Chapter
၂၆
မၢၵ်ႇဢွၼ်တၢင်းသုတ်းပိူၼ်ႈတင်းသိပ်းပုၼ်ႊပုၼ်ႊၼိုင်ႈ
၁ မိူဝ်ႈဢၼ်သူႁွတ်ႈထိုင်ၵႃႈၼႂ်းမိူင်းဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူပၼ်ပုၼ်ႈဢၼ်သူတၵ်းၶၢမ်ႇဢမူၺ်ႇၸၢမ်ႇၸႃးလႄႈယူႇၵႃႈတီႈၼၼ်ႉၸိုင်သူတၵ်းလႆႈဢဝ်ၼႂ်းမၢၵ်ႇၼႂ်းႁူင်းဢၼ်မၢၵ်ႇဢွၼ်ႈတၢင်းသုတ်းပိူၼ်ႈၵႃႈတီႈလိၼ်ဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူပၼ်တီႈသူၼၼ်ႉၵူႈၸိူဝ်ႉၵူႈပိူင်သေလႄႈ
၂ သႂ်ႇၵႃႈၼႂ်းပဵတ်ႈၼႂ်းၵူၺ်သေယဝ်ႉၵႂႃႇၸူးၵႃႈတီႈဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူလိူၵ်ႈၵဵပ်းဝႆႉပုၼ်ႈဢၼ်တၵ်းႁႂ်ႈၼႃႇမႃႉၸိုဝ်သဵင်မၼ်းၸဝ်ႈတႄႇယူႇၼၼ်ႉလႄႈသုတ်ႉၸပ်းသုတ်ႉၸူးၵႃႈတီႈယိတ်ႉပရေႃးႁိၵ်ႈဢၼ်မီးၼႂ်းၸူဝ်ႈၼႂ်းပၢၼ်ၼၼ်ႉသေယဝ်ႉလၢတ်ႈဝႃႈ၊-
၃ ဝၼ်းမိူဝ်ႈၼႆႉၵဝ်ၶႃႈလႆႈၵဝ်ႇတိူင်ႇလွင်ႈဢၼ်ၵဝ်ၶႃႈႁွတ်ႈထိုင်ၵႃႈတီႈမိူင်းဢၼ်ထႃႇဝရႃႉၽြႃးတိူင်ႇဝႃႈဝႆႉတီႈပူႇမွၼ်ႇႁဝ်းၶႃႈႁႂ်ႈလႆႈပၼ်တီႈႁဝ်းၶႃႈၼၼ်ႉယဝ်ႉ၊ဝႃႈၼင်ႇၼႆဢေႃႈ။
၄ ယိတ်ႉပရေႃးႁိၵ်ႈၼၼ်ႉတၵ်ႈလႆႈဢဝ်ပဵတ်ႈဢဝ်ၵူၺ်ၵႃႈၼႂ်းမိုဝ်းသူၼၼ်ႉသေလႄႈၶျူးဝႆႉၵႃႈတီႈၽၢႆႇၼႃႈယိၸ်ႉပလင်ထႃႇဝရႃႉၽြႃးၽြႃးပဵၼ်ၸဝ်ႈသူဢေႃႈ။
၅ သူၵေႃႈတၵ်းလႆႈလဝ်ႈလၢတ်ႈၵႃႈတီႈၽၢႆႇၼႃႈထႃႇဝရႃႉၽြႃးၽြႃးပဵၼ်ၸဝ်ႈသူလႄႈဝႃႈ၊-ပေႃႈၶႃႈၸဝ်ႈပဵၼ်ၵူၼ်းမဵဝ်းသုရိဢၼ်ၸမ်တၵ်းလူႉသုမ်းၼၼ်ႉၶႃႈဢေႃႈ။မၼ်းဢိၵ်ႇတင်းၵူၼ်းဢိတ်းဢွၼ်ႇၼိုင်ႈလူင်းၵႂႃႇၸူးၵႃႈတီႈမိူင်းဢေႇၵႅပ်ႉတုလႄႈပဵၼ်ၵူၼ်းသွၼ်ႈပိုင်ႈယူႇၵႃႈတီႈၼၼ်ႉသေယဝ်ႉမၼ်းၶိုၼ်းပဵၼ်မဵဝ်းၵူၼ်းဢၼ်ယႂ်ႇၼႃႇႁႅင်းၼႃႇၼမ်ၼႃႇမႃးတီႈၶႃႈဢေႃႈ။
