Chapter
၁၃
ပွႆႇၸႂ်ႉၵူၼ်းလွမ်တူၺ်းၵႂႃႇ
၁ ထႃႇဝရႃႉၽြႃး သမ်ႉမီးဢမိင်ႉတီႈမုဝ်းသေႇ လႄႈဝႃႈ ၸမ်း၊-
၂ မႂ်းပွႆႇၸႂ်ႉၵူၼ်းၵႂႃႇႁႂ်ႈလႆႈလွမ်တူၺ်းမိူင်းၶႃႇၼၢၼ်ႇ ဢၼ်ၵဝ်တၵ်းပၼ်တီႈၵူၼ်းမဵဝ်းဢိသရေႇလတင်းလၢႆၼၼ်ႉတႃႉ။မႂ်းတၵ်းလႆႈလိူၵ်ႈၵဵပ်းဢဝ်ၵႃႈၼႂ်းမဵဝ်းပူႇမဵဝ်းပေႃႈၶဝ်ၼၼ်ႉ ယေႈမဵဝ်းယေႈၵေႃႉၵေႃႉဢၼ်ပဵၼ်ငဝ်ႈပဵၼ်ႁူဝ်ၼႂ်းၶဝ်ၼၼ်ႉ ႁင်းၽႂ်ႁင်းမၼ်းဢေႃႈ ဝႃႈၼင်ႇၼႆလႄႈ
၃ မုဝ်းသေႇၵေႃႈပွႆႇၸႂ်ႉၶဝ်ဢွၵ်ႇသေၵႃႈတီႈထိူၼ်ႇပႃႇရၢၼ်ႇ ၵႂႃႇၸွမ်းၵႃႈၼင်ႇဢၼ်ထႃႇဝရႃႉၽြႃးသင်ႇလၢတ်ႈဝႆႉၼၼ်ႉဢေႃႈ။ၶဝ်ၸိူဝ်းၼၼ်ႉပဵၼ်ၵႄႇပဵၼ်ႁူဝ်ၵႃႈတီႈၵူၼ်းမဵဝ်းဢိသရေႇလ တင်းလၢႆၵူႈ ၵေႃႉဢေႃႈ။
၄ ၸိုဝ်သဵင်ၶဝ်ၸမ်းၵႃႈတီႈမဵဝ်းရုပိၼ်ႇပဵၼ် သမွႃႇဢၼ်ပဵၼ်လုၵ်ႈၸၢႆးၸၵ်ႉၵုရ
၅ ၵႃႈတီႈမဵဝ်းသိမုၼ်ႇ ပဵၼ်သႃႇၽတ်ႉ ဢၼ်ပဵၼ်လုၵ်ႈၸၢႆးႁေႃႇရိ
၆ ၵႃႈတီႈ မဵဝ်းယုတ ပဵၼ်ၵႃႇလိပ်ႉ ဢၼ်ပဵၼ်လုၵ်ႈၸၢႆးယေႇ
၇ ၽုၼ်ႇၼႃႇ ၵႃႈတီႈမဵဝ်းဢိသၶႃႇပဵၼ်ဢိၵႃႇလ ဢၼ်ပဵၼ်လုၵ်ႈၸၢႆးယုဝ်းသိပ်ႇ
၈ ၵႃႈတီႈမဵဝ်းဢေးၽရိမ်ႇပဵၼ်ဢေႃႇသေႇဢၼ်ပဵၼ်လုၵ်ႈၸၢႆးၼုၼ်ႇ
၉ ၵႃႈတီႈမဵဝ်းပိၼ်ႇယႃႇမိၼ်ႇပဵၼ်ပႃႇလတိ ဢၼ်ပဵၼ်လုၵ်ႈၸၢႆးရႃႇ
၁၀ ၽုၵႃႈတီႈမဵဝ်းၸေႇပုလုၼ်ႇ ပဵၼ်ၵႃႇတျေႇလဢၼ်ပဵၼ်လုၵ်ႈၸၢႆးသေႃႇတိ ၵႃႈတီႈမဵဝ်းယုဝ်းသိပ်ႉဢၼ်ဝႃႈ
