Chapter
၃၃
မုဝ်းသေႇပၼ်မၢင်ႇၵလႃႇၵူၼ်းမဵဝ်းဢိသရေႇလတင်းလၢႆ
၁ ၵႂၢမ်းမၢင်ႇၵလႃႇဢၼ်မုဝ်းသေႇၵူၼ်းၽြႃးပဵၼ်ၸဝ်ႈပၼ်တၢင်းလီတီႈၵူၼ်းမဵဝ်းဢိသရေႇလတင်းလၢႆၸူဝ်ႈဢၼ်မၼ်းဢမ်ႇပႆႇတၢႆၼၼ်ႉၸမ်း၊-
၂ ထႃႇဝရႃႉၽြႃးလုၵ်ႉသေၵႃႈၼိူဝ်လွႆသိၼႃႇမႃးလႄႈႁိူဝ်ႈႁိူင်းပိူင်းသႂ်မႃးၵႃႈတီႈၸိရဢေႃႈ။လုၵ်ႉၵႃႈၼိူဝ်လွႆပႃႇရၢၼ်ႇမၼ်းၸဝ်ႈႁိူဝ်ႈလႅင်းသႂ်ႇမႃးဢေႃႈ။မၼ်းၸဝ်ႈပႃးလူၺ်ႈၵၼ်တင်းၶဝ်ၸိူဝ်းဢၼ်မူတ်းၸၢင်ႇပဵၼ်ႁဵင်ပဵၼ်မိုၼ်ႇလုၵ်ႉသေၵႃႈတီႈၽၢႆႇၸၢၼ်းလွႆၸၼ်းမၼ်းၸဝ်ႈမႃးဢေႃႈ။မိုဝ်းၽၢႆႇၶႂႃမၼ်းၸဝ်းၼၼ်ႉပုၼ်ႈၶဝ်ႈဢေႃႈ။
၃ မၼ်းၸဝ်ႈႁၵ်ႉၵူၼ်းၵူႈၸိူဝ်ႉၵူႈမဵဝ်းဢမၢၼ်ႇၶၼ်ပဵၼ်ဢေႃႈ။ၵူၼ်းမူတ်းၸၢင်ႇတင်းသဵင်ႈတင်းလူင်မီးယူႇၵႃႈၼႂ်းမိုဝ်းၸဝ်ႈႁဝ်းတီႈၶႃႈဢေႃႈ။ၶဝ်ၶုပ်ႉမူပ်ႇၵႃႈတီႈႁိမ်းတိၼ်ၸဝ်ႈႁဝ်းလႄႈႁပ်ႉထွမ်ႇဢဝ်ၵႂၢမ်းၸဝ်ႈႁဝ်းတီႈၶႃႈဢေႃႈ။
၄ မုဝ်းသေႇသင်ႇလၢတ်ႈဝႆႉထမ်ႇမႃႉတြႃးတီႈႁဝ်းဢၼ်ဝႃႈဢမူၺ်ႇပုၼ်ႈဢၼ်ပရိၵ်ႈသၢတ်ႈမဵဝ်းယႃႇၵုပ်ႉတၵ်းလႆႈၶၢမ်ႇၼၼ်ႉဢေႃႈ။
၅ မၼ်းၸဝ်ႈပဵၼ်ၶုၼ်ႁေႃၶမ်းၵႃႈၼႂ်းယေႇသူႇရုၼ်ႇမိူဝ်ႈဢၼ်ၵူၼ်းဢၼ်ပဵၼ်ငဝ်ႈပဵၼ်ႁူဝ်ၵႃႈၼႂ်းၵူၼ်းတင်းလၢႆဢၼ်ပဵၼ်မဵဝ်းဢိသရေႇလၵူႈမဵဝ်းႁဵတ်းမုၵ်ႉႁဵတ်းၸုမ်းၸူႉၵၼ်တုမ်ၵၼ်ၼၼ်ႉဢေႃႈ။
