Chapter
၁၀
ၶႅပ်းႁိၼ်မိူၼ်ၼင်ႇၶႅပ်းဢွၼ်တၢင်း
၁ မိူဝ်ႈၼၼ်ႉထႃႇဝရႃႉၽြႃးမီးဢမိင်ႉတီႈၵဝ်လႄႈဝႃႈ၊-ထၢၵ်ႇႁဵတ်းၶႅပ်းမၢၵ်ႇႁိၼ်သွင်ၽႅၼ်ႇမိူၼ်ၸိူဝ်ႉၼင်ႇၶႅပ်းမၢၵ်ႇႁိၼ်သွင်ႇၽႅၼ်ႇဢွၼ်တၢင်းၼၼ်ႉလႄႈၶိုၼ်းမႃးၵႃႈတီႈၵဝ်ၼိူဝ်လွႆၼႆႉထႅင်ႈလူးၵွၼ်ႇတႃႉ။
၂ တိူၵ်ႈၵေႃႈဢဝ်တင်းမႆႉႁဵတ်းတႃႉ။ၵဝ်တၵ်းဢဝ်ၵႂၢမ်းဢၼ်ပႃးၵႃႈတီႈၶႅပ်းမၢၵ်ႇႁိၼ်ၵမ်းဢွၼ်တၢင်းဢၼ်သူဢဝ်ႁၢၵ်းႁိၵ်းပႅတ်ႈၼၼ်ႉတႅမ်ႈသႂ်ႇဝႆႉၵႃႈၼႂ်းၶႅပ်းမၢၵ်ႇႁိၼ်ၸိူဝ်းၼၼ်ႉထႅင်ႈလႄႈသူတၵ်းလႆႈဢဝ်သႂ်ႇဝႆႉၵႃႈၼႂ်းတိူၵ်ႈၼၼ်ႉဢေႃႈ၊ဝႃႈၼင်ႇၼႆဢေႃႈ။
၃ ၼင်ႇၼၼ်လႄႈၵဝ်ဢဝ်မႆႉဢၵႃႇသႁဵတ်းတိူၵ်ႈလႄႈထၢၵ်ႇႁဵတ်းၶႅပ်းမၢၵ်ႇႁိၼ်မိူၼ်ၸိူဝ်ႉၼင်ႇဢၼ်ဢွၼ်တၢင်းၼၼ်ႉသေယဝ်ႉယိပ်းၵမ်ဢဝ်ၶႅပ်းမၢၵ်ႇႁိၼ်သွင်ၽႅၼ်ႇၼၼ်ႉသေလႄႈၶိုၼ်ႈၵႂႃႇၵႃႈၼိူဝ်လွႆဢေႃႈ။
၄ ၸွမ်းၵႃႈၼင်ႇဢၼ်ပႃးၼႂ်းလိၵ်ႈဢၼ်ဢွၼ်တၢင်းၼၼ်ႉမၼ်းၸဝ်ႈတႅမ်ႈပိင်းၺၢပ်ႈသိပ်းပိူင်ဢၼ်ထႃႇဝရႃႉၽြႃးမီးဢမိင်ႉဢွၵ်ႇသေၵႃႈၼႂ်းၽႆးၵႃႈၼိူဝ်လွႆၼၼ်ႉသႂ်ႇဝႆႉၵႃႈၼိူဝ်ၶႅပ်းမၢၵ်ႇႁိၼ်လႄႈဢဝ်ဢၢပ်ႈပၼ်တီႈၵဝ်ၼႂ်းဝၼ်းဢၼ်သူၸူႉၵၼ်တုမ်ၵၼ်ၼၼ်ႉဢေႃႈ။
၅ ၵဝ်ၵေႃႈဝၢႆႇၶိုၼ်းလႄႈလူင်းသေၵႃႈၼိူဝ်လွႆမႃးသေယဝ်ႉဢဝ်ၶႅပ်းမၢၵ်ႇႁိၼ်ၸိူဝ်းၼၼ်ႉသႂ်ႇဝႆႉၵႃႈၼႂ်းတိူၵ်ႈဢၼ်ၵဝ်ႁဵတ်းဝႆႉၼၼ်ႉလႄႈမီးယူႇၵႃႈၼႂ်းၼၼ်ႉၸွမ်းၵႃႈၼင်ႇဢၼ်ထႃႇဝႃႉရၽြႃးသင်ႇလၢတ်ႈဝႆႉၼၼ်ႉဢေႃႈ။
