Chapter
၁
ဢွၵ်ႇသေဝဵင်းႁေႃႇရၢပ်ႉ
၁ ၵႂၢမ်းဢၼ်မုဝ်းသေႇၶိုၼ်းလၢတ်ႈတီႈၵူၼ်းမဵဝ်းဢိသရေႇလတင်းလၢႆၵႃႈႁိမ်းၼမ်ႉႁွင်ႊယေႃးတၢၼ်ႇၼႂ်းထိူၼ်ႇလူင်ၼႂ်းပၢင်ႇပဵင်းဢႃႇရၽႃႇ၊ဢၼ်သိုဝ်ႈသုၽဢၼ်မီးၵႃႈတီႈၵႄႈဝူင်ႈၵၢင်ဝဵင်းပႃႇရၢၼ်ႇဝဵင်းတေႃႇၽေႇလႃႉဝဵင်းလႃႇပၢၼ်ႇဝဵင်းႁႃႇၸရူတ်ႉတင်းဝဵင်းတိၸႁၢပ်ႉၸိူဝ်းၼၼ်ႉၸမ်း၊-
၂ (ပေႃးလုၵ်ႉသေၵႃႈတီႈႁေႃႇရၢပ်ႉၸွမ်းသဵၼ်ႈတၢင်းလွႆၸိရၵႂႃႇႁႂ်ႈႁွတ်ႈထိုင်ၵႃႈတီႈၵႃႇတေႇသပႃႇၼႃႇၸမ်း
ၶၢဝ်းတၢင်းႁိုင်သိပ်းဢဵတ်းဝၼ်းဢေႃႈ)
၃ မိူဝ်ႈသၵ်ႉၵရိၸ်ႉသီႇသိပ်းပီႊလိူၼ်ဢေႇၵႃႇတသမႃႉဝၼ်းပထမၼၼ်ႉမုဝ်းသေႇႁေႃးလၢတ်ႈတီႈၵူၼ်းမဵဝ်းဢိသရေႇလတင်းလၢႆ
၄ ၸွမ်းၵႃႈၼင်ႇဢၼ်ထႃႇဝရႃႉၽြႃးသင်ႇလၢတ်ႈဝႆႉတီႈမၼ်းၵပ်းၵၢႆႇလူၺ်ႈလွင်ႈၶဝ်ဝၢႆးသေၶဝ်တိုၵ်းတေႃးယႃႉပႅတ်ႈသိႁူၼ်ႇၶုၼ်ႁေႃၶမ်းဢႃႇမေႃးရိဢၼ်ယူႇၵႃႈတီႈဝဵင်းႁေႇသၽုၼ်ႇတင်းဢေႃႇၶၶုၼ်ႁေႃၶမ်းပႃႇသၢၼ်ႇဢၼ်ယူႇၵႃႈတီႈဝဵင်းဢႃႇသတရူတ်ႉမိူင်းဢေႇတြိၼၼ်ႉဢေႃႈ။
၅ မုဝ်းသေႇတႄႇၸႃႉႁေႃးလၢတ်ႈတြႃးၼႆႉၵႃႈတီႈႁိမ်းၼမ်ႉႁွင်ႊယေႃးတၢၼ်ႇၵႃႈၼႂ်းမိူင်း
၆ မေႃႇၽလႄႈဝႃႈၸမ်း၊-ထႃႇဝရႃႉၽြႃးၽြႃးပဵၼ်ၸဝ်ႈႁဝ်းမီးဢမိင်ႉတီႈႁဝ်းၵႃႈတီႈႁေႃႇရၢပ်ႉၼၼ်ႉလႄႈဝႃႈၸမ်း၊-
