Chapter
၂၈
ႁဵတ်းတၢင်းလူႇၵူႈဝၼ်း
၁ ထႃႇဝရႃႉၽြႃး သမ်ႉမီးဢမိင်ႉတီႈမုဝ်းသေႇ လႄႈဝႃႈ ၸမ်း၊-
၂ မႂ်းသင်ႇလၢတ်ႈတီႈၵူၼ်းမဵဝ်းဢိသရေႇလတင်းလၢႆလႄႈဝႃႈ၊-ၶိူင်ႈပုၵ်ႉၸေႃႇၵဝ် ဢႁႃႇရႃႉတၢင်းၵိၼ်ၵဝ် ဢၼ်ဢဝ်တင်းၽႆးပုၵ်ႉၸေႃႇလႄႈပဵၼ်ဢၢႆဢၼ်ႁွမ်ဢၼ်ႁူၺ်းပုၼ်ႈၵဝ်ၼၼ်ႉၸိုင် သူတၵ်းလႆႈႁဵတ်းသတိ ႁႂ်ႈလႆႈပုၵ်ႉၸေႃႇတီႈၵဝ်မိူဝ်ႈဢၼ်ၶိင်ႇထုၵ်ႇ ၶႃႇထုၵ်ႇၼၼ်ႉဢေႃႈ၊ဝႃႈၼင်ႇၼႆဢေႃႈ။
၃ မႂ်းသမ်ႉတၵ်းလႆႈသင်ႇလၢတ်ႈထႅင်ႈလႄႈဝႃႈ၊-ယိၸ်ႉဢၼ်တုတ်ႇၽႆးဢၼ်သူတၵ်းလႆႈဢဝ်ပုၵ်ႉၸေႃႇ ၵႃႈတီႈထႃႇဝရႃႉၽြႃးၼၼ်ႉၸမ်း တၵ်းလႆႈပဵၼ်သူဝ်းပေႃႈဢွၼ်ဢၼ်ဢမ်ႇပႆႇၶွပ်ႈၶူပ်ႇ၊ဢၼ်ဢမ်ႇပႃးဢင်ႇၵႃႇလူႉၼၼ်ႉယေႈဝၼ်းသွင်တူဝ်ပုၼ်ႈယိၸ်ႉဢၼ်တုတ်ႇၽႆးၵူႈဝၼ်းတႃႇသေႇဢမ်ႇထၢတ်ႇဢေႃႈ။
၄ မႂ်းတၵ်းလႆႈဢဝ်သူဝ်းဢွၼ်ႇၼၼ်ႉတူဝ်ၼိုင်ႈပုၵ်ႉၸေႃႇၶိင်ႇႁူဝ်ၼႂ် သူဝ်းဢွၼ်ႇတူဝ်ၼိုင်ႈပုၵ်ႉၸေႃႇၶိင်ႇႁူဝ်ၶမ်ႈဢေႃႈ။
၅ ၽွင်ၶဝ်ႈ မုၼ်းဢေႇၽႃႇသိပ်းပုၼ်ႊပုၼ်ႊၼိုင်ႈ ၼမ်ႉမၼ်းမၢၵ်ႇသၢၼ်ႇလုၼ်ႇႁီႉၼႃႉသီႇပုၼ်ႊပုၼ်ႊၼိုင်ႈ သႂ်ႇလေႃးလႄႈ ပုၵ်ႉၸေႃႇ ပုၼ်ႈတၢင်းပုၵ်ႉၸေႃႇၽေႃးၸဵၼ်ႇ ဢေႃႈ။
၆ ဢၼ်ၼႆႉၸမ်းပဵၼ်ယိၸ်ႉတုတ်ႇၽႆးဢၼ်လႆႈႁဵတ်းတႃႇသေႇဢမ်ႇထၢတ်ႇ ဢၼ်မၼ်းၸီႇယၢင်ႇဝႆႉၵႃႈၼိူဝ်လွႆသိၼႃႇပုၼ်ႈဢၢႆဢၼ်ႁွမ်ဢၼ်ႁူၺ်းတၢင်းပုၵ်ႉၸေႃႇဢၼ်ဢဝ်တင်းၽႆးႁဵတ်း တီႈထႃႇဝရ ရႃႉၽြႃးၼၼ်ႉဢေႃႈ။
၇ ၶိူင်ႈပုၵ်ႉၸေႃႇဢၼ်သွၼ်းလေႃႇမၼ်းၸမ်းတၵ်းလႆႈပဵၼ် ၼမ်ႉၸပိတ်ႉႁီႉၼႃႉသီႇပုၼ်ႊပုၼ်ႊၼိုင်ႈပုၼ်ႈသူဝ်းဢွၼ်ႇတူဝ်ၼိုင်ႈဢေႃႈ။မႂ်းတၵ်းလႆႈဢဝ်ၶိူင်ႈပုၵ်ႉၸေႃႇ ဢၼ်သွၼ်းလေႃႇဢၼ်ပဵၼ်ၼမ်ႉၸပိတ်ႉ ဢၼ်ၶႅၼ်ႇၼႃႇၼၼ်ႉသွၼ်းလေႃႇတီႈထႃႇဝရႃႉၽြႃး ၵႃႈၼႂ်းထႃႇၼႃႉတီႈမူတ်းၸၢင်ႇၸဝ်ႈ ဢေႃႈ။
