Chapter
၉
ဢမ်ႇၸႂ်ႈၵွပ်ႈပိူဝ်ႈတၢင်းသိုဝ်ႈတေႃႇသူ
၁ မဵဝ်းဢိသရလေဢူၺ်း။ထွမ်ႇငိၼ်းတႃႉ။ဝၼ်းမိူဝ်ႈၼႆႉသူၸမ်တၵ်းၶၢမ်ႈၼမ်ႉႁွင်ႊယေႃးတၢၼ်ႇၵႂႃႇႁႂ်ႈလႆႈၶဝ်ႈတိုၵ်းဢဝ်ၵူၼ်းမဵဝ်းဢၼ်ႁႅင်းယႂ်ႇၼႃႇလႄႈၼမ်ၼႃႇသေသူဝဵင်းလူင်ဢၼ်မီးလမ်းဝဵင်းလူင်ဢၼ်ၶိုတ်းထိုင်ၽႃႉၵၢင်ႁၢဝ်
၂ ၵူၼ်းမဵဝ်းဢၼ်ယႂ်ႇၼႃႇသုင်ၼႃႇဢၼ်ဝႃႈၵူၼ်းမဵဝ်းဢႃႇၼၵဢၼ်သူယၢမ်ႈႁူႉယၢမ်ႈငိၼ်းၵႂၢမ်းဢၼ်ဝႃႈၽူႈလႂ်တၵ်းၸုၵ်းၶၢမ်ႇၵႃႈတီႈၽၢႆႇၼႃႈၵူၼ်းမဵဝ်းဢႃႇၼၵလႆႈဝႃႈၼင်ႇၼႆယူႇယဝ်ႉ။
၃ ၵူၺ်းၵႃႈဝၼ်းမိူဝ်ႈၼႆႉဢွၼ်ၵၼ်တူၵ်းၵၢင်ၸႂ်ႁူႉဝႃႈထႃႇဝရႃႉၽြႃးၽြႃးပဵၼ်ၸဝ်းသူပဵၼ်ၸဝ်ႈဢၼ်တၵ်းဢွၼ်ႁူဝ်သူၵႂႃႇမိူၼ်ၸိူဝ်ႉၼင်ႇၽႆးဢၼ်မႆႈယူႇၼၼ်ႉလႄႈတၵ်းယႃႉၽဵဝ်ႈၶဝ်ႈပႅတ်ႈလႄႈၶျူးၶဝ်တူၵ်းတီႈတႅမ်ႇသိုဝ်ႈၼႃႈတႂ်ႈတႃသူၼၼ်ႉတႃႉ။သူတၵ်းလႆႈႁေႃႈၶဝ်ဢွၵ်ႇပႅတ်ႈသေလႄႈယႃႉၽဵဝ်ႈၶဝ်ပႅတ်ႈၶၼ်ၶၼ်ၽႂ်းၽႂ်းၸွမ်ႈၵႃႈၼင်ႇဢၼ်ထႃႇဝရႃႉၽြႃးမီးဢမိင်ႉတီႈသူၼၼ်ႉဢေႃႈ။
၄ လိုၼ်းသထေႃႇဝရႃႉၽြႃးၽြႃးပဵၼ်ၸဝ်ႈသူႁေႃႈၶဝ်ဢွၵ်ႇပႅတ်ႈသေၵႃႈတီႈၽၢႆႇၼႃႈသူၼၼ်ႉသူဢမ်ႇလႆႈလၢတ်ႈၵႃႈၼႂ်းၸႂ်သူဝႃႈ၊-ၵွပ်ႈပိူဝ်ႈတၢင်းသိုဝ်ႈတေႃႇႁဝ်းလႄႈထႃႇဝရႃႉၽြႃးဢဝ်ႁဝ်းမႃးႁႂ်ႈလႆႈဢုပ်ႉပိူင်ႈမိူင်းၼႆႉဢေႃႈ။ၵွပ်ႈပိူဝ်ႈလွင်ႈတၢင်းဢၼ်ႁၢႆႉဢၼ်ႁူၵ်ႉၵူၼ်းမဵဝ်းၸိူဝ်းၼၼ်ႉလႄႈထႃႇဝရႃႉၽြႃးႁေႃႈၶဝ်ဢွၵ်ႇပႅတ်ႈသေၵႃႈတီႈၽၢႆႇၼႃႈႁဝ်းယဝ်ႉ၊ဝႃႈၼင်ႇၼႆလႃးလႃး။
