၆
တၢင်းဢၼ်ပၼ်သတိလွင်ႈႁၢႆႉမိူၵ်ႈ
၁ လုၵ်ႈၸၢႆးၵဝ်ဢိူၺ်း။ပေႃးမႂ်းလႆႈၶၢမ်ႇဢဝ်တုင်းဢဝ်ပုၼ်ႈၵေႃႉသေႈမႂ်းမႅၼ်ႈ၊ ပေႃးမႂ်းလႆႈတူပ်းမိုဝ်းၵၼ်ပုၼ်ႈပိူၼ်ႈတၢင်ႇၵေႃႉမႅၼ်ႈၸိုင်၊မႂ်းထုၵ်ႇၶဵၼ်းမႅၼ်ႈ ၵွပ်ႈပိူဝ်ႈ ဢၼ်ဢွၵ်ႇသူပ်းမႂ်းၼၼ်ႉယဝ်ႉ။
၂ မႂ်းႁွတ်ႈထိုင်ဢမူႉၵွပ်ႈပိူဝ်ႈၵႂၢမ်းဢၼ်မႂ်းလၢတ်ႈၼၼ်ႉယဝ်ႉ။လုၵ်ႈၸၢႆးၵဝ်ဢိူၺ်း။
၃ ၵွပ်ႈပိူဝ်ႈဢၼ် မႂ်းတူၵ်းႁွတ်ႈၵႃႈၼႂ်းမိုဝ်းၵေႃႉသေႈမၼ်းၼၼ်ႉယဝ်ႉလႄႈ တၵ်းလႆႈႁဵတ်းၸိူဝ်ႉၼင်ႇႁိုဝ် ႁႂ်ႈလႆႈၵႄႇသႄႇၼုၵ်ႈဢဝ်တူဝ်မႂ်း ဝႃႈၼင်ႇၼႆၸမ်းၵႂႃႇလႄႈၶျႃးတႅမ်ႇတူဝ်ၸဝ်ႈၵဝ်ႇသေလႄႈ တွင်းပၢၼ်ႇၸူဝ်း ဢၼ်ၵေႃႉသေႈမႂ်းၼၼ်ႉတႃႉ။
၄ ယႃႇပေပၼ်ႁႂ်ႈမၢၵ်ႇတႃမႂ်းၼွၼ်းလပ်း။ယႃႇပေပၼ်ႁႂ်ႈႁိမ်းတႃမႂ်းၶႂၢႆႈၵၼ်လႄႈ ငဝ်ၼွၼ်းယူႇ။
၅ ၵႄႇသႄႇၼုၵ်ႈဢဝ်တူဝ်မႂ်းၸိူဝ်ႉၼင်ႇဢၼ်ၼုၵ်ႈဢဝ်ၵႂၢင်ဢိၵ်ႇတင်း ၼူၵ်ႉၵႃႈၼႂ်းမိုဝ်းမူးသိူဝ်းၼၼ်ႉတႃႉ။
၆ ၵူၼ်းၶၢၼ်ႉၵူၼ်းဢိူၼ်ဢိူၺ်း။ၵႂႃႇၸူးၵႃႈတီႈမူတ်ႉလႄႈၶႆးၸႂ်တူၺ်း တၢင်းႁဵတ်းတၢင်းသၢင်ႈမၼ်းၼၼ်ႉလႄႈ ႁႂ်ႈမီးပိင်ႇၺႃႇတႃႉ။
၇ မၼ်းဢမ်ႇမီးသြႃႇ၊ဢမ်ႇမီးၵေႃႉ ဢၼ်ပဵၼ်ၵႄႇပဵၼ်ႁူဝ်၊ဢမ်ႇမီးၶုၼ်။
၈ မၼ်းၸၢင်ႊဢဝ်တၢင်းၵိၼ်တၢင်းၶူပ်းမၼ်းဝႆႉ မိူဝ်ႈၶိင်ႇမႆႈၼၼ်ႉလႄႈမၼ်းၸၢင်ႊႁႃဢဝ်သိမ်းဢဝ် တၢင်းၵိၼ်တၢင်းယဵမ်ႉ မၼ်းဝႆႉၼႂ်းၶိင်ႇဢၼ်ပၢတ်ႇၶဝ်ႈၼၼ်ႉဢေႃႈ။
၉ ၵူၼ်းၶၢၼ်ႉ ၵူၼ်းဢိူၼ်ဢိူၺ်း။မႂ်းတၵ်းၼွၼ်းယူႇႁိုင်ၵႃႈႁိုဝ်။
