Chapter
၃၅
ဝဵင်းလႄႇဝိ
၁ ထႃႇဝရႃႉၽြႃး သမ်ႉမီးဢမိင်ႉတီႈမုဝ်းသေႇၵႃႈတီႈပၢင်ႇပဵင်းမေႃႇၽ၊ ၵႃႈႁိမ်းၼမ်ႉႁွင်ႊယေႃးတၢၼ်ႇသိုဝ်ႈဝဵင်း ယေႇရိၶူဝ်းၼၼ်ႉလႄႈဝႃႈ၊-
၂ မႂ်းတၵ်းလႆႈသင်ႇလၢတ်ႈတီႈၵူၼ်း မဵဝ်းဢိသရေႇလ တင်းလၢႆ လွင်ႈဢၼ်ၶဝ်တၵ်းလႆႈဢဝ်ဝဵင်းၵမ်ႈၽွင်ႈၵႃႈၼႂ်းလိၼ်ဢၼ်ၶဝ်ၶၢမ်ႇဢမူၺ်ႇလႄႈပိူင်ႇၼၼ်ႉ ပၼ်တီႈၵူၼ်းမဵဝ်းလေႇဝိပုၼ်ႈဢၼ်ၶဝ်တၵ်းယူႇလႄႈ လိၼ်တီႈဢၼ်လဵပ်ႈႁွပ်ႈႁိမ်းဝဵင်းၸိူဝ်းၼၼ်ႉၵေႃႈ တၵ်းလႆႈပၼ်တီႈၵူၼ်း မဵဝ်းလေႇဝိၸိူဝ်းၼၼ်ႉဢေႃႈ။
၃ ဝဵင်းၸိူဝ်းၼၼ်ႉတၵ်းလႆႈပဵၼ် ပုၼ်ႈဢၼ်ၶဝ်တၵ်းယူႇလႄႈလိၼ်ဢၼ်လဵပ်ႈႁွပ်ႈႁိမ်းဝဵင်းၸိူဝ်းၼၼ်ႉတၵ်းလႆႈပဵၼ်ပုၼ်ႈသူဝ်း၊ ဝူဝ်းဢိၵ်ႇတင်းဢုၵ်ႉၸႃႇတရိၵ်ႈသၢၼ်ႇၶဝ်ၵႃႈမီးဢေႃႈ။
၄ လိၼ်ဢၼ်လဵပ်ႈႁွပ်ႈႁိမ်းဝဵင်းတင်းလၢႆ ဢၼ်သူပၼ်တီႈၵူၼ်းမဵဝ်းလေႇဝိၸိူဝ်းၼၼ်ႉ တၵ်းလႆႈၵႂၢင်ႈဢဝ်ၵႃႈတီႈၸႃႉၸဵမ်လမ်းဝဵင်း ဢွၵ်ႇၵႂႃႇသွၵ်ႇႁဵင်ၼိုင်ႈလဵပ်ႈႁွပ်ႈ ဢေႃႈ။
၅ သူတၵ်းလႆႈတႅၵ်ႈၼွၵ်ႈဝဵင်းၽၢႆႇတၢင်းဢွၵ်ႇသွင်ႁဵင်သွၵ်ႇ ၽၢႆႇတၢင်းၸၢၼ်းသွင်ႁဵင်သွၵ်ႇၽၢႆႇတၢင်းတူၵ်းသွင်ႁဵင်သွၵ်ႇ ၽၢႆႇတၢင်းႁွင်ႇသွင်ႁဵင်သွၵ်ႇလႄႈဝဵင်းၼၼ်ႉ တၵ်းလႆႈတႄႇယူႇၵႃႈၼႂ်းၶိုင်ႈၵၢင်လိၼ်ၼၼ်ႉဢေႃႈ။ဢၼ်ၼႆႉၸမ်းတၵ်းလႆႈပဵၼ်လိၼ်ဢၼ်လဵပ်ႈႁွပ်ႈႁိမ်းဝဵင်းၶဝ်ၼၼ်ႉဢေႃႈ။
ဝဵင်းပၢႆႊၽေး
