Chapter
၁၂
တီႈဢၼ်ႁဵတ်းဝၢတ်ႈၵူဝ်းၵႂၢႆႇၽြႃးပဵၼ်ၸဝ်ႈ
၁ ထုင်းၽိင်ႈတြႃးဢိၵ်ႇတင်းလွင်ႈတၢင်းဢၼ်ၸီႇယၢင်ႇဝႆႉဢၼ်သူတၵ်းလႆႈပႂ်ႉၸွမ်းႁႂ်ႈလႆႈၵမ်ၵျၢင်ႉၵႃႈၼႂ်းမိူင်းဢၼ်ထႃႇဝရႃႉၽြႃးပဵၼ်ၸဝ်ႈပူႇမွၼ်ႇသူပၼ်ႁႂ်ႈသူလႆႈၶၢမ်ႇၸၢမ်ႇၸႃးၶိင်ႇၵႃႇလမိူဝ်ႈဝၼ်းၵႃႈဢၼ်သူဢသၢၵ်ႈလိပ်းယူႇၵႃႈၼိူဝ်လိၼ်မိူင်းၼႆႉၸိူဝ်းၼၼ်ႉၸမ်း
၂ သူတၵ်းလႆႈယႃႉၽဵဝ်ႈပႅတ်ႈၵူႈၸိူဝ်ႉၵူႈမဵဝ်းဢၼ်ၵူၼ်းမဵဝ်းသူလႆႈဢုပ်ႉၶဝ်ႁဵတ်းဝၢတ်ႈၽြႃးၶဝ်ၵႃႈတီႈၼိူဝ်လွႆလႂ်ၵႃႈတီႈၼိူဝ်ၵုင်းလႂ်ၵႃႈတီႈတႂ်ႈတူၼ်ႈမႆႉဢၼ်ၶဵဝ်လႂ်ၸိူဝ်းၼၼ်ႉမူတ်းမူတ်းသဵင်ႈသဵင်ႈဢေႃႈ။
၃ တၵ်းလႆႈၵိူၼ်ႇယႃႉပႅတ်ႈယိတ်ႉပလၢင်ႇၶဝ်တင်းလၢႆႇဢေႃႈ။တၵ်းလႆႈပေႃႉထုပ်ႉသဝ်တီႈၶဝ်ၵူဝ်းၵႂၢႆႇၼၼ်ႉလႅဝ်ပႅတ်ႈဢေႃႈ။တၵ်းလႆႈဢဝ်တူၼ်ႈဢႃႇသႃႇရၶဝ်ၸုတ်ႇၽႆးပႅတ်ႈဢေႃး။တၵ်းလႆႈၽၼ်းလူမ်ႉပႅတ်ႈရူၵ်ႉထူႉသၢင်းထူႉဢၼ်ၶဝ်တွင်ႈႁဵတ်းၸိူဝ်းၼၼ်ႉဢေႃႈ။တၵ်းလႆႈပေႇၽဵဝ်ႈၼႃႇမႃႉၸိုဝ်သဵင်ၶဝ်ပဵတ်ႈသေၵႃႈတီႈၼၼ်ႈဢေႃႈ။
၄ သူဢမ်ႇလႆႈယူႇယိူင်ၶဝ်ၼၼ်ႉလႄႈႁဵတ်းဝၢတ်ႈထႃႇဝရႃႉၽြႃးၽြႃးပဵၼ်ၸဝ်ႈသူ။သူတၵ်းလႆႈဢွၼ်ၵၼ်ႁႃလႄႈမႃးၸူးၵႃႈတီႈဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူလိူၵ်ႈၵဵပ်းဢဝ်
၅ ၵႃႈၼႂ်းမဵဝ်းသူၵႃႈမီးပုၼ်ႈဢၼ်တၵ်းမီးၼႃႇမႃႉၸိုဝ်သဵင်မၼ်းၸဝ်ႈတီႈဢၼ်မၼ်းၸဝ်ႈတၵ်းၵိင်းဝၢပ်ႈယူႇၼၼ်ႉဢေႃႈ။
