၁၇
၁ ဢၼ်ႁႅင်ႈဢၼ်ႁဵဝ်ႇ ဢူမ်ၼိုင်ႈၵမ်းၼိုင်ႈ ဢၼ်ပႃးတၢင်းၼိမ်ၼၼ်ႉ ယိင်ႈၶႅၼ်းလီၼႃႇသေႁိူၼ်းဢၼ်တဵမ်ဝႆႉတင်းယိၸ်ႉ ဢၼ်ပုၵ်ႉၸေႃႇဢၼ်ပႃးတင်းဢၼ်ၽိတ်းၵၼ်ၼၼ်ႉဢေႃႈ။
၂ ၶႃႈဢၼ်မီးၺၢၼ်ႇၼၼ်ႉလႆႈဢုပ်ႉၵႃႈၼိူဝ်လုၵ်ႈၸၢႆးဢၼ်ႁဵတ်းတၢင်းႁဵတ်းဢၼ်လီဢူၵ်းလီဢၢႆၼၼ်ႉလႄႈ လႆႈၶၢမ်ႇဢဝ်ဢမူၺ်ႇ လူၺ်ႈၵၼ်တင်းပီႈၸၢႆးၼွင်ႉၸၢႆးတင်းလၢႆဢေႃႈ။
၃ မိူင်ႈပဵၼ်ပုၼ်ႈဢၼ်တၵ်ႈၸႅတ်ႈငိုၼ်းၶႃငိုၼ်းလႄႈ မုၵ်ႉၽႆးပဵၼ်ပုၼ်ႈဢၼ်တၵ်းၸႅတ်ႈၶမ်းၶႃၶမ်းလႄႈ ထႃႇ ဝရႃႉၽြႃးၸႅတ်ႈတူၺ်းႁူဝ်ၸႂ်ဢေႃႈ။
၄ ၵေႃႉဢၼ်ႁဵတ်းဢၼ်ဢမ်ႇတြႃးၼၼ်ႉဝၢႆႇႁူၸူး သီႇသူပ်းဢၼ်လၢတ်ႈလူၺ်ႈလွင်ႈ တၢင်းဢၼ်ဢမ်ႇၸိုဝ်ႈဢမ်ႇၸႂ်ႈၼၼ်ႉလႄႈၵေႃႉဢၼ်ၸၢင်ႊပႅတ်ႉၸၢင်ႊလႅၼ်ၼၼ်ႉၵေႃႈၸၢင်ႊၸွမ်းဢဝ်လိၼ်ႉ ဢၼ်လၢတ်ႈလူၺ်ႈလွင်ႈတၢင်း ဢၼ်ယႃႉဢၼ်ယူၵ်ႉၼၼ်ႉဢေႃႈ။
၅ ၵေႃႉဢၼ်ႁဵတ်းဢမ်ႇပေႃးၼင်ႇႁိုဝ်ၵႃႈတီႈၶဝ်ၸိူဝ်းဢၼ်ယၢၵ်ႈဢၼ်ၽၢၼ်ၼၼ်ႉပဵၼ်တၢင်းဢၼ်သေႉသွၼ်း ၽြႃးဢၼ်ၽၢၼ်ႇသၢင်းႁဵတ်းပဵၼ်ၶဝ်ၼၼ်ႉလႄႈ ၵေႃႉဢၼ်ၸူမ်းသိူဝ်းတၢင်းဢၼ်ၽေးႁွတ်ႈထိုင် ၵႃႈတီႈပိူၼ်ႈၼၼ်ႉၵေႃႈ ဢမ်ႇၵၢင်းဢမ်ႇလွတ်ႈတၢင်းဢၼ်ပၼ်တၢမ်ႇ။
၆ လၢၼ်လႅၼ်ပဵၼ်သရၽူႇ ၶဝ်ၸိူဝ်းဢၼ်ဢသၢၵ်ႈယႂ်ႇၼၼ်ႉလႄႈ မူၼ်ၵုၼ်ႇလုၵ်ႈလၢင်းၸမ်းပဵၼ်ပေႃႈၶဝ်ဢေႃႈ။
