Chapter
၁၈
ပုၼ်ႈၽွၼ်းယိတ်ႉပရေႃးႁိၵ်ႈတင်းလေႇဝိ
၁ ထႃႇဝရႃႉၽြႃး သမ်ႉမီးဢမိင်ႉတီႈဢႃႇရူၼ်ႇလႄႈဝႃႈ၊-မႂ်းဢိၵ်ႇတင်း လုၵ်ႈၸၢႆးမႂ်းတင်းမဵဝ်းၸိူဝ်ႉၶိူဝ်းပူႇပေႃႈမႂ်းၸိူဝ်းၼၼ်ႉ တၵ်းလႆႈႁၢပ်ႇဢပျႅတ်ႈဢၼ်ၽိတ်းပိူင်ႈထႃႇၼႃႉ တီႈမူတ်းၸၢင်ႇၸဝ်ႈၼၼ်ႉလႄႈ မႂ်းဢိၵ်ႇတင်းလုၵ်ႈၸၢႆးမႂ်းတင်းလၢႆ တၵ်းလႆႈႁၢပ်ႇဢပျႅတ်ႈဢၼ်ၽိတ်းပိူင်ႈဢရႃႇယိတ်ႉပရေႃးႁိၵ်ႈ ၼၼ်ႉဢေႃႈ။
၂ မိူဝ်ႈဢၼ်မႂ်းဢိၵ်ႇတင်း လုၵ်ႈၸၢႆးမႂ်းပွင်ႁဵတ်းၵၢၼ်ဢမူႉၸဝ်ႈယူႇ ၵႃႈတီႈၽၢႆႇၼႃႈသုမ်ႉထဵင်ၸဝ်ႈၼၼ်ႉၸိုင် ႁွင်ႉဢဝ်ပီႈၼွင်ႉမႂ်းၵူၼ်းမဵဝ်းလေႇဝိမဵဝ်းၸိူဝ်ႉၶိူဝ်းပေႃႈ မႂ်းၸိူဝ်းၼၼ်ႉမႃးၸွႆႈထႅမ်ပွင်ႁဵတ်းၸွမ်းသူတႃႉ။
၃ ၶဝ်ၼၼ်ႉ တၵ်းလႆႈဢွၼ်ၵၼ်ႁဵတ်းတၢင်းဢၼ်လူတူၺ်းလုမ်းလႃးမႂ်းဢိၵ်ႇတင်း တၢင်းဢၼ်လူတူၺ်းလုမ်းလႃးသုမ်ႉထဵင်ၸဝ်ႈၵႃႈမီးၼၼ်ႉဢေႃႈ။ၵူၺ်းၵႃႈလွင်ႈၼင်ႇႁိုဝ် ၶဝ်တင်းသူတၵ်းၵၢင်းလွတ်ႈတင်းၽေးတၢင်းတၢႆၸိုင် ၶဝ်တၵ်းဢမ်ႇလႆႈသုတ်ႉၸပ်းသုတ်ႉၸူးၵႃႈတီႈၶိူင်ႈပိူင် ထႃႇၼႃႉတီႈမူတ်းၸၢင်ႇၸဝ်ႈဢိၵ်ႇတင်း ၶိူင်ႈပိူင်ယိၸ်ႉပလၢင်ႇတင်းလၢႆၼၼ်ႉ။
၄ ၶဝ်ၼၼ်ႉတၵ်းလႆႈၸပ်းၸွမ်းလူၺ်ႈၵၼ်တင်းမႂ်းလႄႈ ႁဵတ်းတၢင်းဢၼ်လူတူၺ်းလုမ်းလႃးသုမ်ႉထဵင်မူဝ်းၵႃႇၸဝ်ႈ တီႈၸူႉတီႈတုမ်ပရိၵ်ႈသၢတ်ႈလႄႈ ၵိုတ်းႁၢပ်ႇဢမူႉသုမ်ႉထဵင်ၸဝ်ႈၵႃႈမီးၼၼ်ႉဢေႃႈ။ၵေႃႉဢၼ်ဢမ်ႇၸၢပ်ႈသႅင်ႇၼၼ်ႉ ဢမ်ႇလႆႈသုတ်ႉၸပ်းသုတ်ႉၸူးၵႃႈတီႈသူ။