၆ သူတၵ်းလႆႈဢွၼ်ၵၼ်ဢဝ်ၸႃႉၸဵမ်ယဵၸ်ႉဢၼ်ၸုတ်ႇၽႆးလႂ်ယိၸ်ႉတၢင်ႇၸိူဝ်ႉတၢင်ႇပိူင်လႂ်ၶိူင်ႈပုၵ်ႉၸေႃႇသိပ်းပုၼ်ႊပုၼ်ႊၼိုင်ႈလႂ်ၶိူင်ႈပုၵ်ႉၸေႃႇဢၼ်ယုၵ်ႉယွင်ႈလႂ်ၶိူင်ႈပုၵ်ႉၸေႃႇဢၼ်ၸၢပ်ႈသႅင်ႇၵၼ်တင်းၵတိသႅတ်ႈၸႃႇလႂ်ၶိူင်ႈပုၵ်ႉၸေႃႇဢၼ်ႁဵတ်းၸွမ်းၸႂ်ၸေႇတၼႃႇလႂ်တူဝ်ပေႃႈဢွၼ်ဢၼ်ၵိူတ်ႇလဵင်ႉဢွၼ်တၢင်းပိူၼ်ႈၵႃႈတီႈၽုင်သူဝ်းၽုင်ဝူဝ်းၸိူဝ်းၼၼ်ႉမႃးၸူးၵႃႈတီႈၼၼ်ႉဢေႃႈ။
၇ သူတၵ်းလႆႈၵိၼ်ၵႃႈတီႈၽၢႆႇၼႃႈထႃႇဝရႃႉၽြႃးၽြႃးပဵၼ်ၸဝ်ႈသူၵႃႈတီႈၼၼ်ႉဢေႃႈ။ၸႃႉၸဵမ်သူလႄႈၵူၼ်းႁိူၼ်းၵူၼ်းယေးသူတင်းလၢႆတၵ်းလႆႈသိူဝ်းၵႃႈၼႂ်းၵႃႈဢၼ်မိုဝ်းသူႁဵတ်းဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူပၼ်တၢင်းလီၼၼ်ႉဢေႃႈ။
၈ သူတၵ်းဢမ်ႇလႆႈႁဵတ်းၸွမ်းၵႃႈဢၼ်ႁဝ်းႁဵတ်းဝၼ်းမိူဝ်ႈၼႆႉၸွမ်းၼင်ႇၵူၼ်းၵူႈၵေႃႉႁၼ်မႅၼ်ႈထုၵ်ႇတႃလႄႈႁဵတ်းႁၢင်းၽႂ်ႁၢင်းမၼ်းၼၼ်ႉ။
၉ လွင်ႈမၼ်းၸမ်းသူဢမ်ႇပႆႇလႆႈၶဝ်ႈၵႃႈၼႂ်းၵတ်းယဵၼ်ၶျၢမ်းသႃႇတီႈဢၼ်လႆႈၶၢမ်ႇဢမူၺ်ႇဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူပၼ်ၼၼ်ႉ။
၁၀ ၵူၺ်းၵႃႈသူတၵ်းလႆႈၶၢမ်ႈၼမ်ႉႁွင်ႊယေႃးတၢၼ်ႇၵႂႃႇလႄႈၶဝ်ႈၵႃႈမိူင်းဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူပၼ်ပုၼ်ႈဢၼ်သူတၵ်းလႆႈၶၢမ်ႇဢမူၺ်ႇလႄႈမၼ်းၸဝ်ႈတၵ်းပၼ်ႁႂ်ႈသူၵၢင်းလွတ်ႈသရေၢၼ်ႇသူႇသူဢၼ်မီးၵႃႈတီႈႁိမ်းသူလႄႈသူလႆႈယူႇၼိမ်ၼိမ်လီလီၼၼ်ႉဢေႃႈ။
