၈
တၢင်းဢၼ်ၺၢၼ်ႇႁွင်ႉပၢဝ်ႇ
၁ ၺၢၼ်ႇႁွင်ႉပၢဝ်ႇယူႇဢမ်ႇၸႂ်ႈႁိုဝ်။ပိင်ႇၺႃႇၵိဝ်သဵင်မၼ်းယူႇဢမ်ႇၸႂ်ႈႁိုဝ်။
၂ မၼ်းၸုၵ်းယူႇၵႃႈၼိူဝ်ၸိၵ်းၸွမ်တီႈဢၼ်သုင်ႁိမ်းတႃႈႁိမ်းတၢင်း ဢိၵ်ႇတင်းၵႃႈၼႂ်းသဵၼ်ႈတၢင်းသၢႆတႃဢေႃႈ။
၃ မၼ်းႁွင်ႉသေႃႇႁွင်ႉလၢတ်ႈၵႃႈတီႈႁိမ်းၽၵ်းတူၵႃႈၼႂ်းႁူးၽၵ်းတူဝဵင်း ၵႃႈၼႂ်းၽၵ်းတူ ႁိူၼ်းတင်းလၢႆလႄႈဝႃႈ၊-
၄ ၵူၼ်းတင်းလၢႆၶဝ်ဢိူၺ်း။ၵဝ်ႁွင်ႉတီႈသူလႄႈ ၵိဝ်သဵင်ၵဝ်ၸူးတီႈလုၵ်ႈၵူၼ်းတင်း လၢႆဢေႃႈ။
၅ သူၸိူဝ်းဢၼ်ငိူဝ်ႈဢၼ်ငႃႉၶဝ်ဢိူၺ်း။ဢွၼ်ၵၼ်ႁူႉၸႅင်ႈပိင်ႇၺႃႇဢၼ်ၽၢႆဢၼ်ၽႂ်းၼၼ်ႉတႃႉ။သူၸိူဝ်းဢၼ်မိူၵ်ႈၶဝ်ဢိူၺ်း။ဢွၼ်ၵၼ်မီးၺၢၼ်ႇဢၼ် ၸၢင်ႊၶႆႈၸႂ်လႄႈႁူႉလႆႈၼၼ်ႉတႃႉ။
၆ ဢွၼ်ၵၼ်ထွမ်ႇဢဝ်တႃႉ။ၵဝ်တၵ်းလၢတ်ႈၵႂၢမ်းဢၼ်မျၢတ်ႈၼႃႇလႄႈတၢင်းဢၼ်ဝႃႈဢွၵ်ႇသူပ်းၵဝ်ၼၼ်ႉ တၵ်းပဵၼ်ၵႂၢမ်းဢၼ်သိုဝ်ႈလီရူဝ်းလီဢေႃႈ။
၇ သူပ်းၵဝ်မွၵ်ႇလၢတ်ႈသမ်ႇမႃႇတြႃးလႄႈ သီႇသူပ်းၵဝ်လီႁင်ႈဢဵတ်ႇသဵတ်ႇတူႉၸရိူၵ်ႈဢေႃႈ။
၈ ၵႂၢမ်းၵႃႈဢၼ်ၵဝ်ဢွၵ်ႇသူပ်းဝႃႈၼၼ်ႉသိုဝ်ႈတေႃႇလႄႈ ဢမ်ႇမီးသၽေႃးဢၼ်ၵူတ်ႉဢမ်ႇမီးသၽေႃးဢၼ်ၽွၵ်ႈပျၢၼ်ႇၶိုၼ်းၼၼ်ႉလႃးလႃး။
၉ ၵူႈၸိူဝ်ႉၵူႈပိူင်ၼၼ်ႉ ပဵၼ်ဢၼ်ပၢင်ႇလီလႅင်းလီတီႈၵေႃႉဢၼ်ႁူႉဢၼ်ၸႅင်ႈၼၼ်ႉလႄႈ ပဵၼ်ဢၼ်ၸိုဝ်ႈဢၼ် ၸႂ်ႈတီႈၶဝ်ၸိူဝ်းဢၼ်လႆႈပိင်ႇၺႃႇၼၼ်ႉဢေႃႈ။
