Chapter
၁၁
ၽႆးလုၵ်ႉတီႈထႃႇဝရႃႉၽြႃးတူၵ်းမႃး
၁ လၢႆးသမ်ႉၵူၼ်းတင်းလၢႆၼၼ်ႉပဵၼ်မိူၼ်ၸိူဝ်ႉၼင်ႇၶဝ်ၸိူဝ်းဢၼ်ပွင်ႉၶင်းပွင်ႉမိူၼ်ႇ လူၺ်ႈလွင်ႈတၢင်းဢၼ်ဢမ်ႇလီၵႃႈတီႈႁူထႃႇဝရႃႉၽြႃးၼၼ်ႉယူႇလႄႈ ထႃႇဝရႃႉၽြႃးငိၼ်းၵႂၢမ်းၶဝ်ၼၼ်ႉလႄႈ တၢင်းၸႂ်မႆႈၶႂ်ႈၸႃႉမၼ်းၸဝ်ႈဢွၵ်ႇဢေႃႈ။ၽႆးထႃႇဝရႃႉၽြႃးမႆႈၼႂ်းၶဝ်လႄႈ ယႃႉပႅတ်ႈၵႃႈတီႈႁိမ်းႁွမ်းလႅၼ်သုတ်းတပ်ႉၶဝ် ဢေႃႈ။
၂ ၵမ်းၼၼ်ႉၵူၼ်းတင်းလၢႆဢွၼ်ၵၼ်ႁွင်ႉသႅၼ်ႇတီႈမုဝ်းသေႇလႄႈ မုဝ်းသေႇ သူးတွင်းတီႈထႃႇဝရႃႉ ၽြႃးသေယဝ်ႉၽႆးၼၼ်ႉယဵၼ်ၵႂႃႇဢေႃႈ။
၃ ၵွပ်ႈပိူဝ်ႈဢၼ်ႆးထႃႇဝရႃႉၽြႃးမႆႈၼႂ်းၶဝ်ၼၼ်ႉလႄႈ မၼ်းႁွင်ႉႁိၵ်ႈတီႈၼၼ်ႉဝႃႈ တပေႇရ ဝႃႈၼႆဢေႃႈ။
ၼူၵ်ႉၶုမ်ႈလုၵ်ႉတီႈထႃႇဝရႃႉၽြႃးတူၵ်းမႃး
၄ ၵူၼ်းမဵဝ်းတၢင်ႇၸိူဝ်ႉတၢင်ႇၶိူဝ်းဢၼ်ပႃးလူၺ်ႈၵၼ်တင်းၶဝ်ၼၼ်ႉ မီးၸႂ်ဢၼ်ဢေႇႁႃၸပ်းၸွႆးဢေႃႈ။ၵူၼ်းမဵဝ်းဢိသရေႇလတင်းလၢႆၵေႃႈ သမ်ႉၶိုၼ်းဢွၼ်ၵၼ်ႁွင်ႉႁႆႈသေလႄႈဝႃႈ၊-ၽူႈ လႂ်တၵ်းပၼ်ၼိူဝ်ႉပုၼ်ႈ ဢၼ်ႁဝ်းတၵ်းၵိၼ်။
၅ ႁဝ်းၶုၵ်းၸႂ်လႆႈၶႂ်ႈၸႂ်ထူပ်းၼိူဝ်ႉပႃဢၼ်ႁဝ်းယင်းဢမ်ႇပၼ်ၵႃႈမၼ်းၶၼ်မၼ်းလႄႈ လႆႈၵိၼ်ၵႃႈတီႈမိူင်းဢေႇၵႅပ်ႉတုဢိၵ်ႇတင်း တႅင် တႅင်ၸမ်ႇပူႇၽၵ်းမီႇဢၼ်လႅင်ႊဢၼ်ၽိူၵ်ႇဢၼ်လိူင်ၸိူဝ်း ၼၼ်ႉဢေႃႈ။
၆ တေႃႈလဵဝ်ၼႆႉဢသၢၵ်ႈႁဝ်းႁႅင်းဢူၼ်ႈၵႂႃႇယဝ်ႉ။ၼွၵ်ႈသမေၼ်ႇၼႃႉၼႆႉၵႃႈတီႈဢၼ်တႃႇႁဝ်းတၵ်းတၵ်းလႆႈႁၼ်ၼၼ်ႉ ယင်းဢမ်ႇမီးၵႃႈသင်လႃးလႃး၊ဝႃႈၼင်ႇၼႆဢေႃႈ။