၆ ႁႂ်ႈမဵဝ်းရူႉပိၼ်ႇယင်းဢမ်ႇတၢႆလႄႈဢသၢၵ်ႈလိပ်းယူႇသေၵမ်းလူၺ်ႈ။ႁႂ်ႈၵူၼ်းမဵဝ်းမၼ်းလဵၵ်ႉၵေႇဢေႇမၢင်သေၵမ်းလူၺ်ႈ၊ဝႃႈၼင်ႇၼႆဢေႃႈ။
၇ ၵႂၢမ်းမၢင်ႇၵလႃႇမဵဝ်းယုတၸမ်း၊မၼ်းဝႃႈ၊-ထႃႇဝရႃႉၽြႃးတီႈၶႃႈ။ထွမ်ႇဢဝ်သဵင်ၵႂၢမ်းယုတသေလႄႈဢဝ်မၼ်းမႃးၸူးၵႃႈတီႈဢၼ်ၵူၼ်းမဵဝ်းလဵဝ်ၵၼ်တင်းမၼ်းမီးၼၼ်ႉသေၵမ်းတီႈၶႃႈ။ႁႂ်ႈမိုဝ်းမၼ်းၵုမ်ႇပုၼ်ႈမၼ်းသေၵမ်းလူၺ်ႈ။ၸဝ်ႈႁဝ်းတၵ်းယူႇၽၢႆႇၼိုင်ႈတင်းရၢၼ်ႇသူႇမၼ်းသေလႄႈမႃႉၸႃႉၸွႆႈထႅမ်မၼ်းတီႈၶႃႈဢေႃႈ၊ဝႃႈၼင်ႇၼႆဢေႃႈ။
၈ မဵဝ်းလေႇဝိၸမ်း၊မၼ်းဝႃႈ၊-သုမိမ်ႇတင်းဢုရိမ်ႇပဵၼ်ၶဝ်ၸိူဝ်းဢၼ်ၸဝ်ႈႁဝ်းထုၵ်ႇၸႂ်ၵျိူၵ်ႈၸႂ်ၼၼ်ႉပိူင်ႇဢေႃႈ။ၸဝ်ႈႁဝ်းၸၢမ်းတူၺ်းမၼ်းၵႃႈတီႈမတ်ႉသႃႇလႄႈၸဝ်ႈႁဝ်းႁဵတ်းၶတ်းၵၼ်တင်းမၼ်းၵႃႈတီႈၼမ်ႉဢွၵ်ႇႁူးမေႇရိၽဢၼ်လၢတ်ႈလွင်ႈပေႃႈမၼ်းမေႈမၼ်းလႄႈဝႃႈ၊-
၉ ၵဝ်ဢမ်ႇႁူႉဢမ်ႇႁၼ်မၼ်း၊ဝႃႈၼင်ႇၼႆလႄႈဢမ်ႇမၢတ်ႈဢမ်ႇတွင်းပီႈမၼ်းၼွင်ႉမၼ်းဢမ်ႇႁူႉဢမ်ႇၸႅင်ႈလုၵ်ႈမၼ်းလၢင်းမၼ်းၼၼ်ႉတီႈၶႃႈဢေႃႈ။ၵူၺ်းၵႃႈမၼ်းထွမ်ႇဢဝ်ၵႂၢမ်းၸဝ်ႈႁဝ်းလႄႈပႂ်ႉၸွမ်းပတိၺိၼ်ႇတြႃးၸဝ်ႈႁဝ်းတီႈၶႃႈဢေႃႈ။
၁၀ ၶဝ်တၵ်းဢဝ်လွင်ႈတၢင်းဢၼ်ၸဝ်းႁဝ်းၸီႇယၢင်ႇဝႆႉၸိူဝ်းၼၼ်ႉသင်ႇသွၼ်ပၼ်တီႈမဵဝ်းယႃႇၵုပ်ႉလႄႈဢဝ်တြႃးၸဝ်ႈႁဝ်းသင်ႇသွၼ်ပၼ်တီႈမဵဝ်းဢိသရေႇလတီႈၶႃႈဢေႃႈ။ၶဝ်တၵ်းဢဝ်ၼၢမ်ႇသႃႇဢၼ်ၸုတ်ႇၽႆးတၢင်ႇဝႆႉၵႃႈတီႈၽၢႆႇၼႃႈၸဝ်ႈႁဝ်းလႄႈဢဝ်ယိၸ်ႉဢၼ်ၸုတ်ႇၽႆးတင်းတူဝ်တၢင်ႇၵႃႈၼိူဝ်ယိၸ်ႉပလင်ႇၸဝ်ႈႁဝ်းတီႈၶႃႈဢေႃႈ။
