Chapter
၃၃
ၶၢဝ်းတၢင်းဢိသရေႇလ
၁ တၢင်းဢၼ်ၵူၼ်းမဵဝ်းဢိသရေႇလ တင်းလၢႆလႆႈဢွၵ်ႇတႃပႆတၢင်းၼႂ်းမိူဝ်ႈဢၼ်မုဝ်းသေႇ တင်း ဢႃႇရုၼ်ႇဢွၼ်ႁူဝ်ၶဝ်ဢွၵ်ႇသေၵႃႈၼႂ်းမိူင်းဢေႇၵႅပ်ႉတု မႃးၼၼ်ႉၸမ်းပဵၼ်ၸိူဝ်ႉၼင်ႇၼႆဢေႃႈ။
၂ ၸွမ်းၵႃႈၼင်ႇဢမိင်ႉ ထႃႇဝရႃႉၽြႃး ၼၼ်ႉ မုဝ်းသေႇတႅမ်ႈမၢႆဝႆႉလွင်ႈတၢင်းဢၼ်ၶဝ်ဢွၵ်ႇၵႂႃႇဢွၵ်ႇပႆၸွမ်းလူၺ်ႈတၢင်းဢၼ်ၶဝ် ဢွၵ်ႇတႃပႆတၢင်းၸိူဝ်းၼၼ်ႉဢေႃႈ။တၢင်းဢၼ်ၶဝ်ဢွၵ်ႇတႃပႆတၢင်းၸွမ်းလူၺ်ႈဢၼ်ၶဝ်ဢွၵ်ႇၵႂႃႇဢွၵ်ႇပႆၸိူဝ်းၼၼ်ႉၸမ်း၊- လိူၼ်ပထမသိပ်းႁႃႈဝၼ်း လိုၼ်းသေပွႆးပႃသၶႃႇယဝ်ႉဝၼ်းမိူဝ်ႈၽုၵ်ႈၶဝ်ဢွၵ်ႇသေၵႃႈတီႈ ဝဵင်းရႃႇမသိတ်ႉ မႃး ဢေႃႈ။
၃ ၵူၼ်းမဵဝ်းဢိသရေႇလတင်းလၢႆႁဵတ်းတၢင်းဢၼ်ပျႃႉၼႃႈပျႃႉတႃသေလႄႈ ဢွၵ်ႇသမေိူင်းဢေၵႅပ်ႉတု ၵႂႃႇသိုဝ်ႈၼႃႈတႂ်ႈတႃၵူၼ်းဢေႇၵႅပ်ႉတု ၶဝ်တင်းသဵင်ႈတင်းလူင် ၼႂ်းၶိင်ႇဢၼ်ၵူၼ်းဢေႇၵႅပ်ႉတုၶဝ်ဢွၼ်ၵၼ်သၢင်းၵျူဝ်ႇၽင်လုၵ်ႈၸၢႆးတူၼ်ႈၶဝ်ဢၼ်ထႃႇ ဝရႃႉၽြႃးပၼ်တၢမ်ႇတၢႆၼၼ်ႉဢေႃႈ။
၄ တီႈၽြႃးၶဝ်တင်းလၢႆၵေႃႈ ထႃႇဝရႃႉၽြႃး ၸီႇယၢင်ႇပၼ်တၢမ်ႇ ဢေႃႈ။
၅ ၵူၼ်းမဵဝ်းဢိသရေႇလတင်းလၢႆလုၵ်ႉသေၵႃႈဝဵင်းရႃႇမသိတ်ႉဢွၵ်ႇတႃပႆတၢင်းလႄႈ ၶျႃးပၢင်ၵႃႈတီႈ သုၵုတ်ႉဢေႃႈ။
၆ ၶဝ်သမ်ႉလုၵ်ႈသေၵႃႈတီႈဝဵင်းသုၵုတ်ႉဢွၵ်ႇတႃပႆတၢင်းလႄႈ ၶျႃးပၢင်ၵႃႈတီႈဝဵင်းဢေႇသမ်ႇ ဢၼ်ၸပ်းၵႃႈႁိမ်းထိူၼ်ႇၼၼ်ႉဢေႃႈ။
၇ ၶဝ်သမ်ႉလုၵ်ႉသေၵႃႈတီႈဝဵင်းဢေႇသမ်ႇ ဢွၵ်ႇတႃပႆတၢင်းလႄႈ သမ်ႉၶိုၼ်းဝၢႆႇၸူးဝဵင်းဝိႁႁိရုတ်ႉဢၼ်မီးၵႃႈတီႈၽၢႆႇၼႃႈ ဝဵင်းမိၵတေႃႇလဢေႃႈ။