၇ မၼ်ႇၼႃႉၼၼ်ႉမိူၼ်ၸိူဝ်ႉၼင်ႇမဵတ်ႉၽၵ်းၵီးလႄႈ ႁၢင်ႊၽၢင်မၼ်းမိူၼ်ၸိူဝ်ႉၼင်ႇမဵတ်ႉမႆႉ ပတေႇလၼၼ်ႉဢေႃႈ။
၈ ၵူၼ်းတင်းလၢႆဢွၼ်ၵၼ်လႄႇလဵပ်ႈၵဵပ်းသိမ်းဢဝ်လႄႈ ႁဵတ်းတၢင်းဢၼ်ၶိုတ်ႈၵႃႈၼႂ်းလုၺ် တၢင်းဢၼ်တမ်ၵႃႈၼႂ်းၶူၵ်ႉမိုဝ်းသေယဝ်ႉတူမ်ႈၵႃႈတီႈမေႃႈဢေႃႈ။ၶဝ်မုၼ်းၶႅပ်းၵေႃႈႁဵတ်းဢေႃႈ။ဢရႃႉသႃႇမၼ်းမိူၼ်ၸိူဝ်ႉၼင်ႇဢရႃႉသႃႇၶဝ်ႈ မုၼ်းၶူဝ်ႈၼမ်ႉမၼ်းၼၼ်ႉဢေႃႈ။
၉ မိူဝ်ႈဢၼ်ၼမ်ႉၼၢႆးတူၵ်းၵႃႈတီႈဢၼ်ၶဝ်ၶျႃးပၢင်ၼၼ်ႉၶိင်ႇၵၢင်ၶိုၼ်းမၼ်ႇၼႃႉၼၼ်ႉၸင်ႇတူၵ်းၸွမ်းဢေႃႈ။
၁၀ မုဝ်းသေႇလႆႈငိၼ်းၵူၼ်းတင်းလၢႆဢိၵ်ႇတင်းၵူၼ်းႁိူၼ်းၵူၼ်းယေးၶဝ် ဢွၼ်ၵၼ်ႁွင်ႉႁႆႈယူႇႁင်းၽႂ်ႁင်းမၼ်းၵႃႈတီႈႁူးၽၵ်းတူသုမ်ႉထဵင်ၶဝ်ၼၼ်ႉဢေႃႈ။တၢင်းၸႂ်မႆႈၶႂ်ႈၸႃႉထႃႇဝရႃႉၽြႃးဢွၵ်ႇ ႁႅင်းၼႃႇလူင်လၢင်လႄႈ မုဝ်းသေႇၵေႃႈမီးတၢင်းဢၼ်ယၢပ်ႇၸႂ် ဢေႃႈ။
၁၁ မုဝ်းသေႇလဝ်ႈလၢတ်ႈတီႈထႃႇဝရႃႉၽြႃးလႄႈဝႃႈ၊-ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၸဝ်ႈႁဝ်းၼိၵ်ႈၸၢၵ်ႈငႅၼ်းသေးၶႃႈၸဝ်ႈႁဝ်းၼႆႉတီႈၶႃႈ။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ၶႃႈၸဝ်ႈႁဝ်းဢမ်ႇလႆႈထူပ်းၵျေးၸူးသိုဝ်ႈၼႃႈတႂ်ႈတႃၸဝ်ႈႁဝ်းလႄႈ ၸဝ်ႈႁဝ်းဢဝ်ၵူၼ်းတင်းသဵင်ႈတင်းလူင်ၼႆႉတၢင်ႇသႂ်ႇၵႃႈၼိူဝ်ၶႃႈၸဝ်ႈႁဝ်း ႁႂ်ႈၶႃႈ ၸဝ်ႈႁဝ်းလႆႈႁၢပ်ႇၼင်ႇႁိုဝ်တီႈၶႃႈ။