၁၁ ထႃႇဝရႃႉၽြႃးတီႈၶႃႈ။ၶႅၼ်းတေႃႈပၼ်တၢင်းလီတီႈဢုၵ်ႉၸႃႇမၼ်းလႄႈႁပ်ႉတုင်းဢဝ်လွင်ႈတၢင်းဢၼ်မၼ်းဢဝ်မိုဝ်းသၢင်ႈႁဵတ်းၼၼ်ႉသေၵမ်းတီႈၶႃႈ။ၶႅၼ်းတေႃႈတဵင်သႂ်ႇဢႅဝ်ၶဝ်ၸိူဝ်းဢၼ်လုၵ်ႉၽိုၼ်ႉယူႇၽၢႆႇၼိုင်ႈတင်းမၼ်းဢဝ်လူႉလႅဝ်ပႅတ်ႈၶဝ်ၸိူဝ်းဢၼ်ၸင်းမၼ်းၸိူဝ်းၼၼ်ႉၵမ်းလိုၼ်းဢမ်ႇႁႂ်ႈၶဝ်ၶိုၼ်းလုၵ်ႉလႆႈသေၵမ်းတီႈၶႃႈ၊ဝႃႈၼင်ႇၼႆဢေႃႈ။
၁၂ မဵဝ်းပိၼ်ႇယႃႇမိၼ်ႇၸမ်း၊မၼ်းဝႃႈ၊-ၵေႃႉဢၼ်ထႃႇဝရႃႉၽြႃးႁၵ်ႉပႅင်းၼၼ်ႉႁႂ်ႈလႆႈယူႇလူင်ႉလူင်ႉလွတ်ႈလွတ်ႈၵႃႈတီႈႁိမ်းမၼ်းၸဝ်ႈသေၵမ်းလူၺ်ႈ။မၼ်းၸဝ်ႈတၵ်းႁူမ်ႈငမ်းမၼ်းဝႆႉယူႇတင်းဝၼ်းလႄႈမၼ်းတၵ်းလႆႈယူႇၵႃႈတီႈၵႄႈႁူဝ်မႃႇမၼ်းၸဝ်ႈဢေႃႈ၊ဝႃႈၼင်ႇၼႆဢေႃႈ။
၁၃ မဵဝ်းယုဝ်းသႅပ်ႉၸမ်း၊မၼ်းဝႃႈ၊-ႁႂ်ႈမိူင်းမၼ်းလႆႈၶၢမ်ႇမၢင်ႇၵလႃႇၵႃႈတီႈထႃႇဝႃႉရၽြႃးၵႃႈၼႂ်းၽၼ်ႇတႃႇၽႃႉၵၢင်ႁၢဝ်၊ၼမ်ႉၼၢႆး၊
၁၄ လွင်ႈတၢင်းဢၼ်လိုၵ်ႉဢၼ်လမ်ႇဢၼ်မူပ်ႇယူႇၼွၼ်းယူႇၵႃႈတီႈတႂ်ႈၽၼ်ႇတႃႇၵၢင်ဝၼ်းၽၼ်ႇတႃႇဢၼ်လိူၼ်ႁႂ်ႈယႂ်ႇမႃးဢၼ်လီဢၼ်မျၢတ်ႈၵႃႈတီႈလွႆလူင်
၁၅ ဢၼ်ပဵၼ်ဝႆႉမီးဝႆႉၸဵမ်မိူဝ်ႈၵွၼ်ႇဢွၼ်ႇ၊ၽၼ်ႇတႃႇၵႃႈတီႈလွႆဢွၼ်ႇဢၼ်မီးယူၵူႈၸူဝ်ႈၵူႈပၢၼ်ၽၼ်ႇတႃႇလိၼ်မိူင်းဢိၵ်ႇတင်း
