Chapter
၂၇
လုၵ်ႈယိင်းၸရေႃႇၽတ်ႉ
၁ ၸရေႃႇၽတ်ႉပဵၼ်လုၵ်ႈၸၢႆးၽေႇရ၊ဢၼ်ပဵၼ်လုၵ်ႈၸၢႆးၵိလတ်ႉ၊ဢၼ်ပဵၼ်လုၵ်ႈၸၢႆးမႃႇၶိရ၊ ဢၼ်ပဵၼ်လုၵ်ႈၸၢႆးမၼႃႇသေႇ ပဵၼ်ပီႈၼွင်ႉၸိူဝ်ႉၶိူဝ်းမၼႃႇသေႇပဵၼ်လုၵ်ႈၸၢႆးယုဝ်းသႅပ်ႉဢေႃႈ။လုၵ်ႈယိင်းၸရေႃႇၽတ်ႉပဵၼ်မႃႇလႃႇ၊ၼေႃႇဢႃႇ၊ ႁေႃႇၵလႃႇ၊မိၵလႃႇ၊တိရၸႃႇဢေႃႈ။
၂ လုၵ်ႈယိင်းၸိူဝ်းၼၼ်ႉဢွၼ်ၵၼ်မႃးၸုၵ်းယူႇၵႃႈတီႈၽၢႆႇၼႃႈမုဝ်းသေႇ တင်းယိတ်ႉပရေႃးႁိၵ်ႈဢေႇလႃႇၸႃႇ တင်းၶုၼ်တင်းလၢႆဢိၵ်ႇတင်းပရိၵ်ႈသၢတ်ႈတင်းသဵင်ႈတင်းလူင် ၵႃႈတီႈႁိမ်းၽၵ်းတူၸဝ်ႈတီႈၸူႉတီႈတုမ်ပရိၵ်ႈသၢတ်ႈသေယဝ်ႉ လဝ်ႈလၢတ်ႈ လႄႈဝႃႈ၊-
၃ ပေႃႈႁဝ်းၶႃႈတၢႆၵႃႈၼႂ်းထိူၼ်ႇၶႃႈဢေႃႈ။မၼ်းဢမ်ႇၶဝ်ႈပႃးၼႂ်းမုၵ်ႉၼႂ်းၸိူဝ်းၵေႃႇရ ဢၼ်ၸူႉဢၼ်တုမ်ၽၢႆႇၼိုင်ႈတင်းထႃႇဝရႃႉၽြႃးၼၼ်ႉၶႃႈ။
၄ မၼ်းတၢႆၵွပ်ႈပိူဝ်ႈဢပျႅတ်ႈမၼ်းၵူၺ်းၶႃႈဢေႃႈ။မၼ်းဢမ်ႇမီးလုၵ်ႈၸၢႆးၶႃႈ။ၵွပ်ႈပိူဝ်ႈမၼ်းဢမ်ႇမီးလုၵ်ႈၸၢႆးၼၼ်ႉလႄႈ ၸိုဝ်သဵင်ပေႃႈႁဝ်းၶႃႈၼၼ်ႉတၵ်းလႆႈႁၢႆသေၵႃႈတီႈပီႈၼွင်ႉၸိူဝ်ႉၶိူဝ်းႁဝ်းၶႃႈၸိူဝ်ႉၼင်ႇႁိုဝ်။ပၼ်ဢမူၺ်ႇတီႈႁဝ်းၶႃႈ လူၺ်ႈၵၼ်တင်းပီႈၸၢႆးၼွင်ႉၸၢႆးပေႃႈႁဝ်းၶႃႈ တင်းလၢႆၸိူဝ်းၼၼ်ႉသေၵမ်းၶႃႈ၊ ဝႃႈ ၼင်ႇၼႆဢေႃႈ။
၅ မုဝ်းသေႇဢဝ်ဢမူႉၶဝ်ၼၼ်ႉဝႆႉၵႃႈတီႈ ၽၢႆႇၼႃႈထႃႇဝရႃႉၽြႃးဢေႃႈ။
