Chapter
၂၁
တၢင်းဢၼ်ၽေႇလိတ်ႉဢၼ်ဢဝ်ၵူၼ်းတၢႆ
၁ ပေႃးထူပ်းႁၼ်တူဝ်တၢႆၵူၼ်းၵႃႈတီႈၼွၵ်ႈတီႈပၢင်ႇၵႃႈၼႂ်းမိူင်းဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူပၼ်တီႈတီႈသူႁႂ်ႈသူပိုင်ႈၼၼ်ႉလႄႈဢမ်ႇႁူႉလွင်ႈဢၼ်ၽူႈလႂ်ဢဝ်မၼ်းတၢႆၼၼ်ႉၸိုင်
၂ ၵူၼ်းဢၼ်ပဵၼ်ၵႄႇပဵၼ်ႁူဝ်ဢိၵ်ႇတင်းၵူၼ်းဢၼ်ၸီႇယၢင်ႇတြႃးတင်းလၢႆတၵ်းလႆႈဢွၵ်ႇမႃးလႄႈတႅၵ်ႈၶိုပ်ႈတူၺ်းတၢင်းၵႆတေႃႇထိုင်ႁွတ်ႈဝၢၼ်ႈဝဵင်းဢၼ်မီးလဵပ်ႈႁွပ်းတူဝ်တၢႆၼၼ်ႉဢေႃႈ။
၃ ၵူၼ်းဢၼ်ပဵၼ်ၵႄႇပဵၼ်ႁူဝ်ၵႃႈၼႂ်းဝဵင်းဢၼ်ၸမ်သပေိူၼ်ႈတင်းတူဝ်တၢႆၼၼ်ႉတၵ်းလႆႈဢဝ်ဝူဝ်းမေႈဢွၼ်ႇတူဝ်ၼိုင်ႈဢၼ်ဢမ်ႇပႆႇလႆႈတွၼ်ႉၶၢမ်ႇဢဝ်ၵၢၼ်းတၢင်ႇလႄႈၸႂ်ႉသွႆၼၼ်ႉ
၄ လူင်းၵႂႃႇၵႃႈတီႈႁူၺ်ႈၼမ်ႉႁွင်ႊဢၼ်ၼမ်ႉဢမ်ႇထၢတ်ႇတီႈဢၼ်ဢမ်ထိုၼ်ႈဢမ်ႇထႆဢမ်ႇဝၢၼ်ႇၸိူဝ်ႉဝၢၼ်ႇၽၼ်းၼၼ်ႉသေလႄႈ
၅ ႁၵ်းၶေႃးဝူဝ်းမေႈဢွၼ်ႇၼၼ်ႉၵႃႈတီႈႁူၺ်ႈႁွင်ႊၼၼ်ႉသေယဝ်ႉယိတ်ႉပရေႃးႁိၵ်ႈၵူၼ်းမဵဝ်းလေႇဝိတင်းလၢႆတၵ်းလႆႈဢွၼ်ၵၼ်သုတ်ႉၸပ်းသုတ်ႉၸူးၵႃႈတီႈၼၼ်ႉၵွပ်ႈပိူဝ်ႈဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူလိူၵ်ႈၵဵပ်းဢဝ်ၶဝ်ဝႆႉႁႂ်ႈၶဝ်လႆႈပွင်ႁဵတ်းဢမူႉမၼ်းၸဝ်ႈဢိၵ်ႇတင်းႁႂ်ႈၶဝ်လႆႈပၼ်တၢင်းလီၼႂ်းၼႃႇမႃႉၸိုဝ်သဵင်ထႃႇဝရႃႉၽြႃးၼၼ်ႉလႄႈၶဝ်တၵ်းလႆႈၸီႇယၢင်ႇတႅပ်းတတ်းဢမူႉတင်းဢၼ်ထူပ်းတြႃးဢမူႉတင်းဢၼ်ပေႃႉယႅၼ်ႉၵႃႈမီးၸွမ်းၵႃႈၼင်ႇၵႂၢမ်းၶဝ်ၼၼ်ႉဢေႃႈ။
