Chapter
၁၂
သိသၵ်ႉတိုၵ်းတေႃးယေႇႁုသလႅမ်ႇ
၁ မိူဝ်ႈဢၼ်သိုင်ႇၸိုင်ႈဝၢၼ်ႈမိူင်းရူဝ်ႇပုမ်ႇတႄႇပဵၼ်လႄႈႁႅင်းမၼ်းယႂ်ႇမႃးၼၼ်ႉၸိုင်မၼ်းဢိၵ်ႇတင်းမဵဝ်းဢိသရေႇလၵႃႈမီးၸိူဝ်းၼၼ်ႉၸုၼ်ႉပႅတ်ႈတြႃးထႃႇရႃႉၽြႃးဢေႃႈ။
၂ ၵွပ်ႈပိူဝ်ႈဢၼ်ၶဝ်ၽိတ်းပိူင်ႈထႃႇရႃႉၽြႃးၼၼ်ႉလႄႈၼႂ်းပီႊဢၼ်ၶုၼ်လူင်ရူဝ်ႇပုမ်ႇၸၢမ်ႇႁၢင်ႈၸၢမ်ႇႁေႃႁႃႈပီႊၼၼ်ႉသိသၵ်ႉဢၼ်ပဵၼ်ၶုၼ်ႁေႃၶမ်းဢေႇၵႅပ်ႉတုပႃးဢဝ်လေႃႉရထႃးႁဵင်ပၢႆသွင်ပၢၵ်ႇ၊
၃ ႁူဝ်ႁၢၼ်ၵူၼ်းသိုၵ်းၶီႇမႃႉႁူၵ်းမိုၼ်ႇ၊ၵူၼ်းမိူင်းဢေႇၵႅပ်ႉတုဢၼ်ဢမ်ႇၼပ်ႉဢမ်ႇဢၢၼ်ႇလႆႈၼမ်ၼႃႇဢၼ်ပဵၼ်ၵူၼ်းမိူင်းလိပုလႂ်၊ၵူၼ်းမိူင်းသုၵိလႂ်၊ၵူၼ်းမိူင်းဢိသယေႃႇပိလႂ်ၸိူဝ်းၼၼ်ႉသေလႄႈ
၄ ၶီႇသိုၵ်းၶိုၼ်ႈၸူးဝဵင်းယေႇရုသလႅမ်ႇလႄႈတိုၵ်းဢဝ်ဝဵင်းဢၼ်ဝဵင်းဢၼ်မၼ်ႈၶိူင်ႇဢၼ်မီးၵႃႈၼႂ်းမိူင်းယုတၸိူဝ်းၼၼ်ႉသေယဝ်ႉႁွတ်ႈထိုင်ၵႃႈတီႈဝဵင်းယေႇရုသလႅမ်ႇဢေႃႈ။
၅ မိူဝ်ႈၼၼ်ႉပရေႃးၽႅတ်ႈသေႇမႃႇယမႃးၸူးတီႈရူဝ်ႇပုမ်ႇဢိၵ်ႇတင်းၶုၼ်တင်းလၢႆဢၼ်ၸူႉၵၼ်တုမ်ၵၼ်ၵႃႈတီႈဝဵင်းယေႇရုသလႅမ်ႇၵွပ်ႈပိူဝ်ႈၶဝ်ၵူဝ်သိသၵ်ႉၼၼ်ႉလႄႈလၢတ်ႈဝႃႈ၊-ထႃႇရႃႉၽြႃးမီးဢမိင်ႉလႄႈဝႃႈၸမ်းၵွပ်ႈပိူဝ်ႈဢၼ်သူၸုၼ်ႉပႅတ်ႈၵဝ်လႄႈၵဝ်ဢဝ်သူဢၢပ်ႈၵၼ်ၵႃႈၼႂ်းမိုဝ်းသိသၵ်ႉယဝ်ႉ၊ဝႃႈၼင်ႇၼႆဢေႃႈ။
၆ ၶုၼ်ႁေႃၶမ်းဢိၵ်ႇတင်းၶုၼ်ဢိသရေႇလၸိူဝ်းၼၼ်ႉဢွၼ်ၵၼ်ၶျႃးတူဝ်ၸဝ်ႈၵဝ်ႇတူၵ်းတီႈတႅမ်ႇလႄႈဝႃႈ၊-ထႃႇရႃႉၽြႃးသိုဝ်ႈရတေႃႇဢေႃႈ၊ဝႃႈၼင်ၼႆဢေႃႈ။
၇ မိူဝ်ႈၼၼ်ႉထႃႇရႃႉၽြႃးႁၼ်လွင်ႈဢၼ်ၶဝ်ၶျႃးတူဝ်ၸဝ်ႈၵဝ်ႇတူၵ်းတီႈတႅမ်ႇၸိူဝ်ႉၼင်ႇၼၼ်
