Chapter
၃၂
၁ ၽႃႉၵၢင်ႁၢဝ်ဢူၺ်း။ဝၢႆႇႁူတေႃႇၵဝ်တႃႉ။ၵဝ်တၵ်းလၢတ်ႈဢေႃႈ။
၂ လိၼ်မိူင်းဢူၺ်း။ထွမ်ႇငိၼ်းၵႂၢမ်းဢၼ်ဢွၵ်ႇသူပ်းၵဝ်တႃႉ။
တေႇသၼႃႇၵဝ်တၵ်းယွတ်ႇတူၵ်းယူႇ
မိူၼ်ၼင်ႇၼမ်ႉၽူၼ်လႄႈၵႂၢမ်းၵဝ်တၵ်းယွႆႉတူၵ်းယူႇမိူၼ်ၼင်ႇၼမ်ႉၼၢႆးဢေႃႈ။
တၵ်းမိူၼ်ၼင်ႇၽူၼ်ယွႆးဢၼ်တူၵ်းသႂ်ႇၵႃႈၼိူဝ်
တူၼ်ႈဢၼ်ၼုမ်ႇလီဢူၼ်ႈလီမိူၼ်ၼင်ႇႁႃႇၽူၼ်ၵႃႈၼိူဝ်တူၼ်ႈယိူဝ်ႈတူၼ်ႈယႃႈဢေႃႈ။
၃ ၵဝ်တၵ်းႁွင်ႉပၢဝ်ႇႁွင်ႉလၢတ်ႈၼႃႇမႃႉၸိုဝ်သဵင်ထႃႇဝရႃႉၽြႃးလႄႈ၊ဢွၼ်ၵၼ်ယွင်ႈယေႃးမူၼ်ဢႃႇၼူႉၽေႃႇၽြႃးပဵၼ်ၸဝ်ႈၼၼ်ႉတႃႉ။
မၼ်းၸဝ်ႈပဵၼ်မိူၼ်မၢၵ်ႇႁိၼ်မၢၵ်ႇၽႃလႄႈဢမူႉမၼ်းၸဝ်ႈပဵၼ်ဢၼ်ၸေးၸုမ်ႇဝႆႉလႄႈသဵၼ်ႈတၢင်းမၼ်းၸဝ်ႈၵႃႈမီးၼၼ်ႉမႅၼ်ႈၸွမ်းတြႃးဝႆႉဢေႃႈ။
၄ မၼ်းၸဝ်ႈပဵၼ်ၽြႃးဢၼ်ပႂ်ႉသႅတ်ႈၸႃႇဢၼ်ၵင်းလွတ်ႈတင်းဢပျႅတ်ႈလႄႈ
ၸိုဝ်ႈၸႂ်ႈသိုဝ်ႈတေႃႇဢေႃႈ။
၅ ၶဝ်ႁဵတ်းႁၢႆႉႁဵတ်းမိူၵ်ႈတီႈမၼ်းၸဝ်ႈယဝ်ႉ။
ဢမ်ႇၸႂ်ႈလုၵ်ႈလၢင်းမၼ်းၸဝ်ႈယဝ်ႉ။ပဵၼ်ဢၼ်ၵူဝ်ႈဢၼ်ၵႂၵ်ႈဝႆႉတီႈၶဝ်ယဝ်ႉ။
ပဵၼ်ၵူၼ်းဢၼ်ၸၢင်ႊပိၼ်ႈၸၢင်ႊႁၢႆလႄႈၸႂ်ၵူတ်ႉၸႂ်ငေႃးဢေႃႈ။
၆ ၵူၼ်းဢၼ်မိူၵ်ႈလႄႈဢမ်ႇမီးပိင်ႇၺႃႇၶဝ်ဢူၺ်း။
သူတၵ်းတွပ်ႇတႅၼ်းၶိုၼ်းၵျေးၸူးထႃႇဝရႃႉၽြႃး
ၸိူဝ်ႉၼင်ႇၼၼ်ႁိုဝ်။
မၼ်းၸဝ်ႈပဵၼ်ပေႃႈသူ
ၸဝ်ႈဢၼ်ၽၢၼ်ႇသၢင်းႁဵတ်းပဵၼ်သူ
ၸဝ်ႈဢၼ်ႁႂ်ႈသူတႄႇယူႇဢမ်ႇၸႂ်ႈႁိုဝ်။
၇ ၶုၵ်းၸႂ်လႆႈၶႂ်းၸႂ်ထူပ်း
ၶိင်ႇဝၼ်းမိူဝ်ႈၵွၼ်ႇဢွၼ်ၼၼ်ႉတႃႉ။
ၶႂ်းၸႂ်ဝူၼ်ႉၸႂ်ၶူပ်းပီႊဢၼ်သိုပ်ႇလူင်းတၢမ်းလၢမ်းမႃးၼမ်ၼႃႇယဝ်ႉၸိူဝ်းၼၼ်ႉတႃႉ။