၁၂ ၶႃႈၸဝ်ႈႁဝ်းၼႆႉလႆႈပႃးတွင်ႉပႃးမၢၼ်း ၵူၼ်းတင်းသဵင်ႈတင်းလူင်ၼႆႉတီႈၶႃႈႁိုဝ်။လႆႈၵိူတ်ႇလဵင်ႉၶဝ်ႁႂ်ႈၸဝ်ႈႁဝ်းလႆႈမီးဢမိင်ႉတီႈၶႃႈၸဝ်ႈႁဝ်းလႄႈဝႃႈ၊-ဢုမ်ႈႁွပ်ႇဢဝ်ၵူၼ်းၸိူဝ်းၼႆႉမိူၼ်ၸိူဝ်ႉၼင်ႇၵူၼ်းဢၼ်ထိင်းလုၵ်ႈဢွၼ်ႇၵိၼ်ၼုမ်းၼၼ်ႉလႄႈ ၵႂႃႇၵႃႈတီႈမိူင်းဢၼ်ၸဝ်ႈႁဝ်းတိူင်ႇဝႃႈ တီႈပူႇမွၼ်ႇၶဝ်ၼၼ်ႉၶႃႈႁိုဝ်။
၁၃ ၶႃႈၸဝ်ႈႁဝ်းၼႆႉတၵ်းလႆႈၼိူဝ်ႉပုၼ်ႈဢၼ်တၵ်းလဵင်ႉၵူၼ်း တင်းသဵင်ႈတင်းလူင်ၼႆႉၵႃႈတီႈ လႂ်တီႈၶႃႈ။ၶဝ်ဢွၼ်ၵၼ်ႁွင်ႉႁႆႈတီႈၶႃႈၸဝ်ႈသေလႄႈဝႃႈ၊-ပၼ်ၼိူဝ်ႉပုၼ်ႈဢၼ်ႁဝ်းၶႃႈတၵ်းၵိၼ်ၼၼ်ႉ သေၵမ်း၊ဝႃႈၼင်ႇၼႆယူႇတီႈၶႃႈဢေႃႈ။
၁၄ ၶႃႈၸဝ်ႈႁဝ်းၵေႃႉလဵဝ်ၵူၺ်း ဢမ်ႇႁၢပ်ႇဢဝ်ၵူၼ်းတင်းသဵင်ႈတင်းလူင်ၸိူဝ်းၼႆႉၵႂႃႇလႆႈတီႈၶႃႈ။ပဵၼ်ၶူဝ်းႁၢပ်ႇဢၼ်ၼၵ်းဢၼ်ၼႃလိူဝ်တွၼ်းၼႃႇလူင်လၢင်တီႈၶႃႈဢေႃႈ။
၁၅ ပေႃးၸဝ်ႈႁဝ်းႁဵတ်းၸိူဝ်ႉၼင်ႇၼၼ်တီႈၶႃႈၸဝ်ႈ ပေႃးၶႃႈၸဝ်ႈ ထူပ်းၵျေးၸူးသိုဝ်ႈၼႃႈတႂ်ႈတႃၸဝ်ႈႁဝ်းၸိုင် ၸဵဝ်းဢဝ်ၶႃႈၸဝ်ႈႁဝ်းတၢႆၶၼ်ၶၼ်ၽႂ်းၽႂ်းသေၵမ်းတီႈၶႃႈ။ယႃႇႁႂ်ႈၶႃႈၸဝ်ႈႁဝ်းလႆႈထူပ်းႁၼ်တုၵ်ႉၶႃႉတၢင်းၽၢၼ်ၶႃႈၸဝ်ႈႁဝ်းၼႆႉသေၵမ်းတီႈၶႃႈ၊ဝႃႈၼင်ႇၼႆဢေႃႈ။
၁၆ ထႃႇဝရႃႉၽြႃး ၵေႃႈမီးဢမိင်ႉတီႈမုဝ်းသေႇလႄႈဝႃႈ၊-ၼႂ်းၵူၼ်းဢၼ်ပဵၼ်ၵႄႇပဵၼ်ႁူဝ် ၵူၼ်းမဵဝ်းဢိသရေႇလၸဵတ်းသိပ်း ဢၼ်မႂ်းႁူႉၶဝ်ပဵၼ်ၵူၼ်းၵႄႇၵူၼ်းႁူဝ်ၵႃႈတီႈၵူၼ်းတင်းလၢႆၼၼ်ႉလႄႈ ပဵၼ်ၶုၼ်ၵႃႈၼိူဝ်ၶဝ်ၸိူဝ်းၼၼ်ႉ ႁွင်ႉၶဝ်မႃးၸူႉၵၼ်တုမ်ၵၼ်ၵႃႈတီႈၵဝ်ၵႃႈတီႈသုမ်ႉထဵင်ၸဝ်ႈ တီႈၸူႉတီႈတုမ်ပရိၵ်ႈသၢတ်ႈသေလႄႈ ႁႂ်ႈၶဝ်ၸုၵ်းယူႇၵႃႈတီႈၼၼ်ႉလူၺ်ႈၵၼ်တင်းမႂ်း တႃႉ။
