Chapter
၁၂
မိရိဢမ်ႇတင်းဢႃႇရူၼ်ၶတ်းၵၼ်တင်းမုဝ်းသေႇ
၁ ပိူဝ်ႈဢၼ်မုဝ်းသေႇ ပဵၼ်ႁိူၼ်းႁူမ်ႈၵၼ်တင်းမေႈယိင်းၵူၼ်းမဵဝ်းၵုသ လႄႈမိရိဢမ်ႇတင်းဢႃႇရုၼ်ႇတၢင်ႇဢပျႅတ်ႈတီႈမုဝ်းသေႇ ၵွပ်ႈပိူဝ်ႈမေႈယိင်းၵူၼ်းမဵဝ်းၵုသ ဢၼ်မၼ်းပဵၼ်ႁိူၼ်းႁူမ်ႈၵၼ်ၼၼ်ႉလႄႈဝႃႈ၊-
၂ ထႃႇဝရႃႉၽြႃးပၼ်ပျႃႇတိၵ်ႈတီႈ မုဝ်းသေႇ ၵူၺ်းဢမၢၼ်ႇၶၢၼ် ပဵၼ်ႁိုဝ်။တီးႁဝ်းၵေႃႈမၼ်းၸဝ်ႈပၼ်ပျႃႇတိၵ်ႈၸဝ်ႈယူႇဢမ်ႇၸႂ်ႈႁိုဝ်၊ဝႃႈၼင်ႇၼႆဢေႃႈ။ထႃႇဝရႃႉ ၽြႃးငိၼ်းၵႂၢမ်းၼၼ်ႉဢေႃႈ။
၃ မုဝ်းသေႇပဵၼ်ၵေႃႉဢၼ်မီးၸႂ်သၽေႃး ဢၼ်ယိင်ႈၶႅၼ်းၼိမ်သိမ်ဢူၼ်ႈဢွၼ်ႇၼႃႇသေ ၵူၼ်းဢၼ်မီးၵႃႈၼိူဝ်ၼႃႈလိၼ်မိူင်းၼႆႉတင်း သဵင်ႈတင်းလူင်ဢေႃႈ။
၄ ထႃႇဝရႃႉၽြႃးၵေႃႈမီးဢမိင်ႉတီႈမုဝ်းသေႇတင်းဢႃႇရုၼ်ႇတင်းမိရိဢမ်ႇ ၵမ်းလဵဝ်လႄႈဝႃႈ၊-သူသၢမ်ၵေႃႉဢွၵ်ႇၸူးၵႃႈတီႈသုမ်ႉထဵင်ၸဝ်ႈတီႈၸူႉတီႈတုမ်ပရိၵ်ႈသၢတ်ႈၼၼ်ႉတႃႉ၊ ဝႃႈၼင်ႇၼႆလႄႈၶဝ် သၢမ်ၵေႃႉၵေႃႈဢွၵ်ႇၵႂႃႇၸူးဢေႃႈ။
၅ ထႃႇဝရႃႉၽြႃးယူႇၵႃႈၼႂ်းသဝ်မွၵ်ႇၵုမ်ႈလူင်းမႃးလႄႈ ၸုၵ်းယူႇၵႃႈတီႈႁူးၽၵ်းတူသုမ်ႉထဵင်ၸဝ်ႈသေယဝ်ႉ ႁွင်ႉဢႃႇရုၼ်ႇတင်းမိရိဢမ်ႇလႄႈ သွင်ၶႃၵေႃႈဢွၼ်ၵၼ်သုတ်ႉၸူးဢေႃႈ။