၅ ၵမ်းလိုၼ်းလွင်ႈၼင်ႇႁိုဝ် တၢင်းၸႂ်မႆႈၶႂ်ႈၸႃႉၸဝ်ႈတၵ်းဢမ်ႇဢွၵ်ႇလႄႈ ႁွတ်ႈထိုင်ၵႃႈၼိူဝ်ၵူၼ်းမဵဝ်းဢိသရေႇလတင်းလၢႆၸိုင် သူတၵ်းလႆႈႁဵတ်းတၢင်းဢၼ်လူတူၺ်းလုမ်းလႃးထႃႇၼႃႉတီႈမူတ်းၸၢင်ႇၸဝ်ႈဢိၵ်ႇတင်း တၢင်း ဢၼ်လူတူၺ်းလုမ်းလႃးယိၸ်ႉပလၢင်ႇဢေႃႈ။
၆ ၵဝ်တူဝ်ၸဝ်ႈၵဝ်ႇ ၼုၵ်ႈဢဝ်ပီႈၼွင်ႉသူၵူၼ်းမဵဝ်းလေႇဝိၵႃႈၼႂ်းၵူၼ်းမဵဝ်းဢိသရေႇလတင်းလၢႆသေလႄႈပၼ်တီႈသူႁႂ်ႈၶဝ်ပဵၼ်ၸိူဝ်ႉၼင်ႇၶိူင်ႈပုၵ်ႉၸေႃႇ ဢၼ်ႁဵတ်းတီႈထႃႇဝရႃႉၽြႃးၼၼ်ႉ ႁႂ်ႈၶဝ်လႆႈၵိုတ်းႁၢပ်ႇဢမူႉသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈဢေႃႈ။
၇ ပိူဝ်ႈၼႆလႄႈမႂ်းဢိၵ်ႇတင်းလုၵ်ႈၸၢႆးမႂ်းတင်းလၢႆ တၵ်းလႆႈႁဵတ်းယိတ်ႉပရေႃးႁိၵ်ႈၵႃႈတီႈလွင်ႈတၢင်းဢၼ်ၸၢပ်ႈသႅင်ႇၵၼ်တင်းယိၸ်ႉပလၢင်ႇ တင်းဢမူႉဢၼ်လီပွင်လီႁဵတ်းၵႃႈတီႈၼႂ်းၽႃႈၵင်ႈၵႃႈမီးၼၼ်ႉလႄႈ ပွင်ႁဵတ်းဢမူႉၼၼ်ႉဢေႃႈ။ၵဝ်ပၼ်ဢရႃႇယိတ်ႉပရေႃးႁိၵ်ႈတီႈသူၸိူဝ်ႉၼင်ႇတၢင်းဢၼ်ၵိုတ်းႁၢပ်ႇဢမူႉ ဢၼ်ၵဝ်ႁဵတ်းၵျေးၸူးလႄႈပၼ်ၼၼ်ႉယဝ်ႉ။ၵေႃႉဢၼ်ဢမ်ႇၸၢပ်ႈသႅင်ႇလႄႈ သုတ်ႉၸပ်းသုတ်ႉၸူးၼၼ်ႉတၵ်းလႆႈၶၢမ်ႇတၢင်းဢၼ်ဢဝ်တၢႆဢေႃႈ၊ ဝႃႈၼင်ႇၼႆဢေႃႈ။
တၢင်းပုၵ်ႉၸေႃႇယိတ်ႉပရေႃးႁိၵ်ႈတင်းလေႇဝိ