၆ ၵႃႈၼႂ်း ဝဵင်းဢၼ်သူပၼ်တီႈၵူၼ်းလေႇဝိၸိူဝ်းၼၼ်ႉတၵ်းလႆႈမီးဝဵင်းတီႈဢၼ်ပၢႆႊၵႂႃႇလႄႈ သွၼ်ႈပိုင်ႈလႆႈႁူၵ်းဝဵင်း ဢၼ်သူတၵ်းလႆႈပၼ်ပုၼ်ႈဢၼ်ၵေႃႉဢၼ်ဢဝ်ၵူၼ်းတၢႆၼၼ်ႉ တၵ်းလႆႈပၢႆႊၵႂႃႇၸူးၵႃႈတီႈၼၼ်ႉၼၼ်ႉဢေႃႈ။
၇ လိူဝ်သေဝဵင်းၸိူဝ်းၼၼ်ႉသူတၵ်းလႆႈပၼ် ဝဵင်းတၢင်ႇဝဵင်းသီႇသိပ်းပၢႆသွင်ဝဵင်းဢေႃႈ။ၼင်ႇၼၼ်လႄႈ ဝဵင်းဢၼ်သူတၵ်းလႆႈပၼ်တီႈၵူၼ်းမဵဝ်းလေႇဝိၸိူဝ်းၼၼ်ႉၸမ်း မီးဝဵင်းသီႇသိပ်းပၢႆပႅတ်ႇဝဵင်းဢိၵ်ႇတင်း လိၼ်ဢၼ်လဵပ်ႈႁွပ်ႈႁိမ်းဝဵင်းၸိူဝ်းၼၼ်ႉဢေႃႈ။
၈ ဝဵင်းဢၼ်သူတၵ်းလႆႈၼုၵ်ႈဢဝ်ၵႃႈၼႂ်းလိၼ် ဢၼ်ၵူၼ်းမဵဝ်းဢိသရေႇလပိူင်ႇၼၼ်ႉၸမ်း သူတၵ်းလႆႈဢဝ်ၵႃႈတီႈၶဝ်ၸိူဝ်းဢၼ်လႆႈလိၼ်ၼမ်ဝဵင်း ဢၼ်ၼမ်ၼၼ်ႉတၵ်းလႆႈဢဝ်ၼမ်လႄႈၵႃႈတီႈၶဝ်ၸိူဝ်းဢၼ်လႆႈလိၼ်ၵေႇဝဵင်းၵေႇၼၼ်ႉတၵ်းလႆႈဢဝ်ၵေႇဢေႃႈ။
၉ ထႃႇဝရႃႉၽြႃး သမ်ႉမီးဢမိင်ႉတီႈမုဝ်းသေႇလႄႈဝႃႈၸမ်း၊-သင်ႇလၢတ်ႈတီႈၵူၼ်းမဵဝ်းဢိသရေႇလ တင်း လၢႆလႄႈဝႃႈ၊
၁၀ မိူဝ်ႈဢၼ်သူၶၢမ်ႈၼမ်ႉႁွင်ႊယေႃႇတၢၼ်ႇသေလႄႈႁွတ်ႈထိုင်ၵႃႈၼႂ်းမိူင်းၶႃႇၼၢၼ်ႇ ၼၼ်ႉၸိုင် သူတၵ်းလႆႈလိူၵ်ႈၵဵပ်းဝႆႉ
၁၁ ဝဵင်းဢၼ်တၵ်းလႆႈပၢႆႊၵႂႃႇသွၼ်ႈယူႇ ပုၼ်ႈၵေႃႉဢၼ်ဢမ်ႇသၢင်ႇတေႃႇလႄႈဢဝ်ဢသၢၵ်ႈၵူၼ်းတၢႆမႅၼ်ႈၼၼ်ႉ တၵ်းလႆႈပၢႆႊၵႂႃႇသွၼ် ၵႃႈတီႈၼၼ်ႉဢေႃႈ။
