Chapter
၃၄
မုဝ်းသေႇႁွတ်ႈၼိၵ်ႉၸႃႉၼိူဝ်လွႆ
၁ လိုၼ်းၼၼ်ႉမုဝ်းသေႇလုၵ်ႉသေၵႃႈတီႈပၢင်ႇပဵင်းမေႃႇၽလႄႈၶိုၼ်ႈၵႂႃႇၵႃႈၼိူဝ်လွႆၼေႇပေႃႇၸူးၵႃႈၼိူဝ်ၸိၵ်းပိသၵႃႇသိုဝ်ႈဝဵင်းယေႇရိၶူဝ်းၼၼ်ႉသေယဝ်ႉထႃႇဝရႃႉၽြႃးၼပျေႃးမိူင်းၵိလတ်ႉတင်းသဵင်ႈတင်းလူင်တေႃႇထိုင်ႁွတ်ႈပိင်ႇတၢၼ်ႇ၊မိူင်းၼပ်ႉထရိတင်းသဵင်ႈတင်းလူင်၊
၂ မိူင်းဢေႇၽရိမ်ႇ၊မိူင်းမၼႃႇသေႇဢိၵ်ႇတင်းမိူင်းယုတတင်းသဵင်ႈတင်းလူင်တေႃႇထိုင်ႁွတ်ႈပၢင်ႇလၢႆႇတၢင်းဝၼ်းတူၵ်းပွတ်းတၢင်းၸၢၼ်းဢိၵ်ႇတင်း
၃ ပၢင်ႇပဵင်းၵႄႈလွႆဝဵင်းယေႇရိၶူဝ်းဢၼ်ဝႃႈဝဵင်းတူၼ်ႈထၼ်းၼၼ်ႉတေႃႇထိုင်ႁွတ်ႈဝဵင်းၸေႃႇရၼၼ်ႉတီႈမၼ်းဢေႃႈ။
၄ ထႃႇဝရႃႉၽြႃးၵေႃႈမီးဢမိင်ႉတီႈမၼ်းလႄႈဝႃႈ၊-မိူင်းၼႆႉပဵၼ်မိူင်းဢၼ်ၵဝ်တိူင်ႇဝႃႈဝႆႉတီႈဢႃႇပႃႉႁမ်ႇ၊ဢိၸၵ်ႉတင်းယႃႇၵုပ်ႉဝႃႈ၊ၵဝ်တၵ်းပၼ်တီႈၸိူဝ်ႉၶိူဝ်းသူဢၼ်ဝႃႈၼၼ်ႉဢေႃႈ။ၵဝ်ပၼ်ဢၶႂၢင်ႉႁႂ်ႈမႂ်းလႆႈဢဝ်မၢၵ်ႇတႃမႂ်းတူၺ်းႁၼ်ဢေႃႈ။ၵူၺ်းၵႃႈမႂ်းဢမ်ႇလႆးၶၢမ်ႈၵႂႃႇယူႇၵႃႈတီႈၼၼ်ႉ၊ဝႃႈၼင်ႇၼႆဢေႃႈ။
၅ ၼင်ႇၼၼ်လႄႈမုဝ်းသေႇၶႃႈထႃႇဝရႃႉၽြႃးၼၼ်ႉႁွတ်ႈၼိၵ်ႉၸႃႉၵႃႈတီႈၼၼ်ႉၵႃႈၼႂ်းမိူင်းမေႃႇၽၸွမ်းၵႃႈၼင်ႇဢၼ်ထႃႇဝရႃႉၽြႃးမီးဢမိင်ႉဝႆႉၼၼ်ႉလႄႈ
၆ မၼ်းၸဝ်ႈဢဝ်မၼ်းသၢင်းၵျူဝ်ႇၵႃႈတီႈၵႄႈႁူၺ်ႈၵႄႈလွႆသတေီႈတီႈၵႃႈၼႂ်းမိူင်းမေႃႇၽသိုဝ်ႈဝဵင်းပိတ်ႉပေႇၵုရၼၼ်ႉဢေႃႈ။ၽူႈလႂ်သေၵေႃႉသေၵူၼ်းဢမ်ႇႁူႉပႃႇႁဵဝ်ႈသၢင်းၶျႅင်းမၼ်းႁၢၼ်ႉတေႃႇထိုင်ႁွတ်ႈဝၼ်းမိူဝ်ႈၼႆႉဢေႃႈ။
