Chapter
၂၄
ယေႃႇသၶိုၼ်းမႄးၵုမ်းမႄးႁဵတ်းပိၵ်ႉမၢၼ်ႇၽြႃး
၁ ယေႃႇသၼၼ်ႉမိူဝ်ႈဢၼ်ၸႃႉၼင်ႈႁၢင်ႈၼင်ႈႁေႃၼၼ်ႉၸိုင်ဢသၢၵ်ႈမၼ်းလႆႈၸဵတ်းပီႊလႄႈဢုပ်ႉပိူင်ႇၸၢမ်ႇၸႃးယူႇၵႃႈၼႂ်းဝဵင်းယေႇရုသလႅမ်ႇသီႇသိပ်းပီႊဢေႃႈ။ၸိုဝ်သဵင်မေးၸဝ်ႈၸမ်းပဵၼ်ၸိပိၵူၼ်းဝဵင်းပေႇရသေႇၽဢေႃႈ။
၂ ၼႂ်းၸူဝ်ႈပၢၼ်ယိတ်ႉပရေႃးႁိၵ်ႈယေႃႇယတၼၼ်ႉယေႃႇသသၢင်ႈႁဵတ်းဢၼ်လီဢၼ်ငၢမ်းသိုဝ်ႈၼႃႈတႂ်ႈတႃထႃႇဝရႃႉၽြႃးဢေႃႈ။
၃ ယေႃႇယတဢဝ်မေႈယိင်းသွင်ၵေႃႉဢၢပ်ႈပၼ်ႁႂ်ႈပဵၼ်မေးမၼ်းလႄႈမၼ်းလႆႈလုၵ်ႈယိင်းလုၵ်ႈၸၢႆးဢေႃႈ။
၄ လိုၼ်းၼၼ်ႉယေႃႇသမီးတၢင်းၵျၢမ်ႇတၢင်းပွင်ၶိုၼ်းမႄးၵုမ်းမႄးႁဵတ်းႁိူၼ်းထႃႇဝရႃႉၽြႃးလႄႈႁႂ်ႈယိတ်ႉပရေႃးႁိၵ်ႈတင်းၵူၼ်းမဵဝ်းလေႇဝိတင်းလၢႆၸူႉၵၼ်တုမ်ၵၼ်သေလႄႈမီးဢမိင်ႉလႄႈဝႃႈ၊-
၅ သူဢွၼ်ၵၼ်ဢွၵ်ႇၵႂႃႇၸူးၵႃႈတီႈဝဵင်းယုတတင်းလၢႆသေလႄႈၶၢမ်ႇဢဝ်တုင်းဢဝ်ငိုၼ်းတီႈၵူၼ်းမဵဝ်းဢိသရေႇလတင်းသဵင်ႈတင်းလူင်ႁႂ်ႈလႆႈမႄးၵုမ်းမႄးႁဵတ်းႁိူၼ်းၽြႃးပဵၼ်ၸဝ်ႈသူၵူႈပီႊလႄႈၶတ်းၸႂ်ႁဵတ်းႁႂ်ႈဢမူႉယဝ်ႉတူဝ်ႈတႃႉ၊ဝႃႈၼင်ႇၼႆဢေႃႈ။ၵူၺ်းၵႃႈၵူၼ်းမဵဝ်းလေႇဝိၸိူဝ်းၼၼ်ႉ၆ ယင်းဢမ်ႇၶတ်းၸႂ်လႄႈယူႇဢေႃႈ။
