၁၄
၁ မေႈယိင်းဢၼ်မီးၺၢၼ်ႇၼၼ်ႉ ၸၢင်ႊတႄႇၸၢင်ႊႁဵတ်းႁိူၼ်းမၼ်းလႄႈ မေႈယိင်းဢမ်မိူၵ်ႈၸမ်းၸၢင်ႊ ဢဝ်တင်းမိုဝ်းမၼ်းၵိူၼ်ႇယႃႉပႅတ်ႈဢေႃႈ။
၂ ၵေႃႉဢၼ်ၸွမ်းသဵၼ်ႈတၢင်းဢၼ်သိုဝ်ႈလီရူဝ်းလီၼၼ်ႉ ၸၢင်ႊၵူဝ်ႁႄထႃႇဝရႃႉၽြႃးလႄႈၵေႃႉဢၼ်ၸွမ်းသဵၼ်ႈတၢင်းဢၼ်ၵူတ်ႉဢၼ်ငေႃးၼၼ်ႉၸမ်း ၸၢင်ႊႁဵတ်း ဢမ်ႇပေႃးၼင်ႇႁိုဝ်တီႈမၼ်းၸဝ်ႈဢေႃႈ။
၃ ၶေႃႈၵႂၢမ်းၵေႃႉဢၼ်မိူၵ်ႈၼၼ်ႉ ပဵၼ်ၶွၼ်ႉဝၢႆၵႃႈတီႈၼင်မၼ်းလႄႈသီႇသူပ်းၶဝ်ၸိူဝ်းဢၼ်မီးၺၢၼ်ႇၼၼ်ႉၸမ်း ၸၢင်ႊပႂ်ႉ ၵႄႇသႄႇၼုၵ်ႈဢဝ်ၶဝ်ယူႇဢေႃႈ။
၄ သိုင်ႇဢၼ်ဢမ်ႇမီးဝူဝ်းပေႃႈၼၼ်ႉ ပဵၼ်ဢၼ်ပဝ်ႇလပ်ႉလႄႈႁဵင်းဝူဝ်းငၢၼ် တူဝ်ၼိုင်ႈၸမ်းပဵၼ်ၸီးပႂႃးၼမ်ၼႃႇဢေႃႈ။
၅ ၵေႃႉဢၼ်ၶၢမ်ႇသၢၵ်ႈသေႇဢၼ်မီးသႅတ်ႈၸႃႇၼၼ်ႉ ဢမ်ႇၸၢင်ႊလၢတ်ႈမူႉသႃႇလႄႈ ၵေႃႉဢၼ်ၶၢမ်ႇသၢၵ်ႈသေႇဢၼ်ယႃႉသႅတ်ႈၸႃႇၼၼ်ႉၸမ်း ၸၢင်ႊလၢတ်ႈမူႉသႃႇဢေႃႈ။
၆ ၵေႃႉဢၼ်ႁဵတ်းဢမ်ႇပေႃးၼင်ႇႁိုဝ်ၼၼ်ႉ ႁႃၺၢၼ်ႇသေၵေႃႈဢမ်ႇၸၢင်ႊထူပ်းၸၢင်ႊလႆႈ။ၵေႃႉဢၼ်မီးၺၢၼ်ႇၸမ်း လႆႈတၢင်းဢၼ်ႁူႉဢၼ်ၸႅင်ႈငၢႆဢေႃႈ။
၇ ဝေႈပႅတ်ႈသေၵေႃႉဢၼ်မိူၵ်ႈၼၼ်ႉတႃႉ။လွင်ႈမၼ်းၸမ်းမႂ်းတၵ်းဢမ်ႇထူပ်းဢမ်ႇႁၼ် တၢင်းဢၼ်ႁူႉဢၼ်ၸႅင်ႈ တီႈသူပ်းမၼ်းၼၼ်ႉ။
၈ ၺၢၼ်ႇၵေႃႉဢၼ်မီးပိင်ႇၺႃႇသတိၼၼ်ႉပဵၼ်တၢင်းဢၼ်ႁူႉသဵၼ်ႈတၢင်းဢၼ်မၼ်းၵႂႃႇယူႇၼၼ်ႉလႄႈတၢင်းဢၼ်မိူၵ်ႈၶဝ်ၸိူဝ်း ဢၼ်မိူၵ်ႈၼၼ်ႉၸမ်းပဵၼ်ပရီ့ယေႇဢေႃႈ။
