၅
တၢင်းဢၼ်ပၼ်သတိလွင်ႈၽိတ်းပိူင်ႈၵႃႇမေႇသု
၁ လုၵ်ႈၸၢႆးၵဝ်ဢိူၺ်း။တူၺ်းႁၼ်ၺၢၼ်ႇၵဝ်လႄႈဝၢႆႇႁူၸူးၶေႃႈၵႂၢမ်းၵဝ် ႁႂ်ႈမႂ်းလႆႈမီးသမ်ႇမႃႇသတိလႄႈ
၂ ႁႂ်ႈသီႇသူပ်းမႂ်း လႆႈပႂ်ႉတၢင်းဢၼ်ႁူႉဢၼ်ၸႅင်ႊၼၼ်ႉတႃႉ။
၃ လွင်ႈမၼ်းၸမ်း သီႇသူပ်းမေႈယိင်းလေႃႉၼၼ်ႉၸၢင်ႊႁူဝ်ႊယွတ်ႇဢွၵ်ႇၼမ်ႉႁူင်းၽိုင်ႈလႄႈ သူပ်းမၼ်းၼၼ်ႉ မိုၼ်ႈၼႃႇသေၼမ်ႉမၼ်းဢေႃႈ။
၄ ၵူၺ်းၵႃႈတီႈသုတ်းမၼ်းၶူမ်မိူၼ်ၸိူဝ်ႉၼင်ႇ မႂ်ႊယႃႈၶူမ်လႄႈၽၢႆပဵင်းထၢၼ်ႇလၢပ်ႇသၢၼ်ႇလျၢၵ်ႈ ဢၼ်မီးၶူမ်းသွင်ၽၢႆႇၼၼ်ႉ ဢေႃႈ။
၅ တိၼ်မၼ်းလူင်းၸူးၵႃႈတီႈတၢင်းတၢႆယူႇလႄႈယၢင်ႈတိၼ်မၼ်းႁွတ်ႈထိုင်ၵႃႈတီႈ မိူင်းမရၼႃႉပုၼ်ႉ ဢေႃႈ။
၆ ၼင်ႇႁိုဝ်မၼ်းတၵ်းဢမ်ႇၶႆႈၸႂ်လူၺ်ႈသဵၼ်ႈတၢင်းဢသၢၵ်ႈၼၼ်ႉလီလီငၢမ်းငၢမ်းၸိုင် ထုင်းၸၢမ်ႇထုင်းၾိင်ႈမၼ်းၼၼ်ႉ ၶၢႆႉပုတ်ႈၵႂႃႇယူႇတိၵ်းတိၵ်းလႄႈ မၼ်းဢမ်ႇႁူႉဢမ်ႇႁၼ်။
၇ ပိူဝ်ႈၼႆလႄႈလုၵ်ႈၸၢႆးၵဝ်တင်းလၢႆၶဝ်ဢိူၺ်း။ဢွၼ်ၵၼ်ထွမ်ႇဢဝ်ၵႂၢမ်းၵဝ်တႃႉ။ယႃႇပေဝေႈပိူင်ႈသေ ၵႂၢမ်းဢၼ်ဢွၵ်ႇသူပ်းၵဝ်ၸိူဝ်းၼၼ်ႉ။
၈ ၶၢႆႉသဵၼ်ႈတၢင်းမႂ်းဝႆႉ တီႈဢၼ်ၵႆမေႈယိင်းၸိူဝ်ႉၼင်ႇၼၼ်ၼၼ်ႉတႃႉ။ယႃႇပေၵႂႃႇၸမ်ၵႂႃႇၵၢႆႇၵႃႈတီႈၽၵ်း တူႁိူၼ်းမၼ်းၼၼ်ႉ။
၉ ပေႃးဢမ်ႇၼၼ်မႂ်းတၵ်းလႆႈဢဝ်မူၼ်သရေႇမႂ်းဢၢပ်ႈပၼ်တီႈပိူၼ်ႈလႄႈ ဢဝ်ဢသၢၵ်ႈမႂ်းဢၢပ်ႈပၼ်တီႈ ၶဝ်ၸိူဝ်းဢၼ်ႁၢဝ်ႈၵျၢမ်းၼႃႇၼၼ်ႉ ဢေႃႈ။
