Chapter
၁၃
ႁဵတ်းဝၢတ်ႈၵူဝ်းၵႂၢႆႇၽြႃးတၢင်ႇသူႇတၢင်ႇပႃး
၁ ပေႃးမီးၵေႃႉဢၼ်ႁဵတ်းပရေႃးၽႅတ်ႈၵေႃႉဢၼ်ႁေႃးလၢတ်ႈၸွမ်းၼွၼ်းၽၼ်ၼၼ်ႉပေႃႇမႃးၵႃႈၼႂ်းသူလႄႈလၢတ်ႈလွင်ႈၼီႉမိၵ်ႈလၢၵ်ႈၶၼႃႇသေယဝ်ႉပေႃးၼီႉမိၵ်ႈလၢၵ်ႈၶၼႃႇပေႃႇပဵၼ်မႃးလႄႈလၢတ်ႈဝႃႈ၊-
၂ ႁဝ်းဢွၼ်ၵၼ်ၸွမ်းလင်ၽြႃးတၢင်ႇသူႇတၢင်ႇပႃးလႄႈႁဵတ်းဝၢတ်ႈသူဝ်းၵႂၢႆႇၽြႃးဢၼ်သူဢမ်ႇႁူႉၼၼ်ႉတႃႉႁဝ်း၊ဝႃႈၼင်ႇၼႆၸိုင်၊သူဢမ်ႇလႆႈထွမ်ႇလႆႈဢဝ်ၵႂၢမ်းမၼ်း။
၃ လွင်ႈမၼ်းၸမ်းထႃႇဝရႃႉၽြႃးၽြႃးပဵၼ်ၸဝ်ႈသူၸၢမ်းတူၺ်းသူႁႂ်ႈလႆႈႁူႉလွင်ႈဢၼ်သူပႃးတင်းၸႂ်သဵင်ႈသဵင်ႈတင်းႁူဝ်ၸႂ်သဵင်ႈသဵင်ႈသေလႄႈႁၵ်ႉထႃႇဝရႃႉၽြႃးၽြႃးပဵၼ်ၸဝ်ႈသူႁိုဝ်ဢမ်ႇႁၵ်ႉႁိုဝ်ၼၼ်ႉဢေႃႈ။
၄ သူတၵ်းလႆႈၸွမ်းလင်ထႃႇဝရႃႉၽြႃးၽြႃးပဵၼ်ၸဝ်ႈသူလႄႈၵူဝ်ႁမေၼ်းၸဝ်ႈဢေႃႈ။တၵ်းလႆႈပႂ်ႉပိင်းၺၢပ်ႈမၼ်းၸဝ်ႈတင်းလၢႆလႄႈထွမ်ႇဢဝ်ၵႂၢမ်းမၼ်းၸဝ်ႈဢေႃႈ။တၵ်းလႆႈႁဵတ်းဝၢတ်ႈတီႈမၼ်းၸဝ်ႈလႄႈၸပ်းႁွႆးတိၼ်မၼ်းၸဝ်ႈဢေႃႈ။
၅ ၵေႃႉဢၼ်ႁဵတ်းပရေႃးၽိတ်ႈဢမ်ႇၼၼ်ၵေႃႉဢၼ်ႁေႃးလၢတ်ႈၸွမ်းၼွၼ်းၽၼ်ၼၼ်ႉတၵ်းလႆႈၶၢမ်ႇတၢင်းဢၼ်ဢဝ်တၢႆၵွပ်ႈပိူဝ်ႈဢၼ်မၼ်းႁေႃးလၢတ်ႈႁႂ်ႈသူလႆႈပိူင်ႈသေၵႃႈတီႈထႃႇဝရႃႉၽြႃးၽြႃးပဵၼ်ၸဝ်ႈသူဢၼ်ၵႄႇသႄႇၼုၵ်ႈဢဝ်သူဢွၵ်ႇသေၵႃႈၼႂ်းမိူင်းဢေႇၵႅပ်ႉတုတီႈဢၼ်သူလႆႈၶၢမ်ႇႁဵတ်းၶႃႈမႃးၼၼ်ႉဢမ်ႇၵႃးမၼ်းႁဵတ်းႁႂ်ႈသူဢွၵ်ႇသေၵႃႈၼႂ်းသဵၼ်ႈတၢင်းဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူသင်ႇလၢတ်ႈဝႆႉပုၼ်ႈဢၼ်သူတၵ်းလႆႈၸွမ်းၼၼ်ႉဢေႃႈ။သူတၵ်းလႆႈဢဝ်ပႅတ်ႈဢၼ်ႁၢႆႉမိူၵ်ႈသေၵႃႈၼႂ်းသူၼၼ်ႉဢေႃႈ။