၁၀ ဢွၼ်ၵၼ်ၶၢမ်ႇဢဝ် တၢင်းဢၼ်ၵဝ်သင်ႇသွၼ်ပၼ်ၼၼ်ႉလိူဝ်တွၼ်းၼႃႇသငေိုၼ်း ဢိၵ်ႇတင်းပိင်ႇၺႃႇတၢင်းဢၼ်ႁူႉဢၼ်ၸႅင်ႈၼၼ်ႉလိူဝ်တွၼ်းၼႃႇသေၶမ်း တႃႉ။
၁၁ လွင်ႈမၼ်းၸမ်းပိင်ႇၺႃႇၼၼ်ႉမျၢတ်ႈၼႃႇသေသႅင်လႅင်ႊလႄႈ ၶိူင်ႈပိူင်ၵႃႈဢၼ်လီထုၵ်ႇၸႂ်ၵျိူၵ်ႈၸႂ်ၼၼ်ႉ ဢမ်ႇမီးတၢင်းဢၼ်ဢဝ်တႅၵ်ႈဢၼ်တိူင်းၵၼ်တင်းမၼ်းလႆႈ။
၁၂ ၵဝ်ဢၼ်ပဵၼ်ၺၢၼ်ႇၼႆႉ ယူႇလူၺ်ႈၵၼ်တင်းသမ်ႇမႃႇသတိလႄႈ ၸၢင်ႊထူပ်းႁၼ်တၢင်းဢၼ်ႁူႉဢၼ်ၸႅင်ႈဢိၵ်ႇတင်း တၢင်းဢၼ်ၵျၢမ်ႇပွင်လၵ်းလၵ်းလႅမ်လႅမ် ၼၼ်ႉဢေႃႈ။
၁၃ တၢင်းဢၼ်ၵူဝ်ႁႄထႃႇဝရႃႉၽြႃးၼၼ်ႉၸမ်း ပဵၼ်တၢင်းဢၼ်ငိၼ်းၸင်းတူႉၸရိူၵ်ႈ တၢင်းဢၼ်မႃႇၼႃႉၸႂ်သုင် တၢင်းဢၼ်ၸွၵ်ႈၵႃးဢမ်ႇၼပ်ႉယမ်ပိူၼ်ႈ၊ တၢင်းဢၼ်ၸွမ်းသဵၼ်ႈတၢင်းဢၼ်ဢမ်ႇလီၸိူဝ်းၼၼ်ႉဢေႃႈ။သူပ်းဢၼ်လၢတ်ႈၵႂၢမ်းဢၼ် ၵူတ်ႉဢၼ်ငွၵ်းၼၼ်ႉၵေႃႈၵဝ်ၸင်းဢေႃႈ။
၁၄ ဢၶႂၢင်ႉဢၼ်ပၼ်တၢင်းၵျၢမ်ႇတၢင်းပွင် ဢိၵ်ႇတင်းတၢင်းဢၼ်တႅပ်းတတ်းဢၼ်မၢၼ်ႇမႅၼ်ႈၼၼ်ႉမီးတီႈၵဝ်ဢေႃႈ။ၵဝ်ပဵၼ် ၺၢၼ်ႇလႄႈတဵမ်ဝႆႉတင်းႁႅင်းတၼ်းၶူဝ်းဢေႃႈ။
၁၅ ဢိင်ပိူင်ၵဝ်သေလႄႈ ၶုၼ်ႁေႃၶမ်းတင်းလၢႆဢုပ်ႉပိူင်ႇၸၢမ်ႇၸႃးလႄႈ ၶုၼ်ဢရႃႇသိတင်းလၢႆ ၸီႇယၢင်ႇၸွမ်း ၼင်ႇတြႃးဢေႃႈ။
