Chapter
၁
ၸရၢင်းၸိူဝ်ႉၶိူဝ်းဢွၼ်တၢင်းသုတ်းပိူၼ်ႈ
၁ ထႃႇဝရႃႉၽြႃး မီးဢမိင်ႉတီႈမုဝ်းသေႇ ၵႃႈၼႂ်းသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈ ၵႃႈတီႈထိူၼ်ႇသိၼႃႇ ဝၼ်းပထမလိူၼ်တုတိယ ပီႊတုတိယလိုၼ်းသေၵူၼ်းမဵဝ်းဢိသရေႇလ တင်းလၢႆဢွၵ်ႇသေၵႃႈၼႂ်း မိူင်းဢေႇၵႅပ်ႉတုယဝ်ႉၼၼ်ႉလႄႈဝႃႈ၊-
၂ သူၵဵပ်းဢဝ်ၸရၢင်းၵူၼ်းမဵဝ်းဢိသရေႇလ ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ် မဵဝ်းပူႇပေႃႈၶဝ်ႁႂ်ႈလႆႈပႃးၸိုဝ်ႈပႃး သဵင်ၵူႈၵေႃႉၵူႈၵူၼ်းႁင်းၽႂ်ႁင်းမၼ်းတႃႉ။
၃ မႂ်းတင်းဢႃႇရုၼ်ႇ တၵ်းလႆႈၼပ်ႉဢၢၼ်ႇၵူၼ်းၸၢႆးဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈ ဢသၢၵ်ႈလိူဝ်သၢဝ်းၵႂႃႇ ၸိူဝ်းဢၼ်တိုၵ်းသိုၵ်းလႆႈ တင်းသဵင်ႈတင်းလူင်ၼၼ်ႉတႃႉ။
၄ မဵဝ်းၸိူဝ်ႉၶိူဝ်းၽႂ်ၸိူဝ်ႉၶိူဝ်းမၼ်း ယေႈမဵဝ်းယေႈၵေႃႉဢၼ်ပဵၼ်ၵူၼ်းယႂ်ႇၵူၼ်းလူင် ၵႃႈၼႂ်းမဵဝ်းၸိူဝ်ႉၶိူဝ်းၶဝ်ၼၼ်ႉႁင်းၽႂ်ႁင်းမၼ်း တၵ်းလႆႈၸွႆႈထႅမ်ၵၼ်တင်းသူဢေႃႈ။
၅ ၸိုဝ်ႈသဵင်ၶဝ်ၸိူဝ်းဢၼ်တၵ်းလႆႈၸွႆႈထႅမ်ၵၼ်တင်းသူၸိူဝ်းၼၼ်ႉၸမ်း တီႈမဵဝ်းရုပိၼ်ႇပဵၼ်ဢေႇလိၸုရ လုၵ်ႈၸၢႆးသေႇတုရ၊ တီႈမဵဝ်းသိမုၼ်ႇပဵၼ်သေႇလုမျေႇလ၊ လုၵ်ႈၸၢႆးၸုရိသတ်ႉတေႇ၊တီႈမဵဝ်းယုတပဵၼ်ၼႃႇ သုၼ်ႇ၊
၇ လုၵ်ႈၸၢႆးဢမိၼတပ်ႉ၊တီႈမဵဝ်းဢိသၶႃႇပဵၼ်ၼႃႇသၼေႇလ၊
၈ လုၵ်ႈၸၢႆးၸုဢႃႇ၊ တီႈမဵဝ်းၸေႇပု လုၼ်ႇပဵၼ်ဢေႇလျႃႇၽ လုၵ်ႈၸၢႆးႁေႇလုၼ်ႇ
၉ တီႈမဵဝ်း လုၵ်ႈၸၢႆးယုဝ်းသႅပ်ႉဢၼ်ဝႃႈ တီႈမဵဝ်းဢေႇၽရိမ်ႇပဵၼ်ဢေႇလိသမႃႇ
၁၀ လုၵ်ႈၸၢႆးဢမိႁုတ်ႉ ဢိၵ်ႇတင်းတီႈမဵဝ်း မၼႃႇသေႇပဵၼ်ၵႃႇမလျေႇလ
၁၁ လုၵ်ႈၸၢႆးပေႇတႃႇထုရတီႈမဵဝ်းပိၼ်ႇယႃႇမိၼ်ႇပဵၼ်ဢၽိတၼ်ႇလုၵ်ႈၸၢႆး ၵိတေႃႇၼိ
