Chapter
၂၁
ဢႃႇရတ်ႉလူႉသုမ်း
၁ ၶုၼ်လူင်ဢႃႇရၢတ်ႉမဵဝ်းၶႃႇၼၢၼ်ႇ ဢၼ်ယူႇၵႃႈတီႈပွတ်းတၢင်းၸၢၼ်းၼၼ်ႉ ငိၼ်းသတၢင်းသဵင်ၶၢဝ်ႇလွင်ႈၵူၼ်းမဵဝ်းဢိသရေႇလၶဝ် ၸွမ်းသဵၼ်ႈတၢင်းဢသႃႇရိမ်ႇမႃးယူႇၼၼ်ႉၸိုင် မၼ်းၶီႇသိုၵ်းၵႂႃႇတိုၵ်းမဵဝ်းဢိသ ရေႇလလႄႈတီႉလႆႈသိမ်းဢဝ်ၵူၼ်းၵမ်ႈၽွင်ႈဢေႃႈ။
၂ မဵဝ်းဢိသရေႇလၵေႃႈ ႁဵတ်းၵတိသႅတ်ႉၸႃႇတီႈထႃႇဝရႃႉၽြႃးလႄႈဝႃႈ၊-ပေႃးၸဝ်ႈႁဝ်းဢဝ်ၵူၼ်းမဵဝ်းၼႆႉဢၢပ်ႈပၼ်ၵႃႈၼႂ်းမိုဝ်းၶႃႈၸဝ်ႈႁဝ်းၶဝ်ၸိုင် ၶႃႈၸဝ်ႈႁဝ်းၶဝ်တၵ်းယႃႉဝဵင်းၶဝ်တင်းလၢႆပႅတ်ႈ မူတ်းမူတ်းသဵင်ႈသဵင်ႈ တီႈၶႃႈဢေႃႈ၊ဝႃႈၼင်ႇၼႆဢေႃႈ။
၃ ထႃႇဝရႃႉၽြႃးၵေႃႈထွမ်ႇဢဝ်ၵႂၢမ်းမဵဝ်းဢိသရေႇလလႄႈ ဢဝ်ၵူၼ်းမဵဝ်းၶႃႇၼၢၼ်ႇၸိူဝ်းၼၼ်ႉဢၢပ်ႈပၼ်ၶဝ်ဢေႃႈ။ၶဝ်ၵေႃႈဢွၼ်ၵၼ်ယႃႉၶဝ်ဢိၵ်ႇတင်း ဝဵင်းၶဝ်ၸိူဝ်းၼၼ်ႉပႅတ်ႈလႄႈ ၵႃႈတီႈၼၼ်ႉလႆႈၶၢမ်ႇတၢင်းဢၼ်ႁွင်ႉႁိၵ်ႈၸိုဝ်ႈႁေႃႇမႃႇဢေႃႈ။
ႁၢင်ႊငူးၽႆး
၄ ၼႂ်းမိူဝ်ႈဢၼ်ၶဝ်လုၵ်ႉသေၵႃႈတီႈလွႆႁေႃႇရလႄႈ ယင်းတိုၵ်ႉဢွၵ်ႇတႃပႆတၢင်း ၸွမ်းသဵၼ်ႈတၢင်းပၢင်ႇလၢႆႇဢေႇတုင်ႇႁႂ်ႈလႆႈလဵပ်ႈမိူင်းဢေႇၵႅပ်ႉတုၵႂႃႇၼၼ်ႉၸိုင်ႁူဝ်ၸႂ်ၵူၼ်းတင်းလၢႆဢူၼ်ႈၵႂႃႇၵွပ်ႈပိူဝ်ႈဢၼ်သဵၼ်ႈတၢင်းၼၼ်ႉယၢပ်ႇၼႃႇလႄႈ ၶဝ်ဢွၼ်ၵၼ်လၢတ်ႈၶတ်းၵၼ်တင်းၽြႃးပဵၼ်ၸဝ်ႈတင်းမုဝ်းသေႇ လႄႈ ဝႃႈ၊-
