Chapter
၂၅
မေႈယိင်းမေႃႇၽၸူဝ်းဢဝ်ၵူၼ်းၸၢႆးဢိသရေႇလ
၁ ၵူၼ်းမဵဝ်း ဢိသရေႇလၸိူဝ်းၼၼ်ႉမိူဝ်ႈဢၼ်ယူႇၵႃႈတီႈသိတ်ႉတိမ်ႇ ၼၼ်ႉၶဝ်တႄႇၸႃႉ ဢွၼ်ၵၼ်ႁဵတ်းမေႇထုင်ႇဢၼ်ဢမ်ႇတြႃး လူၺ်ႈၵၼ်တင်းမေႈယိင်းမေႃႇ ၽၸိူဝ်းၼၼ်ႉဢေႃႈ။
၂ မေႈယိင်းမေႃႇၽၸိူဝ်းၼၼ်ႉႁွင်ႉဢဝ်ၶဝ်ၵႂႃႇ ၵႃႈတီႈပွႆးပုၵ်ႉၸေႃႇယိၸ်ႉၽြႃးၶဝ်ၼၼ်ႉလႄႈၶဝ်ဢွၼ်ၵၼ်ၵိၼ်ၼိူဝ်ႉယိၸ်ႉလႄႈ ၶုပ်ႉမူပ်ႇၵူမ်ႈၵွမ်းႁူဝ်ၵႃႈတီႈၽၢႆႇၼႃႈၽြႃးၶဝ်ၸိူဝ်းၼၼ်ႉဢေႃႈ။
၃ ၵွပ်ႈပိူဝ်ႈၵူၼ်းမဵဝ်းဢိသရေႇလ တင်းလၢႆၸပ်းၸွမ်းၽြႃးပႃႇလပေႇၵုရၸိူဝ်ႉၼင်ႇၼၼ်ၼၼ်ႉလႄႈ တၢင်းၸႂ်မႆႈၶႂ်ႈၸႃႉထႃႇဝရႃႉၽြႃးဢွၵ်ႇၵႃႈၼိူဝ်ၵူၼ်းမဵဝ်း ဢိသရေႇလၸိူဝ်းၼၼ်ႉဢေႃႈ။
၄ ထႃႇဝရႃႉၽြႃးမီးဢမိင်ႉတီႈမုဝ်းသေႇလႄႈဝႃႈ၊- ၼင်ႇႁိုဝ်တၢင်းၸႂ်မႆႈၶႂ်ႈၸႃႉထႃႇဝရႃႉၽြႃး တၵ်းယၢၼ်ၵၼ်တင်းၵူၼ်းမဵဝ်းဢိသရေႇလၵႂႃႇၼၼ်ႉၸိုင် ႁွင်ႉဢဝ်ၵူၼ်းယႂ်ႇၵူၼ်းလူင်ဢိသရေႇလၸိူဝ်းၼၼ်ႉသေလႄႈ ဢဝ်တၢႆသေယဝ်ႉႁွႆႈဝႆႉၵႃႈၼႂ်းဢၼ်လႅင်းၵၢင်ဝၼ်း ၵႃႈတီႈၽၢႆႇၼႃႈထႃႇဝရႃႉ ၽြႃးတႃႉ၊ဝႃႈၼင်ႇၼႆဢေႃႈ။
၅ မုဝ်းသေႇသင်ႇလၢတ်ႈတီႈၶုၼ်ဢၼ်ၸီႇယၢင်ႇတြႃး ၵူၼ်းဢိသရေႇလၸိူဝ်းၼၼ်ႉလႄႈဝႃႈ၊-သူႁင်းၽႂ်ႁင်းမၼ်းဢွၼ်ၵၼ်ဢဝ်တၢႆၵူၼ်းသူ ဢၼ်ၸပ်းၸွမ်းၽြႃးပႃႇလပေႇၵုရ ၸိူဝ်းၼၼ်ႉတႃႉ၊ဝႃႈၼင်ႇၼႆဢေႃႈ။