၇ မိူဝ်ႈဢၼ်မုဝ်းသေႇႁွတ်ႈဢၼိၵ်ၸႃႉၼၼ်ႉၸိုင်ဢသၢၵ်ႈမၼ်းလႆႈပၢၵ်ႇပၢႆသၢဝ်းပီႊဢေႃႈ။တႃမၼ်းယင်းဢမ်ႇပႆႇမူဝ်းႁႅင်းမၼ်းၵေႃႈယင်းဢမ်ႇပႆႇဢူၼ်ႈပႆႇယွမ်း။
၈ ၵူၼ်းမဵဝ်းဢိသရေႇလတင်းလၢႆဢွၼ်ၵၼ်ႁဵတ်းတၢင်းဢၼ်ထိုင်ၸႂ်ႁႆႈႁွင်ႉပုၼ်ႈမုဝ်းသေႇသၢမ်သိပ်းဝၼ်းတဵမ်တဵမ်ၵႃႈၼႂ်းပၢင်ႇပဵင်းမိူင်းမေႃႇၽၼၼ်ႉဢေႃႈ။ၼင်ႇၼၼ်လႄႈၶိင်ႇမိူဝ်ႈဝၼ်းဢၼ်ထိုင်ၸႂ်ႁႆႈႁွင်ႉလႄႈၶၢင်းၶီၶၢင်းၽၢၼ်ပုၼ်ႈမုဝ်းသေႇၼၼ်ႉယဝ်ႉတူဝ်ႈဢေႃႈ။
၉ ယေႃးသုလုၵ်ႈၸၢႆးၼုၼ်ႇၼၼ်ႉပဵၼ်ၵေႃႉဢၼ်တဵမ်ဝႆႉတင်းၸႂ်ၺၢၼ်ႇပိင်ႇၺႃႇၵွပ်ႈပိူဝ်ႈဢၼ်မုဝ်းသေႇဢဝ်မိုဝ်းတၢင်ႇၵႃႈၼိူဝ်မၼ်းယဝ်ႉလႄႈၵူၼ်းမဵဝ်းဢိသရေႇလတင်းလၢႆဢွၼ်ၵၼ်ထွမ်ႇဢဝ်ၵႂၢမ်းမၼ်းသေလႄႈႁဵတ်းၸွမ်းၵႃႈၼင်ႇဢၼ်ထႃႇဝရႃႉၽြႃးသင်ႇလၢတ်ႈဝႆႉတီႈမုဝ်းသေႇၼၼ်ႉဢေႃႈ။
၁၀ လိုၼ်းၼၼ်ႉပရေႃးၽိတ်ႈဢၼ်မိူၼ်ၸိူဝ်ႉၼင်ႇမုဝ်းသေႇဢၼ်ထႃႇဝရႃႉၽြႃးလႆႈမိုတ်ႈၵိုဝ်းတေႃႇၼႃႈၵၼ်တင်းမၼ်းဢၼ်ႁဵတ်းၼမိၵ်ႉလၢၵ်ႈၶၼႃႇတၢင်းဢၼ်လီဢၢမ်း
၁၁ ဢၼ်ထႃႇဝရႃႉၽြႃးပွႆႇၸႂ်ႉၵႂႃႇႁဵတ်းၵႃႈၼႂ်းမိူင်းဢေႇၵႅပ်ႉတုၵႃႈတီႈၶုၼ်ၽႃႇရေႃးတင်းၶႃႈမၼ်းၵူၼ်းမၼ်းတင်းသဵင်ႈတင်းလူင်ၵႃႈၼႂ်းမိူင်းမၼ်းတင်းသဵင်ႈတင်းမူတ်း
၁၂ ဢိၵ်ႇတင်းၼႂ်းလွင်ႈတၢင်းဢၼ်မၼ်းၸဝ်ႈဢဝ်မိုဝ်းၸဝ်ႈဢၼ်ႁႅင်းယႂ်ႇၼႃႇႁဵတ်းတၢင်းဢၼ်လီၵူဝ်လီႁႄဢၼ်မုဝ်းသေႇၼပျေႃႉသိုဝ်ႈၼႃႈတႂ်ႈတႃၵူၼ်းမဵဝ်းဢိသရေႇလတင်းသဵင်ႈတင်းလူင်ၼၼ်ႉဢမ်ႇပေႃႇဢမ်ႇမႃးထႅင်ႈၵႃႈၼႂ်းမဵဝ်းဢိသရေႇလသေၸဝ်ႈသပေႃးယဝ်ႉဢေႃႈ။