တွင်ႈထၢမ်တီႈပေႃႈသူတႃႉ။
မၼ်းတၵ်းၽုၺ်ႇဢွၵ်ၼပျေႃးတီႈသူဢေႃႈ။တွင်ႈထၢမ်တီႈၵူၼ်းထဝ်ႈၵူၼ်းၵႄႇသူတင်းလၢႆတႃႉ။ၶဝ်တၵ်းမွၵ်ႇလၢတ်ႈတီႈသူဢေႃႈ။
၈ မိူဝ်ႈဢၼ်ၽြႃးဢၼ်သုင်ၼႃႇသပေိူၼ်ႈ
ဢဝ်လိၼ်ဢမူၺ်ႇမႅင်ႇပၼ်တီႈၵူၼ်းၵူႈမဵဝ်းလႄႈၽေၸိူဝ်ႉၶိူဝ်းၵူၼ်းတင်းလၢႆဝႆႉၼၼ်ႉမၼ်းၸဝ်ႈၸီႇယၢင်ႇဢၼ်ၶႅၼ်ႈဢၼ်ၶၼ်ႈတီႈယူႇၵူၼ်းၵူႈၸိူဝ်ႉၵူႈမဵဝ်းၸွမ်းလူၺ်ႈတင်းဢၼ်ၼပ်ႉဢၼ်ဢၢၼ်ႇ
ၵူၼ်းမဵဝ်းဢိသရေႇလတင်းလၢႆဢေႃႈ။
၉ ပုၼ်ႈထႃႇဝရႃႉၽြႃးၸမ်း
ပဵၼ်ၵူၼ်းမဵဝ်းမၼ်းၸဝ်ႈဢေႃႈ။
မဵဝ်းယႃႇၵုပ်ႉပဵၼ်တီႈဢၼ်မၼ်းၸဝ်ႈၶၢမ်ႇဢမူၺ်ႇဢေႃႈ။
၁၀ မၼ်းၸဝ်ႈထူပ်းႁၼ်မၼ်း
ၵႃႈၼႂ်းတီႈဢၼ်သိတ်ႇၵူၼ်းယဵၼ်ၵူၼ်း
ၵႃႈၼႂ်းထိူၼ်ႇၼႂ်းၶိူဝ်းဢၼ်ပဝ်ႇဢၼ်လၢပ်ႈ
ၵႃႈတီႈဢၼ်တူဝ်ႁၢႆႉတူဝ်ၵျမ်း
ႁွင်ႉယူႇၶၢင်းယူႇၼၼ်ႉဢေႃႈ။မၼ်းၸဝ်ႈလွမ်ႉႁွပ်ႈၵႅတ်ႇၶေႁေႉၵင်ႈမၼ်းယူႇလုမ်းလႃးပႂ်ႉထိင်းမၼ်းယူႇပႂ်ႉလူပႂ်ႉတူၺ်းမၼ်းယူႇမိူၼ်ၼင်ႇႁူၺ်ႇတႃဢေႃႈ။
၁၁ ၸိူဝ်ႉၼင်ႇလၢင်းတႃႉၶမ်းယႃႉတဝ်ႁၢင်းမၼ်းယူႇမိၼ်ယွပ်ႇယူႇၵႃႈၼိူဝ်လုၵ်ႈဢွၼ်ႇမၼ်း
ၵီႈပိၵ်ႇမၼ်းယူႇဢဝ်ၶဝ်တၢင်ႇၵႃႈၼိူဝ်ပိၵ်ႇမၼ်းၸဝ်ႈၵႂႃႇၼၼ်ႉ
ထႃႇဝရႃႉၽြႃးပႃးလဵဝ်ၵူၺ်းဢဝ်မၼ်းသူင်ဢေႃႈ။
၁၂ ၽြႃးတၢင်ႇသူႇတၢင်ႇပႃး
ဢမ်ႇမီးလူၺ်ႈၵၼ်တင်းမၼ်းလႃးလႃး။
၁၃ မၼ်းၸဝ်ႈႁႂ်ႈမၼ်းၶီႇယဵပ်ႇ
ၵႃႈၼိူဝ်ထႃႇၼႃႉတီႈဢၼ်သုင်မျၢတ်ႈၼႃႇၵႃႈတီႈလိၼ်မိူင်းၸိူဝ်းၼၼ်ႉၵႂႃႇ
ႁႂ်ႈမၼ်းၵိၼ်တၢင်းဢၼ်ယႂ်ႇၽတေူဝ်းတွၼ်းမႃးတီႈႁႆႈတီႈၼႃး