၇ သူယူႇၵႃႈတီႈလွႆၼႆႉႁိုင်ၼႃႇယဝ်ႉ။ပေႃးယဝ်ႉ။ဢွၼ်ၵၼ်ဢွၵ်ႇတႃပႆတၢင်းၶိုၼ်ႈၵႂႃႇၵႃႈတီႈမိူင်းလွႆဢႃႇမေႃးရိဢိၵ်ႇတင်းၵႃႈတီႈႁိမ်းႁွမ်းပၢင်ႇပဵင်းဢႃႇရၽႃႇၵႃႈတီႈၼိူဝ်လွႆၼိူဝ်ၵုင်းၵႃႈတီႈႁူၺ်ႈတီႈႁွင်ႊၵႃႈတီႈပွတ်းတၢင်းၸၢၼ်းၵႃႈတီႈႁိမ်းပၢင်ႇလၢႆႇမိူင်းၵူၼ်းၶႃႇၼၼိတင်းလွႆလေႇပၼုၼ်ႇတေႃႇထိုင်ႁွတ်ႈ
ၼမ်ႉႁွင်ႊလူင်ဢုၽရၢတ်ႉၼၼ်ႉတႃႉ။
၈ တူၺ်းလူ။ၵဝ်ဢဝ်မိူင်းၼၼ်ႉဝႆႉၵႃႈတီႈၽၢႆႇၼႃႈသူယဝ်ႉ။ဢွၼ်ၵၼ်ၶဝ်ႈလႄႈသိမ်းဢဝ်မိူင်းဢၼ်ထႃႇဝရႃႉၽြႃးတိူင်ႇဝႃႈတၵ်းပၼ်တီႈပူႇပေႃႈသူဢႃႇပႁမ်ႇ၊ဢိၸၢၵ်ႉ၊ယႃႇၵုပ်ႉဢိၵ်ႇတင်းမဵဝ်းၸိူဝ်ႉၶိူဝ်းၶဝ်လိုၼ်းၶဝ်ၼၼ်ႉဢေႃႈ၊ဝႃႈၼင်ႇၼႆဝႆႉၼၼ်ႉတႃႉ၊ဝႃႈၼင်ႇၼႆဢေႃႈ။
ၶၢၼ်းၵူၼ်းဢွၼ်ႁူဝ်
၉ မိူဝ်ႈၼၼ်ႉၵဝ်လၢတ်ႈတီႈသူလႄႈဝႃႈၵဝ်ၵေႃႉလဵဝ်ၵူၺ်းဢမ်ႇႁၢပ်ႇဢဝ်သူၵႂႃႇလႆႈ။
၁၀ ထႃႇဝရႃႉၽြႃးၽြႃးပဵၼ်ၸဝ်ႈသူႇၼၼ်ႉႁႂ်ႈသူႇယႂ်ႇၽေၼမ်ၵိုၼ်းၵႂႃႇလူင်လၢင်လႄႈဝၼ်းမိူဝ်ႈၼႆႉၼပ်ႉဢၢၼ်ႇသူၸိုင်သူပဵၼ်ၸိုဝ်ၼင်ႇလၢဝ်ၵၢင်ႁၢဝ်ဢေႃႈ။
၁၁ ႁႂ်ႈထႃႇဝရႃႉၽြႃးၽြႃးပဵၼ်ၸဝ်ႈပူႇပေႃသူႇႁဵတ်းႁႂ်ႈသူႇယႂ်ႇၽေႈၼမ်ၵိုၼ်းသေမိူဝ်ႈလဵဝ်ၼႆႉႁဵင်ပုၼ်ႈသေၵမ်းလူၺ်ႈ။
၁၂ ႁႂ်ႈမၼ်းၸဝ်ႈပၼ်တၢင်းလီတီႈသူၸွမ်းၵႃႈၼင်ႇဢၼ်မၼ်းၸဝ်ႈဝႆႉၵတိတီႈသူၼၼ်ႉသေၵမ်းလူၺ်ႈ။ၵဝ်ၵေႃႉလဵဝ်ၵူၺ်းတၵ်းႁၢပ်ႇဢဝ်ၶူဝ်းႁၢပ်ႇသူဢၼ်ယၢပ်ႇၼႃႇၽိုတ်ႇၼႃႇတၢင်းဢၼ်ပွင်ႁဵတ်းဢမူႉသူဢၼ်ၼၵ်းၼႃတင်းဢၼ်သူၽိတ်းၵၼ်ထဵင်ၵၼ်ၸိူဝ်းၼၼ်ႉၵႂႃႇလႆႈၸိူဝ်ႉၼင်ႇႁိုဝ်။