၆ လၢႆးသမ်ႉၶုၼ်ႁေႃၶမ်းႁွင်ႉဢဝ်ယိတ်ႉပရေႃးႁိၵ်ႈလူင်ယေႃႇယတမႃးလႄႈထၢမ်ဝႃႈ၊-ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈမႂ်းဢမ်ႇသင်ႇလၢတ်ႈတီႈၵူၼ်းမဵဝ်းလေႇဝိတင်းလၢႆႁႂ်ႈၶဝ်ၶၢမ်ႇဢဝ်တုင်းဢဝ်ငိုၼ်းၽႃႇၵဵပ်းဢၼ်ၶႃႈထႃႇဝရႃႉၽြႃးမုဝ်းသေႇတင်းပရိၵ်ႈသၢတ်ႈတီႈၸူႉတီႈတုမ်ဢိသရေႇလႁႂ်ႈဢွၼ်ၵၼ်ပၼ်ပုၼ်ႈသုမ်ႉထဵင်ၸဝ်ႈတီႈဢၼ်ဝႆႉၶိူင်ႈဢၼ်ၶၢမ်ႇသၢၵ်ႈသေႇၸဝ်ႈၼၼ်ႉၵႃႈၼႂ်းမိူင်းယုတတင်းဝဵင်းယေႇရုသလႅမ်ႇၼၼ်ႉဝႃႈၼင်ႇၼႆဢေႃႈ။
၇ တေႃႈလဵဝ်ၼႆႉလုၵ်ႈၸၢႆးဢႃႇထလိဢၼ်ပဵၼ်မေႈယိင်းဢႃႉထမ်ႇမႃႉၼၼ်ႉဢွၼ်ၵၼ်မႃးၵိူၼ်ႇယႃႉႁိူၼ်းၽြႃးပဵၼ်ၸဝ်ႈသေလႄႈဢဝ်ၽၼ်ႇတႃႇၶိူင်ႈပုၵ်ႉၸေႃႇၵႃႈၼႂ်းႁိူၼ်းၽြႃးပဵၼ်ၸဝ်ႈၵႃႈမီးပုၵ်ႉၸေႃႇတီႈၽြႃးပႃႇလယဝ်ႉ။
၈ ၶုၼ်ႁေႃၶမ်းမီးဢမိင်ႉႁႂ်ႈၶဝ်ဢွၼ်ၵၼ်ႁဵတ်းတိူၵ်ႈတႃႇလႄႈဝႆႉၵႃႈတီႈႁိမ်းၽၵ်းတူၵႃႈၼွၵ်ႈႁိူၼ်းထႃႇဝရႃႉၽြႃးဢေႃႈ။
၉ ၶဝ်ဢွၼ်ၵၼ်လႄႇပၢဝ်ႇလႄႇလၢတ်ႈၵႃႈၼႂ်းမိူင်းယုတဢိၵ်ႇတင်းဝဵင်းယေႇရုသလႅမ်ႇႁႂ်ႈၶဝ်ဢွၼ်ၵၼ်ဢဝ်ငိုၼ်းၽႃႇၵဵပ်းမႃးဢၼ်ၶႃႈၽြႃးပဵၼ်ၸဝ်ႈမုဝ်းသေႇၸီႇယၢင်ႇဝႆႉတီႈၵူၼ်းမဵဝ်းဢိသရေႇလၵႃႈၼႂ်းထိူၼ်ႇၼၼ်ႉဢေႃႈ။
၁၀ ၶုၼ်တင်းလၢႆဢိၵ်ႇတင်းၵူၼ်းဝၢၼ်ႈၵူၼ်းတင်းသဵင်ႈတင်းလူင်ဢွၼ်ၵၼ်မီးၸႂ်ဢၼ်ၸူမ်းသိူဝ်းသေလႄႈဢဝ်မႃးလႄႈတွတ်ႈသႂ်ႇၵႃႈၼႂ်းတိူၵ်ႈတႃႇတေႃႇထိုင်ႁွတ်ႈ၁၁ ထၼ်ႈပေႃးယဝ်ႉတူဝ်ႈဢေႃႈ။