၅ ၵွပ်ႈပိူဝ်ႈတၢင်းသိုဝ်ႈတေႃႇဢၼ်သူႁဵတ်းၵွပ်ႈပိူဝ်ႈၸႂ်သၽေႃးဢၼ်သိုဝ်ႈယူဝ်းသူၼၼ်ႉလႄႈသူလႆႈၵႂႃႇၶဝ်ႈၸၢမ်ႇၸႃးမိူင်းၼၼ်ႉဢမ်ႇၸႂ်ႈ။ပဵၼ်ၵွပ်ႈပိူဝ်ႈလွင်ႈတၢင်းဢၼ်ႁၢႆႉဢၼ်ႁူၵ်ႉၵူၼ်းမဵဝ်းၸိူဝ်ႉၼၼ်ႉလႄႈထႃႇဝရႃႉၽြႃးၽြႃးပဵၼ်ၸဝ်ႈသူၸင်ႇႁေႃႈၶဝ်ဢွၵ်ႇပႅတ်ႈသေၵႃႈတီႈၽၢႆႇၼႃႈသူလႄႈႁႂ်ႈၵႂၢမ်းဢၼ်ထႃႇဝရႃႉၽြႃးတိူင်ႇဝႃႈဝႆႉတီႈပူႇမွၼ်ႇသူဢႃႇပႃႉႁမ်၊ဢိၸၵ်ႉ၊ယႃႇၵုပ်ႉၸိူဝ်းၼၼ်ႉတေႇပဵၼ်ဢေႃႈ။
၆ ပိူဝ်ႈၼႆလႄႈတူၵ်းၵၢင်ၸႂ်ဝႃႈထႃႇဝရႃႉၽြႃးၽြႃးပဵၼ်ၸဝ်ႈသူဢဝ်မိူင်းဢၼ်လီဢၼ်ငၢမ်းၼၼ်ႉပၼ်တီႈသူႁႂ်ႈသူပိုင်ႇၵွပ်ႈပိူဝ်ႈတၢင်းသိုဝ်ႈတေႃႇသူဢမ်ႇၸႂ်ႈၼၼ်ႉတႃႉ။လွင်ႈမၼ်းၸမ်းသူပဵၼ်ၵူၼ်းမဵဝ်းဢမ်လမ်းၶေႃးၵႅၼ်ႇၶႅင်ဢေႃႈ။
ဝူဝ်းၶမ်း
၇ ၶုၵ်းၸႂ်လႆၶႆႈၸႂ်ထူပ်းတႃႉ။ယႃႇပလေူင်ပလေိုမ်းလွင်ႈဢၼ်သူႁဵတ်းႁႂ်ႈတင်းၸႂ်မႆႉၶႂ်ႈၸႃႉထႃႇဝရႃႉၽြႃးၽြႃးပဵၼ်ၸဝ်ႈသူလႆႈဢွၵ်ႇၵႃႈၼႂ်းထိူၼ်ႇၼၼ်ႉ။ၸႃႉၸဵမ်ဝၼ်းဢၼ်သူဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃးတေႃႇထိုင်ႁွတ်ႈၵႃႈတီႈၼႆႉသူလုၵ်ႉၽိုၼ်ႉထႃႇဝရႃႉၽြႃးမႃးယဝ်ႉ။
၈ ၵႃႈတီႈႁေႃႇရပ်ႉၼၼ်ႉၵေႃႈသူႁႂ်ႈတၢင်းၸႂ်မႆႈၶႆႈၸႃႉထႃႇဝရႃႉၽြႃးဢွၵ်ႇလႄႈမၼ်းၸဝ်ႈၸႂ်မႆႈၶႂ်ႈၸႃႉထၼ်ႈပေႃးငႃတၵ်းယႃႉၽဵဝ်ႈသူပႅတ်ႈဢေႃႈ။