၇ ၵႂၢမ်းဢၼ်မျၢတ်ႈၼၼ်ႉ ဢမ်ႇထုၵ်ႇဢမ်ႇၵိုင်ႇၵၼ်တင်းၵေႃႉဢၼ်မိူၵ်ႈၼၼ်ႉလႄႈ ၵႂၢမ်းမူႉသႃႇဢမ်ႇထုၵ်ႇဢမ်ႇ ၵိုင်ႇၵၼ်တင်းၸဝ်ႈတင်းၶုၼ်။
၈ လၢပ်ႈလၢၵ်ႈသွင်ႇပဵၼ်ၸိူဝ်ႉၼင်ႇသႅင်လီသႅင်မျၢတ်ႈ တီႈၵေႃႉဢၼ်ပၼ်ၼၼ်ႉလႄႈ ၸၢင်ႊပေႉၸၢင်ႊၼႅင်ႇၵႃႈတီႈဢၼ်မၼ်းဝၢႆႇၼႃႈ ၸူးၼၼ်ႉဢေႃႈ။
၉ ၵေႃႉဢၼ်ႁူမ်ႇငမ်းတၢင်းဢၼ်ပိူၼ်ႈၽိတ်းပိူင်ႈၼၼ်ႉပွင်ႁဵတ်းမႅတ်ႈတႃႇလႄႈ ၵေႃႉဢၼ်ဢဝ်လွင်ႈတၢင်းသေၸိူဝ်ႉသေပိူင်ၶိုၼ်းမွၵ်ႇလၢတ်ႈ ၼၼ်ႉႁႂ်ႈၵေႃႉသေႈၵၼ်ၽိတ်းၵၼ်ဢေႃႈ။
၁၀ တၢင်းဢၼ်သင်ႇသွၼ်သုင်းမႃႉပၼ်ၼၼ်ႉပဵၼ်တီႈဢၼ်သႂ်ႇၸႂ်သႂၢင်းၸႂ် တီႈၵေႃႉဢၼ်မီးပိင်ႇၺႃႇၼၼ်ႉလႄႈလီၼႃႇသေတၢင်းဢၼ်ပၼ်ႁွႆးတၢမ်ႇပၢၵ်ႇၼိုင်ႈၼၼ်ႉ တီႈၵေႃႉ ဢၼ်မိူၵ်ႈၼၼ်ႉဢေႃႈ။
၁၁ ၵေႃႉဢၼ်ဢမ်ႇတြႃးၼၼ်ႉႁႃဢဝ်လွင်ႈတၢင်းဢၼ်လုၵ်ႉၽိုၼ်ႉၵူၺ်းဢေႃႈ။ပိူဝ်ႈၼႆလႄႈ လႆႈပွႆႇၸႂ်ႉတမၢၼ်ႇဢၼ်ႁၢဝ်ႈၵျၢမ်းၼႃႇၼၼ်ႉ ၸူးတီႈမၼ်းဢေႃႈ။
၁၂ တၢင်းဢၼ်ထူပ်းၵၼ်တင်းမီမေႈဢၼ်ပိူၼ်ႈႁိမ်ဢဝ်လုၵ်ႈဢွၼ်ႇမၼ်းယဝ်ႉၼၼ်ႉ ယိင်ႈၶႅၼ်းလီၼႃႇသေ တၢင်းဢၼ်ထူပ်းၵၼ်တင်းၵူၼ်းမိူၵ်ႈဢၼ်မီးတၢင်းဢၼ် ယင်းတိုၵ်ႉၸႂ်မိူၵ်ႈၸႂ်လမ်ယူႇ ၼၼ်ႉဢေႃႈ။
၁၃ ၽူႈ လႂ်သေဢမ်ႇဝႃႈၵေႃႉဢၼ်ယင်းဢမ်ႇႁူႉၵျေးၸူးလႄႈ တွပ်ႇတႅၼ်းပၼ်ဢၼ်ဢမ်ႇလီဢမ်ႇငၢမ်းၼၼ်ႉႁိူၼ်းၵေႃႉၼၼ်ႉ ဢမ်ႇၵၢင်းဢမ်ႇလွတ်ႈတင်း တၢင်းဢၼ်ဢမ်ႇလီဢမ်ႇငၢမ်း။