ႁႂ်ႈမၼ်းသူတ်ႉလုတ်ႇၼမ်ႉၽိုင်ႈၵႃႈၼႂ်းမၢၵ်ႇႁိၼ်ၼမ်ႉမၼ်းၵႃႈၼႂ်းမၢၵ်ႇႁိၼ်ၶႅင်
၁၄ ၼမ်ႉၼူမ်းဝူဝ်းၼမ်ႉၼူမ်းသူဝ်း
ၵွၼ်ႈၶႆၵွၼ်ႈမၼ်းသူဝ်းပေႉမဵဝ်းပႃႇသၼ်ႇ
ၵွၼ်ႈၶႆၵွၼ်းမၼ်းမၢၵ်ႇလၼ်းၶဝ်ႈၵျုင်ႇ
သူလႆႈၵိၼ်ၼမ်ႉမၢၵ်ႇၸပိတ်ႉဢၼ်ၸႅတ်ႈဢေႃႈ။
၁၅ ယေႇသူႇရုၼ်ႇပီးမၼ်းမႃးလႄႈဢဝ်တိၼ်ပိတ်ႉဢေႃႈ။
မၼ်းပီးမၼ်းယူႇပီးပုၵ်းယူႇ
တဵမ်ဝႆႉတင်းၵွၼ်ႈၶႆၵွၼ်ႈမၼ်းယူႇလႄႈၸုၼ်ႉပႅတ်ႈၽြႃးပဵၼ်ၸဝ်ႈဢၼ်ႁဵတ်းမၼ်းပဵၼ်ၼၼ်ႉလႄႈ
ႁဵတ်းဢမ်ႇပေႃးၼင်ႇႁိုဝ်တီႈမၢၵ်ႇႁိၼ်မၢၵ်ႇၽႃတီႈဢၼ်ၵႄႇသႄႇၶျွတ်ႈဢဝ်မၼ်းၼၼ်ႉဢေႃႈ။
၁၆ ၶဝ်ဢဝ်ၽြႃးတၢင်ႇသူႇတၢင်ႇပႃး
ႁဵတ်းႁႂ်ႈမၼ်းၸဝ်ႈၽိတ်းၸႂ်ဢေႃႈ။ၶဝ်ဢဝ်လွင်ႈတၢင်းဢၼ်လီႁင်ႈဢဵတ်ႇသဵတ်ႇ
တိုၵ်းယုင်းၸႂ်မႆႈၶႂ်းၸႃႉမၼ်းၸဝ်ႈဢေႃႈ။
၁၇ ၶဝ်ပုၵ်ႉၸေႃႇယိၸ်ႉတီႈၽီႁၢႆႉဢၼ်ဢမ်ႇၸႂ်ႈၽြႃး
ၽြႃးဢၼ်ၶဝ်ဢမ်ႇတွၼ်ႉႁူႉၸၵ်း
ၽြႃးဢၼ်မႂ်ႇဢၼ်ပူႇမွၼ်ႇသူဢမ်ႇတွၼ်ႉၵူဝ်တွၼ်ႉႁႄ
ၸိူဝ်းၼၼ်ႉဢေႃႈ။
၁၈ သူဢမ်ႇမၢတ်ႈဢမ်ႇတွင်းမၢၵ်ႇႁိၼ်မၢၵ်ႇၽႃ
ဢၼ်ႁႂ်ႈသူပဵၼ်မႃးၼၼ်ႉ
သူလူင်လိုမ်းၽြႃးပဵၼ်ၸဝ်ႈဢၼ်ၵိူတ်ႇလဵင်ႉသူမႃးၼၼ်ႉပႅတ်ႈယဝ်ႉ။
၁၉ ထႃႇဝရႃႉရၽြႃးႁၼ်လွင်ႈတၢင်းၼၼ်ႉလႄႈ
ၶၢၼ်ႉႁၼ်ၶဝ်
ၵွပ်ႈပိူဝ်ႈလုၵ်ႈၸၢႆးလုၵ်းယိင်းမၼ်းၸဝ်ႈ
ၸုၼ်ႉပႅတ်ႈမၼ်းၸဝ်ႈယဝ်ႉလႄႈ
၂၀ မီးဢမိင်ႉလႄႈဝႃႈ၊-ၵဝ်တၵ်းဝၢႆႇၼႃႈၵဝ်ပႅတ်ႈသေၵႃႈတီႈၶဝ်ဢေႃႈ။
ၵဝ်တၵ်းတူၺ်းတီႈသုတ်းၶဝ်
တၵ်းပဵၼ်ၸိူဝ်ႉၼင်ႇႁိုဝ်ၼၼ်ႉဢေႃႈ။
