၃၁
ၶေႃႈၵႂၢမ်းၶုၼ်ႁေႃၶမ်းလေႇမုၺ်ႇလ
၁ ၵႂၢမ်းၶုၼ်လူင်လေႇမုၺ်ႇလ ဢၼ်မေႈမၼ်းၸဝ်ႈသင်ႇ သွၼ်ပၼ်တီႈမၼ်းၸဝ်ႈၼၼ်ႉၸမ်း၊-လုၵ်ႈၸၢႆးၵဝ်ဢိူၺ်း။
၂ ပဵၼ်ၸိူဝ်ႉၼင်ႇႁိုဝ်။လုၵ်ႈၸၢႆးဢၼ်ၵဝ်ၵိူတ်ႇလဵင်ႉမႃးဢိူၺ်း။ပဵၼ်ၸိူဝ်ႉၼင်ႇႁိုဝ်။လုၵ်ႈၸၢႆးၵဝ်ဢၼ်ၸၢပ်ႈသႅင်ႇၵၼ်တင်းၵတိသႅတ်ႈၸႃႇၵဝ်ဢိူၺ်း။
၃ ပဵၼ်ၸိူဝ်ႉၼင်ႇႁိုဝ်၊ဝႃႈၼႆၸမ်း၊- ယႃႇပေဢဝ်ဢဵၼ်ႁႅင်းမႂ်းပၼ်တီႈမေႈယိင်းတင်းလၢႆ။ယႃႇပေဢဝ်လွင်ႈတၢင်းဢၼ်မႂ်းၵျၢမ်ႇပွင်သၢင်ႈႁဵတ်းၼၼ်ႉ ဢၢပ်ႈပၼ်တီႈၵေႃႉ ဢၼ်ယႃႉၶုၼ်ႁေႃၶမ်းတင်းလၢႆၼၼ်ႉ။
၄ ဢမ်ႇၸႂ်ႈပဵၼ်ပုၼ်ႈၶုၼ်ႁေႃၶမ်းတင်းလၢႆ၊လေႇမုၺ်ႇလဢိူၺ်း။တီႈၶုၼ်ႁေႃၶမ်းတင်းလၢႆၸိုင် တၢင်းဢၼ်ၵိၼ်ၼမ်ႉၸပိတ်ႉ၊ တီႈလုၵ်ႈၸၢႆးၶုၼ်တင်းလၢႆၸိုင် တၢင်းဢၼ် သူတ်ႉၼမ်ႉလဝ်ႈၼၼ်ႉဢမ်ႇထုၵ်ႇဢမ်ႇလီ။
၅ ၵူဝ်ၶဝ်တၵ်းၵိၼ် လႄႈလူင်လိုမ်းတြႃးၸဝ်ႈသေလႄႈ တႅပ်းတတ်းဢမူႉၶဝ်ၸိူဝ်းဢၼ်ယၢၵ်ႈဢၼ်ၽၢၼ်တင်းလၢႆ ဢမ်ႇ မႅၼ်ႈၸွမ်းၼင်ႇတြႃးဢေႃႈ။
၆ ပၼ်ၼမ်ႉလဝ်ႈတီႈၵေႃႉဢၼ်ၸမ်တၵ်းသုမ်းတၵ်းၸွမ်းၼၼ်ႉလႄႈ ပၼ်ၼမ်ႉ ၸပိတ်ႉတီႈၵေႃႉဢၼ်ၶီၸႂ်ၶူမ်ၸႂ်ၼၼ်ႉတႃႉ။
၇ ႁႂ်ႈမၼ်းၵိၼ်လႄႈ ယင်းဢမ်ႇၶုၵ်းၸႂ်လႆႈၶႆႈၸႂ်ထူပ်းတုၵ်ႉၶႃႉမၼ်းလႄႈလူင်လိုမ်းတၢင်းယၢၵ်ႈတၢင်းၽၢၼ်မၼ်းတႃႉ။