၁၆ ဢိင်ပိူင်ၵဝ်သေလႄႈလုၵ်ႈၶုၼ်ဢိၵ်ႇတင်း မူးမၢတ်ႈၽွင်းမိူင်း တင်းၵူၼ်းလူင်ဢၼ်ၸီႇယၢင်ႇတြႃးၵႃႈမီးတင်းသဵင်ႈတင်းလူင် ဢုပ်ႉပိူင်ႇတႅပ်း တတ်းဢေႃႈ။
၁၇ ၵဝ်ႁၵ်ႉၶဝ်ၸိူဝ်းဢၼ်ႁၵ်ႉၵဝ်ၼၼ်ႉလႄႈၶဝ်ၸိူဝ်းဢၼ် ၵႆႉၶတ်းႁႃဢဝ်ၵဝ်ၼၼ်ႉ ၸၢင်ႊထူပ်းၵဝ်ဢေႃႈ။ၸေးၸိမ်ႇဢိၵ်ႇတင်းမူၼ်သရေႇမီးတီႈၵဝ် ဢေႃႈ။
၁၈ ၸေးၸိမ်ႇဢၼ်မၼ်ႈၶိူင်ႇတင်းပႃႇရမီႇဢၼ် သိုဝ်ႈတေႃႇၼၼ်ႉၵေႃႈ မီးတီႈၵဝ်ဢေႃႈ။
၁၉ ဢၵျူဝ်းဢၼ်ၵဝ်ပၼ်ၼၼ်ႉလိူဝ်တွၼ်းၼႃႇသေၶမ်းဢမ်ႇၵႃး၊ ယိင်ႈၶႅၼ်းလိူဝ်တွၼ်းၼႃႇသေ ၶမ်းလွတ်ႈငၢၼ်ႇဢေႃႈ။ၶွၼ်ႇၽၼ်ႇတႃႇဢၼ်လႆႈၵွပ်ႈပိူဝ်ႈၵဝ်ၼၼ်ႉယိင်ႈ ၶႅၼ်းမျၢတ်ႈသေငိုၼ်းမေႃႇဢေႃႈ။
၂၀ ၵဝ်ၸွမ်းၵႂႃႇၵႃႈၼႂ်းသဵၼ်ႈတၢင်းဢၼ်သိုဝ်ႈတေႃႇ ၵႃႈၼႂ်းၵၢင်သဵၼ်ႈ တၢင်းဢၼ်ၸီႇယၢင်ႇတြႃးၼၼ်ႉလႄႈ
၂၁ ၵဝ်ႁႂ်ႈၶဝ်ၸိူဝ်းဢၼ်ႁၵ်ႉၵဝ်ၼၼ်ႉ လႆႈမီးဢၶႂၢင်ႉဢၼ်လႆႈၶၢမ်ႇ ဢမူၺ်ႇလႄႈၵဝ်ႁႂ်ႈတိူၵ်ႈၽၼ်ႇတႃႇၶဝ်တဵမ်ဝႆႉဢေႃႈ။
၂၂ ထႃႇဝရႃႉၽြႃး ၽၢၼ်ႇသၢင်းႁဵတ်းပဵၼ်ၵဝ်ၸဵမ်မိူဝ်ႈဢၼ်မၼ်းၸဝ်ႈ ၸႃႉဢွၵ်ႇၵႂႃႇၸူဝ်ႈဢၼ်မၼ်းၸဝ်ႈဢမ်ႇပႆႇႁဵတ်း လွင်ႈတၢင်းမၼ်းၸဝ်ႈမိူဝ်ႈဢွၼ်တၢင်း ၸိူဝ်းၼၼ်ႉဢေႃႈ။