၁၄ တၢင်းဢၼ်ၸႃႉၽိတ်းၵၼ် ပဵၼ်ၸိူဝ်ႉၼင်ႇဢၼ်တႅၼ်ႈၼမ်ႉၼွင်ၸႃႉလူင်ႉၸႃႉပွင်ႇၼၼ်ႉလႄႈၸူဝ်ႈဢၼ်ဢမ်ႇပႆႇတၼ်းၽိတ်းၵၼ်ၼၼ်ႉၸိုင်ဝေႈပဵတ်ႈတၢင်းဢၼ်ၽိတ်း ၵၼ်ၼၼ်ႉတႃႉ။
၁၅ ၽြႃးပဵၼ်ၸဝ်ႈလီႁင်ႈဢဵတ်ႇသဵတ်ႇၵေႃႉဢၼ်ပွႆႇ ၶဝ်ၸိူဝ်းဢၼ်ဢမ်ႇတြႃးလွတ်ႈသေၵႃႈၼႂ်းဢပျႅတ်ႈဢိၵ်ႇတင်း ၵေႃႉဢၼ်ၸီႇယၢင်ဢပျႅတ်ႈတီႈၶဝ်ၸိူဝ်းဢၼ်သိုဝ်ႈတေႃႇၼၼ်ႉဢေႃႈ။
၁၆ ငိုၼ်း ဢၼ်မီးၵႃႈၼႂ်းမိုဝ်းၵေႃႉမိူၵ်ႈ ဢမ်ႇမီးၺၢၼ်ႇ ၼၼ်ႉတၵ်းပွင်ႇလွင်ႈၵႃႈသင်။
၁၇ ၵေႃႉသေႈၸၢင်ႊႁၵ်ႉယူႇၵူႈၶိင်ႇၵူႈမိူဝ်ႈလႄႈ ပီႈၼွင်ႉၸမ်းမီးတၢင်းဢၼ်ၵိူတ်ႇလဵင်ႉဝႆႉပုၼ်ႈၶိင်ႇမိူဝ်ႈတုၵ်ႉၶႃႉႁွတ်ႈထိုင်ၼၼ်ႉဢေႃႈ။
၁၈ ၵေႃႉဢၼ်ဢမ်ႇမီးၺၢၼ်ႇၼၼ်ႉ တူပ်းမိုဝ်းၵၼ်သေလႄႈႁပ်ႉတုင်းဢဝ် ၵႃႈတီႈၽၢႆႇၼႃႈၵေႃႉသေႈမၼ်းဢေႃႈ။
၁၉ ၵေႃႉဢၼ်ထုၵ်ႇၸႂ်ၵျိူၵ်ႈၸႂ် တၢင်းဢၼ်ၽိတ်းၵၼ်ၼၼ်ႉ ထုၵ်ႇၸႂ်ၵျိူၵ်ႈၸႂ်တၢင်းဢၼ်ပူၼ်ႉလိူဝ်လႄႈၵေႃႉဢၼ်ႁဵတ်းၽၵ်းတူမၼ်းသုင်ၼၼ်ႉၸၢင်ႊႁႃဢဝ် တၢင်းလူႉတၢင်းလႅဝ်းဢေႃႈ။
၂၀ ၵေႃႉဢၼ်ၸႂ်ၵူတ်ႉၸႂ်ငေႃးၼၼ်ႉဢမ်ႇလႆႈထူပ်းဢၵျူဝ်းဢၼ်လီလႄႈ ၵေႃႉဢၼ်မီးလိၼ်ႉ ဢၼ်လၢတ်ႈတႂ်ႈလၢတ်ႈၼိူဝ်ယူႇၼၼ်ႉထူပ်း ၽေးဢူးပၢတ်ႈဢေႃႈ။
၂၁ ၵူၼ်းဢၼ်ႁႂ်ႈၵေႃႉဢၼ်မိူၵ်ႈၵိူတ်ႇလဵင်ႉမႃးၼၼ်ႉ ႁႂ်ႈတူဝ်ၸဝ်ႈၵဝ်ႇယၢပ်ႇၸႂ်ယုင်ႈၸႂ်လႄႈပေႃႈၵေႃႉဢၼ်မိူၵ်ႈၼၼ်ႉ ဢမ်ႇမီးလွင်ႈဢၼ်လီ ၸူမ်းလီသိူဝ်း။