၅ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈသူဢဝ်ႁဝ်းဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃး ႁႂ်ႈႁဝ်းလႆႈမႃးတၢႆၵႃႈတီႈၼႂ်းထိူၼ်ႇၼႆႉ။ဢမ်ႇမီးၶဝ်ႈမုၼ်းဢမ်ႇမီးၼမ်ႉ။တၢင်းၵိၼ်ဢၼ်ၸိုတ်ႇဢၼ်ၸၢင်ၼႆႉၵေႃႈ ႁဝ်းလီႁင်ႈ ၼႃႇလူင်လၢင်ဢေႃႈ၊ဝႃႈၼင်ႇၼႆဢေႃႈ။
၆ မိူဝ်ႈၼၼ်ႉထႃႇဝရႃႉၽြႃးပွႆႇၸႂ်ႉငူးၽႆး မႃးၵႃႈတီႈၼႂ်းၵူၼ်းတင်းလၢႆသေလႄႈ တွတ်ႇၵူၼ်းတင်းလၢႆလႄႈၵူၼ်းမဵဝ်းဢိသရေႇလတၢႆၼမ်ၼႃႇဢေႃႈ။
၇ ပိူဝ်ႈၼႆလႄႈၵူၼ်းတင်းလၢႆဢွၼ်ၵၼ်မႃးၵႃႈတီႈမုဝ်းသေႇလႄႈလဝ်ႈဝႃႈ၊-ၵွပ်ႈပိူဝ်ႈ ႁဝ်းလၢတ်ႈၶတ်းၵၼ်တင်းထႃႇဝရႃႉၽြႃးတင်းၸဝ်ႈႁဝ်းလႄႈၽိတ်းပိူင်ႈမႅၼ်ႈၶႃႈယဝ်ႉ။ၶႅၼ်းတေႃႈသူးတွင်းတီႈထႃႇဝရႃႉၽြႃး ႁႂ်ႈမၼ်းၸဝ်ႈပႄႇပႅတ်ႈငူးၽႆးၸိူဝ်းၼႆႉသေ ၵႃႈၼႂ်းႁဝ်းၶႃႈၼႆႉသေၵမ်းၶႃႈ၊ဝႃႈၼင်ႇၼႆလႄႈမုဝ်းသေႇၵေႃႈ သူးတွင်းပုၼ်ႈၵူၼ်း တင်းလၢႆဢေႃႈ။
၈ ထႃႇဝရႃႉၽြႃးမီးဢမိင်ႉတီႈမုဝ်းသေႇလႄႈဝႃႈ၊- ႁဵတ်းႁၢင်ႊငူးၽႆးသေလႄႈယုၵ်ႉဝႆႉၵႃႈတီႈၼိူဝ်တႃႉ။ၵႃႈပဵၼ်ၵေႃႉဢၼ်လႆႈၶၢမ်ႇငူးၽႆးတွတ်ႇၼၼ်ႉ ပေႃးလူတူၺ်းႁၢင်ႊငူးၽႆးၸိုင် တၵ်းလႆႈဢသၢၵ်ႈၵတ်းယဵၼ်ၶျၢမ်းသႃႇဢေႃႈ၊ ဝႃႈၼင်ႇၼႆသေ ယဝ်ႉ၊