၁၂ တီႈမဵဝ်းတၼ်ႇပဵၼ်ဢႁေႇၸႃႇလုၵ်ႈၸၢႆးဢမိသတ်ႉတေႇ တီႈမီဝ်းဢႃႇသႃႇဢပဵၼ်ပႃႇၵျေႇလ လုၵ်ႈၸၢႆးဢွၵ်ႉရၢၼ်ႇ
၁၃ တီႈမဵဝ်းၵတ်ႉပဵၼ်ဢေႇလျႃႇသပ်ႉ လုၵ်ႈၸၢႆးတုၺ်ႇလ
၁၄ တီႈမဵဝ်းၼပ်ႉထလိပဵၼ်ဢႁိရလုၵ်ႈၸၢႆးဢေႇၼၼ်ႇဢေႃႈ၊ဝႃႈၼင်ႇၼႆဢေႃႈ။
၁၅ ၶဝ်ၸိူဝ်းၼႆႉပဵၼ်ၶဝ်ၸိူဝ်းဢၼ်လိူၵ်ႈၵဵပ်း ဢဝ်သေၵႃႈၼႂ်း ၸိူဝ်ႉၶိူဝ်းပူႇပေႃႈၶဝ်ၼၼ်ႉဢေႃႈ။
၁၆ ၶဝ်ပဵၼ်ၵူၼ်းႁူဝ်ၵႃႈၼႂ်းၵူၼ်းမဵဝ်းဢိသရေႇလတင်းလၢႆဢေႃႈ။
၁၇ မုဝ်းသေႇတင်းဢႃႇရုၼ်ႇ ႁွင်ႉဢဝ်ၶဝ်ၸိူဝ်းဢၼ်မၼ်းၸဝ်ႈဢဝ်ၸိုဝ်ဢဝ်သဵင် လိူၵ်ႈၵဵပ်းဢဝ်ၸိူဝ်ႉၼင်ႇၼၼ် ၼၼ်ႉသေလႄႈ
၁၈ ႁႂ်ႈပရိၵ်ႈသၢတ်ႈၸူႉၵၼ်တုမ်ၵၼ်ၼႂ်းဝၼ်းဢၼ်ပဵၼ်ဝၼ်းပထမ လိူၼ်တုတိယၼၼ်ႉသေယဝ်ႉၶဝ်ၼၼ်ႉ ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်မဵဝ်းပူႇမဵဝ်းပေႃႈၶဝ် ပႃးၸိုဝ်ႈပႃးသဵင်ၵူႈၵေႃႉၵူႈၵူၼ်းဢၼ်ၸႃႉၸဵမ်ဢဝ်ဢသၢၵ်ႈလႆႈသၢဝ်းၼိုင်ႈလႄႈ ဢသၢၵ်ႈလိူဝ်သၢဝ်းၵႂႃႇ တင်းသဵင်ႈတင်းလူင်ၼၼ်ႉႁင်းၽႂ်ႁင်းမၼ်းလႄႈ ဢွၼ်ၵၼ်ၽုၺ်ႇဢွၵ်ႇၼႄပျႃႉၸ ရၢင်းပီႈၼွင်ႉၸိူဝ်ႉၶိူဝ်းၶဝ်ဢေႃႈ။
၁၉ ၸွမ်းၵႃႈၼင်ႇဢၼ်ထႃႇဝရႃႉၽြႃး သင်ႇလၢတ်ႈဝႆႉတီႈမုဝ်းသေႇၼၼ်ႉမၼ်းၼပ်ႉဢၢၼ်ႇၶဝ်ၵႃႈၼႂ်းထိူၼ်ႇသိၼႃႇၼၼ်ႉဢေႃႈ။
၂၀ ၵႃႈၼႂ်းၵူၼ်းမဵဝ်းရူႉပိၼ်ႇ ဢၼ်ပဵၼ်လုၵ်ႈၸၢႆးတူၼ်ႈဢိသရေႇလ ၸိူဝ်းၼၼ်ႉၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်၊မဵဝ်းပူႇမဵဝ်းပေႃႈၶဝ်၊ပႃးၸိုဝ်ပႃးသဵင် ၵူႈၵေႃႉၵူႈၵူၼ်းၵူၼ်းၸၢႆး ဢၼ်ၸႃႉၸဵမ်ဢသၢၵ်ႈလႆႈသၢဝ်း ၼိုင်ႈ
၂၁ ဢသၢၵ်ႈၼိူဝ်သၢဝ်းၵႂႃႇသေလႄႈတိုၵ်းသိုၵ်းလႆႈတင်းသဵင်ႈတင်းလူင် ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၵႃႈၼႂ်းမဵဝ်းရူႉပိၼ်ႇ ၼၼ်ႉၸိုင်မီးသီႇမုၼ်ႇႁူၵ်း ႁဵင်ပၢႆႁႃႈပၢၵ်ႇဢေႃႈ။
