Chapter
၁၉
ၼမ်ႉဢၼ်ႁဵတ်းႁႂ်ႈမူတ်းသႂ်
၁ ထႃႇဝရႃႉၽြႃး သမ်ႉမီးဢမိင်ႉတီႈ မုဝ်းသေႇ တင်းဢႃႇရုၼ်ႇလႄႈဝႃႈ၊-
၂ ထုင်းၾိင်ႈတြႃးဢၼ်ထႃႇဝရႃႉၽြႃးၸီႇယၢင်ႇႁဵတ်းဝႆႉၸမ်း သင်ႇလၢတ်ႈတီႈၵူၼ်းမဵဝ်းဢိသရေႇလတင်းလၢႆႁႂ်ႈၶဝ်ဢဝ်ဝူဝ်းမေႈၼုမ်ႇဢၼ်ႁၢင်ႊၽၢင်လႅင်ႊ ဢၼ်ဢမ်ႇမီးတၢင်းဢၼ်လၢႆးဢၼ်လဵၼ်း ဢၼ်ဢမ်ႇပႃးဢၢင်ႇၵႃႇလူႉၼၼ်ႉလႄႈဢမ်ႇလႆႈၶၢမ်ႇဢဝ်ၵၢၼ်းတၢင်ႇသပွေၵ်ႈၼၼ်ႉ ဢဝ်မႃး ၵႃႈတီႈသူတႃႉ။
၃ သွင်ၶိူဝ်တၵ်းလႆႈဢဝ်မၼ်းဢၢပ်ႈပၼ်တီႈယိတ်ႉပရေႃးႁိၵ်ႈဢေႇလႃႇၸႃႇလႄႈမၼ်းတၵ်းလႆႈဢဝ်ဝူဝ်းမေႈၼုမ်ႇၼၼ်ႉ ဢွၵ်ႇၵႂႃႇၵႃႈၼွၵ်ႈတပ်ႉလႄႈ ၵေႃႉၼိုင်ႈတၵ်းလႆႈဢဝ်ဝူဝ်းမေႈၼုမ်ႇၼၼ်ႉတၢႆ ၵႃႈတီႈၽၢႆႇၼႃႈမၼ်းၼၼ်ႉဢေႃႈ။
၄ ယိတ်ႉပရေႃးႁိၵ်ႈဢေႇလႃႇၸႃႇၼၼ်ႉတၵ်းလႆႈဢဝ်တင်းမိုဝ်းမၼ်းဢဝ်လိူတ်ႈဝူဝ်းၼၼ်ႉလႄႈ ၽႅတ်းၸူးၽၢႆႇတၢင်းၼႃႈသုမ်ႉထဵင်မူဝ်းၵႃႈၸဝ်ႈ တီႈၸူႉတီႈတုမ်ပရိၵ်ႈသၢတ်ႈၸဵတ်းၵမ်းဢေႃႈ။
၅ ၵေႃႉၼၼ်ႉတၵ်းလႆႈဢဝ်ဝူဝ်းမေႈၼၼ်ႉတုတ်ႇၽႆးၵႃႈတီႈၽၢႆႇၼႃႈမၼ်းဢေႃႈ။တၵ်းသၢႆဢဝ်ၼင်မၼ်း၊ ၼိူဝ်ႉမၼ်း၊လိူတ်ႈမၼ်း၊တင်းၶီႈ ၼုမ်ႇမၼ်းတုတ်ႇၽႆးဢေႃႈ။
၆ ယိတ်ႉပရေႃးႁိၵ်ႈၵေႃႈတၵ်းလႆႈဢဝ်ၼိူဝ်ႉမႆႉဢႃႇရိတ်ႉ ယွတ်ႈတူၼ်ႈမႆႉႁုတ်ႉသုပ်ႉတင်းၶူဝ်းဢၼ်လႅင်ႊၵမ်ႇၼၼ်ႉ ပႅတ်ႈတူၵ်းသႂ်ႇၵႃႈၼႂ်းတီႈဢၼ်ဝူဝ်းမေႈမႆႈၽႆးယူႇၼၼ်ႉဢေႃႈ။
၇ လိုၼ်းၼၼ်ႉယိတ်ႉပရေႃးႁိၵ်ႈ တၵ်းလႆႈသၵ်ႉလွႆးၶူဝ်းၼုင်ႈမၼ်းသေလႄႈဢၢပ်ႇၼမ်ႉသေယဝ်ႉၶဝ်ႈၵႃႈၼႂ်းတပ်ႉဢေႃႈ။မၼ်းပဵၼ်ဢၼ်ဢမ်ႇမူတ်းသႂ် တေႃႇထိုင်ႁွတ်ႈၶိင်ႇႁူဝ်ၶမ်ႈ ဢေႃႈ။