၈ သူဝ်းဢွၼ်ႇတူဝ်ၼိုင်ႈၸိုင် မႂ်းတၵ်းလႆႈဢဝ်ပုၵ်ႉၸေႃႇၶိင်ႇႁူဝ်ၶမ်ႈလႄႈ ပႃးမိူၼ်ၸိူဝ်ႉၼင်ႇဢၼ်ပႃးတၢင်းပုၵ်ႉၸေႃႇၽေႃးၸဵၼ်ႇ ဢိၵ်ႇတင်း တၢင်းပုၵ်ႉၸေႃႇ ဢၼ်သွၼ်းလေႃႇၶိင်ႇၵၢင်ၼႂ်ၼၼ်ႉလႄႈႁဵတ်းယိၸ်ႉ ဢၼ်ဢဝ်တင်းၽႆးပုၵ်ႉၸေႃႇလႄႈ ပဵၼ်ဢၢႆဢၼ်ႁွမ်ဢၼ်ႁူၺ်းပုၼ်ႈထႃႇဝရႃႉၽြႃးဢေႃႈ။
တၢင်းပုၵ်ႉၸေႃႇဝၼ်းၵမ်သိၼ်
၉ ဝၼ်းၵမ်သိၼ် မႂ်းတၵ်းလႆႈဢဝ်သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇဢၼ်ဢမ်ႇပႃးဢင်ႇၵႃႇလူႉ ဢိၵ်ႇတင်းၽွင်ၶဝ်ႈမုၼ်းဢေႇၽႃႇ သိပ်းပုၼ်ႊ ဢဝ်သွင်ပုၼ်ႊဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉ ပုၼ်ႈတၢင်းပုၵ်ႉၸေႃႇၽေႃးၸဵၼ်ႇမၼ်း ဢိၵ်ႇတင်း ၶိူင်ႈပုၵ်ႉၸေႃႇ ဢၼ်သွၼ်းလေႃႇမၼ်းၼၼ်ႉပုၵ်ႉၸေႃႇဢေႃႈ။
၁၀ ဢၼ်ၼႆႉၸမ်း ပဵၼ်ယိၸ်ႉဢၼ်တုတ်ႇၽႆးဢၼ်ပုၵ်ႉၸေႃႇဝၼ်းၵမ်သိၼ်ၵူႈဝၼ်း ၼွၵ်ႈသေယိၸ်ႉဢၼ်တုတ်ႇၽႆးဢၼ်ပုၵ်ႉၸေႃႇၵူႈဝၼ်း တႃႇသေႇဢမ်ႇထၢတ်ႇဢိၵ်ႇတင်းၶိူင်ႈပုၵ်ႉၸေႃႇဢၼ်သွၼ်းလေႃႇမၼ်းၼၼ်ႉဢေႃႈ။
တၢင်းပုၵ်ႉၸေႃႇၵူႈလိူၼ်
၁၁ ဝၼ်းလိူၼ်မႂ်ႇၶမ်ႈၼိုင်ႈ မႂ်းတၵ်းလႆႈဢဝ်ယိၸ်ႉဢၼ်တုတ်ႇၽႆးတီႈ ထႃႇဝရႃႉၽြႃး ဢၼ်ပဵၼ်ဝူဝ်းပေႃႈဢၼ်ဢသၢၵ်ႈၼုမ်ႇသွင်တူဝ်သူဝ်းပေႃႈတူဝ်ၼိုင်ႈတင်း သူဝ်းပေႃႈဢွၼ်ႇဢမ်ႇပႆႇၶွပ်ႈၶူပ်ႇဢၼ်ဢမ်ႇပႃး ဢင်ႇၵႃႇလူႉၸဵတ်းတူဝ်။