၁၁ တၵ်းလႆႈမီးတီႈဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူလိူၵ်ႈၵဵပ်းဢဝ်ပုၼ်ႈဢၼ်တၵ်းႁႂ်ႈၼႃႇမႃႉၸိုဝ်သဵင်မၼ်းၸဝ်ႈတေႇယူႇၼၼ်ႉလႄႈသူတၵ်းလႆႈဢွၼ်ၵၼ်ဢဝ်ၵႃႈဢၼ်ၵဝ်သင်ႇလၢတ်ႈဝႆႉဢၼ်ဝႃႈယိၸ်ႉဢၼ်ၸုတ်ႇၽႆးယိၸ်ႉတၢင်ႇၸိူဝ်ႉတၢင်ႇဢၼ်ၶိူင်ႈပုၵ်ႉၸေႃႇသိပ်းပုၼ်ႈပုၼ်ႈၼိုင်ႈၶိူင်ႈပုၵ်ႉၸေႃႇဢၼ်ယုၵ်ႉယွင်ႈၼႂ်းမိုဝ်းသူၶိူင်ႈပုၵ်ႉၸေႃႇၵတိသႅတ်ႈၸႃႇဢၼ်မျၢတ်ႈလီဢၼ်သူႁဵတ်းၵတိသႅတ်ႈၸႃႇတီႈထႃႇဝရႃႉၽြႃးၸိူဝ်းၼၼ်ႉမႃးၸူးၵႃႈတီႈၼၼ်ႉဢေႃႈ။
၁၂ ၸႃႉၸဵမ်သူလႄႈလုၵ်ႈၸၢႆးသူလုၵ်ႈယိင်းသူၶႃႈၵူၼ်းၸၢႆးသူ၊ၶႃႈၵူၼ်းယိင်းသူၵူၼ်းမဵဝ်းလေႇဝိဢၼ်ယင်းဢမ်ႇမီးပုၼ်ႈမီးတႃႇလႆႈၶၢမ်ႇဢမူၺ်ႇလႄႈလႆႈသွၼ်ႈပိုင်ႈယူႇတီႈသူၼၼ်ႉတၵ်းလႆႈဢွၼ်ၵၼ်ႁဵတ်းတၢင်းဢၼ်သႂၢင်ႇသိူဝ်းမူၼ်ႈပျေူႇၵႃႈတီႈၽၢႆႇၼႃႈထႃႇဝရႃႉၽြႃးၽြႃးပဵၼ်ၸဝ်ႈသူဢေႃႈ။
၁၃ ႁဵတ်းသတိယႃႇပေႁဵတ်းတၢင်းပုၵ်ႉၸေႃႇယိၸ်ႉဢၼ်ၸုတ်ႇၽႆးၵူႈတီႈၵူႈလႅၼ်ၸွမ်းၼင်ႇဢလူဝ်ႇတူဝ်ၸဝ်ႈၵဝ်ႇ။
၁၄ သူတၵ်းလႆႈပုၵ်ႉၸေႃႇယိၸ်ႉဢၼ်ၸုတ်ႇၽႆးၵႃႈၼႂ်းၵူၼ်းမဵဝ်းသူမဵဝ်းၼိုင်ႈၵႃႈတီႈဢၼ်ထႃႇဝရႃႉၽြႃးလိူၵ်ႈၵဵပ်းဢဝ်ၼၼ်ႉလႄႈႁဵတ်းၵႃႈဢၼ်ၵဝ်သင်ႇလၢတ်ႈဝႆႉၵႃႈတီႈသူၼၼ်ႉဢေႃႈ။
၁၅ ၼႂ်းဝႃႈၼၼ်ၵေႃႈသူမီးဢၶႂၢင်ႉဢၼ်လႆႈသူမီးဢၶႂၢင်ႉဢၼ်လႆႈဢဝ်တၢႆတူဝ်သတ်းတရိၵ်ႉသၢၼ်ႇဢၼ်ဢၼ်မီးၵႃႈတီႈဝဵင်းၼၼ်ႉလႄႈၵိၼ်ၼိူဝ်ႉၶဝ်မိူၼ်ၸိူဝ်ႉၼင်ႇၵိၼ်ၵႂၢင်ၵိၼ်ယိူင်းၸွမ်းၵႃႈၼင်ႇဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူပၼ်တၢင်းလီၼၼ်ႉဢေႃႈ။ၵေႃႉဢၼ်မူတ်းသႂ်ႇၵေႃႉဢၼ်ဢမ်ႇမူတ်းသႂ်ႇမီးဢၶႂၢင်ႉဢၼ်လႆႈၵိၼ်ၼိူဝ်ႉၼၼ်ႉဢေႃႈ။
၁၆ ၵူၺ်းၵႃႈသူဢမ်ႇလႆႈၵိၼ်လိူတ်ႈ။တၵ်းလႆႈဢဝ်ထွၵ်ႇပႅတ်ႈၵႃႈၼိူဝ်လိၼ်မိူၼ်ၼင်ႇၼမ်ႉဢေႃႈ။