၉ ၵေႃႉဢၼ်မိူၵ်ႈၼၼ်ႉ ႁဵတ်းဢမ်ႇပေႃးၼင်ႇႁိုဝ်တီႈတၢင်းဢၼ်ၽေႇတူႉၸရိူၵ်ႈၼၼ်ႉလႄႈ တီႈၶဝ်ၸိူဝ်းဢၼ်သိုဝ်ႈလီရူဝ်းလီၼၼ်ႉၸမ်း မီးတၢင်းဢၼ်မၼ်းၸဝ်ႈႁပ်ႉတုင်း ဢဝ်ဢေႃႈ။
၁၀ ႁူဝ်ၸႂ်ၽႂ်မၼ်းႁူႉၸႅင်ႈတုၵ်ႉၶႃႉတူဝ်ၸဝ်ႈၵဝ်ႇယူႇလႄႈ ပိူၼ်ႈတၢင်ႇၵေႃႉဢမ်ႇၸၢင်ႊၶဝ်ပႃးၼႂ်းတၢင်း ဢၼ်မၼ်းၸူမ်းသိူဝ်းၼၼ်ႉ။
၁၁ ႁိူၼ်းၵေႃႉဢၼ်ဢမ်ႇတြႃးၼၼ်ႉၸၢင်ႊလူမ်ႉပင်းၵႂႃႇလႄႈ သုမ်ႉထဵင်ၵေႃႉဢၼ်သိုဝ်ႈတေႃႇၼၼ်ႉၸမ်း ၸၢင်ႊၵီႈလီတင်ႈလီယူႇဢေႃႈ။
၁၂ မီးသဵၼ်ႈတၢင်း ဢၼ်ၵူၼ်းထၢင်ႇ ပဵၼ်ဢၼ်မၢၼ်ႇမႅၼ်ႈၸိုဝ်ႈၸႂ်ႈလႄႈ တီႈသုတ်းမၼ်းပဵၼ်သဵၼ်ႈတၢင်းဢၼ်ၸၢပ်ႈသႅင်ႇၵၼ်တင်းတၢင်းတၢႆၸိူဝ်းၼၼ်ႉ ဢေႃႈ။
၁၃ တေႃႈၵႃႈမိူဝ်ႈဢၼ်ၵူၼ်းယင်းတိုၵ်ႈၶူဝ်ယူႇၼၼ်ႉမီးႁူဝ်ၸႂ်ဢၼ်ၸဵပ်းယူႇလႄႈ တီႈသုတ်းတၢင်းဢၼ်ၶူဝ်ႁိူဝ်ႇသႂၢင်ႇသိူဝ်းၼၼ်ႉ ၸၢင်ႊပဵၼ်တၢင်းဢၼ်မႆႈၸႂ်ၶီၸႂ်ဢေႃႈ။
၁၄ ၵေႃႉဢၼ်ႁူဝ်ၸႂ်ၽွၵ်ႈပျၢၼ်ႇၶိုၼ်းၼၼ်ႉ တၵ်းဢိမ်ႇတဵမ်ဝႆႉတင်းသဵၼ်ႈတၢင်းမၼ်းတင်းလၢႆလႄႈ ၵေႃႉဢၼ်လီဢၼ်ငၢမ်းၼၼ်ႉတၵ်းလႆႈသူးလၢပ်ႈမၼ်းဢေႃႈ။
၁၅ ၵေႃႉဢၼ်ငိူဝ်ႈဢၼ်ငႃႉၼၼ်ႉၸၢင်ႊယုမ်ႇၵႂၢမ်းၵႃႈဢၼ်ပိူၼ်ႈလၢတ်ႈၼၼ်ႉလႄႈ ၵေႃႉဢၼ်မီးပိင်ၺႃႇသတိၼၼ်ႉၸမ်း ၸၢင်ႊလူတူၺ်းသဵၼ်ႈတၢင်းဢၼ်မၼ်းၵႂႃႇၼၼ်ႉၸေးၸေးၸွတ်ႇၸွတ်ႇဢေႃႈ။