၉ မုဝ်းသေႇဢဝ်တွင်းလိူင်ႁဵတ်းႁၢင်ႊငူးလႄႈဢဝ်ယုၵ်ႉဝႆႉၵႃႈတီႈၼိူဝ်သဝ်သေယဝ်ႉ ၵေႃႉဢၼ်ငူးတွတ်ႇၼၼ်ႉ မိူဝ်ႈဢၼ်မၼ်းလူတူၺ်းငူးတွင်းလိူင်ၼၼ်ႉၸိုင်လႆႈဢသၢၵ်ႈၵတ်းယဵၼ်ၶျၢမ်းသႃႇဢေႃႈ။
သဵၼ်ႈတၢင်းၵႂႃႇဝဵင်းမေႃႇၽ
၁၀ ၵူၼ်းမဵဝ်းဢိသရေႇလတင်းလၢႆ သမ်ႉဢွၼ်ၵၼ်ဢွၵ်ႇ တႃပႆတၢင်းလႄႈၶျႃးပၢင်ၵႃႈတီႈဢေႃႇပုတ်ႉဢေႃႈ။
၁၁ ၶဝ်သမ်ႉလုၵ်ႉသေၵႃႈတီႈဢေႃႇပုတ်ႉ ဢွၵ်ႇတႃပႆတၢင်းလႄႈၶျႃးပၢင်ၵႃႈတီႈဢိယဢပႃႇရိမ်ႇ ၵႃႈၼႂ်းထိူၼ်ႇဢၼ်မီးၽၢႆႇတၢင်းၼႃႈမေႃႇၽၽၢႆႇတၢင်းဝၼ်းဢွၵ်ႇ ၼၼ်ႉဢေႃႈ။
၁၂ ၶဝ်လုၵ်ႈသေၵႃႈတီႈၼၼ်ႉဢွၵ်ႇတႃပႆတၢင်းလႄႈ ၶျႃးပၢင်ၵႃႈတီႈႁိမ်းႁွင်ႊၸႃႇရိတ်ႉဢေႃႈ။
၁၃ ၶဝ်သမ်ႉ လုၵ်ႉသေၵႃႈတီႈၼၼ်ႉဢွၵ်ႇတႃပႆတၢင်းလႄႈၶျႃးပၢင်ၵႃႈတီႈၽၢႆႇပုၼ်ႉၼမ်ႉႁွင်ႊဢႃႇၼုၼ်ႇ ဢၼ်မီးၵႃႈၼႂ်းထိူၼ်ႇဢၼ်ၸၢပ်ႈလႅၼ်လိၼ်မိူင်း ၵူၼ်းဢႃႇမေႃးရိၼၼ်ႉဢေႃႈ။ၼမ်ႉႁွင်ႊဢႃႇၼုၼ်ႇၼၼ်ႉၸမ်းပဵၼ်ဢၼ်ၶႅၼ်ႈဢၼ်ၶၼ်ႈဝူင်ႈၵၢင်မိူင်းမေႃႇၽ တင်း မိူင်းၵူၼ်းဢႃႇမေႃးရိဢေႃႈ။
၁၄ မႅၼ်ႈၸွမ်းၼင်ႇဢၼ်မီးၼႂ်းလိၵ်ႈတိုၵ်းသိုၵ်းထႃႇဝရႃႉၽြႃးၼၼ်ႉၸမ်း ၼႂ်းၽူၼ်လူင်လူမ်းလူင် ၵႃႈတီႈ ဝႃႇႁိပ်ႉႁူၺ်ႈႁွင်ႊဢႃႇ ၼုၼ်ႇတင်းလၢႆ
၁၅ ပၢၼ်းတၢပ်ႈႁူၺ်ႈႁွင်ႊဢၼ်လူင်းၸူးၵႃႈတီႈ တီႈဢၼ်ဢႃႇရယူႇလဵပ်ႈၵႃႈတီႈႁိမ်းလႅၼ်လိၼ်မိူင်းမေႃႇၽ ဢမ်ႇႁူႉလၢႆသဵၼ်ႈလၢႆသၢႆမႃးၼၼ်ႉ ဢေႃႈ။