၁၁ မဵဝ်းမၼႃႇသေႇပဵၼ်ၵတ်ႉတိ ဢၼ်ပဵၼ်လုၵ်ႈၸၢႆးသုသိ၊
၁၂ ၵႃႈတီႈမဵဝ်းတၼ်ႇပဵၼ်ဢမျေႇလ ဢၼ်ပဵၼ်လုၵ်ႈၸၢႆး ၵေႇမလိ
၁၃ ၵႃႈတီႈမဵဝ်းဢႃႇသႃႇပဵၼ်သေႇသုရ ဢၼ်ပဵၼ် လုၵ်ႈၸၢႆးမိၵေႇလၵႃႈတီႈမဵဝ်းၼပ်ႉထလိ
၁၄ ပဵၼ်ၼႃႇၽိ ဢၼ်ပဵၼ်လုၵ်ႈၸၢႆးဝႃႇၽသိ
၁၅ ၵႃႈတီႈမဵဝ်းၵတ်ႉပဵၼ်ၵုၺ်ႇလ ဢၼ်ပဵၼ်လုၵ်ႈၸၢႆးမႃႇၶိၼၼ်ႉဢေႃႈ။
၁၆ ဢၼ်ၼႆႉၸမ်း ပဵၼ်ၸိုဝ်ႈသဵင်ၶဝ်ၸိူဝ်းဢၼ်မုဝ်းသေႇပွႆႇၸႂ်ႉၵႂႃႇ ႁႂ်ႈလႆႈလွမ်တူၺ်းမိူင်းၶႃႇၼၢၼ်ႇၼၼ်ႉဢေႃႈ။ဢေႃႇသေႇဢၼ်ပဵၼ်လုၵ်ႈၸၢႆးၼုၼ်ႇၼၼ်ႉၸိုင် မုဝ်းသေႇႁွင်ႉႁိၵ်ႈၸိုဝ်ယေႃးသုဢေႃႈ။
၁၇ မုဝ်းသေႇပွႆႇၸႂ်ႉၶဝ်ၼၼ်ႉၵႂႃႇ ႁႂ်ႈလႆႈလွမ်လႆႈတူၺ်းမိူင်းၶႃႇၼၢၼ်ႇလႄႈသင်ႇလၢတ်ႈလႄႈဝႃႈ၊-သူဢွၼ်ၵၼ်ၵႂႃႇၸွမ်းသဵၼ်ႈတၢင်းပွတ်းတၢင်းၸၢၼ်း သေလႄႈ ၶိုၼ်ႈၵႃႈၼိူဝ်လွႆတႃႉ။
၁၈ လွမ်တူၺ်းလွင်ႈဢၼ်မိူင်းၼၼ်ႉပဵၼ်မိူင်းၸိူဝ်ႉၼင်ႇႁိုဝ်၊ ၵူၼ်းဢၼ်ယူႇၼႂ်းမိူင်းၼၼ်ႉၸိူဝ်းၼၼ်ႉႁႅင်းယႂ်ႇႁိုဝ်ႁႅင်းလဵၵ်ႉႁိဝ်၊ၼမ်ႁိုဝ်၊ၵေႇႁိုဝ်။
၁၉ မိူင်းဢၼ်ၶဝ်ယူႇၼၼ်ႉပဵၼ်ၸိူဝ်ႉၼင်ႇႁိုဝ်၊ လီႁိုဝ်၊ဢမ်ႇလီႁိုဝ်၊ ဝၢၼ်ႈဝဵင်းဢၼ်ၶဝ်ယူႇၸိူဝ်းၼၼ်ႉပဵၼ်ၸိူဝ်ႉၼင်ႇႁိုဝ်၊ယူႇၵႃႈၼႂ်းသုမ်ႉထဵင်ႁိုဝ်၊ ယူႇၵႃႈၼႂ်းဝဵင်းဢၼ် မၼ်ႈၶိူင်ႇႁိုဝ်။