၉ မိူဝ်ႈဢၼ်ၵဝ်ၶိုၼ်ႈၵႃႈၼိူဝ်လွႆႁႂ်ႈလႆႈၶၢမ်ႇဢဝ်ၶႅပ်းမၢၵ်ႇႁိၼ်ဢၼ်တႅမ်ႈသႂ်ႇပတိၺိၼ်ႇတြႃးဢၼ်ထႃႇဝရႃႉၽြႃးႁဵတ်းလူၺ်ႈၵၼ်တင်းသူၼၼ်ႉၸိုင်သီႇသိပ်းဝၼ်းသီႇသိပ်းၶိုၼ်းတဵမ်တဵမ်ၵဝ်ယင်းဢမ်ႇၵိၼ်ၶဝ်ႈမုၼ်းဢမ်ႇၵိၼ်ၼမ်ႉလႄႈယူႇၵႃႈၼိူဝ်လွႆၼၼ်ႉဢေႃႈ။
၁၀ ထႃႇဝရႃႉၽြႃးဢဝ်ၶႅပ်းမၢၵ်ႇႁိၼ်သွင်ၽႅၼ်ႇဢၼ်ထႃႇဝရႃႉၽြႃးပဵၼ်ၸဝ်ႈဢဝ်တင်းၼိဝ်ႉမိုဝ်းမၼ်းၸဝ်ႈတႅမ်ႈသႂ်ႇၼၼ်ႉဢၢပ်ႈပၼ်တီႈၵဝ်ဢေႃႈ။ၵႃႈၼိူဝ်သွင်ႇၽႅၼ်ႇၼၼ်ႉတႅမ်ႈဝႆႉၵႂၢမ်းၵႃႈဢၼ်ထႃႇဝရႃႉၽြႃးဝႃႈဢွၵ်ႇသူပ်းသေၵႃႈၼႂ်းၽႆးၵႃႈၼိူဝ်လွႆၼႂ်းဝၼ်းဢၼ်သူၸူႉၵၼ်တုမ်ၵၼ်ယူႇၼၼ်ႉဢေႃႈ။
၁၁ မိူဝ်ႈဢၼ်ၸေးသီႇသိပ်းဝၼ်းသီႇသိပ်းၶိုၼ်းယဝ်ႉၼၼ်ႉၸိုင်ထႃႇဝရႃႉၽြႃးဢဝ်ၶႅပ်းမၢၵ်ႇႁိၼ်သွင်ၽႅၼ်ႇဢၼ်ဝႃႈၶႅပ်းမၢၵ်ႇႁိၼ်ပတိၺိၼ်ႇၸိူဝ်းၼၼ်ႉဢၢပ်ႈပၼ်တီႈၵဝ်သေယဝ်ႉထႃႇဝရႃႉၽြႃးမီးဢမိင်ႉတီႈၵဝ်လႄႈဝႃႈ၊-မႂ်းလုၵ်ႉလႄႈလူင်းသေၵႃႈတီႈၼႆႉၵႂႃႇၶၼ်ၶၼ်ၽႂ်းၽႂ်းတႃႉ။
၁၂ ၵူၼ်းဢၼ်မႂ်းၼုၵ်ႈဢဝ်ဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃးၸိူဝ်းၼၼ်ႉဢွၼ်ၵၼ်ၶိုၼ်းၽွၵ်ႈပျၢၼ်ႇၵႂႃႇယဝ်ႉ။ၶဝ်ပိူင်ႈသေၵႃႈၼႂ်းသဵၼ်ႈတၢင်းဢၼ်ၵဝ်သင်ႇလၢတ်ႈဝႆႉၼၼ်ႉၵႂႃႇၶၼ်ၶၼ်ၽႂ်းၽႂ်းလႄႈလေႃႇႁဵတ်းရုၵ်ႉထူႉယဝ်ႉ၊ဝႃႈၼင်ႇၼႆဢေႃႈ။
၁၃ ထႃႇဝရႃႉၽြႃးသမ်ႉလၢတ်ႈတီႈၵဝ်လႄႈဝႃႈ၊-ၵဝ်တူၺ်းလႄႈလႆႈႁၼ်ၵူၼ်းမဵဝ်းၼႆႉယဝ်ႉ။တူၺ်းလူ။ပဵၼ်မဵဝ်းဢၼ်လမ်းၶေႃးၵႅၼ်ႇၶႅင်ဢေႃႈ။
၁၄ ပိူဝ်ႈၼႆလႄႈယႃႇၵဝ်တႃႉ။ၵဝ်တၵ်းယႃႉၽဵဝ်ႈၶဝ်ပႅတ်ႈလႄႈထုပ်ႉမွတ်ႇၼႃႇမႃႉၸိုဝ်သဵင်ၶဝ်ပႅတ်ႈသေၵႃႈတႂ်ႈၽႃႉၵၢင်ႁၢဝ်ဢေႃႈ။