၁၆ ၶဝ်သမ်ႉလုၵ်ႉသေၵႃႈတီႈၼၼ်ႉဢွၵ်ႇတႃပႆတၢင်းၵႂႃႇၸူးၵႃႈတီႈၼမ်ႉမေႃႇပေႇရ ဢေႃႈ။ၼမ်ႉမေႃႇၼၼ်ႉပဵၼ်ၼမ်ႉမေႃႇဢၼ်ထႃႇဝရႃႉၽြႃး မီးဢမိင်ႉတီႈမုဝ်းသေႇလႄႈဝႃႈ၊-ႁႂ်ႈၵူၼ်းတင်းလၢႆၸူႉၵၼ်တုမ်ၵၼ်တႃႉ။ၵဝ်တၵ်းပၼ်ၼမ်ႉတီႈၶဝ်ဢေႃႈ၊ဝႃႈၼင်ႇၼႆၼၼ်ႉ ဢေႃႈ။
၁၇ မိူဝ်ႈၼၼ်ႉၵူၼ်းမဵဝ်းဢိသရေႇလဢွၼ်ၵၼ်ႁဵတ်းၵႂၢမ်းလႄႈဝႃႈ၊-ၼမ်ႉမေႃႇဢိူၺ်း။ဢွၵ်ႇတႃႉ။ဢွၼ်ၵၼ်ႁဵတ်းၵႂၢမ်းတႃႉ။
၁၈ ၼမ်ႉမေႃႇဢၼ်မူးမၢတ်ႈၽွင်းမိူင်းတင်းလၢႆဢွၼ်ၵၼ်ၶုတ်း၊ ဢၼ်ၵူၼ်းပဵၼ်ၵႄႇပဵၼ်ႁူဝ်တင်းလၢႆ ဢွၼ်ၵၼ်ဢဝ်ၵၼ်းႁွၵ်ႇတင်းၶွၼ်ႉတဝ်ႉၶုတ်းၸွင်ႇၼၼ်ႉ၊ဝႃႈၼႆဢေႃႈ။
၁၉ ဝၢႆးသေၼၼ်ႉ ၶဝ်လုၵ်ႉသေၵႃႈတီႈထိူၼ်ႇၵႂႃႇၸူးမတ်ႉတၼႃႇ၊လုၵ်ႉသေမတ်ႉတၼႃႇ ၵႂႃႇတၢင်းၸူးၵႃႈတီႈၼႁႃႇလျေႇလ၊
၂၀ သမ်ႉလုၵ်ႉသေၵႃႈတီႈၼႁႃႇလျေႇလၸူးၵႃႈတီႈပႃႇမုတ်ႉ လုၵ်ႉသေၵႃႈတီႈပႃႇမုတ်ႉၵႂႃႇၸူးၵႃႈတီႈႁူၺ်ႈႁွင်ႊဢၼ်မီးၵႃႈၼႂ်းပၢင်ႇမိူင်းမေႃႇၽ ၵႃႈၼိူဝ်ပၢႆလွႆပိသၵႃႇ ဢၼ်ဝၢႆႇၼႃႈတေႃႇထိူၼ်ႇယေႇသိမုၼ်ႇၼၼ်ႉဢေႃႈ။
သိရုၼ်ႇတင်းဢေႃႇၶတူၵ်းသုမ်း
၂၁ မိူဝ်ႈၼၼ်ႉမဵဝ်းဢိသရေႇလ ပွႆႇၸႂ်ႉသၢၼ်ႇတမၢၼ်ႇတင်းလၢႆၵႂႃႇၸူးၵႃႈတီႈ သိႁုၼ်ႇၶုၼ်ႁေႃၶမ်းဢႃႇမေႃးရိ သေယဝ်ႉယွၼ်းဢၶႂၢင်ႉလႄႈဝႃႈ၊၊-