၂၂ ၵႃႈၼႂ်းၵူၼ်းမဵဝ်းသိမုၼ်ႇၸိူဝ်းၼၼ်ႉၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ် မဵဝ်းပူႇမဵဝ်းပေႃႈၶဝ် ပႃးၸိုဝ်ပႃးသဵင်ၵူႈၵေႃႉၵူႈၵူၼ်း ၵူၼ်းၸၢႆးၵႃႈ ဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈဢသၢၵ်ႈလိူဝ်သၢဝ်းၵႂႃႇသေလႄႈ
၂၃ တိုၵ်းသိုၵ်းလႆႈတင်းသဵင်ႈတင်းလူင် ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၵႃႈၼႂ်းမဵဝ်းသိမုၼ်ႇ ၼၼ်ႉၸိုင်မီးႁႃႈမိုၼ်ႇၵဝ်ႈႁဵင်ပၢႆ သၢမ်ပၢၵ်ႇဢေႃႈ။
၂၄ ၵႃႈၼႂ်းၵူၼ်းမဵဝ်းၵတ်ႉၸိူဝ်းၼၼ်ႉၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်မဵဝ်းပူႇမဵဝ်းပေႃႈၶဝ် ပႃးၸိုဝ်ပႃးသဵင်ၵူႈၵေႃႉၵူႈၵူၼ်းၵူၼ်းၸၢႆးၵႃႈဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ ဢသၢၵ်ႈလိူဝ်သၢဝ်းၵႂႃႇသေလႄႈ
၂၅ တိုၵ်းသိုၵ်းလႆႈတင်းသဵင်ႈတင်းလူင် ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၵႃႈၼႂ်းမဵဝ်းၵတ်ႉၼၼ်ႉမီးသီႇမိုၼ်ႇႁႃႈႁဵင်ႁူၵ်းပၢၵ်ႇပၢႆႁႃႈ သိပ်းဢေႃႈ။
၂၆ ၵႃႈၼႂ်းၵူၼ်းမဵဝ်းယုတၸိူဝ်းၼၼ်ႉၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ် မဵဝ်းပူႇမဵဝ်းပေႃႈၶဝ်၊ပႃးၸိုဝ်ပႃးသဵင်ၵူႈၵေႃႉၵူႈၵူၼ်း၊ၵူၼ်းၸၢႆးၵႃႈဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ
၂၇ ဢသၢၵ်ႈလိူဝ်သၢဝ်းၵႂႃႇသေလႄႈတိုၵ်းသိုၵ်းလႆႈတင်းသဵင်ႈတင်း လူင် ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၵႃႈၼႂ်းမဵဝ်းယုတၼၼ်ႉၸိုင် မီးၸဵတ်းမိုၼ်ႇသီႇႁဵင်ပၢႆႁူၵ်းပၢၵ်ႇ ဢေႃႈ။
၂၈ ၵႃႈၼႂ်းၵူၼ်းမဵဝ်းဢိသၶႃႇၸိူဝ်းၼၼ်ႉၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ် မဵဝ်းပူႇမဵဝ်းပေႃႈၶဝ်ပႃးၸိုဝ်ပႃးသဵင်ၵူႈၵေႃႉၵူႈၵူၼ်း၊ၵူၼ်းၸၢႆးၵႃႈဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ ဢသၢၵ်ႈလိူဝ် သၢဝ်းၵႂႃႇသေလႄႈ
