Chapter
၅
သုမ်ႉထဵင်ၸဝ်ႈဢၼ်မူတ်းၸၢင်ႇ
၁ ထႃႇဝရႃႉၽြႃးသမ်ႉမီးဢမိင်ႉတီႈမုဝ်းသေႇလႄႈဝႃႈ၊-
၂ သင်ႇလၢတ်ႈတီႈၵူၼ်းမဵဝ်းဢိသရေႇလ တင်းလၢႆႁႂ်ႈၶဝ်ဢဝ်ၵေႃႉဢၼ်ပဵၼ်တုတ်ႈၵေႃႉ ဢၼ်ပဵၼ်တၢင်းဢၼ်ႁူဝ်ႈၸိုမ်းဢွၵ်ႇ ၵေႃႉဢၼ်တိူဝ်ႉထုၵ်ႇမႅၼ်ႈတူဝ်တၢႆလႄႈဢမ်ႇမူတ်းသႂ်ၼၼ်ႉ ၶျႃးပၼ်တီႈယူႇဝႆႉၵႃႈၼွၵ်ႈတပ်ႉ တႃႉ။
၃ သူတၵ်းလႆႈဢဝ်ၸဵမ်ယိင်းၸဵမ်ၸၢႆးတင်းသဵင်ႈတင်းလူင်ၶျႃးပၼ်တီႈယူႇဝႆႉၵႃႈတီႈၼွၵ်ႈဢေႃႈ။သူတၵ်းလႆႈဢဝ်ၶဝ်ယူႇဝႆႉၵႃႈၼွၵ်ႈတပ်ႉ ဢမ်ႇႁႂ်ႈၶဝ်လႆႈႁဵတ်းႁႂ်ႈတပ်ႉဢၼ်ၵဝ်ယူႇၵႃႈၼႂ်းၵၢင်မၼ်းၼၼ်ႉ လႆႈ ၵူဝ်ႈၵိူၵ်ႇဝႃႈၼင်ႇၼႆဢေႃႈ။
၄ ၼင်ႇၼၼ်လႄႈၵူၼ်းမဵဝ်းဢိသရေႇလတင်းလၢႆဢွၼ်ၵၼ်ႁဵတ်းလႄႈ ဢဝ်ၶဝ်ၼၼ်ႉၶျႃးပၼ်တီႈယူႇဝႆႉၵႃႈၼွၵ်ႈတပ်ႉဢေႃႈ။ၸွမ်းၵႃႈၼင်ႇဢၼ်ထႃႇဝရႃႉၽြႃးမီးဢမိင်ႉတီႈမုဝ်းသေႇ ၼၼ်ႉၵူၼ်းမဵဝ်းဢိသရေႇလ တင်းလၢႆဢွၼ်ၵၼ်ႁဵတ်းၸိူဝ်ႉၼင်ႇၼၼ်ဢေႃႈ။
တၢင်းဢၼ်တွင်းပၢၼ်ႇတၢင်းၽိတ်း
၅ ထႃႇဝရႃႉၽြႃး သမ်ႉမီးဢမိင်ႉတီႈမုဝ်းသေႇ လႄႈဝႃႈ ၸမ်း၊-
၆ သင်ႇလၢတ်ႈတီႈၵူၼ်းမဵဝ်းဢိသရေႇလတင်းလၢႆလႄႈဝႃႈ၊-ပေႃးၵူၼ်းၸၢႆးဢမ်ႇၼၼ်ၵူၼ်းယိင်းႁဵတ်းတူႉၸရိူၵ်ႈဢၼ်ၵူၼ်းၸၢင်ႊႁဵတ်းလႄႈ