၆-၇ ထႃႇဝရႃႉၽြႃးမီးဢမိင်ႉ တီႈမုဝ်းသေႇလႄႈဝႃႈ၊- လုၵ်ႈယိင်းၸလေႃႇၽတ်ႉၸိူဝ်းၼၼ်ႉ လၢတ်ႈသေႇၶျႃႇထုၵ်ႇလီဢေႃႈ။မႂ်းတၵ်းလႆႈပၼ်ဢၶႂၢင်ႉ ဢၼ်လႆႈၶၢမ်ႇဢမူၺ်ႇလူၺ်ႈၵၼ်တင်းပီႈၸၢႆးၼွင်ႉၸၢႆးပေႃႈၶဝ်ၸိူဝ်းၼၼ်ႉ တီႈၶဝ်ဢမၢၼ်ႇၶၢၼ်ပဵၼ်ဢေႃႈ။မႂ်းတၵ်းလႆႈႁႂ်ႈဢုၵ်ႉၸႃႇဢ မူၺ်ႇပေႃႈၶဝ်ႁွတ်ႈထိုင်ၵႃႈၼႂ်းမိုဝ်းၶဝ်ဢေႃႈ။
၈ မႂ်းတၵ်းလႆႈသင်လၢတ်ႈတီႈၵူၼ်းမဵဝ်းဢိသရေႇလ တင်းလၢႆလႄႈဝႃႈ၊- ပေႃးၵူၼ်းယင်းဢမ်ႇမီးလုၵ်ႈၸၢႆးလႄႈတၢႆၵႂႃႇၸိုင်သူတၵ်းလႆႈႁႂ်ႈဢုၵ်ႉၸႃႇဢမူၺ်ႇမၼ်း ႁွတ်ႈထိုင်ၵႃႈၼႂ်းမိုဝ်းလုၵ်ႈယိင်းမၼ်းဢေႃႈ။
၉ ပေႃးမၼ်းဢမ်ႇမီးလုၵ်ႈယိင်းၸိုင် သူတၵ်းလႆႈဢဝ်ဢုၵ်ႉၸႃႇဢ မူၺ်ႇမၼ်းပၼ်တီႈပီႈၸၢႆးၼွင်ႉၸၢႆးမၼ်းဢေႃႈ။
၁၀ ပေႃးပေႃႈမၼ်းဢမ်ႇမီးလုၵ်ႈယိင်းၸိုင် သူတၵ်းလႆႈဢဝ်ဢုၵ်ႉၸႃႇဢမူၺ်ႇမၼ်း ပၼ်တီႈပီႈၸၢႆးၼွင်ႉၸၢႆးမၼ်း ပေႃႈမၼ်းဢေႃႈ။
၁၁ ပေႃးပေႃႈမၼ်းဢမ်ႇမီးပီႈၸၢႆးၼွင်ႉၸၢႆးၸိုင် သူတၵ်းလႆႈဢဝ်ဢုၵ်ႉၸႃႇဢမူၺ်ႇမၼ်းပၼ်တီႈပီႈၼွင်ႉဢွၵ်ႇ ဢၼ်ၸၢပ်ႈၸမ်ၸိူဝ်ႉၶိူဝ်းမၼ်းလႄႈၵေႃႉၼၼ်ႉတၵ်းလႆႈဢုပ်ႉပိူင်ႇဢေႃႈ။ဢၼ်ၼႆႉၸမ်းၵႃႈၼင်ႇဢၼ်ထႃႇဝရႃႉၽြႃး သင်ႇလၢတ်ႈဝႆႉတီႈမုဝ်းသေႇၼၼ်ႉ တၵ်းလႆႈပဵၼ်ထုင်းၾိင်ႈတြႃးဢၼ်ၸီႇယၢင်ႇဝႆႉၼၼ်ႉတီႈၵူၼ်းမဵဝ်းဢိသရေႇလတင်းလၢႆဢေႃႈ၊ ဝႃႈၼင်ႇၼႆဢေႃႈ။
ယေႃးသုတၵ်းလႆႈသိူၵ်ႈၶၢမ်ႇဢရႃႇမုဝ်းသေႇ