၁၂ ပုၼ်ႈဝူဝ်းယေႈတူဝ်ၽွင်ၶဝ်ႈမုၼ်းဢေႇၽႃႇသၢမ်ပုၼ်ႊဢဝ်ပုၼ်ႊၼိုင်ႈ ဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉ ပုၼ်ႈတၢင်းပုၵ်ႉၸေႃႇၽေႃးၸဵၼ်ႇပုၼ်ႈသူဝ်းပေႃႈတူဝ်ၼိုင်ႈ ၽွင်ႈၶဝ်ႈမုၼ်းဢေႇၽႃႇသိပ်းပုၼ်ႊ ဢဝ်သွင်ပုၼ်ႊဢၼ်ဢဝ်ၼမ်ႉမၼ်းသႂ်ႇ လေႃးၼၼ်ႉပုၼ်ႈတၢင်းပုၵ်ႉၸေႃႇၽေႃးၸဵၼ်ႇ
၁၃ ပုၼ်ႈသူဝ်းဢွၼ်ႇယေႈတူဝ် ၽွင်ၶဝ်ႈမုၼ်းဢၼ်ဢဝ်ၼမ်ႉမၼ်းသႂ်ႇလေႃး ဢေႇၽႃႇသိပ်းပုၼ်ႊပုၼ်ႊၼိုင်ႈပုၼ်ႈတၢင်းပုၵ်ႉၸေႃႇၽေႃးၸဵၼ်ႇပုၵ်ႉၸေႃႇပုၼ်ႈယိၸ်ႉဢၼ်တုတ်ႇၽႆးလႄႈ ပဵၼ်ဢၢႆဢၼ်ႁွမ်ဢၼ်ႁူၺ်းဢၼ်ဝႃႈ တၢင်းပုၵ်ႉၸေႃႇ ဢၼ်ဢဝ်တင်းၽႆးပုၵ်ႉ ၸေႃႇတီႈထႃႇဝရႃႉၽြႃးၼၼ်ႉဢေႃႈ။
၁၄ ပုၼ်ႈၶိူင်ႈပုၵ်ႉၸေႃႇဢၼ်သွၼ်းလေႃႇမၼ်းၸမ်းတၵ်းလႆႈပဵၼ်ၼမ်ႉၸပိတ်ႉၶိုင်ႈႁီႉၼႃႉ ပုၼ်ႈဝူဝ်းယေႈတူဝ်၊ႁီႉၼႃႉသၢမ်ပုၼ်ႊပုၼ်ႊၼိုင်ႈပုၼ်ႈသူဝ်းပေႃႈယေႈတူဝ် ႁီႉၼႃႉသီႇပုၼ်ႊပုၼ်ႊၼိုင်ႈပုၼ်ႈသူဝ်းဢွၼ်ႇယေႈတူဝ်ဢေႃႈ။ဢၼ်ၼႆႉၸမ်း ပဵၼ်ယိၸ်ႉဢၼ်တုတ်ႇၽႆးဢၼ်တၵ်းလႆႈပုၵ်ႉၸေႃႇၵူႈလိူၼ် တႃႇသေႇဢမ်ႇထၢတ်ႇဢေႃႈ။
၁၅ ပေႉပေႃႈ ပုၼ်ႈယိၸ်ႉဢၼ်ၽေႇဢပျႅတ်ႈတူဝ်ၼိုင်ႈတီႈထႃႇဝရႃႉၽြႃးၼၼ်ႉၵေႃႈ တၵ်းလႆႈဢဝ်ပုၵ်ႉၸေႃႇၼွၵ်ႈသေယိၸ်ႉဢၼ်တုတ်ႇၽႆးဢၼ်ပုၵ်ႉၸေႃႇၵူႈဝၼ်းတႃႇသေႇဢမ်ႇထၢတ်ႇ ဢိၵ်ႇတင်းၶိူင်ႈပုၵ်ႉၸေႃႇဢၼ်သွၼ်းလေႃႇမၼ်းၸိူဝ်းၼၼ်ႉၵေႃႈ တၵ်းလႆႈပုၵ်ႉၸေႃႇဢေႃႈ။
ပွႆးပႃသၶႃႇ
၁၆ လိူၼ်ပထမသိပ်းသီႇဝၼ်းပဵၼ်ပွႆးပႃသၶႃႇထႃႇဝရႃႉၽြႃးဢေႃႈ။လၢႆးသမ်ႉသိပ်းႁႃႈဝၼ်းတၵ်းလႆႈၶၢမ်ႇပွႆးၼၼ်ႉဢေႃႈ။
၁၇ ၸဵတ်းဝၼ်းတဵမ်တဵမ်တၵ်းလႆႈၵိၼ်ၶဝ်ႈ မုၼ်းဢၼ်ဢမ်ႇပႃးၸိူဝ်ႉပႅင်ႈဢေႃႈ။