၆ ၵူၼ်းဢေႇၵႅပ်ႉတုၸိူဝ်းၼၼ်ႉႁဵတ်းယၢပ်ႇႁဵတ်းယဵၼ်းတီႈႁဝ်းၶႃႈၼိၵ်ႈၸၢၵ်ႈငႅၼ်းသေးႁဝ်းၶႃႈလႄႈႁႂ်ႈၶဝ်ၶၢမ်ႇႁဵတ်းၶႃႈၵိတ်ႇၸႂ်ၵိၼ်းၸႂ်ၼႃႇလူင်လၢင်တီႈၶႃႈဢေႃႈ။
၇ ၶႃႈၸဝ်ႈႁဝ်းၶဝ်ဢွၼ်ၵၼ်ႁွင်ႉသႅၼ်ႇလဝ်ႈလၢတ်ႈတီႈထႃႇဝရႃႉၽြႃးၽြႃးပဵၼ်ၸဝ်ႈပူႇမွၼ်ႇၶႃႈၸဝ်ႈႁဝ်းၶဝ်ၸိူဝ်းၼၼ်ႉသေယဝ်ႉထႃႇဝရႃႉၽြႃးထွမ်ႇဢဝ်သဵင်ၶႃႈၸဝ်ႈႁဝ်းၶဝ်လႄႈလူႈတူၺ်းတူၵ်ႉၶႃႉတၢင်းၽၢၼ်ၶႃႈၸဝ်ႈႁဝ်းၶဝ်ဢိၵ်ႇတင်းတၢင်းဢၼ်ၶႃႈၸဝ်ႈႁဝ်းၶဝ်ႁဵတ်းၵၢၼ်ဢၼ်ယၢပ်ႇဢၼ်ၽိုတ်ႇတင်းတၢင်းဢၼ်ၶႃႈၸဝ်ႈႁဝ်းၶဝ်လႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသေးၼၼ်ႉတီႈၶႃႈဢေႃႈ။
၈ မိူဝ်ႈၼၼ်ႉထႃႇဝရႃႉၽြႃးဢဝ်တင်းတၢင်းဢၼ်ဢဝ်မိုဝ်းၸဝ်ႈဢၼ်ႁႅင်းယႂ်ႇၼႃႇႁဵတ်းဢိၵ်ႇတင်းတၢင်းဢၼ်ယဵတ်ႇၶႅၼ်ၸဝ်ႈတင်းလွင်ႈတၢင်းဢၼ်လီၵူဝ်လီႁေဢၼ်ယႂ်ႇၼႃႇတင်းၼီႉမိၵ်ႈလၢၵ်ႈၶၼႃႇဢိၵ်ႇတင်း
၉ လွင်ႈတၢင်းဢၼ်လီဢၢမ်းတင်းလႆႈၸိူဝ်းၼၼ်ႉၼုၵ်ႈဢဝ်ၶႃႈၸဝ်ႈႁဝ်းၶဝ်ဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃးသေယဝ်ႉဢဝ်မႃးၵႃႈတီႈၼႆႉလႄႈဢိတ်းလူပၼ်မိူင်းဢၼ်ၼမ်ႉၼူမ်းတင်းၼမ်ႉၽိုင်ႈလႆယူႇၼၼ်ႉတီႈၶႃႈဢေႃႈ။
၁၀ တေႃႈလဵဝ်ၼႆႉထႃႇဝရႃႉၽြႃးတီႈၶႃႈ။ၶႃႈၸဝ်ႈဢဝ်မၢၵ်ႇဢၼ်မၢၵ်ႇဢွၼ်တၢင်းသုတ်းပိူၼ်ႈၵႃႈတီႈလိၼ်ဢၼ်ၸဝ်ႈႁဝ်းဢိတ်းလူပၼ်တီႈၶႃႈၸဝ်ႈၼၼ်ႉမႃးတီႈၶႃႈယဝ်ႉ၊ဝႃႈၼင်ႇၼႆသေယဝ်ႉ၊တၵ်းလႆႈဢဝ်ၶျူးဝႆႉၵႃႈတီႈၽၢႆႇၼႃႈထႃႇဝရႃႉၽြႃးၽြႃးပဵၼ်ၸဝ်ႈသူလႄႈႁဵတ်းဝၢတ်ႈၵူဝ်းၵွႆႇၵႃႈတီႈၽၢႆႇၼႃႈထႃႇဝရႃႉၽြႃးၽြႃးပဵၼ်ၸဝ်ႈသူဢေႃႈ။