၁၀ မႂ်းတၵ်းတိုၼ်ႇမႃးမိူဝ်ႈ လႂ်။ပေႃးမႂ်းဝႃႈၼွၼ်းၵမ်းဢွၼ်ႇၼိုင်ႈလူးၵွွၼ်ႇ။လပ်းၵမ်းဢွၼ်ႇၼိုင်ႈလူးၵွၼ်ႇ။ဢဝ်မိုဝ်းၼင်ႇၵၼ်ၵၼ်ၵွတ်ႇၵၼ်ၵမ်းဢွၼ်ႇၼိုင်ႈ ႁႂ်ႈလႆႈ ၼွၼ်းလပ်းလူးၵွၼ်ႇ၊ဝႃႈၼင်ႇၼႆၸိုင်၊
၁၁ တၢင်းယၢၵ်ႈတၢင်းၽၢၼ်မႂ်းၼၼ်ႉ တၵ်းႁွတ်ႈမႃးမိူၼ်ၸိူဝ်ႉၼင်ႇၵေႃႉဢၼ်ၵႂႃႇတၢင်းပႆတၢင်းၼၼ်ႉလႄႈ တၢင်းဢၼ်ၶွင်ၶူဝ်းမႂ်းသုမ်းၸွမ်းၼၼ်ႉ တၵ်းႁွတ်ႈမႃးမိူၼ်ၸိူဝ်ႉၼင်ႇၵူၼ်းသိုၵ်းၼၼ်ႉဢေႃႈ။
၁၂ ၵေႃႉဢၼ်ႁၢႆႉဢၼ်ယုတ်ႈ၊ ၵေႃႉဢၼ်ဢမ်ႇတြႃးၼၼ်ႉၸၢင်ႊၵႂႃႇမႃးယူႇၵႃႈၼႂ်း သူပ်းၵႂၢမ်းဢၼ်ၵူတ်ႉဢၼ် ငွၵ်းၼၼ်ႉဢေႃႈ။
၁၃ မၼ်းၸၢင်ႊၽႅပ်ႉတႃႇမၼ်းၼႄယူႇၸၢင်ႊဢဝ်တင်းတိၼ်မၼ်းၼႄယူႇ၊ ၸၢင်ႊဢၼ်ၼိဝ်ႉ မိုဝ်းမၼ်းသင်ႇသွၼ်ပၼ်ယူႇဢေႃႈ။
၁၄ သၽေႃးတၢင်းဢၼ်ၵူတ်ႉဢၼ်ငေႃးၼၼ်ႉ မီးယူႇၵႃႈၼႂ်းႁူဝ်ၸႂ်မၼ်းလႄႈမၼ်းၵျၢမ်ႇပွင် တၢင်းၵျၢမ်ႇတၢင်းပွင်ဢၼ်ဢမ်ႇလီဢမ်ႇငၢမ်းယူႇသေႇသေႇဢေႃႈ။မၼ်းၸၢင်ႊႁဵတ်းႁႂ်ႈ ပိူၼ်ႈၽိတ်းၵၼ်ဢေႃႈ။
၁၅ ပိူဝ်ႈၼႆလႄႈဢမူႉတၵ်းၵိုင်ႉၵၢင်ႉႁွတ်ႈထိုင်ၵႃႈတီႈမၼ်းလႄႈ ယင်းဢမ်ႇမီးတီႈပိူင်တီႈဢိင်လႄႈ တၵ်းလႆႈၶၢမ်ႇတၢင်းဢၼ်ႁၵ်းႁိၵ်းလူႉလႅဝ်ၵႃႇၵမ်းလဵဝ်ဢေႃႈ။
၁၆ လွင်ႈတၢင်းဢၼ်ထႃႇဝရႃႉၽြႃးၸင်း ႁူၵ်းပႃးဢမ်ႇၵႃး၊ လွင်ႈတၢင်းဢၼ်မၼ်းၸဝ်ႈလီႁင်ႈဢဵတ်ႇသဵၼ်ႇ ၸဵတ်းပႃးၸမ်း၊-
၁၇ ပဵၼ်မၢၵ်ႇတႃဢၼ်ပူၵ်းပႅၼ်ၽႅၼ်သုင်ၼၼ်ႉပႃးၼိုင်ႈ၊လိၼ်ႉဢၼ်ၸၢင်ႊသုင်းမူႉသႃႇၼၼ်ႉပႃးၼိုင်ႈ၊ မိုဝ်းဢၼ်ၸၢင်ႊထွၵ်ႇလိူတ်ႈၵေႃႉဢၼ် ဢမ်ႇမီးဢပျႅတ်ႈၼၼ်ႉပႃးၼိုင်ႈ၊