၁၆ ၵေႃႉဢၼ်မီးၺၢၼ်ႇၼၼ်ႉ ၸၢင်ႊၵူဝ်ႁႄလႄႈပႄႇပႅတ်ႈတူႉၸရိူၵ်ႈဢေႃႈ။ၵေႃႉဢၼ်မိူၵ်ႈၼၼ်ႉၸမ်းမႃႇၼႃႉယႂ်ႇလႄႈဢမ်ႇမီးသတိ။
၁၇ ၵေႃႉဢၼ်ၸႂ်ပွတ်းၸႂ်လွတ်းၼၼ်ႉ ၸၢင်ႊႁဵတ်းတၢင်းဢၼ်မိူၵ်ႈၼႃႇလႄႈ ၵေႃႉဢၼ်ၵျၢမ်ႇပွင်တၢင်းၵျၢမ်ႇတၢင်းပွင်ဢၼ်ဢမ်ႇလီၼၼ်ႉၸမ်းတၵ်းလႆႈၶၢမ်ႇ တၢင်းဢၼ်ပိူၼ်ႈၸင်းဢေႃႈ။
၁၈ ၵေႃႉဢၼ်ငိူဝ်ႈဢၼ်ငႃႉၼၼ်ႉ ၸၢင်ႊလႆႈၶၢမ်ႇဢမူၺ်ႇတၢင်းဢၼ်မိူၵ်ႈလႄႈၵေႃႉဢၼ်မီး ပိင်ႇၺႃႇသတိၼၼ်ႉၸမ်းၸၢင်ႊလႆႈတိုဝ်း သရၽူႇတၢင်းဢၼ်ႁူႉၸႅင်ႈဢေႃႈ။
၁၉ ၶဝ်ၸိူဝ်းဢၼ်ႁၢႆႉမိူၵ်ႈၼၼ်ႉလႆႈၶုပ်ႉမူပ်ႇၵူမ်ႈႁူဝ် ၵႃႈတီႈၽၢႆႇၼႃႈၶဝ်ၸိူဝ်းဢၼ်လီဢၼ်ငၢမ်းလႄႈ ၶဝ်ၸိူဝ်းဢၼ်ဢမ်ႇတြႃးၼၼ်ႉ လႆႈၶုပ်ႉမူပ်ႇၵူမ်ႈႁူဝ်ၵႃႈတီႈႁူးၽၵ်းတူႁိူၼ်းၶဝ် ၸိူဝ်းဢၼ်သိုဝ်ႈတေႃႇၼၼ်ႉဢေႃႈ။
၂၀ ၵေႃႉဢၼ်ယၢၵ်ႈဢၼ်ၽၢၼ်ႇၼၼ်ႉ လႆႈၶၢမ်ႇတၢင်းဢၼ်ၵူၼ်းႁိူၼ်းၸမ်ၵၼ်ၸုၼ်ႉပႅတ်ႈလႄႈ ၶဝ်ၸိူဝ်းဢၼ်ၸၢင်ႊမၢၵ်ႈၸၢင်ႊမီးၼၼ်ႉၸမ်းမီးတႆးၵေႃႉၼမ်ၼႃႇဢေႃႈ။
၂၁ ၵေႃႉဢၼ်ႁဵတ်းဢမ်ႇပေႃးၼင်ႇႁိုဝ် တီႈၵူၼ်းႁိူၼ်းၸမ်ၵၼ်တင်းမၼ်းၼၼ်ႉ မီးဢပျႅတ်ႈလႄႈၵေႃႉဢၼ်ဢိတ်း လူၵေႃႉဢၼ်ယၢၵ်ႈဢၼ်ၽၢၼ်ၼၼ်ႉၸမ်းမီး မင်ႇၵလႃႇဢေႃႈ။
၂၂ ၶဝ်ၸိူဝ်းဢၼ်ၵျၢမ်ႇပွင်လွင်ႈတၢင်းဢၼ်ဢမ်ႇလီဢမ်ႇငၢမ်းၼၼ်ႉ ၽိတ်းပိူင်ႈဢမ်ႇၸႂ်ႈႁိုဝ်။ၵူၺ်းၵႃႈၵရူႉၼႃႇဢိၵ်ႇတင်းသႅတ်ႈၸႃႇတၵ်းမီးတီႈၶဝ်ၸိူဝ်းဢၼ်ၵျၢမ်ႇပွင် တၵ်းႁဵတ်းၵျေးၸူးၼၼ်ႉ ဢေႃႈ။