၁၁ မိူဝ်ႈဢၼ်ၵူၼ်းလေႇဝိၸိူဝ်းၼၼ်ႉဢဝ်တိူၵ်ႈတႃႇၼၼ်ႉသႂ်ႇဝႆႉၵႃႈၼႂ်းတိူၵ်ႈၽၼ်ႇတႃႇၶုၼ်ႁေႃၶမ်းလႄႈႁူႉႁၼ်လွင်ႈဢၼ်ငိုၼ်းၼမ်ၼႃႇၼၼ်ႉၸိုင်ၸရေးလူင်ၶုၼ်ႁေႃၶမ်းဢိၵ်ႇတင်းၸရေးလူင်ယိတ်ႉပရေႃးႁိၵ်ႈၸိူဝ်းၼၼ်ႉမႃးလႄႈၼုၵ်ႈဢဝ်ငိုၼ်းႁႂ်ႈတိူၵ်ႈတႃႇပဝ်ႇသေယဝ်ႉသမ်ႉဢဝ်တိူၵ်ႈၼၼ်ႉၵႂႃႇၶိုၼ်းဝႆႉတီႈမၼ်းဢေႃႈ။ၶဝ်ဢွၼ်ၵၼ်ႁဵတ်းၸိူဝ်ႉၼင်ႇၼၼ်ၵူႈဝၼ်းလႄႈငိုၼ်းၼမ်ၼႃႇၸူႉၶွၼ်ႈဝႆႉဢေႃႈ။
၁၂ ၶုၼ်ႁေႃၶမ်းတင်းယေႃႇယတၼၼ်ႉဢွၼ်ၵၼ်ဢဝ်ငိုၼ်းၼၼ်ႉဢၢပ်ႈပၼ်တီႈၶဝ်ၸိူဝ်းဢၼ်ပႂ်ႉတၢင်းဢၼ်ၵိုတ်ႈႁၢပ်ႇဢမူႉႁိူၼ်းထႃႇဝရႃႉၽြႃးၼၼ်ႉလႄႈၶဝ်ၼၼ်ႉဢွၼ်ၵၼ်ၸၢင်ႈငႃးၶဝ်ၸိူဝ်းဢၼ်မေႃတႄႇတိူၵ်ႈႁဵတ်းတိူၵ်ႈလႂ်၊လၢၵ်ႈသမႃးလႂ်ႁႂ်ႈလႆႈမႄးၵုမ်းမႄးႁဵတ်းႁိူၼ်းထႃႇဝရႃႉၽြႃးဢိၵ်ႇတင်းၸၢင်ႊလဵၵ်းလႂ်၊ၸၢင်ႊၶၢမ်းဢၼ်ႁဵတ်းတွင်းလိူင်လႂ်ႁႂ်ႈလႆႈမႄးႁဵတ်းမႄးတႄႇႁိူၼ်းထႃႇဝရႃႉၽြႃးဢေႃႈ။
၁၃ ၶဝ်ၸိူဝ်းဢၼ်ႁဵတ်းတၢင်းႁဵတ်းၼၼ်ႉဢွၼ်ၵၼ်ၶတ်းၸႂ်မႄးၵုမ်းမႄးႁဵတ်းလႄႈႁႂ်ႈႁိူၼ်းၽြႃးပဵၼ်ၸဝ်ႈပဵၼ်ၼင်ႇပၵ်းၵဝ်ႇပိူင်ၵဝ်ႇၼၼ်ႉလႄႈႁႂ်ႈမၼ်ႈၶိူင်ႇဢေႃႈ။
၁၄ မိူဝ်ႈဢၼ်ႁဵတ်းယဝ်ႉတူဝ်ႈယဝ်ႉၼၼ်ႉၸိုင်ၶဝ်ဢွၼ်ၵၼ်ဢဝ်ငိုၼ်းဢၼ်ၵိုတ်းဢၼ်ၵျၢၼ်ႇၼၼ်ႉမႃးတီႈၶုၼ်ႁေႃၶမ်းတင်းယေႃႇယတလႄႈဢဝ်ငိုၼ်းၼၼ်ႉႁဵတ်းၶိူင်ႈပိူင်ပုၼ်ႈႁိူၼ်းထႃႇဝရႃႉၽြႃးဢၼ်ဝႃႈၶိူင်ႈပိူင်ဢၼ်တၵ်းဢဝ်ၵိုတ်ႈႁၢပ်ႇဢမူႉၸဝ်ႈလႄႈပုၵ်ႉၸေႃႇလႂ်၊ၸေႃႉလႂ်၊ၵွၵ်းၶမ်းလႂ်၊ၵွၵ်းငိုၼ်းလႂ်ဢေႃႈ။ၸူဝ်ႈပၢၼ်ယေႃႇယတၼၼ်ႉၶဝ်ဢွၼ်ၵၼ်ပုၵ်ႉၸေႃႇယိၸ်ႉဢၼ်တုတ်ႇၽႆးၵႃႈၼႂ်းႁိူၼ်းထႃႇဝရႃႉၽြႃးယူႇတႃႇသေႇဢေႃႈ။