၁၃ လိူၵ်ႈၵဵပ်းဢဝ်ၶဝ်ၸိူဝ်းဢၼ်မီးၺၢၼ်ႇပိင်ႇၺႃႇလႄႈမီးသရေႇၼၼ်ႉၵႃႈၼႂ်းမဵဝ်းသူတင်းလႆႈၼႂ်း
မဵဝ်းၽႂ်မဵဝ်းမၼ်းတႃႉ။
၁၄ ၵဝ်တၵ်းၶၢၼ်းၶဝ်ဝႆႉႁႂ်ႈပဵၼ်ၵႄႇပဵၼ်ႁူဝ်ၵႃႈၼိူဝ်သူဢေႃႈ၊မိူဝ်ႈဢၼ်ဝႃႈၼင်ႇၼႆၸိုင်သူဢွၼ်ၵၼ်ၶိုၼ်းလၢတ်ႈဝႃႈ၊-လွင်ႈတၢင်းဢၼ်ၸဝ်ႈႁဝ်းလၢတ်ႈၼႆႉထုၵ်ႇလီႁဵတ်းၶႃႈဢေႃႈ၊ဝႃႈၼင်ႇ
ၼႆဢေႃႈ။
၁၅ ပိူဝ်ႈၼႆလႄႈၵဝ်လိူၵ်ႈၵဵပ်းဢဝ်ၵူၼ်းယႂ်ႇၵူၼ်းလူင်ၵႃႈတီႈမဵဝ်းသူတင်းလၢႆဢၼ်ပဵၼ်ၶဝ်ၸိူဝ်းဢၼ်မီးၺၢၼ်ႇပိင်ႇၺႃႇလႄႈမီးသရေႇၼၼ်ႉသေလႄႈၶၢၼ်းၶဝ်ဝႆႉႁႂ်ႈပဵၼ်ၵေႇပဵၼ်ႁူဝ်ၵႃႈၼိူဝ်သူဢၼ်ဝႃႈၵူၼ်းဢၼ်ဢုပ်ႉၵႃႈၼိူဝ်ယေႈႁဵင်ၵူၼ်းဢၼ်ဢုပ်ႉၵႃႈၼိူဝ်ယေႈပၢၵ်ႇၵူၼ်းဢၼ်ဢုပ်ႉၵႃႈၼိူဝ်ယေႈႁႃႈသိပ်းၵူၼ်းဢၼ်ဢုပ်ႉၵႃႈၼိူဝ်ယေႈသိပ်းဢိၵ်ႇတင်းၵူၼ်းဢၼ်သေႃႇဢၼ်ၵျၢပ်ႈတင်းလၢႆၼၼ်ႉဢေႃႈ။
၁၆ ၵဝ်သင်ႇလၢတ်ႈဝႆႉတီႈၶဝ်ၸိူဝ်းဢၼ်ၸီႇယင်ႇတြႃးၸိူဝ်းၼၼ်ႉလႄႈဝႃႈ၊-ထွမ်ႇငိၼ်းဢမူႉပီႈၼွင်ႉသူတႃႉ။ပီႈၼွင်ႉၼင်ႇၵၼ်ထူပ်းတြႃးၵၼ်သေဢမ်ႇဝႃႈ၊ထူပ်းတြႃးၵၼ်တင်းၵူၼ်းတၢင်ႇၸိူဝ်ႉတၢင်ႇၶိူဝ်းသေဢမ်ႇဝႃႈၸီႇယင်ၸွမ်းလူၺ်ႈတြႃးတႃႉ။
၁၇ သူဢမ်ႇလႆႈထွၵ်ႈၼႃႈၽူႈလႂ်ၼႂ်းတင်းဢၼ်ၸီႇယၢင်ႇဢမူႉတြႃးၼၼ်ႉ။သူတၵ်းလႆႈထွမ်ႇတူၺ်းၵႂၢမ်းၵူၼ်းဢွၼ်ႇဢိၵ်ႇတင်းၵႂၢမ်းၵူၼ်းလူင်မိူၼ်မိူၼ်ၵၼ်ဢေႃႈ။သူတေဢမ်ႇလႆႈၵူဝ်ၼႃႈၵူၼ်းသေၵေႃႉလႃးလႃး။လွင်ႈမၼ်းၸမ်းၽြႃးပဵၼ်ၸဝ်ႈပိုင်ႈဢမူႉတြႃးဢေႃႈ။ဢမူႉဢၼ်သူဢမ်ႇၸၢင်ႈၸီႇယင်ႇလႆႈၼၼ်ႉဢဝ်မႃးၸူးၵႃႈတီႈၵဝ်တႃႉ။ၵဝ်တၵ်းထွမ်ႇငိၼ်းဢေႃႈ၊ဝႃႈၼႆမႃးယဝ်ႉ။