၇ ၽိတ်းပိူင်ႈထႃႇဝရႃႉၽြႃးသေယဝ်ႉ ႁွတ်ႈထိုင်ဢပျႅတ်ႈၸိုင်မၼ်းတၵ်းလႆႈ ၽုၺ်ႇဢွၵ်ႇၼႄပျႃးဢပျႅတ်ႈၼၼ်ႉလႄႈတွင်းပၢၼ်ႇဢေႃႈ။မၼ်းတၵ်းလႆႈဢဝ်တင်းသဵင်ႈတင်းမူတ်းလႄႈ ၶိုၼ်းတႅၼ်းပၼ် ပုၼ်ႈဢၼ်မၼ်းၽိတ်းပိူင်ႈၼၼ်ႉလႄႈ ဢဝ်ႁႃႈပုၼ်ႊပုၼ်ႊၼိုင်ႈထၢပ်ႈထႅင်ႈလႄႈ ပၼ်တီႈၵေႃႉဢၼ်လႆႈၶၢမ်ႇတၢင်းဢၼ် ၽိတ်းပိူင်ႈၼၼ်ႉဢေႃႈ။
၈ ပေႃးၵေႃႉၼၼ်ႉပဵၼ်ၵူၼ်းမဵဝ်းလဵဝ်ၵၼ်တင်းၵေႃႉၼၼ်ႉလႄႈ ထိူၵ်ႈၶၢမ်ႇဢဝ်ဢုၵ်ႉၸႃႇဢၼ်တႅၼ်းပၼ်ပုၼ်ႈဢပျႅတ်ႈၼၼ်ႉဢမ်ႇမီးၸိုင်တၢင်းဢၼ်တႅၼ်းပၼ်ၼၼ်ႉ တၵ်းလႆႈပုၵ်ႉၸေႃႇတီႈထႃႇဝရႃႉၽြႃးပုၼ်ႈယိတ်ႉပရေႃးႁိၵ်ႈဢေႃႈ။ၼွၵ်ႈသေၼၼ်ႉတၵ်းလႆႈပုၵ်ႉၸေႃႇသူဝ်းပေႃႈ ပုၼ်ႈယိၸ်ႉဢၼ်ၽေႇဢပျႅတ်ႈတူဝ်ၼိုင်ႈႁႂ်ႈဢဝ်ဢပျႅတ်ႈပျေႇဢေႃႈ။
၉ တၢင်းပုၵ်ႉၸေႃႇ ဢၼ်ယုၵ်ႉယွင်ႈၵႃႈဢၼ်ပႃးၵႃႈၼႂ်းၶိူင်ႈပိူင်ဢၼ်မူတ်းၸၢင်ႇ တင်းသဵင်ႈတင်းလူင်ဢၼ်ၵူၼ်းမဵဝ်းဢိသရေႇလတင်းလၢႆ ဢဝ်မႃးပုၵ်ႉၸေႃႇတီႈယိတ်ႉပရေႃးႁိၵ်ႈၼၼ်ႉ တၵ်းလႆႈပဵၼ်ဢုၵ်ႉၸႃႇမၼ်း ၼၼ်ႉဢေႃႈ။
၁၀ ၵႃႈဢၼ်ၵူၼ်းၵူႈၵေႃႉႁႂ်ႈမူတ်းၸၢင်ႇလႄႈဢဝ်လူႇတီႈယိတ်ႉပရေႃးႁိၵ်ႈၼၼ်ႉ တၵ်းလႆႈပဵၼ်ဢုၵ်ႉၸႃႇယိတ်ႉပရေႃးႁိၵ်ႈၼၼ်ႉဢေႃႈ၊ ဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။
တၢင်းဢၼ်ၸႅတ်ႈသေးမေႈယိင်းဢမ်ႇမီးသႅတ်ႈၸႃႇ
၁၁ ထႃႇဝရႃႉၽြႃး သမ်ႉမီးဢမိင်ႉတီႈမုဝ်းသေႇ လႄႈဝႃႈၸမ်း၊-