၂၂ ႁႂ်ႈၵဝ်ၶႃႈလႆႈပႆလတ်းၵႃႈၼႂ်းၵၢင်မိူင်းၸဝ်ႈႁဝ်းၵႂႃႇသေၵမ်း။ႁဝ်းၶႃႈဢမ်ႇဝႄႉဢမ်ႇၶဝ်ႈၵႃႈၼႂ်းႁႆႊၼႃးသူၼ်ဢူးယဵၼ်ႇၸပိတ်ႉတင်းလၢႆၶႃႈ။ႁဝ်းၶႃႈဢမ်ႇၵိၼ်ၼမ်ႉတီႈၼမ်ႉမေႃႇၶႃႈ။ႁဝ်းၶႃႈတၵ်းပႆၸွမ်းၵႃႈတီႈသဵၼ်တၢင်းလူင်ၵူၺ်းတေႃႇထိုင်ႁွတ်ႈ ပေႃးပူၼ်ႉလႅၼ်လိၼ်မိူင်းၸဝ်ႈ ႁဝ်းၼၼ်ႉၶႃႈဢေႃႈ၊ဝႃႈၼင်ႇၼႆဢေႃႈ။
၂၃ ၶုၼ်သိႁုၼ်ႇၼၼ်ႉ ဢမ်ႇပၼ်ဢၶႂၢင်ႉႁႂ်ႈၶဝ်လႆႈပႆလတ်းၵႂႃႇၵႃႈၼႂ်းမိူင်းမၼ်းၼၼ်ႉ။ၶုၼ်သိႁုၼ်သမ်ႉႁႂ်ႈၵူၼ်းမၼ်းတင်းသဵင်ႈတင်းလူင်ၸူႉၵၼ်တုမ်ၵၼ်သေလႄႈ ဢွၵ်ႇၵႂႃႇၵႃႈတီႈထိူၼ်ႇတီႈဢၼ်ၶဝ်မီးၼၼ်ႉ ႁႂ်ႈလႆႈႁၢမ်ႈတပ်ႉႁႄႉၶႅၼ်မဵဝ်းဢိသရေႇလလႄႈမိူဝ်ႈဢၼ်ႁွတ်ႈထိုင်ၵႃႈတီႈဝဵင်းယႃႇႁတ်ႉၼၼ်ႉ တိုၵ်းၵၼ်တင်းမဵဝ်းဢိသရေႇ လဢေႃႈ။
၂၄ မဵဝ်းဢိသရေႇလဢဝ်လၢပ်ႇလႅဝ်းလႄႈတိုၵ်းတေႃးယႃႉပႅတ်ႈၶုၼ်ၼၼ်ႉသေယဝ်ႉ သိမ်းဢဝ်လိၼ်ၶုၼ်ၼၼ်ႉ ၸႃႉၸဵမ်ၼမ်ႉႁွင်ႊဢႃႇၼုၼ်ႇ တေႃႇထိုင်ႁွတ်ႈၼမ်ႉႁွင်ႈယပ်ႇပုတ်ႉ ဢၼ်ပဵၼ်တီႈယူႇၵူၼ်းမဵဝ်း ဢမ်ႇမုၼ်ႇၼၼ်ႉဢေႃႈ။
၂၅ ၼင်ႇၼၼ်လႄႈမဵဝ်းဢိသရေႇလသိမ်းဢဝ်ဝဵင်းၵႃႈမီးၼၼ်ႉဢေႃႈ။မဵဝ်းဢိသရေႇလဢွၼ်ၵၼ်ယူႇၵႃႈၼႂ်းဝဵင်း ဢၼ်ၵူၼ်းမဵဝ်းဢႃႇမေႃးရိၶဝ်ယူႇၵႃႈမီးဢၼ်ဝႃႈဝဵင်းႁေႇသၽုၼ်ႇ ဢိၵ်ႇတင်းၵႃႈပဵၼ်ဝၢၼ်ႈလဵၵ်ႉဝဵင်းၼွႆႉမၼ်း တင်းသဵင်ႈတင်းလူင် ၼၼ်ႉဢေႃႈ။