၈ ယူႇၽၢႆႇတင်းၵေႃႉဢၼ်ဢမ်ႇၸၢင်ႊပိုတ်ႇပၢၵ်ႇမၼ်းၼၼ်ႉလႄႈ ပႂ်ႉဢမူႉၶဝ်ၸိူဝ်းဢၼ်ၽၢၼ်ပေႃႈၽၢၼ် မေႈၵႃႈမီးၼၼ်ႉတႃႉ။
၉ ပိုတ်ႇပၢၵ်ႇသေလႄႈၸီႇယၢင်ႇၸွမ်းၼင်ႇတြႃးလႄႈ ပႂ်ႉဢမူႉၶဝ်ၸိူဝ်းဢၼ်ယၢၵ်ႈဢၼ်ၽၢၼ်ဢိၵ်ႇတင်း ၶဝ်ၸိူဝ်းဢၼ်ၸုတ်ႈဢၼ်လုတ်ႈၼၼ်ႉတႃႉ။
၁၀ ၽူႈ လႂ်လႆႈထူပ်းလႆႈႁၼ်မေႈယိင်းဢၼ်တဵမ်ဝႆႉတင်းသီႇလႃႉၼၼ်ႉ။မေႈယိင်းၸိူဝ်ႉၼင်ႇၼၼ်ၼၼ်ႉၸိုင်ယိင်ႈၶႅၼ်းထိူၵ်ႈၵႃႈထိူၵ်ႈၶၼ်ၼႃႇသေ သႅင်လႅင်ႊပတ်ႉ တမျႃးၼၼ်ႉၼႃႇလူင်လၢင်ဢေႃႈ။
၁၁ ႁူဝ်ၸႂ်ၽူဝ်မၼ်းတၵ်းယုမ်မၢတ်ႈမၼ်းလႄႈ တၵ်းပဵၼ်တိုၼ်းပဵၼ်ႁွၼ်း ဢေႃႈ။
၁၂ မၼ်းယင်းဢမ်ႇယႃႉဢၵျူဝ်းၽူဝ်မၼ်းလႄႈ ၸၢင်ႊပွင်ႁဵတ်းယူႇၸူဝ်ႈဢသၢၵ်ႈမၼ်းဢေႃႈ။
၁၃ မၼ်းၸၢင်ႊႁႃဢဝ်ၶူၼ်သူဝ်းဢိၵ်ႇတင်းၵုၺ်လႄႈ ပႃးၸႂ် ပႃးၶေႃးဢဝ်မိုဝ်းမၼ်းႁဵတ်းဢေႃႈ။
၁၄ မၼ်းပဵၼ်ၸိူဝ်ႉၼင်ႇႁိူဝ်းသၢင်းၽေႃးၸဝ်ႈၵုၼ်ႇၸဝ်ႈသိၼ်ၼၼ်ႉလႄႈၸၢင်ႊဢဝ်တၢင်းၵိၼ်တၢင်းၶူပ်း ၵႃႈတီႈဢၼ်ၵႆမႃး ဢေႃႈ။
၁၅ မၼ်းၸၢင်ႊလုၵ်ႉၸဵမ်မိူဝ်ႈဢၼ်မိူင်းဢမ်ႇပႆႇလႅင်းၼၼ်ႉသေလႄႈ ဢဝ်တၢင်းၵိၼ်တၢင်းၶူပ်းၽႄႈမႅင်ႇပၼ်တီႈၵူၼ်းႁိူၼ်းၵူၼ်းယေးမၼ်းတင်းလၢႆ၊ဢဝ်ပုၼ်ႈဢဝ်တႃႇၶႃႈမေႈယိင်းမၼ်းတင်းလၢႆဢေႃႈ။
၁၆ မၼ်းၸၢင်ႊၶႆႈၸႂ်လီလီငၢမ်းငၢမ်းသေလႄႈ သိုဝ်ႉဢဝ်တူင်ႈႁႆႊတူင်ႈၼႃးလႄႈ ဢဝ်ငိုၼ်းဢၼ်မၼ်းႁဵတ်းလႄႈ လႆႈၼၼ်ႉပွင်ႁဵတ်းသူၼ်ဢူးယဵၼ်ႇၸပိတ်ႉ ဢေႃႈ။