၈ ၶဝ်သမ်ႉလုၵ်ႉသေၵႃႈတီႈၽၢႆႇၼႃႈဝဵင်းႁႁိရုတ်ႉ ဢွၵ်ႇတႃပႆတၢင်းလႄႈၽႃႇလတ်းၵႃႈၼႂ်းပၢင်ႇလၢႆႇၵႂႃႇသေယဝ်ႉၸွမ်းတၢင်းၵႃႈၼႂ်းထိူၼ်ႇဢေႇသမ်ႇ ၵႂႃႇသၢမ်ဝၼ်းလႄႈၶျႃးပၢင်ၵႃႈတီႈ မႃႇရဢေႃႈ။
၉ ၶဝ်သမ်ႉလုၵ်ႉသေၵႃႈတီႈမႃႇရဢွၵ်ႇတႃပႆတၢင်းလႄႈႁွတ်ႈထိုင်ၵႃႈတီႈဢေႇလိမ်ႇဢေႃႈ။ၵႃႈတီႈဢေႇလိမ်ႇၼၼ်ႉ မီးၼမ်ႉမေႃႇသိပ်းသွင်မေႃႇတင်းတူၼ်ႈထၼ်းၸဵတ်းသိပ်းတူၼ်ႈလႄႈ ၶဝ်ၶျႃးပၢင်ၵႃႈတီႈၼၼ်ႉဢေႃႈ။
၁၀ ၶဝ်သမ်ႉလုၵ်ႉသေၵႃႈတီႈဢေႇလိမ်ႇဢွၵ်ႇတႃပႆတၢင်းလႄႈ ၶျႃးပၢင်ၵႃႈတီႈႁိမ်းပၢင်ႇလၢႆႇ ဢေႇတုင်ႇဢေႃႈ။
၁၁ ၶဝ်သမ်ႉလုၵ်ႉသေၵႃႈတီႈပၢင်ႇလၢႆႇဢေႇတုင်ႇ ဢွၵ်ႇတႃပႆတၢင်းလႄႈ ၶျႃးပၢင်ၵႃႈတီႈ ထိူၼ်ႇသိၼ်ႇဢေႃႈ။
၁၂ ၶဝ်သမ်ႉလုၵ်ႉသေၵႃႈတီႈထိူၼ်ႇသိၼ်ႇ ဢွၵ်ႇတႃပႆတၢင်းလႄႈၶျႃးပၢင်ၵႃႈတီႈတေႃႇၽ ၵႃႇဢေႃႈ။ၶဝ်သမ်ႉလုၵ်ႉသေၵႃႈတီႈတေႃႇၽၵႃႇဢွၵ်ႇ တႃပႆတၢင်းလႄႈၶျႃးပၢင်ၵႃႈတီႈဢႃႇလုသဢေႃႈ။
၁၄ ၶဝ်သမ်ႉလုၵ်ႉသေၵႃႈတီႈဢႃႇလုသ ဢွၵ်ႇတႃပႆတၢင်းလႄႈၶျႃးပၢင်ၵႃႈတီႈရေႇၽိတိမ်ႇ ဢၼ်ဢမ်ႇမီးၼမ်ႉပုၼ်ႈ ၵူၼ်းတင်းလၢႆတၵ်းၵိၼ်ၼၼ်ႉဢေႃႈ။
၁၅ ၶဝ်သမ်ႉလုၵ်ႉသေၵႃႈတီႈရေႇၽိတိမ်ႇ ဢွၵ်ႇတႃပႆတၢင်းလႄႈၶျႃးပၢင် ၵႃႈတီႈထိူၼ်ႇသိၼႃႇဢေႃႈ။
၁၆ ၶဝ်သမ်ႉလုၵ်ႉသေၵႃႈတီႈထိူၼ်ႇသိၼႃႇဢွၵ်ႇတႃပႆတၢင်းလႄႈ ၶျႃးပၢင်ၵႃႈတီႈၵိပူတ်ႉႁတ်ႉတဝႃႇဢေႃႈ။
၁၇ ၶဝ်သမ်ႉလုၵ်ႈသေၵႃႈတီႈၵိပူတ်ႉႁတ်ႉတဝႃႇဢွၵ်ႇတႃပႆတၢင်းလႄႈ ၶျႃးပၢင်ၵႃႈ တီႈႁႃႇၸရုတ်ႉဢေႃႈ။