၂၆ ဝဵင်းႁေႇသၽုၼ်ႇၸမ်းပဵၼ်ဝဵင်းသိႁုၼ်ႇၶုၼ်ႁေႃၶမ်းဢႃႇမေႃးရိ ဢၼ်တိုၵ်းသိုၵ်းၵၼ်တင်းၶုၼ်ႁေႃၶမ်းဢၼ်ဢုပ်ႉပိူင်ႇ မိူင်းမေႃႇၽ မိူဝ်ႈဢွၼ်တၢင်းၼၼ်ႉလႄႈ ႁိမ်ဢဝ်မိူင်းမၼ်းတင်းသဵင်ႈတင်းလူင်တေႃႇထိုင်ႁွတ်ႈၼမ်ႉႁွင်ႊဢႃႇၼုၼ်ႇ ၼၼ်ႉဢေႃႈ။
၂၇ သြႃႇလင်ႇၵႃႇဢဝ်လွင်ႈၼၼ်ႉသေလႄႈၸၢပ်ႈဝႃႈ၊-ဢွၼ်ၵၼ်ၵႂႃႇၵႃႈတီႈဝဵင်းႁေႇသၽုၼ်ႇတႃႉ။ႁႂ်ႈသမ်ႉၶိုၼ်းမႄးၵုမ်းမႄးႁဵတ်းဝဵင်းၶုၼ်သိႁုၼ်ႇလႄႈ ႁႂ်ႈမၼ်း သမ်ႉၶိုၼ်းတႄႇပဵၼ်တႃႉ။
၂၈ ပိဝ်ၽႆးဢွၵ်ႇသေၵႃႈတီႈဝဵင်းႁေႇသၽုၼ်ႇ ၽႆးလုၵ်ႉဢွၵ်ႇသေၵႃႈၼႂ်းဝဵင်းသိႁုၼ်ႇၼၼ်ႉလႄႈ မႆႈဝဵင်းဢႃႇရမိူင်းမေႃႇၽဢိၵ်ႇတင်း ၶုၼ်ၸိူဝ်းဢၼ်ဢုပ်ႉပိူင်ႇၵႃႈတီႈဢၼ်ပဵၼ်ဢၼ်သုင် ၵႃႈတီႈႁိမ်းၼမ်ႉႁွင်ႊဢႃႇၼုၼ်ႇၸိူဝ်းၼၼ်ႉယဝ်ႉ။
၂၉ မိူင်းမေႃႇၽ ဢိူၺ်း။မႂ်းမီးဢႃႉမင်ႇၵလႃႇဢေႃႈ။တပ်ႉပေးတပ်ႉပၢၼ်းၶေႇမုသၶဝ်ဢိူၺ်း။ဢၵျူဝ်းသူလူႉၵႂႃႇယဝ်ႉ။ၽြႃးၼၼ်ႉပၼ်ဢၶႂၢင်ႉလုၵ်ႈၸၢႆးမၼ်းတင်းလၢႆလႆႈပၢႆႊလႆႈၼီ ဢၼ်လုၵ်ႈယိင်းမၼ်းတင်းလၢႆ လႆႈၶၢမ်ႇတၢင်းဢၼ်တီႉလႆႈၼၼ်ႉတီႈ သိႁုၼ်ႇၶုၼ်ႁေႃၶမ်း ဢႃႇမေႃးရိယဝ်ႉလူင်ပေႇ။
၃၀ ႁဝ်းသမ်ႉတိုၵ်းတေႃးၶဝ်လႄႈမိူင်းႁေႇသၽုၼ်ႇလူႉလႅဝ်တေႃႇထိုင်ႁွတ်ႈဝဵင်း တိၽုၼ်ႇယဝ်ႉ။ႁဝ်းပႄႇၽဵဝ်ႈပႅတ်ႈၶဝ်တေႃႇထိုင်ႁွတ်ႈ ဝဵင်းၼေႃႇၽ ဢၼ်ၸပ်းႁိမ်းဝဵင်းမေႇတၽႃႇၼၼ်ႉယဝ်ႉယဝ်ႉ၊ ဝႃႈၼင်ႇၼႆဢေႃႈ။
