Chapter
၉
ပွႆးပႃသၶႃႇ
၁ ထႃႇဝရႃႉၽြႃး မီးဢမိင်ႉတီႈ မုဝ်းသေႇ ၵႃႈၼႂ်းထိူၼ်ႇသိၼႃႇပီႊတုတိယလိူၼ်ပထမ လိုၼ်းသေဢၼ်ၶဝ်ဢွၵ်ႇသေၵႃႈၼႂ်းမိူင်းဢေႇၵႅပ်ႉတု မႃးၼၼ်ႉလႄႈဝႃႈ၊-
၂ ၵူၼ်းမဵဝ်းဢိသရေႇလ တင်းလၢႆတၵ်းလႆႈၶၢမ်ႇပွႆးပႃသၶႃႇ ၼႂ်းၶိင်ႇၵႃႇလႃႉဢၼ်မၵ်းၶၢၼ်းဝႆႉၼၼ်ႉဢေႃႈ။
၃ လိုၼ်း သေၼႆႉလႆႈသိပ်းသီႇဝၼ်းၶိင်ႇႁူဝ်ၶမ်ႈဢၼ်ဝႃႈၶိင်ႇၵႃႇလႃႉဢၼ်မၵ်းၶၢၼ်းဝႆႉၼၼ်ႉ သူတၵ်းလႆႈဢွၼ် ၵၼ်ပႂ်ႉဢေႃႈ။
၄ မႅၼ်ႈၸွမ်းၼင်ႇထုင်းၾိင်ႈတြႃးၵႃႈမီးဢိၵ်ႇတင်းလွင်ႈတၢင်းဢၼ်ၸီႇယၢင်ႇဝႆႉ လွင်ႈမၼ်းၵႃႈမီးၸိူဝ်းၼၼ်ႉသေလႄႈ သူတၵ်းလႆႈဢွၼ်ၵၼ်ပႂ်ႉဢေႃႈ၊ဝႃႈၼင်ႇၼႆဢေႃႈ။မုဝ်းသေႇၵေႃႈသင်ႇလၢတ်ႈတီႈၵူၼ်းမဵဝ်းဢိသရေႇလတင်းလၢႆ ႁႂ်ႈၶဝ်လႆႈၶၢမ်ႇပွႆး ပႃသၶႃႇဢေႃႈ။
၅ ၼင်ႇၼၼ်လႄႈလိူၼ်ပထမသိပ်းသီႇဝၼ်းၶိင်ႇႁူဝ်ၶမ်ႈၼၼ်ႉၶဝ်ၶၢမ်ႇပွႆးပႃသၶႃႇၼၼ်ႉၵႃႈၼႂ်းထိူၼ်ႇသိၼႃႇဢေႃႈ။ၸွမ်းၵႃႈၼင်ႇဢၼ်ထႃႇဝရႃႉၽြႃးသင်ႇလၢတ်ႈဝႆႉတီႈမုဝ်းသေႇ ၼၼ်ႉၵူၼ်းမဵဝ်းဢိသရေႇလတင်းလၢႆဢွၼ်ၵၼ်ႁဵတ်းၸွမ်းဢေႃႈ။
၆ မိူဝ်ႈၼၼ်ႉ မီးၵူၼ်းၵမ်ႈၽွင်ႈမီးတၢင်းဢၼ်ၵူဝ်ႈၵိူၵ်ႇၵွပ်ႈပိူဝ်ႈတူဝ်တၢႆၼၼ်ႉထၢၼ်ႈပေႃး ဢမ်ႇၶၢမ်ႇပွႆးပႃသၶႃႇလႆႈၼၼ်ႉ ၶဝ်ဢွၼ်ၵၼ်သုတ်ႉၸပ်းသုတ်ႉၸူးၵႃႈတီႈမုဝ်းသေႇတင်းဢႃႇရုၼ်ႇသေလႄႈ ဢွၼ်ၵၼ်လဝ် ထၢမ်လႄႈဝႃႈ၊-