၁၇ ၵဝ်တၵ်းလူင်းမႃးၵႃႈတီႈၼၼ်ႉလႄႈလၢတ်ႈၵႂၢမ်းတေႃႇ ၵၼ်တင်းမႂ်းဢေႃႈ။ၵဝ်တၵ်းဢဝ်ဝိၺိၺ်ႇဢၼ်ၵိင်းဝပ်ႈယူႇၵႃႈၼိူဝ်မႂ်းၼၼ်ႉၵမ်ႈၽွင်ႈ တၢင်ႇသႂ်ႇပၼ်ၵႃႈၼိူဝ်ၶဝ်ဢေႃႈ။ၶဝ်တၵ်းလႆႈၽွမ်ႉၵၼ်ၸွႆႈထႅမ်မႂ်းႁၢပ်ႇဢဝ်ပုၼ်ႈၽွၼ်းၵူၼ်းတင်းလၢႆၼႆႉၵႂႃႇလႄႈ မႂ်း ၵေႃႉလဵဝ်ၵူၺ်းတၵ်းဢမ်ႇလႆႈႁၢပ်ႇဢဝ်ၵႂႃႇ။
၁၈ မႂ်းသင်ႇလၢတ်ႈတီႈၵူၼ်းတင်းလၢႆလႄႈဝႃႈ၊-တူဝ်ၸဝ်ႈၵဝ်ႇႁႂ်ႈတူဝ်ၸဝ်ႈၵဝ်ႇမူတ်းၸၢင်ႇပုၼ်ႈဝၼ်းမိူဝ်ႈၽုၵ်ႈတႃႉ။သူတၵ်းလႆႈၵိၼ်ၼိူဝ်ႉဢေႃႈ။လွင်ႈမၼ်းၸမ်းသူႁွင်ႉႁႆႈထိုင်ႁူထႃႇဝရႃႉၽြႃးဝႃႈ၊-ၽူႈ လႂ်တၵ်းပၼ်ၼိူဝ်ႉတီႈႁဝ်းပုၼ်ႈဢၼ်ႁဝ်းတၵ်းၵိၼ်။ၵႃႈတီႈမိူင်းဢေႇၵႅပ်ႉတုပုၼ်ႉႁဝ်းလႆႈယူႇၵတ်းယဵၼ်ၶျၢမ်းသႃႇယူႇဢေႃႈ၊ ဝႃႈၼင်ႇၼႆဢေႃႈ။ပိူဝ်ႈၼႆလႄႈထႃႇဝရႃႉၽြႃးတၵ်းပၼ် ၼိူဝ်ႉတီႈသူလႄႈသူတၵ်းလႆႈၵိၼ်ဢေႃႈ။
၁၉ သူတၵ်းလႆႈၵိၼ်ဝၼ်းၼိုင်ႈသွင်ဝၼ်း ႁႃႈဝၼ်းသိပ်းဝၼ်းသၢဝ်းဝၼ်းၵူၺ်းဢမ်ႇၸႂ်ႈ။သူတၵ်းလႆႈၵိၼ်လိူၼ်ၼိုင်ႈတဵမ်တဵမ်တေႃႇထိုင်ႁွတ်ႈထၢၼ်ႈပေႃး ၼိူဝ်ႉဢွၵ်ႇၵႃႈၼႂ်းၶူႈလင်သူလႄႈပဵၼ်တီႈလီႁင်ႈဢဵတ်ႇသဵတ်ႇဢေႃႈ။