ယဝ်ႉၸိုင်ၼုၵ်ႉၵပၢတ်ႈထႃႇရႃႉၽြႃးႁွတ်ႈမႃးတီႈမႃႇသေႇယလႄႈဝႃႈ၊-ၶဝ်ဢွၼ်ၵၼ်ၶျႃးတူဝ်ၸဝ်ႈၵဝ်ႇတူၵ်းတီႈတႅမ်ႇယဝ်ႉ။ပိူဝ်ႈဢၼ်ပဵၼ်ၼင်ႇၼၼ်လႄႈၵဝ်တၵ်းဢမ်ႇယႃႉၶဝ်ပႅတ်ႈ။ၵဝ်တၵ်းပၼ်ၵတ်းယဵၼ်ၶျၢမ်းသႃႇဢိတ်းဢွၼ်ႇၼိုင်ႈဢေႃႈ။ၵဝ်တၵ်းဢမ်ႇဢဝ်တင်းမိုဝ်းသိသၵ်ႉလႄႈဢမ်ႇဢဝ်ၸႂ်မႆႈၶႆႈၸႃႉၵဝ်သွၼ်းလေႃႇၵႃႈၼိူဝ်ဝဵင်းယေႇရုသလႅမ်ႇ။
၈ ၼႂ်းဝႃႈၼၼ်သေၵေႃႈၶဝ်တၵ်းလႆႈဢွၼ်ၵၼ်ၶၢမ်ႇႁဵတ်းၶႃႈတီႈမၼ်းႁႂ်ႈၶဝ်လႆႈႁူႉၸႅင်ႈလွင်ႈတၢင်းဢၼ်ၵိုတ်ႈႁၢပ်ႇဢမူႉၵဝ်ဢိၵ်ႇတင်းတၢင်းဢၼ်ၵိုတ်ႈႁၢပ်ႇတီႈၶုၼ်ႁေႃၶမ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆၼၼ်ႉဢေႃႈ၊ဝႃႈၼင်ႇၼႆဢေႃႈ။
၉ သိသၵ်ႉၶုၼ်ႁေႃၶမ်းဢေႇၵႅပ်ႉတုၼၼ်ႉၶီႇသိုၵ်းၶိုၼ်ႈၸူးၵႃႈတီႈဝဵင်းယေႇရုသလႅမ်ႇသေလႄႈသိမ်းဢဝ်ဢုၵ်ႉၸႃႇၽၼ်ႇတႃႇႁိူၼ်းထႃႇရႃႉၽြႃးဢိၵ်ႇတင်းဢုၵ်ႉၸႃႇၽၼ်ႇတႃႇႁေႃၸဝ်ႈလႄႈဢဝ်ၵႃႈမီးတင်းသဵင်ႈတင်းလူင်ၵႂႃႇဢေႃႈ။ၶိူင်ႈႁႄႉလၢၵ်ႈၼၢၵ်ႈၶမ်းဢၼ်သေႃးလမုၼ်ႇႁဵတ်းၵႃႈမီးၼၼ်ႉၵေႃႈဢဝ်ၵႂႃႇဢေႃႈ။
၁၀ ၶုၼ်လူင်ရူဝ်ႇပုမ်ႇၼၼ်ႉႁဵတ်းၶိူင်ႈႁႄႉလၢၵ်ႈၼၢၵ်ႈတွင်းလိူင်တင်းတူဝ်ၶိူင်ႈႁႄႉလၢၵ်ႈၼၢၵ်ႈၶမ်းၸိူဝ်းၼၼ်ႉလႄႈဢၢပ်ႈပၼ်ၵႃႈၼႂ်းမိုဝ်းၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ်ဢၼ်ပႂ်ႉၽၵ်းတူႁေႃၸဝ်ႈၸိူဝ်းၼၼ်ႉဢေႃႈ။
၁၁ ယၢမ်းမိူဝ်ႈဢၼ်ၶုၼ်ႁေႃၶမ်းဢွၵ်ႇၸူးၵႃႈတီႈႁိူၼ်းထႃႇရႃႉၽြႃးၼၼ်ႉၸိုင်ၵူၼ်းပႂ်ႉၸိူဝ်းၼၼ်ႉဢွၼ်ၵၼ်ပႃးဢဝ်ၶိူင်ႈႁႄႉလၢၵ်ႈၼၢၵ်ႈၸိူဝ်းၼၼ်ႉသေလႄႈၸွမ်းဢေႃႈ။လိုၼ်းသေၼၼ်ႉၶဝ်သမ်ႉဢွၼ်ၵၼ်ဢဝ်ၶိူင်ႈႁႄႉလၢၵ်ႈၼၢၵ်ႈၼၼ်ႉၶိုၼ်းဝႆႉၵႃႈတီႈလုၵ်းတီႈဢၼ်ၶဝ်ပႂ်ႉၼၼ်ႉဢေႃႈ။