၈ ထႃႇဝရႃႉၽြႃး သမ်ႉမီးဢမိင်ႉတီႈဢႃႇရုၼ်ႇလႄႈဝႃႈ၊-ၵဝ်တူဝ်ၸဝ်ႈၵဝ်ႇ ဢဝ်ၶိူင်ႈပုၵ်ႉၸေႃႇဢၼ်ယုၵ်ႉယွင်ႈၵဝ်ဢၼ်ၵူၼ်းဢိသရေႇလတင်းလၢႆ ႁႂ်ႈမူတ်းၸၢင်ႇလႄႈသၢၵ်ႈၵၢပ်ႈပၼ်ၵဝ်ၵႃႈမီးၼၼ်ႉ ဢၢပ်ႈပၼ်တီႈမႂ်းႁႂ်ႈပဵၼ်ပုၼ်ႈမႂ်းဢိၵ်ႇတင်းလုၵ်ႈၸၢႆးမႂ်းၸိူဝ်းၼၼ်ႉ ဢေႃႈ။
၉ သူတၵ်းလႆႈပိူင်ႇၶိူင်ႈပိူင်ဢၼ်ယင်းဢမ်ႇလႆႈၶၢမ်ႇတုတ်ႇၽႆးလႄႈ မူတ်းၸၢင်ႇၸိူဝ်းၼၼ်ႉၵမ်ႈၽွင်ႈဢေႃႈ။ၶိူင်ႈပိူင်ၵႃႈဢၼ်ၶဝ်သၢၵ်ႈၵၢပ်ႈဢၼ်ပဵၼ် ၶိူင်ႈပုၵ်ႉၸေႃႇၽေႃးၸဵၼ်ႇၵႃႈမီးယိၸ်ႉဢၼ်ၽေႇဢပျႅတ်ႈၶဝ်ၵႃႈမီး ယိၸ်ႉဢၼ်ၽေႇတူႉၸရိူၵ်ႈၶဝ်ၵႃႈမီးၵႃႈဢၼ်ၶဝ်ပုၵ်ႉၸေႃႇတီႈၵဝ်ၸိူဝ်းၼၼ်ႉ ၸၢပ်ႈသႅင်ႇၵၼ်တင်းမႂ်းဢိၵ်ႇတင်း လုၵ်ႈၸၢႆးမႂ်းတင်းလၢႆဢေႃႈ။
၁၀ တၵ်းလႆႈၵိၼ် ၵႃႈၼႂ်းထႃႇၼႃႉတီႈမူတ်းၸၢင်ႇဢေႃႈ။ၵူၼ်းၸၢႆးမီးဢၶႂၢင်ႉဢၼ်လႆၵိၼ်ၵူႈၵေႃႉဢေႃႈ။ပဵၼ်ဢၼ်မူတ်းၸၢင်ႇပုၼ်ႈမႂ်းဢေႃႈ။
၁၁ လၢႆးသမ်ႉၶိူင်ႈပိူင်ဢၼ်ၸၢပ်ႈသႅင်ႇၵၼ်တင်းမႂ်းၸမ်း ပဵၼ်ၶိူင်ႈပုၵ်ႉၸေႃႇဢၼ်ယုၵ်ႉယွင်ႈဢၼ်ပဵၼ်ၶိူင်ႈပုၵ်ႉၸေႃႇ ဢၼ်ယွင်ႊၵႂႆဢၼ်ၵူၼ်းမဵဝ်းဢိသရေႇလ ၶဝ်ပုၵ်ႉၸေႃႇၼၼ်ႉဢေႃႈ။ၵဝ်ပၼ်တီႈမႂ်းဢိၵ်ႇတင်း လုၵ်ႈၸၢႆးမႂ်းလုၵ်ႈယိင်းမႂ်းတင်းလၢႆဢေႃႈ။ၵေႃႉဢၼ်မူတ်းသႂ်ၵႃႈတီႈႁိူၼ်းမႂ်းၵႃႈ မီးၸိူဝ်းၼၼ်ႉမီးဢၶႂၢင်ႉဢၼ်လႆႈၵိၼ်ဢေႃႈ။