၁၈ ဝၼ်းပထမၼၼ်ႉတၵ်းလႆႈႁဵတ်းတၢင်းဢၼ်ၸူႉတုမ် ထမ်ႇမႃႉၵၼ် ဢေႃႈ။
၁၉ သူဢမ်ႇလႆႈႁဵတ်းတၢင်းႁဵတ်းလေႃးၵီႇ။သူတၵ်းလႆႈပုၵ်ႉၸေႃႇတၢင်းဢၼ်ဢဝ်တင်းၽႆးပုၵ်ႉၸေႃႇဢၼ်ပဵၼ်ယိၸ်ႉ ဢၼ်ဢဝ်တင်းၽႆးႁဵတ်းတီႈထႃႇဝရႃႉၽြႃး ဢၼ်ပဵၼ်ဝူဝ်းပေႃႈဢၼ်ဢသၢၵ်ႈၼုမ်ႇသွင်တူဝ် သူဝ်းပေႃႈတူဝ်ၼိုင်ႈသူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇဢၼ်ဢမ်ႇပႃးဢင်ႇၵႃႇလူႉၸဵတ်းတူဝ် ဢေႃႈ။
၂၀ သူတၵ်းလႆႈဢဝ်တၢင်းပုၵ်ႉၸေႃႇၽေႃးၸဵၼ်ႇဢၼ်ဝႃႈၽွင်ၶဝ်ႈမုၼ်းဢေႇၽႃႇသိပ်းပုၼ်ႊဢဝ်သၢမ်ပုၼ်ႊဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉ
၂၁ ပုၼ်ႈ ဝူဝ်းယေႈတူဝ်ဢိၵ်ႇတင်း သိပ်းပုၼ်ႊဢဝ်သွင်ႈပုၼ်ႊပုၼ်ႈသူဝ်းပေႃႈတူဝ်ၼိုင်ႈၼၼ်ႉလႄႈ ဢဝ်သိပ်းပုၼ်ႊပုၼ်ႊၼိုင်ႈ ပုၼ်ႈယေႈတူဝ် ႁႂ်ႈပေႃးၸေးသူဝ်းပေႃႈ ဢွၼ်ႇၸဵတ်းတူဝ်ၼၼ်ႉပုၵ်ႉၸေႃႇဢေႃႈ။
၂၂ ပေႉပေႃႈတူဝ်ၼိုင်ႈပုၼ်ႈယိၸ်ႉဢၼ်ၽေႇဢပျႅတ်ႈၵေႃႈ တၵ်းလႆႈပုၵ်ႉၸေႃႇလႄႈႁဵတ်းတၢင်း ဢၼ်ၽေႇဢပျႅတ်ႈဢေႃႈ။
၂၃ ၼွၵ်ႈသေယိၸ်ႉဢၼ်တုတ်ႇၽႆး ဢၼ်ပုၵ်ႉၸေႃႇၵူႈၼႂ်တႃႇသေႇဢမ်ႇထၢတ်ႇၼၼ်ႉ တၵ်းလႆႈဢဝ်ယိၸ်ႉၸိူဝ်း ၼၼ်ႉထၢပ်ႈထႅင်ႈလႄႈပုၵ်ႉၸေႃႇဢေႃႈ။
၂၄ ၼင်ႇၼၼ်လႄႈ တၵ်းလႆႈဢဝ်ဢႁႃႇရႃႉတၢင်းၵိၼ် တၢင်းပုၵ်ႉၸေႃႇ ဢၼ်ဢဝ်တင်းၽႆးပုၵ်ႉၸေႃႇလႄႈ ပဵၼ်ဢၢႆဢၼ်ႁွမ်ဢၼ်ႁူၺ်း ပုၼ်ႈထႃႇဝရႃႉၽြႃးပုၵ်ႉၸေႃႇ ၸဵတ်းဝၼ်းတဵမ်တဵမ်ၵူႈဝၼ်းဢေႃႈ။
၂၅ တၵ်းလႆႈဢဝ်ပုၵ်ႉၸေႃႇ ၼွၵ်ႈသေယိၸ်ႉဢၼ်တုတ်ႇၽႆးဢၼ်ပုၵ်ႉၸေႃႇၵူႈဝၼ်းတႃႇသေႇဢမ်ႇထၢတ်ႇ ဢိၵ်ႇတင်း ၶိူင်ႈပုၵ်ႉၸေႃႇဢၼ်သွၼ်းလေႃႇမၼ်းၼၼ်ႉဢေႃႈ။ဝၼ်းသတ်ႉတမၼၼ်ႉၵေႃႈ သူတၵ်းလႆႈႁဵတ်းတၢင်းဢၼ်ၸူႉတုမ်ထမ်ႇမႃႉၵၼ်ဢေႃႈ။သူဢမ်ႇလႆႈႁဵတ်းတၢင်းႁဵတ်းလေႃးၵီႇ။