၁၂ သင်ႇလၢတ်ႈတီႈၵူၼ်းမဵဝ်းဢိသရေႇလတင်းလၢႆလႄႈဝႃႈ၊-ပေႃးမေႈယိင်းဢၼ်မီးၽူဝ်ၼၼ်ႉၵူတ်ႉၵၼ်တင်းၵူၼ်းၸၢႆးတၢင်ႇၵေႃႉ ၽိတ်းပိူင်ႈၽူဝ်မၼ်း
၁၃ ၵူၼ်းၸၢႆး လႆႈၼွၼ်းလူၺ်ႈၵၼ်တင်းမၼ်းၽူဝ်မၼ်းဢမ်ႇႁူႉဢမ်ႇႁၼ် သိူင်ႇမႅပ်းဢမူႉမၼ်းၼၼ်ႉဝႆႉယူႇသီႇလႃႉလူႉယူႇသေၵေႃႈ ပိူၼ်ႈတၢင်ႇၵေႃႉဢမ်ႇထူပ်းဢမ်ႇႁၼ်မၼ်းမိူဝ်ႈဢၼ်မၼ်းယင်းတိုၵ်ႉၵူတ်ႉယူႇၼၼ်ႉ လႄႈ
၁၄ သၢၵ်ႈသေႇဢမ်ႇမီး။ပဵၵ်ႉသမ်ႉသီႇလႃႉဢမ်ႇလူႉသေၵေႃႈ ပေႃးၸႂ်ဢၼ်ဢမ်ႇယုမ်ႇမေးမၼ်းမီးၼႂ်းၸႂ်ၽူဝ်မၼ်းယူႇၸိုင် မၼ်းတၵ်းလႆႈပႃးဢဝ်ၽွင်ၶဝ်ႈမၼ်းမူႉယေႃးဢေႇၽႃႇသိပ်းပုၼ်ႊပုၼ်ႊၼိုင်ႈပုၼ်ႈတၢင်းပုၵ်ႉၸေႃႇမေႈယိင်းၼၼ်ႉသေလႄႈ ႁွင်ႉဢဝ်မၼ်းၵႂႃႇ ၵႃႈတီႈယိၸ်ႉပရေႃးႁိၵ်ႈဢေႃႈ။
၁၅ ဢမ်ႇလႆႈဢဝ်ၼမ်ႉမၼ်းႁူတ်းၵႃႈၼိူဝ်ၽွင်ၶဝ်ႈမုၼ်းၼၼ်ႉ။ဢမ်ႇလႆႈဢဝ်လေႃႇပၢၼ်ႇတၢင်ႇသႂ်ႇ။ပဵၼ်ၶိူင်ႈပုၵ်ႉၸေႃႇတၢင်းဢၼ်ဢမ်ႇယုမ်ႇမေး ၶိူင်ႈပုၵ်ႉၸေႃႇတၢင်းဢၼ်ပၼ်သတိပုၼ်ႈဢၼ်မၼ်းၸဝ်ႈ တၵ်းၶုၵ်းၸႂ်လႆႈၶႆႈၸႂ်ထူပ်းဢပျႅတ်ႈ မၼ်းၼၼ်ႉဢေႃႈ။
၁၆ ယိတ်ႉပရေႃးႁိၵ်ႈတၵ်းလႆႈဢဝ်မၼ်းၼၼ်ႉဝႆႉၵႃႈတီႈၽၢႆႇၼႃႈထႃႇဝရႃႉၽြႃးဢေႃႈ။
၁၇ ယိတ်ႉပရေႃးႁိၵ်ႈ တၵ်းလႆႈဢဝ်ၼမ်ႉဢၼ်မူတ်းၸၢင်ႇထွၵ်ႇသႂ်ႇၵႃႈၼႂ်းမေႃႈလိၼ်လႄႈဢဝ်မုၼ်ႈလိၼ်ဢၼ်မီးၵႃႈတီႈဢၼ်သိူဝ်ႇဝႆႉ ၵႃႈတီႈသုမ်ႉထဵင်ၸဝ်ႈ ၼၼ်ႉသႂ်ႇၵႃႈၼႂ်းၼမ်ႉၼၼ်ႉဢေႃႈ။