၁၂ ၼမ်ႉမၼ်းဢၼ်လီသေပိူၼ်ႈၼမ်ႉၸပိတ်ႉဢၼ်လီသေပိူၼ်ႈ ၶဝ်ႈၵျုင်ႇဢၼ်လီသေပိူၼ်ႈ ၵႃႈဢၼ်ပဵၼ်မႃးဢွၼ်တၢင်းဢၼ်ၶဝ်ပုၵ်ႉၸေႃႇတီႈထႃႇဝရႃႉၽြႃးၸိူဝ်းၼၼ်ႉ ၵဝ် ဢဝ်ပၼ်တီႈမႂ်းယဝ်ႉ။
၁၃ မၢၵ်ႇဢၼ်မၢၵ်ႇဢွၼ်တၢင်းၵႃႈဢၼ်ၶဝ်ဢဝ်မႃး ၵႃႈတီႈထႃႇဝရႃႉၽြႃးၼၼ်ႉၵေႃႈမႂ်းတၵ်းလႆႈပိူင်ႇဢေႃႈ။ၵေႃႉဢၼ်မူတ်းသႂ်ၵႃႈတီႈႁိူၼ်းမႂ်းၵႃႈမီးၸိူဝ်းၼၼ်ႉမီးဢၶႂၢင်ႉဢၼ်လႆႈၵိၼ်ဢေႃႈ။
၁၄ ၵႃႈဢၼ်မီးၵႃႈၼႂ်းၵူၼ်းမဵဝ်းဢိသရေႇလ ဢၼ်ၵိၼ်ႇဝႃႈလႄႈပုၵ်ႉၸေႃႇၼၼ်ႉၵေႃႈ မႂ်းတၵ်းလႆႈပိူင်ႇဢေႃႈ။လုၵ်ႈတူၼ်ႈဢၼ်ၵိူတ်ႇလဵင်ႉမႃးဢွၼ်တၢင်း ပဵၼ်ၵူၼ်းသေဢမ်ႇဝႃႈ၊ပဵၼ်တရိၵ်ႈသၢၼ်ႇသေဢမ်ႇဝႃႈ၊ ၵႃႈဢၼ်မီးၼိူဝ်ႉမီးလိူတ်ႈ ဢၼ်ၶဝ်ဢဝ်မႃးတီႈပုၵ်ႉၸေႃႇတီႈထႃႇဝရႃႉၽြႃးၸိူဝ်းၼၼ်ႉၵေႃႈ မႂ်းတၵ်းလႆႈပိူင်ႇဢေႃႈ။
၁၅ ၼႂ်းဝႃႈၼၼ်သေၵေႃႈလုၵ်ႈၸၢႆးတူၼ်ႈၵူၼ်းၸိုင် မႂ်းတၵ်းလႆႈထုတ်ႇဢဝ်ဢမၢၼ်ႇၶၢၼ်ပဵၼ်ဢေႃႈ။လုၵ်ႈတူၼ်ႈတရိၵ်ႈသၢၼ်ႇ ဢၼ်ဢမ်ႇမူတ်းသႂ်ၼၼ်ႉ ၵေႃႈမႂ်းတၵ်းလႆႈထုတ်ႇဢဝ်ဢေႃႈ။
၁၆ လုၵ်ႈၸၢႆးတူၼ်ႈဢၼ်တၵ်းလႆႈထုတ်ႇဢဝ်ဢၼ်ဢသၢၵ်ႈလႆႈၸႃႉၸဵမ်လိူၼ်ၼိုင်ႈတင်းလၢႆၼၼ်ႉၸိုင် မႂ်းတၵ်းလႆႈဢဝ်ငိုၼ်းႁႃႈၵျၢပ်ႈထုတ်ႇဢဝ် ၵႃႈၼင်ႇဢၼ်မႂ်းပျၢတ်ႈၵႃႈမၼ်းၶၼ်မၼ်းဢၼ်ၸွမ်းလူၺ်ႈၼမ်ႉၼၵ်းငိုၼ်းၸဝ်ႈ ၵျၢပ်ႈသၶေႇလဢၼ်ပဵင်းၵၼ်တင်းၵေႇရႃႉသၢဝ်း ၼိုင်ႈၼၼ်ႉဢေႃႈ။