၂၀ လိၼ်ၼၼ်ႉပဵၼ်ၸိူဝ်ႉၼင်ႇႁိုဝ်၊လီႁိုဝ်၊ဢမ်ႇလီႁိုဝ်၊ မီးတူၼ်ႈမႆႉတူၼ်ႈတွၵ်ႇႁိုဝ်၊ဢမ်ႇမီးႁိုဝ်ၼၼ်ႉတႃႉ။ဢွၼ်ၵၼ်မီးၸႂ်ဢၼ်ႁတ်းႁၢၼ်တႃႉ။ဢွၼ်ၵၼ်ဢဝ် မၢၵ်ႇမႆႉမၢၵ်ႇတွၵ်ႇမိူင်းၼၼ်ႉၵမ်ႈၽွင်ႈမႃးတႃႉ၊ဝႃႈၼင်ႇၼႆဢေႃႈ။ၶိင်ႇၵႃႇလႃႉၼၼ်ႉပဵၼ်ၶိင်ႇၵႃႇလႃႉဢၼ်မၢၵ်ႇၸပိတ်ႉ မၢၵ်ႇၸုပ်ႈဢွၼ်တၢင်းသုတ်းပိူၼ်ႈ ဢေႃႈ။
၂၁ ၶဝ်ၼၼ်ႉၵေႃႈဢွၼ်ၵၼ်ၵႂႃႇလႄႈလွမ်တူၺ်းမိူင်း ၶႃႇၼၢၼ်ႇ ဢဝ်ၵႃႈတီႈၸႃႉၸဵမ်ထိူၼ်ႇ ၸိၼတေႃႇထိုင်ႁွတ်ႈဝဵင်:ရႁေႃႇၽ ႁိမ်းသဵၼ်ႈတၢင်းဢၼ် ၵႂႃႇၸူးၵႃႈတီႈဝဵင်းႁႃႇမတ်ႉၼၼ်ႉဢေႃႈ။
၂၂ ၶဝ်ပႆၸွမ်းသဵၼ်ႈတၢင်းပွတ်းၸၢၼ်းၵႂႃႇလႄႈ ႁွတ်ႈၽႅဝ်ၵႃႈတီႈဝဵင်းႁေႇပုၼ်ႇ ဢၼ်ဢႁိမၼ်ႇသေႇသေႇတင်းတႃႇလမေႇၵူၼ်းမဵဝ်းဢႃႇၼၵၸိူဝ်းၼၼ်ႉယူႇၼၼ်ႉဢေႃႈ။ဝဵင်းႁေႇပုၼ်ႇၼၼ်ႉၸမ်း ပဵၼ်ဝဵင်းဢၼ်တႄႇႁဵတ်းဢွၼ်တၢင်းဝဵင်းၸေႃႇၼ ဢၼ်မီးၵႃႈတီႈမိူင်းဢေႇၵႅပ်ႉ တုၼၼ်ႉၸဵတ်းပီႊဢေႃႈ။
၂၃ ၶဝ်ႁွတ်ႈထိုင်ၵႃႈတီႈပၢင်ႁူၺ်ႈဢေႇသၵေႃႇလ သေယဝ်ႉၶဝ်တႅပ်းၽၼ်းဢဝ်ၵိင်ႇတူၼ်ႈၶိူဝ်းမၢၵ်ႇၸပိတ်ႉၵိင်ႇၼိုင်ႈ ဢၼ်ပႃးပုၵ်ႉမၢၵ်ႇမၼ်းပုၵ်ႉၼိုင်ႈလႄႈၵူၼ်းသွင်ၵေႃႉဢဝ်တင်းၵၢၼ်းႁၢပ်ႇဢေႃႈ။မၢၵ်ႈၸင်ႈ လႂ်၊မၢၵ်ႇသၢင်းၽေႃး လႂ်ၵေႃႈၶဝ် ပႃးဢဝ်မႃးဢေႃႈ။
၂၄ ၸွမ်းလူၺ်ႈပုၵ်ႉမၢၵ်ႇၸပိတ်ႉဢၼ်ၵူၼ်းမဵဝ်းဢိသရေႇလ တင်းလၢႆတႅပ်းဢဝ်ၼၼ်ႉလႄႈၶဝ်ႁွင်ႉႁိၵ်ႈၸိုဝ်ပၢင်ႁူၺ်ႈၼၼ်ႉဝႃႈ ဢေႇသၵေႃႇလ ဢေႃႈ။