၃၁ ၼင်ႇၼၼ်လႄႈၵူၼ်းမဵဝ်းဢိသရေႇလတင်းလၢႆလႆႈယူႇၵႃႈၼႂ်းမိူင်းဢႃႇမေႃးရိဢေႃႈ။မုဝ်းသေႇၵေႃႈပွႆႇၸႂ်ႉၵူၼ်းၶဵဝ်လွတ်ႈၽႆးၼႂ်းႁႂ်ႈလႆႈလွမ်တူၺ်းဝဵင်းယႃႇ ၸႃႇ သေလႄႈ
၃၂ ၶဝ်သိမ်းဢဝ်ဝၢၼ်ႈလဵၵ်ႉဝဵင်းၼွႆႉမၼ်းၼၼ်ႉလႄႈ ႁေႃႈၵူၼ်းမဵဝ်းဢႃႇမေႃးရိဢၼ်ယူႇၵႃႈတီႈၼၼ်ႉၸိူဝ်းၼၼ်ႉဢွၵ်ႇပႅတ်ႈဢေႃႈ။
၃၃ ၶဝ်ဢွၼ်ၵၼ်ငိၼ်းလႄႈ ၸွမ်းသဵၼ်ႈတၢင်းဢၼ်ၵႂႃႇၸူးၵႃႈတီႈမိူင်းပႃသၼ်ႇဢေႃႈ။ဢေႃႇၶ၊ၶုၼ်ႁေႃၶမ်းပႃသၼ်ႇ ၼၼ်ႉပႃးဢဝ်ၵူၼ်းမၼ်းတင်းသဵင်ႈတင်းလူင် ၶီႇသုၵ်းဢွၵ်ႇၸူးႁႂ်ႈလႆႈတိုၵ်းတေႃးၶဝ်ၵႃႈၼႂ်း တီႈဢေႇတြိဢေႃႈ။
၃၄ ထႃႇဝရႃႉၽြႃးမီးဢမိင်ႉတီႈမုဝ်းသေႇလႄႈဝႃႈ၊-ယႃႇပေၵူဝ်မၼ်း။ၵဝ်ဢဝ်မၼ်းတင်းၵူၼ်းမၼ်းတင်းသဵင်ႈတင်းလူင် ဢိၵ်ႇတင်းလိၼ်မၼ်းဢၢပ်ႈပၼ်ၵႃႈၼႂ်းမိုဝ်းမႂ်းယဝ်ႉ။မႂ်းတၵ်းလႆႈႁဵတ်းတီႈမၼ်း မိူၼ်ၸိူဝ်ႉၼင်ႇဢၼ်မႂ်းႁဵတ်းတီႈသိႁုၼ်ႇၶုၼ်ႁေႃၶမ်းဢႃႇမေႃးရိ ဢၼ်ယူႇၵႃႈတီႈဝဵင်းႁေႇသၽုၼ်ႇ ၼၼ်ႉဢေႃႈ၊ဝႃႈၼင်ႇၼႆဢေႃႈ။
၃၅ ၼင်ႇၼၼ်လႄႈၶဝ်ဢဝ်ၶုၼ်ၼၼ်ႉတင်းလုၵ်ႈၸၢႆးမၼ်းတင်းလၢႆ ဢိၵ်ႇတင်း ၵူၼ်းမၼ်းတင်းသဵင်ႈတင်းလူင်တၢႆတေႃႇထိုင်ႁွတ်ႈထၢၼ်ႈပေႃး ဢမ်ႇၵိုတ်းဢမ်ႇၵျၢၼ်ႇသေၵေႃႉသေၵူၼ်းလႄႈသိမ်းဢဝ်မိူင်းမၼ်းဢေႃႈ။