၆ ၵူၼ်းဢၼ်ပဵၼ်ၵႄႇပဵၼ်ႁူဝ်ၵႃႈၼႂ်းဝဵင်းဢၼ်ၸမ်ၵၼ်သပေိူၼ်ႈတင်းတူဝ်တၢႆၼၼ်ႉတၵ်းလႆႈဢွၼ်ၵၼ်သုၵ်ႉမိုဝ်းၵႃႈၼိူဝ်ဝူဝ်းမေႈဢွၼ်ဢၼ်ႁၵ်းၶေႃးပႅတ်ႈယဝ်ႉၵႃႈတီႈႁူၺ်ႈႁွင်ႊၼၼ်ႉသေလႄႈလၢတ်ႈဝႃႈ၊-မိုဝ်းႁဝ်းၼႆႉဢမ်ႇထွၵ်ႇလိူတ်ႈၼႆႉ။
၇ မၢၵ်ႇတႃႁဝ်းၼႆႉဢမ်ႇႁၼ်။ဢူဝ်းထႃႇဝရႃႉၽြႃးတီႈၶႃႈ၊ၶႅၼ်းတေႃႈဢိတ်းလူၵူၼ်းၸဝ်ႈႁဝ်းမဵဝ်းဢိသရေႇလဢၼ်ၸဝ်ႈႁဝ်းထုတ်ႇဢဝ်ၼႆႉလႄႈယႃႇပေႁႂ်ႈလိူတ်ႈၵေႃႉဢၼ်တၢႆၼၼ်ႉႁွတ်ႈထိုင်ၵႃႈၼိူဝ်ၵူၼ်းၸဝ်ႈႁဝ်းမဵဝ်းဢိသရေႇလသေၵမ်းၶႃႈ၊ဝႃႈၼင်ႇၼႆဢေႃႈ။
၈ ပေႃးႁဵတ်းၼင်ႇၼၼ်ၸိုင်ၶဝ်တၵ်းလွတ်ႈတင်းလိူတ်ႈၼၼ်ႉဢေႃႈ။
၉ ၼင်ႇၼၼ်လႄႈသူတၵ်းလႆႈပႄႇၽဵဝ်ႈပႅတ်ႈလိူတ်ႈၵေႃႉဢၼ်ဢမ်ႇထိူၵ်ႈတၢႆၼၼ်ႉသေၵႃႈၼႂ်းသူမိူဝ်ႈဢၼ်သူႁဵတ်းလွင်ႈတၢင်းဢၼ်သိုဝ်ႈတေႃႇသိုဝ်ႈၼႃႈတႂ်ႈတႃထႃႇဝရႃႉၽြႃးၼၼ်ႉဢေႃႈ။
ဢဝ်မေႈယိင်းဢၼ်တီႉလႆႈမႃးႁဵတ်းမေး
၁၀ မိူဝ်ႈဢၼ်သူဢွၵ်ႇႁႂ်ႈလႆႈတိုၵ်းသိုၵ်းၵၼ်တင်းရၢၼ်ႇသူႇသူလႄႈထႃႇဝရႃႉၽြႃးၽြႃးပဵၼ်ၸဝ်ႈသူဢဝ်ၶဝ်ဢၢပ်ႈပၼ်ၵႃႈၼႂ်းမိုဝ်းသူသေယဝ်ႉသူတီႉဢဝ်ၶဝ်လႄႈ
၁၁ ႁၼ်မေႈယိင်းဢၼ်ႁၢင်ႊလီၼႂ်းၶဝ်ၸိူဝ်းဢၼ်တီႉဢဝ်လႆႈၼၼ်ႉလႄႈမီးဢလူဝ်ႇၶႂ်ႈဢဝ်ႁဵတ်းမေးၸိုင်သူတၵ်းလႆႈဢဝ်မၼ်းမႃးၵႃႈတီႈႁိူၼ်းသူလႄႈ
၁၂ ႁဵတ်းတၢင်းဢၼ်ထႃႁူဝ်မၼ်းထိူဝ်တႅပ်းၼဵပ်ႉမိုဝ်းမၼ်းထွတ်ႇပႅတ်ႈၶူဝ်းၼုင်ႈမၼ်းဢၼ်မၼ်းၼူင်ႈမိူဝ်ႈတီႉဢဝ်လႆႈၼၼ်ႉဢေႃႈ။
၁၃ ဝႆးသမေၼ်းလႆႈၶၢင်းၶီၶၢင်းၽၢၼ်လူၺ်ႈလွင်ႈပေႃႈမေႈမၼ်းယဝ်ႉလိူၼ်ၼိုင်ႈတဵမ်တဵမ်ၸိုင်မႂ်းတၵ်းလႆႈၶဝ်ႈၸူးၵႃႈတီႈမၼ်းသေလႄႈႁဵတ်းၽူဝ်မၼ်းလႄႈမၼ်းၼၼ်ႉတၵ်းပဵၼ်မေးမႂ်းဢေႃႈ။