၇ ႁဝ်းၶႃႈမီးတၢင်းဢၼ်ၵူဝ်ႈၵိူၵ်ႇၵွပ်ႈပိူဝ်ႈတူဝ်တၢႆၵူၼ်းၶႃႈဢေႃႈ။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈႁဝ်းၶႃႈလႆႈၶၢမ်ႇ တၢင်းဢၼ်ႁႄႉၶႅၼ်ဢမ်ႇလႆႈႁဵတ်းတၢင်းပုၵ်ႉၸေႃႇတီႈထႃႇဝရႃႉၽြႃး လူၺ်ႈၵၼ်တင်းၵူၼ်းမဵဝ်းဢိသရေႇလ ၼႂ်းၶိင်ႇၶႃႇၵႃႇလႃႉ ဢၼ်မၵ်းၶၢၼ်းဝႆႉ ၼၼ်ႉၶႃႈ၊ဝႃႈၼင်ႇၼႆဢေႃႈ။
၈ မုဝ်းသေႇ ၵေႃႈၶိုၼ်းလၢတ်ႈတီႈၶဝ်လႄႈဝႃႈ၊-ပႂ်ႉလူးၵွၼ်ႇ။လူၺ်ႈလွင်ႈသူၼၼ်ႉ ၵဝ်တၵ်းထွမ်ႇငိၼ်းၵႂၢမ်းဢၼ်ထႃႇဝရႃႉၽြႃးမီး ဢမိင်ႉၼၼ်ႉလူးၵွၼ်ႇဢေႃႈ၊ဝႃႈၼင်ႇၼႆဢေႃႈ။
၉ မိူဝ်ႈၼၼ်ႉထႃႇဝရႃႉၽြႃးမီးဢမိင်ႉတီႈမုဝ်းသေႇ လႄႈဝႃႈ၊-သင်ႇလၢတ်ႈတီႈၵူၼ်းမဵဝ်းဢိသရေႇလတင်းလၢႆ လႄႈဝႃႈ၊-
၁၀ ၼႂ်းသူၼႆႉဢိၵ်ႇတင်းၼႂ်းၸူဝ်ႈလုၵ်ႈပၢၼ်လၢၼ်သူၼၼ်ႉသေၵေႃႉသေၵူၼ်း ပိၵ်ႉသမ်ႉမီးတၢင်းဢၼ်ၵူဝ်ႈၵိူၵ်ႇၵွပ်ႈပိူဝ်ႈတူဝ်တၢႆယူႇ ဢမ်ႇၼၼ်ဢွၵ်ႇတႃပႆတၢင်းမီးယူႇၵႃႈတီႈဢၼ်ၵႆယူႇသေၵေႃႈ တၵ်းလႆႈၶၢမ်ႇပွႆးပႃသၶႃႇပုၼ်ႈထႃႇဝရႃႉၽြႃးယူႇဢေႃႈ။
၁၁ ၶိင်ႇႁူဝ်ၶမ်ႈလိူၼ်တုတိယသိပ်းသီႇဝၼ်းၼၼ်ႉ ၶဝ်တၵ်းလႆႈဢွၼ်ၵၼ်ၶၢမ်ႇပွႆးၼၼ်ႉလႄႈၵိၼ်ၼိူဝ်ႉသူဝ်းဢွၼ်ႇဢိၵ်ႇလူၺ်ႈၵၼ်တင်းၶဝ်ႈမုၼ်းဢၼ်ဢမ်ႇပႃးၸိူဝ်ႉပႅင်ႈ တင်းၽၵ်းယိူဝ်ႈၽၵ်းၶဵဝ်ဢၼ်ၶူမ်ၼၼ်ႉဢေႃႈ။