၂၃ ၵဝ်ၶၢမ်ႇၽိၵ်ႈသိၵ်ႈၸဵမ်မိူဝ်ႈၶိင်ႇၵႃႇလႃႉဢၼၼ်ႇတႃႉ၊ မိူဝ်ႈၵေႃႇၸႃႉႁူဝ်ပိုင်းၸူဝ်ႈဢၼ် လိၼ်မိူင်းဢမ်ႇပႆႇပဵၼ်ၼၼ်ႉယဝ်ႉ။
၂၄ ၵဝ်ၶၢမ်ႇတၢင်းဢၼ်ၵိူတ်ႇလဵင်ႉမႃး ၸူဝ်ႈဢၼ်ၼမ်ႉဢၼ်လိုၵ်ႉဢၼ်လမ်ႇတင်းလၢႆဢမ်ႇပႆႇပဵၼ်၊ ၸူဝ်ႈဢၼ်ၼမ်ႉဢွၵ်ႇႁူးဢၼ် သတ်ႉတဵမ်ဝႆႉတင်းၼမ်ႉဢမ်ႇပႆႇမီးၼၼ်ႉဢေႃႈ။
၂၅ ၵဝ်ၶၢမ်ႇတၢင်းဢၼ်ၵိူတ်ႈလဵင်ႉမႃး ၸူဝ်ႈဢၼ်လွႆလူင်တင်းလၢႆဢမ်ႇပႆႇတႄႇ ၸူဝ်ႈဢၼ်လွႆႇဢွၼ်ႇတင်းလၢႆဢမ်ႇပႆႇ ပဵၼ်
၂၆ ၸူဝ်ႈဢၼ်မၼ်းၸဝ်ႈ ဢမ်ႇပႆႇႁဵတ်းလိၼ်မိူင်းဢိၵ်ႇတင်း တီႈပၢင်ႇတီႈပဵင်းတင်းလၢႆတင်းမုၼ်ႈလိၼ် ဢၼ်ဢွၼ်တၢင်းသုတ်းၼၼ်ႉဢေႃႈ။
၂၇ မိူဝ်ႈဢၼ်မၼ်းၸဝ်ႈမႄးႁဵတ်းမႄးပွငႃ်ႉၵၢင်ႁၢဝ်ၼၼ်ႉၸိုင် ၵဝ်မီးယူႇဢေႃႈ။မိူဝ်ႈဢၼ်မၼ်းၸဝ်ႈဢဝ်ၼႃႃႈႉသုမ်ႇလူင်းၶႅၼ်ႈၶၼ်ႈ ပဵၼ်ဢၼ်မူၼ်းဢၼ်တူင်ႇဝႆႉၵႃႈၼိူဝ် ၼႃႈၼမ်ႉသမ်ႇမုၵ်ႉတြႃႇ
၂၈ မိူဝ်ႈဢၼ်မၼ်းၸဝ်ႈႁႂ်ႈၽႃႈၽူၼ်တႄႇပဵၼ်ၵႃႈၼိူဝ်၊မိူဝ်ႈဢၼ်မၼ်းၸဝ်ႈ ႁႂ်ႈၼမ်ႉဢွၵ်ႇႁူးတီႈဢၼ်လိုၵ်ႉဢၼ်လမ်ႇၸိူဝ်းၼၼ်ႉ မၼ်ႈၶိူင်ႇ
၂၉ မိူဝ်ႈဢၼ်မၼ်းၸဝ်ႈ ၸီႇယၢင်ႇတီႈဢၼ်ၶၼ်ႈဢၼ်ၶႅၼ်ႈဝႆႉတီႈၼမ်ႉသမ်ႇမုၵ်ႉတြႃႇ ႁႂ်ႈၼမ်ႉဢမ်ႇလႆႈထူမ်ႈၽၢင်ႇမၼ်းႁိမ်းမၼ်း မိူဝ်ႈဢၼ်မၼ်းၸဝ်ႈမၢတ်ႈမၢႆဝႆႉ
