Chapter
၈
ယႃႇပေလိုမ်းၽြႃးပဵၼ်ၸဝ်ႈ
၁ လွင်ႈၼင်ႇႁိုဝ်သူဢသၢၵ်ႈတၵ်းလိပ်းလႄႈယႂ်ႇၽေၼမ်ၵိုၼ်းမႃးဢိၵ်ႇတင်းလွင်ႈၼင်ႇႁိုဝ်သူတၵ်းလႆႈၶဝ်ႈလႄႈၸၢမ်ႇၸႃးမိူင်းဢၼ်ထႃႇဝရႃႉၽြႃးတိူင်ႇဝႃႈဝႆႉတီႈပူႇမွၼ်ႇသူၸိူဝ်းၼၼ်ႉၸိုင်သူတၵ်းလႆႈႁဵတ်းသတိႁႂ်ႈပႂ်ႉၵမ်ပႂ်ႉၸွမ်းပိင်းၺၢပ်ႈတြႃးၵူႈၸိူဝ်ႉၵူႈပိူင်ဢၼ်ၵဝ်သင်ႇလၢတ်ႈဝႆႉတီႈသူဝၼ်းမိူဝ်ႈၼႆႉၼၼ်ႉဢေႃႈ။
၂ သူတၵ်းလႆႈၶုၵ်းၸႂ်လႆႈၶႆႈၸႂ်ထူပ်းသဵၼ်ႈတၢင်းသုတ်းသုတ်းသဵင်ႈသဵင်ႈဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူဢဝ်သူသူင်ႇၵႃႈၼႂ်းထိူၼ်ႇသီႇသိပ်းပီႊဢၼ်ပူၼ်ႉမႃးယဝ်ႉၼႆႉႁႂ်ႈလႆႈၶျူးသူတူၵ်းတီႈတႅမ်ႇသေလႄႈၸၢမ်းတူၺ်းသူႁႂ်ႈႁူႉလွင်ႈဢၼ်ၸွင်ႇသူမီးၸႂ်ဢၼ်ၶႂ်ႈပႂ်ႉၶႂ်ႈၵမ်လွင်ႈပိင်းၺၢပ်ႈမၼ်းၸဝ်ႈတင်းလၢႆႁိုဝ်ဢမ်ႇမီးႁိုဝ်ၼၼ်ႉဢေႃႈ။
၃ ၼင်ႇၼၼ်လႄႈမၼ်းၸဝ်ႈၶျႃးသူတူၵ်းတီႈတႅမ်ႇလႄႈပၼ်ႁႂ်ႈသူၶၢမ်ႇဢိုပ်းၶၢမ်ႇယၢၵ်ႈသေယဝ်ႉဢဝ်မၼ်ႇၼႃႉဢၼ်သူဢမ်ႇႁူႉဢၼ်ပူႇမွၼ်ႇသူဢမ်ႇတွၼ်ႉႁူႉၼၼ်ႉလဵင်ႉလူသူႁႂ်ႈသူလႆႈႁူႉလွင်ႈဢၼ်ၵူၼ်းတၵ်းလႆႈဢဝ်ၶဝ်ႈမုၼ်းလဵင်ႉၸႂ်ၵူၺ်းဢမ်ႇၸႂ်ႈ။တၵ်းလႆႈဢဝ်တင်းၵႃႈၼင်ႇဢၼ်ၽြႃးပဵၼ်ၸဝ်ႈလၢတ်ႈဝႆႉၼၼ်ႉလဵင်ႉၸႂ်ၼၼ်ႉဢေႃႈ၊ဢၼ်ဝႃႈၼၼ်ႉဢေႃႈ။
၄ ၼႂ်းသီႇသိပ်းပီႊပူၼ်ႉမႃးယဝ်ႉ၊ၶူဝ်းၼုင်ႈဢၼ်သူၼုင်ႈမႆၼၼ်ႉယင်းဢမ်ႇၵဝ်ႇဢမ်ႇမွင်။တိၼ်သူၵေႃႈဢမ်ႇၵႂ်ဢမ်ႇပွင်း။
၅ သူတၵ်းလႆႈၶႆႈၸႂ်ဝူၼ်ႉၸႂ်လူၺ်ႈလွင်ႈဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူသင်ႇသွၼ်သုင်းမႃႉသူမိူၼ်ၸိူဝ်ႉၼင်ႇပေႃႈသင်ႇသွၼ်သုင်းမႃႉလုၵ်ႈၸၢႆးမၼ်းၼၼ်ႉဢေႃႈ။