၁၆ တၢင်းဢၼ်ၸေးၸုမ်ႇမၼ်းၵျေးၸူးၸဝ်ႈဢၼ်ယူႇၵႃႈတီႈယုမ်းမႆႈႁႂ်ႈမင်ႇၵလႃႇၸိူဝ်းၼႆႉတူၵ်းႁွတ်ႈၵႃႈၼိူဝ်ႁူဝ်ယုဝ်းသႅပ်ႉၵႃႈၼိူဝ်ၸိၵ်းႁူဝ်ၵေႃႉဢၼ်ပဵၼ်တူၼ်ႈပဵၼ်ငဝ်ႈၼႂ်းပီႈၼွင်ႉမၼ်းၼၼ်ႉသေၵမ်းလူၺ်ႈ။
၁၇ မုၼ်ၽုင်းမၼ်းၸဝ်ႈမိူၼ်ၼင်ႇလုၵ်ႈတူၼ်ဝူဝ်းငၢၼ်ဢုၵ်ႉသၽႃႉလႄႈၶဝ်လႅမ်မၼ်းၼၼ်ႉပဵၼ်ၶဝ်လႅမ်ၸူင်ဢေႃႈ။မၼ်းတၵ်းဢဝ်ၶဝ်လႅမ်မၼ်းၸိူဝ်းၼၼ်ႉပတ်ႉသႂ်ႇတမ်တေႃးၵူၼ်းၵူႈၸိူဝ်ႉၵူႈမဵဝ်းဢၼ်ဝႃႈၶဝ်ၸိူဝ်းဢၼ်ယူႇတေႃႇထိုင်ႁွတ်ႈလႅၼ်သုတ်းလိၼ်မိူင်းၼၼ်ႉမိူဝ်ႈလဵဝ်ၵမ်းလဵဝ်ၵၼ်ဢေႃႈ။ၶဝ်ပဵၼ်ၵူၼ်းမဵဝ်းဢေႇၽရိမ်ႇပဵၼ်မိုၼ်ႇ၊မဵဝ်းမၼႃႇသေႇပဵၼ်ႁဵင်ဢေႃႈ၊ဝႃႈၼင်ႇၼႆဢေႃႈ။
၁၈ မဵဝ်းၸေႇပုလုၼ်ႇၸမ်း၊မၼ်းဝႃႈ၊-မဵဝ်းၸေႇပုလုၼ်ႇဢူၺ်း။ၸူမ်းသိူဝ်းမူၼ်ႈပျေူႇၵႃႈၼႂ်းလွင်ႈတၢင်းဢၼ်မႂ်းဢွၵ်ႇၵႂႃႇဢွၵ်ႇပႆၼၼ်ႉတႃႉ။မဵဝ်းဢိသၶႃႇဢူၺ်း။ၸူမ်းသိူဝ်းမူၼ်ႈပျေႃႇယူႇၵႃႈတီႈသုမ်ႉထဵင်သူၼၼ်ႉတႃႉ။
၁၉ ၶဝ်ၼၼ်ႉတၵ်းႁွင်ႉဢဝ်ဢွၼ်ဢဝ်မဵဝ်းၵူၼ်းၼမ်ၼႃႇၸူးၵႃႈတီႈလွႆၸဝ်ႈလႄႈတၵ်းဢွၼ်ၵၼ်ပုၵ်ႉၸေႃႇယိၸ်ႉၸွမ်းလူၺ်ႈတြႃးၵႃႈတီႈၼၼ်ႉဢေႃႈ။ၶဝ်တၵ်းၸုပ်ႇၵိၼ်လုတ်ႇၵိၼ်ၼူမ်းၸေးၸိမ်ႇပၢင်ႇလၢႆႇဢိၵ်ႇတင်းၽၼ်ႇတႃႇဢၼ်သိမ်းသိူင်ႇမီးဝႆႉၵႃႈၼႂ်းသၢႆးၼၼ်ႉဢေႃႈ၊ဝႃႈၼင်ႇၼႆဢေႃႈ။