၁၈ ယိတ်ႉပရေႃးႁိၵ်ႈတၵ်းလႆႈဢဝ်မေႈယိင်းၼၼ်ႉဝႆႉ ၵႃႈတီႈၽၢႆႇၼႃႈထႃႇဝရႃႉၽြႃးလႄႈ ႁႂ်ႈမၼ်းၽေႇၶူၼ်ႁူဝ်မၼ်းသေလႄႈဢဝ်တၢင်းပုၵ်ႉၸေႃႇ ဢၼ်ပၼ်သတိဢၼ်ဝႃႈတၢင်းပုၵ်ႉၸေႃႇ တၢင်းဢၼ်ဢမ်ႇယုမ်ႇမေးၼၼ်ႉ သႂ်ႇၵႃႈၼႂ်းမိုဝ်းမၼ်းဢေႃႈ။ယိတ်ႉပရေႃးႁိၵ်ႈတၵ်းလႆႈယိပ်းၵမ်ဢဝ်ၼမ်ႉၶူမ် ဢၼ်ႁႂ်ႈၽေးတၢင်းဢၼ်ၵိၼ်ႇဢၼ် ဝႃႈပဵၼ်ၼၼ်ႉဢေႃႈ။
၁၉ ၵမ်းၼၼ်ႉယိတ်ႉပရေႃးႁိၵ်ႈတၵ်းလႆႈႁႂ်ႈမေႈယိင်းၼၼ်ႉ ႁဵတ်းတၢင်းဢၼ်ၵိၼ်ဢၼ်ဝႃႈလႄႈလၢတ်ႈတီႈမေႈယိင်းၼၼ်ႉလႄႈဝႃႈ၊-ပေႃးၵူၼ်းၸၢႆးဢမ်ႇလႆႈၼွၼ်းလူၺ်ႈၵၼ်တင်းမႂ်းလႄႈ မႂ်းဢမ်ႇၽိတ်းပိူင်ႈၵၼ်တင်းၵူၼ်းၸၢႆးတၢင်ႇၵေႃႉ ၼွၵ်ႈသေၽူဝ်မႂ်းႁႂ်ႈတူဝ်မႂ်းၵူဝ်ႈၵိူၵ်ႇၸိုင် ႁႂ်ႈမႂ်းၵၢင်းလွတ်ႈတင်းၼမ်ႉၶူမ် ဢၼ်ႁႂ်ႈၽေးတၢင်းဢၼ်ၵိၼ်ႇဢၼ်ဝႃႈပဵၼ် ၼႆႉသေၵမ်းလူၺ်ႈ။
၂၀ ၵူၺ်းၵႃႈပေႃးမႂ်းမီးတၢင်းဢၼ်ၽိတ်းပိူင်ႈၵၼ်တင်း ၵူၼ်းၸၢႆးတၢင်ႇၵေႃႉၼွၵ်ႈသေၽူဝ်မႂ်းၼၼ်ႉလႄႈ ႁႂ်ႈတူဝ်မႂ်းၵူဝ်ႈၵိူၵ်ႇၼွၵ်ႈသေၽူဝ်မႂ်းၼၼ်ႉၵူၼ်းၸၢႆးတၢင်ႇၵေႃႉ လႆႈၼွၼ်းလူၺ်ႈၵၼ် တင်းမႂ်းၸိုင်၊
၂၁ ယိတ်ႉပရေႃးႁိၵ်ႈၼၼ်ႉတၵ်းႁႂ်ႈမေႈယိင်းၼၼ်ႉ ႁဵတ်းတၢင်းဢၼ်ၵိၼ်ႇဝႃႈသေယဝ်ႉတၵ်းလႆႈလၢတ်ႈတီႈမေႈယိင်းၼၼ်ႉလႄႈဝႃႈ၊- ႁႂ်ႈထႃႇဝရႃႉၽြႃးၸီႇယၢင်ႇ ႁႂ်ႈမႂ်းပဵၼ်ၵေႃႉဢၼ်ထုၵ်ႇလီၵိၼ်ႇဝႃႈၵေႃႉဢၼ်လႆႈၶၢမ်ႇ တၢင်းဢၼ်ပိူၼ်ႈဢဝ်ႁဵတ်းတီႈဢၼ်လီမၢတ်ႈလီတွင်းသေလႄႈ ၵိၼ်ႇဝႃႈၼႂ်းမိူဝ်ႈဢၼ်မၼ်းၸဝ်ႈႁႂ်ႈၶႃမႂ်းယွမ်ႁဵဝ်ႇလႄႈႁႂ်ႈပုမ်မႂ်းၵႂ်ႈ ၼၼ်ႉသေၵမ်းလူၺ်ႈ။