၁၇ သူဢမ်ႇလႆႈဢဝ်ၶဝ်ႈပိူၵ်ႇၼမ်ႉၸပိတ်ႉၼမ်ႉမၼ်းဢၼ်သူသိပ်းပုၼ်ႊပုၼ်ႊၼိုင်ႈတူဝ်ပေႃႈဢွၼ်ႇဢၼ်ၵိူတ်ႇလဵင်ႉဢွၼ်တၢင်းၼႂ်းၽုင်သူဝ်းၽုင်ဝူဝ်းသူၶိူင်ႈပုၵ်ႉၸေႃႇၵတိသႅတ်ႈၸႃႇသူဢၼ်သူႁဵတ်းၵတိသႅတ်ႈၸႃႇၶိူင်ႈပုၵ်ႉၸေႃႇဢၼ်ႁဵၸ်းၸွမ်းၸႂ်ၸေႇတၼႃႇၶိူင်ႈပုၵ်ႉၸေႃႇဢၼ်ယုၵ်ႉယွင်ႈၵႃႈတီႈမိုဝ်းသူၼၼ်ႉသေၸိူဝ်ႉသေပိူင်ၼၼ်ႉၵိၼ်ၵႃႈၼႂ်းဝဵင်းတူဝ်ၸဝ်ႈၵဝ်ႇ။
၁၈ ၸႃႉၸဵမ်သူလႄႈလုၵ်ႈၸၢႆးသူလုၵ်ႈယိင်းသူၶႃႈၵူၼ်းၸၢႆးသူၶႃႈၵူၼ်းယိင်းသူၵူၼ်းမဵဝ်းလေႇဝိဢၼ်သွၼ်ပိုင်ႈယူႇၵႃႈတီႈၼႂ်းဝဵင်းသူၼၼ်ႉတၵ်းလႆႈဢွၼ်ၵၼ်ၵိၼ်ၵႃႈၼႂ်းတီႈဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူလိူၵ်ႈၵဵပ်းဢဝ်ၼၼ်ႉဢေႃႈ။သူတၵ်းလႆႈႁဵတ်းတင်းဢၼ်သႂၢင်ႇသိူဝ်းမူၼ်ႈပျေူႇၵႃႈတီႈၽၢႆႇၼႃႈထႃႇဝရႃႉၽြႃးၽြႃးပဵၼ်ၸဝ်ႈသူၵႃႈၼႂ်းလွင်ႈတၢင်းၵႃႈဢၼ်မိုဝ်းသူႁဵတ်းၵူႈၸိူဝ်ႉၵူႈပိူင်ၼၼ်ႉဢေႃႈ။
၁၉ ႁဵတ်းသတိယႃႇႁႂ်ႈလႆႈလူင်လိုမ်းၵူၼ်းမဵဝ်းလေႇဝိၸူဝ်ႈၵႃႈဢၼ်ဢသၢၵ်ႈသူယင်းလိပ်းယူႇၵႃႈၼိူဝ်လႅၼ်လိၼ်မိူင်းၼႆႉၼၼ်ႉတႃႉ။
၂၀ မိူဝ်ႈဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူႁႂ်ႈလႅၼ်လိၼ်မိူင်းသူၵႂၢင်ႈမႃးၸွမ်းၵႃႈၼင်ႇဢၼ်မၼ်းၸဝ်ႈဝႆႉၵတိၼၼ်ႉလႄႈသူမီးၸႂ်ဢၼ်ၶႂ်ႈၵိၼ်ၼိူဝ်ႉလႄႈသူဝႃႈ၊-ႁဝ်းၶႂ်ႈၵိၼ်ၼိူဝ်ႉဢေႃႈ၊ဝႃႈၼင်ႇၼႆၸိုင်သူမီးဢၶႂၢင်ႉဢၼ်လႆႈၵိၼ်ၼိူဝ်ႉၸွမ်ႈၵႃႈၼင်ႇဢၼ်သူၶႂ်ႈၵိၼ်ၼၼ်ႉဢေႃႈ။