၁၅ မႂ်းၸမ်းၵဝ်တၵ်းႁႂ်ႈပဵၼ်မဵဝ်းဢၼ်ႁႅင်းယႂ်ႇၼႃလႄႈၼမ်ၵိုၼ်းၼႃႇသေၶဝ်ၼၼ်ႉဢေႃႈ၊ဝႃႈၼင်ႇၼႆဢေႃႈ။မိူဝ်ႈၼၼ်ႉၵဝ်ဝၢႆႇၶိုၼ်းလႄႈလူင်းၵႃႈၼိူဝ်လွႆမႃးလႄႈလွႆၼၼ်ႉမႆႈၽႆးယူႇဢေႃႈ။ၶႅပ်းမၢၵ်ႇႁိၼ်ပတိၺိၼ်ႇသွင်ၽႅၼ်ႇၼၼ်ႉၵေႃႈမီးယူႇၵႃႈတီႈၼႂ်းမိုဝ်းၵဝ်သွင်ၽၢႆႇဢေႃႈ။
၁၆ ၵဝ်တူၺ်းလႄႈလႆႁၼ်လွင်ဢၼ်သူၽိတ်းပိူင်ႈထႃႇဝရႃႉၽြႃးၽြႃးပဵၼ်ၸဝ်ႈသူလႄႈသွၼ်းလေႃႇႁၢင်ႊရူၵ်ႉထူႉဝူဝ်းဢွၼ်ႇဢိၵ်ႇတင်းလွင်ႈဢၼ်သူပိူင်ႈသဵၼ်ႈတၢင်းဢၼ်ထႃႇဝရႃႉၽြႃးသင်ႇလၢတ်ႈဝႆႉတီႈသူၼၼ်ႉၵႂႃႇၶၼ်ၶၼ်ၽႂ်းၽႂ်းၼၼ်ႉၸိုင်ၵဝ်ဢဝ်ၶႅပ်းမၢၵ်ႇႁိၼ်သွင်ႇၽႅၼ်ႇၼၼ်ႉဝုတ်ႉပႅတ်ႈသေၵႃႈၼႂ်းမိုဝ်းၵဝ်သွင်ၶွၼ်လႄႈႁၢၵ်းႁိၵ်းပႅတ်ႈသေၵႃႈတီႈသိုဝ်ႈၼႃႈတႂ်ႈတႃသူဢေႃႈ။
၁၇ ၵဝ်သမ်ႉၶိုၼ်းလႆႈၶုပ်ႉမူပ်ႇယူႇၵႃႈတီႈၽၢႆႇၼႃႈထႃႇဝရႃႉၽြႃးသီႇသိပ်းဝၼ်းသီႇသိပ်းၶိုၼ်းမိူၼ်ၸိူဝ်ႉၼင်ႇၵမ်းဢွၼ်တၢင်းၼၼ်ႉယင်းဢမ်ႇၵိၼ်ၶဝ်ႈမုၼ်းယင်းဢမ်ႇၵိၼ်ၼမ်ႉလႄႈယူႇ
၁၈ ၵွပ်ႈပိူဝ်ႈဢပျဵတ်ႈဢၼ်သူၽိတ်းပိူင်ႈၼႂ်းလွင်ႈတၢင်းဢၼ်သူႁဵတ်းတူႉၸရိူၵ်ႈၵႃႈတီႈၽၢႆႇၼႃႈထႃႇဝရႃႉၽြႃးႁဵတ်းႁႂ်ႈတၢင်းၸႂ်မႆႈၶႂ်ႈၸႃႉမၼ်းၸဝ်ႈလႆႈဢွၵ်ႇၼၼ်ႉဢေႃႈ။
၁၉ လွင်ႈမၼ်းၸမ်းၵဝ်ၵူဝ်ႁတေၢင်းၸႂ်မႆႈၶႂ်ႈၸႃႉဢိၵ်ႇတင်းတၢင်းဢၼ်ဢမ်ႇထုၵ်ႇၸႂ်ၵျိုၵ်ႈၸႂ်ဢၼ်မႆႈႁႅင်းၼႃႇဢၼ်ထႃႇဝရႃႉၽြႃးဢွၵ်ႇႁႅင်းယႂ်ႇၼႃႇလူင်လၢင်တီႈသူႁႂ်ႈလႆႈယႃႉၽဵဝ်ႈသူပႅတ်ႈၼၼ်ႉဢေႃႈ။ၵူၺ်းၵႃႈထႃႇဝရႃႉၽြႃးသမ်ႉထွမ်ႇဢဝ်ၵႂၢမ်းၵဝ်ပွၵ်ႈၼၼ်ႉထႅင်ႈဢေႃႈ။