၁၂ ထႃႇဝရႃႉၽြႃးသမ်ႉမီးဢမိင်ႉတီႈမုဝ်းသေႇလႄႈဝႃႈ၊-မႂ်းၶိုၼ်ႈၵႃႈတီႈၼိူဝ်လွႆဢပႃႇရိမ်ႇတႃႉ။လူတူၺ်းမိူင်းဢၼ်ၵဝ်ဢၢပ်ႈပၼ်တီႈၵူၼ်းမဵဝ်းဢိသရေႇလ တင်း လၢႆၼၼ်ႉတႃႉ။
၁၃ မႂ်းႁၼ်သေယဝ်ႉမႂ်းတၵ်းလႆႈႁွတ်ႈထိုင်ၵႃႈတီႈၵူၼ်းမဵဝ်းမႂ်း ၸူႉၵၼ်တုမ်ၵၼ်ၼၼ်ႉမိူၼ်ၸိူဝ်ႉၼင်ႇပီႈၸၢႆးမႂ်းဢႃႇရုၼ်ႇ လႆႈႁွတ်ႈထိုင်ယဝ်ႉၼၼ်ႉ ဢေႃႈ။
၁၄ လွင်ႈမၼ်းၸမ်းသူလႆႈႁဵတ်းၶတ်းၵၼ်တင်းၵႂၢမ်းၵဝ်ၵႃႈတီထိူၼ်ႇၸိၼ ၼႂ်းမိူဝ်ႈဢၼ်ပရိၵ်ႈသၢတ်ႈတင်းလၢႆႁဵတ်းဢူၼ်ဢဵၼ်ႁုၼ်ႉမေႃးၼၼ်ႉလႄႈ ဢမ်ႇႁဵတ်းႁႂ်ႈတၢင်းဢၼ်ၵဝ်မူတ်းၸၢင်ႇ ထၢင်ႇသႃးသိုဝ်ႈၼႃႈတႂ်ႈတႃၶဝ်ၵႃႈတီႈၼမ်ႉၼၼ်ႉမႃးယဝ်ႉ။ၼမ်ႉၼၼ်ႉၸိုင် ပဵၼ်ၼမ်ႉဢွၵ်ႇႁူးမေႇရိၽတီႈ ၵႃႇသေႇသ ၼႂ်းထိူၼ်ႇၸိၼ ၼၼ်ႉဢေႃႈ၊ဝႃႈၼင်ႇၼႆဢေႃႈ။
၁၅ မုဝ်းသေႇ ၵေႃႈလဝ်ႈလၢတ်ႈတီႈထႃႇဝရႃႉၽြႃးလႄႈ ဝႃႈ၊-
၁၆ ၶႅၼ်းတေႃႈႁႂ်ႈထႃႇဝရႃႉၽြႃး၊ၽြႃးပဵၼ်ၸဝ်ႈဢၼ်ဢုပ်ႉပိူင်ႇဢသၢၵ်ႈဝိၺိၺ်ႇသတ်ႉတဝႃႇ တင်းလၢႆၼၼ်ႉၶၢၼ်းပၼ်သေၵေႃႉၵေႃႉ ၵႃႈၼိူဝ်ပရိၵ်ႈသၢတ်ႈတင်းလၢႆၼင်ႇႁိုဝ်ဢမ်ႇႁႂ်ႈပရိၵ်ႈသၢတ်ႈ ထႃႇဝရႃႉၽြႃးတင်းလၢႆ လႆႈပဵၼ်ၸိူဝ်ႉၼင်ႇသူဝ်းဢၼ်ဢမ်ႇမီးၵေႃႉ ဢၼ်ပႂ်ႉဢၼ်ထိင်းၼၼ်ႉသေၵမ်းတီႈၶႃႈ။
၁၇ ၶၢၼ်းၵေႃႉဢၼ်တၵ်းၶဝ်ႈတၵ်းဢွၵ်ႇ ၵႃႈတီႈၽၢႆႇၼႃႈၶဝ်လႆႈၵေႃႉဢၼ်ၼုၵ်ႈဢဝ်ၶဝ်ဢွၵ်ႇလႆႈၶဝ်ႈလႆႈၼၼ်ႉ သေၵမ်းလူၺ်ႈတီႈၶႃႈ၊ ဝႃႈၼင်ႇၼႆဢေႃႈ။
၁၈ ထႃႇဝရႃႉၽြႃးမီးဢမိင်ႉတီႈမုဝ်းသေႇလႄႈဝႃႈ၊- ႁွင်ႉဢဝ်ယေႃးသု လုၵ်ႈၸၢႆးၼုၼ်ႇ ဢၼ်လႆႈဝိၺိၺ်ႇၸဝ်ႈၼၼ်ႉလႄႈ ဢဝ်မိုဝ်းမႂ်းတၢင်ႇၵႃႈၼိူဝ်မၼ်းတႃႉ။