၁၈ ႁူဝ်ၸႂ်ဢၼ်ၵျၢမ်ႇပွင်တၢင်းၵျၢမ်ႇတၢင်းပွင် ဢၼ်ဢမ်ႇလီဢမ်ႇငၢမ်းၼၼ်ႉပႃးၼိုင်ႈ၊ တိၼ်ဢၼ်ၸၢင်ႊၶုၼ်ႇလႅၼ်ႈၶၼ်ၶၼ်ၽႂ်းၽႂ်းၵႂႃႇၸူး ၵႃႈတီႈဢၼ်ႁဵတ်းဢပျႅတ်ႈၼၼ်ႉပႃးၼိုင်ႈ
၁၉ ၵေႃႉဢၼ်ၶၢမ်ႇသၢၵ်ႈသေႇဢၼ်ဢမ်ႇမၢၼ်ႇဢမ်ႇမႅၼ်ႈလႄႈ လၢတ်ႈၵႂၢမ်းမူႉသႃႇၼၼ်ႉပႃးၼိုင်ႈ၊ ၵေႃႉဢၼ်ၸၢင်ႊႁဵတ်း ႁႂ်ႈပီႈၼွင်ႉၵၼ်ၽိတ်းၵၼ်ၼၼ်ႉပႃးၼိုင်ႈဢေႃႈ။
တၢင်းဢၼ်ပၼ်သတိလွင်ႈၽိတ်းၵႃႇမေႇသု
၂၀ လုၵ်ႈၸၢႆးၵဝ်ဢိူၺ်း။ထွမ်ႇဢဝ်ပိင်းၺၢပ်ႈပေႃႈမႂ်းတႃႉ။
၂၁ ယႃႇပေၸုၼ်ႉပႅတ်ႈတြႃး ဢၼ်မေႈမႂ်းပၼ်ၼၼ်ႉ။ဢဝ်
မတ်ႉၽုၵ်ႇဝႆႉၵႃႈၼိူဝ်ႁူဝ်ၸႂ်မႂ်း တႃႇသေႇလႄႈဢဝ်ႁွႆႈဝႆႉ ၵႃႈတီႈၶေႃးမႂ်းတႃႉ။
၂၂ မိူဝ်ႈဢၼ်မႂ်းၵႂႃႇမႂ်းပႆၼၼ်ႉၸိုင်ၸိူဝ်းၼၼ်ႉတၵ်းဢဝ်မႂ်းသူင်ႇဢေႃႈ။မိူဝ်ႈဢၼ်မႂ်းၼွၼ်းၸိုင်တၵ်းပႂ်ႉမႂ်းယူႇဢေႃႈ။မိူဝ်ႈဢၼ်မႂ်းတိုၼ်ႇမႃးၼၼ်ႉၸိုင် တၵ်းလၢတ်ႈတေႃႇၵၼ်တင်းမႂ်းဢေႃႈ။
၂၃ လွင်ႈမၼ်းၸမ်းပိင်းၺၢပ်ႈၸဝ်ႈၼၼ်ႉ ပဵၼ်ၵွၵ်းၽႆးလႄႈတြႃးၸဝ်ႈၼၼ်ႉပဵၼ်ဢၼ်လႅင်းဢေႃႈ။ၵႂၢမ်းဢေႃးဝႃႇတႃႉဢၼ်ၸၢင်ႊၼႄပျႃးဢပျႅတ်ႈၼၼ်ႉ ပဵၼ်သဵၼ်ႈတၢင်း ဢသၢၵ်ႈဢေႃႈ။
၂၄ ပဵၼ်ပုၼ်ႈဢၼ်တၵ်းပႂ်ႉမႂ်းယူႇႁႂ်ႈမႂ်းလႆႈၵၢင်းလွတ်ႈတင်းမေႈယိင်းဢၼ်ႁၢႆႉ ဢိၵ်ႇတင်းသူပ်းဢၼ်မေႈယိင်းလေႃႉၸၢင်ႊၶျေႃးဝွၼ်းၼၼ်ႉဢေႃႈ။
၂၅ ပိၵ်ႉသမ်ႉမၼ်းႁၢင်ႊလီသေၵေႃႈယႃႇပေမီးၸႂ်ဢၼ်ၸပ်းဢၼ်ၸွႆးမၼ်း။ယႃႇပေႁႂ်ႈမၼ်းလႆႈဢဝ်တင်း မၢၵ်ႇတႃမၼ်းၵၢင်လႆႈမႂ်း။
၂၆ လွင်ႈမၼ်းၸမ်းၵွပ်ႈပိူဝ်ႈမေႈမွၵ်ႇယႃႈလႄႈၵူၼ်းၸၢႆးယၢၵ်ႈၵႂႃႇၽၢၼ်ၵႂႃႇတေႃႇထိုင်ႁွတ်ႈထၼ်ႈပေႃး မီးၶဝ်ႈမုၼ်းၽၢၵ်ႇလဵဝ်ၵူၺ်းဢေႃႈ။မေႈယိင်းဢၼ်မီးၽူဝ်လႄႈၸၢင်ႊလဵၼ်ႈၸူႉၼၼ်ႉၵေႃႈ ၸၢင်ႊႁႃတီႉဢဝ်ဢသၢၵ်ႈဢၼ်မျၢတ်ႈ ၼၼ်ႉဢေႃႈ။