၂၁ ၶဝ်ပဵၼ်မဵဝ်းဢၼ်သၽေႃးၵႅၼ်ႇၶႅင်
လုၵ်ႈၸၢႆးလုၵ်ႈယိင်းဢၼ်ဢမ်ႇမီးၸႅတ်ႉၸႃႇ
ၶဝ်ဢဝ်လွင်ႈတၢင်းဢၼ်ဢမ်ႇၸႂ်ႈၽြႃးႁဵတ်းႁႂ်ႈၵဝ်ၽိတ်းၸႂ်ယဝ်ႉ။
ၶဝ်ဢဝ်လွင်ႈတၢင်းလၢႆႈလၢႆႈဢမ်ႇပွင်ႇလွင်ႈၵႃႈသင်ၼၼ်ႉ
တိုၵ်းယုင်းတၢင်းမႆႈၸႂ်ၶႂ်ႈၸႃႉယဝ်ႉ။ပိူဝ်ႈၼႆလႄႈၵဝ်တၵ်းဢဝ်ၵူၼ်းမဵဝ်းဢၼ်ဢမ်ႇလႆႈလွင်ႈၼၼ်ႉႁဵတ်းႁႂ်ႈၶဝ်ၽိတ်းၸႂ်ဢေႃႈ။
ၵဝ်တၵ်းဢဝ်မဵဝ်းၵူၼ်းဢၼ်ဢမ်ႇမီးပိင်ႇၺႃႇၼၼ်ႉ
ႁဵတ်းႁႂ်ႈၶဝ်ၸႂ်မႆႈၶႂ်ႈၸႃႉဢေႃႈ။
၂၂ တင်းမႆႈၸႂ်ၶႂ်ႈၸႃႉၵဝ်ဢွၵ်ႇလႄႈပဵၼႆ်းသေယဝ်ႉတၵ်းမႆႈတေႃႇထိုင်ႁွတ်ႈမိူင်းမရၼႃႉတီႈဢၼ်လိုၵ်ႉၼႃႇသပေိူၼ်ႈၼၼ်ႉဢေႃႈ။
တၵ်းႁႂ်ႈလိၼ်ဢိၵ်ႇတင်းတၢင်းဢၼ်ယႂ်ႇၽတေူဝ်းတွၼ်းမႃး
တီႈမၼ်းၸိူဝ်းၼၼ်ႉမႆႈသုတ်းၵႂႃႇလႄႈ
ၸုတ်ႇၽဝ်ႁၢၵ်ႈလွႆတိၼ်လွႆပႅတ်ႈဢေႃႈ။
၂၃ ၵဝ်တၵ်းဢဝ်ၽေးဢူးပၢတ်ႈတင်းလၢႆ
ၸူႉၵွင်ဝႆႉၵႃႈၼိူဝ်ၶဝ်ဢေႃႈ။
ၵဝ်တၵ်းယိုဝ်းပိုၼ်ၵဝ်တင်းသဵင်ႈတင်းမူတ်း
သႂ်ႇတီႈၶဝ်ဢေႃႈ။
၂၄ ၶဝ်တၵ်းလႆႈၶၢမ်ႇတၢင်းဢၼ်ယွမ်ၵႂႃႇႁဵဝ်ႇၵႂႃႇ
လူၺ်ႈတၢင်းဢၼ်ဢိုပ်းယၢၵ်ႈသုမ်းၸွမ်းလူၺ်ႈမႆႈႁွၼ်ႉပဵၼ်ႁႃႇၵႃႇလႃႉ
ဢိၵ်ႇတင်းၽေးတၢင်းဢၼ်ယႃႉပႅတ်ႈဢၼ်ၶူမ်ၶတ်းၼႃႇၼၼ်ႉဢေႃႈ။ၵဝ်တၵ်းၸႂ်ႉၶဵဝ်ႈတူဝ်ႁၢႆႉဢိၵ်ႇတင်းၵွင်ႉ
တူဝ်ဢၼ်ၸၢင်ႊလိူၼ်ႈၸၢင်ႊၵၢၼ်းၵႃႈၼိူဝ်လိၼ်ၸူးတီႈၶဝ်ဢေႃႈ။
၂၅ ၽေးလၢပ်ႇၵႃႈတီႈၼွၵ်ႈႁိူၼ်း
ၽေးဢၼ်လီၵူဝ်လီႁေၵႃႈၼႂ်းႁိူၼ်းတၵ်းယႃႉၽဵဝ်ႈပႅတ်ႈၽူႈမၢဝ်ႇဢိၵ်ႇတင်းၽူႈသၢဝ်လုၵ်ႈဢွၼ်ႇဢၼ်ၵိၼ်ၼူမ်းဢိၵ်ႇတင်း
ၵေႃႉဢၼ်ႁူဝ်ႁွၵ်ႇၼၼ်ႉဢေႃႈ။