၂၀ ၵွပ်ႈပိူဝ်ႈဢၼ်ထႃႇဝရႃႉၽြႃးၸႂ်မႆႈၶႂ်းၸႃႉတီႈဢႃႇရူၼ်ႇႁႅင်းၼႃႇလူင်လၢင်လႄႈႁႂ်ႈလႆႈယႃႉၽဵဝ်ႈမၼ်းပႅတ်ႈလႄႈပုၼ်ႈဢႃႇရူၼ်ႇၵေႃႈၵဝ်လႆႈသူးတွင်းၶိင်ႇမိူဝ်ႈလဵဝ်ၵၼ်တင်းၼၼ်ႉဢေႃႈ။
၂၁ ၵဝ်ဢဝ်တူႉၸရိူၵ်ႈသူဢၼ်ပဵၼ်ဝူဝ်းဢွၼ်ႇဢၼ်သူႁဵတ်းၼၼ်ၽဝ်ၽႆးလႄႈထုပ်ႉတမ်ၶိုတ်ႈလႅဝ်ႁႂ်ႈပဵၼ်မုၼ်ႈပဵၼ်ၽွင်သေယဝ်ႉဢဝ်မုၼ်ႈဢဝ်ၽွင်မၼ်းၶျူႉတူၵ်းပႅတ်ႈၵႃႈၼႂ်းၼမ်ႉႁွင်ႊဢၼ်ဢွၵ်ႇၵႃႈၼႂ်းလွႆလူင်းမႃးၼၼ်ႉဢေႃႈ။
၂၂ ၵႃႈတီႈတပေႇရဢိၵ်ႇတင်းၵႃႈတီႈမတ်ႉသႃႇတင်းၵႃႈတီႈၵိပၢတ်ႉႁတ်ႉတဝႃႇၵေႃႈသူဢွၼ်ၵၼ်ႁဵတ်းႁႂ်ႈတင်းၸႂ်မႆႈၶႂ်းၸႃႉထႃႇဝရႃႉၽြႃးဢွၵ်ႇဢေႃႈ။
၂၃ မိူဝ်ႈဢၼ်ထႃႇဝရႃႉၽြႃးပွႆႇၸႂ်ႉသူဢွၵ်ႇသေၵႃႈတီႈၵႃႇတေႇသပႃႇၼႃႇၼၼ်ႉမၼ်းၸဝ်ႈလၢတ်ႈဝႃႈ၊-ၶိုၼ်ႈၵႂႃႇလႄႈသိမ်းဢဝ်မိူင်းဢၼ်ၵဝ်ပၼ်တီႈသူၼၼ်ႉတႃႉ၊ဝႃႈၼင်ႇၼႆၼၼ်ႉၸိုင်ႈသူဢွၼ်ၵၼ်တွပ်ႇထဵင်ဢမိင်ႉထႃႇဝရႃႉၽြႃးၽြႃးပဵၼ်ၸဝ်ႈသူပႅတ်ႈဢေႃႈ။သူယင်းဢမ်ႇယုမ်ႇမၼ်းၸဝ်ႈယင်းဢမ်ႇထွမ်ႇဢဝ်ၵႂၢမ်းမၼ်းၸဝ်ႈလႄႈယူႇဢေႃႈ။
၂၄ သူပုင်ႇၵၢၼ်ႇထႃႇဝရႃႉၽြႃးၸႃႉၸဵမ်မိူဝ်ႈဝၼ်းဢၼ်ၵဝ်ႁူႉၸၵ်းသူၼၼ်ႉမႃးယဝ်ႉ။
၂၅ ၼင်ႇၼၼ်လႄႈၵဝ်လႆႈၶုပ်ႉမူပ်ႇသီႇသိပ်းဝၼ်းသီႇသိပ်းၶိုၼ်းၵွပ်ႈပိူဝ်ႈဢၼ်ထႃႇဝရႃႉၽြႃးမီးဢမိင်ႉလႄႈဝႃႈတၵ်းယႃႉၽဵဝ်ႈသူပႅတ်ႈဢေႃႈ၊ဝႃႈၼင်ႇၼၼ်ၼၼ်ႉဢေႃႈ။