၂၉ တိုၵ်းသိုၵ်းလႆႈတင်းသဵင်ႈတင်းလူင် ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၵႃႈၼႂ်းမဵဝ်းဢိသၶႃႇၼၼ်ႉၸိုင် မီးႁႃႈမိုၼ်ႇသီႇႁဵင်ပၢႆသီႇပၢၵ်ႇ ဢေႃႈ။
၃၀ ၵႃႈၼႂ်းၵူၼ်းမဵဝ်းၸေႇပုလုၼ်ႇၸိူဝ်းၼၼ်ႉၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ် မဵဝ်းပူႇမဵဝ်းပေႃႈၶဝ်ပႃးၸိုဝ်ပႃးသဵင်ၵူႈၵေႃႉၵူႈၵူၼ်း ၵူၼ်းၸၢႆးၵႃႈဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ ဢသၢၵ်ႈလိူဝ်သၢဝ်းၵႂႃႇသေလႄႈ
၃၁ တိုၵ်းသိုၵ်းလႆႈတင်းသဵင်ႈတင်းလူင် ဢၼ်လႆႈၶၢမ်ႇ တၢင်းဢၼ်ၼပ်ႉဢၢၼ်ႇၵႃႈၼႂ်းမဵဝ်းၸေႇပုလုၼ်ႇၼၼ်ႉၸိုင် မီးႁႃႈမိုၼ်ႇၸဵတ်းႁဵင်ပၢႆသီႇ ပၢၵ်ႇဢေႃႈ။
၃၂ ၵႃႈၼႂ်းၵူၼ်းမဵဝ်းဢေႇၽရိမ်ႇၸိူဝ်းၼၼ်ႉၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ် မဵဝ်းပူႇမဵဝ်းပေႃႈၶဝ် ပႃးၸိုဝ်ပႃးသဵင်ၵူႈၵေႃႉၵူႈၵူၼ်းၵူၼ်းၸၢႆးၵႃႈဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ ဢသၢၵ်ႈလိူဝ်သၢဝ်းၵႂႃႇသေလႄႈ
၃၃ တိုၵ်းသိုၵ်းလႆႈတင်းသဵင်ႈတင်းလူင် ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇ ၵႃႈၼႂ်းမဵဝ်းဢေႇၽရိမ်ႇၼၼ်ႉ မီးသီႇမိုၼ်ႇပၢႆႁႃႈပၢၵ်ႇဢေႃႈ။
၃၄ ၵႃႈၼႂ်းၵူၼ်းမဵဝ်းမၼႃႇသေႇ ၸိူဝ်းၼၼ်ႉၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ် မဵဝ်းပူႇမဵဝ်းပေႃႈၶဝ်ပႃးၸိုဝ်ပႃးသဵင်ၵူႈၵေႃႉၵူႈၵူၼ်း၊ ၵူၼ်းၸၢႆးၵႃႈဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ ဢသၢၵ်ႈလိူဝ်သၢဝ်းၵႂႃႇ သေလႄႈ