၂၃ ၼႂ်းတၢင်းဢၼ်ၶတ်းၸႂ်လႄႈသၢင်ႈႁဵတ်းၵူႈၸိူဝ်ႉၵူႈပိူင်ၼၼ်ႉ မီးဢၵျူဝ်းလႄႈ တၢင်းဢၼ်သူပ်းၼမ်ၵႂၢမ်းၼမ်ၼၼ်ႉၸမ်းပဵၼ်တၢင်းယၢၵ်ႈတၢင်း ၽၢၼ်ၵူၺ်းဢေႃႈ။
၂၄ ၸေးၸိမ်ႇဢုၵ်ႉၸႃႇၶဝ်ၸိူဝ်းဢၼ်မီးၺၢၼ်ႇၼၼ်ႉ ပဵၼ်သရၽူႇၶဝ်လႄႈတၢင်းမိူၵ်ႈၶဝ်ၸိူဝ်းဢၼ်မိူၵ်ႈၼၼ်ႉ ပဵၼ်ဢၼ်မိူၵ်ႈလွၼ်ႉလွၼ်ႉၵူၺ်း ဢေႃႈ။
၂၅ ၵေႃႉဢၼ်ၶၢမ်ႇသၢၵ်ႈသေႇဢၼ်မၢၼ်ႇဢၼ်မႅၼ်ႈၼၼ်ႉ ၸၢင်ႊၵႄႇသႄႇဢဝ်ဢသၢၵ်ႈပိူၼ်ႈလွတ်ႈလႄႈ ၵေႃႉဢၼ်ထူၺ်ႈၸႂ်ဢွၵ်ႇမူႉသႃႇၼၼ်ႉၸမ်းၸၢင်ႊႁႂ်ႈတၢင်းဢၼ်ပႅတ်ႉဢၼ်လႅၼ်ပဵၼ်မႃးဢေႃႈ။
၂၆ ၵႃႈၼႂ်းတၢင်းဢၼ်ၵူဝ်ႁႄထႃႇဝရႃႉၽြႃးၼၼ်ႉ ၸၢင်ႊမီးဢၶႂၢင်ႉတၢင်းဢၼ်ဢိင်ပိုင်ႈဢၼ်ႁႅင်းယႂ်ႇၼႃႇလႄႈ လုၵ်ႈၸၢႆးမၼ်းၸဝ်ႈတင်းလၢႆ တၵ်းလႆႈတီႈ ဢၼ်သွၼ်ႈပိုင်ႈဢေႃႈ။
၂၇ တၢင်းဢၼ်ၵူဝ်ႁႄထႃႇဝရႃႉၽြႃးၼၼ်ႉ ပဵၼ်ၼမ်ႉဢွၵ်ႇႁူးဢသၢၵ်ႈဢၼ်ဝေႈပိူင်ႈ သေတူင်ႇႁဵဝ်ႉတူင်ႇၶိုမ်းတၢင်းတၢႆဢေႃႈ။
၂၈ ၵူၼ်းဝၢၼ်ႈၵူၼ်းမိူင်းၼမ်ၼႃႇၼၼ်ႉ ပဵၼ်မူၼ်ၽုင်းၶုၼ်ႁေႃၶမ်းလႄႈ ၼႂ်းတၢင်းဢၼ်ၵူၼ်းဝၢၼ်ႈၵူၼ်းမိူင်းၵေႇမၢင်ၼၼ်ႉၸမ်း ပဵၼ်ဢၵျူဝ်းၵေႇမၢင်ပုၼ်ႈၶုၼ်ဢေႃႈ။
၂၉ ၵေႃႉဢၼ်ၸႂ်ယႂ်ႇၸႂ်ယၢဝ်းၼၼ်ႉ ပိင်ႇၺႃႇယႂ်ႇလႄႈၵေႃႉဢၼ်ၸႂ်ပွတ်းၸႂ်လွတ်းၼၼ်ႉၸမ်းယုၵ်ႉယွင်ႈ တၢင်းဢၼ်မိူၵ်ႈဝႆႉတီႈသုင်ဢေႃႈ။