၂၀ မဵဝ်းၵၢတ်ႉၸမ်း၊မၼ်းဝႃႈ၊-ႁႂ်ႈၵေႃႉဢၼ်ႁႂ်ႈမဵဝ်းၵၢတ်ႉယႂ်ႇၵႂၢင်ႈၼၼ်ႉမီးမင်ႇၵလႃႇသေၵမ်းလူၺ်ႈ။မဵဝ်းၼၼ်ႉယူႇမိူၼ်ၸိူဝ်ႉၼင်ႇသၢင်ႇသီႈမေႈလႄႈၸၢင်ႊယႃႉၸၢင်ႊသိၵ်ႇပႅတ်ႈၶႅၼ်မိုဝ်းဢိၵ်ႇတင်းၸိၵ်းႁူဝ်ဢေႃႈ။
၂၁ မၼ်းလိူၵ်ႈၵဵပ်းဢဝ်ပုၼ်ႈတူဝ်ၸဝ်ႈၵဝ်ႇလႅၼ်လိၼ်ဢၼ်လီသပေိူၼ်ႈလႄႈပုၼ်ႈတႃႇၶုၼ်ၼၼ်ႉလႆႈၶၢမ်ႇတၢင်းဢၼ်ၽဝေႆႉထႃႈၵႃႈတီႈၼၼ်ႉယဝ်ႉဢေႃႈ။မိူဝ်ႈဢၼ်ၵူၼ်းႁူဝ်တင်းလၢႆၸူႉတုမ်ၵၼ်ၼၼ်ႉၸိုင်မၼ်းႁဵတ်းၸွမ်းလူၺ်ႈဢမူႉတြႃးထႃႇဝရႃႉၽြႃးသို်ဝ်ႈသိုဝ်ႈတေႃႇတေႃႇဢၼ်ၸီႇယင်ႇဝႆႉၵႃႈၼႂ်းမဵဝ်းဢိသရေႇလၼၼ်ႉဢေႃႈ၊ဝႃႈၼင်ႇၼႆဢေႃႈ။
၂၂ မဵဝ်းတၢၼ်ႇၸမ်း၊မၼ်းဝႃႈ၊-မဵဝ်းတၢၼ်ႇပဵၼ်သၢင်ႇသီႈတူဝ်ၼုမ်ႇဢၼ်ၵျွၵ်းဝႅၼ်ဢွၵ်ႇသေၵႃႈၼႂ်းမိူင်းပႃႇသၼ်ႇၼၼ်ႉဢေႃႈ၊ဝႃႈၼင်ႇၼႆဢေႃႈ။
၂၃ မဵဝ်းၼပ်ႉထလိၸမ်း၊မၼ်းဝႃႈ၊-မဵဝ်းၼပ်ႉထလိဢူၺ်း။မၢၵ်ႈမီးဢိမ်ႇတဵမ်ဝႆႉတၢင်းၵျေးၸူးၸဝ်ႈလႄႈတဵမ်ဝႆႉတင်းမၢင်ႇၵလႃႇဢၼ်ထႃႇဝရႃႉၽြႃးပၼ်ၼၼ်ႉလႄႈၶဝ်ႈၸၢမ်ႇၸႃးပွတ်းတၢင်းတူၵ်းဢိၵ်ႇတင်းပွတ်းတၢင်းၸၢၼ်းၼၼ်ႉတႃႉ၊ဝႃႈၼင်ႇၼႆဢေႃႈ။
၂၄ မဵဝ်းဢႃႇသၸမ်း၊မၼ်းဝႃႈ၊-မဵဝ်းဢႃႇသၸမ်းပဵၼ်မဵဝ်းဢၼ်မီးမင်ႇၵလႃႇလိူဝ်တွၼ်းၼႃႇသလေုၵ်ႈလၢင်းတင်းလၢႆဢေႃႈ။ႁႂ်ႈမၼ်းထုၵ်ႇၸႂ်ၵျိူၵ်ႈၸႂ်ပီႈၼွင်ႉမၼ်းလႄႈဢဝ်တိၼ်မၼ်းၸွမ်းၸုမ်ႇသႂ်ႇၵႃႈၼႂ်းၼမ်ႉမၼ်းသေၵမ်းလူၺ်ႈ။