၆ ပိူဝ်ႈၼႆလႄႈသူတၵ်းလႆႈပႂ်ႉၵမ်ပႂ်ႉၸွမ်းပိင်းၺၢပ်ႈထႃႇဝရႃႉၽြႃးၽြႃးပဵၼ်ၸဝ်ႈသူႁႂ်ႈလႆႈၸွမ်းသဵၼ်ႈတၢင်းမၼ်းၸဝ်ႈၵႃႈမီးၼၼ်ႉလႄႈရူဝ်ႇသေႇၵူဝ်ယမ်မၼ်းၸဝ်ႈဢေႃႈ။
၇ လွင်ႈမၼ်းၸမ်းထႃႇဝရႃႉၽြႃးၽြႃးပဵၼ်ၸဝ်ႈသူၼၼ်ႉဢဝ်သူသူင်ႇၵႃႈတီႈမိူင်းဢၼ်လီဢၼ်ငၢမ်းမိူင်းဢၼ်တဵမ်ဝႆႉတင်းၼမ်ႉႁွင်ႊၼမ်ႉၵေးၼမ်ႉဢွၵ်ႇႁူးၼမ်ႉႁွင်ႊဢၼ်ဢွၵ်ႇၵႃႈၼႂ်းႁူၺ်ႈၼႂ်းလွႆမိူင်းဢၼ်တဵမ်ဝႆႉတင်းၶဝ်ႈၵျူင်ႇၶဝ်ႈမူႉယေႃးတူၼ်ႈမၢၵ်ႇၸပိတ်ႉတူၼ်ႈမၢၵ်ႇလိူဝ်ႇသၢင်းၽေႃး
၈ တူၼ်ႈမၢၵ်ႇၸင်ႈမိူင်းဢၼ်တဵမ်ဝႆႉတင်းၼမ်ႉမၼ်းသၼ်ႇလုၼ်ႇတင်းၼမ်ႉၽိုင်ႈမိူင်းဢၼ်ယင်းဢမ်ႇလူဝ်ႇၵႃႈသင်ထႅင်ႈလႃးလႃးလႄႈ
၉ လႆႈၵိၼ်ဢိမ်ႇၵိၼ်တဵမ်မိူင်းဢၼ်တဵမ်ဝႆႉတင်းမၢၵ်ႇႁိၼ်လဵၵ်းလႄႈလႆႈၶုတ်ႇဢဝ်တွင်းလႅင်ၵႃႈၼႂ်းလွႆၼၼ်ႉဢေႃႈ။
၁၀ မိူဝ်ႈဢၼ်သူၵိၼ်ဢိမ်ၵိၼ်တဵမ်ၼၼ်ႉၸိုင်ယွင်ႈယေႃးထႃႇဝရႃႉၽြႃးၽြႃးပဵၼ်ၸဝ်ႈသူၵွပ်ႈပိူဝ်ႈမိူင်းဢၼ်လီဢၼ်ငၢမ်းဢၼ်မၼ်းၸဝ်းဢိတ်းလူပၼ်တီႈသူၼၼ်ႉတႃႉ။
၁၁ ႁဵတ်းသတိသေလႄႈယႃႇပေႁႂ်ႈလူင်လိုမ်းထႃႇဝရႃႉၽြႃးၽြႃးပဵၼ်ၸဝ်ႈသူၼႂ်းလွင်ႈတၢင်းဢၼ်သူဢမ်ႇပႂ်ႉဢမ်ႇၵမ်ၸွမ်းပိင်းၺၢပ်ႈၽြႃးပဵၼ်ၸဝ်ႈဢိၵ်ႇတင်းၼႂ်းလွင်ႈတၢင်းဢၼ်မၼ်းၸဝ်ႈၸီႇယင်ႇဝႆႉတင်းထုင်းၽိင်ႈတြႃးတင်းလၢႆဢၼ်ၵဝ်သင်ႇလၢတ်ႈဝႆႉတီႈသူဝၼ်းမိူဝ်ႈၼႆႉၸိူဝ်းၼၼ်ႉ။
၁၂ ပေႃးဢမ်ႇၼၼ်မိူဝ်ႈဢၼ်သူလႆႈၵိၼ်ဢိမ်ႇၵိၼ်တဵမ်လႆႈႁဵတ်းႁိူၼ်းႁဵတ်းယေးဢၼ်လီဢၼ်ငၢမ်းၽုင်ဝူဝ်းၽုင်သူဝ်းသူယႂ်ႇၽေၼမ်ၵိုၼ်းမႃး
၁၃ ငိုၼ်းၶမ်းသူယႂ်ႇၽေၼမ်ၵိုၼ်းမႃးဢုၵ်ႇၸႃႇၶူဝ်းလဵင်းသူယႂ်ႇၽေၼမ်ၵိုၼ်းမႃးၼၼ်ႉၸိုင်ၵူဝ်ႁူဝ်ၸႂ်သူမီးတင်းဢၼ်မႃႇၼႃႉၸႂ်သုင်မႃးလႄႈ