၁၈ လွင်ႈတၢင်းၵႃႈဢၼ်သူတၵ်းလႆႈႁဵတ်းၼၼ်ႉၵေႃႈၵဝ်လႆႈသင်ႇလၢတ်ႈဝႆႉမိူဝ်ႈၼၼ်ႉမႃးယဝ်ႉ။
ပွႆႇၵူၼ်းၽၢႆႇၼႂ်းၵႂႃႇလွမ်တူၺ်း
၁၉ ၸိူဝ်ႉၼင်ႇဢၼ်ၽြႃးပဵၼ်ၸဝ်ႈမီးဢမိင်ႉၼၼ်ႉႁဝ်းဢွၼ်ၵၼ်လုၵ်ႉသေၵႃႈတီႈႁေႃႇရၢပ်ႉပႆလတ်းၵႂႃႇၵႃႈၼႂ်းၵၢင်ထိူၼ်ႇလူင်ဢၼ်လီၵူဝ်လီႁေဢၼ်သူလႆႈထူပ်းလႆႈႁၼ်မႃးၼၼ်ႉသေယဝ်ႉၵႂႃႇၸူးၵႃႈတီႈမိူင်းလွႆၵူၼ်းမဵဝ်းဢႃႇမေႃးရိၶဝ်ယူႇၼၼ်ႉလႄႈႁွတ်ႈထိုင်ၵႃႈတီႈၵႃတေႇသပႃႇၼႃႇပုၼ်ႉဢေႃႈ။
၂၀ မိူဝ်ႈၼၼ်ႉၵဝ်လၢတ်ႈလႄႈဝႃႈ၊-သူႁွတ်ႈထိုင်ၵႃႈတီႈမိူင်းလွႆၵူၼ်းဢႃႇမေႃးရိဢၼ်ထႃႇဝရႃႉၽြႃးၽြႃးပဵၼ်ၸဝ်ႈႁဝ်း
၂၁ ပၼ်တီႈႁဝ်းၼၼ်ႉယဝ်ႉ။တူၺ်းလူ။ထႃႇဝရႃႉၽြႃးၽြႃးပဵၼ်ၸဝ်ႈမႂ်းၼၼ်ႉဢဝ်မိူင်းဝႆႉၵႃႈတီႈၽၢႆႇၼႃႈသူယဝ်ႉ။ၶိုၼ်ႈလႄႈသိမ်းဢဝ်ၸွမ်းၵႃႈၼင်ႇဢၼ်ထႃႇဝရႃႉၽြႃးၽြႃးပဵၼ်ၸဝ်ႈပူႇပေႃႈမႂ်းမီးဢမိင်ႉတီႈသူၼၼ်ႉတႃႉ။ယႃႇပေၵူဝ်ပေႁႄ။ၸႂ်ၵေႃႈယႃႇပေလူႉ၊ဝႃႈၼင်ႇၼႆဢေႃႈ။
၂၂ မိူဝ်ႈၼၼ်ႉသူၵႃႈမီးဢွၼ်ၵၼ်သုတ်ႉၸပ်းသုတ်ႉၸူးၵႃႈတီႈၵဝ်သေလႄႈလဝ်ႈဝႃႈ၊-ႁဝ်းၶႃႈတၵ်းပွႆႇၸႂ်ႉၵူၼ်းၶဵဝ်လွတ်ႈၽႆးၼႂ်းၵႂႃႇဢွၼ်တၢင်းႁဝ်းၶႃႈႁႂ်ႈၶဝ်ၵႂႃႇလွမ်တူၺ်းမိူင်းၼၼ်ႉသေလႄႈၶိုၼ်းမႃးမွၵ်ႇလၢတ်ႈတီႈႁဝ်းၶႃႈလွင်ႈဢၼ်ႁဝ်းၶႃႈတၵ်းလႆႈၵႂႃႇသဵၼ်ႈတၢင်းဢၼ်လႂ်ႈဢိၵ်ႇတင်းလွင်ႈဢၼ်ႁဝ်းၶႃႈတၵ်းလႆႈႁွတ်ႈထိုင်ဝဵင်းဢၼ်လႂ်ၼၼ်ႉၶႃႈဢေႃႈ၊ဝႃႈၼင်ႇၼႆဢေႃႈ။