၂၁ ပေႃးတီႈဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူလိူၵ်ႈၵဵပ်းဢဝ်ပုၼ်ႈဢၼ်တၵ်းႁႂ်ႈၼႃႇမၸိုဝ်သဵင်မၼ်းၸဝ်ႈတေႇယူႇၼၼ်ႉၵႆၵၼ်တင်းတီႈဢၼ်သူယူႇၼၼ်ႉၸိုင်သူမီးဢၶႂၢင်ႉဢၼ်လႆႈဢဝ်ၵႃႈၼႂ်းၽုင်သူဝ်းၽုင်ဝူဝ်းဢၼ်ထႃႇဝရႃႉၽြႃးပၼ်တီႈသူၼၼ်ႉတၢႆၸွမ်းၵႃႈၼင်ႇဢၼ်ၵဝ်သင်ႇလၢတ်ႈဝႆႉၼၼ်ႉလႄႈၵိၼ်ၵႃႈၼႂ်းဝဵင်းသူၵႃႈၼင်ႇဢၼ်သူၶႂ်ႈၵိၼ်ၼၼ်ႉဢေႃႈ။
၂၂ သူတၵ်းလႆႈၵိၼ်ၼိူဝ်ႉၼၼ်ႉမိူၼ်ၸိူဝ်ႉၼင်ႇဢၼ်ၵိၼ်ၵႂၢင်ၵိၼ်ယိူင်းၼၼ်ႉဢေႃႈ။ၵေႃႉဢၼ်ဢမ်ႇမူတ်းသႂ်တင်းၵေႃႉဢၼ်မူတ်းသႂ်ႇမီးဢၶႂၢင်ႉဢၼ်လႆႈၵိၼ်ၼိူဝ်ႉၼၼ်ႉမိူၼ်ၵၼ်ဢေႃႈ။
၂၃ ၵူၺ်းၵႃႈႁဵတ်းသတိယႃႇႁႂ်ႈလႆႈၵိၼ်လိူတ်ႈမၼ်း။လွင်ႈမၼ်းၸမ်းလိူတ်ႈပဵၼ်ဢသၢၵ်ႈဢေႃး။သူဢမ်ႇလႆႈၵိၼ်ဢသၢၵ်ႈလူၺ်ႈၵၼ်တင်းၼိူဝ်ႉ။
၂၄ သူဢမ်ႇလႆႈၵိၼ်လိူတ်ႈ။တၵ်းလႆႈဢဝ်ထွၵ်ႇပႅတ်ႈၼိူဝ်လိၼ်မိူၼ်ၼင်ႇၼမ်ႉၼၼ်ႉ။
၂၅ လွင်ႈၼင်ႇႁိုဝ်ၸႃႉၸဵမ်သူလႄႈလုၵ်ႈလၢင်းသူလိုၼ်းသသေူၸိူဝ်းၼၼ်ႉတၵ်းလႆႈလီလႆႈပဵၼ်ၼႂ်းမိုဝ်းဢၼ်သူႁဵတ်းသူသၢင်ႈလွင်ႈတၢင်းဢၼ်ထုၵ်ႇတႃထႃႇဝရႃႉၽြႃးၼၼ်ႉၸိုင်သူဢမ်ႇလႆႈၵိၼ်လိူတ်ႈၼၼ်ႉ။
၂၆ ဢဝ်ၶိူင်ႈပုၵ်ႉၸေႃႇဢၼ်မူတ်းၸၢင်ႇဢၼ်မီးၵႃႈတီႈသူဢိၵ်ႇတင်းၶိူင်ႈပုၵ်ႉၸေႃႇဢၼ်ႁဵတ်းၵတိသႅတ်ႈၸႃႇၼၼ်ႉသေလႄႈမႃးၸူးၵႃႈတီႈဢၼ်ထႃႇဝရႃႉၽြႃးတၵ်းလိူၵ်ႇၵဵပ်းဢဝ်ၼၼ်ႉတႃႉ။
၂၇ ဢဝ်ယိၸ်ႉဢၼ်ၸုတ်ႇၽႆးဢၼ်ပဵၼ်ၼိူဝ်ႉမၼ်းတင်းလိူတ်ႈမၼ်းပုၵ်ႉၸေႃႇၵႃႈၼိူဝ်ယိၸ်ႉပလၢင်ႇထႃႇဝရႃႉၽြႃးၽြႃးပဵၼ်ၸဝ်ႈသူတႃႉ။လိူတ်ႈတူဝ်ယိၸ်ႉၼၼ်ႉၸိုင်တၵ်းလႆႈဢဝ်သွၼ်းလေႃႇၵႃႈၼိူဝ်ယိၸ်ႉပလင်ထႃႇဝရႃႉၽြႃးၽြႃးပဵၼ်ၸဝ်ႈလႄႈၼိူဝ်ႉမၼ်းၼၼ်ႉၸိုင်သူတၵ်းလႆႈၵိၼ်ဢေႃႈ။