၁၈ ၶဝ်သမ်ႉလုၵ်ႈသေၵႃႈတီႈႁႃႇၸရုတ်ႉ ဢွၵ်ႇတႃပႆတၢင်းလႄႈ ၶျႃးပၢင်ၵႃႈတီႈရိသမ ဢေႃႈ။
၁၉ ၶဝ်သမ်ႉလုၵ်ႉသေၵႃႈတီႈရိသမဢွၵ်ႇတႃပႆတၢင်းလႄႈၶျႃးပၢင်ၵႃႈတီႈရိမ်ႇမုၼ်ႇၽႃႇရိတ်ႉဢေႃႈ။
၂၀ ၶဝ်သမ်ႉ လုၵ်ႉသေၵႃႈတီႈရိမ်ႇမုၼ်ႇၽႃႇရိတ်ႉဢွၵ်ႇတႃပႆတၢင်းလႄႈၶျႃးပၢင်ၵႃႈတီႈလိပၼဢေႃႈ။
၂၁ ၶဝ်သမ်ႉ လုၵ်ႉသေၵႃႈတီႈလိပၼ ဢွၵ်ႇတႃပႆတၢင်းလႄႈၶျႃး ပၢင်ၵႃႈတီႈရိတ်ႉသႃႇဢေႃႈ။
၂၂ ၶဝ်သမ်ႉလုၵ်ႉသေၵႃႈတီႈရိတ်ႉသႃႇ ဢွၵ်ႇတႃပႆတၢင်းလႄႈၶျႃးပၢင်ၵႃႈတီႈၵေႇႁ လႃႇသဢေႃႈ။
၂၃ ၶဝ်သမ်ႉလုၵ်ႉသေၵႃႈတီႈၵေႇႁလႃႇသဢွၵ်ႇတႃပႆတၢင်းလႄႈ ၶျႃးပၢင်ၵႃႈတီႈလွႆသႃႇၽႃႇ ဢေႃႈ။
၂၄ ၶဝ်သမ်ႉလုၵ်ႈသေၵႃႈတီႈလွႆသႃႇၽႃႇဢွၵ်ႇတႃပႆတၢင်းလႄႈၶျႃးပၢင်ၵႃႈတီႈႁႃႇရတဢေႃႈ။
၂၅ ၶဝ်သမ်ႉ လုၵ်ႉသေၵႃႈတီႈႁႃႇရတ ဢွၵ်ႇတႃပႆတၢင်းလႄႈၶျႃးပၢင်ၵႃႈတီႈမၵ်ႉၵလုတ်ႉဢေႃႈ။
၂၆ ၶဝ်သမ်ႉလုၵ်ႉသေၵႃႈတီႈမၵ်ႉၵလုတ်ႉ ဢွၵ်ႇတႃပႆတၢင်း လႄႈၶျႃးပၢင်ၵႃႈတီႈတႃႇႁတ်ႉဢေႃႈ။
၂၇ ၶဝ်သမ်ႉလုၵ်ႉသေ ၵႃႈတီႈတႃႇႁတ်ႉဢွၵ်ႇတႃပႆ တၢင်းလႄႈၶျႃးပၢင်ၵႃႈ တီႈတႃႇရဢေႃႈ။
၂၈ ၶဝ်သမ်ႉလုၵ်ႉသေၵႃႈတီႈတႃႇရဢွၵ်ႇတႃပႆတၢင်းလႄႈၶျႃးပၢင်ၵႃႈတီႈမိသၵႃႇဢေႃႈ။
၂၉ ၶဝ်သမ်ႉလုၵ်ႉသေၵႃႈတီႈမိသၵႃႇ ဢွၵ်ႇတႃပႆတၢင်းလႄႈၶျႃးပၢင်ၵႃႈတီႈႁႃႇသမေႃႇၼဢေႃႈ။
၃၀ ၶဝ်သမ်ႉလုၵ်ႉသေၵႃႈတီႈႁႃႇသမေႃႇၼ ဢွၵ်ႇတႃပႆတၢင်းလႄႈၶျႃးပၢင် ၵႃႈတီႈမေႃႇသရုတ်ႉဢေႃႈ။
၃၁ ၶဝ်လုၵ်ႉသေၵႃႈတီႈမေႃႇသရုတ်ႉ ဢွၵ်ႇတႃပႆတၢင်းလႄႈၶျႃးပၢင်ၵႃႈတီႈပိၼ်ႇ ယႃႇၵၼ်ႇဢေႃႈ။