၆ ပေႃးပီႈၸၢႆးသူၼွင်ႉၸၢႆးသူဢမ်ႇၼၼ်လုၵ်ႈၸၢႆးသူလုၵ်ႈယိင်းသူမေးသူဢၼ်သူႁၵ်ႉၼႃႇဢမ်ႇၼၼ်ၵေႃႉသေႈဢၼ်သူမိုတ်ႉၵိုဝ်းၼႃႇၼၼ်ႉသေၵေႃႉၵေႃႉတဵတ်ႇတဵတ်ႇတိုၵ်းယူင်းၸူဝ်းဢဝ်သူလႄႈဝႃႈ၊-
၇ ၵႂႃႇတႃႉႁဝ်း။ႁဵတ်းဝၢတ်ႈတီႈၽြႃးတၢင်ႇသူႇတၢင်ႇပႃးဢၼ်သူဢမ်ႇႁူႉပူႇပေႃးသူၵေႃႈဢမ်ႁူႉၽြႃးဢၼ်ၵူၼ်းမဵဝ်းယူႇလဵပ်ႈႁွပ်ႈသူယူႇတီႈဢၼ်ၵႆတီႈဢၼ်ၸမ်ၵႃႈတီႈလႅၼ်လိၼ်သုတ်းလိၼ်မိူင်းၽၢႆႇၼိုင်ႈတေႃႇထိုင်ႁွတ်ႈလႅၼ်လိၼ်သုတ်းၽၢႆႇၼိုင်ႈၸိူဝ်းၼၼ်ႉတႃႉႁဝ်း၊ဝႃႈၼင်ႇၼႆၸိုင်ႈ၊သူယႃႇပေႁပ်ႉတုင်းဢဝ်။
၈ ယႃႇပေထွမ်ႇလႆႈဢဝ်ၵႂၢမ်းမၼ်း။ယႃႇပေဢိတ်းလူမၼ်း။ယႃႇပေသေလၢႆမၼ်း။
၉ ယႃႇပေဢဝ်မၼ်းသိူင်ႇဝႆႉမႅပ်းဝႆႉ။သူတၵ်းလႆႈဢဝ်မၼ်းတၢႆဢမၢၼ်ႇၶၼ်ပဵၼ်ဢေႃႈ။မိုဝ်းသူတၵ်းလႆႈၸႃႉႁဵတ်းတၢင်းဢၼ်ဢဝ်မၼ်းတၢႆဢေႃႈ။လိုၼ်းၼၼ်ႉမိုဝ်းၵူၼ်းတင်းသဵင်ႈတင်းလူင်တၵ်းလႆႈႁဵတ်းဢေႃႈ။
၁၀ ၵွပ်ႈပိူဝ်ႈမၼ်းၵျၢမ်ႇပွင်ႈႁဵတ်းႁႂ်ႈသူလႆႈပိူင်ႈသေၵႃႈတီႈထႃႇဝရႃႉၽြႃးၽြႃးပဵၼ်ၸဝ်ႈသူဢၼ်ၼုၵ်ႈဢဝ်သူဢွၵ်ႇသေၵႃႈၼႂ်းမိူင်းဢေႇၵႅပ်ႉတုတီႈဢၼ်သူၶၢမ်ႇႁဵတ်းၶႃႈၼၼ်ႉမႃးၼၼ်ႉလႄႈသူတၵ်းလႆႈဢဝ်မၢၵ်ႇႁိၼ်ထုပ်ႉမၼ်းတၢႆဢေႃႈ။
၁၁ ၵူၼ်းမဵဝ်းဢိသရေႇလတင်းလၢႆတၵ်းလႆႈငိၼ်းလွင်ႈမၼ်းလႄႈမီးၸႂ်ဢၼ်ၵူဝ်ႁသယေဝေ်ႉၵမ်းလိုၼ်းၶဝ်တၵ်းဢမ်ႇႁတ်းႁဵတ်းဢမူႉဢၼ်ဢမ်ႇတြႃးၵႃႈၼႂ်းသူၼၼ်ႉထႅင်ႈဢေႃႈ။
၁၂ ပေႃးသူငိၼ်းပိူၼ်ႈလၢတ်ႈလွင်ႈဝဵင်းသေဝဵင်းဝဵင်းဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူပုၼ်ႈဢၼ်သူတၵ်းယူႇၼၼ်ႉလႄႈဝႃႈ၊-