၂၀ လွင်ႈမၼ်းၸမ်း သူႁဵတ်းဢမ်ႇပေႃးၼင်ႇႁိုဝ်တီႈထႃႇဝရႃႉၽြႃး ဢၼ်မီးယူႇၵႃႈတီႈၼႂ်းသူၼၼ်ႉလႄႈႁွင်ႉႁႆႈၵႃႈတီႈၽၢႆႇၼႃႈမၼ်းၸဝ်ႈဝႃႈၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ဢဝ်ႁဝ်းဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃး၊ဝႃႈၼင်ႇၼႆလူင်ပေႇ၊ ဝႃႈၼင်ႇၼႆတႃႉ ဝႃႈၼင်ႇၼႆ ဢေႃႈ။
၂၁ မုဝ်းသေႇၵေႃႈလဝ်ႈလၢတ်ႈလႄႈဝႃႈ၊-ၵူၼ်းၸၢႆး ဢၼ်ၸၢပ်ႈသႅင်ႇၵၼ်တင်းၶႃႈၸဝ်ႈႁဝ်းၼႆႉၸိူဝ်းၼၼ်ႉမီးႁူၵ်းသႅၼ်လႄႈၸဝ်ႈႁဝ်းမီးဢမိင်ႉဝႃႈ၊- ၵဝ်တၵ်းပၼ်ၼိူဝ်ႉတီႈၶဝ်ပုၼ်ႈဢၼ်ၶဝ်တၵ်းလႆႈၵိၼ် လိူၼ်ၼိုင်ႈဝႃႈၼင်ႇၼႆတီႈၶႃႈလူင်ပေႇ။
၂၂ တၵ်းလႆႈဢဝ်ၽုင်သူဝ်း၊ၽုင်ပေႉ၊ ၽုင်ဝူဝ်းတင်းလၢႆတၢႆႁႂ်ႈလႆႈလဵင်ႉပၼ်ၶဝ်ဢိမ်ႇဢိမ်ႇတဵမ်တဵမ်တီႈၶႃႈႁိုဝ်၊ ဝႃႈၼင်ႇၼႆလႄႈ ထႃႇဝရႃႉၽြႃးမီးဢမိင်ႉတီႈမုဝ်းသေႇလႄႈဝႃႈ၊-
၂၃ မိုဝ်းထႃႇဝရႃႉၽြႃးပွတ်းႁိုဝ်။တေႃႈလဵဝ်ၼႆႉမႂ်းတၵ်းလႆႈႁူႉလွင်ႈဢၼ်ၵႂၢမ်းၵဝ်တႄႇယူႇၵႃႈတီႈမႂ်းႁိုဝ် တၵ်းဢမ်ႇတႄႇႁိုဝ်ၼၼ်ႉဢေႃႈ၊ဝႃႈၼင်ႇၼႆဢေႃႈ။
၂၄ မုဝ်းသေႇၵေႃႈဢွၵ်ႇလႄႈ သင်ႇလၢတ်ႈၵႂၢမ်းထႃႇဝရႃႉၽြႃးၼၼ်ႉ တီႈၵူၼ်းတင်းလၢႆသေယဝ်ႉႁႂ်ႈၵူၼ်းၸဵတ်းသိပ်းၵေႃႉ ဢၼ်ပဵၼ်ၵႄႇပဵၼ်ႁူဝ်ၵူၼ်းတင်းလၢႆၼၼ်ႉၸူႉၵၼ်တုမ်ၵၼ်လႄႈ ဢဝ်ၶဝ်ဝႆႉလဵပ်ႈႁွပ်ႈၸွမ်းႁိမ်းသုမ်ႉ ထဵင်ၸဝ်ႈဢေႃႈ။
၂၅ ထႃႇဝရႃႉၽြႃးယူႇၵႃႈၼႂ်းမွၵ်ႇၵုမ်ႈလူင်းမႃးလႄႈလၢတ်ႈၵႂၢမ်းတေႃႇမၼ်းဢေႃႈ။မၼ်းၸဝ်ႈဢဝ်ဝိၺိၺ်ႇဢၼ်ၵိင်းဝပ်ႈယူႇၵႃႈတီႈၼိူဝ် မုဝ်းသေႇၼၼ်ႉ တၢင်ႇသႂ်ႇပၼ်ၵႃႈၼိူဝ်ၵူၼ်းဢၼ်ပဵၼ်ၵႄႇပဵၼ်ႁူဝ်ၸဵတ်းသိပ်းၵေႃႉၸိူဝ်းၼၼ်ႉလႄႈ မိူဝ်ႈဢၼ်ဝိၺိၺ်ႇၼၼ်ႉၵိင်းဝပ်ႈယူႇၵႃႈၼိူဝ်ၶဝ်ၼၼ်ႉၸိုင် ၶဝ် ႁဵတ်းပရေႃးၽႅတ်ႈဢေႃႈ။