၁၂ ၼိူဝ်ႉၼၼ်ႉၸိုင် ၶဝ်ဢမ်ႇလႆႈႁႂ်ႈၵိုတ်းႁႂ်ႈၵျၢၼ်ႇဝႆႉတေႃႇထိုင်ႁွတ်ႈၶိင်ႇၵၢင်ၼႂ်။လုပ်ႇမၼ်းၵေႃႈၶဝ်ဢမ်ႇလႆႈႁၵ်း။ၸွမ်းလူၺ်ႈထုင်းၾိင်ႈတြႃးၵႃႈဢၼ် ၸၢပ်ႈသႅင်ႇၵၼ်တင်းပွႆးပႃသၶႃႇၼၼ်ႉလႄႈ ၶဝ်တၵ်းလႆႈၶၢမ်ႇပွႆးၼၼ်ႉ ဢေႃႈ။
၁၃ ပေႃးၵေႃႉဢၼ်ဢမ်ႇမီးတၢင်းဢၼ်ၵူဝ်ႈၵိူၵ်ႇဢၼ်ဢမ်ႇဢွၵ်ႇတႃပႆတၢင်းယူႇၼၼ်ႉ ယင်းဢမ်ႇၶၢမ်ႇပွႆးပႃသၶႃႇလႄႈယူႇၸိုင် ၵေႃႉၼၼ်ႉ တၵ်းလႆႈၶၢမ်ႇ
တၢင်းဢၼ်ပႄႇပႅတ်ႈသေ ၵႃႈၼႂ်းမဵဝ်းၸိူဝ်ႉၶိူဝ်းမၼ်းဢေႃႈ။ၵွပ်ႈပိူဝ်ႈဢၼ်ၵေႃႉၼၼ်ႉဢမ်ႇဢဝ်တၢင်းပုၵ်ႉၸေႃႇပုၼ်ႈထႃႇဝရႃႉၽြႃး မႃးၼႂ်းၶိင်ႇၵႃႇလႃႉဢၼ်မၵ်းၶၢၼ်းဝႆႉၼၼ်ႉလႄႈ ၵေႃႉၼၼ်ႉတၵ်းလႆႈၶၢမ်ႇဢ ပျႅတ်ႈတူဝ်ၸဝ်ႈၵဝ်ႇဢေႃႈ။
၁၄ ပေႃးၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်သွၼ်ႈပိုင်ႈယူႇၵႃႈတီႈသူၼၼ်ႉ မီးဢလူဝ်ႇၶႂ်ႈၶၢမ်ႇပွႆးပႃသၶႃႇပုၼ်ႈထႃႇဝရႃႉၽြႃးၸိုင် ၸွမ်းၼင်ႇထုင်းၾိင်ႈတြႃးပွႆးပႃသၶႃႇ ဢိၵ်ႇတင်း လွင်ႈတၢင်းဢၼ်ၸီႇယၢင်ႇဝႆႉလွင်ႈမၼ်း ၵႃႈမီးၸိူဝ်းၼၼ်ႉသေလႄႈတၵ်းလႆႈၶၢမ်ႇဢေႃႈ။ပုၼ်ႈၶဝ်ၸိူဝ်းဢၼ်ပဵၼ်ၵူၼ်းတၢင်ႇၸိူဝ်ႉတၢင်ႇၶိူဝ်း ဢၼ်သွၼ်ႈပိုင်ႈယူႇၵႃႈတီႈသူဢိၵ်ႇတင်း ၶဝ်ၸိူဝ်းဢၼ်ၵိူတ်ႇလဵင်ႉပဵၼ်မႃးၵႃႈတီႈမိူင်းသူၼၼ်ႉၸိုင် တၵ်းလႆႈမီးထုင်းၾိင်ႈတြႃးပႃးလဵဝ်ၵူၺ်းဢေႃႈ၊ဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။