၁၅ ယေႃႇယတၼၼ်ႉထဝ်ႈၵႄႇလႄႈႁွတ်ႈထိုင်တၢင်းဢၼ်ၶိင်ႇၵႃႇလႃႉမိုဝ်ႉဝၼ်းမၼ်းတဵမ်ထူၼ်ႈယဝ်ႉလႄႈတၢႆသေဢေႃႈ။မိူဝ်ႈဢၼ်တၢႆၼၼ်ႉၸိုင်ဢသၢၵ်ႈမၼ်းလႆႈပၢၵ်ႇပၢႆသိပ်းပီႊဢေႃႈ။
၁၆ ၶဝ်ဢဝ်မၼ်းသၢင်းၵျူဝ်ႇၵႃႈၼႂ်းဝဵင်းတႃႇဝိတ်ႉလူၺ်ႈၵၼ်တင်းၶုၼ်ႁေႃၶမ်းတင်းလၢႆၵွပ်ႈပိူဝ်ႈဢၼ်ၼႂ်းမဵဝ်းဢိသရေႇလၼၼ်ႉမၼ်းပဵၼ်ၵေႃႉဢၼ်ႁဵတ်းဢၼ်လီဢၼ်ငၢမ်းတီႈၽြႃးပဵၼ်ၸဝ်ႈဢိၵ်ႇတင်းႁိူၼ်းၸဝ်ႈၼၼ်ႉဢေႃႈ။
တၢင်းႁၢႆႉမိူၵ်ႈယေႃႇသ
၁၇ လိုၼ်းသေယေႃႇယတတၢႆယဝ်ႉၶုၼ်ယုတတင်းလၢႆဢွၼ်ၵၼ်မႃးတီႈၶုၼ်ႁေႃၶမ်းလႄႈၶုပ်ႉဝႆႈဢေႃႈ။
၁၈ ၶုၼ်ႁေႃၶမ်းထွမ်ႇဢဝ်ၵႂၢမ်းၶဝ်ၼၼ်ႉသေယဝ်ႉၶဝ်ၼၼ်ႉဢွၼ်ၵၼ်ၸုၼ်ႉပႅတ်ႈႁိူၼ်းထႃႇဝရႃႉၽြႃးၽြႃးပဵၼ်ၸဝ်ႈပူႇၶဝ်မွၼ်ႇၶဝ်ၼၼ်ႉလႄႈႁဵတ်းဝၢတ်ႈတီႈတူၼ်ႈဢႃႇသရလႂ်တင်းရုၵ်ႉထူႉလႂ်ဢေႃႈ။ၵွပ်ႈပိူဝ်ႈဢပျႅတ်ႈၶဝ်ၼၼ်ႉလႄႈတၢင်းၸႂ်မႆႈၶႆႈၸႃႉၸဝ်ႈတူၵ်းႁွတ်ႈၵႃႈၼိူဝ်မိူင်းယုတဢိၵ်ႇတင်းဝဵင်းယေႇရုသလႅမ်ႇဢေႃႈ။
၁၉ မၼ်းၸဝ်ႈပွႆႇၸႂ်ႉပရေႃးၽိတ်ႈတင်းလၢႆမႃးတီႈၶဝ်လႄႈႁႂ်ႈလႆႈတိုၵ်းယူင်းၸူဝ်းဢဝ်ၶဝ်ၶၢမ်ႇသၢၵ်ႈသေႇယူႇၽၢႆႇၼိုင်ႈတင်းၶဝ်ႁႂ်ႈၶိုၼ်းမႃးၸူးၵႃႈတီႈထႃႇဝရႃႉၽြႃးသေၵေႃႈၶဝ်ၼၼ်ႉဢမ်ႇထွမ်ႇဢမ်ႇဢဝ်။