၁၂ ဝဵင်းၸိူဝ်းၼၼ်ႉၸမ်းတၵ်းလႆႈပဵၼ်ဝဵင်းပၢႆႈၽေးတီႈဢၼ်တၵ်းၵၢင်းလွတ်ႈသေၵႃႈၼႂ်းမိုဝ်း ၶဝ်ၸိူဝ်းဢၼ်ၸွမ်းႁႃဢဝ်တၢႆၼၼ်ႉဢေႃႈ။ပဵၼ်တီႈသွၼ်ႈပိူင်း ၵေႃႉဢၼ်ဢဝ်ဢသၢၵ်ႈၵူၼ်းတၢႆၼၼ်ႉ ၸူဝ်းဢၼ်ဢမ်ႇလႆႈတၢႆၵႃႈတီႈၽၢႆႇၼႃႈပရိၵ်ႈသၢတ်ႈလႄႈ ၶၢမ်ႇတၢင်းဢၼ်ၸီႇယၢင်ႇတြႃးၼၼ်ႉဢေႃႈ။
၁၃ ၵႃႈၼႂ်းဝဵင်းဢၼ်သူပၼ်ၸိူဝ်းၼၼ်ႉတၵ်းလႆႈမီးဝဵင်းပၢႆႈၽေးႁူၵ်းဝဵင်းဢေႃႈ။
၁၄ သူတၵ်းလႆႈဢဝ်ၵႃႈတီႈၽၢႆႇဝၼ်းဢွၵ်ႇၼမ်ႉႁွင်ႊယေႃႇတၢၼ်ႇ ဝဵင်းသၢမ်ဝဵင်း၊ ၵႃႈတီႈမိူင်းၶႃႇၼၢၼ်ႇဝဵင်းသၢမ်ဝဵင်းပၼ်လႄႈ ဝဵင်းၸိူဝ်းၼၼ်ႉတၵ်းလႆႈပဵၼ်ဝဵင်းတီႈဢၼ်ပၢႆႊၵႂႃႇလႄႈသွၼ်ႈပိုင်ႈလႆႈၼၼ်ႉဢေႃႈ။
၁၅ ဝဵင်းႁူၵ်းဝဵင်းၼၼ်ႉၸမ်း တၵ်းလႆႈပဵၼ်တီႈဢၼ်ၵူၼ်းမဵဝ်းဢိသရေႇလဢိၵ်ႇတင်း ၵူၼ်းတၢင်ႇၸိူဝ်ႉတၢင်ႇၶိူဝ်းတင်းၶႅၵ်ႇဢၼ်မီးယူႇၵႃႈတီႈၼၼ်ႉ ဢမ်ႇသၢင်ႇတေႃႇလႄႈ လႆႈဢဝ်ဢသၢၵ်ႈၵူၼ်းတၢႆမႅၼ်ႈၵႃႈမီးၼၼ်ႉလႆႈပၢႆႊၵႂႃႇလႄႈသွၼ်ႈပိုင်ႈၼၼ်ႉဢေႃႈ။
၁၆ ၼႂ်းဝႃႈၼၼ်သေၵေႃႈပေႃးမၼ်းဢဝ်လၢၵ်ႈၼၢၵ်ႈလဵၵ်းပေႃႉယႅၼ်ႉထၢၼ်ႈပေႃး ႁႂ်ႈဢသၢၵ်ႈၵူၼ်းတၢႆၸိုင်မၼ်းပဵၼ်ၵူၼ်းဢၼ်ဢဝ်ပိူၼ်ႈတၢႆဢေႃႈ။ၵူၼ်းဢၼ်ဢဝ်ပိူၼ်ႈတၢႆၼၼ်ႉ တၵ်းလႆႈၶၢမ်ႇတၢင်းဢၼ်ဢဝ် တၢႆဢမၢၼ်ႇၶၢၼ်ပဵၼ်ဢေႃႈ။
၁၇ ပေႃးမၼ်းဢဝ်မၢၵ်ႇႁိၼ်ထိမ်ႈပိူၼ်ႈထၢၼ်ႈပေႃး ဢဝ်ၵူၼ်းတၢႆၸိုင်မၼ်းပဵၼ်ၵူၼ်းဢၼ်ဢဝ်ပိူၼ်ႈတၢႆဢေႃႈ။ၵူၼ်းဢၼ်ဢဝ်ပိူၼ်ႈတၢႆၼၼ်ႉ တၵ်းလႆႈၶၢမ်ႇတၢင်းဢၼ်ဢဝ်တၢႆ ဢမၢၼ်ႇၶၢၼ်ပဵၼ်ဢေႃႈ။
