Chapter
၃၆
ဢမူၺ်ႇလုၵ်ႈယိင်းၸရေႃႇၽတ်ႉ
၁ ၵူၼ်းယႂ်ႇၵူၼ်းလူင် ၵႃႈၼႂ်းမဵဝ်းပူႇမဵဝ်းပေႃႈၵႃႈၼႂ်းပီႈၼွင်ႉၸိူဝ်ႉၶိူဝ်းၵိလတ်ႉ၊လုၵ်ႈၸၢႆးမႃႇၶိရ၊ ဢၼ်ပဵၼ်လုၵ်ႈၸၢႆးမၼႃႇသေႇ ၵႃႈၼႂ်းပီႈၼွင်ႉၸိူဝ်ႉၶိူဝ်း ယုဝ်းသႅပ်ႉၸိူဝ်းၼၼ်ႉ ဢွၼ်ၵၼ်မႃးၵႃႈတီႈမုဝ်းသေႇဢိၵ်ႇတင်းၶုၼ်ဢၼ်ပဵၼ်ၵူၼ်းယႂ်ႇၵူၼ်းလူင် ၵႃႈၼႂ်းၵူၼ်းမဵဝ်းဢိ သရေႇလတင်းလၢႆလႄႈလဝ်ႈဝႃႈ၊-
၂ ထႃႇဝရႃႉၽြႃးမီးဢမိင်ႉႁႂ်ႈၸဝ်ႈႁဝ်းၶႃႈ တူၵ်းၸႃႇၵွၵ်ႈသေလႄႈဢဝ်လိၼ်ဢမူၺ်ႇပၼ်တီႈၵူၼ်းမဵဝ်းဢိသရေႇလ တင်းလၢႆဢိၵ်ႇတင်း ၸဝ်ႈႁဝ်းၶႃႈလႆႈၶၢမ်ႇဢမိင်ႉတီႈထႃႇဝရႃႉၽြႃးႁႂ်ႈဢဝ်လိၼ်ဢမူၺ်ႇပီႈၸၢႆးႁဝ်းၶႃႈ ၸလေႃႇၽတ်ႉၼၼ်ႉပၼ်တီႈလုၵ်ႈယိင်းမၼ်းတင်းလၢႆၶႃႈဢေႃႈ။
၃ ပေႃးၶဝ်ဢဝ်ၽူဝ်ၵၼ်တင်းၵူၼ်းမဵဝ်းဢိသရေႇလတၢင်ႇမဵဝ်းၸိုင် လိၼ်ဢမူၺ်ႇဢၼ်ၶဝ်လႆႈၼၼ်ႉတၵ်းလႆႈၶၢမ်ႇတၢင်းဢၼ် ၼုၵ်ႈဢွၵ်ႇသေၵႃႈၼႂ်းဢမူၺ်ႇၸူဝ်ႈပူႇၸူဝ်ႈပေႃႈႁဝ်းၶႃႈလႄႈ ပႃးၵႂႃႇၵႃႈၼႂ်းဢမူၺ်ႇၵူၼ်းမဵဝ်းဢၼ်ၶဝ်ဢဝ်ၼၼ်ႉဢေႃႈ။ၼင်ႇၼၼ်လႄႈ လိၼ်ၼၼ်ႉ တၵ်းလႆႈၶၢမ်ႇတၢင်းဢၼ်ၼုၵ်ႈဢွၵ်ႇသေ ၵႃႈၼႂ်းလိၼ်ဢမူၺ်ႇႁဝ်းၶႃႈၼႆႉၵႂႃႇ ၶႃႈဢေႃႈ။
၄ မိူဝ်ႈဢၼ်ႁွတ်ႈထိုင်ပီႊယုပိလိဢိသရေႇလၼၼ်ႉ လိၼ်ဢမူၺ်ႇၶဝ် တၵ်းပဵၼ်လိၼ်ၵူၼ်းမဵဝ်းဢၼ်ၶဝ်ဢဝ်ၼၼ်ႉၶႃႈဢေႃႈ။ၼင်ႇၼၼ်လႄႈတၵ်းမီးတၢင်းဢၼ်ၼုၵ်ႈဢဝ်သေ ၵႃႈၼႂ်းဢမူၺ်ႇမဵဝ်းပူႇမဵဝ်းပေႃႈႁဝ်းၶႃႈၵႂႃႇသေယဝ်ႉ တပေဵၼ်လိၼ်ဢမူၺ်ႇၶဝ်ၶႃႈဢေႃႈ၊ဝႃႈၼင်ႇၼႆဢေႃႈ။
၅ မိူဝ်ႈၼၼ်ႉမုဝ်းသေႇ သင်ႇလၢတ်ႈတီႈၵူၼ်းမဵဝ်းဢိသရေႇလတင်းလၢႆၸွမ်းၵႃႈၼင်ႇဢၼ်ဢမိင်ႉထႃႇဝရႃႉၽြႃးမီးၼၼ်ႉလႄႈဝႃႈၸမ်း၊-ၵူၼ်းမဵဝ်းယုဝ်းသႅပ်ႉတင်းလၢႆလၢတ်ႈၵႂၢမ်းဢၼ်ထုၵ်ႇဢၼ်မႅၼ်ႈယူႇဢေႃႈ။
၆ ထႃႇဝရႃႉၽြႃး မီးဢမိင်ႉလူၺ်ႈလွင်ႈလုၵ်ႈယိင်း ၸလေႃႇၽတ်ႉ ၸိူဝ်းၼၼ်ႉၸမ်းၶဝ်ဢဝ်ၵၼ်တင်းၵေႃႉဢၼ်ၶဝ်ၵျိူၵ်ႈၼၼ်ႉလႆႈယူႇဢေႃႈ။ၼႂ်းဝႃႈၼၼ်သေၵေႃႈ ႁႂ်ႈၶဝ်ဢဝ်ၵၼ်တင်းၵူၼ်းမဵဝ်းပူႇမဵဝ်းပေႃႈၸိူဝ်ႉၶိူဝ်းၶဝ်ၼၼ်ႉၵူၺ်းတႃႉ။