၁၂ ၼင်ႇၼၼ်လႄႈမိူဝ်ႈဢၼ်မၼ်းၶျႃးတူဝ်ၸဝ်ႈၵဝ်ႇတူၵ်းတီႈတႅမ်ႇၼၼ်ႉၸိုင်ထႃႇရႃႉၽြႃးႁႂ်ႈတၢင်းၸႂ်မႆႈၶႆႈၸႃႉမၼ်းၸဝ်ႈဝေႈပိူင်ႈသေၵႃႈတီႈမၼ်းၵႂႃႇလႄႈမၼ်းၸဝ်ႈဢမ်ႇယႃႉမၼ်းပႅတ်ႈမူတ်းမူတ်းသဵင်ႈသဵင်ႈ။ၵႃႈတီႈမိူင်းယုတၼၼ်ႉယင်းမီးၶဝ်ၸိူဝ်းဢၼ်ႁဵတ်းလီႁဵတ်းငၢမ်းၼၼ်ႉယူႇဢေႃႈ။
၁၃ ၼင်ႇၼၼ်လႄႈၶုၼ်လူင်ရူဝ်ႇပုမ်ႇၼၼ်ႉႁႂ်ႈတူဝ်ၸဝ်ႈၵဝ်ႇမၼ်ႈၶိူင်ႇၵႃႈတီႈဝဵင်းယေႇရုသလႅမ်ႇလႄႈဢုပ်ႉပိူင်ႇၸၢမ်ႇၸႃးဢေႃႈ။ရူဝ်ႇပုမ်ႇၼၼ်ႉမိူဝ်ႈဢၼ်ၸႃႉၼင်ႈႁၢင်ႈၼင်ႈႁေႃၼၼ်ႉၸိုင်ဢသၢၵ်ႈလႆႈသီႇသိပ်းပၢႆဢဵတ်းပီႊလႄႈဢုပ်ႉပိူင်ႇၸၢမ်ႇၸႃးၵႃႈတီႈဝဵင်းယေႇရုသလႅမ်ႇဢၼ်ထႃႇရႃႉၽြႃးလိူၵ်ႈၵဵပ်းဢဝ်ၵႃႈၼႂ်းၼမ်ႉၼႂ်းလိၼ်ၵူၼ်းမဵဝ်းဢိသရေႇလၵူႈမဵဝ်းပုၼ်ဢၼ်တၵ်းႁႂ်ႈၼႃႇမႃႉၸိုဝ်သဵင်ၸဝ်ႈတႄႇယူႇၼၼ်ႉသိပ်းၸဵတ်းပီႊဢေႃႈ။
၁၄ မေးမၼ်းပဵၼ်ၼေႇမမဵဝ်းဢမ်ႇမုၼ်ႇဢေႃႈ။မၼ်းႁဵတ်းတူႉၸရိူၵ်ႈၵွပ်ႈပိူဝ်ႈဢၼ်မၼ်းဢမ်ႇၶျႃးတူဝ်ၸဝ်ႈၵဝ်ႇႁႂ်ႈလႆႈႁႃဢဝ်ထႃႇရႃႉၽြႃးၼၼ်ႉဢေႃႈ။
၁၅ လွင်ႈတၢင်းဢၼ်ရူဝ်ႇပုမ်ႇႁဵတ်းဢဝ်ၸႃႉၸဵမ်ငဝ်ႈတေႃႇပၢႆၸိူဝ်းၼၼ်ႉၸိုင်တႅမ်ႈမၢႆဝႆႉမီးယူႇၵႃႈၼႂ်းၵျၢမ်းလိၵ်ႈပရေႃးၽႅတ်ႈသေႇမႃႇယဢိၵ်ႇတင်းဢိတေႃႇဢၼ်ပဵၼ်ၵေႃႉဢၼ်ႁူပွင်ႇတႃလႅင်းၸွမ်းၵႃႈၼင်ႇတၢင်းဢၼ်ၸီႇယၢင်ႇႁဵတ်းၸရၢင်းၸူဝ်ႈလုၵ်ႈပၢၼ်လၢၼ်ဝႆႉၼၼ်ႉယူႇဢေႃႈ။ရူဝ်ႇပုမ်ႇဢိၵ်ႇတင်းယေႇရူဝ်ႇပုမ်ႇၼၼ်ႉပဵၼ်၁၆ သိုၵ်းပဵၼ်သိူဝ်ၵၼ်ယူႇသေႇသေႇဢေႃႈ။ရူဝ်ႇပုမ်ႇၼၼ်ႉၼွၼ်းလပ်းလူၺ်ႈၵၼ်တင်းပူႇမွၼ်ႇမၼ်းတင်းလၢႆလႄႈၶၢမ်ႇတၢင်းဢၼ်သၢင်းၵျူဝ်ႇၵႃႈၼႂ်းဝဵင်းတႃႇဝိတ်ႉဢေႃႈ။ဢၽိယလုၵ်ႈၸၢႆးၸဝ်ႈၼၼ်ႉၼင်ႈႁၢင်ႈၼင်ႈႁေႃတၢင်တူဝ်ၸဝ်ႈပေႃႈမၼ်းဢေႃႈ။