၂၆ ၵမ်းလိုၼ်းၶဝ်ဢမ်ႇၶိုၼ်းႁဵတ်းထႅင်ႈ။ၵူၺ်းၵႃႈၵူၼ်းသွင်ၵေႃႉယင်းၵိုတ်းဝႆႉယူႇၼႂ်းတပ်ႉဢေႃႈ။ၵေႃႉၼိုင်ႈပဵၼ်ဢေႇလတတ်ႉၵေႃႉၼိုင်ႈပဵၼ်မေႇတတ်ႉဢေႃႈ။ၶဝ်ဢမ်ႇၵႂႃႇၸူႉၵႂႃႇတုမ်ၵႃႈတီႈသုမ်ႉထဵင်ၸဝ်ႈ။ၼႂ်းဝႃႈၼၼ်သေၵေႃႈဝိၺိၺ်ႇၵိင်းဝပ်ႈယူႇၵႃႈၼိူဝ်သွင်ၶႃၼၼ်ႉဢေႃႈ။သွင်ၶႃၵေႃႈဢွၼ်ၵၼ် ႁဵတ်းပရေႃးၽႅတ်ႈၵႃႈၼႂ်းတပ်ႉဢေႃႈ။
၂၇ ၵူၼ်းဢွၼ်ႇၵေႃႉၼိုင်ႈလႅၼ်ႈၵႂႃႇမွၵ်ႇလၢတ်ႈတီႈမုဝ်းသေႇလႄႈဝႃႈ၊-ဢေႇလတတ်ႉတင်းမေႇတတ်ႉၼၼ်ႉ ႁဵတ်းပရေႃးၽႅတ်ႈ ယူႇၵႃႈၼႂ်းတပ်ႉၶႃႈဢေႃႈ၊ဝႃႈၼင်ႇၼႆသေယဝ်ႉ
၂၈ ယေႃးသုလုၵ်ႈၸၢႆးဢႃႇၼုၼ်ႇ ဢၼ်ပဵၼ်ၵူၼ်းဢၼ်ၶၢမ်ႇတၢင်းၸႂ်ႉတၢင်းသွႆတီႈမုဝ်းသေႇ ဢၼ်ပဵၼ်ၵူၼ်းၵႃႈၼႂ်းၵူၼ်းဢွၼ်ႇမၼ်းတင်းလၢႆၼၼ်ႉၶိုၼ်းလၢတ်ႈလႄႈဝႃႈ၊-မုဝ်းသေႇ ႁႄႉၶႅၼ်ၶဝ်သေၵမ်းၶႃႈ၊မိူဝ်ႈဢၼ် ဝႃႈၼင်ႇၼႆၸိုင်မုဝ်းသေႇၵေႃႈလၢတ်ႈလႄႈဝႃႈ၊-
၂၉ မႂ်းၼႆႉမီးၸႂ်ဢၼ်သီႇၵေႉႁႄႈတႃပုၼ်ႈၵဝ်ႁိုဝ်။ႁႂ်ႈၵူၼ်းထႃႇဝရႃႉၽြႃးတင်းသဵင်ႈတင်းလူင် ပဵၼ်ပရေႃးၽႅတ်ႈသေၵမ်းလူၺ်ႈ။ႁႂ်ႈထႃႇဝရႃႉၽြႃးဢဝ်ဝိၺိၺ်ႇမၼ်းၸဝ်ႈတၢင်ႇသႂ်ႇပၼ်ၵႃႈၼိူဝ်ၶဝ်သေၵမ်းလူၺ်ႈ၊ ဝႃႈၼင်ႇၼႆသေယဝ်ႉ