တၢင်းပုၵ်ႉၸေႃႇၽေႃးၸဵၼ်ႇ
၂၆ လိူဝ်သေၼၼ်ႉၼႂ်းဝၼ်းမၢၵ်ႇဢၼ်မၢၵ်ႇဢွၼ်တၢင်းၼၼ်ႉ မိူဝ်ႈဢၼ်သူဢဝ်တၢင်းပုၵ်ႉၸေႃႇၽေႃးၸဵၼ်ႇဢၼ်မႂ်ႇ မႃးတီႈထႃႇဝရႃႉၽြႃး ၼႂ်းပွႆးၸဵတ်းဝၼ်းၼၼ်ႉၸိုင် သူတၵ်းလႆႈႁဵတ်းတၢင်းဢၼ်ၸူႉတုမ်ထမ်ႇမႃႉၵၼ်ဢေႃႈ။သူဢမ်ႇလႆႈႁဵတ်းတၢင်းႁဵတ်းလေႃးၵီႇ။
၂၇ သူတၵ်းလႆႈဢဝ်ယိၸ်ႉ ဢၼ်တုတ်ႇၽႆးဢၼ်ပဵၼ်ဢၢႆဢၼ်ႁွမ်ဢၼ်ႁူၺ်း ပုၼ်ႈထႃႇဝရႃႉၽြႃးဢၼ်ပဵၼ်ဝူဝ်းပေႃႈ ဢၼ်ဢသၢၵ်ႈၼုမ်ႇသွင်တူဝ် သူဝ်းပေႃႈတူဝ်ၼိုင်ႈ တင်းသူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇၸဵတ်းတူဝ် ဢိၵ်ႇတင်းတၢင်းပုၵ်ႉၸေႃႇၽေႃးၸဵၼ်ႇ မၼ်း
၂၈ ဢၼ်ပဵၼ်ၽွင်ႈၶဝ်ႈမုၼ်းဢေႇၽႃႇသိပ်းပုၼ်ႊဢဝ်သၢမ်ပုၼ်ႊဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉပုၼ်ႈဝူဝ်းယေႈတူဝ်ဢိၵ်ႇတင်း သိပ်းပုၼ်ႊဢဝ်သွင် ပုၼ်ႊ
၂၉ ပုၼ်ႈသူဝ်းပေႃႈတူဝ်ၼိုင်ႈၼၼ်ႉ တင်းသိပ်းပုၼ်ႊပုၼ်ႊၼိုင်ႈ ပုၼ်ႈယေႈတူဝ် ႁႂ်ႈပေႃးၸေးသူဝ်းပေႃႈဢွၼ်ႇၸဵတ်းတူဝ်ၼၼ်ႉ ဢိၵ်ႇတင်းပေႉပေႃႈတူဝ်ၼိုင်ႈ
၃၀ ပုၼ်ႈဢၼ်တၵ်းၽေႇဢပျႅတ်ႈသူၼၼ်ႉပုၵ်ႉၸေႃႇ ဢေႃႈ။
၃၁ ၼင်ႇၼၼ်လႄႈၼွၵ်ႈသေယိၸ်ႉဢၼ်တုတ်ႇၽႆးဢၼ်ပုၵ်ႉၸေႃႇၵူႈဝၼ်း တႃႇသေႇဢမ်ႇထၢတ်ႇဢိၵ်ႇတင်း တၢင်းပုၵ်ႉၸေႃႇၽေႃးၸဵၼ်ႇမၼ်းၼၼ်ႉသူတၵ်းလႆႈဢဝ်တူဝ်ယိၸ်ႉ ဢၼ်ဢမ်ႇပႃးဢင်ႇၵႃႇလူႉဢိၵ်ႇတင်း တၢင်းပုၵ်ႉၸေႃႇဢၼ်သွၼ်းလေႃႇၸိူဝ်းၼၼ်ႉထၢပ်ႈထႅင်ႈလႄႈပုၵ်ႉၸေႃႇဢေႃႈ။