၃၂ ၶဝ်သမ်ႉလုၵ်ႉၵႃႈတီႈပိၼ်ႇယႃႇၵၼ်ႇဢွၵ်ႇတႃပႆတၢင်းလႄႈ ၶျႃးပၢင်ၵႃႈတီႈႁေႃႇရၵိတ်ႉၵတ်ႉဢေႃႈ။
၃၃ ၶဝ်သမ်ႉလုၵ်ႉသေၵႃႈႁေႃႇရၵိတ်ႉၵတ်ႉဢွၵ်ႇတႃပႆတၢင်းလႄႈၶျႃးပၢင်ၵႃႈတီႈယုတ်ႉၽႃႇသဢေႃႈ။
၃၄ၶဝ်သမ်ႉလုၵ်ႉသေၵႃႈတီႈယုတ်ႉၽႃႇသ ဢွၵ်ႇတႃပႆ တၢင်းလႄႈ ၶျႃးပၢင်ၵႃႈတီႈဢေႇပေႃႇၼဢေႃႈ။
၃၅ ၶဝ်သမ်ႉလုၵ်ႉသေၵႃႈတီႈဢေႇပေႃႇၼ ဢွၵ်ႇတႃပႆတၢင်း လႄႈၶျႃးပၢင်ၵႃႈတီႈဢေႇၸယုၼ်ႇဢေႃႈ။
၃၆ ၶဝ်သမ်ႉလုၵ်ႉသေၵႃႈတီႈဢေႇၸယုၼ်ႇ ဢွၵ်ႇတႃပႆတၢင်းလႄႈ ၶျႃးပၢင်ၵႃႈတီႈၵႃႇတေႇသ၊ၼႂ်းထိူၼ်ႇၸိၼဢေႃႈ။
၃၇ ၶဝ်သမ်ႉလုၵ်ႉသေၵႃႈတီႈ ၵႃႇတေႇသ ဢွၵ်ႇတႃပႆတၢင်းလႄႈၶျႃးပၢင်ၵႃႈတီႈလွႆႁေႃႇရ ၵႃႈၼႂ်းလႅၼ်လိၼ်မိူင်းဢေႇတုင်ႇဢေႃႈ။
၃၈ ၼႂ်းပီႊဢၼ်ထူၼ်ႈထိုင်သီႇသိပ်းပီႊလိုၼ်းသေၵူၼ်းမဵဝ်းဢိသရေႇလ တင်းလၢႆဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃးၼၼ်ႉၸိုင်လိူၼ်ပိၼ်ႇၸမ ဝၼ်းပထမယိတ်ႉပရေႃးႁိၵ်ႈဢႃႇရုၼ်ၶိုၼ်ႈၵႂႃႇၵႃႈၼိူဝ်လွႆႁေႃႇရၸွမ်းၵႃႈၼင်ႇဢၼ်ထႃႇဝရႃႉၽြႃး မီးဢမိင်ႉၼၼ်ႉသေလႄႈ ႁွတ်ႈဢၼိၵ်ႉၸႃႉဢေႃႈ။
၃၉ မိူဝ်ႈဢၼ်ဢႃႇရုၼ်ႇႁွတ်ႈဢၼိၵ်ႉၸႃႉၵႃႈၼိူဝ်လွႆႁေႃႇရ ၼၼ်ႉၸိုင်ဢသၢၵ်ႈမၼ်းလႆႈပၢၵ်ႇပၢႆသၢဝ်းသၢမ်ပီႊဢေႃႈ။
၄၀ လွင်ႈဢၼ်ၵူၼ်းမဵဝ်းဢိသရေႇလတင်းလၢႆႁွတ်ႈထိုင်ၼၼ်ႉၸိုင် ၶုၼ်လူင်ဢႃႇရတ်ႉ၊မဵဝ်းၶႃႇၼၼိ ဢၼ်ယူႇပွတ်းတၢင်းၸၢၼ်း ၵႃႈၼႂ်းမိူင်းၶႃႇၼၢၼ်ႇၼၼ်ႉငိၼ်းဢေႃႈ။
၄၁ ၶဝ်လုၵ်ႉသေၵႃႈတီႈလွႆႁေႃႇရဢွၵ်ႇတႃပႆတၢင်းလႄႈ ၶျႃးပၢင်ၵႃႈ တီႈၸႃႇလမေႃႇၼဢေႃႈ။