၂၂ ၼမ်ႉဢၼ်ႁႂ်ႈၽေးတၢင်းဢၼ်ၵိၼ်ႇဝႃႈပဵၼ်ၼႆႉတၵ်းၶဝ်ႈၵႃႈၼႂ်းတွင်ႉမႂ်းလႄႈ ႁႂ်ႈပဵၼ်တၢင်းဢၼ်ပုမ်ၵႂ်ႈပုမ်ပိင်း တၢင်းဢၼ်ၶႃယွမ်ၶႃႁဵဝ်ႇသေၵမ်း၊ ဝႃႈၼင်ႇၼႆသေယဝ်ႉမေႈယိင်းၼၼ်ႉၵေႃႈတၵ်းလႆႈၶိုၼ်းလၢတ်ႈလႄႈဝႃႈ၊- ဢႃႇမႅၼ်ႇ၊ဢႃႇ မႅၼ်ႇ၊ ဝႃႈၼင်ႇၼႆဢေႃႈ။
၂၃ ယိတ်ႉပရေႃးႁိၵ်ႈၼၼ်ႉတၵ်းလႆႈတႅမ်ႈတၢင်းဢၼ်ၵိၼ်ဝႃႈၸိူဝ်းၼၼ်ႉ သႂ်ႇၵႃႈၼႂ်းလိၵ်ႈလႄႈ သမ်ႉဢဝ်တင်းၼမ်ႉၶူမ်ၶျေႇမွတ်ႇသႂ်ႇသေယဝ်ႉဢဝ်ၼမ်ႉၶူမ်ဢၼ်ႁႂ်ႈၽေးတၢင်းဢၼ်ၵိၼ်ႇဝႃႈပဵၼ်ၼၼ်ႉတိုၵ်းပၼ်တီႈမေႈယိင်းၼၼ်ႉဢေႃႈ။ၼမ်ႉဢၼ်ႁႂ်ႈၽေးတၢင်းဢၼ်ၵိၼ်ႇဝႃႈပဵၼ်ၼၼ်ႉ တၵ်း ၶဝ်ႈၵႃႈၼႂ်းသူပ်းမၼ်းလႄႈၶူမ်ဢေႃႈ။
၂၄ ၵမ်းၼၼ်ႉယိတ်ႉပရေႃးႁိၵ်ႈၼၼ်ႉ တၵ်းလႆႈဢဝ်ၶိူင်ႈပုၵ်ႉၸေႃႇတၢင်း ဢၼ်ဢမ်ႇယုမ်ႇမေးၼၼ်ႉ
၂၅ ဢွၵ်ႇသေၵႃႈၼႂ်းမိုဝ်းမေႈယိင်းၼၼ်ႉလႄႈ ယွင်ႊၵႂႆၵႃႈတီႈၽၢႆႇၼႃႈထႃႇဝရႃႉၽြႃးသေယဝ်ႉ ဢဝ်မႃးၸူးၵႃႈတီႈယိၸ်ႉပလၢင်ႇဢေႃႈ။
၂၆ ၵမ်းၼၼ်ႉယိတ်ႉပရေႃးႁိၵ်ႈၼၼ်ႉ တၵ်းလႆႈဢဝ်ၵႃႈၼႂ်းၶိူင်ႈပုၵ်ႇၸေႃႇၼၼ်ႉ ၽွင်ၶဝ်ႈမုၼ်းဝၵ်ႉမိုဝ်းၼိုင်ႈဢၼ်ဝႃႈ ပုၼ်ႈဢၼ်ႁႂ်ႈမၼ်းၸဝ်ႈၶုၵ်းၸႂ်လႆႈၶႆႈၸႂ်ထူပ်းၼၼ်ႉတုတ်ႇၽႆးၵႃႈၼိူဝ်ယိၸ်ႉပလၢင်ႇလႄႈ လိုၼ်းၼၼ်ႉၸင်ႇ တၵ်းလႆႈႁႂ်ႈမေႈယိင်းၼၼ်ႉၵိၼ်ၼမ်ႉၼၼ်ႉဢေႃႈ။