၁၁ ၸႃႉၸဵမ်သူလႄႈၵူၼ်းမဵဝ်းလေႇဝိတင်းၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်သွၼ်ႈပိုင်ႈယူႇၵႃႈၼႂ်းသူၼၼ်ႉတၵ်းလႆႈဢွၼ်ၵၼ်ႁဵတ်းတၢင်းဢၼ်သိူဝ်းၸူမ်းမူၼ်ႈပျေူႇၵႃႈၼႂ်းၵႄႈသူၵႃႈဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူပၼ်တီႈသူဢိၵ်ႇတင်းၵူၼ်းႁိူၼ်းၵူၼ်းယေးသူၼၼ်ႉဢေႃႈ။
၁၂ မိူဝ်ႈဢၼ်သူၵဵပ်းဢဝ်သိပ်းပုၼ်ႊပုၼ်ႊၼိုင်ႈၵႃႈဢၼ်ပဵၼ်တၢင်းဢၼ်ယႂ်ႇၽႄႈတူဝ်းတွၼ်းမႃးၼၼ်ႉၼႂ်းပီႊတတိယဢၼ်ပဵၼ်ပီႊဢၼ်လႆႈပၼ်သိပ်းပုၼ်ႊပုၼ်ႊၼိုင်ႈၼၼ်ႉၸိုင်သူတၵ်းလႆႈဢဝ်လဵင်ႉလူၵူၼ်းမဵဝ်းလေႇဝိၵူၼ်းတၢင်ႇၸိူဝ်ႉတၢင်ႇၶိူဝ်းၵေႃႉဢၼ်ၽၢၼ်ပေႃႈၽၢၼ်မေႈမေႈမုၵ်ႉမေႈမၢႆႈတင်းလၢႆႁႂ်ႈၶဝ်လႆႈၵိၼ်ဢိမ်ႇၵိၼ်တဵမ်ၵႃႈၼႂ်းဝဵင်းသူၼၼ်ႉသေယဝ်ႉသူတၵ်းလႆႈလဝ်ႈလၢတ်ႈၵႃႈတီႈၽၢႆႇၼႃႈထႃႇဝရႃႉၽြႃးၽြႃးပဵၼ်ၸဝ်ႈသူလႄႈဝႃႈ၊-
၁၃ ၶႃႈၸဝ်ႈႁဝ်းဢဝ်ဢုၵ်ႉၸႃႇဢၼ်မူတ်းၸၢင်ႇဢွၵ်ႇသေၵႃႈၼႂ်းႁိူၼ်းၶႃႈၸဝ်ႈႁဝ်းလႄႈပၼ်တီႈၵူၼ်းမဵဝ်းလေႇဝိၵူၼ်းတၢင်ႇၸိူဝ်ႉတၢင်ႇၶိူဝ်းၵေႃႉဢၼ်ၽၢၼ်ပေႃႈၽၢၼ်မေႈမေႈမုၵ်ႉမေႈမၢႆႈၸွမ်ႈၵႃႈၼင်ႇဢၼ်ၸဝ်ႈႁဝ်းသင်ႇလၢတ်ႈဝႆႉၼၼ်ႉတီႈၶႃႈယဝ်ႉ။
၁၄ ၶႃႈၸဝ်ႈဢမ်ႇပူၼ်ႉဢမ်ႇလိူဝ်ပိင်းၺၢပ်ႈၸဝ်ႈတင်းလႆတီႈၶႃႈ။ဢမ်လူင်ႈဢမ်ႇလိုမ်းတီႈၶႃႈ။ၶႃႈၸဝ်ႈဢမ်ႇဢဝ်ၼႂ်းဢုၵ်ႉၸႃႇဢၼ်မူတ်းၸၢင်ႇၼၼ်ႉၵိၼ်ၼႂ်းမိူဝ်ႈဢၼ်ၶႃႈၸဝ်ႈၶင်းၶီၶင်းၽၢၼ်ၼၼ်ႉတီႈၶႃႈ။ၶႃႈၸဝ်ႈဢမ်ႇဢဝ်မိူဝ်ႈဢၼ်ၶႃႈၸဝ်ႈပဵၼ်ဢၼ်ဢမ်ႇမူတ်းသႂ်ၼၼ်ႉတီႈၶႃႈ။ၶႃႈၸဝ်ႈဢမ်ႇဢဝ်ပၼ်ပုၼ်ႈၵေႃႉဢၼ်တၢႆၼၼ်ႉတီႈၶႃႈ။ၶႃႈၸဝ်ႈၸွမ်းဢဝ်ၵႂၢမ်းထႃႇဝရႃႉၽြႃးၽြႃးပဵၼ်ၸဝ်ႈတီႈၶႃႈယဝ်ႉ။ၶႃႈၸဝ်ႈႁဵတ်းၸွမ်းၵႃႈၼင်ႇဢၼ်ၸဝ်ႈႁဝ်းသင်ႇလၢတ်ႈဝႆႉတီႈၶႃႈၸဝ်ႈၸိူဝ်းၼၼ်ႉတီႈၶႃႈယဝ်ႉ။