၂၅ ၵိူၼ်ႇသွတ်ႇၽၵ်းတူသူၸိူဝ်းၼၼ်ႉတၵ်းပဵၼ်လဵၵ်းပဵၼ်တွင်းလိူင်ဢေႃႈ။ၶိင်ႇမိုဝ်ႉဝၼ်းသူၼၼ်ႉတၵ်းပဵၼ်မိူၼ်ဢဵၼ်ႁႅင်းသူဢေႃႈ။
၂၆ မၼ်းသမ်ႉဝႃႈ၊-ယေႇသူႇရုၼ်ႇဢူၺ်း။ၵေႃႉဢၼ်မိူၼ်ၵၼ်တင်းၽြႃးပဵၼ်ၸဝ်ႈဢၼ်ၶီႇၽႃႉၵၢင်ႁၢဝ်ႁႂ်ႈလႆႈၸွမ်းထႅမ်သူလႄႈပႃးတင်းမုၼ်ၽုင်းဢႃႇၼူႉၽေႃႇယူႇၵႃႈၼိူဝ်မွၵ်ႇၵုမ်ႈၼၼ်ႉဢမ်ႇမီးလႃးလႃး။
၂၇ ထႃႇဝရႃႉၽြႃးပဵၼ်ၸဝ်ႈပဵၼ်တီႈဢၼ်မႂ်းသွၼ်ႈပိုင်ႈဢေႃႈ။ၵႃႈတႂ်ႈၼၼ်ႉပဵၼ်ထႃႇဝရႃႉၶႅၼ်မိုဝ်းၸဝ်ႈၵမ်ႉထွၵ်ႈသူဢေႃႈ။မၼ်းၸဝ်ႈတၵ်းႁေႃႈရၢၼ်ႇသူႇဢွၵ်ႇသေၵႃႈတီႈၽၢႆႇၼႃႈသူလႄႈပၼ်ဢၶႂၢင်ႉလႄႈဝႃႈ၊-ယႃႉၽဵဝ်ႈၶဝ်ပႅတ်ႈတႃႉ၊ဝႃႈၼင်ႇၼႆဢေႃႈ။
၂၈ မဵဝ်းဢိသရေႇလတၵ်းလႆႈယူႇလူင်ႈလူင်ႈလွတ်ႈလွတ်ႈလႄႈၼမ်ႉဢွၵ်ႇႁူးယႃႇၵုပ်ႉၼၼ်ႉတၵ်းတူၵ်းတီႈတူၵ်းလႅၼ်ၵႃႈတီႈလႅၼ်လိၼ်ဢၼ်တဵမ်ဝႆႉတင်းၶဝ်ႈပိူၵ်ႇတင်းၼမ်ႉၸပိတ်ႉလႄႈၼမ်ႉၼၢႆးတၵ်းယွႆႉတူၵ်းသေၵႃႈၼိူဝ်ၵၢင်ႁၢဝ်ယူႇၸိၵ်းၸိၵ်းဢေႃႈ။
၂၉ မဵဝ်းဢိသရေႇလဢူၺ်း။သူၼႆႉမီးမႃင်ႇၵလႃႇဢေႃႈ။မဵဝ်းဢၼ်ထႃႇဝရႃႉၽြႃးၵႄႇသႄႇၶျွတ်ႈဢဝ် ဢူၺ်း။ ၽူႈလႂ်တၵ်းမိူၼ်ၵၼ်တင်းသူ။မၼ်းၸဝ်ႈၼၼ်ႉပဵၼ်လၢၵ်ႈၼၢၵ်ႈၶိူင်ႈႁေႉၶိူင်ႈၵင်ႈသူလၢၵ်ႈၼၢၵ်ႈလၢပ်ႇလႅဝ်းဢၼ်ယုၵ်ႉယွင်ႈသူဢေႃႈ။ရၢၼ်ႇသူႇသူတင်းလၢႆတၵ်းႁဵတ်းတၢင်းဢၼ်ထိမ်ႇ ဢၼ်မႅပ်းလႄႈသူတၵ်းလႆႈယဵပ်ႇလႆႈယမ်ၵႃႈၼိူဝ်ထႃႇၼႃႉတီႈဢၼ်သုင်ဢၼ်မျၢတ်ႈၶဝ် ၼၼ်ႉဢေႃႈ၊ဝႃႈၼင်ႇၼႆဢေႃႈ။