၂၃ ၵႂၢမ်းဢၼ်လဝ်ႈဝႃႈၼၼ်ႉထုၵ်ႇၸႂ်ၵဝ်လႄႈၵဝ်လိူၵ်ႈၵဵပ်းဢဝ်ၵူၼ်းၵႃႈၼႂ်းသူယေႈမဵဝ်းယေႈၵေႃႉလႆႈသိပ်းသွင်ၵေႃႉဢေႃႈ။
၂၄ ၶဝ်ၼၼ်ႉဢွၼ်ၵၼ်လဵပ်ႈၵႂႃႇၶိုၼ်ႈၵႃႈတီႈၼိူဝ်လွႆလႄႈႁွတ်ႈထိုင်ၵႃႈတီႈပၢင်ႇႁူၺ်ႈဢေႇသၵေႃႇလသေယဝ်ႉလွမ်တူၺ်းဢေႃႈ။
၂၅ ၶဝ်ဢွၼ်ၵၼ်ပိတ်းဢဝ်မၢၵ်ႇမႆႉမၢၵ်ႇတွၵ်ႇဢၼ်မီးၵႃႈတီႈမိူင်းၼၼ်ႉသေယဝ်ႉၶိုၼ်းလူင်းမႃးၸူးၵႃႈတီႈႁဝ်းလႄႈမွၵ်ႇလၢတ်ႈဝႃႈ၊-မိူင်းဢၼ်ထႃႇဝရႃႉၽြႃးၽြႃးပဵၼ်ၸဝ်ႈႁဝ်းပၼ်တီႈႁဝ်းၼၼ်ႉပဵၼ်မိူင်းဢၼ်လီၼႃႇဢေႃႈ၊ဝႃႈၼင်ႇၼႆဢေႃႈ။
ႁဵတ်းၶတ်းၵၼ်တင်းၽြႃးပဵၼ်ၸဝ်ႈ
၂၆ ၵူၺ်းၵႃႈသူဢမ်ႇမီးဢလူဝ်ႇၶႆႈၵႂႃႇႁဵတ်းလႄႈသူႁဵတ်းတၢင်းဢၼ်ၶတ်းၵၼ်တင်းဢမိင်ႉထႃႇဝရႃႉၽြႃးၽြႃးပဵၼ်ၸဝ်ႈသူသေယဝ်ႉပွင်ႉၶၢင်းပွင်မိူၼ်ႇၵႃႈၼႂ်းသုမ်ႉထဵင်သူလႄႈဝႃႈ၊-
၂၇ ၵွပ်ႈပိူဝ်ႈဢၼ်ထႃႇဝရႃႉၽြႃးၸင်းႁဝ်းလႄႈမၼ်းၸဝ်ႈၼုၵ်ႈဢဝ်ႁဝ်းဢွၵ်ႇသေၵႃႈၼႂ်းမိူင်းဢေႇၵႅပ်ႉတုႁႂ်ႈလႆႈဢဝ်ႁဝ်းဢၢပ်ႈပၼ်ၵႃႈၼႂ်းမိုဝ်းၵူၼ်းမဵဝ်းဢႃႇမေႃးရိတင်းလၢႆႁႂ်ႈၶဝ်လႆႈဢဝ်ႁဝ်းတၢႆလူင်ပေႇ။