၆ ၵူၼ်းမဵဝ်းဢိသရေႇလတင်းလၢႆဢွၼ်ၵၼ်လုၵ်ႉသေၵႃႈတီႈၼမ်ႉမေႃႇပိၼ်ႇယႃႇၵၼ်ႇၸိုဝ်ၼၼ်ႉဢွၵ်ႇတႃပႆတၢင်းၸူးၵႃႈတီႈမုဝ်းသရႃႇဢေႃႈ။ဢႃႇရုၼ်ႇႁွတ်ႈဢၼိၵ်ႉၸႃႉၵႃႈတီႈၼၼ်ႉလႄႈၶၢမ်ႇတၢင်းဢၼ်သၢင်းၵျူဝ်ႇၵႃႈတီႈၼၼ်ႉဢေႃႈ။လုၵ်ႈၸၢႆးမၼ်းဢေႇလႃႇၸႃႇလႆႈပွင်ႁဵတ်းဢမူႉယိတ်ႉပရေႃႁိၵ်ႈၼႂ်းဢရႃႇမၼ်းၼၼ်ႉဢေႃႈ။
၇ ၶဝ်သမ်ႉလုၵ်ႉသေၵႃႈတီႈၼၼ်ႉဢွၵ်ႇတႃပႆတၢင်းၸူးၵႃႈတီႈၵုတ်ႉၵူဝ်ႇတႃႇဢေႃႈ။သမ်ႉလုၵ်ႉသေၵႃႈတီႈၵုတ်ႉၵူဝ်ႇတႃႇၸူးၵႃႈတီႈယုတ်ႉၽႃႇသတီႇဢၼ်မီးၼမ်ႉႁွင်ႊၼမ်ႉၵေးၼၼ်ႉဢေႃႈ။
၈ မိူဝ်ႈၼၼ်ႉထႃႇဝရႃႉၽြႃးၽႄဢဝ်ၵူၼ်းမဵဝ်းလေႇဝိတင်းလၢႆဝႆႉႁႂ်ႈၶဝ်လႆႈႁပ်ႉတိူၵ်ႈပတိၺိၼ်ႇထႃႇဝရႃႉၽြႃးဢိၵ်ႇတင်းႁႂ်ႈလႆႈၸုၵ်းယူႇၵႃႈတီႈၽၢႆႇၼႃႈထႃႇဝရႃႉၽြႃးလႄႈပွင်ႁဵတ်းဢမူႉမၼ်းၸဝ်ႈဢိၵ်ႇတင်းႁႂ်ႈလႆႈဢဝ်ၼႃႇမႃႉၸိုဝ်သဵင်မၼ်းၸဝ်ႈသေလႄႈပၼ်တၢင်းလီၼၼ်ႉတေႃႇထိုင်ႁွတ်ႈဝၼ်းမိူဝ်ႈၼႆႉဢေႃႈ။
၉ ၵွပ်ႈပိူဝ်ႈၼင်ႇၼၼ်လႄႈမဵဝ်းလေႇဝိဢမ်ႇလႆႈပုၼ်ႊလႆႈတႃႇဢမ်ႇလႆႈၶၢမ်ႇဢမူၺ်ႇလူၺ်ႈပီႈၼွင်ႉၶဝ်။ထႃႇဝရႃႉၽြႃးပဵၼ်ဢမူၺ်ႇဢၼ်ၶဝ်လႆႈၶၢမ်ႇၸွမ်းၵႃႈၼင်ႇဢၼ်ထႃႇဝရႃႉၽြႃးပဵၼ်ၸဝ်ႈမီးၵတိဝႆႉတီႈၶဝ်ၼၼ်ႉဢေႃႈ။
၁၀ ၼင်ႇၼၼ်လႄႈၵဝ်သမ်ႉၶိုၼ်းလႆႈယူႇၵႃႈၼိူဝ်လွႆသီႇသိပ်းဝၼ်းသီႇသိပ်းၶိုၼ်းထႅင်ႈမိူၼ်မိူဝ်ႈဢွၼ်တၢင်းၼၼ်ႉလႄႈမိူဝ်ႈၼၼ်ႉၵေႃႈထႃႇဝရႃႉၽြႃးထွမ်ႇဢဝ်ၵႂၢမ်းၵဝ်လႄႈထႃႇဝရႃႉၽြႃးဢမ်ႇယႃႉၽဵဝ်ႈသူပႅတ်ႈ။