၂၆ ၵဝ်ဝႃႈၵဝ်တၵ်းႁႂ်ႈၶဝ်မၢၵ်ႇမိူဝ်ၵႂႃႇႁႂ်ႈၶဝ်ႁၢႆၵႂႃႇပေႃးဢမ်ႇမီးတီႈမၢတ်ႈတီႈတွင်း
၂၇ ၵူၺ်းၵႃႈၵူဝ်ရၢၼ်ႇသူႇတၵ်းထၢင်ႇၽိတ်းဝႃႈ၊-
မိုဝ်းႁဝ်းပႄႉၼႅင်ႇယဝ်ႉ
ထႃႇဝရႃႉၽြႃးႁဵတ်းဢမူႉၼႆႉတင်းသဵင်ႈတင်းမူတ်း
ဢမ်ႇၸႂ်
၂၈ ၶဝ်ပဵၼ်မဵဝ်းၵူၼ်းဢၼ်ဢမ်ႇမီးပိင်ႇၺႃႇသတိ
ဢမ်ႇမီးၺၢၼ်ႇဢေႃႈ။
၂၉ ဢိူဝ်ႈ။ၶႂ်ႈႁႂ်ႈၶဝ်မီးၺၢၼ်ႇလႄႈႁူႉၸႅင်ႈဢမူႉၼႆႉၵူၺ်းယဝ်ႉ။
ဢိူဝ်ႈ။
ၶႂ်ႈႁႂ်ႈၶဝ်ၶႆႈၸႂ်ဝူၼ်ႉၸႂ်လူၺ်ႈလွင်ႈတီႈသုတ်းၶဝ်ဢၼ်ပဵၼ်လိုၼ်းလင်သုတ်းၼၼ်ႉၵူၺ်းယဝ်ႉဝႃႈၼင်ႇၼႆဢေႃႈ။
၃၀ သင်မၢၵ်ႇႁိၼ်မၢၵ်ႇၽႃၶဝ်ဢမ်ႇဢဝ်ၶဝ်ၶၢႆပႅတ်ႈသင်ထႃႇဝရႃႉၽြႃးဢမ်ႇၸုၼ်ႉၶဝ်ၸိုင်
ၵေႃႉၼိုင်ႈတၵ်းႁေႃၵူၼ်းႁဵင်ၼိုင်ႈပႅတ်ႈလႆႈႁိုဝ်
သွင်ၵေႃႉတၵ်းႁႂ်ႈၵူၼ်းမိုၼ်ႇၼိုင်ႈ
ၵႂႃႇတိုၵ်းသိုၵ်းလႆႈႁိုဝ်
၃၁ မၢၵ်ႇႁိၼ်မၢၵ်ႇၽႃၶဝ်ဢၼ်မိူၼ်ၵၼ်တင်းမၢၵ်ႇႁိၼ်မၢၵ်ႇၽႃႇႁဝ်း
၃၂ ၶိူဝ်းတူၼ်ႈမၢၵ်ႇၸပိတ်ႉၶဝ်
ပဵၼ်မဵဝ်းတူၼ်ႈမၢၵ်ႇၸပိတ်ႉသေႃးတုမ်ႇ
ပဵၼ်မဵဝ်းတူၼ်ႈဢၼ်ဢွၵ်ႇ
ၵႃႈတီႈလိၼ်ၵေႃးမေႃးရမၢၵ်ႇၸပိတ်ႉၶဝ်ၼၼ်ႉပဵၼ်မၢၵ်ႇတူၼ်ႈဢၼ်ၶူမ်
ပုၵ်ႉမၢၵ်ႇၸပိတ်ႉၶဝ်ၼၼ်ႉမီးဢရႃႉသႃႇဢၼ်ၶူမ်ၶတ်း
၃၃ ၼမ်ႉၸပိတ်ႉၶဝ်ၼၼ်ႉ
ပဵၼ်ၵွင်ႉၼၵႃးပဵၼ်ၵွင်ႉပဵၼ်ယၢင်ငူးႁၢႆႉ
ဢၼ်ႁၢဝ်ႉၵျၢမ်းၼႃႇၼၼ်ႉဢေႃႈ။
၃၄ လွင်ႈတၢင်းၸိူဝ်းၼႆႉသိမ်းဝႆႉမီးယူႇၵႃႈတီႈၵဝ်တွၵ်ႇတၼ်းသိၵ်ႈဝႆႉၵႃႈတီႈတိူၵ်ႈၽၼ်ႇတႃႇၵဝ်
ဢမ်ႇၸႂ်ႈႁိုဝ်။
၃၅ ၵဝ်ပိူင်ႇဢၶႂၢင်ႉဢၼ်လႆႈၸီႇယၢင်ႇဢပျႅတ်ႈတြႃးဢၶႂၢင်ႉဢၼ်လႆႈတွပ်ႇတႅၼ်းၶိုၼ်း