၂၈ ႁဝ်းတၵ်းလႆႈၵႂႃႇၵႃႈတီႈလႂ်။ပီႈၼွင်ႉႁဝ်းဢွၼ်ၵၼ်ႁဵတ်းႁႂ်ႈၸႂ်ႁဝ်းလူႉၵႂႃႇဢူၼ်ႈၵႂႃႇလႄႈဝႃႈ၊-ၵူၼ်းဝၢၼ်ႈၵူၼ်းမိူင်းၸိူဝ်းၼၼ်ႉယိင်ႈၶႅၼ်းယႂ်ႇၼႃႇယိင်ႈၶႅၼ်းသုင်ၼႃႇသေႁဝ်းဢေႃႈ။ဝဵင်းၸိူဝ်းၼၼ်ႉၵေႃႈမီးလမ်းဝဵင်းဢၼ်ၶိုၼ်ႈထိုင်ၽႃႉၵၢင်ႁၢဝ်ဢေႃႈ။ႁဝ်းလႆႈႁၼ်ၵူၼ်းမဵဝ်းဢႃႇၼၵတင်းလၢႆၵႃႈတီႈၼၼ်ႉဢေႃႈ၊ဝႃႈၼင်ႇၼႆယဝ်ႉ၊ဝႃႈၼင်ႇၼႆဢေႃႈ။
၂၉ မိူဝ်ႈၼၼ်ႉၵဝ်လၢတ်ႈတီႈသူလႄႈဝႃႈ၊-ယႃႇပေတူၵ်းၸႂ်၊ယႃႇပေၵူဝ်ပေႁႄၶဝ်။
၃၀ ထႃႇဝရႃႉၽြႃးၽြႃးပဵၼ်ၸဝ်ႈသူဢၼ်ဢွၼ်ႁူဝ်သူၵႂႃႇၼၼ်ႉတၵ်းၸွႆႈသိုၵ်းထႅမ်သိုၵ်းသူၸွမ်းၵႃႈၼင်ႇဢၼ်မၼ်းၸဝ်ႈႁဵတ်းပုၼ်ႈသူၵႃႈၼႂ်းမိူင်းဢေႇၵႅပ်ႉတုသိုဝ်ႈၼႃႈသိုဝ်ႈတႃသူ
၃၁ ဢိၵ်ႇတင်းၵႃႈၼႂ်းထိူၼ်ႇဢၼ်သူလႆႈႁၼ်လွင်ဢၼ်ထႃႇဝရႃႉၽြႃးၽြႃးပဵၼ်ၸဝ်ႈသူႁွပ်ႇဢုမ်ႈသူမိူၼ်ၸိူဝ်ႉၼင်ႇပေႃႈႁွပ်ႇဢုမ်ႈလုၵ်ႈလၢင်းမၼ်းၵႃႈၼႂ်းသဵၼ်ႈတၢင်း
၃၂ ဢၼ်သူၸွမ်းမႃးတေႃႇထိုင်ႁွတ်းၵႃႈတီႈၼႆႉၼၼ်ႉဢေႃႈ၊ဝႃႈၼင်ႇၼႆသေၵေႃႈၼႂ်းတီႈႁဵင်းၼၼ်ႉၸိုင်သူဢမ်ႇယုမ်ႇၵႂၢမ်းထႃႇဝရႃႉၽြႃးၽြႃးပဵၼ်ၸဝ်ႈသူဢၼ်ဢွၼ်ႁူဝ်သူၵႃႈတီႈၶိင်ႇၵၢင်ဝၼ်းၵႃႈၼႂ်းမွၵ်ႇၵုမ်ႈ
၃၃ ႁႂ်ႈလႆႈႁႃဢဝ်တီႈဢၼ်သူတၵ်းၶျူးပၢင်သုမ်ႉထဵင်သူႁႂ်ႈလႆႈၼႄပျႃႉသဵၼ်ႈတၢင်းဢၼ်သူတၵ်းလႆႈၵႂႃႇလႆႈပႆၼၼ်ႉဢေႃႈ။
၃၄ ထႃႇဝရႃႉၽြႃးငိၼ်းသဵင်ၵႂၢမ်းသူၼၼ်ႉလႄႈတၢင်းၸႂ်မႆႈၶႂ်ႈၸႃႉဢွၵ်ႇသေယဝ်ႉတိူင်ႇဝႃႈလႄႈဝႃႈ၊-