၃၀ မုဝ်းသေႇဢိၵ်ႇတင်းၵူၼ်းဢၼ်ပဵၼ်ၵႄႇပဵၼ်ႁူဝ်ၵႃႈၼႂ်းၵူၼ်းမဵဝ်းဢိသရေႇလ တင်းလၢႆၸိူဝ်းၼၼ်ႉဢွၼ်ၵၼ်ၶိုၼ်းမိူဝ်းၵႂႃႇၵႃႈတီႈၼႂ်းတပ်ႉသေဢေႃႈ။
၃၁ မိူဝ်ႈၼၼ်ႉ လူမ်းဢွၵ်ႇသေၵႃႈတီႈထႃႇဝရႃႉၽြႃးၵႂႃႇလႄႈ ပႃးဢဝ်တင်းၼူၵ်ႉၶုမ်ႈတင်းလၢႆၵႃႈတီႈပၢင်ႇလၢႆႇမႃးသေယဝ်ႉႁႂ်ႈတူၵ်းၵႃႈတီႈဢၼ်လဵပ်ႈႁွပ်ႈတပ်ႉၵူႈၽၢႆႇၵူႈပႃႈတဵမ်တဵမ် ၵႃႈၼိူဝ်ၼႃႈလိၼ်ယၢဝ်းၸူဝ်ႈတႃႇၶၢဝ်းတၢင်းဝၼ်းၼိုင်ႈ ၼႃၶိုၼ်ႈသေသွင်သွၵ်ႇ ၼိုင်ႈဢေႃႈ။
၃၂ ၵူၼ်းတင်းလၢႆဢွၼ်ၵၼ်ၵႂႃႇၵဵပ်းသိမ်းဢဝ်ၼူၵ်ႉၶုမ်ႈၸိူဝ်းၼၼ်ႉတင်းဝၼ်းတင်းၶိုၼ်း တေႃႇဝၼ်းမိူဝ်ႈၽုၵ်ႈတင်းဝၼ်းဢေႃႈ။ၵေႃႉဢၼ်ၵဵပ်းလႆႈၵေႇၼႃႇသသေိပ်းဢေႃႇမေႇ(ႁႃႈသိပ်းတၢင်ႈ)ၼၼ်ႉ ဢမ်ႇမီးသေၵေႃႉ။ၶဝ်ဢွၼ်ၵၼ်ဢဝ်ၽေတၢၵ်ႇဝႆႉၵႃႈတီႈလဵပ်ႈႁွပ်ႈတပ်ႉၵူႈတီႈၵူႈလႅၼ်ဢေႃႈ။
၃၃ ၵူၺ်းၵႃႈၼႂ်းမိူဝ်ႈဢၼ်ၼိူဝ်ႉၼၼ်ႉ ယင်းတိုၵ်ႉမီးယူႇၵႃႈၼႂ်းၵၢင်ၶဵဝ်ႈၶဝ်လႄႈၸူဝ်ႈဢၼ်ၶဝ်ဢမ်ႇပႆႇတၼ်းဢိုၼ်ၼၼ်ႉၸိုင် တၢင်းၸႂ်မႆႈၶႂ်ႈၸႃႉထႃႇဝရႃႉၽြႃးဢွၵ်ႇလႄႈ ထႃႇဝရႃႉၽြႃးဢဝ်တင်းၽေးဢၼ်ႁႅင်းၼႃႇလူင်လၢင်လႄႈ ပၼ်တၢမ်ႇၶဝ်ဢေႃႈ။
၃၄ တီႈၼၼ်ႉၸိုင် မၼ်းႁွင်ႉႁိၵ်ႈၸိုဝ်ၵိပုတ်ႉႁတ်ႉတဝႃႇ၊ ၵွပ်ႈပိူဝ်ႈပဵၼ်တီႈဢၼ်သၢင်းၵျူဝ်ႇၶဝ်ၸိူဝ်းဢၼ် ဢေႁႃၸႂ်ၸပ်းၸႂ်ၸွႆးတၢင်းၵိၼ်တၢင်ႇ ၸိူဝ်ႉတၢင်ႇမဵဝ်းၼၼ်ႉဢေႃႈ။
၃၅ ၵူၼ်းတင်းလၢႆၼၼ်ႉဢွၼ်ၵၼ်ဢွၵ်ႇသေၵႃႈတီႈ ၵိပုတ်ႉႁတ်ႉတဝႃႇ ၼၼ်ႉသေယဝ်ႉ ၵႂႃႇၸူးၵႃႈတီႈႁႃႇၸရုတ်ႉလႄႈ ယူႇတီႈ ႁႃႇၸရုတ်ႉ ၼၼ်ႉဢေႃႈ။