၁၇ မၼ်းၸၢင်ႊဢဝ်ဢဵၼ်ဢဝ်ႁႅင်းႁတ်ႉဢႅဝ်မၼ်းဝႆႉ လႄႈႁႂ်ႈၶႅၼ်မၼ်းၵႅၼ်ႇၶႅင်ၶၼ်ၽႂ်းဢေႃႈ။
၁၈ မၼ်းၸၢင်ႊႁူႉႁၼ်လွင်ႈၶွင်ၶူဝ်းမၼ်း ဢၼ်မၼ်းႁဵတ်းၼၼ်ႉပဵၼ်ဢၼ်လီၼၼ်ႉလႄႈ ၶိင်ႇၵၢင်ၶိုၼ်းၵွၵ်းၽႆးတဵၼ်းမၼ်း
၁၉ ဢမ်ႇၸၢင်ႊမွတ်ႇၸၢင်ႊတၢႆ မၼ်းၸၢင်ႊဢဝ်မိုဝ်းမၼ်းယိပ်းၵမ်ႁင်းၵူၺ်းသေလႄႈ ဢဝ်တင်းၼိဝ်ႉမိုဝ်းမၼ်း ပၼ်ႇယုမ်းၵူင်းဢေႃႈ။
၂၀ မၼ်းၸၢင်ႊၽုၺ်ႇၵီႈမိုဝ်းမၼ်းတီႈၶဝ်ၸိူဝ်းဢၼ်ယၢၵ်ႈဢၼ်ၽၢၼ်ၼၼ်ႉလႄႈယဵတ်ႇၶႅၼ်ယဵတ်ႇမိုဝ်းမၼ်း တီႈၶဝ်ၸိူဝ်းဢၼ်ၸုတ်ႈ ဢၼ်လုတ်ႈၼၼ်ႉဢေႃႈ။
၂၁ ပိၵ်ႉသမ်ႉမူၺ်ႁႃႇတူၵ်းသေၵေႃႈမၼ်းဢမ်ႇမႆႈၸႂ် ပုၼ်ႈၵူၼ်းႁိူၼ်းၵူၼ်းယေးမၼ်း။ၵူၼ်းႁိူၼ်းၵူၼ်းယေးမၼ်း ၵႃႈမီးတင်းသဵင်ႈတင်းလူင်လႆႈၼုင်ႈမႆႊၶူဝ်းဢၼ်လႅင်ႊၸွင်းႁွင်းၼၼ်ႉဢေႃႈ။မၼ်းၸၢင်ႊတေႃးၽႃႈၸွင်ႇၽႃႈမႆႊ ပုၼ်ႈမၼ်းလႄႈၼုင်ႈမႆႊပိၵ်ႈၶျေႃးဢိၵ်ႇတင်း ၶူဝ်းဢၼ်လႅင်ႊၵမ်ႇၼၼ်ႉ ဢေႃႈ။
၂၃ ၽူဝ်မၼ်းပဵၼ်ၵေႃႉဢၼ်ၸွတ်ႇသႃႇႁူင်ႁၢင်းၵႃႈၼႂ်းၽၵ်းတူဝဵင်း ၵွပ်ႈပိူဝ်ႈဢၼ်မၼ်းလႆႈၼင်ႈယူႇလူၺ်ႈၵၼ်တင်း ၵူၼ်းမိူင်းဢၼ်ဢသၢၵ်ႈယႂ်ႇၸိူဝ်း ၼၼ်ႉဢေႃႈ။
၂၄ မၼ်းၸၢင်ႊတေႃးၶူဝ်းၼုင်ႈတၢင်းမႆႊပိၵ်ႈၶျေႃးသေလႄႈၶၢႆဢေႃႈ။သၢႆႁတ်ႉဢႅဝ်ၵေႃႈမၼ်းၸၢင်ႊဢဝ်ၶျႃးပၼ်တီႈၸဝ်ႈၵုၼ်ႇၸဝ်ႈသိၼ်ၶဝ် ဢေႃႈ။