၃၅ ၼွၵ်ႈသေၵႃႇလိပ်ႉလုၵ်ႈၸၢႆးယေႇၽုၼ်ႇၼႃႇၼၼ်ႉၵူၼ်းမဵဝ်းဢၼ်ႁၢႆႉယုတ်ႈၼႆႉတၵ်းဢမ်ႇလႆႈႁၼ်မိူင်းလီမိူင်းငၢမ်းဢၼ်ၵဝ်တိူင်ႇဝႃႈတၵ်းပၼ်တီႈပူႇ
၃၆ ပေႃႈသူၼၼ်ႉ။ၵေႃႉၼၼ်ႉၵူၺ်းတၵ်းလႆႈႁၼ်လႄႈၵဝ်တၵ်းဢဝ်လႅၼ်လိၼ်ဢၼ်တိၼ်မၼ်းလႆႈယဵပ်ႇယဝ်ႉၼၼ်ႉပၼ်တီႈမၼ်းဢိၵ်ႇတင်းၸူဝ်ႈလုၵ်ႈၸူဝ်ႈလၢင်းမၼ်းၵွပ်ႈပိူဝ်ႈဢၼ်မၼ်းၸွမ်းလင်ထႃႇဝရႃႉၽြႃးလုမ်းလုမ်းၼၼ်ႉဢေႃႈ။
၃၇ လိူဝ်သေၼၼ်ႉထႃႇဝရႃႉၽြႃးၸႂ်မႆႈၶႂ်ႈၸႃႉတီႈၵဝ်ၵွပ်ႈပိူဝ်ႈသူလႄႈမီးဢမိင်ႉဝႃႈ၊-သူဢမ်ႇလႆႈၶဝ်ႈၵႃႈၼႂ်းမိူင်းၼၼ်ႉ။
၃၈ ယေႃးသုလုၵ်ႈၸၢႆးၼုၼ်ႇဢၼ်ပဵၼ်ၵူၼ်းၸွႆႈၵူၼ်းထႅမ်သူၼၼ်ႉတၵ်းလႆႈၶဝ်ႈဢေႃႈ။ၵွပ်ႈပိူဝ်ႈဢၼ်မၼ်းပဵၼ်ၵေႃႉဢၼ်တၵ်းႁႂ်ႈၵူၼ်းမဵဝ်းဢိသရေႇလတင်းလၢႆလႆႈၶၢမ်ႇဢမူၺ်ႇၼၼ်ႉလႄႈပၼ်ႁႅင်းတီႈမၼ်းတႃႉ။
၃၉ လုၵ်ႈဢွၼ်သူဢၼ်သူဝႃႈတၵ်းပဵၼ်တီႈဢၼ်ပိူၼ်ႈတီႉဢဝ်သိမ်းဢဝ်ဢၼ်ဝႃႈၼၼ်ႉၸိူဝ်းၼၼ်ႉဢိၵ်ႇတင်းလုၵ်ႈလၢင်းသူဢၼ်ဢမ်ႇပႆႇၸၵ်းၽႄႁူႉၶိင်ႇမိူဝ်ႈလႆႈၼၼ်ႉၸိူဝ်းၼၼ်ႉတၵ်းလႆႈၶဝ်ႈမိူင်းၼၼ်ႉလႄႈၵဝ်တၵ်းဢဝ်ပၼ်တီႈၶဝ်လႄႈၶဝ်တၵ်းပိူင်ႇဢေႃႈ။
၄၀ သူၸမ်းဢွၼ်ၵၼ်ဝၢႆႇၶိုၼ်းလႄႈဢွၵ်ႇတႃပႆတၢင်းၵႃႈၼႂ်းထိူၼ်ႇၸွမ်းသဵၼ်ႈတၢင်းပၢင်ႇလၢႆႇဢေႇတုင်ႇၵႂႃႇလူးၵွၼ်တႃႉ၊ဝႃႈၼင်ႇၼႆဢေႃႈ။