၁၈ ပေႃးဢဝ်လၢၵ်ႈၼၢၵ်ႈမႆႉဢၼ်ဢဝ်ၵူၼ်းတၢႆၼၼ်ႉ ပေႃႉယႅၼ်ႉပိူၼ်ႈႁႂ်ႈဢသၢၵ်ႈၵူၼ်းတၢႆၸိုင်မၼ်းပဵၼ်ၵူၼ်းဢၼ်ဢဝ်ပိူၼ်ႈတၢႆဢေႃႈ။ၵူၼ်းဢၼ်ဢဝ်ပိူၼ်ႈတၢႆၼၼ်ႉတၵ်းလႆႈၶၢမ်ႇ တၢင်းဢၼ်ဢဝ်တၢႆဢမၢၼ်ႇၶၢၼ်ပဵၼ်ဢေႃႈ။
၁၉ ၵေႃႉဢၼ်တၵ်းလႆႈတွပ်ႇတႅၼ်းတၢင်းတၢႆၼၼ်ႉမိူဝ်ႈ ဢၼ်မၼ်းထူပ်းႁၼ်ၵေႃႉဢၼ်ဢဝ်ပိူၼ်ႈတၢႆၼၼ်ႉၸိုင် မၼ်းတၵ်းလႆႈဢဝ်ၵေႃႉၼၼ်ႉတၢႆဢေႃႈ။
၂၀ ပေႃးသေၵေႃႉၵေႃႉဝႆႉၸႂ်ဝႆႉၶေႃးလႄႈ ဢီးပိူၼ်ႈတူၵ်းတၢႆ ဢမ်ႇၼၼ်ပေႃးမၼ်းဝႆႉၸႂ်ဝႆႉၶေႃးသေလႄႈ
၂၁ ဢဝ်သေၸိူဝ်ႉသေမဵဝ်းထိမ်ႈယိုဝ်းသႂ်ႇပိူၼ်ႈထၢၼ်ႈပေႃး ႁႂ်ႈတၢႆ ပေႃးမီးၸႂ်ဢၼ်ၸင်းလႄႈ ဢဝ်မိုဝ်းပေႃႉယႅၼ်ႉပိူၼ်ႈထၢၼ်ႈပေႃးႁႂ်ႈပိူၼ်ႈတၢႆၸိုင် ၵေႃႉၼၼ်ႉတၵ်းလႆႈၶၢမ်ႇတၢင်းဢၼ်ဢဝ်တၢႆဢမၢၼ်ႇၶၢၼ်ပဵၼ်ၵွပ်ႈပိူဝ်ႈပဵၼ်ၵူၼ်းဢၼ်ဢဝ်ပိူၼ်ႈတၢႆၼၼ်ႉဢေႃႈ။
၂၂ ၵေႃႉဢၼ်တၵ်းတွပ်ႇတႅၼ်းတၢင်းတၢႆၼၼ်ႉ မိူဝ်ႈဢၼ်ထူပ်းႁၼ်ၵေႃႉၼၼ်ႉၸိုင် မၼ်းတၵ်းလႆႈဢဝ်ၵေႃႉၼၼ်ႉတၢႆဢေႃႈ။
၂၃ ဢမ်ႇၼၼ်ပေႃးယင်းဢမ်ႇဝႆႉၸႂ်ဝႆႉၶေႃးလႄႈ ဢမ်ႇသင်ႇတေႃႇဢီး ပိူၼ်ႈတူၵ်းတၢႆ ဢမ်ႇသင်ႇတေႃႇဢဝ်မၢၵ်ႇႁိၼ်ထႅမ်ႈမႅၼ်ႈပိူၼ်ႈတၢႆၸိုင် ပရိၵ်ႈသၢတ်ႈတင်းလၢႆတၵ်းလႆႈၸီႇ ယၢင်ႇတြႃးၵႃႈတီႈဝူင်ႈၵၢင်ၵူၼ်းဢၼ်ဢဝ်တၢႆ ဢိၵ်ႇတင်း