၃၅ တိုၵ်းသိုၵ်းလႆႈတင်းသဵင်ႈတင်းလူင်ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၵႃႈၼႂ်း မဵဝ်းမၼႃႇသေႇၼၼ်ႉၸိုင် မီးသၢမ်မိုၼ်ႇသွင်ႁဵင်ပၢႆသွင်ပၢၵ်ႇဢေႃႈ။
၃၆ ၵႃႈၼႂ်းၵူၼ်းမဵဝ်းပိၼ်ႇယႃႇမိၼ်ႇ ၸိူဝ်းၼၼ်ႉ ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ် မဵဝ်းပူႇမဵဝ်းပေႃႈၶဝ်ပႃးၸိုဝ်ပႃးသဵင်ၵူႈၵေႃႉၵူႈၵူၼ်း၊ၵူၼ်းၸၢႆးၵႃႈဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ ဢသၢၵ်ႈလိူဝ် သၢဝ်းၵႂႃႇသေလႄႈ
၃၇ တိုၵ်းသိုၵ်းလႆႈတင်းသဵင်ႈတင်းလူင်ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇ ၵႃႈၼႂ်းမဵဝ်းပိၼ်ႇယႃႇမိၼ်ႇၼၼ်ႉၸိုင် မီးသၢမ်မိုၼ်ႇႁႃႈႁဵင်ပၢႆသီႇ ပၢၵ်ႇဢေႃႈ။
၃၈ ၵႃႈၼႂ်းၵူၼ်းမဵဝ်းတၼ်ႇၸိူဝ်းၼၼ်ႉၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ် မဵဝ်းပူႇမဵဝ်းပေႃႈၶဝ်၊ပႃးၸိုဝ်ပႃးသဵင်ၶဝ်ၵူႈၵေႃႉၵူႈၵူၼ်း ၵူၼ်းၸၢႆးၵႃႈဢၼ် ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ
၃၉ ဢသၢၵ်ႈလိူဝ်သၢဝ်းၵႂႃႇသေလႄႈ တိုၵ်းသိုၵ်းလႆႈတင်းသဵင်ႈတင်းလူင်ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇ ၵႃႈၼႂ်းမဵဝ်းတၼ်ၼၼ်ႉၸိုင် မီးႁူၵ်းမိုၼ်ႇသွင်ႁဵၼ်ပၢႆၸဵတ်းပၢၵ်ႇ ဢေႃႈ။
၄၀ ၵႃႈၼႂ်းၵူၼ်းမဵဝ်းဢႃႇသႃႇၸိူဝ်းၼၼ်ႉၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ် မဵဝ်းပူႇမဵဝ်းပေႃႈၶဝ်ပႃးၸိုဝ်ပႃးသဵင်ၵူႈၵေႃႉၵူႈၵူၼ်း၊ၵူၼ်းၸၢႆးၵႃႈဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ ဢသၢၵ်ႈလိူဝ် သၢဝ်းၵႂႃႇသေလႄႈ
၄၁ တိုၵ်းသိုၵ်းလႆႈတင်းသဵင်ႈတင်းလူင်ဢၼ်လႆႈၶၢမ်ႇတၢင်းဢၼ် ၼပ်ႉဢၢၼ်ႇၵႃႈၼႂ်းမဵဝ်းဢႃႇသႃႇၼၼ်ႉၸိုင် မီးသီႇမိုၼ်ႇႁဵင်ၼိုင်ႈပၢႆႁႃႈပၢၵ်ႇ ဢေႃႈ။
