလႆႈပဵၼ်မေးမၼ်းဢေႃႈ။ၵွပ်ႈပိူဝ်ႈဢၼ်ႁဵတ်းႁႂ်ႈသလေႇမၼ်းလူႉလႄႈၸူဝ်ႈဢသၢၵ်ႈဢမ်ႇလႆႈပႅတ်ႈမၼ်း။
၃၀ သေၵေႃႉသေၵူၼ်းတၵ်းဢမ်ႇလႆႈသိမ်းဢဝ်မေးပေႃႈမၼ်း။ဢမ်ႇလႆႈႁဵတ်းတၢင်းဢၼ်ၽုၺ်ႇပိုတ်ႇၶူဝ်းၼုင်ႈပေႃႈမၼ်း။