၄၂ ၶဝ်လုၵ်ႉသေၵႃႈတီႈၸႃႇလမေႃႇၼ ဢွၵ်ႇတႃပႆတၢင်းလႄႈ ၶျႃးပၢင်ၵႃႈတီႈပု ၼုၼ်ႇဢေႃႈ။
၄၃ ၶဝ်လုၵ်ႉသေၵႃႈတီႈပုၼုၼ်ႇဢွၵ်ႇတႃပႆ တၢင်း လႄႈၶျႃးပၢင်ၵႃႈတီႈဢေႃႇပုတ်ႉဢေႃႈ။
၄၄ ၶဝ်လုၵ်ႉသေဢေႃႇပုတ်ႉဢွၵ်ႇတႃပႆတၢင်းလႄႈ ၶျႃးပၢင်ၵႃႈတီႈဢိယဢပႃႇရိမ်ႇ ၵႃႈၼႂ်းလႅၼ်လိၼ်မိူင်းမေႃႇၽ ဢေႃႈ။
၄၅ ၶဝ်လုၵ်ႉသေၵႃႈတီႈဢိယိမ်ႇဢွၵ်ႇတႃပႆတၢင်း လႄႈၶျႃးပၢင်ၵႃႈတီႈတိပုၼ်ႇၵတ်ႉဢေႃႈ။
၄၆ ၶဝ်လုၵ်ႉသေၵႃႈတီႈတိပုၼ်ႇၵတ်ႉ ဢွၵ်ႇတႃပႆတၢင်းလႄႈၶျႃးပၢင် ၵႃႈတီႈဢႃႇလမုၼ်ႇတိပလသိမ်ႇဢေႃႈ။
၄၇ ၶဝ်လုၵ်ႉသေၵႃႈတီႈဢႃႇလမုၼ်ႇတိပလသိမ်ႇ ဢွၵ်ႇတႃပႆတၢင်းလႄႈ ၶျႃးပၢင်ၵႃႈတီႈလွႆဢပႃႇရိမ်ႇၽၢႆႇၼႃႈလွႆၼေႇပေႃႇဢေႃႈ။
၄၈ ၶဝ်လုၵ်ႉသေၵႃႈတီႈလွႆဢပႃႇရိမ်ႇဢွၵ်ႇတႃပႆတၢင်းလႄႈ ၶျႃးပၢင်ၵႃႈတီႈပၢင်ႇပဵင်းမေႃႇၽၵႃႈတီႈႁိမ်းၼမ်ႉႁွင်ႊယေႃးတၢၼ်ႇ သိုဝ်ႈဝဵင်းယေႇရိၶူဝ်းၼၼ်ႉ ဢေႃႈ။
၄၉ ၼင်ႇၼၼ်လႄႈၶဝ်ၶျႃးပၢင်ၸွမ်းႁိမ်းၼမ်ႉႁွင်ႊယေႃးတၢၼ်ႇ ဢဝ်ၵႃႈတီႈၸႃႉၸဵမ်ဝဵင်းပိတ်ႉယေႇသိမတ်ႉ တေႃႇထိုင်ႁွတ်ႈဝဵင်းဢႃႇပေႇလသိတ်ႉတႅမ်ႇၵႃႈၼႂ်းပၢင်ႇပဵင်းမေႃႇၽဢေႃႈ။
၅၀ ထႃႇဝရႃႉၽြႃး မီးဢမိင်ႉတီႈ မုဝ်းသေႇ ၵႃႈၼႂ်းပၢင်ႇပဵင်းမေႃႇၽ၊ၵႃႈတီႈႁိမ်းၼမ်ႉႁွင်ႊယေႃးတၢၼ်ႇ သိုဝ်ႈဝဵင်းယေႇရိၶူဝ်းၼၼ်ႉလႄႈဝႃႈၸမ်း၊-
၅၁ မႂ်းသင်ႇလၢတ်ႈတီႈၵူၼ်းမဵဝ်းဢိသရေႇလတင်းလၢႆလႄႈဝႃႈ၊- မိူဝ်ႈဢၼ်သူၶၢမ်ႈၼမ်ႉႁွင်ႊယေႃးတၢၼ်ႇလႄႈ ႁွတ်ႈထိုင်ၵႃႈၼႂ်းမိူင်းၶႃႇၼၢၼ်ႇၼၼ်ႉၸိုင် သူတၵ်းလႆႈႁေႃႈၵူၼ်းဝၢၼ်ႈၵူၼ်းမိူင်းၼၼ်ႉ