၄၁ မိူဝ်ႈၼၼ်ႉသူဢွၼ်ၵၼ်ၶိုၼ်ႈလဝ်ႈလၢတ်ႈတီႈၵဝ်လႄႈဝႃႈ၊-ႁဝ်းၶႃႈၽိတ်းပိူင်ႈမႅၼ်ႈထႃႇဝရႃႉၽြႃးၶႃႈယဝ်ႈ။ႁဝ်းၶႃႈတၵ်းၵႂႃႇလႄႈတိုၵ်းသိုၵ်းၸွမ်းၵႃႈၼင်ႇဢၼ်ထႃႇဝရႃႉၽြႃးၽြႃးပဵၼ်ၸဝ်ႈႁဝ်းၶႃႈသင်ႇလၢတ်ႈဝႆႉၼၼ်ႉၶႃႈဢေႃႈ၊ဝႃႈၼင်ႇၼႆသေယဝ်ႉသူၵႃႈမီးဢွၼ်ၵၼ်ယိပ်းၵမ်လၢၵ်ႈၼၢၵ်ႈသေလႄႈႁဵတ်းဝႆႉဢွမ်ႈပွမ်ႈႁႂ်ႈလႆႈၶိုၼ်ႈၵႃႈၼိူဝ်လွႆဢေႃႈ။
၄၂ ထႃႇဝရႃႉၽြႃးမီးဢမိင်ႉတီႈၵဝ်လႄႈဝႃႈၸမ်း၊-သင်လၢတ်ႈတီႈၶဝ်ၼၼ်ႉလႄႈဝႃႈ၊-ယႃႇပေၶိုၼ်ႈၸူးယႃႇပေတိုၵ်းတေႃး၊ၵဝ်ဢမ်ႇမီးယူႇၵႃႈၼႂ်းသူ။ပေႃးသူတိုၵ်းၸိုင်သူတၵ်းတူၵ်းသုမ်းၵႃႈတီႈၽၢႆႇၼႃႈရၢၼ်ႇသူႇသူဢေႃႈ၊ဝႃႈၼင်ႇၼႆဢေႃႈ။
၄၃ ၼင်ႇၼၼ်လႄႈၵဝ်သင်ႇလၢတ်ႈတီႈသူသေၵေႃႈသူဢမ်ႇထွမ်ႇဢမ်ႇဢဝ်။သူထဵင်ပႅတ်ႈဢမိင်ႉထႃႇဝရႃႉၽြႃးလႄႈဢွၼ်ၵၼ်မီးတင်းၸႂ်ဢၼ်ႁတ်းႁၢၼ်လိူဝ်တွၼ်းၼႃႇလူင်လၢင်သေလႄႈၶိုၼ်ႈၵႂႃႇၵႃႈၼိူဝ်လွႆဢေႃႈ။
၄၄ မိူဝ်ႈၼၼ်ႉၵူၼ်းမဵဝ်းဢႃႇမေႃးရိဢၼ်မီးထႃႈၵႃႈၼိူဝ်လွႆၸိူဝ်းၼၼ်ႉဢွၼ်ၵၼ်ဢွၵ်ႇမႃးႁႄႉတိုၵ်းသူသေယဝ်ႉလိုပ်ႈလမ်းၸွမ်းသူမိူၼ်ၸိူဝ်ႉၼင်ႇၽိုင်ႈတင်းလၢႆဢုမ်ႇလႄႈလိုပ်ႈၸွမ်းၼၼ်ႉသေယဝ်ႉယႃႉၽဵဝ်ႈသူပႅတ်ႈၵႃႈၼႂ်းတီႈၸိရတေႃႇထိုင်ႁွတ်ႈႁေႃႇမႃႇဢေႃႈ။
၄၅ သူၵေႃႈတၵ်းၶိုၼ်းမႃးလႄႈဢွၼ်ၵၼ်ႁွင်ႉႁႆႈၵႃႈတီႈၽၢႆႇၼႃႈထႃႇဝရႃႉၽြႃးဢေႃႈ။
၄၆ ၵူၺ်းၵႃႈထႃႇဝရႃႉၽြႃးဢမ်ႇထွမ်ႇဢဝ်သဵင်ႁွင်ႉသူ။ပိူဝ်ႈၼႆလႄႈသူသမ်ႉလႆႈၶိုၼ်းယူႇၵႃႈတီႈၵႃႇတေႇသၼၼ်ႉမိုဝ်ႉဝၼ်းၼမ်ၼႃႇလူင်လၢင်ၸွမ်းၵႃႈၼင်ႇမိုဝ်ႉဝၼ်းဢၼ်သူလႆႈယူႇၼၼ်ႉဢေႃႈ။