၁၄ ၵမ်းလိုၼ်းပေႃးမႂ်းဢမ်ႇမီးၸႂ်ဢၼ်မူၼ်ႈပျေူႇလူၺ်ႈၵၼ်တင်းမၼ်းၸိုင်မႂ်းတၵ်းလႆႈပၼ်ဢၶႂၢင်ႉႁႂ်ႈမၼ်းလႆႈၵႂႃႇၸွမ်းၸႂ်မၼ်းဢေႃႈ။ၵွပ်ႈပိူဝ်ႈဢၼ်မႂ်းၶျႃးမၼ်းတူၵ်းတီႈတႅမ်ႇယဝ်ႉလႄႈမႂ်းဢမ်ႇလႆႈၶၢႆမၼ်းလႄႈဢဝ်ငိုၼ်းလႃးလႃး။ဢမ်ႇလႆႈႁဵတ်းတီႈမၼ်းမိူၼ်ၸိူဝ်ႉၼင်ႇၶႃႈ။
လုၵ်ႈၸၢႆးတူၼ်ႈ
၁၅ ပေႃးၵူၼ်းၵေႃႉၼိုင်ႈမီးမေးသွင်ၵေႃႉမေးဢၼ်ႁၵ်ႉမၼ်းပႅင်းဢိၵ်ႇတင်းမေးဢၼ်မၼ်းဢမ်ႇႁၵ်ႉဢမ်ႇပႅင်းၼၼ်ႉလႄႈသွင်ၶႃၵိူတ်ႇလဵင်ႉလုၵ်ႈၸၢႆးၼင်ႇၵၼ်သေယဝ်ႉလုၵ်ႈၸၢႆးဢၼ်ၵိူတ်ႇလဵင်ႉမႃးဢွၼ်တၢင်းၼၼ်ႉပဵၼ်လုၵ်ႈၸၢႆးမေးဢၼ်ဢမ်ႇႁၵ်ႉၼၼ်ႉၸိုင်မိူဝ်ႈဢၼ်မၼ်းပၼ်လုၵ်ႈၸၢႆးမၼ်းတင်းလၢႆ
၁၆ ၶၢမ်ႇဢဝ်ဢမူၺ်ႇဢုၵ်ႉၸႃႇမၼ်းၼၼ်ႉၸိုင်မၼ်းဢမ်ႇလႆႈဢဝ်လုၵ်ႈၸၢႆးမေးဢၼ်မၼ်းႁၵ်ႉမၼ်းပႅင်းၼၼ်ႉယုၵ်ႉယွင်ႈဝႆႉၼႂ်းဢရႃႇလုၵ်ႈၸၢႆးတူၼ်ႈၵႃႈၼိူဝ်လုၵ်ႈၸၢႆးမေးဢၼ်မၼ်းဢမ်ႇႁၵ်ႉၼၼ်ႉ။
၁၇ မၼ်းတၵ်းလႆႈမၢတ်ႈဢဝ်လုၵ်ႈၸၢႆးမေးဢၼ်မၼ်းဢမ်ႇႁၵ်ႉၼၼ်ႉပဵၼ်လုၵ်ႈၸၢႆးတူၼ်ႈလႄႈပၼ်ဢမူၺ်ႇဢုၵ်ႉၸႃႇသွင်ပုၼ်ႈတီႈမၼ်းဢေႃႈ။လွင်ႈမၼ်းၸမ်းမၼ်းပဵၼ်ၵေႃႇၸႃႉႁူဝ်ပိုင်းႁႅင်းပေႃႈမၼ်းဢေႃႈ။ဢရႃႇလုၵ်ႈၸၢႆးတူၼ်ႈၸၢပ်းသႅင်ႇၵၼ်းတင်းမၼ်းၼၼ်ႉဢေႃႈ။
လုၵ်ႈၸၢႆးဢၼ်ထဵင်ၵႂၢမ်း
၁၈ ပေႃးသေၵေႃႉသေၵူၼ်းမီးလုၵ်ႈၸၢႆးဢၼ်ၸႂ်ၼူၵ်ႇၸႂ်ၼႃမီးၸႂ်သၽေႃးဢၼ်ၵျၢမ်းရိူင်းၼႃႇလႄႈဢမ်ႇထွမ်ႇဢမ်ႇဢဝ်ၵႂၢမ်းပေႃႈမေႈ
