Chapter
၅
ဢဝ်တိူၵ်ႈတႃႇပတိၺိၼ်ႇၸဝ်ႈၶဝ်ႈၼႂ်းပိၵ်ႉမၢၼ်ႇၽြႃး
၁ ၼင်ႇၼၼ်လႄႈတၢင်းႁဵတ်းၵႃႈဢၼ်သေႃးလမုၼ်ႇၸီႇယၢင်ႇပွင်ႁဵတ်းၵူႈၸိူဝ်ႉၵူႈပိူႉင်ပုၼ်ႈႁိူၼ်းထႃႇဝရႃႉၽြႃးၼၼ်ႉယဝ်ႉတူဝ်ႈသေယဝ်ႉသေႃးလမုၼ်ႇပႃးဢဝ်ၶိူင်ႈပိူင်ဢၼ်ၸဝ်ႈပေႃႈမၼ်းတႃႇဝိတ်ႉလူႇတၢၼ်းဢၼ်ပဵၼ်ငိုၼ်း၊ၶမ်း၊ၶိူင်ႈပိူင်ၵႃႈမီးၸိူဝ်းၼၼ်ႉမႃးလႄႈသႂၢင်းသႂ်ႇဝႆႉၵႃႈၼႂ်းတိူၵ်ႈၽၼ်ႇတႃႇႁိူၼ်းၽြႃးပဵၼ်ၸဝ်ႈၼၼ်ႉဢေႃႈ။
၂ မိူဝ်ႈၼၼ်ႉသေႃးလမုၼ်ႇႁွင်ႉဢဝ်ၵူၼ်းဢၼ်ပဵၼ်ၵႄႇပဵၼ်ႁူဝ်ၼႂ်းမဵဝ်းဢိသရေႇလတင်းလၢႆဢိၵ်ႇတင်းၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ်ၼႂ်းမဵဝ်းတင်းလၢႆဢၼ်ဝႃႈၶဝ်ၸိူဝ်းဢၼ်ဢုပ်ႉၵႃႈၼိူဝ်ပီႈၼွင်ႉၸိူဝ်ႉၶိူဝ်းပေႃႈၶဝ်ၵႃႈၼႂ်းၵူၼ်းမဵဝ်းဢိသရေႇလတင်းသဵင်ႈတင်းလူင်မႃးၵႃႈတီႈဝဵင်းယေႇရုသလႅမ်ႇ
၃ ႁႂ်ႈလႆႈဢဝ်တိူၵ်ႈတႃႇပတိၺိၼ်ႇထႃႇဝရႃႉၽြႃးဢွၵ်ႇသေၵႃႈၼႂ်းဝဵင်းတႃႇဝိတ်ႉဢၼ်လႆႈၸိုဝ်ၸိဢုၼ်ႇၼၼ်ႉမႃးလႄႈၵူၼ်းမဵဝ်းဢိသရေႇလတင်းသဵင်ႈတင်းလူင်ဢွၼ်ၵၼ်မႃးၸူႉတုမ်ၵၼ်ၵႃႈတီႈၶုၼ်ႁေႃၶမ်းၼႂ်းပွႆးဢၼ်ႁဵတ်းၼႂ်းလိူၼ်သတ်ႉတမၼၼ်ႉဢေႃႈ။
၄ ၶုၼ်ဢၼ်ပဵၼ်ၵႄႇပဵၼ်ႁူဝ်ၼႂ်းမဵဝ်းဢိသရေႇလတင်းသဵင်ႈတင်းလူင်မႃးလႄႈၵူၼ်းမဵဝ်းလေႇဝိၸိူဝ်းၼၼ်ႉၵေႃႈႁၢပ်ႇတိူၵ်ႈတႃႇၸဝ်ႈယူႇသေလႄႈပႃးဢဝ်တိူၵ်ႈတႃႇၸဝ်ႈဢိၵ်ႇတင်းသုမ်ႉထဵင်ၸဝ်ႈ
၅ တီႈၸူႉတီႈတုမ်ပရိၵ်ႈသၢတ်ႈတင်းၶိူင်ႈပိူင်ဢၼ်မူတ်းၸၢင်ႇၵႃႈဢၼ်မီးၵႃႈၼႂ်းသုမ်ႉထဵင်ၸဝ်ႈၸိူဝ်းၼၼ်ႉမႃးဢေႃႈ။ယိတ်ႉပရေႃးႁိၵ်ႈတင်းလၢႆတင်းၵူၼ်းမဵဝ်းလေႇဝိၸိူဝ်းၼၼ်ႉဢွၼ်ၵၼ်ဢဝ်ၸိူဝ်းၼၼ်ႉမႃးဢေႃႈ။