၂၄ ၵေႃႉဢၼ်တၵ်းတွပ်ႇတႅၼ်းတၢင်းတၢႆၼၼ်ႉၸွမ်းၵႃႈၼင်ႇဢၼ် မီးထုင်းဝႆႉမိူဝ်ႈလဵဝ်ၼႆႉၼၼ်ႉလႄႈ ပရိၵ်ႈသၢတ်ႈတင်းလၢႆ တၵ်းလႆႈၼုၵ်ႈဢဝ်ၵေႃႉၼၼ်ႉသေၵႃႈၼႂ်းမိုဝ်း ၵေႃႉဢၼ်တၵ်းတႅၼ်းတၢင်းတၢႆၼၼ်ႉလႄႈ ပရိၵ်ႈသၢတ်ႈတၵ်းလႆႈဢဝ်မၼ်းၶိုၼ်းဝႆႉၵႃႈၼႂ်းဝဵင်းဢၼ်မၼ်းပၢႆႊၵႂႃႇလႄႈသွၼ်ႈပိုင်ႈမိူဝ်ႈဢွၼ်တၢင်းၼၼ်ႉဢေႃႈ။
၂၅ မၼ်းတၵ်းလႆႈယူႇၵႃႈၼႂ်းဝဵင်းၼၼ်ႉ တေႃႇထိုင်ႁွတ်ႈၶုၼ်ယိတ်ႉပရေႃးႁိၵ်ႈဢၼ်လႆႈၶၢမ်ႇတၢင်းဢၼ် ဢဝ်ၼမ်ႉမၼ်းထမ်ႇမႃႉ ထွၵ်ႇသႂ်ႇ ၼၼ်ႉတၢႆဢေႃႈ။
၂၆ ပေႃးၵေႃႉဢၼ်ဢဝ်ဢသၢၵ်ႈၵူၼ်းတၢႆမႅၼ်ႈၼၼ်ႉ ဢွၵ်ႇၵႃႈၼွၵ်ႈလႅၼ်လိၼ်ဝဵင်းဢၼ် မၼ်းပၢႆႊၵႂႃႇသွၼ်ႈပိုင်ႈယူႇၼၼ်ႉလႄႈ
၂၇ ၵေႃႉဢၼ်တၵ်းတွပ်ႇတႅၼ်းတၢင်းတၢႆၼၼ်ႉ ထူပ်းႁၼ်မၼ်းၵႃႈတီႈၼွၵ်ႈလႅၼ်လိၼ်ဝဵင်းၼၼ်ႉလႄႈ ဢဝ်မၼ်းတၢႆၸိုင် ဢမ်ႇမီးဢပျႅတ်ႈ။
၂၈ လွင်ႈမၼ်းၸမ်းၵေႃႉၼၼ်ႉထုၵ်ႇလီယူႇၵႃႈၼႂ်းဝဵင်းပၢႆၽေးၼၼ်ႉတေႃႇထိုင်ႁွတ်ႈၶုၼ်ယိတ်ႉပရေႃးႁိၵ်ႈၼၼ်ႉတၢႆဢေႃႈ။လိုၼ်းသေၶုၼ်ယိတ်ႉပရေႃးႁိၵ်ႈတၢႆယဝ်ႉၸင်ႇ ၵေႃႉဢၼ်ဢဝ်ဢသၢၵ်ႈၵူၼ်းတၢႆၼၼ်ႉ မီးဢၶႂၢင်ႉဢၼ်လႆႈၶိုၼ်းမႃးၵႃႈတီႈလိၼ်ဢၼ်မၼ်းပိူင်ႇၼၼ်ႉဢေႃႈ။
၂၉ ဢၼ်ၼႆႉၸမ်းတၵ်းလႆႈပဵၼ်ထုင်းၾိင်ႈတြႃး ဢၼ်ၸီႇယၢင်ႇႁဵတ်းဝႆႉတီႈသူၸူဝ်ႈလုၵ်ႈပၢၼ်လၢၼ်သူ သိုပ်ႇသိုပ်ႇတၢမ်တၢမ်ၼႂ်း တီႈၵႃႈဢၼ်သူယူႇၵူႈတီႈၵူႈလႅၼ်ၼၼ်ႉဢေႃႈ။