၄၂ ၵႃႈၼႂ်းၵူၼ်းမဵဝ်းၼၢပ်ႉထလိၸိူဝ်းၼၼ်ႉၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ် မဵဝ်းပူႇမဵဝ်းပေႃႈၶဝ်ပႃးၸိုဝ်ပႃးသဵင်ၵူႈၵေႃႉၵူႈၵူၼ်း၊ၵူၼ်းၸၢႆးၵႃႈဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ ဢသၢၵ်ႈလိူဝ်သၢဝ်းၵႂႃႇသေလႄႈ
၄၃ တိုၵ်းသိုၵ်းလႆႈတင်းသဵင်ႈတင်း လူင်ဢၼ်လႆႈၶၢမ်ႇတၢင်းဢၼ် ၼပ်ႉဢၢၼ်ႇၵႃႈၼႂ်းမဵဝ်းၼပ်ႉထလိၼၼ်ႉၸိုင် မီးႁႃႈမိုၼ်ႇသၢမ်ႁဵင်ပၢႆသီႇ ပၢၵ်ႇဢေႃႈ။
၄၄ ၵူၼ်းၸိူဝ်းၼႆႉၸမ်းပဵၼ်ၶဝ်ၸိူဝ်းဢၼ်မုဝ်းသေႇတင်းဢႃႇရုၼ်ႇ ဢိၵ်ႇတင်းၶုၼ်ၵႃႈၼႂ်းၵူၼ်းမဵဝ်းဢိသရေႇလ တင်းလၢႆသိပ်းသွင်ပႃးၸိူဝ်းၼၼ်ႉဢွၼ်ၵၼ်ၼပ်ႉဢၢၼ်ႇလႄႈဢဝ်ၸရၢင်းဢေႃႈ။ၶုၼ်ၸိူဝ်းၼၼ်ႉ ပဵၼ်ပုၼ်ႈမဵဝ်းပူႇမဵဝ်းပေႃႈၶဝ်ယေႈၵေႃႉယေႈမဵဝ်းဢေႃႈ။
၄၅ ၼင်ႇၼၼ်လႄႈၵႃႈၼႂ်းၵူၼ်းမဵဝ်းဢိသရေႇလတင်းလၢႆၼၼ်ႉ ၸွမ်းလူၺ်ႈမဵဝ်းပူႇမဵဝ်းပေႃႈၶဝ်သေလႄႈ ၶဝ်ၸိူဝ်းၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈဢသၢၵ်ႈလိူဝ်သၢဝ်းၵႂႃႇသေလႄႈ တိုၵ်းသိုၵ်းလႆႈၵႃႈၼႂ်းၵူၼ်းမဵဝ်းဢိသရေႇလ တင်းလၢႆၼၼ်ႉတင်းသဵင်ႈတင်း လူင်
၄၆ လႆႈၶၢမ်ႇတၢင်းဢၼ်ၼပ်ႉဢၢၼ်ႇဢဝ်ၸရၢင်းဢၼ်ဝႃႈ ၵႃႈဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၸိူဝ်းၼၼ်ႉၸမ်း မီးႁူၵ်းသႅၼ်သၢမ်ႁဵင်ႁႃႈပၢၵ်ႇပၢႆႁႃႈသိပ်းဢေႃႈ။
၄၇ ၵူၼ်းမဵဝ်းလေႇဝိ တင်းလၢႆၸွမ်းလူၺ်ႈမဵဝ်းပူႇမဵဝ်းပေႃႈၶဝ်လႄႈ ဢမ်ႇလႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈ ပႃးၼႂ်းၸရၢင်းၼၼ်ႉ။
၄၈ လွင်ႈမၼ်းၸမ်းထႃႇဝရႃႉၽြႃးမီးဢမိင်ႉတီႈမုဝ်းသေႇလႄႈဝႃႈ၊-ၵူၼ်းမဵဝ်းလေႇဝိၸိူဝ်း ၼၼ်ႉၸိုင် မႂ်းဢမ်ႇလႆႈၼပ်ႉဢၢၼ်ႇလေႃးလေးလူၺ်ႈၵၼ်တင်းၵူၼ်းမဵဝ်းဢိသရေႇလတင်းလၢႆ။