၆ ၶုၼ်လူင်သေႃးလမုၼ်ႇဢိၵ်ႇတင်းပရိၵ်ႈသၢတ်ႈဢိသရေႇလတင်းသဵင်ႈတင်းလူင်ဢၼ်မႃးၸူႉၵၼ်တုမ်ၵၼ်ၵႃႈတီႈမၼ်းၼၼ်ႉဢွၼ်ၵၼ်ယူႇၵႃႈတီႈၽၢႆႇၼႃႈတိူၵ်ႈတႃႇၸဝ်ႈသေလႄႈပုၵ်ႉၸေႃႇယိၸ်ႉသူဝ်းဝူဝ်းၼမ်ၼႃႇဢမ်ႇႁူႉၼမ်လႂ်ထၼ်ႈပေႃးဢမ်ႇၼပ်ႉဢမ်ႇဢၢၼ်ႇလႆႈၼၼ်ႉဢေႃႈ။
၇ ယိတ်ႉပရေႃးႁိၵ်ႈၸိူဝ်းၼၼ်ႉဢွၼ်ၵၼ်ဢဝ်တိူၵ်ႈတႃႇပတိၺိၼ်ႇထႃႇဝရႃႉၽြႃးသႂၢင်းၶဝ်ႈဝႆႉၵႃႈၼႂ်းတီႈမၼ်းၵႃႈၼႂ်းထႃႇၼႃႉတီႈပျႃႇတိၵ်ႈၸဝ်ႈဢၼ်ဝႃႈထႃႇၼႃႉတီႈမူတ်းၸၢင်ႇသပေိူၼ်ႈၵႃႈတႂ်ႈပိၵ်ႇၶေႇရုၽိမ်ႇၼၼ်ႉဢေႃႈ။
၈ ၶေႇရုၽိမ်ႇၸိူဝ်းၼၼ်ႉၵီႈပိၵ်ႇၶဝ်ၵႃႈၼိူဝ်တီႈယူႇတိူၵ်ႈတႃႇၸဝ်ႈၼၼ်ႉလႄႈၶေႇရုၽိမ်ႇၸိူဝ်းၼၼ်ႉမုင်းႁူမ်ႇတိူၵ်ႈတႃႇၸဝ်ႈတင်းၵၢၼ်းမၼ်းၸိူဝ်းၼၼ်ႉယူႇဢေႃႈ။
၉ ၵၢၼ်းၸိူဝ်းၼၼ်ႉပဵၼ်ဢၼ်ယၢဝ်းၼႃႇလႄႈပႅၼ်ႈဢွၵ်ႇဝႆႉၵႃႈၼွၵ်ႈဢိတ်းၼိုင်ႈယူႇလႄႈယူႇၵႃႈၼွၵ်ႈၽၢႆႇၼႃႈထႃႇၼႃႉပျႃႇတိၵ်ႈၸဝ်ႈၼၼ်ႉသေလႄႈတူၺ်းႁၼ်လႆႈယူႇဢေႃႈ။ယင်းမီးဝႆႉယူႇၵႃႈတီႈၼၼ်ႉတေႃႇထိုင်ႁွတ်ႈဝၼ်းမိူဝ်ႈၼႆႉဢေႃႈ။
၁၀ ၵႃႈၼႂ်းတိူၵ်ႈတႃႇၸဝ်ႈၼၼ်ႉလိူဝ်သေၶႅပ်းမၢၵ်ႇႁိၼ်သွင်ၽႅၼ်ႇဢၼ်မုဝ်းသေႇဢဝ်သႂၢင်းသႂ်ႇဝႆႉၵႃႈၼႂ်းမၼ်းၵႃႈတီႈႁေႃႇရပ်ႉတီႈဢၼ်ထႃႇဝရႃႉၽြႃးႁဵတ်းပတိၺိၼ်ႇလူၺ်ႈၵၼ်တင်းၵူၼ်းမဵဝ်းဢိသရေႇလၼႂ်းမိူဝ်ႈဢၼ်ၶဝ်ဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃးၼၼ်ႉဢမ်ႇမီးၵႃႈသင်ထႅင်ႈသေၸိူဝ်ႉသေပိူင်။