၆ မိူဝ်ႈၼၼ်ႉ ၵူၼ်းမဵဝ်းဢိသရေႇလၵေႃႉၼိုင်ႈဢဝ်မေႈယိင်းမိတျၢၼ်ႇမႃးၸူးၵႃႈတီႈပီႈၼွင်ႉမၼ်း သိုဝ်ႈၼႃႈတႂ်ႈတႃမုဝ်းသေႇဢိၵ်ႇတင်းပရိၵ်ႈသၢတ်ႈ ၵူၼ်းမဵဝ်းဢိသရေႇလတင်းလၢႆ ဢၼ်ႁွင်ႉႁႆႈယူႇၵႃႈတီႈႁိမ်းၽၵ်းတူသုမ်ႉထဵင်ၸဝ်ႈ တီႈၸူႉတီႈတုမ်ပရိၵ်ႈသၢတ်ႈၼၼ်ႉရ ဢေႃႈ။
၇ ၽိၼႁတ်ႉ၊လုၵ်ႈၸၢႆးဢေႇလႃႇၸႃႇ၊ဢၼ်ပဵၼ်လုၵ်ႈၸၢႆးယိတ်ႉပရေႃးႁိၵ်ႈဢႃႇရုၼ်ႇ၊ ၼၼ်ႉႁၼ်သေယဝ်ႉ မၼ်းလုၵ်ႉသေၵႃႈၼႂ်းပရိၵ်ႈသၢတ်ႈသေလႄႈ
၈ ယိပ်းၵမ်ဢဝ်ႁွၵ်ႇသေယဝ်ႉ ၸွမ်းၵူၼ်းၸၢႆးဢိသရေႇလၼၼ်ႉၵႂႃႇၵႃႈၼႂ်းလုၵ်းသုမ်ႉထဵင်သေယဝ်ႉ တႅင်းသႂ်ႇသွင်ၶႃတင်းသွင်ၵေႃႉ ၵူပ်းၵၼ်ထၼ်ႈပေႃးပွင်ႇပဵဝ်ၵူၼ်းၸၢႆးဢိသရေႇလတေႃႇတီႈပုမ်မေႈယိင်းၼၼ်ႉဢေႃႈ။ၵွပ်ႈပိူဝ်ႈႁဵတ်းၸိူဝ်ႉၼင်ႇၼၼ်လႄႈ ၽေးတၢင်တၢႆထၢတ်ႇယဵၼ်ၵႂႃႇၵႃႈၼႂ်းၵူၼ်းမဵဝ်းဢိသရေႇလ တင်းလၢႆ ၼၼ်ႉဢေႃႈ။
၉ ၵူၼ်းဢၼ်တၢႆလူၺ်ႈၽေးတၢင်းတၢႆမီးသွင်မိုၼ်ႇသီႇႁဵင်ဢေႃႈ။
၁၀ ထႃႇဝရႃႉၽြႃးမီးဢမိင်ႉတီႈမုဝ်းသေႇလႄႈဝႃႈ၊- ၽိၼ ႁတ်ႉ၊လုၵ်ႈၸၢႆးဢေႇလႃႇၸႃႇ၊ဢၼ်ပဵၼ်လုၵ်ႈၸၢႆးယိတ်ႉပရေႃးႁိၵ်ႈဢႃႇရုၼ်ႇ ႁဵတ်းႁႂ်ႈတၢင်းၸႂ်မႆႈၶႂ်ႈၸႃႉၵဝ်ဝေႈပိူင်ႈသေၵႃႈတီၵူၼ်းမဵဝ်းဢိသရေႇလ တင်းလၢႆယဝ်ႉ။
၁၁ လွင်ႈမၼ်းၸမ်းမၼ်းမီးၸႂ်ဢၼ်ႁႅင်းယႂ်ႇၼႃႇမိူၼ်ၼင်ႇၵဝ်ၸႂ်ႁႅင်းယႂ်ႇၼႃႇထၼ်ႈပေႃးဢမ်ႇႁႂ်ႈၵဝ် ပႄႇၽဵဝ်ႈၵူၼ်းမဵဝ်းဢိသရေႇလတင်းလၢႆယဝ်ႉ။