၁၁ ထႃႇဝရႃႉၽြႃးမီးဢမိင်ႉတီႈၵဝ်လႄႈဝႃႈ၊-လုၵ်ႉလႄႈဢွၼ်ႁူဝ်ၵူၼ်းတင်းလၢႆဢွၵ်ႇတႃပႆတၢင်းတႃႉ။ၶဝ်တၵ်းလႆႈၵႂႃႇလႄႈသိမ်းဢဝ်မိူင်းဢၼ်ၵဝ်တိူင်ႇဝႃႈဝႆႉတီႈပူႇမွၼ်ႇၶဝ်ႁႂ်ႈလႆႈပၼ်တီႈၶဝ်ၼၼ်ႉဢေႃႈ၊ဝႃႈၼင်ႇၼႆဢေႃႈ။
ရူဝ်ႇသေႇၵူဝ်ယမ်ၽြႃးပဵၼ်ၸဝ်ႈ
၁၂ မဵဝ်းဢိသရလေၶဝ်ဢူၺ်းလိူဝ်သတငေ်းဢၼ်ရူဝ်ႇသေႇၵူဝ်ယမ်ထႃႇဝရႃႉၽြႃးၽြႃးပဵၼ်ၸဝ်ႈသူတၢင်းဢၼ်ၸွမ်းၼႂ်းသဵၼ်ႈတၢင်းမၼ်းၸဝ်ႈတင်းသဵင်ႈတင်းလူင်
၁၃ တၢင်းဢၼ်ႁၵ်ႉမၼ်းၸဝ်ႈတၢင်းဢၼ်ပႃးတင်းၸႂ်သဵင်ႈသဵင်ႈတင်းႁူဝ်ၸႂ်သဵင်ႈသဵင်ႈသေလႄႈပွင်ႁဵတ်းဢမူႉထႃႇဝရႃႉၽြႃးၽြႃးပဵၼ်ၸဝ်ႈသူတင်းဢၼ်ပႂ်ႉၵမ်ပႂ်ႉၸွမ်းပိင်းၺၢပ်ႈထႃႇဝရႃႉၽြႃးဢိၵ်ႇတင်းထုင်းၽိင်ႈမၼ်းၸဝ်ႈတင်းလၢႆဢၼ်ၵဝ်ထွၵ်ႈလူၺ်ႈဢၵျူဝ်းသူသေလႄႈသင်ႇလၢတ်ႈဝႆႉဝၼ်းမိူဝ်ႈၼႆႉၸိူဝ်ႉၼၼ်ၼၼ်ႉထႃႇဝရႃႉၽြႃးၽြႃးပဵၼ်ၸဝ်ႈသူယွၼ်းဢဝ်လွင်ႈဢၼ်လႂ်။
၁၄ ၽႃႉၵၢင်ႁၢဝ်ဢိၵ်ႇတင်းၵႃႈၼိူဝ်ၸိၵ်းၸွမ်ၽႃႉၵၢင်ႁၢဝ်လိၼ်မိူင်းဢိၵ်ႇတင်းၵႃႈဢၼ်မီးၵႃႈၼႂ်းမၼ်းၸိူဝ်းၼၼ်ႉပဵၼ်ဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူပိူင်ႇဢေႃႈ။
၁၅ ၼႂ်းဝႃႈၼၼ်သေၵေႃႈထႃႇဝရႃႉၽြႃးၸႂ်ၸပ်းၸႂ်ပႅင်းပူႇမွၼ်ႇသူသေလႄႈႁၵ်ႉပႅင်းလႄႈလိူၵ်ႈၵဵပ်းဢဝ်မဵဝ်းၸိူဝ်ႉၶိူဝ်းၶဝ်လိုၼ်းၶဝ်ဢၼ်ပဵၼ်သူၸိူဝ်းၼႆႉၵႃႈၼႂ်းမဵဝ်းၵူၼ်းတင်းလၢႆၸိူဝ်ႉၼင်ႇဢၼ်မီးဝၼ်းမိူဝ်ႈၼႆႉၼၼ်ႉဢေႃႈ။