၆ မၼ်းၸဝ်ႈမီးဢမိင်ႉလႄႈဝႃႈ၊-ထွမ်ႇငိၼ်းၵႂၢမ်းၵဝ်တႃႉ။မိူဝ်ႈဢၼ်ပရေႃးၽႅတ်ႈမီးၵႃႈၼႂ်းသူၸိုင် ၵဝ်ထႃႇဝရႃႉၽြႃး တၵ်းဢဝ်ရူႇပႃႇရုင်ႇၼႄပျႃးတူဝ်ၸဝ်ႈၵဝ်ႇတီႈမၼ်းၼၼ်ႉဢေႃႈ။ဢမ်ႇၼၼ်ၵေႃႈၵဝ်တၵ်းဢဝ်တၢင်းဢၼ်ၼွၼ်းၽၼ်ႁၼ် ပၼ်ပျႃႇတိၵ်ႈတီႈမၼ်းၼၼ်ႉ ဢေႃႈ။
၇ ၶႃႈၵဝ်မုဝ်းသေႇဢၼ်ပႂ်ႉသႅတ်ႉၸႃႇၵႃႈၼႂ်းႁိူၼ်းၵဝ်တင်းႁိူၼ်းၼၼ်ႉၸမ်း ဢမ်ႇပဵၼ်ၸိူဝ်ႉၼင်ႇၼၼ်။
၈ ၵဝ်ဢဝ်သူပ်းပၼ်ပျႃႇတိၵ်ႈတီႈမၼ်း တေႃႇၼႃႈမၼ်းလႄႈပၼ်ထၢင်ႇထၢင်ႇသႃးသႃးဢေႃႈ။ဢမ်ႇဢဝ်တင်းၵႂၢမ်းဢၼ်လိုၵ်ႉဢၼ်လမ်ႇပၼ်။ပုင်ႇႁၢင်ႊထႃႇဝရႃႉၽြႃးၵေႃႈမၼ်းလႆႈႁၼ်ဢေႃႈ။ၵွပ်ႈႁွႆးၼႆႉလႄႈၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ သူဢမ်ႇၵူဝ်လွင်ႈတင်းဢၼ်တၢင်ႇဢပျႅတ်ႈတီႈၶႃႈၵဝ်မုဝ်းသေႇၼၼ်ႉ၊ ဝႃႈၼင်ႇ ၼႆသေလႄႈ
၉ တၢင်းၸႂ်မႆႈၶႂ်ႈၸႃႉထႃႇဝရႃႉၽြႃးဢွၵ်ႇတီႈသွင်ၶႃလႄႈ မၼ်းၸဝ်ႈဢွၵ်ႇၵႂႃႇသေယဝ်ႉ၊မွၵ်ႇၵုမ်ႈၼၼ်ႉ ၽၢတ်ႇသေၵႃႈတီႈၼိူဝ်သုမ်ႉထဵင်ၸဝ်ႈၼၼ်ႉၵႂႃႇ ဢေႃႈ။
၁၀ မိရိဢမ်ႇၵေႃႈပဵၼ်တုတ်ႈလႄႈၽိူၵ်ႇဝႆႉမိူၼ်ၸိူဝ်ႉ ၼင်ႇမူၺ်ႁႃႇၼၼ်ႉဢေႃႈ။
၁၁ ဢႃႇရုၼ်ႇတူၺ်းမိရိဢမ်ႇလႄႈ ႁၼ်လွင်ႈဢၼ်မၼ်းပဵၼ်တုတ်ႈၼၼ်ႉသေယဝ်ႉတွင်းပၢၼ်ႇတီႈမုဝ်းသေႇလႄႈဝႃႈ၊-ၸဝ်ႈၵဝ်ၶႃႈၶႃႈဢိူၺ်း။ယႃႇပေဢဝ်ဢပျႅတ်ႈဢၼ်ႁဝ်းၶႃႈႁဵတ်းဢမူႉဢၼ်မိူၵ်ႈဢိၵ်ႇတင်း တၢင်းဢၼ်ၽိတ်းပိူင်ႈမႅၼ်ႈၼႆႉ တၢင်ႇၵႃႈၼိူဝ်ႁဝ်းၶႃႈသေၵမ်းၶႃႈ။