၂၅ ၶူဝ်းၼုင်ႈတၢင်းမႆႊဢၼ်မၼ်းႁဵတ်းၼၼ်ႉမၼ်ႈလီၶိူင်ႇလီတဵမ်ဝႆႉတင်း ႁၢင်ႊၽၢင်ဢၼ်ႁၢင်ႊလီႁၢင်ႊငၢမ်းလႄႈ မၼ်းယုမ်ႉထႃႈၶူဝ်ထႃႈၶိင်ႇၵႃႇလႃႉဢၼ်တၵ်းပဵၼ်မႃးၵမ်းလိုၼ်းၼၼ်ႉဢေႃႈ။
၂၆ မၼ်းၸၢင်ႊဢဝ်ၵႂၢမ်းပိင်ႇၺႃႇၽုၺ်ႇပိုတ်ႇသူပ်းမၼ်းလႄႈ ၸၢင်ႊဢဝ် တြႃးမႅတ်ႈတႃႇဝႃႈဢွၵ်ႇသူပ်းမၼ်းဢေႃႈ။
၂၇ မၼ်းၸၢင်ႊလူၸၢင်ႊတူၺ်း ၵႃႈဢၼ်ၵူၼ်းႁိူၼ်းၵူၼ်းယေးမၼ်းႁဵတ်းပွင်ၼၼ်ႉလႄႈ မၼ်းဢမ်ႇၵိၼ်တၢင်းၵိၼ်တၢင်းၶူပ်းဢၼ်ၸၢပ်ႈသႅင်ႇလူၺ်ႈတၢင်း ဢၼ်ၶၢၼ်ႉဢၼ် ဢိူၼ်ၼၼ်ႉ။
၂၈ လုၵ်ႈမၼ်းလၢင်းမၼ်းၸၢင်ႊဢွၼ်ၵၼ်လုၵ်ႉပၼ်တၢင်းလီတီႈမၼ်းလႄႈ ၽူဝ်မၼ်းၵေႃႈၸၢင်ႊ ယွင်ႈယေႃးမၼ်းလႄႈဝႃႈ၊-လုၵ်ႈယိင်းပိူၼ်ႈၼမ်ၼႃႇႁဵတ်းလီလီငၢမ်းငၢမ်းယူႇယဝ်ႉ။ၵူၺ်းၵႃႈမႂ်းယင်းလိူဝ်တွၼ်းသေၶဝ်တင်းသဵင်ႈတင်းလူင်ၼၼ်ႉယဝ်ႉ၊ဝႃႈ ၼင်ႇၼႆဢေႃႈ။
၃၀ တၢင်းဢၼ်ႁၢင်ႊယဵၼ်ႇသေႇၶျႃႇၼၼ်ႉပဵၼ်တၢင်းဢၼ်ၽႅတ်ႉဢၼ်လႅၼ်လႄႈ တၢင်းဢၼ်ႁၢင်ႊလီႁၢင်ႊငၢမ်း ၼၼ်ႉၵေႃႈပဵၼ်ဢၼ်လၢႆလၢႆဢမ်ႇ ပွင်ႇလွင်ႈၵႃႈသင်ဢေႃႈ။
၃၁ မေႈယိင်းဢၼ်ၵူဝ်ႁႄထႃႇဝရႃႉၽြႃးၼၼ်ႉၸမ်း တၵ်းလႆႈၶၢမ်ႇတၢင်းဢၼ်ယွင်ႈယေႃးဢေႃႈ။ပၼ်ဢၵျူဝ်းၸွမ်းၵႃႈၼင်ႇဢၼ်မၼ်းၵမ်ၵျၢင်ႉၼၼ်ႉတီႈမၼ်းတႃႉ။ႁႂ်ႈလွင်ႈတၢင်းဢၼ်မၼ်းသၢင်ႈႁဵတ်းၼၼ်ႉယွင်ႈယေႃးမူၼ်သရေႇမၼ်း ၵႃႈတီႈၽၵ်းတူဝဵင်းတင်းလၢႆသေၵမ်းလူၺ်ႈ။