၈ ၵေႃႉဢၼ်ဢဝ်ၽႆးတုတ်ႇၼၼ်ႉၵေႃႈတၵ်းလႆႈသၵ်ႉလွႆးၶူဝ်းၼုင်ႈမၼ်း ဢၢပ်ႇၼမ်ႉတူဝ်မၼ်းဢေႃႈ။မၼ်းပဵၼ်ဢၼ်ဢမ်ႇမူတ်းသႂ် တေႃႇထိုင်ႁွတ်ႈၶိင်ႇႁူဝ် ၶမ်ႈဢေႃႈ။
၉ ၵေႃႉဢၼ်မူတ်းသႂ်ၼၼ်ႉသေၵေႃႉၵေႃႉတၵ်းလႆႈၸူႉသိမ်းဢဝ်တဝ်ႊဝူဝ်းမေႈၼၼ်ႉသေ ဢဝ်ဝႆႉၵႃႈတီႈဢၼ်မူတ်းသႂ်ၵႃႈၼွၵ်ႈတပ်ႉဢေႃႈ။ၵူၼ်းမဵဝ်းဢိသရေႇလတင်းလၢႆတၵ်းလႆႈသိမ်းဢဝ်တဝ်ႊၼၼ်ႉဝႆႉပုၼ်ႈဢၼ်တၵ်းၽေႃႇၼမ်ႉဢၼ်တၵ်းႁဵတ်းႁႂ်ႈမူတ်းသႂ်ၼၼ်ႉဢေႃႈ။ပဵၼ်ပုၼ်ႈဢၼ်တၵ်းႁႂ်ႈဢပျႅတ်ႈမူတ်းသႂ် ဢေႃႈ။
၁၀ ၵေႃႉဢၼ်ၸူႉသိမ်းဢဝ်တဝ်ႊဝူဝ်းမေႈဝႆႉၼၼ်ႉၵေႃႈတၵ်းလႆႈသၵ်ႉလွႆးၶူဝ်းၼုင်ႈမၼ်းဢေႃႈ။မၼ်းပဵၼ်ဢၼ်ဢမ်ႇမူတ်းသႂ် တေႃႇထိုင်ႁွတ်ႈၶိင်ႇႁူဝ်ၶမ်ႈဢေႃႈ။ဢၼ်ၼႆႉၸမ်း ပဵၼ်ပိင်းၺၢပ်ႈတီႈၵူၼ်းမဵဝ်းဢိသရေႇလတင်းလၢႆဢိၵ်ႇတင်းၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်သွၼ်ႈပိုင်ႈယူႇၵႃႈတီႈသူၸိူဝ်းၼၼ်ႉတႃႇသေႇ ဢေႃႈ။
၁၁ ၵေႃႉဢၼ်တိူဝ်ႉတူဝ်တၢႆၵူၼ်းၼၼ်ႉတၵ်းပဵၼ်ဢၼ်ဢမ်ႇမူတ်းသႂ်ၸဵတ်းဝၼ်းဢေႃႈ။ၼႂ်းဝၼ်းဢၼ်ထူၼ်ႈထိုင်သၢမ်ဝၼ်း တင်းၸဵတ်းဝၼ်းၼၼ်ႉမၼ်းတၵ်းလႆႈဢဝ် ၼမ်ႉၽႅတ်းသႂ်ႇႁဵတ်းႁႂ်ႈတူဝ်မၼ်းမူတ်းသႂ်ဢေႃႈ။
၁၂ ၼႂ်းဝၼ်းဢၼ်ထူၼ်ႈထိုင်သၢမ်ဝၼ်းၼၼ်ႉပေႃးမၼ်းဢမ်ႇႁႂ်ႈတူဝ်မၼ်းမူတ်းသႂ်ၸိုင် မၼ်းဢမ်ႇလႆႈမူတ်းသႂ် ၼႂ်းဝၼ်းဢၼ်ထူၼ်ႈထိုင်ၸဵတ်းဝၼ်း ၼၼ်ႉ။