၁၄ တၵ်းလူင်လိုမ်းထႃႇဝရႃႉၽြႃးၽြႃးပဵၼ်ၸဝ်ႈသူဢၼ်ၼုၵ်ႈဢဝ်သူဢွၵ်ႇသေၵႃႈၼႂ်းမိူင်းဢေႇၵႅပ်ႉတုတီႈဢၼ်သူလႆႈၶၢမ်ႇႁဵတ်းၶႃႈဢဝ်သူသူင်ႇထၼ်ႈပေႃး
၁၅ ပူၼ်ႉထိူၼ်ႇလူင်ဢၼ်လီၵူဝ်လီႁတေီႈဢၼ်ငူးၽႆးဢိၵ်ႇတင်းမႅင်းၵူၼ်ႈငေႃးလိူင်မီးလိၼ်ဢၼ်ႁႅင်ႈဢၼ်ႁွင်ႈလႄႈဢမ်ႇမီးၼမ်ႉမီးၼႆး။
၁၆ မၼ်းၸဝ်ႈႁႂ်ႈၼမ်ႉဢွၵ်ႇသေၵႃႈၼႂ်းမၢၵ်ႇႁိၼ်ဢဝ်မၼ်ႇၼႃႉဢၼ်ပူႇမွၼ်ႇသူဢမ်တွၼ်ႉႁူႉၼၼ်ႉလဵင်ႉလူသူၵႃႈၼႂ်းထိူၼ်ႇႁႂ်ႈလႆႈၶျႃးသူတူၵ်းတီႈတႅမ်ႇသေလႄႈၸၢမ်းတူၺ်းသူသေယဝ်ႉႁဵတ်းၵျေးၸူးတီႈသူမိူဝ်ႈဢၼ်ႁွတ်ႈထိုင်တီႈသုတ်းသူၼၼ်ႉယဝ်ႉ။
၁၇ သူတလေၢတ်ႈၵႃႈၼႂ်းၸႂ်သူလႄႈဝႃႈၵႂပ်ႈတၼ်းၶူဝ်းႁဝ်းဢိၵ်ႇတင်းတၢင်းဢၼ်မိုဝ်းႁဝ်းၵတ်ႉၶႅၼ်ႇလႄႈႁဝ်းလႆႈၸေးၸိမ်ႇၼႆယဝ်ႉ၊ဝႃႈၼင်ႇၼႆယူႇ။
၁၈ သူတၵ်းလႆႈၶုပ်းၸႂ်လႆႈၶႆႈၸႂ်ထူပ်းထႃႇဝရႃႉၽြႃးၽြႃးပဵၼ်ၸဝ်ႈသူဢေႃႈ။လွင်ႈမၼ်းၸမ်းမၼ်းၸဝ်ႈပၼ်တၢင်းၵတ်ႉတၢင်းၶႅၼ်ႇဢၼ်ၸၢင်ႈလႆႈၸေးၸိမ်ႇၼၼ်ႉတီႈသူႁႂ်ႈပတိၺိၼ်ႇတြႃးမၼ်းၸဝ်ႈဢၼ်မၼ်းၸဝ်ႈတိူင်ႇဝႃႈဝႆႉတီႈပူႇမွၼ်ႇသူၸိူဝ်းၼၼ်ႉလႆႈတေႇပဵၼ်ၸိူဝ်ႉၼင်ႇဝၼ်းမိူဝ်ႈၼႆႉၼၼ်ႉဢေႃႈ။
၁၉ ပေႃးသူလူင်လိုမ်းထႃႇဝရႃႉၽြႃးၽြႃးပဵၼ်ၸဝ်ႈသူသေလႄႈၸွမ်းလင်ၽြႃးတၢင်ႇသူႇတၢင်ႇပႃးလႄႈႁဵတ်းဝၢတ်ႈၵူဝ်းၵွႆႇၶဝ်ၸိုင်ဝၼ်းမိူဝ်ႈၼႆႉၵဝ်ၶၢမ်ႇသၢၵ်ႈသေယူႇၽၢႆႇၼႃႈတင်းသူလွင်ႈဢၼ်သူတၵ်းႁွတ်ႈထိုင်တၢင်းလူႉတၢင်းလႅဝ်ဢမၢၼ်ႇၶၼ်ႇပဵၼ်ၼၼ်ႉဢေႃႈ။
၂၀ ၸိူဝ်ႉၼင်ႇၵူၼ်းမဵဝ်းဢၼ်ထႃႇဝရႃႉၽြႃးႁဵတ်းႁႂ်ႈလူႉလႅဝ်ၵႂႃႇတီႈၽၢႆႇၼႃႈသူၼၼ်ႉသူတၵ်းလႆႈႁွတ်ႈထိုင်တၢင်းလူႉတၢင်းလႅဝ်ၵွပ်ႈပိူဝ်ဢၼ်သူဢမ်ႇထွမ်ႇဢမ်ႇဢဝ်ၵႂၢမ်းထႃႇဝရႃႉၽြႃးၽြႃးပဵၼ်ၸဝ်ႈသူၼၼ်ႉဢေႃႈ။