၅၂ တင်းသဵင်ႈတင်းလူင်ဢွၵ်ႇပႅတ်ႈသေၵႃႈတီႈၽၢႆႇၼႃႈသူလႄႈ ယႃႉၽဵဝ်ႈမၢၵ်ႇႁိၼ်ဢၼ်ၶဝ်တွင်ႈၶဝ်ႁဵတ်းၵႃႈမီး ယႃႉၽဵဝ်ႈရုၵ်ႉထူႉဢၼ်ၶဝ်သွၼ်းလေႃႇၵႃႈမီးၼၼ်ႉလႄႈ ၵိူၼ်ႇလူမ်ႉထႃႇၼႃႉတီႈ သုင်ၶဝ်ၵႃႈမီးၼၼ်ႉပႅတ်ႈဢေႃႈ။
၅၃ ၵွပ်ႈပိူဝ်ႈဢၼ်ၵဝ်ပၼ်သူမိူင်းၼၼ်ႉလႄႈ သူတၵ်းလႆႈသိမ်းဢဝ်မိူင်းၼၼ်ႉသေလႄႈပိူင်ႇဢဝ်လႄႈ တူဝ်သူတၵ်းလႆႈယူႇၵႃႈတီႈၼၼ်ႉ ဢေႃႈ။
၅၄ သူတၵ်းလႆႈတူၵ်းၸႃႇၵွၵ်ႈသေလႄႈၶၢမ်ႇဢမူၺ်ႇလိၼ်ၼၼ်ႉ ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်းၶိူဝ်းသူဢေႃႈ။ပေႃးၵူၼ်းၼမ်ၸိုင်ဢဝ်လိၼ်ဢၼ်ၼမ်ပေႃးၵူၼ်းၵေႇၸိုင် ဢဝ်လိၼ်ဢၼ်ၵေႇပၼ်ဢမူၺ်ႇဢေႃႈ။တီႈ လႂ်တၢၼ်ႇ လႂ်သေဢမ်ႇဝႃႈတီဢၼ်ၸႃႇၵွၵ်ႈတူၵ်းတီႈၵူၼ်းႁင်းၽႂ်ႁင်းမၼ်းၼၼ်ႉ ၵႃႈတီႈၼၼ်ႉတၵ်းလႆႈပဵၼ်တီႈဢၼ်မၼ်းပိူင်ႇဢေႃႈ။ၸွမ်းလူၺ်ႈမဵဝ်းပူႇမဵဝ်ႈပေႃႈသူသေလႄႈ သူတၵ်းလႆႈၶၢမ်ႇဢမူၺ်ႇ ဢေႃႈ။
၅၅ ပေႃးသူဢမ်ႇႁေႃႈၵူၼ်းဝၢၼ်ႈၵူၼ်းမိူင်းၸိူဝ်းၼၼ်ႉဢွၵ်ႇပႅတ်ႈသေၵႃႈတီႈၽၢႆႇၼႃႈသူ သဵင်ႈသဵင်ႈမူတ်းမူတ်းၸိုင် ၶဝ်ၸိူဝ်းဢၼ်သူဝႆႉၵိုတ်းဝႆႉၵျၢၼ်ႇၸိုဝ်းၼၼ်ႉတၵ်းပဵၼ်ၸိူဝ်ႉၼင်ႇၶဵမ်ၵႃႈတီႈမၢၵ်ႇတႃသူ ဢိၵ်ႇတင်းၸိူဝ်ႉၼင်ႇၼၢမ်လႅမ်ၵႃႈတီႈပႅမ်ႉသူလႄႈ ယႃႉယူၵ်ႉ သူၵႃႈၼႂ်းမိူင်းဢၼ်သူယူႇၼၼ်ႉဢေႃႈ။
၅၆ လိူဝ်သေၼၼ်ႉၵႃႈၼင်ႇဢၼ်ၵဝ်ၵျၢမ်ႇပွင်တၵ်းႁဵတ်းတီႈၶဝ်ၼၼ်ႉ ၵဝ်တၵ်းႁဵတ်းတီႈသူဢေႃႈ၊ ဝႃႈၼင်ႇၼႆတႃႉ၊ဝႃႈၼင်ႇၼႆဢေႃႈ။