၁၃ ၵေႃႉဢၼ်တိူဝ်ႉတူဝ်တၢႆၵူၼ်းတၢႆလႄႈဢမ်ႇႁႂ်ႈတူဝ်ၸဝ်ႈၵဝ်ႇမူတ်းသႂ်ၼၼ်ႉ ပဵၼ်တၢင်းဢၼ်ႁဵတ်းႁႂ်ႈသုမ်ႉထဵင်ထႃႇဝရႃႉၽြႃးၵူဝ်ႈၵိူၵ်ႇဢေႃႈ။ၵေႃႉၼၼ်ႉတၵ်းလႆႈၶၢမ်ႇတၢင်းဢၼ်ပႄႇပႅတ်ႈသေ ၵႃႈၼႂ်းမဵဝ်းဢိသရေႇလဢေႃႈ။ၵွပ်ႈပိူဝ်ႈဢၼ်မၼ်းဢမ်ႇၶၢမ်ႇတၢင်းဢၼ်ဢဝ်ၼမ်ႉမူတ်းသႂ်ၼၼ်ႉၽႅတ်းသႂ်ႇလႄႈ မၼ်းပဵၼ်ဢၼ်ဢမ်ႇမူတ်းသႂ်။တၢင်းဢၼ်မၼ်းဢမ်ႇမူတ်း သႂ်ၼၼ်ႉယင်းမီးယူႇတီႈမၼ်းဢေႃႈ။
၁၄ တြႃးဢၼ်တၵ်းလႆႈပႂ်ႉ မိူဝ်ႈဢၼ်ၵူၼ်းတၢႆၵႃႈၼႂ်းသုမ်ႉထဵင်ၼၼ်ႉၸမ်းၵေႃႉဢၼ်ၶဝ်ႈၵႃႈၼႂ်းသုမ်ႉထဵင်ဢိၵ်ႇတင်း ၵေႃႉဢၼ်မီးယူႇၵႃႈၼႂ်းသုမ်ႉထဵင်မိူဝ်ႈဢၼ်ၵူၼ်းတၢႆၼၼ်ႉ တင်းသဵင်ႈတင်းလူင် တၵ်းပဵၼ်ဢၼ်ဢမ်ႇမူတ်းသႂ်ၸဵတ်း ဝၼ်းတဵမ်တဵမ်ဢေႃႈ။
၁၅ မေႃႈဢၼ်ၽုၺ်ႇဝႆႉဢၼ်ဢမ်ႇမီးဢၼ်ႁူမ်ႇဢၼ်ငမ်းဢၼ်ဢဝ်ၸိူၵ်ႈဢဝ်သၢႆမတ်ႉဝႆႉ ၼၼ်ႉၵေႃႈတၵ်းပဵၼ်ဢၼ်ဢမ်ႇမူတ်းသႂ်ႇဢေႃႈ။
၁၆ ၵေႃႉဢၼ်တိူဝ်ႉမႅၼ်ႈ တူဝ်တၢႆၵူၼ်းဢၼ်တၢႆလူၺ်ႈလၢပ်ႇလႅဝ်းတူဝ်တၢႆၵူၼ်း လုပ်ႇၵူၼ်းတၢႆ ပႃႇႁဵဝ်ႈၵူၼ်းၵႃႈတီႈၼွၵ်ႈတီႈပၢင်ႇၼၼ်ႉ တၵ်းပဵၼ်ဢၼ်ဢမ်ႇမူတ်းသႂ်ၸဵတ်းဝၼ်းတဵမ်တဵမ်ဢေႃႈ။
၁၇ ပုၼ်ႈၵေႃႉဢၼ်ဢမ်ႇမူတ်းသႂ်ၼၼ်ႉၶဝ်တၵ်းလႆႈဢဝ်တဝ်ႊဝူဝ်းမေႈ ဢၼ်တုတ်ႇၽႆးဢၼ်တၵ်းႁႂ်ႈလွတ်ႈဢပျႅတ်ႈၼၼ်ႉ လေႃး ၵႃႈၼႂ်းၼမ်ႉလႄႈၵေႃႉဢၼ်မူတ်းသႂ်ၼၼ်ႉ
၁၈ တၵ်းလႆႈဢဝ်ယွတ်ႈတူၼ်ႈမႆႉႁုတ်ႉသုပ်ႉ ၸုမ်ႇသႂ်ႇၵႃႈၼႂ်းၼမ်ႉသေယဝ်ႉဢဝ်ၼမ်ႉၼၼ်ႉၽႅတ်းသႂ်ႇသုမ်ႉထဵင် ဢိၵ်ႇတင်းၶိူင်ႈပိူင်ၵႃႈမီးၵႃႈၼႂ်းမၼ်းဢိၵ်ႇတင်း ၶဝ်ၸိူဝ်းဢၼ်မီးၵႃႈၼႂ်းသုမ်ႉထဵင်မူဝ်းၵႃႇဢိၵ်ႇပႃး ၵေႃႉဢၼ်တိူဝ်ႉထုၵ်ႇၵူၼ်း တၢႆ၊လုပ်ႇၵူၼ်းတၢႆ ပႃႇႁဵဝ်ႈၸိူဝ်းၼၼ်ႉဢေႃႈ။