၁၀ ၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆတၵ်းလႆႈတဵမ်ဝႆႉတင်းၸေးၸိမ်ႇမႂ်းလႄႈ ၶွင်ၶူဝ်းဢၼ်မႂ်းႁဵတ်းလႄႈလႆႈၼၼ်ႉ တၵ်းႁွတ်ႈထိုင်ၵႃႈၼႂ်းမိုဝ်းႁိူၼ်းၵူၼ်း တၢင်ႇၸိူဝ်ႉတၢင်ႇမဵဝ်းဢေႃႈ။
၁၁ ၵႃႈတီႈၵမ်းလိုၼ်းသုတ်းမႂ်းမိူဝ်ႈဢၼ်ၼိူဝ်ႉၼင်မႂ်း ဢိၵ်ႇတင်းတူဝ်ၵႃႇယႃႉမႂ်းၽင်ႉဢူႉလူႉလႅဝ်ၼၼ်ႉၸိုင်မႂ်းတၵ်းလႆႈပွင်ႉၶၢင်းပွင်ႉမိုၼ် ဢေႃႈ။
၁၂ ၵမ်းၼၼ်ႉမႂ်းတၵ်းလၢတ်ႈလႄႈဝႃႈ၊-ၵဝ်ငိၼ်းၸင်းတၢင်းဢၼ်သင်ႇသွၼ်ပၼ်ၼၼ်ႉလႄႈ ႁူဝ်ၸႂ်ၵဝ်ႁဵတ်းဢမ်ႇပေႃးၼင်ႇႁိုဝ် တီႈတၢင်းဢၼ်သုင်းမႃႉ ၼၼ်ႉယဝ်ႉလူင်ပေႇ။
၁၃ ၵဝ်ယင်းဢမ်ႇထွမ်ႇဢဝ်သဵင်သြႃႇၵဝ်တင်းလၢႆ ယင်းဢမ်ႇဝၢႆႇႁူၸူးၵႂၢမ်းၶဝ်ၸိူဝ်းဢၼ် သင်ႇသွၼ်တီႈၵဝ်ၼၼ်ႉလႄႈယူႇမႃးယဝ်ႉလူင်ပေႇ။
၁၄ ၵဝ်ႁဵတ်းထၼ်ႈပေႃး ၸမ်တၵ်းႁွတ်ႈထိုင်ၵႃႈၼႂ်းတူႉၸရိူၵ်ႈတင်းသဵင်တင်းမူတ်း ၵႃႈၼႂ်းပရိၵ်ႈသၢတ်ႈဢိၵ်ႇတင်းမုၵ်ႉၸိူဝ်းဢၼ်ၸူႉတုမ်ၼၼ်ႉမႃးလူင်ပေႇ၊ဝႃႈ ၼင်ႇၼႆဢေႃႈ။
၁၅ ဢဝ်ၼမ်ႉၵႃႈတီႈၼမ်ႉၼွင်မႂ်းၼၼ်ႉသုင်းသွင်ႇလႄႈ ၵိၼ်ၼမ်ႉ ဢၼ်လႆဢွၵ်ႇမႃးၵႃႈၼႂ်းၼမ်ႉ မေႃႇမႂ်းၼၼ်ႉတႃႉ။
၁၆ ၼမ်ႉဢွၵ်ႇႁူးမႂ်းၸိူဝ်းၼၼ်ႉတၵ်းလႆႈၽႄၵၼ်ၵႂႃႇတၢင်ႇတီႈတၢင်ႇလႅၼ်သေလႄႈ ပဵၼ်ၼမ်ႉ ႁွင်ႊၼမ်ႉၵႄးဢၼ်လႆယူႇၵႃႈၼႂ်းသဵၼ်ႈတၢင်းႁိုဝ်။
၁၇ ႁႂ်ႈၸၢပ်ႈသႅင်ႇၵၼ်တင်း တူဝ်ၸဝ်ႈၵဝ်ႇ ၵေႃႉလဵဝ်ၵူၺ်းတႃႉ။ယႃႇပေႁႂ်ႈလႆႈၸၢပ်ႈသႅင်ႇၵၼ်တင်းၵူၼ်းတၢင်ႇ ၸိူဝ်ႉတၢင်ႇမဵဝ်းလူၺ်ႈၵၼ်တင်းမႂ်း။