၃၀ ၽူႈ လႂ်သေဢမ်ႇဝႃႈ ၵေႃႉဢၼ်ဢဝ်ဢသၢၵ်ႈၵူၼ်းတၢႆလႄႈပဵၼ်ၵူၼ်းဢၼ်ဢဝ်ပိူၼ်ႈတၢႆၼၼ်ႉတၵ်းလႆႈၶၢမ်ႇတၢင်းဢၼ်ဢဝ်တၢႆ ဢမၢၼ်ႇၶၢၼ်ပဵၼ် ၸွမ်းၵႃႈၼင်ႇၵႂၢမ်းၵူၼ်းၶၢမ်ႇသၢၵ်ႈသေႇမီးၼၼ်ႉဢေႃႈ။ၼႂ်းဝႃႈၼၼ်သေၵေႃႈ ပေႃးမီးၵူၼ်းၶၢမ်ႇသၢၵ်ႈသေႇၵေႃႉလဵဝ် ၵူၺ်းၸိုင်ဢမ်ႇလႆႈဢဝ်တၢႆ။
၃၁ သူတၵ်းဢမ်ႇလႆႈၶၢမ်ႇဢဝ်ငိုၼ်း ႁႂ်ႈလႆႈထုတ်ႇဢဝ်ၵူၼ်းၵေႃႉဢၼ်ဢဝ်ဢသၢၵ်ႈၵူၼ်းတၢႆလႄႈထိူၵ်ႈၶၢမ်ႇတၢင်းတၢႆၼၼ်ႉ။မၼ်းတၵ်းလႆႈၶၢမ်ႇ တၢင်းဢၼ်ဢဝ်တၢႆ ဢမၢၼ်ႇၶၢၼ် ပဵၼ်ဢေႃႈ။
၃၂ သူတၵ်းဢမ်ႇလႆႈၶၢမ်ႇဢဝ်ငိုၼ်းဢၼ်ထုတ်ႇဢဝ်ၵူၼ်း ၵေႃႉဢၼ်ပၢႆႊၵႂႃႇၵႃႈတီႈဝဵင်းပၢႆၽေးၼၼ်ႉလႄႈ သွၼ်ႈပိုင်ႈယူႇၼၼ်ႉလႄႈႁႂ်ႈမၼ်းၶိုၼ်းလႆႈမႃး ၵႃႈတီႈဢၼ်မၼ်းယူႇၵဝ်ႇၵဝ်ႇၼၼ်ႉ ၸူဝ်ႈ ဢၼ်ၶုၼ်ယိတ်ႉပရေႃးႁိၵ်ႈဢမ်ႇပႆႇတၢႆၼၼ်ႉ။
၃၃ ၼင်ႇၼၼ်လႄႈ သူတၵ်းဢမ်ႇလႆႈႁႂ်ႈမိူင်းဢၼ်သူယူႇၼၼ်ႉၵူဝ်ႈၵိူၵ်ႇ။လိူတ်ႈၸိုင်ၸၢင်ႊႁႂ်ႈမိူင်းၵူဝ်ႈၵိူၵ်ႇဢေႃႈ။လိူဝ်သေ ဢဝ်တင်းလိူတ်ႈၵေႃႉဢၼ်ထွၵ်ႇပႅတ်ႈလိူတ်ႈၵူၼ်းၼၼ်ႉၵူၺ်းလႄႈ ဢမ်ႇမီးၵႃႈသင် တၵ်းႁဵတ်းႁႂ်ႈမိူင်းၵၢင်းလွတ်ႈတင်းလိူတ်ႈဢၼ်ထွၵ်ႇပႅတ်ႈၼႂ်းမၼ်း ၼၼ်ႉမူတ်းသႂ်လႆႈ။
၃၄ သူဢမ်ႇလႆႈႁႂ်ႈမိူင်းဢၼ်သူတၵ်းယူႇလႄႈၵဝ်ၵိင်းဝပ်ႈယူႇၼၼ်ႉၵူဝ်ႈၵိူၵ်ႇ။ၵဝ်ထႃႇဝရႃႉၽြႃးၵိင်းဝပ်ႈယူႇၵႃႈၼႂ်း ၵူၼ်းမဵဝ်းဢိသရေႇလ တင်းလၢႆဢေႃႈ၊ ဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။