၁၆ ပိူဝ်ႈၼႆလႄႈထိူဝ်ႁိမ်းပၢႆၼင်ႁူဝ်ၸႂ်သူတႃႉ။ၵမ်းလိုၼ်းယႃႇပေႁႂ်ႈမီးလမ်းၶေႃးဢၼ်ၵႅၼ်ႇဢၼ်ၶႅင်။လွင်ႈမၼ်းၸမ်းထႃႇဝရႃႉၽြႃးၽြႃးပဵၼ်ၸဝ်ႈသူပဵၼ်ၽြႃးၼိူဝ်ၽြႃးပဵၼ်ၸဝ်ႈၼိူဝ်ၸဝ်ႈၽြႃးဢၼ်ယႂ်ႇမျၢတ်ႈၽြႃးဢၼ်တဵမ်ဝႆႉတင်းတၼ်းၶူဝ်းလႄႈလီဢၢမ်းဢေႃး။
၁၇ ၽြႃးဢၼ်ဢမ်ႇတူၺ်းၼႃႈဢမ်ႇႁဵတ်းဢၼ်ဢမ်ႇတြႃးဢမ်ႇၵိၼ်သူးၵိၼ်လၢပ်ႈၽြႃးယူႇၽၢႆႇလုၵ်ႈဢွၼ်ဢၼ်ဢမ်ႇမီးပေႃႈမီးမေႈဢိၵ်ႇတင်းမေႈမုၵ်ႉမေႈမၢႆႈတင်းလၢႆလႄႈ
၁၈ ၸီႇယင်ႇတြႃးၽြႃးဢၼ်ႁၵ်ႉၶႅၵ်ႇဢႃႇၵၼ်ႇတူႉလႄႈဢိတ်းလူပၼ်တၢင်းၵိၼ်တၢင်းၼုင်ႈၼၼ်ႉဢေႃႈ။
၁၉ ပိူဝ်ႈၼႆလႄႈႁၵ်ႉၶႅၵ်ႇဢႃႇၵၼ်ႇတူႉတႃႉ။လွင်ႈမၼ်းၸမ်းသူယင်းလႆႈပဵၼ်ၶႅၵ်ႇဢႃႇၵၼ်ႇတူႉၵႃႈၼႂ်းမိူင်းဢေႇၵႅပ်ႉတုမႃးယဝ်ႉ။
၂၀ သူတၵ်းလႆႈရူဝ်ႇသေႇၵူဝ်ယမ်ထႃႇဝရႃႉၽြႃးၽြႃးပဵၼ်ၸဝ်ႈသူလႄႈပွင်ႁဵတ်းဢမူႉၸဝ်ႈဢေႃႈ။တၵ်းလႆႈၸပ်းၸွမ်းဢိင်ပိုင်မၼ်းၸဝ်ႈလႄႈဢဝ်တင်းၼႃႇမႃႉၸိုဝ်သဵင်မၼ်းၸဝ်ႈႁဵတ်းတၢင်းဢၼ်တိူင်ႇဝႃႈဢေႃႈ။
၂၁ မၼ်းၸဝ်ႈပဵၼ်မုၼ်ၵုင်ႇသရေႇသူၽြႃးပဵၼ်ၸဝ်ႈသူဢၼ်ႁဵတ်းလွင်ႈတင်းဢၼ်ယႂ်ႇၼႃႇဢၼ်လီဢၢမ်းဢေႃးတင်းလၢႆပုၼ်ႈသူဢၼ်မၢၵ်ႇတႃသူလႆႈႁၼ်ယဝ်ႉၼၼ်ႉဢေႃႈ။
၂၂ ပူႇမွၼ်ႇသူဢၼ်လူင်းၵႂႃႇၵႃႈတီႈမိူင်းဢေႇၵႅပ်ႉတုၸိူဝ်းၼၼ်ႉမီးၵူၼ်းၸဵတ်းသိပ်းၵေႃႉၵူၺ်းသေၵေႃႈယႃႇတေႃႈလဵဝ်ၼႆႉၸမ်းထႃႇဝရႃႉၽြႃးၽြႃးပဵၼ်ၸဝ်ႈသူႁႂ်ႈသူယႂ်ႇၽေၼမ်ၵိုၼ်းမႃးထၢၼ်ႈပေႃးတၢၼ်ႇလၢဝ်ၵၢင်ႁၢဝ်ၸိူဝ်းၼၼ်ႉယဝ်ႉ။