ၸွမ်းလူၺ်ႈဢပျႅတ်ႈၼႂ်းမိူဝ်ႈဢၼ်တိၼ်ၶဝ်ပရၢတ်ႈၼၼ်ႉဢေႃႈ။
ၶိင်ႇမိုဝ်ႉဝၼ်းဢၼ်ၽေးတၵ်းႁွတ်ႈထိုင်
ၵႃႈတီႈၶဝ်ၼၼ်ႉၸမ်ယဝ်ႉ။
၃၆ လွင်ႈတၢင်းဢၼ်တၵ်းတူၵ်းႁွတ်ႈၵႃႈၼိူဝ်ၶဝ်ၼၼ်ႉတၵ်းၸဵဝ်းၽႅဝ်မႃးၶၼ်ၶၼ်ၽႂ်းၽႂ်းဢေႃႈ။ထႃႇဝရႃႉၽြႃးတၵ်းၸီႇယၢင်ႇတြႃးတီႈၵူၼ်းမၼ်းၸဝ်ႈတင်းလၢႆဢိတ်းလူၶဝ်
မိူဝ်ႈဢၼ်မၼ်းၸဝ်ႈႁၼ်ဢဵၼ်ႁႅင်းၶဝ်
သဵင်ႈမူတ်းၵႂႃႇဢမ်ႇၵိုတ်းဢမ်ႇၵျၢၼ်ႇသေၵေႃႉၶႃႈတင်းၵူၼ်းလွတ်ႈ
၃၇ မၼ်းၸဝ်ႈတၵ်းလၢတ်ႈလႄႈဝႃႈ၊-ၽြႃးၶဝ်မၢၵ်ႇႁိၼ်မၢၵ်ႇၽႃႇဢၼ်ၶဝ်သွၼ်ႈပိုင်ႈ
ဢၼ်ၵိၼ်ၵွၼ်ႈၶႆၵွၼ်ႈမၼ်း
တၢင်းဢၼ်ၶဝ်ပုၵ်ႉၸေႃႇ
သူတ်ႉၼမ်ႉၸပိတ်ႉၶိူင်ႈပုၵ်ႉၸေႃႇဢၼ်ၶဝ်သွၼ်းလေႃႇၸိူဝ်းၼၼ်ႉ
မီးၵႃႈလႂ်။
၃၈ ႁႂ်ႈၶဝ်ၼၼ်ႉဢွၼ်ၵၼ်လုၵ်ႉလႄႈ
ပႂ်ႉၸွႆႈပႂ်ႉထႅမ်သူသေၵမ်း။
ႁႂ်ႈၶဝ်ၼၼ်ႉဢွၼ်ၵၼ်ႁဵတ်းဢၼ်ႁေႉဢၼ်ၵင်ႈတီႈသူသေၵမ်း။
၃၉ ဢွၼ်ၵၼ်လူတူၺ်းၵဝ်ပဵၼ်ၸဝ်ႈၼၼ်ႉတႃႉၼွၵ်ႈသေၵဝ်ၼႆႉဢမ်ႇမီၽြႃးတၢင်ႇသူႇတၢင်ႇပႃး
ၵဝ်ႁႂ်ႈဢသၢၵ်ႈတၢႆၵဝ်ႁႂ်ႈဢသၢၵ်ႈလိပ်းဢေႃႈ။
ၵဝ်ႁႂ်ႈၸဵပ်းႁႂ်ႈသႅပ်ႇၵဝ်ႁႂ်ႈတၢင်းၸဵပ်းတၢင်းသႅပ်ႇႁၢႆဢေႃႈ။
ၽူႈလႂ်သေၵေႃႉသေၵူၼ်းဢမ်ႇဢဝ်ဢွၵ်ႇသေၵႃႈၼႂ်းမိုဝ်းၵဝ်လႆႈ။
၄၀ ၵဝ်ယုၵ်ႉမိုဝ်းၵဝ်ၶိုၼ်ႈၵႃႈၼိူဝ်ၵၢင်ႁၢဝ်သေလႄႈတိူင်ႇလႄႈဝႃႈ၊-ၵႃႈၼင်ႇဢၼ်ၵဝ်ဢသၢၵ်ႈယင်းလိပ်းယူႇတႃႇသေႇဢမ်ႇထၢတ်ႇၼၼ်ႉ
၄၁ မိူဝ်ႈဢၼ်ၵဝ်လပ်ႉလၢပ်ႇၵဝ်ဢၼ်ႁိူဝ်ႈမၢပ်ႈမိပ်ႈ
မိူဝ်ႈဢၼ်ဢဝ်မိုဝ်းၵဝ်ယိပ်း