၂၅ ပူၼ်ႉသီႇသိပ်းဝၼ်းသေယဝ်ႉဢမူႉတၢင်းဢၼ်လွမ်တူၺ်းမိူင်းၶႃႇၼၢၼ်ႇၼၼ်ႉ ယဝ်ႉတူဝ်ႈယဝ်ႉလႄႈၶဝ်ဢွၼ်ၵၼ်ၶိုၼ်းမႃးဢေႃႈ။
၂၆ ၶဝ်ၶိုၼ်းႁွတ်ႈထိုင်ၵႃႈတီႈမုဝ်းသေႇတင်း ဢႃႇရုၼ်ႇဢိၵ်ႇတင်းၵူၼ်းမဵဝ်းဢိသရေႇလ တင်းသဵင်ႈတင်းလူင်ၵႃႈၼႂ်းထိူၼ်ႇပႃႇရၢၼ်ႇတီႈၵႃႇတေႇသ ၼၼ်ႉသေယဝ်ႉမွၵ်ႇလၢတ်ႈသတၢင်းသဵင်ၶၢဝ်ႇ တီႈပရိၵ်ႈသၢတ်ႈတင်းသဵင်ႈတင်းလူင်လႄႈ ဢဝ်မၢၵ်ႇဢၼ်မၢၵ်ႇၵႃႈတီႈမိူင်း ၼၼ်ႉၸိူဝ်းၼၼ်ႉၼႄပျႃႉတီႈၶဝ်ဢေႃႈ။
၂၇ ၶဝ်လဝ်ႈလၢတ်ႈတီႈမုဝ်းသေႇလႄႈဝႃႈ၊-ႁဝ်းၶႃႈႁွတ်ႈထိုင်ၵႃႈတီႈ မိူင်းဢၼ်ၸဝ်ႈႁဝ်းပွႆႇၸႂ်ႉႁဝ်းၶႃႈၵႂႃႇၼၼ်ႉယဝ်ႉၶႃႈယဝ်ႉ။မိူင်းၼၼ်ႉပဵၼ်မိူင်းဢၼ်ၼမ်ႉၼူမ်းတင်းၼမ်ႉၽိုင်ႈလႆယူႇဢမၢၼ်ႇၶၢၼ်ပဵၼ်ၶႃႈဢေႃႈ။မၢၵ်ႇၸိူဝ်းၼႆႉၸမ်း ပဵၼ်မၢၵ်ႇဢၼ်မၢၵ်ႇၵႃႈတီႈမိူင်းၼၼ်ႉၶႃႈဢေႃႈ။
၂၈ ၼႂ်းဝႃႈၼၼ်သေၵေႃႈ ၵူၼ်းဝၢၼ်ႈၵူၼ်းမိူင်းၼၼ်ႉႁႅင်းယႂ်ႇၼႃႇၶႃႈဢေႃႈ။ဝဵင်းၶဝ်ၸိူဝ်းၼၼ်ႉပဵၼ်ဝဵင်းဢၼ်မၼ်ႈၶိူင်ႇလႄႈယႂ်ႇၼႃႇလူင်လၢင်ၶႃႈဢေႃႈ။လိူဝ်သေၼၼ်ႉႁဝ်းၶႃႈလႆႈႁၼ်ၵူၼ်းမဵဝ်း ဢႃႇၼၵ ၵႃႈတီႈ ၼၼ်ႉၶႃႈဢေႃႈ။
၂၉ ၵူၼ်းမဵဝ်းဢႃႇမလိၵ်ႉတင်းလၢႆယူႇၵႃႈတီႈပွတ်းတၢင်းၸၢၼ်း ၵူၼ်းမဵဝ်းႁိတ်ႉတိ ၵူၼ်းမဵဝ်းယေႇပုသိ ၵူၼ်းမဵဝ်းဢႃႇမေႃးရိတင်းလၢႆယူႇၵႃႈတီႈၼိူဝ်လွႆၵူၼ်းမဵဝ်းၶႃႇၼၼိ တင်းလၢႆယူႇၵႃႈတီႈႁိမ်းပၢင်ႇလၢႆႇဢိၵ်ႇတင်း ၵႃႈတီႈႁိမ်းၼမ်ႉႁွင်ႊယေႃႇတၢၼ်ႇ ၶႃႈဢေႃႈ၊ဝႃႈၼင်ႇၼႆဢေႃႈ။