၁၁ ဝၢႆးသေၼၼ်ႉယိတ်ႉပရေႃးႁိၵ်ႈၸိူဝ်းၼၼ်ႉဢွၼ်ၵၼ်ဢွၵ်ႇသေၵႃႈၼႂ်းထႃႇၼႃႉတီႈမူတ်းၸၢင်ႇၼၼ်ႉဢေႃႈ။ယိတ်ႉပရေႃးႁိၵ်ႈဢၼ်ၸူႉဢၼ်တုမ်ၵၼ်တင်းသဵင်ႈတင်းလူင်ၸိူဝ်းၼၼ်ႉၵေႃႈႁဵတ်းတၢင်းဢၼ်ႁႂ်ႈတူဝ်ၸဝ်ႈၵဝ်ႇမူတ်းၸၢင်ႇသေယဝ်ႉဢွၼ်ၵၼ်ပႂ်ႉဢမူႉၸဝ်ႈယူႇၸွမ်းၵႃႈၼင်ႇဢၼ်တူၵ်းလႄႉတူၵ်းၵမ်းႁင်းၽႂ်ႁင်းမၼ်းၼၼ်ႉဢေႃႈ။
၁၂ ၵွပ်ႈပိူဝ်ႈဢၼ်ၵူၼ်းမဵဝ်းလေႇဝိဢၼ်ပဵၼ်ဢႃႇသပ်ႉ၊ႁေႇမၼ်ႇ၊ယေႇတုသုၼ်ႇဢိၵ်ႇတင်းလုၵ်ႈလၢင်းၶဝ်တင်းပီႈၼွင်ႉၶဝ်ၸိူဝ်းၼၼ်ႉပဵၼ်ၵေႃႉဢၼ်ႁဵတ်းၵႂၢမ်းလႄႈၶဝ်ၼုင်ႈမႆႊပိၵ်ႈၶျေႃးလႄႈပႃးဢဝ်တင်းသႅင်ႇတိင်ႇတရေႃးသေလႄႈဢွၼ်ၵၼ်ၸုၵ်းယူႇၵႃႈတီႈၽၢႆႇဝၼ်းဢွၵ်ႇယိတ်ႉပလၢင်ႇဢိၵ်ႇလူၺ်ႈၵၼ်တင်းယိတ်ႉပရေႃးႁိၵ်ႈပၢၵ်ႇပၢႆသၢဝ်းၵေႃႉဢၼ်ပဝ်ႇၼႄးၶရႃႇၼၼ်ႉဢေႃႈ။
၁၃ မိူဝ်ႈဢၼ်ၶဝ်ၸိူဝ်းဢၼ်ပဝ်ႇၼႄးၶရႃႇဢိၵ်ႇတင်းၶဝ်ၸိူဝ်းဢၼ်ႁဵတ်းၵႂၢမ်းၼၼ်ႉၽွမ်ႉသဵင်ၵၼ်သေလႄႈႁဵတ်းႁႂ်ႈပဵၼ်သဵင်လဵဝ်ၵၼ်ယူႇႁႂ်ႈလႆႈႁဵတ်းထေႃးပၼႃႇလႄႈယွင်ႈယေႃးၵျေးၸူးၽြႃးပဵၼ်ၸဝ်ႈဢိၵ်ႇတင်းမိူဝ်ႈဢၼ်ၶဝ်ဢွၼ်ၵၼ်ပွႆႇသဵင်ၶဝ်လူၺ်ႈၵၼ်တင်းၼႄးၶရႃႇလႂ်၊သႅင်ႇလႂ်၊မဵဝ်းတူႇရီႉယႃႇလႂ်လႄႈယွင်ႈယေႃးထႃႇဝရႃႉၽြႃးယူႇသေလႄႈဝႃႈ၊-မၼ်းၸဝ်ႈလီမျၢတ်ႈၼႃႇလူင်လၢင်တီႈၶႃႈဢေႃႈ။
၁၄ ၵရူႉၼႃႇမၼ်းၸဝ်ႈတႄႇယူႇတႃႇသေႇမၼ်ႈၶိူင်ႇတီႈၶႃႈဢေႃႈ၊ဝႃႈၼင်ႇၼႆယူႇၼၼ်ႉၸိုင်ႁိူၼ်းထႃႇဝရႃႉၽြႃးၼၼ်ႉတဵမ်ဝႆႉတင်းမွၵ်ႇၵုမ်ႈထၼ်ႈပေႃးယိတ်ႉပရေႃးႁိၵ်ႈၸိူဝ်းၼၼ်ႉဢမ်ႇၸုၵ်းဢမ်ႇၶၢမ်ႇလႆႈၼႂ်းတၢင်းဢၼ်ပွင်ႁဵတ်းဢမူႉၸဝ်ႈၼၼ်ႉၵွပ်ႈပိူဝ်ႈမွၵ်ႇၵုမ်ႈၼၼ်ႉဢေႃႈ။လွင်ႈမၼ်းၸမ်းမုၼ်ၽုင်းထႃႇဝရႃႉၽြႃးတဵမ်ဝႆႉၵႃႈၼႂ်းႁိူၼ်းထႃႇဝရႃႉၽြႃးၼၼ်ႉဢေႃႈ။