မွၵ်ႇၵုမ်ႈၼိူဝ်သုမ်ႈထဵင်ၸဝ်ႈ
၁၅ ၼႂ်းဝၼ်းဢၼ်ပုၵ်းတင်ႈသုမ်ႉထဵင်ၸဝ်ႈၼၼ်ႉ မွၵ်ႇၵုမ်ႈႁူမ်ႇသုမ်ႇသုမ်ႉထဵင်ၸဝ်ႈဢၼ်ဝႃႈ သုမ်ႉထဵင်ၸဝ်ႈၶိူင်ႈၶၢမ်ႇသၢၵ်ႈသေႇၼၼ်ႉယူႇဢေႃႈ။ၸႃႉၸဵမ်ၶိင်ႇႁူဝ်ၶမ်ႈတေႃႇထိုင်ႁွတ်ႈၶိင်ႇၵၢင်ၼႂ် ပဵၼ်မိူၼ်ၸိူဝ်ႉၼင်ႇႁၢင်ႊ ၽႆးဢေႃႈ။
၁၆ ပဵၼ်ၸိူဝ်ႉၼင်ႇမွၵ်ႇၵုမ်ႈႁူမ်ႇသုမ်ႇယူႇၶိင်ႇ ၵၢင်ဝၼ်းပဵၼ်ၸိူဝ်ႉၼင်ႇၽႆးၶိင်ႇၵၢင်ၶိုၼ်းဢေႃႈ။
၁၇ မိူဝ်ႈဢၼ်မွၵ်ႇၵုမ်ႈ ယုၵ်ႉၽၢတ်ႇသသေုမ်ႉထဵင်ၸဝ်ႈၼၼ်ႉၸိုင် ၵူၼ်းမဵဝ်းဢိသရေႇလၶဝ်ဢွၼ်ၵၼ်ဢွၵ်ႇတႃပႆတၢင်းဢေႃႈ။မိူဝ်ႈဢၼ်မွၵ်ႇၵုမ်ႈၵိုတ်းသဝ်းတႄႇယူႇၼၼ်ႉၸိုင် ၵူၼ်းမဵဝ်းဢိသရေႇလတင်းလၢႆသမ်ႉလိုဝ်ႈ ၶျႃးလႄႈၵင်ႈသုမ်ႉထဵင်ၶဝ်ဢေႃႈ။
၁၈ ၵႃႈၼင်ႇဢၼ်ထႃႇဝရႃႉၽြႃးမီးဢမိင်ႉၼၼ်ႉ ၵူၼ်းမဵဝ်းဢိသရေႇလတင်းလၢႆဢွၼ်ၵၼ်ဢွၵ်ႇတႃပႆတၢင်းဢေႃႈ။ၵႃႈၼင်ႇဢၼ်ထႃႇဝရႃႉၽြႃးမီးဢမိင်ႉၼၼ်ႉၶဝ်ၶျႃးလႄႈ ၵင်ႈသုမ်ႉထဵင်ၶဝ်ဢေႃႈ။ၶိင်ႇၵႃႇလႃႉၸူဝ်ႈဢၼ်မွၵ်ႇၵုမ်ႈယင်းတႄႇယူႇၵႃႈၼိူဝ်သုမ်ႉထဵင်ၸဝ်ႈၼၼ်ႉ ၶဝ်ယူႇၵႃႈၼႂ်းသုမ်ႉထဵင်ၶဝ်ယူႇဢေႃႈ။
၁၉ မိူဝ်ႈဢၼ်မွၵ်ႇၵုမ်ႈယင်းတႄႇယူႇၵႃႈၼိူဝ်သုမ်ႉထဵင်ၸဝ်ႈၶိင်ႇဝၼ်း ႁိုင်ၼႃႇၼၼ်ႉၵေႃႈၵူၼ်းမဵဝ်းဢိသရေႇလတင်းလၢႆ ယင်းဢမ်ႇဢွၵ်ႇတႃပႆ တၢင်းလႄႈပႂ်ႉဢမူႉထႃႇဝရႃႉၽြႃးယူႇဢေႃႈ။