၁၉ ဢဝ်မၼ်းဝႆႉၵႃႈတီႈၽၢႆႇၼႃႈယိတ်ႉပရေႃးႁိၵ်ႈ ဢေႇလႃႇၸႃႇ ဢိၵ်ႇတင်း ပရိၵ်ႈသၢတ်ႈတင်းသဵင်ႈတင်းလူင်ၼၼ်ႉလႄႈ သင်ႇလၢတ်ႈဝႆႉတီႈမၼ်းၵႃႈတီႈသိုဝ်ႈ ၼႃႈတႂ်ႈတႃႈၶဝ်တႃႉ။
၂၀ ဢဝ်ဢႃႇၼႃႇမႂ်းၵမ်ႈၽွင်ႈဢၢပ်ႈပၼ်ၵႃႈၼိူဝ်မၼ်း ႁႂ်ႈပရိၵ်ႈသၢတ်ႈၵူၼ်းမဵဝ်းဢိသရေႇ လတင်းသဵင်ႈတင်းလူင်ထွမ်ႇဢဝ်ၵႂၢမ်းမၼ်းတႃႉ။
၂၁ မၼ်းၼၼ်ႉတၵ်းလႆႈၸုၵ်းယူႇ ၵႃႈတီႈၽၢႆႇၼႃႈယိတ်ႉပရေႃးႁိၵ်ႈဢေႇလႃႇၸႃႇလႄႈ ယိတ်ႉပရေႃးႁိၵ်ႈၼၼ်ႉတၵ်းလႆႈၸွမ်းၼင်ႇတြႃးဢၼ်ဢုရိမ်ႇ ၸီႇယၢင်ႇႁဵတ်းထုင်းဝႆႉၵႃႈတီႈၽၢႆႇၼႃႈထႃႇဝရႃႉၽြႃးၼၼ်ႉသေလႄႈ တွင်ႈထၢမ်ပုၼ်ႈမၼ်းဢေႃႈ။ၵႃႈၼင်ႇဢၼ်မၼ်းၸီႇယၢင်ႇၼၼ်ႉၸႃႉၸဵမ်မၼ်းလႄႈ ၵူၼ်းမဵဝ်းဢိသရေႇလတင်းသဵင်ႈတင်းလူင် ဢၼ်ပဵၼ်ပရိၵ်ႈသၢတ်ႈ တင်းသဵင်ႈတင်းလူင် တၵ်းလႆႈဢွၼ်ၵၼ်ၸွမ်းလူၺ်ႈၵႂၢမ်းမၼ်းသေလႄႈဢွၵ်ႇ တၵ်းလႆႈဢွၼ်ၵၼ်ၸွမ်းလူၺ်ႈၵႂၢမ်းမၼ်းသေလႄႈၶဝ်ႈဢေႃႈ ဝႃႈၼင်ႇၼႆသေယဝ်ႉ
၂၂ မုဝ်း သေႇႁဵတ်း ၵႃႈၼင်ႇဢၼ် ထႃႇဝရႃႉၽြႃးမီးဢမိင်ႉၼၼ်ႉလႄႈ ႁွင်ႉဢဝ်ယေႃးသုဝႆႉၵႃႈတီႈၽၢႆႇၼႃႈယိတ်ႉပရေႃးႁိၼ်ဢေႇလႃႇၸႃႇ ဢိၵ်ႇတင်း ၵႃႈတီႈၽၢႆႇ ၼႃႈပရိၵ်ႈသၢတ်ႈတင်းသဵင်ႈတင်းလူင်သေလႄႈ
၂၃ ဢဝ်မိုဝ်းတၢင်ႇၵႃႈၼိူဝ်မၼ်းလႄႈ သင်ႇလၢတ်ႈဝႆႉတီႈမၼ်းၵႃႈၼင်ႇဢၼ်ထႃႇဝရႃႉၽြႃး ဢဝ်တင်းမုဝ်းသေႇပိင်းၺၢပ်ႈဝႆႉၼၼ်ႉဢေႃႈ။