၁၇ လုၵ်ႈတူၼ်ႈဝူဝ်း၊လုၵ်ႈတူၼ်ႈသူဝ်း၊လုၵ်ႈတူၼ်ႈပေႉတင်းလၢႆၸိုင် မႂ်းဢမ်ႇလႆႈထုတ်ႇဢဝ်။လွင်ႈမၼ်းၸမ်းၶဝ်ပဵၼ်ဢၼ်မူတ်းၸၢင်ႇလႄႈမႂ်းတၵ်းလႆႈဢဝ်လိူတ်ႈၶဝ်ၽႅတ်ႈသႂ်ႇ ၵႃႈၼိူဝ်ပလၢင်ႇဢေႃႈ။ဢဝ်ၵွၼ်ႈၶႆၵွၼ်ႈမၼ်းၶဝ်တုတ်ႇၽႆးလႄႈႁဵတ်းတၢင်းပုၵ်ႉၸေႃႇ ႁႂ်ႈပဵၼ်ဢၢႆဢၼ်ႁွမ်ႇဢၼ်ႁူၺ်းပုၼ်ႈ ထႃႇဝရႃႉၽြႃးဢေႃႈ။
၁၈ ၼိူဝ်ႉမၼ်းၸမ်းတၵ်းလႆႈပဵၼ်ပုၼ်ႈမႂ်းမိူၼ်ၸိူဝ်ႉၼင်ႇၼိူဝ်ႉႁူဝ်ဢူၵ်း ပဵၼ်ၶိူင်ႈပုၵ်ႉၸေႃႇဢၼ်ယွင်ႊၵႂႆၼၼ်ႉလႄႈ ၶႅပ်းၶႃၶွၼ်ၶႂႃၼၼ်ႉၵေႃႈပဵၼ် ပုၼ်ႈမႂ်းၼၼ်ႉဢေႃႈ။
၁၉ ၶိူင်ႈပုၵ်ႉၸေႃႇဢၼ်ယုၵ်ႉယွင်ႈၵႃႈဢၼ်မီးၵႃႈၼႂ်းၶိူင်ႈပိူင်ဢၼ်မူတ်းၸၢင်ႇ ဢၼ်ၵူၼ်းမဵဝ်းဢိသရေႇလတင်းလၢႆ ဢဝ်မႃးၵႃႈတီႈထႃႇဝရႃႉၽြႃးၸိူဝ်းၼၼ်ႉၵဝ်ဢဝ်တင်းပိင်းၺၢပ်ႈထႃႇဝရႃႉလႄႈ ဢၢပ်ႈပၼ်တီႈလုၵ်ႈၸၢႆးလုၵ်ႈယိင်းမႂ်းတင်းလၢႆယဝ်ႉ။ပဵၼ်ပတိၺိၼ်ႇထႃႇဝရႃႉဢၼ်သႅၼ်ၽႃႇလူၺ်ႈၵၼ်တင်းၵိူဝ် ၵႃႈတီႈၽၢႆႇၼႃႈထႃႇဝရႃႉၽြႃးလႄႈၸၢပ်ႈသႅင်ႇၵၼ်တင်းမႂ်းဢိၵ်ႇတင်း ၸိူဝ်ႉၶိူဝ်းမႂ်းဢေႃႈ၊ဝႃႈၼင်ႇၼႆဢေႃႈ။
၂၀ ထႃႇဝရႃႉၽြႃး သမ်ႉမီးဢမိင်ႉတီႈဢႃႇရုၼ်ႇလႄႈဝႃႈ၊-မႂ်းတၵ်းဢမ်ႇလႆႈမီးလိၼ် တီႈဢၼ်မႂ်းလႆႈၶၢမ်ႇဢမူၺ်ႇၵႃႈၼႂ်းမိူင်းၶဝ်ၼၼ်ႉ။မႂ်းဢမ်ႇလႆႈမီးတၢင်းဢၼ်ၶဝ်ႈပႃးလေႃးလႄး လူၺ်ႈၵၼ်တင်းတၢင်းဢၼ်ၶဝ်ပိူင်ႇၼၼ်ႉ။ၵဝ်ပဵၼ်ပုၼ်ႈပဵၼ်တႃႇဢၼ်မႂ်းပိူင်ႇဢိၵ်ႇတင်းဢမူၺ်ႇဢုၵ်ႉၸႃႇမႂ်း ၵႃႈၼႂ်းၵူၼ်းမဵဝ်းဢိသရေႇ လတင်းလၢႆဢေႃႈ။