၂၀ မိူဝ်ႈဢၼ်မွၵ်ႇၵုမ်ႈၼၼ်ႉ ယင်းတႄႇယူႇၵႃႈၼိူဝ်သုမ်ႉထဵင်ၶိင်ႇဝၼ်းၵေႇၼႃႇၼၼ်ႉၸိုင် ၵႃႈၼင်ႇဢၼ်ဢမိင်ႉထႃႇဝရႃႉၽြႃးမီးၼၼ်ႉ ၶဝ်ယူႇၵႃႈၼႂ်းသုမ်ႉထဵင်ၶဝ်ဢေႃႈ။ၵႃႈၼင်ႇဢၼ်ဢမိင်ႉထႃႇဝရႃႉၽြႃးမီးၼၼ်ႉ ၶဝ်ဢွၵ်ႇ တႃပႆတၢင်းဢေႃႈ။
၂၁ မၢင်ၽဝ်ႇမွၵ်ႇၵုမ်ႈၼၼ်ႉတႄႇယူႇၸႃႉၸဵမ်ၶိင်ႇႁူဝ်ၶမ်ႈတေႃႇထိုင်ႁွတ်ႈ ၶိင်ႇၵၢင်ၼႂ်ဢေႃႈ။မိူဝ်ႈဢၼ်မွၵ်ႇၵုမ်ႈယုၵ်ႉၶိုၼ်ႈၶိင်ႇၵၢင်ၼႂ်ၼၼ်ႉ ၶဝ်ဢွၵ်ႇတႃပႆတၢင်းဢေႃႈ။ပဵၼ်ၵၢင်ဝၼ်းသေဢမ်ႇဝႃႈပဵၼ်ၵၢင်ၶိုၼ်းသေဢမ်ႇဝႃႈ မိူဝ်ႈဢၼ်မွၵ်ႇၵုမ်ႈယုၵ်ႉၶိုၼ်ႈၼၼ်ႉ ၸိုင်ၶဝ်ဢွၵ်ႇတႃပႆတၢင်းဢေႃႈ။
၂၂ ပဵၼ်သွင်ဝၼ်းသေဢမ်ႇဝႃႈ ပဵၼ်လိူၼ်ၼိုင်ႈသေဢမ်ႇဝႃႈပဵၼ်ပီႊၼိုင်ႈသေဢမ်ႇဝႃႈၶိင်ႇၵႃႇလႃႉၸူဝ်ႈဢၼ်မွၵ်ႇၵုမ်ႈယင်းၵိုတ်းယူႇၵႃႈၼိူဝ်သုမ်ႉထဵင်ၸဝ်ႈလႄႈ တႄႇယူႇၼၼ်ႉ
ၵူၼ်းမဵဝ်းဢိသရေႇလတင်းလၢႆ ယင်းဢမ်ႇဢွၵ်ႇတႃပႆတၢင်းလႄႈယူႇဢေႃႈ။မိူဝ်ႈဢၼ်မွၵ်ႇၵုမ်ႈသမ်ႉၶိုၼ်း ယုၵ်ႉၶိုၼ်ႈၼၼ်ႉၸိုင်ၶဝ်ဢွၵ်ႇတႃပႆတၢင်းဢေႃႈ။
၂၃ ၵႃႈၼင်ႇဢၼ်ဢမိင်ႉထႃႇဝရႃႉၽြႃးမီးၼၼ်ႉ ၶဝ်ယူႇၼႂ်းသုမ်ႉထဵင်ၶဝ်ဢေႃႈ။ၵႃႈၼင်ႇဢၼ်ဢမိင်ႉထႃႇဝရႃႉၽြႃးမီးၼၼ်ႉၵေႃႈၶဝ်ဢွၵ်ႇတႃပႆတၢင်းဢေႃႈ။ၶဝ်ပႂ်ႉဢမူႉဢၼ်ထႃႇဝရႃႉၽြႃးဢဝ်မုဝ်းသေႇလႄႈ မီးဢမိင်ႉၼၼ်ႉဢေႃႈ။