၇ ၼင်ႇၼၼ်လႄႈလိၼ်ဢမူၺ်ႇၵူၼ်းမဵဝ်းဢိသရေႇလတင်းလၢႆၼၼ်ႉ တၵ်းဢမ်ႇလႆႈၶၢမ်ႈသေၵႃႈတီႈၵူၼ်းမဵဝ်းၼိုင်ႈ ၵႂႃႇၵႃႈတီႈၵူၼ်းမဵဝ်းၼိုင်ႈ။လွင်ႈမၼ်းၸမ်းၵူၼ်းမဵဝ်းဢိသရေႇလတင်းလၢႆၼၼ်ႉတၵ်းလႆႈယူႇ ၵႃႈတီႈလိၼ်ဢမူၺ်ႇမဵဝ်းပူႇ မဵဝ်ႈပေႃႈတူဝ်ၸဝ်ႈၵဝ်ႇႁင်းၽႂ်ႁင်းမၼ်းဢေႃႈ။
၈ မေႈယိင်း ဢၼ်မီးလိၼ်ဢမူၺ်ႇၵႃႈၼႂ်းမဵဝ်းၵူၼ်းဢိသရေႇလသေမဵဝ်းမဵဝ်းၼၼ်ႉ တၵ်းလႆႈဢဝ်ၵၼ်တင်းၵူၼ်းမဵဝ်းပူႇမဵဝ်ႈပေႃႈတူဝ်ၸဝ်ႈၵဝ်ႇ ႁႂ်ႈၵူၼ်းမဵဝ်းဢိသရေႇလတင်းလၢႆလႆႈၸၢမ်ႇၸႃးလိၼ်ဢမူၺ်ႇမဵဝ်ႈပူႇမဵဝ်ႈ ပေႃႈၶဝ်ႁင်းၽႂ်ႁင်းမၼ်းဢေႃႈ။
၉ ၼင်ႇၼၼ်လႄႈလိၼ်ဢမူၺ်ႇဢမ်ႇလႆႈၶၢႆႉသေၵႃႈတီႈ ၵူၼ်းမဵဝ်ႈၼိုင်ႈၵႂႃႇၵႃႈတီႈၵူၼ်းမဵဝ်းၼိုင်ႈ။လွင်ႈမၼ်းၸမ်းၵူၼ်းမဵဝ်းဢိသရေႇလတင်းလၢႆၼၼ်ႉ တၵ်းလႆႈယူႇၵႃႈတီႈလိၼ်ဢမူၺ်ႇၶဝ်ႁင်းၽႂ်ႁင်းမၼ်းဢေႃႈ၊ဝႃႈၼင်ႇၼႆဢေႃႈ။
၁၀ ၸွမ်းၵႃႈၼင်ႇဢၼ် ထႃႇဝရႃႉၽြႃး သင်ႇလၢတ်ႈဝႆႉတီႈမုဝ်းသေႇ ၼၼ်ႉလုၵ်ႈယိင်းၸလေႃႇၽတ်ႉ ၸိူဝ်းၼၼ်ႉဢွၼ်ၵၼ်ႁဵတ်းၸွမ်းဢေႃႈ။
၁၁ မႃႇလႃႇ၊တိရၸႃႇ၊ႁေႃႇၵလႃႇ၊ မိၵလႃႇ၊ ၼေႃႇဢႃႇ၊ ဢၼ်ပဵၼ်လုၵ်ႈယိင်းၸလေႃႇၽတ်ႉ ၸိူဝ်းၼၼ်ႉဢွၼ်ၵၼ်ဢဝ်ၵၼ်တင်းလုၵ်ႈၸၢႆးပေႃႈလုင်းၶဝ် လုၵ်ႈၸၢႆးပေႃႈဢၢဝ် ၶဝ်ဢေႃႈ။
၁၂ ၼင်ႇၼၼ်လႄႈၶဝ်ႁဵတ်းတၢင်းဢၼ်ဢဝ်ၵၼ်ၵႃႈၼႂ်းပီႈၼွင်ႉၸိူဝ်ႉၶိူဝ်းၵူၼ်းမဵဝ်းမၼႃႇသေႇ ဢၼ်ပဵၼ်လုၵ်ႈၸၢႆးယုဝ်းသႅပ်ႉၼၼ်ႉလႄႈ လိၼ်ဢမူၺ်ႇၶဝ်ၼၼ်ႉတႄႇယူႇၵႃႈတီႈမဵဝ်းပူႇမဵဝ်ႈပေႃႈၶဝ်ဢေႃႈ။
၁၃ ဢၼ်ၼႆႉၸမ်း ပဵၼ်ပိင်းၺၢပ်ႈဢိၵ်ႇတင်းတၢင်းဢၼ်ၸီႇယၢင်ႇႁဵတ်းဝႆႉတင်းလၢႆ ဢၼ်ထႃႇဝရႃႉၽြႃးဢဝ်မုဝ်းသေႇ ပိင်းၺၢပ်ႈဝႆႉတီႈၵူၼ်းမဵဝ်းဢိသရေႇလ တင်းလၢႆၵႃႈၼႂ်းပၢင်ႇပဵင်း မေႃႇၽ ၵႃႈတီႈႁိမ်းၼမ်ႉႁွင်ႊယေႃးတၢၼ်ႇ သိုဝ်ႈ ဝဵင်းယေႇရိၶူဝ်း ၼၼ်ႉဢေႃႈ။