၄၉ ဢမ်ႇလႆႈ ဢဝ်သႂၢင်းၶဝ်ႈၵႃႈၼႂ်းၸရၢင်း။
၅၀ မႂ်းတၵ်းလႆႈၶၢၼ်းၵူၼ်းမဵဝ်းလေႇဝိၸိူဝ်းၼၼ်ႉဝႆႉ ပုၼ်ႈသုမ်ႉထဵင်ၶိူင်ႈၶၢမ်ႇသၢၵ်ႈသေႇၸဝ်ႈ ဢိၵ်ႇတင်းၶိူင်ႈပိူင်သုမ်ႉထဵင်ၸဝ်ႈၵႃႈမီးတင်းသဵင်ႈတင်းလူင် ၵႃႈဢၼ်ၸၢပ်ႈသႅင်ႇၵၼ်တင်းသုမ်ႉထဵင်ၸဝ်ႈၸိူဝ်းၼၼ်ႉလႄႈ ၶဝ်ၼၼ်ႉတၵ်းလႆႈႁပ်ႉဢဝ်သုမ်ႉထဵင်ၸဝ်ႈ ဢိၵ်ႇတင်းၶိူင်ႈပိူင်မၼ်းၵႃႈမီးၵႂႃႇၼၼ်ႉဢေႃႈ။ဢမူႉသုမ်ႉထဵင်ၸဝ်ႈၵေႃႈၶဝ်တၵ်းလႆႈပွင်လႆႈႁဵတ်းလႄႈ ၶျႃးတပ်ႉၶဝ်ယူႇၵႃႈတီႈလဵပ်ႈႁွပ်ႈသုမ်ႉထဵင် ၸဝ်ႈဢေႃႈ။
၅၁ မိူဝ်ႈဢၼ်ထိုင်ၶိင်ႇဢၼ်ဢဝ်သုမ်ႉထဵင်ၵႂႃႇၼၼ်ႉၸိုင်ၵူၼ်းမဵဝ်းလေႇဝိ ၸိူဝ်းၼၼ်ႉတၵ်းလႆႈၵူႈလႆႈသိမ်းဢေႃႈ။မိူဝ်ႈဢၼ်ထိုင်ၶိင်ႇဢၼ်ၶျုးတီႈယူႇသုမ်ႉထဵင်ၸဝ်ႈၵႂႃႇၼၼ်ႉၸိုင် ၵူၼ်းမဵဝ်းလေႇဝိၸိူဝ်းၼၼ်ႉသမ်ႉတၵ်းလႆႈၶိုၼ်းတင်ႈၶိုၼ်းပူၵ်းဢေႃႈ။ၵေႃႉဢၼ်ပဵၼ်ၵူၼ်းတၢင်ႇၸိူဝ်ႉတၢင်ႇၶိူဝ်းလႄႈ သုတ်ႉၸပ်းသုတ်ႉၸူးၼၼ်ႉ တၵ်းလႆႈၶၢမ်ႇတၢင်းဢၼ်ဢဝ်တၢႆဢေႃႈ။
၅၂ ၵူၼ်းမဵဝ်းဢိသရေႇလ တင်းသဵင်ႈတင်းလူင်ၼၼ်ႉတၵ်းလႆႈပူၵ်းသုမ်ႉထဵင်ၸဝ်ႈၵဝ်ႇ ၵႃႈႁိမ်းလၢမ်ႇဢၼ်ၸၢပ်ႈသႅင်ႇၵၼ်တင်းတူဝ်ၸဝ်ႈၵဝ်ႇၼၼ်ႉ မုၵ်ႉၶဝ်ၸိူဝ်းၶဝ် ႁင်းၽႂ်ႁင်းမၼ်းဢေႃႈ။
၅၃ ၵူၺ်းၵႃႈလွင်ႈၼင်ႇႁိုဝ်တၢင်းၸႂ်မႆႈၶႂ်ႈၸႃႉၸဝ်ႈ တၵ်းဢမ်ႇတူၵ်းႁွတ်ႈၵႃႈၼိူဝ်ပရိၵ်ႈသၢတ်ႈၵူၼ်းမဵဝ်းဢိသရေႇလ တင်းလၢႆၸိုင်ၵူၼ်းမဵဝ်းလေႇဝိၸိူဝ်းၼၼ်ႉ တၵ်းလႆႈၶျႃးတီႈယူႇလဵပ်ႈႁွပ်ႈသုမ်ႉထဵင်ၶိူင်ႈၶၢမ်ႇသၢၵ်ႈသေႇၸဝ်ႈၼၼ်ႉဢေႃႈ။ၵူၼ်းမဵဝ်းလေႇဝိၸိူဝ်းၼၼ်ႉ တၵ်းလႆႈပႂ်ႉလူပႂ်ႉတူၺ်းသုမ်ႉထဵင်ၶိူင်ႈ ၶၢမ်ႇသၢၵ်ႈသေႇၸဝ်ႈၼၼ်ႉယူႇဢေႃႈ။
၅၄ ၼင်ႇၼၼ်လႄႈ ၵူၼ်းမဵဝ်းဢိသရေႇလတင်းလၢႆၸွမ်းၵႃႈၼင်ႇဢၼ်ထႃႇဝရႃႉၽြႃး သင်လၢတ်ႈဝႆႉတီႈမုဝ်းသေႇၼၼ်ႉဢွၼ်ၵၼ်ႁဵတ်းၸိူဝ်ႉၼင်ႇၼၼ်ဢေႃႈ။