၃၀ ႁူဝ်ၸႂ်ဢၼ်တႄႇၼိမ်လီၼၼ်ႉပဵၼ်လွင်ႈဢၼ်ယူႇလီတူဝ်ၵႃႇယႃႉလႄႈသၽေႃးဢၼ်သီႇၵေႉ ႁႄႈတႃၼၼ်ႉၸမ်းပဵၼ်လွင်ႈဢၼ် လုပ်ႇၽင်ႉဢူႉဢေႃႈ။
၃၁ ၵေႃႉဢၼ်ၼိၵ်ႈၸၢၵ်ႈငႅၼ်းသေးၵူၼ်းယၢၵ်ႈၵူၼ်းၽၢၼ်ၼၼ်ႉ ပဵၼ်တၢင်းဢၼ်သေႉသွမ်းၽြႃး ဢၼ်ၽၢၼ်ႇသၢင်းႁဵတ်းပဵၼ်ၼၼ်ႉလႄႈၵေႃႉဢၼ်ၸၢင်ႊဢိတ်းလူ ၵူၼ်းဢၼ်ၸုတ်ႈဢၼ်လုတ်ႈၼၼ်ႉၸမ်းပဵၼ်ၵေႃႉဢၼ်ရူဝ်ႇသေႇၵူဝ်ယမ် ၽြႃးပဵၼ်ၸဝ်ႈဢေႃႈ။
၃၂ ၵေႃႉဢၼ်ဢမ်ႇတြႃးၼၼ်ႉလႆႈၶၢမ်ႇတၢင်းဢၼ်ဢဝ်လူမ်ႉပႅတ်ႈ ၼႂ်းမိူဝ်ႈဢၼ်မၼ်းယင်းတိုၵ်ႉႁဵတ်းဢၼ်ဢမ်ႇတြႃးယူႇၼၼ်ႉလႄႈ ၵေႃႉဢၼ်သိုဝ်ႈတေႃႇၼၼ်ႉၸမ်းမီးတီႈဢၼ်မုင်ႈထႃႈ မွင်းထႃႈၼႂ်းမိူဝ်ႈဢၼ်မၼ်းတၢႆၼၼ်ႉဢေႃႈ။
၃၃ ပိင်ႇၺႃႇၸၢင်ႊၵိင်းဝပ်ႈယူႇ ၵႃႈၼႂ်းႁူဝ်ၸႂ်ၵေႃႉဢၼ်မီးၺၢၼ်ႇၼၼ်ႉလႄႈ လွင်ႈတၢင်းဢၼ်မီးယူႇၵႃႈၼႂ်းၶဝ်ၸိူဝ်းဢၼ်မိူၵ်ႈၼၼ်ႉၸမ်း ၸၢင်ႊပေႃႇၸၢင်ႊဢွၵ်ႇဢေႃႈ။
၃၄ တၢင်းဢၼ်သိုဝ်ႈတေႃႇ ၸၢင်ႊယုၵ်ႉယွင်ႈၵူၼ်းဝၢၼ်ႈၵူၼ်းမိူင်းတင်းလၢႆလႄႈဢပျႅတ်ႈတူႉၸရိူၵ်ႈၸမ်းၸၢင်ႊဢဝ်ၵူၼ်းဝၢၼ်ႈၵူၼ်းမိူင်းတင်းလၢႆ ၶျႃးတူၵ်း တီႈတႅမ်ႇဢေႃႈ။
၃၅ ၵျေးၸူးၶုၼ်ႁေႃၶမ်းၸၢင်ႊမီးၵႃႈၼိူဝ်ၶႃႈဢၼ်မီးၺၢၼ်ႇၼၼ်ႉလႄႈတၢင်းၸႂ်မႆႈၶႆႈၸႃႉမၼ်းၸဝ်ႈ ၸၢင်ႊမီးၵႃႈၼိူဝ်ၶႃႈဢၼ်ၸၢင်ႊႁဵတ်းႁႂ်ႈဢူၵ်းႁႂ်ႈဢၢႆၼၼ်ႉဢေႃႈ။