၁၉ ပိၵ်ႉသမ်ႉပေႃႈမေႈသင်ႇသွၼ်သေၵေႃႈဢမ်ႇၶၢမ်ႇဢမ်ႇဢဝ်တၢင်းဢၼ်သင်ႇသွၼ်ၼၼ်ႉၸိုင်ပေႃႈမေႈမၼ်းတၵ်းလႆႈတိုတ်ႉၸၼ်ဢဝ်မၼ်းဢွၵ်ႇၸူးၵႃႈတီႈၵူၼ်းဢၼ်ပဵၼ်ၵႄႇပဵၼ်ႁူဝ်ၵႃႈတီႈႁိမ်းႁူးၽၵ်းတူတီႈဢၼ်မၼ်းယူႇၼၼ်ႉသေယဝ်ႉလဝ်လၢတ်ႈတီႈၵူၼ်းဢၼ်ပဵၼ်ၵႄႇပဵၼ်ႁူဝ်ၸိူဝ်းၼၼ်ႉလႄႈဝႃႈ၊-
၂၀ လုၵ်းၸၢႆးႁဝ်းၶႃႈၼႆႉပဵၼ်ၵေႃႉဢၼ်ႁဵတ်းၸႂ်ၼူၵ်ႇၸႂ်ၼႃမီးၸႂ်သၽေႃးဢၼ်ၵျၢမ်းရိူင်းၼႃႇလႄႈဢမ်ႇထွမ်ႇဢမ်ႇဢဝ်ၵႂၢမ်းႁဝ်းၶႃႈၶႃႈဢေႃႈ။ပဵၼ်ၵေႃႉဢၼ်ၵိၼ်ပူၼ်ႉၵိၼ်လိူဝ်ၵေႃႉဢၼ်သူတ်ႉပူၼ်ႉသူတ်ႉလိူဝ်ၶႃႈဢေႃႈ၊ဝႃႈၼင်ႇၼႆဢေႃႈ။
၂၁ ၵူၼ်းၸၢႆးဝဵင်းၼၼ်ႉတင်းသဵင်ႈတင်းလူင်တၵ်းလႆႈဢွၼ်ၵၼ်ဢဝ်မၢၵ်ႇႁိၼ်ထိမ်ႈသႂ်ႇမၼ်းထၢၼ်ႈပေႃးတၢႆဢေႃႈ။ၼင်ႇၼၼ်လႄႈသူတၵ်းလႆႈပေႇၽဵဝ်ႈပႅတ်ႈတူႉၸရိူၵ်ႈဢပျႅတ်ႈသေၵႃႈၼႂ်းသူဢေႃႈ။ၵူၼ်းမဵဝ်းဢိသရေႇလတင်းလၢႆတၵ်းလႆႈငိၼ်းလႄႈမီးၸႂ်ဢၼ်ၵူဝ်ဢၼ်ႁေဢေႃႈ။
ပိင်းၺၢပ်ႈၵူႈမဵဝ်းမဵဝ်း
၂၂ ပေႃးမီးၵေႃႉဢၼ်ႁဵတ်းဢပျႅတ်ႈဢၼ်ထုၵ်ႇတၢႆၼၼ်ႉလႄႈသူဢဝ်ႁွႆႈၵႃႈတီႈသဝ်လၵ်းသေလႄႈဢဝ်တၢႆၸိုင်တူဝ်တၢႆမၼ်းၼၼ်ႉဢမ်ႇလႆႈမီးဝႆႉၵႃႈတီႈသဝ်လၵ်းတင်းၶိုၼ်း။
၂၃ သူတၵ်းလႆႈဢဝ်ၽင်လိၼ်ပႅတ်ႈၼႂ်းဝၼ်းၼၼ်ႉၵမ်းလဵဝ်ဢေႃႈ။လွင်ႈမၼ်းၸမ်းၵေႃႉဢၼ်လႆႈၶၢမ်ႇတၢင်းဢဝ်ႁွႆႈၶႅၼ်ၵႃႈတီႈသဝ်လၵ်းၼၼ်ႉပဵၼ်တၢင်းဢၼ်ၽြႃးပဵၼ်ၸဝ်ႈၵိၼ်ႇဝႃႈလႄႈလွင်ႈၼင်ႇႁိုဝ်တၵ်းဢမ်ႇႁႂ်ႈမိူင်းဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူပၼ်ပုၼ်ႈသူတၵ်းၶၢမ်ႇဢမူၺ်ႇၼၼ်ႉၵူဝ်ၵိုၵ်းၸိုင်သူတၵ်းလႆႈႁဵတ်းၸိူဝ်ႉၼင်ႇၼၼ်ဢေႃႈ။