၁၃ ၵူၼ်းဢႃႉထမ်ႇမႃႉၵမ်ႈၽွင်ႈပေႃႇဢွၵ်ႇသေၵႃႈၼႂ်းသူမႃးလႄႈတိုၵ်းယူင်းၸူဝ်းဢဝ်ၵူၼ်းမိူင်းလႄႈလၢတ်ႈဝႃႈ၊-ဢွၼ်ၵၼ်ၵႂႃႇလႄႈႁဵတ်းဝၢတ်ႈတီႈၽြႃးတၢင်ႇသူတၢင်ႇပႃးဢၼ်သူဢမ်ႇႁူႉၼၼ်ႉတႃႉႁဝ်း၊ဝႃႈၼင်ႇၼႆၸိုင်
၁၄ သူတၵ်းလႆႈတွင်ႈထၢမ်ၸႅတ်ႈတူၺ်းသွပ်ႇႁႃလွင်ႈတၢင်းၼၼ်ႉၸေးၸေးၸွတ်ႇၸွတ်ႇသေယဝ်ႉပေႃးဢမူႉဢၼ်လီႁင်ႈဢဵတ်ႇသဵတ်ႇၸိူဝ်ႉၼင်ႇၼၼ်ၵႃႈၼႂ်းသူၼၼ်ႉ
၁၅ ပဵၼ်ဢၼ်ၸိုဝ်ႈၸႂ်ႈမၢၼ်ႇမႅၼ်ႈဢမၢၼ်ႇၶၼ်ႇပဵၼ်ၸိုင်သူတၵ်းလႆႈဢဝ်လၢပ်ႇလႅဝ်းၶႃႈၽၼ်းၵူၼ်းဝဵင်းၸိူဝ်းၼၼ်ႉဢိၵ်ႇတင်းတရိၵ်ႉသၢၼ်ႇၶဝ်မူတ်းမူတ်းသဵင်ႈသဵင်ႈတင်းဝဵင်းဢေႃႈ။
၁၆ သူတၵ်းလႆဢဝ်ဢုၵ်ႉၸႃႇၵႃႈဢၼ်ႁိမ်လႆႈမႃးၼၼ်ႉၸူႉၵွင်ဝႆႉၵႃႈၼႂ်းၵၢင်တၢင်းလူင်သေလႄႈဢဝ်ၽႆးၸုတ်ႇဝဵင်းၼၼ်ႉဢိၵ်ႇတင်းဢုၵ်ႉၸႃႇၵႃႈဢၼ်ႁိမ်လႆႈၼၼ်ႉၵူႈၸိူဝ်ႉၵူႈဢၼ်ႁႂ်ႈပဵၼ်ပုၼ်ႈတၢင်းလူႇထႃႇဝရႃႉၽြႃးၽြႃးပဵၼ်ၸဝ်ႈသူဢေႃႈ။ဝဵင်းၼၼ်ႉၸိုင်တၵ်းလႆႈပဵၼ်ၵွင်လိၼ်ႁၢမ်းယူႇတႃႇသေဢေႃႈ။
၁၇ ၵမ်းလိုၼ်းဢမ်ႇၶိုၼ်းလႆႈတႄႇႁဵတ်း။ဢုၵ်ႉၸႃႇဢၼ်ၵိၼ်ႇဝႃးၼၼ်ႉဢမ်ႇလႆႈမီးၵႃႈၼႂ်းမိုဝ်းသူသေၸိူဝ်ႉသေပိူင်။ႁႂ်ႈတၢင်းၸႂ်မႆႈၶႂ်ႈၸႃႉထႃႇဝရႃႉၽြႃးထၢတ်ႇယဵၼ်လႄႈဢိတ်းလူသူမီးၵရူႉၼႃႇတီႈသူလႄႈႁႂ်ႈသူယႂ်ႇၽႄႈၼမ်ၵိုၼ်းမႃးၸွမ်းၵႃႈၼင်ႇဢၼ်မၼ်းၸဝ်ႈတိူင်ႇဝႃႈဝႆႉတီႈပူႇမွၼ်ႇသူၸိူဝ်းၼၼ်ႉ
၁၈ ၵွပ်ႈပိူဝ်ႈဢၼ်သူထွမ်ႇဢဝ်ၵႂၢမ်းထႃႇဝရႃႉၽြႃးၽြႃးပဵၼ်ၸဝ်ႈသူႁႂ်ႈလႆႈၵမ်ၵျၢင်ႉပိင်းၺၢပ်ႈမၼ်းၸဝ်ႈၵႃႈဢၼ်ၵဝ်သင်ႇလၢတ်ႈဝႆႉတီႈသူဝၼ်းမိူဝ်ႈၼႆႉၼၼ်ႉလႄႈသၢင်ႈႁဵတ်းလွင်ႈတၢင်းဢၼ်ထုၵ်ႇတႃထႃႇဝရႃႉၽြႃးၽြႃးပဵၼ်ၸဝ်ႈသူယူႇၼၼ်ႉဢေႃႈ။