၂၇ ၵူၼ်းၸိုင်ယင်းဢမ်ႇႁႂ်ႈၶူဝ်းၼုင်ႈမၼ်းမႆႈၽႆးလႄႈ တၵ်းႁွပ်ႇဢုမ်ႈဢဝ်ၽႆးဝႆႉၵႃႈၼႂ်းႁူဝ်ဢူၵ်း မၼ်းလႆႈႁိုဝ်။
၂၈ ယင်းဢမ်ႇႁႂ်ႈတိၼ်မၼ်းမႆႈၽႆးလႄႈတၵ်းယဵပ်ႇၵႂႃႇပႆၵႂႃႇၵႃႈၼိူဝ်ထၢၼ်ႇၽႆးလႆႈႁိုဝ်။
၂၉ ၵေႃႉ ဢၼ်ၶဝ်ႈၸူးတီႈမေးပိူၼ်ႈၼၼ်ႉမိူၼ်ၸိူဝ်ႉၼင်ႇၼၼ်ဢေႃႈ။ၵေႃႉဢၼ်ၽိတ်းပိူင်ႈမၼ်းၼၼ်ႉၸမ်း ဢမ်ႇၵၢင်းလွတ်ႈတင်းဢပျႅတ်ႈလႆႈ။
၃၀ ၵူၼ်းဢမ်ႇပေႃးဝႆႉၸႂ်တီႈၽူႈလၵ်ႉဢၼ်တွင်ႉမႆႈလႄႈ လၵ်ႉဢဝ်ႁႂ်ႈလႆႈၵိၼ် ၼၼ်ႉ။
၃၁ ၵူၺ်းၵႃႈမိူဝ်ႈဢၼ်ပိူၼ်ႈတီႉမႅၼ်ႈမၼ်းၼၼ်ႉၸိုင်မၼ်းတၵ်းလႆႈၶိုၼ်းတႅၼ်းပၼ်ၸဵတ်းပုၼ်ႊဢေႃႈ။မၼ်းတၵ်းလႆႈဢဝ် ၶွင်ၶူဝ်းၵႃႈဢၼ်မီးၵႃႈတီႈႁိူၼ်း မၼ်းၼၼ်ႉတင်းသဵင်ႈလႄႈတႅၼ်းပၼ်ဢေႃႈ။
၃၂ ၵေႃႉဢၼ်ၽိတ်းပိူင်ႈမေးပိူၼ်ႈၼၼ်ႉၸမ်း ဢမ်ႇမီးၺၢၼ်ႇ။ၵေႃႉဢၼ်ႁဵတ်းၸိူဝ်ႉၼင်ႇၼၼ်ၼၼ်ႉ ၸၢင်ႊယႃႉၽဵဝ်ႈဢသၢၵ်ႈတူဝ်ၸဝ်ႈၵဝ်ႇပႅတ်ႈဢေႃႈ။
၃၃ မၼ်းတၵ်းလႆႈၶၢမ်ႇဢဝ် တၢင်းဢၼ်တိူဝ်ႉဢၼ်မၢတ်ႇ ဢၼ်ၸဵပ်းသႅပ်ႇၼႃဢိၵ်ႇတင်း တၢင်းဢၼ်သရေႇလူႉဢေႃႈ။တၢင်းဢၼ် လီဢူၵ်းလီဢၢႆမၼ်းၼၼ်ႉ ဢမ်ႇမွတ်ႇ ဢမ်ႇႁၢႆလႆႈ။
၃၄ လွင်ႈမၼ်းၸမ်းတၢင်းဢၼ်ၵူၼ်းၸၢႆးမီးၸႂ်ဢၼ်ဢမ်ႇယုမ်ႇမေးမၼ်းၼၼ်ႉ ပဵၼ်တၢင်းၸႂ်မႆႈၶႆႈၸႃႉဢၼ်ယႂ်ႇၼႃႇလႄႈ မၼ်းဢမ်ႇမီးတၢင်းဢၼ် ဢိတ်းလူၼႂ်းမိူဝ်ႉဝၼ်းဢၼ်ပၼ်ဢပျႅတ်ႈၼၼ်ႉ။
၃၅ မၼ်းဢမ်ႇႁပ်ႉဢမ်ႇဢဝ်ငိုၼ်း ဢၼ်ယေႃႇဢၼ်သေႇဢပျႅတ်ႈၼၼ်ႉလႄႈ ပိၵ်ႉသမ်ႉမႂ်းပၼ်လၢၵ်ႈသွင်ႇၼမ်ၼႃႇသေၵေႃႈမၼ်းတၵ်းဢမ်ႇပျေႇၸႂ်လႆႈ။