၂၆ ၵဝ်သူးတွင်းတီႈထႃႇဝရႃႉၽြႃးလႄႈလဝ်ႈဝႃႈ၊-ဢူဝ်းၸဝ်ႈၽြႃးပဵၼ်ၸဝ်ႈ၊ၶႅၼ်းတေႃႈယႃႇပေယႃႉၽဵဝ်ႈၵူၼ်းမဵဝ်းၸဝ်ႈႁဝ်းဢၼ်ပဵၼ်ဢမူၺ်ႇဢုၵ်ႉၸႃႇၸဝ်ႈႁဝ်းဢၼ်ၸဝ်ႈႁဝ်းဢဝ်တင်းတၼ်းၶူဝ်းၸဝ်ႈႁဝ်းထုတ်ႇဢဝ်လႄႈဢဝ်တင်းမိုဝ်းၸဝ်ႈႁဝ်းဢၼ်ႁႅင်းယႂ်ႇၼႃႇၼုၵ်ႈဢဝ်ဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃးၸိူဝ်းၼႆႉပႅတ်ႈသေၵမ်းၶႃႈ။
၂၇ ၶႅၼ်းတေႃႈၶုၵ်းၸႂ်လႆႈၶႆႈၸႂ်ထူပ်းၶႃႈႁဝ်းဢႃႇပႃႉႁမ်ႇ၊ဢိၸၵ်ႉတင်းယႃႇၵုပ်ႉၸိူဝ်းၼၼ်ႉသေၵမ်းၶႃႈ။ၶႅၼ်းတေႃႈယႃႇပေတူၺ်းမၢတ်ႈတင်းဢၼ်ၵူၼ်းမဵဝ်းၼႆႉမီးၸႂ်သၽေႃးဢၼ်ၵႅၼ်ႇဢၼ်ၶႅင်တၢင်းဢၼ်ၶဝ်ဢၼ်ၽိတ်းပိူင်ႈမႅၼ်ႈဢပျႅတ်ႈတူႉၸရိူၵ်ႈၶဝ်ၸိူဝ်းၼၼ်ႉသေၵမ်းတီႈၶႃႈ။
၂၈ ၵူဝ်မိူင်းဢၼ်ၸဝ်ႈႁဝ်းၼုၵ်ႈဢဝ်ၶႃႈၸဝ်ႈႁဝ်းၶဝ်ဢွၵ်ႇမႃးၼၼ်ႉတၵ်းလၢတ်ႈလႄႈဝႃႈ၊-ၵွပ်ႈပိူဝ်ႈဢၼ်ထႃႇဝရႃႉၽြႃးဢမ်ႇတတ်ႈၼိုင်ႇလႆႈႁႂ်ႈလႆႈဢဝ်ၶဝ်ၶဝ်ႈၵႃႈၼႂ်းမိူင်းဢၼ်မၼ်းၸဝ်ႈဝႆႉၵတိတီႈၶဝ်ၼၼ်ႉဢိၵ်ႇတင်းၵွပ်ႈပိူဝ်ႈဢၼ်မၼ်းၸဝ်ႈၸင်းၶဝ်လႄႈ၊မၼ်းၸဝ်ႈဢဝ်ၶဝ်ဢွၵ်ႇၵႂႃႇႁႂ်ႈလႆႈဢဝ်ၶဝ်တၢႆၵႃႈတီႈၼႂ်းထိူၼ်ႇယဝ်ႉ၊ဝႃႈၼႆတီႈၶႃႈလူင်ပေႇ။
၂၉ ၶဝ်ၸိူဝ်းၼႆႉၸမ်းပဵၼ်ၵူၼ်းၸဝ်ႈႁဝ်းဢမူၺ်ႇဢုၵ်ႉၸႃႇၸဝ်ႈႁဝ်းဢၼ်ၸဝ်ႈႁဝ်းဢဝ်တင်းမႁႃႇတၼ်းၶူဝ်းၸဝ်ႈဢိၵ်ႇတင်းဢၼ်ယဵတ်ႇၶႅၼ်ၸဝ်ႈသေလႄႈၼုၵ်ႈဢဝ်ဢွၵ်ႇမႃးတီႈၶႃႈဢေႃႈ၊ဝႃႈၼင်ႇၼႆဢေႃႈ။