၃၀ ၵႃႇလိပ်ႉၵေႃႈႁႂ်ႈၵူၼ်းတင်းလၢႆ ယူႇတဵတ်ႇတဵတ်ႇယဵၼ်ယဵၼ်ၵႃႈတီႈၽၢႆႇၼႃႈမုဝ်းသေႇလႄႈဝႃႈ၊- ဢွၼ်ၵၼ်ၶီႇသိုၵ်းၵႂႃႇၵမ်းလဵဝ်လႄႈသိမ်းဢဝ်မိူင်းၼၼ်ႉတႃႉႁဝ်း။ႁဝ်းတတ်ႈၼိုင်ႇပႄႉၼႅင်ႇလႆႈယူႇဢမၢၼ်ႇၶၢၼ်ပဵၼ်ဢေႃႈ၊ဝႃႈၼင်ႇ ၼႆဢေႃႈ။
၃၁ ၶဝ်ၸိူဝ်းဢၼ်ၸွမ်းလူၺ်ႈၵၼ်တင်းမၼ်းၼၼ်ႉဢွၼ်ၵၼ်လၢတ်ႈဝႃႈ၊- ႁဝ်းဢမ်ႇတတ်ႈၼိုင်ႇတိုၵ်းၵူၼ်းမိူင်းၸိူဝ်းၼၼ်ႉလႆႈ။ၶဝ်ၼၼ်ႉယိင်ႈၶႅၼ်းႁႅင်း ယႂ်ႇၼႃႇသေႁဝ်းၼႆႉဢေႃႈ၊ဝႃႈၼင်ႇၼႆဢေႃႈ။
၃၂ ၶဝ်သမ်ႉမွၵ်ႇလၢတ်ႈသတၢင်းသဵင်ၶၢဝ်ႇဢၼ်ဢမ်ႇလီဢမ်ႇငၢမ်းလူၺ်ႈလွင်ႈ မိူင်းဢၼ်ၶဝ်လွမ်တူၺ်းၼၼ်ႉတီႈၵူၼ်းမဵဝ်းဢိသရေႇလတင်းလၢႆလႄႈဝႃႈ၊-မိူင်းဢၼ်ႁဝ်းၵႂႃႇလႄႈ လႄႇလဵပ်ႈလွမ်တူၺ်းၼၼ်ႉၸၢင်ႊၵိၼ်ၵူၼ်းဢၼ်ယူႇၵႃႈၼႂ်းမၼ်းတင်းလၢႆပႅတ်ႈဢေႃႈ။ၵူၼ်းဝၢၼ်ႈၵူၼ်းမိူင်း ၵႃႈဢၼ်ႁဝ်းထူပ်းႁၼ်ၵႃႈၼႂ်း မၼ်းၼၼ်ႉတူဝ်ၶိင်းယႂ်ႇၼႃႇလူင်လၢင်ဢေႃႈ။
၃၃ ၵူၼ်းမဵဝ်းဢႃႇၼၵ ဢၼ်သိုပ်ႇလူင်းမႃးၵႃႈတီႈၵူၼ်းမဵဝ်းၼၼ်ႉၵေႃႈႁဝ်းလႆႈႁၼ်ၵႃႈတီႈၼၼ်ႉမႃးယဝ်ႉ။ၸွမ်းၼင်ႇဢၼ် တႃႁဝ်းႁၼ်ၼၼ်ႉၸိုင်ႁဝ်းၼႆႉပဵၼ်ၸိူဝ်ႉၼင်ႇၸၵ်းတဵၼ်ႈၼၼ်ႉၵူၺ်းဢေႃႈ။ၸွမ်းၼင်ႇဢၼ်တႃၶဝ်ႁၼ်ၼၼ်ႉၵေႃႈႁဝ်းၼႆႉပဵၼ်ၸိူဝ်ႉၼင်ႇၸၵ်းတဵၼ်ႈၼၼ်ႉယဝ်ႉ၊ ဝႃႈၼင်ႇၼႆဢေႃႈ။