တၢင်းဢၼ်ၸီႇယၢင်ႇၸွမ်းၼင်ႇတြႃးၼၼ်ႉၵဝ်တၵ်းၸီႇယၢင်ႇဢပျႅတ်ႈတြႃးတီႈရၢၼ်ႇသူႇၵဝ်တွပ်ႇတႅၼ်းၶိုၼ်းၸွမ်းလူၺ်ႈဢပျႅတ်ႈ
တီႈၶဝ်ၸိူဝ်းဢၼ်ၸင်းၵဝ်ၼၼ်ႉဢေႃႈ။
၄၂ ၵဝ်တၵ်းႁႂ်ႈပိုၼ်ၵဝ်မဝ်းလိူတ်ႈလႄႈလၢပ်ႇၵဝ်လဵဝ်ႈၵဝ်တၵ်းလႆႈၵိၼ်ၼိူဝ်ႉလိူတ်ႈ
ၶဝ်ၸိူဝ်းဢၼ်ၶၢမ်ႇတၢင်းဢၼ်ဢဝ်တၢႆ
ၶဝ်ၸိူဝ်းဢၼ်ၶၢမ်ႇတၢင်းဢၼ်တီႉဢဝ်ၵွၵ်းႁူဝ်ၵူၼ်းဢၼ်ပဵၼ်ၵူၼ်းယႂ်ႇၵူၼ်းလူင်ၼႂ်းရၢၼ်ႇသူႇတင်းလၢႆၼၼ်ႉဢေႃႈ
ဝႃႈၼင်ႇၼႆဢေႃႈ။
၄၃ ၵူၼ်းတၢင်ႇၸိူဝ်ႉတၢင်ႇၶိူဝ်းၶဝ်ဢူၺ်း
ဢွၼ်ၵၼ်မီးတၢင်းဢၼ်ၸူမ်းသိူဝ်းမူၼ်ႈပျေႃႇၵွပ်ႈပိူဝ်ႈၵူၼ်းမၼ်းၸဝ်ႈတင်းလၢႆၼၼ်ႉတႃႉလွင်ႈမၼ်းၸမ်းမၼ်းၸဝ်ႈတၵ်းပၼ်တၢမ်ႇၸွမ်းလူၺ်ႈလိူတ်ႈၶႃႈမၼ်းၸဝ်ႈၸိူဝ်းၼၼ်ႉလႄႈၸီႇယၢင်ႇဢပျႅတ်ႈတြႃး
တီႈရၢၼ်ႇသူႇမၼ်းၸဝ်ႈဢေႃႈမၼ်းၸဝ်ႈတၵ်းႁဵတ်းတၢင်းဢၼ်ၽေးဢပျႅတ်ႈပုၼ်ႈမိူင်းမၼ်းၸဝ်ႈၵူၼ်းမဵဝ်းမၼ်းၸဝ်ႈတင်းလၢႆဢေႃႈဝႃႈၼင်ႇၼႆဢေႃႈ။
၄၄ မုဝ်းသေႇတင်းယေႃးသု၊လုၵ်ႈၸၢႆးၼုၼ်ႇၸွမ်းၵၼ်မႃးလႄႈမုဝ်းသေႇဢဝ်ၵႂၢမ်းမွၵ်ႇလၢတ်ႈထိုင်ႁူၵူၼ်းတင်းလၢႆဢေႃႈ။
၄၅ ၼင်ႇၼင်လႄႈမုဝ်းသေႇဢဝ်ၵႂၢမ်းၵႃႈမီးၸိူဝ်းၼႆႉမွၵ်ႇလၢတ်ႈတီႈၵူၼ်းမဵဝ်းဢိသရေႇလတင်းသဵင်ႈတင်းလူင်ယဝ်ႉတူဝ်ႈယဝ်ႉၸင်ႇလၢတ်ႈတီႈၶဝ်လႄႈဝႃႈ၊-
၄၆ သူဢွၼ်ၵၼ်ဢဝ်ၵႂၢမ်းဢၼ်ၵဝ်ၶၢမ်ႇသၢၵ်ႈသေႇတီႈသူဝၼ်းမိူဝ်ႈၼႆႉသင်ႇလၢတ်ႈဝႆႉတီႈလုၵ်ႈလၢင်းသူႁႂ်ႈၶဝ်လႆႈပႂ်ႉၸွမ်းၵမ်ၵျၢင်ႉၵႂၢမ်းပိင်းၺၢပ်ႈတြႃးၼႆႉတင်းသဵင်ႈတင်းမူတ်းသႂၢင်းၸႂ်ဝႆႉတႃႉ။