၁၂ ပိူဝ်ႈၼႆလႄႈမႂ်းတၵ်းလႆႈလၢတ်ႈတီႈမၼ်းလႄႈဝႃႈၸမ်း၊-ၵဝ်ႁဵတ်းပတိၺိၼ်ႇတၢင်းၼိမ် တီႈမၼ်းဢေႃႈ။
၁၃ မၼ်းဢိၵ်ႇတင်း ၸူဝ်ႈလုၵ်ႈပၢၼ်လၢၼ်ၸိူဝ်ႉၶိူဝ်းမၼ်းတၵ်းလႆႈပတိၺိၼ်ႇဢရႃႇယိတ်ႉပရေႃးႁိၵ်ႈ တႃႇသေႇၵွပ်ႈပိူဝ်ႈမၼ်းၸႂ်ႁႅင်းယႂ်ႇၼႃႇ ၽၢႆႇၽြႃးပဵၼ်ၸဝ်ႈလႄႈႁဵတ်းတၢင်းဢၼ်ၽေႇဢပျႅတ်ႈ ပုၼ်ႈၵူၼ်းမဵဝ်းဢိသရေႇလတင်းလၢႆၼၼ်ႉဢေႃႈ၊ ဝႃႈၼင်ႇၼႆဢေႃႈ။
၁၄ ၸိုဝ်သဵင်ၵူၼ်းဢိသရေႇလ ဢၼ်လႆႈၶၢမ်ႇတၢင်းဢၼ်ဢဝ်တၢႆ လူၺ်ႈၵၼ်တင်းမေႈယိင်းမိတျၢၼ်ႇၼၼ်ႉၸမ်း ပဵၼ်ၸိမ်ႇရိလုၵ်ႈၸၢႆးသႃႇလု၊ ဢၼ်ပဵၼ်ၵႄႇပဵၼ်ႁူဝ်မဵဝ်းပူႇမဵဝ်းပေႃႈမဵဝ်းၼိုင်ႈ ၼႂ်းမဵဝ်းသိမုၼ်ႇ ၼၼ်ႉဢေႃႈ။
၁၅ ၸိုဝ်သဵင်ႈမေႈယိင်းမိတျၢၼ်ႇဢၼ်လႆႈၶၢမ်ႇတၢင်းဢၼ်ဢဝ်တၢႆၼၼ်ႉၸမ်း ပဵၼ်ၵေႃႇၸၽိလုၵ်ႈယိင်းၸုရ ဢၼ်ပဵၼ်ၵႄႇပဵၼ်ႁူဝ်မဵဝ်းပူႇမဵဝ်းပေႃႈမဵဝ်းၼိုင်ႈၼႂ်းမဵဝ်းမိတျၢၼ်ႇၼၼ်ႉဢေႃႈ။
၁၆ ထႃႇဝရႃႉၽြႃးမီးဢမိင်ႉတီႈမုဝ်းသေႇလႄႈဝႃႈ၊-ႁဵတ်း တေႃႇၵူၼ်းမဵဝ်းမိတျၢၼ်ႇတင်းလၢႆလႄႈ
၁၇ မိူၼ်ၼင်ႇ ရၢၼ်ႇသူႇလႄႈဢဝ်ၶဝ်တၢႆတႃႉ။
၁၈ လွင်ႈမၼ်းၸမ်းၶဝ်ဢဝ်ပရီ့ယေႇသေလႄႈ ပႅတ်ႉလႅၼ်ႁဵတ်းတေႃႇသူၼႂ်းလွင်ႈတၢင်းၽြႃးပေႇၵုရ တင်းၼႂ်းလွင်ႈတၢင်းၵေႃႇၸၽိ ဢၼ်ပဵၼ်လုၵ်ႈယိင်းၶုၼ်မိတျၢၼ်ႇ ၼွင်ႉယိင်းၶဝ်ဢၼ်လႆႈၶၢမ်ႇတၢင်းဢၼ်ဢဝ်တၢႆ ၼႂ်းဝၼ်းဢၼ်ၽေးႁွတ်ႈထိုင်မႃးၵွပ်ႈပိူဝ်ႈၽြႃးပေႇၵုရ ၼၼ်ႉဢေႃႈ၊ဝႃႈၼင်ႇၼႆဢေႃႈ။