၂၁ တီႈၵူၼ်းမဵဝ်းလေႇဝိတင်းလၢႆၵေႃႈၵဝ်ဢဝ်ဢုၵ်ႉၸႃႇၵူၼ်းမဵဝ်းဢိသရေႇလတင်းလၢႆ သိပ်းပုၼ်ႊပုၼ်ႊၼိုင်ႈ ပၼ်ပုၼ်ႈဢၼ်ၶဝ်တၵ်းလႆႈၶၢမ်ႇဢမူၺ်ႇ ၵွပ်ႈပိူဝ်ႈတၢင်းဢၼ်ၶဝ်ပွင်ႁဵတ်းဢမူႉဢၼ်ၶဝ်ပွင်ႁဵတ်း ဢၼ်ပဵၼ်တၢင်းဢၼ်ပွင်ႁဵတ်းဢမူႉသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈၼၼ်ႉဢေႃႈ။
၂၂ ၸႃႉၸဵမ်မိူဝ်ႈလဵဝ်ၼႆႉၵႂႃႇ လွင်ႈၼင်ႇႁိုဝ်ၵူၼ်းမဵဝ်းဢိသရေႇလတင်းလၢႆ တၵ်းဢမ်ႇလႆႈၶၢမ်ႇဢပျႅတ်ႈတူဝ်ၸဝ်ႈၵဝ်ႇလႄႈ ထူပ်းၽေးတၢင်းတၢႆၸိုင်၊ၶဝ်ဢမ်ႇလႆႈသုတ်ႉၸပ်းသုတ်ႉၸူးၵႃႈတီႈႁိမ်းၸမ်သုမ်ႉထဵင်ၸဝ်ႈ တီႈၸူႉ တီႈတုမ်ပရိၵ်ႈသၢတ်ႈၼၼ်ႉ။
၂၃ ၵူၼ်းမဵဝ်းလေႇဝိတင်းလၢႆတၵ်းလႆႈပွင်ႁဵတ်းဢမူႉသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈလႄႈ တူဝ်ၸဝ်ႈၵဝ်ႇတၵ်းလႆႈၶၢမ်ႇဢပျႅတ်ႈတူဝ်ၸဝ်ႈၵဝ်ႇဢေႃႈ။ၶဝ်ၼၼ်ႉဢမ်ႇလႆႈလေႃးလႄး လူၺ်ႈၵၼ်တင်းၵူၼ်းမဵဝ်းဢိသရေႇလ တင်းလၢႆလႄႈ ၶၢမ်ႇဢမူၺ်ႇဝႃႈၼင်ႇၼႆၼၼ်ႉ ပဵၼ်ပိင်းၺၢပ်ႈတီႈၸူဝ်ႈလုၵ်ႈပၢၼ်လၢၼ်သူ သိုပ်ႇသိုပ်ႇတၢမ်ႈ တၢမ်ႈတႃႇသေႇဢေႃႈ။