၄၇ လွင်ႈတၢင်းၼႆႉပဵၼ်ဢၼ်ၸေႃႉၸေႉမဝ်မၢင်ဢမ်ႇၸႂ်ႈ။ပဵၼ်ဢသၢၵ်ႈသူဢေႃႈ။ၵွပ်ႈပိူဝ်ႈလွင်ႈတၢင်းၼႆႉလႄႈၸူဝ်ႈဢသၢၵ်ႈသူတၵ်းယၢဝ်းယိုၼ်းၵႃႈၼႂ်းမိူင်းဢၼ်သူတၵ်းၶၢမ်ႈၼမ်ႉႁွင်ႊယေႃးတၢၼ်ႇလႄႈၶဝ်ႈၸၢမ်ႇၸႃးၼၼ်ႉဢေႃႈ၊ဝႃႈၼင်ႇၼႆဢေႃႈ။
မုဝ်းသေႇတလေႆႈတၢႆၼိူဝ်လွႆၼေႇပေႃႇ
၄၈ ၼႂ်းမိူဝ်ႈဝၼ်းၼၼ်ႉၵမ်းလဵဝ်ထႃႇဝရႃႉၽြႃးမီးဢမိင်ႉတီႈမုဝ်းသေႇလႄႈဝႃႈ၊-
၄၉ မႂ်းၶိုၼ်ႈၵႂႃႇၵႃႈၼိူဝ်ႁၢၼ်ႉလွႆဢပႃႇရိမ်ႇၵႃႈၼိူဝ်လွႆၼေႇပေႃႇဢၼ်မီးၵႃႈၼႂ်းမိူင်းမေႃႇၽသိုဝ်ႈဝဵင်းယေႇရိၶူဝ်းပုၼ်ႉသေလႄႈလူတူၺ်းမိူင်းၶႃႇၼၢၼ်ႇဢၼ်ၵဝ်တၵ်းပၼ်တီႈၵူၼ်းမဵဝ်းဢိသရေႇလတင်းလၢႆပုၼ်ႈဢၼ်ၶဝ်တၵ်းပိူင်ႇၼၼ်ႉတႃႉ။
၅၀ မႂ်းတၵ်းတၢႆၵႃႈၼိူဝ်လွႆဢၼ်မႂ်းၶိုၼ်ႈၵႂႃႇၼၼ်ႉသေလႄႈႁွတ်ႈထိုင်ၵႃႈတီႈဢၼ်ၵူၼ်းမဵဝ်းမႂ်းတင်းလၢႆၸူႉတုမ်ၼၼ်ႉမိူၼ်ၸိူဝ်ႉၼင်ႇဢၼ်ပီႈၸၢႆးမႂ်းဢႃႇရုၼ်ႇတၢႆၵႃႈၼိူဝ်လွႆႁေႃႇလလႄႈႁွတ်ႈထိုင်ၵႃႈတီႈဢၼ်ၵူၼ်းမဵဝ်းမၼ်းတင်းလၢႆၸူႉတုမ်ၼၼ်ႉတႃႉ။
၅၁ လွင်ႈမၼ်းၸမ်းသွင်ၶိူဝ်ၽိတ်းပိူင်ႈၵဝ်ၵႃႈၼႂ်းၶိုင်ႈၵၢင်ၵူၼ်းမဵဝ်းဢိသရေႇလတင်းလၢႆၵႃႈတီႈၼမ်ႉဢွၵ်ႇႁူးမေႇရိၽဝၢၼ်ႈၵႃႇတေႇသထိူၼ်ႇၸိၼႃႇၼၼ်ႉလႄႈဢမ်ႇပႂ်ႉထိင်းတၢင်းမူတ်းၸၢင်ႇၵဝ်ၵႃႈၼႂ်းၶိုင်ႈၵၢင်ၵူၼ်းမဵဝ်းဢိသရေႇလတင်းလၢႆၼၼ်ႉယဝ်ႉ။
၅၂ ပိူဝ်ႈၼႆလႄႈပိၵ်ႉသမ်ႉမႂ်းလႆႈဢဝ်မၢၵ်ႇတႃမႂ်းႁၼ်မိူင်းဢၼ်မီးယူႇၵႃႈတီႈၽၢႆၼႃႈမႂ်းၼၼ်ႉသေၵေႃႈမႂ်းတၵ်းဢမ်ႇလႆႈၵႂႃႇလႄႇၶဝ်ၵႃႈၼႂ်းမိူင်းဢၼ်ၵဝ်တၵ်းပၼ်တီႈၵူၼ်းမဵဝ်းဢိသရေႇလတင်းလၢႆၼၼ်ႉ၊ဝႃႈၼင်ႇၼႆဢေႃႈ။