၂၇ မိူဝ်ႈဢၼ်မၼ်းႁႂ်ႈမေႈယိင်းၼၼ်ႉၵိၼ်ၼမ်ႉၼၼ်ႉယဝ်ႉၼၼ်ႉ ပေႃးမၼ်းၼၼ်ႉမီးတၢင်းဢၼ်ၵူဝ်ႈၵိူၵ်ႇလႄႈ လႆႈၽိတ်းပိူင်ႈၽူဝ်မၼ်းၸိုင်ၼမ်ႉဢၼ်ႁႂ်ႈၽေးတၢင်းဢၼ်ၵိၼ်ႇဝႃႈပဵၼ်ၼၼ်ႉ တၵ်းၶဝ်ႈၵႂႃႇၵႃႈၼႂ်းမၼ်းလႄႈ ပဵၼ်ဢၼ်ၶူမ်သေယဝ်ႉပုမ်မၼ်းတၵ်းၵႂ်ႈတၵ်းပိင်းၶႃမၼ်းတၵ်းယွမ်တၵ်းႁဵဝ်ႇလႄႈ မေႈယိင်းၼၼ်ႉ တၵ်းပဵၼ်ၵေႃႉဢၼ်ထုၵ်ႇၵိၼ်ႇဝႃႈၵႃႈတီႈၼႂ်း မဵဝ်းမၼ်းဢေႃႈ။
၂၈ ပေႃးမေႈယိင်းၼၼ်ႉသီႇလႃႉယင်းဢမ်ႇလူႉလႄႈ မီးတၢင်းဢၼ်မူတ်းသႂ်ယူႇၸိုင်မၼ်းတၵ်းၵၢင်းလွတ်ႈတင်းၽေးၼၼ်ႉလႄႈမီးဢၶႂၢင်ႉ ဢၼ်လႆႈပႃးပတိၵ်ႉသၼ်ႇထေႇဢေႃႈ။
၂၉ ဢၼ်ၼႆႉၸမ်းပဵၼ်တြႃး တၢင်းဢၼ်ၸႂ်ဢၼ်ဢမ်ႇယုမ်ႇၼိူဝ်မေႈယိင်းဢၼ်ၵူတ်ႉၵၼ်တင်း ၵူၼ်းၸၢႆးတၢင်ႇၵေႃႉၼၼ်ႉလႄႈ မီးတၢင်းဢၼ်ၵူဝ်ႈၵိူၵ်ႇဢမ်ႇၼၼ်ၵေႃႈၼႂ်းမိူဝ်ႈ ဢၼ်ၵူၼ်းၸၢႆးဢမ်ႇယုမ်ႇမေးမၼ်းၼၼ်ႉဢေႃႈ။
၃၀ မၼ်းတၵ်းလႆႈဢဝ်မေးမၼ်းၼၼ်ႉ ဝႆႉၵႃႈတီႈၽၢႆႇၼႃႈထႃႇဝရႃႉၽြႃးလႄႈ ယိတ်ႉပရေႃးႁိၵ်ႈတၵ်းလႆႈၸီႇယၢင်ႇ ၸွမ်းၼင်ႇတြႃးၼႆႉဢေႃႈ။
၃၁ ၵူၼ်းၸၢႆးၼၼ်ႉတၵ်းလႆႈၵၢင်းလွတ်ႈတင်းဢပျႅတ်ႈလႄႈ မေႈယိင်းၼၼ်ႉတၵ်းလႆႈၶၢမ်ႇဢပျႅတ်ႈမၼ်းဢေႃႈ၊ ဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။