၂၄ ၵဝ်တၵ်းဢဝ်ဢုၵ်ႉၸႃႇဢၼ်ၵူၼ်းမဵဝ်းဢိသရေႇလတင်းလၢႆ ႁဵတ်းတၢင်းပုၵ်ႉၸေႃႇဢၼ်ယုၵ်ႉယွင်ႈတီႈထႃႇဝရႃႉၽြႃး သိပ်းပုၼ်ႊပုၼ်ႊၼိုင်ႈၼၼ်ႉ ပၼ်တီႈၵူၼ်းမဵဝ်းလေႇဝိတင်းလၢႆပုၼ်ႈဢၼ်ၶဝ်တၵ်းၶၢမ်ႇဢမူၺ်ႇဢေႃႈ။ပိူဝ်ႈၼႆလႄႈၵဝ်မီးဢမိင်ႉတီႈၶဝ်လႄႈဝႃႈ၊-ဢမ်ႇလႆႈလေႃးလႄးလူၺ်ႈၵၼ်တင်းၵူၼ်းမဵဝ်းဢိသရေႇလတင်းလၢႆလႄႈ ၶၢမ်ႇဢမူၺ်ႇ၊ဝႃႈၼင်ႇၼႆဢေႃႈ။
၂၅ ထႃႇဝရႃႉၽြႃးသမ်ႉမီးဢမိင်ႉတီႈမုဝ်းသေႇလႄႈဝႃႈ၊-မႂ်းသင်ႇလၢတ်ႈတီႈၵူၼ်းမဵဝ်းလေႇဝိ တင်းလၢႆလႄႈဝႃႈ၊-
၂၆ မိူဝ်ႈဢၼ်သူၶၢမ်ႇဢဝ်ဢုၵ်ႉၸႃႇၵူၼ်းမဵဝ်း ဢိသရေႇလတင်းလၢႆသိပ်းပုၼ်ႊပုၼ်ႊၼိုင်ႈ ဢၼ်ၵဝ်ဢဝ်ၵႃႈၼႂ်းၶဝ် ပၼ်ပုၼ်ႈဢၼ်သူတၵ်းၶၢမ်ႇဢမူၺ်ႇၼၼ်ႉၸိုင် သူသမ်ႉတၵ်းလႆႈဢဝ်ၼႂ်းပုၼ်ႊၼၼ်ႉၶိုၼ်းႁဵတ်းသိပ်းပုၼ်ႊလႄႈ ဢဝ်ပုၼ်ႊၼိုင်ႈႁဵတ်းတၢင်းပုၵ်ႉၸေႃႇ ဢၼ်ယုၵ်ႉယွင်ႈတီႈထႃႇဝရႃႉၽြႃးဢေႃႈ။
၂၇ တၢင်းပုၵ်ႉၸေႃႇဢၼ်ယုၵ်ႉယွင်ႈၼၼ်ႉၸိုင် တၵ်းလႆႈမၢတ်ႈပဵၼ်ၸိူဝ်ႉၼင်ႇၶဝ်ႈပိူၵ်ႇ ဢၼ်ဢဝ်ၵႃႈတီႈၼႂ်းတလၢင်းယဵပ်ႇၶဝ်ႈၼၼ်ႉဢိၵ်ႇတင်း ၸိူဝ်ႉၼင်ႇၼမ်ႉၸပိတ်ႉဢၼ်ဢဝ်ၵႃႈတီႈၼႂ်းၶိူင်ႈၼူတ်ႈမၢၵ်ႇၸပိတ်ႉၼၼ်ႉ တီႈသူဢေႃႈ။
၂၈ ၼင်ႇၼၼ်လႄႈ သူတၵ်းလႆႈဢဝ်ၵႃႈၼႂ်းသိပ်းပုၼ်ႊပုၼ်ႊၼိုင်ႈ ဢၼ်သူၶၢမ်ႇဢဝ်ၵႃႈတီႈမဵဝ်းၵူၼ်းဢိသရေႇလတင်းလၢႆၼၼ်ႉ ႁဵတ်းတၢင်းပုၵ်ႉၸေႃႇဢၼ်ယုၵ်ႉယွင်ႈတီႈထႃႇဝရႃႉၽြႃးဢေႃႈ။တၢင်းပုၵ်ႉၸေႃႇဢၼ်ယုၵ်ႉယွင်ႈၼၼ်ႉၵေႃႈ တၵ်းလႆႈလူႇတီႈယိတ်ႉပရေႃး ႁိၵ်ႈဢႃႇရုၼ်ႇဢေႃႈ။