၁၈ ႁႂ်ႈၼမ်ႉဢွၵ်ႇႁူးမႂ်းမီးမၢင်ႇၵလႃႇလႄႈ မူၼ်ႈပျေႃႇလူၺ်ႈၵၼ်တင်းမေးမႂ်းဢၼ်ႁူမ်ႈပွင်းၵၼ်တင်းမႂ်း ၸဵမ်မိူဝ်ႈဢၼ်ဢသၢၵ်ႈမႂ်းယင်းလဵၵ်ႉယင်းၼုမ်ႇၼၼ်ႉၵူၺ်းတႃႉ။
၁၉ ႁႂ်ႈမၼ်းၼၼ်ႉပဵၼ်ၸိူဝ်ႉၼင်ႇၵႂၢင်တူဝ်မေႈဢၼ်ၸၢင်ႊႁၵ်ႉႁူမ်ႈ ဢိၵ်ႇတင်း ၸၢတ်ႈၶၢႆးတူဝ်မေႈဢၼ်လီၸူမ်းတွၼ်ႈၼၼ်ႉတႃႉ။ႁႂ်ႈၼူမ်းမၼ်းၸိူဝ်းၼၼ်ႉပျေႇၸႂ်ဢလူဝ်ႇသၼ်ႇတႃႉမႂ်းယူႇၵူႈၶိင်ႇၵူႈမိူဝ်ႈလႄႈ မဝ်းမိင်းလိုမ်းတူဝ်ယူႇလူၺ်ႈၵၼ်တင်းၸႂ်ဢၼ်ႁၵ်ႉ ဢၼ်ပႅင်းမၼ်းယူႇၼၼ်ႉ တႃႉ။
၂၀ လုၵ်းၸၢႆးၵဝ်ဢိူၺ်း။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈမႂ်းမဝ်းမိင်းလိုမ်းတူဝ် ယူႇလူၺ်ႈၵၼ်တင်းမေႈယိင်းလေႃႉလႄႈ ၵွတ်ႇဢုမ်ႈႁူဝ်ဢူၵ်းမေႈမွၵ်ႇယႃႈယူႇၼၼ်ႉ ႁိုဝ်။
၂၁ သဵၼ်ႈတၢင်းဢၼ်ၵူၼ်းၵႂႃႇမႃးၵႃႈမီးၼၼ်ႉမီးသိုဝ်ႈၼႃႈတႂ်ႈတႃထႃႇဝရႃႉၽြႃးလႄႈမၼ်းၸဝ်ႈၶႆႈၸႂ်လူၺ်ႈလွင်ႈႁွႆးတၢင်းဢၼ် မၼ်းၵႂႃႇမႃးၵႃႈမီးၼၼ်ႉ ယူႇဢေႃႈ။
၂၂ ၵေႃႉဢၼ်ဢမ်ႇတြႃးၼၼ်ႉၸမ်းတူႉၸရိူၵ်ႈဢပျႅတ်ႈဢၼ်မၼ်းႁဵတ်းၸိူဝ်းၼၼ်ႉတၵ်းတီႉလႆႈမၼ်းလႄႈ မၼ်းတၵ်းလႆႈၶၢမ်ႇ တၢင်းဢၼ်သဵၼ်ႈၸိူၵ်ႈဢပျႅတ်ႈမၼ်းတင်းလၢႆမတ်ႉၽုၵ်ႇမၼ်းဢေႃႈ။
၂၃ မၼ်းၼၼ်ႉ ယင်းဢမ်ႇလႆႈၶၢမ်ႇတၢင်းဢၼ်သင်ႇသွၼ်ပၼ်လႄႈ တၵ်းလႆႈတၢႆၵႂႃႇလႄႈ တၵ်းလႆႈမဝ်းမိင်းလိုမ်းတူဝ်ယူႇၵွပ်ႈပိူဝ်ႈတၢင်းဢၼ်မိူၵ်ႈမၼ်းၼၼ်ႉယႂ်ႇၼႃႇလူင်လၢင်ၼၼ်ႉဢေႃႈ။