၁၅ ၶႅၼ်းတေႃႈယူႇၵႃႈၼိူဝ်ၽုင်ႇၵၢင်ႁၢဝ်ဢၼ်မူတ်းၸၢင်ႇၸဝ်ႈႁဝ်းၼၼ်ႉသေယဝ်ႉၵူမ်ႈတူၺ်းလႄႈပၼ်တၢင်းလီတီႈၵူၼ်းၸဝ်ႈႁဝ်းၵူၼ်းမဵဝ်းဢိသရေႇလတင်းလၢႆဢိၵ်ႇတင်းတီႈမိူင်းဢၼ်ၸဝ်ႈႁဝ်းပၼ်တီႈၶႃႈၸဝ်ႈႁဝ်းၶဝ်ၸွမ်းၵႃႈၼင်ႇဢၼ်ၸဝ်ႈႁဝ်းတိူင်ႇဝႃႈဝႆႉတီႈပူႇမွၼ်ႇၶႃႈၸဝ်ႈႁဝ်းမိူင်းဢၼ်ၼမ်ႉၼူမ်းတင်းၼမ်ႉၽိုင်ႈလႆႈယူႇၼၼ်ႉသေၵမ်းတီႈၶႃႈ၊ဝႃႈၼင်ႇၼႆဢေႃႈ။
ပႂ်ႉၸွမ်းပိင်းၺၢပ်ႈၽြႃးပဵၼ်ၸဝ်ႈ
၁၆ ဝၼ်းမိူဝ်ႈၼႆႉထႃႇဝရႃႉၽြႃးၽြႃးပဵၼ်ၸဝ်ႈသူသင်ႇလၢတ်ႈဝႆႉတီႈသူႁႂ်ႈသူလႆႈၵမ်ၵျၢင်ႉထုင်းၽိင်ႈတြႃးဢိၵ်ႇတင်းလွင်ႈတၢင်းဢၼ်မၼ်းၸဝ်ႈၸီႇယၢင်ႇဝႆႉၸိူဝ်းၼၼ်ႉလႄႈသူၵေႃႈတၵ်းလႆႈပႃးတင်းၸႂ်သဵင်ႈသဵင်ႈတင်းႁူဝ်ၸႂ်သဵင်ႈသဵင်ႈသေလႄႈပႂ်ႉၵမ်ပႂ်ႉၸွမ်းဢေႃႈ။
၁၇ ဝၼ်းမိူဝ်ႈၼႆႉသူႁပ်ႉတုင်းဢဝ်လွင်ႈဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူဢိၵ်ႇတင်းလွင်ႈတၢင်းဢၼ်သူတၵ်းၸွမ်းသဵၼ်ႈတၢင်းမၼ်းၸဝ်ႈလႄႈပႂ်ႉၸွမ်းထုင်းၽိင်ႈတြႃးမၼ်းၸဝ်ႈတင်းလွင်ႈတၢင်းဢၼ်မၼ်းၸဝ်ႈၸီႇယၢင်ႇဝႆႉၸိူဝ်းၼၼ်ႉလႄႈထွမ်ႇဢဝ်ၵႂၢမ်းမၼ်းၸဝ်ႈၼၼ်ႉယဝ်ႉ။
၁၈ ဝၼ်းမိူဝ်ႈၼႆႉထႃႇဝရႃႉၽြႃးၵေႃႈႁပ်ႉတုင်းဢဝ်လွင်ႈဢၼ်သူပဵၼ်ၵူၼ်းမၼ်းၸဝ်ႈတေႉတေႉဝႃႈဝႃႈၸွမ်ႈၵႃႈၵႃႈၼင်ႇဢၼ်မၼ်းၸဝ်ႈဝႆႉၵတိၸဝ်ႈၼၼ်ႉႁႂ်ႈသူလႆႈပႂ်ႉၵမ်ပႂ်ႉၸွမ်းပိင်းၺၢပ်ႈမၼ်းၸဝ်ႈၵႃႈမီးတင်းသဵင်းတင်းလူင်ဢိၵ်ႇတင်း
၁၉ လွင်ႈဢၼ်မၼ်းၸဝ်ႈတၵ်းႁႂ်ႈမုၼ်သရေႇၵိၵ်ႉတိတင်းဢၼ်ၸိုဝ်သဵင်သူဢွၵ်ႇပူၼ်ႉပႅၼ်လိူဝ်တွၼ်းၼႃႇသေမဵဝ်းၵူၼ်းတင်းလၢႆဢၼ်မၼ်းၸဝ်ႈၽၢၼ်ႇသၢင်းႁဵတ်းပဵၼ်ၼၼ်ႉတင်းလွင်ႈဢၼ်တၵ်းႁႂ်ႈသူပဵၼ်မဵဝ်းၵူၼ်းဢၼ်မူတ်းၸၢင်ႇပုၼ်ႈထႃႇဝရႃႉၽြႃးၽြႃးပဵၼ်ၸဝ်ႈသူၸွမ်းၵႃႈၼင်ႇဢၼ်ၵတိၸဝ်ႈမီးဝႆႉၼၼ်ႉဢေႃႈ၊ဝႃႈၼင်ႇၼႆဢေႃႈ။