၁၂ ၵဝ်ၶႃႈတွင်းပၢၼ်ႇၶႃႈဢေႃႈ။ယႃႇပေႁႂ်ႈမၼ်းပဵၼ်ၸိူဝ်ႉၼင်ႇတူဝ်တၢႆဢၼ်ၼိူဝ်ႉမၼ်းလၢၼ်ႈ ၵႂႃႇၽၢၵ်ႇၼိုင်ႈၸႃႉၸဵမ်မိူဝ်ႈဢၼ်မၼ်းၸႃႉဢွၵ်ႇမႃးၵႃႈၼႂ်းတွင်ႉမေႈမၼ်းၼၼ်ႉ သေၵမ်းတီႈၶႃႈ၊မိူဝ်ႈဢၼ်ဝႃႈၼင်ႇၼႆၸိုင် မုဝ်းသေႇႁွင်ႉသႅၼ်ႇတီႈထႃႇဝရႃႉၽြႃးလႄႈဝႃႈ၊-
၁၃ ဢူဝ်းၽြႃးပဵၼ်ၸဝ်ႈ ၶႅၼ်းတေႃႈႁႂ်ႈတၢင်းၶႆႈတၢင်းပဵၼ်မၼ်းႁၢႆသေၵမ်းတီႈၶႃႈ။ၶႃႈၸဝ်ႈတွင်းပၢၼ်ႇတီႈၶႃႈဢေႃႈ၊ဝႃႈၼင်ႇၼႆဢေႃႈ။
၁၄ ထႃႇဝရႃႉၽြႃးမီးဢမိင်ႉတီႈမုဝ်းသေႇလႄႈဝႃႈ၊-သင်ပေႃႈမၼ်း ၵွမ်းၵႃႈထူမ်ႇၼမ်ႉလၢႆးသႂ်ႇၵႃႈတီႈၼႃႈမၼ်းၸိုင် မၼ်းတၵ်းလႆႈၶၢမ်ႇတၢင်းဢူၵ်းတၢင်းဢၢႆၸဵတ်းဝၼ်းတဵမ်တဵမ်ဢမ်ႇၸႂ်ႈႁိုဝ်။တေႃႇလဵဝ်ၼႆႉႁေႃႈမၼ်းဢွၵ်ႇလႄႈ ႁႂ်ႈမၼ်းယူႇၵႃႈတီႈၼွၵ်ႈတပ်ႉၸဵတ်းဝၼ်းတဵမ်တဵမ်တႃႉ။လိုၼ်းၼၼ်ႉၸင်ႇႁႂ်ႈမၼ်းၶိုၼ်းၶဝ်ႈၵႃႈ ၼႂ်းတပ်ႉတႃႉ၊ ဝႃႈၼင်ႇၼႆလႄႈ၊
၁၅ မိရိဢမ်ႇလႆႈၶၢမ်ႇတၢင်းဢၼ်ႁေႃႈဢွၵ်ႇလႄႈလႆႈယူႇၵႃႈၼွၵ်ႈတပ်ႉၸဵတ်းဝၼ်းတဵမ်တဵမ်ဢေႃႈ။ၵူၼ်းတင်းလၢႆယင်းဢမ်ႇဢွၵ်ႇတႃပႆတၢင်းလႄႈ ယူႇတေႃႇထိုင်ႁွတ်ႈလႆႈဢဝ်မိရိဢမ်ႇၶိုၼ်းမႃးၵႃႈၼႂ်းတပ်ႉၼၼ်ႉဢေႃႈ။
၁၆ လိုၼ်းၼၼ်ႉ ၵူၼ်းတင်းလၢႆဢွၼ်ၵၼ်လုၵ်ႉသေၵႃႈတီႈႁႃႇၸရူတ်ႉၼၼ်ႉဢွၵ်ႇတႃပႆတၢင်းလႄႈ ၵင်ႈသုမ်ႉထဵင်ၶဝ်ၵႃႈၼႂ်းထိူၼ်ႇပႃႇရၢၼ်ႇ ဢေႃႈ။