၂၉ ၵႃႈတီႈၼႂ်းတၢင်းလူႇၵႃႈဢၼ်သူလႆႈၶၢမ်ႇဢဝ်ၼၼ်ႉသူတၵ်းလႆႈၼုၵ်ႈဢဝ်ပုၼ်ႈဢၼ်လီသေပိူၼ်ႈ ပုၼ်ႈဢၼ်မူတ်းၸၢင်ႇၼၼ်ႉလႄႈႁဵတ်းတၢင်းပုၵ်ႉၸေႃႇ ဢၼ်ယုၵ်ႉယွင်ႈတီႈထႃႇဝရႃႉ ၽြႃးဢေႃႈ။
၃၀ ပိူဝ်ႈၼႆလႄႈမႂ်းသင်ႇလၢတ်ႈတီႈၶဝ်လႄႈဝႃႈ၊- သူၼုၵ်ႈဢဝ်ပုၼ်ႈဢၼ်လီသေပိူၼ်ႈၼၼ်ႉပုၵ်ႉၸေႃႇသေယဝ်ႉ ပုၼ်ႊဢၼ်ၵိုတ်းဢၼ်ၵျၢၼ်ႇၼၼ်ႉတၵ်းလႆႈမၢတ်ႈပဵၼ်ပုၼ်ႈတႃႇၵူၼ်းမဵဝ်းလေႇဝိ တင်းလၢႆ ၸိူဝ်ႉၼင်ႇၵျေးၸူးတလၢင်းယဵပ်ႇၶဝ်ႈၼၼ်ႉဢိၵ်ႇတင်း ၸိူဝ်ႉၼင်ႇၵျေးၸူးၶိူင်ႈၼူတ်ႈမၢၵ်ႇၸပိတ်ႉၼၼ်ႉ ဢေႃႈ။
၃၁ ပုၼ်ႊၼၼ်ႉၸိုင်သူဢိၵ်ႇတင်းၵူၼ်းႁိူၼ်းၵူၼ်းယေးသူ မီးဢၶႂၢင်ႉဢၼ်လႆႈၵိၼ်ၼႂ်းၵူႈတီႈၵူႈလႅၼ်ဢေႃႈ။ပဵၼ်သူးဢၼ်ၵဝ်ၶျႃးပၼ်ၵွပ်ႈပိူဝ်ႈဢၼ်သူပွင်ႁဵတ်းဢမူႉ ၵႃႈၼႂ်းသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈ သၢတ်ႈၼၼ်ႉဢေႃႈ။
၃၂ ၼုၵ်ႈဢဝ်ပုၼ်ႈဢၼ်လီသေပိူၼ်ႈၼၼ်ႉပုၵ်ႉၸေႃႇတႃႉ။လွင်ႈဢၼ်တၵ်းလႆႈႁွတ်ႈထိုင်တၢင်းဢၼ်တၢင်ႇဢပျႅတ်ႈဢမ်ႇမီး။လွင်ႈၼင်ႇႁိုဝ်သူတၵ်းဢမ်ႇထူပ်းၽေးတၢင်းတၢႆၸိုင် သူဢမ်ႇလႆႈႁႂ်ႈၶိူင်ႈဢၼ်မူတ်းၸၢင်ႇၵူၼ်းမဵဝ်းဢိသရေႇလၸိူဝ်းၼၼ်ႉၵူဝ်ႈၵိူၵ်ႇ၊ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။