၂၂ ၸႂ်ဢၼ်ၸူမ်းသိူဝ်းၼၼ်ႉႁႂ်ႈယူႇလီၵိၼ်ဝၢၼ်လႄႈ ၸႂ်ဢၼ်တႅၵ်ႇလႅဝ်ၼၼ်ႉၸမ်း ႁႂ်ႈလုပ်ႇ တင်းလၢႆႁႅင်ႈႁွင်ၵႂႃႇဢေႃႈ။
၂၃ ၵေႃႉဢၼ်ဢမ်ႇတြႃးၼၼ်ႉၸူၵ်းဢဝ်လၢၵ်ႈသွင်ႇတၼ်းသူဝ်း ၵႃႈၼႂ်းထွင်းသိူဝ်ႈၵႃႈတီႈႁူဝ်ဢူၵ်းပိူၼ်ႈ ႁႂ်ႈလႆႈယႃႉသဵၼ်ႈတၢင်းတြႃး ပႅတ်ႈဢေႃႈ။
၂၄ ပိင်ႇၺႃႇမီးယူႇသိုဝ်ႈၼႃႈတႂ်ႈတႃၵေႃႉဢၼ်မီးၺၢၼ်ႇၼၼ်ႉလႄႈ မၢၵ်ႇတႃၵေႃႉဢၼ်မိူၵ်ႈၼၼ်ႉၸမ်း လႄႇလဵပ်ႈလူတူၺ်းတေႃႇထိုင်ႁွတ်ႈတီႈ သုတ်းလိၼ်မိူင်းဢေႃႈ။
၂၅ လုၵ်ႈၸၢႆးဢၼ်မိူၵ်ႈၼၼ်ႉပဵၼ်လွင်ႈဢၼ်ပေႃႈမၼ်းမႆႈၸႂ်ယၢပ်ႇၸႂ်လႄႈ ႁႂ်ႈမေႈမၼ်း ဢၼ်ၵိူတ်ႇလဵင်ႉမၼ်းမႃးၼၼ်ႉၶီၸႂ်ၶူမ်ၸႂ်ဢေႃႈ။
၂၆ ဢမ်ႇလီပၼ်တၢမ်ႇဢပျႅတ်ႈ တီႈၵေႃႉဢၼ်သိုဝ်ႈတေႃႇၼၼ်ႉလႄႈ ဢမ်ႇလီတိူဝ်ႉထုၵ်ႇ ၶုၼ်ဢၼ်ၸီႇယၢင်ႇၸွမ်း ၼင်ႇတြႃးၼၼ်ႉ။
၂၇ ၵေႃႉဢၼ်ဢမ်ႇၵမ်ဢမ်ႇၶျုၵ်ႈၵႂၢမ်းမၼ်းၼၼ်ႉတဵမ်ဝႆႉတင်း တၢင်းဢၼ်ႁူႉဢၼ်ၸႅင်ႈလႄႈၵေႃႉဢၼ်မီးၸႂ်ဢၼ်မၼ်ႈၶိူင်ႇ ၵတ်းလီယဵၼ်လီၼၼ်ႉ ပဵၼ်ၵေႃႉဢၼ်ၺၢၼ်ႇလီဢေႃႈ။
၂၈ ၵေႃႉဢၼ်မိူၵ်ႈၼၼ်ႉပေႃးယူႇတဵတ်ႇတဵတ်ႇယဵၼ်ယဵၼ်ယူႇၸိုင် ပိူၼ်ႈမၢတ်ႈမၼ်းပဵၼ်ၸိူဝ်ႉၼင်ႇ ၵေႃႉဢၼ်မီးပိင်ႇၺႃႇလႄႈၵေႃႉဢၼ်ဢမ်ႇဢႃႈပၢၵ်ႇမၼ်းလႄႈယူႇၼၼ်ႉၵေႃႈ ပိူၼ်ႈထၢင်ႇမၼ်းပဵၼ်ၵေႃႉဢၼ်ၺၢၼ်ႇလီဢေႃႈ။