၃၀ တီႈပူၼ်ႉငဝ်ႈႁၢၵ်ႈတိူၵ်ႈလိၼ်မိူင်းၼၼ်ႉၸိုင် ၵဝ်မီးယူႇၵႃႈတီႈႁိမ်းမၼ်းၸဝ်ႈ မိူၼ်ၸိူဝ်ႉၼင်ႇလုၵ်ႈလၢင်းဢၼ်မၼ်းၸဝ်ႈလဵင်ႉလူၼၼ်ႉလႄႈပဵၼ်တီႈဢၼ်မၼ်းၸဝ်ႈမူၼ်ႈပျေႃႇယူႇတႃႇသေႇဢမ်ႇထၢတ်ႇဢေႃႈ။
၃၁ ၵဝ် သႂၢင်ႇသိူဝ်း ၵႃႈတီႈၽၢႆႇၼႃႈမၼ်းၸဝ်ႈ တႃႇသေႇဢမ်ႇထၢတ်ႇယူႇ၊သႂၢင်ႇသိူဝ်းၵႃႈၼႂ်းလိၼ်မိူင်းမၼ်းၸဝ်ႈတီႈဢၼ် ၵူၼ်းတင်းလၢႆယူႇၼၼ်ႉ သေလႄႈႁဵတ်းၵေႃႉႁဵတ်းသေႈမူၼ်ႈပျေႃႇ လူၺ်ႈၵၼ်တင်းလုၵ်ႈ ၵူၼ်းတင်းလၢႆယူႇဢေႃႈ။
၃၂ ပိူဝ်ႈၼႆလႄႈလုၵ်ႈၸၢႆးၵဝ်တင်းလၢႆၶဝ်ဢိူၺ်း။ဢွၼ်ၵၼ်ထွမ်ႇဢဝ်ၵႂၢမ်းၵဝ်တႃႉ။ၶဝ်ၸိူဝ်းဢၼ်ပႂ်ႉၸွမ်း သဵၼ်ႈတၢင်းၵဝ်ၸိူဝ်းၼၼ်ႉမီး မၢင်ႇၵလႃႇဢေႃႈ။
၃၃ ဢွၼ်ၵၼ်ထွမ်ႇဢဝ်တၢင်းဢၼ်သင်ႇသွၼ်ႇပၼ်ၼၼ်ႉလႄႈ မီးၺၢၼ်ႇတႃႉ။
၃၄ ယႃႇပေၸုၼ်ႉပႄႇပႅတ်ႈမၼ်း။ၵေႃႉဢၼ်ပႂ်ႉယူႇၵႃႈတီႈႁိမ်းၽၵ်းတူၵဝ်ၵူႈဝၼ်းလႄႈမုင်ႈမွင်းယူႇႁိမ်းသဝ်ၽၵ်းတူၵဝ်ၸိူဝ်းၼၼ်ႉသေလႄႈ ထွမ်ႇဢဝ်ၵႂၢမ်းၵဝ် ၼၼ်ႉမီးမၢင်ႇၵလႃႇဢေႃႈ။
၃၅ ၵေႃႉဢၼ်ထူပ်းၵဝ်ၼၼ်ႉထူပ်းဢသၢၵ်ႈလႄႈ တၵ်းလႆႈၶၢမ်ႇၵျေးၸူးတီႈထႃႇဝရႃႉၽြႃးဢေႃႈ။ၵေႃႉဢၼ်ၽိတ်းပိူင်ႈၵဝ်ၸမ်းယႃႉယူၵ်ႉဢသၢၵ်ႈဝိၺိၺ်ႇတူဝ်ၸဝ်ႈၵဝ်ႇလႄႈ ၶဝ်ၸိူဝ်းဢၼ်ၸင်းၵဝ်တင်းသဵင်ႈတင်းလူင်ၼၼ်ႉ ႁၵ်ႉပႅင်းတၢင်းတၢႆဢေႃႈ။