၁၉ ၵေႃႉဢၼ်မူတ်းသႂ်ၼၼ်ႉ တၵ်းလႆႈဢဝ်ၽႅတ်းသႂ်ႇၵႃႈတီႈၵေႃႉဢၼ်ဢမ်ႇမူတ်းသႂ်ၼၼ်ႉ ၼႂ်းဝၼ်းဢၼ်ထူၼ်ႈထိုင်သၢမ်ဝၼ်း ဢိၵ်ႇတင်း ဝၼ်းဢၼ်ထူၼ်ႈထိုင်ၸဵတ်းဝၼ်းၼၼ်ႉဢေႃႈ။ၼႂ်းဝၼ်းဢၼ်ထူၼ်ႈထိုင်ၸဵတ်းဝၼ်းၼၼ်ႉ မၼ်းတၵ်းလႆႈႁႂ်ႈမၼ်းမူတ်းသႂ်လႄႈမၼ်းတၵ်းလႆႈသၵ်ႉလွႆးၶူဝ်းၼုင်မၼ်းလႄႈ ဢၢပ်ႇၼမ်ႉ သေယဝ်ႉ၊တၵ်းလႆႈမူတ်းသႂ်ၼႂ်းၶိင်ႇႁူဝ်ၶမ်ႈဢေႃႈ။
၂၀ ၵေႃႉဢၼ်ဢမ်ႇမူတ်းသႂ်ၼၼ်ႉ ပေႃးဢမ်ႇႁဵတ်းလွင်ႈၼင်ႇႁိုဝ်တၵ်းႁႂ်ႈတူဝ်ၸဝ်ႈၵဝ်ႇမူတ်းသႂ်ၸိုင် တၵ်းလႆႈၶၢမ်ႇတၢင်းဢၼ်ပႄႇပႅတ်ႈသေ ၵႃႈၼႂ်းပရိၵ်ႈသၢတ်ႈၵွပ်ႈပိူဝ်ႈဢၼ်မၼ်းႁႂ်ႈထႃႇၼႃႉတီႈမူတ်းၸၢင်ႇထႃႇဝရႃႉၽြႃးၵူဝ်ႈၵိူၵ်ႇၼၼ်ႉဢေႃႈ။ၵွပ်ႈပိူဝ်ႈဢၼ်ဢမ်ႇၶၢမ်ႇတၢင်းဢၼ်ၽႅတ်းၼမ်ႉ ဢၼ်ႁႂ်ႈမူတ်းသႂ်ၼၼ်ႉလႄႈ ယင်းဢမ်ႇမူတ်းသႂ်ဢေႃႈ။
၂၁ ပိင်းၺၢပ်ႈတႃႇသေႇတီႈၶဝ်ၼၼ်ႉၸမ်း ၵေႃႉဢၼ်ဢဝ်ၼမ်ႉဢၼ်ႁႂ်ႈမူတ်းသႂ်ၽႅတ်းသႂ်ႇၼၼ်ႉတၵ်းလႆႈသၵ်ႉလွႆးၶူဝ်းၼုင်ႈမၼ်းဢေႃႈ။ၵေႃႉဢၼ်တိူဝ်ႉထုၵ်ႇၼမ်ႉဢၼ်ႁႂ်ႈမူတ်းသႂ်ၼၼ်ႉၵေႃႈ တၵ်းပဵၼ်ဢၼ်ဢမ်ႇမူတ်းသႂ် တေႃႇထိုင်ၶိင်ႇႁူဝ်ၶမ်ႈဢေႃႈ။
၂၂ ၵႃႈဢၼ် ၵေႃႉဢၼ်ဢမ်ႇမူတ်းသႂ်တိူဝ်ႉထုၵ်ႇၼၼ်ႉၵေႃႈတၵ်းပဵၼ်ဢၼ်ဢမ်ႇမူတ်းသႂ်ဢေႃႈ။ၵေႃႉဢၼ်တိူဝ်ႉထုၵ်ႇဢၼ်ၼၼ်ႉၼၼ်ႉၵေႃႈတၵ်းပဵၼ်ဢၼ်ဢမ်ႇမူတ်းသႂ်တေႃႇထိုင်ႁွတ်ႈၶိင်ႇႁူဝ်ၶမ်ႈဢေႃႈ၊ ဝႃႈၼင်ႇၼႆဢေႃႈ။