၂၈ လွင်ႈၼင်ႇႁိုဝ်ၸႃႉၸဵမ်လုၵ်ႈလၢင်းသူလိုၼ်းသူသိုပ်ႇသိုပ်ႇတၢမ်ႈတၢမ်ႈၸိူဝ်းၼၼ်ႉတၵ်းလႆႈလီလႆႈပဵၼ်ၼႂ်းမိုဝ်းဢၼ်သူႁဵတ်းသူသၢင်ႈလွင်ႈတၢင်းဢၼ်လီလႄႈထုၵ်ႇတႃထႃႇဝရႃႉၽြႃးၽြႃးပဵၼ်ၸဝ်ႈသူၼၼ်ႉၸိုင်ထွမ်ႇဢဝ်လႄႈပႂ်ႉၵမ်ပႂ်ႉၸွမ်းၵႂၢမ်းၵႃႈဢၼ်ၵဝ်သင်ႇလၢတ်ႈဝႆႉတီႈသူၼၼ်ႉတႃႉ။
၂၉ မိူဝ်ႈဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူတီႇၽဵဝ်ႈၵူၼ်းမဵဝ်းတင်းလၢႆသေၵႃႈတီႈၽၢႆႇၼႃႈသူၵႃႈတီႈမိူင်းဢၼ်သူတၵ်းလႆႈၵႂႃႇလႄႈၶဝ်ႈၸၢမ်ႇၸႃးဢုပ်ႉပိူင်ႇၶဝ်သေလႄႈယူႇၵႃႈၼႂ်းမိူင်းၶဝ်ၼၼ်ႉၸိုင်
၃၀ ၼင်ႇႁိုဝ်တူဝ်သူဢမ်ႇလႆႈထုၵ်ႇႁဵဝ်ႉထုၵ်ႇၶိုမ်းၸွမ်းၶဝ်ဢၼ်လူႉလႅဝ်ၵႃႈတီႈၽၢႆႇၼႃႈသူယဝ်ႉၼၼ်ႉၸိုင်ယႃႇပတွငေ်ႈထၢမ်လူၺ်ႈလွင်ႈၽြႃးၶဝ်ဝႃႈ၊-ၵူၼ်းမဵဝ်းၸိူဝ်းၼႆႉႁဵတ်းဝၢတ်ႈတီႈၽြႃးၶဝ်ၸိူဝ်ႉၼင်ႇႁိုဝ်။ႁဝ်းၵေႃႈတၵ်းႁဵတ်းၸိူဝ်ႉၼင်ႇၼၼ်ႉဢေႃႈ၊ဝႃႈၼင်ႇၼႆၼၼ်ႉ။
၃၁ သူဢမ်ႇလႆႈယိူင်ႈၶဝ်လႄႈႁဵတ်းဝၢတ်ႈတီႈထႃႇဝရႃႉၽြႃးၽြႃးပဵၼ်ၸဝ်ႈသူ။ၶဝ်ၼၼ်ႉႁဵတ်းၵႃႈဢၼ်ထႃႇဝရႃႉၽြႃးလီႁင်ႈဢဵတ်ႇသဵတ်ႇၼၼ်ႉၵႃႈတီႈၽြႃးၶဝ်ၸိူဝ်းၼၼ်ႉယဝ်ႉ။တေႃႈၵႃႈၶဝ်ယင်းဢဝ်လုၵ်ႈၸၢႆးၶဝ်လုၵ်ႈယိင်းၶဝ်ၸုတ်ႇၽႆးပုၵ်ႉၸေႃႇတီႈၽြႃးၶဝ်ၼၼ်ႉဢေႃႈ။
၃၂ ဢွၼ်ၵၼ်ပႂ်ႉၸွမ်းႁႂ်ႈလႆႈၵမ်ၵျၢင်ႉၵႃႈဢၼ်ၵဝ်သင်လၢတ်ႈဝႆႉတီႈသူၸိူဝ်းၼၼ်ႉတႃႉ။သူဢမ်ႇလႆႈထၢပ်ႈလႄႈသႂ်ႇထႅင်ႈ။သူဢမ်ႇလႆႈၼုၵ်ႈလႄႈဢဝ်ဢွၵ်ႇပႅတ်ႈ။