၂၀ မီးၽဝ်ႇၼိုင်ႈဝိၺိၺ်ႇထႃႇဝရႃႉၽြႃးတူၵ်းႁွတ်ႈၵႃႈၼိူဝ်ၸႃႇၶရိလုၵ်ႈၸၢႆးယိတ်ႉပရေႃးႁိၵ်ႈယေႃႇယတၼၼ်ႉလႄႈမၼ်းၵေႃႈၸုၵ်းယူႇၵႃႈတီႈဢၼ်သုင်ၵႃႈၼႂ်းၵၢင်ပရိၵ်ႈသၢတ်ႈသေလႄႈဢွၵ်ႇသူပ်းလႄႈဝႃႈ၊-ၽြႃးပဵၼ်ၸဝ်ႈမီးဢမိင်ႉလႄႈဝႃႈၸမ်း၊-ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈသူဢွၼ်ၵၼ်ပူၼ်ႉလိူဝ်ပိင်းၺၢပ်ႈထႃႇဝရႃႉၽြႃးႁႂ်ႈဢၵျူဝ်းသူလူႉၼင်ႇႁိုဝ်။
၂၁ ၵွပ်ႈပိူဝ်ႈဢၼ်သူၸုၼ်ႉပႅတ်ႈထႃႇဝရႃႉၽြႃးလႄႈမၼ်းၸဝ်ႈၸုၼ်ႉပႅတ်ႈသူယဝ်ႉ၊ဝႃႈၼင်ႇၼႆလႄႈၶဝ်လွမ်ႁဵတ်းမုၵ်ႉႁဵတ်းၸိူဝ်းယူႇၽၢႆႇၼိုင်ႈတင်းမၼ်းလႄႈဢွၼ်ၵၼ်ဢဝ်မၢၵ်ႇႁိၼ်ထႅမ်ႈမၼ်းၵႃႈၼႂ်းတမ်ႇတိူင်းႁိူၼ်းထႃႇဝရႃႉၽြႃးၸွမ်းၵႃႈၼင်ႇဢၼ်ဢမိင်ႉၶုၼ်ႁေႃၶမ်းမီးၼၼ်ႉဢေႃႈ။ၶုၼ်လူင်ယေႃႇသၼၼ်ႉယင်းဢမ်ႇၶုၵ်းၸႂ်လႆႈၶႆႈၸႂ်ထူပ်းၵျေးၸူးဢၼ်ယေႃႇယတဢၼ်ပဵၼ်ပေႃႈၸႃႇၶရိႁဵတ်းတီႈမၼ်းၼၼ်ႉလႄႈဢဝ်လုၵ်ႈၸၢႆးမၼ်းတၢႆလူင်ပေႇ။
၂၂ မိူဝ်ႈဢၼ်မၼ်းယင်းတၢႆယူႇၼၼ်ႉမၼ်းလၢတ်ႈဝႃႈ၊-ထႃႇဝရႃႉၽြႃးတၵ်းတူၺ်းႁၼ်ဢမူႉၼႆႉလႄႈၸႅတ်ႈထၢမ်ၸီႇယၢင်ႇဢေႃႈ၊ဝႃႈၼင်ႇၼႆဢေႃႈ။
၂၃ ၼႂ်းတီႈသုတ်းပီႊၼၼ်ႉၵူၼ်းတပ်ႉၵူၼ်းသိုၵ်းသုရိတင်းလၢႆဢွၼ်ၵၼ်ၶီႇသိုၵ်းမႃးယူႇၽၢႆႇၼိုင်ႈတင်းမၼ်းလႄႈႁွတ်ႈထိုင်ၵႃႈတီႈမိူင်းယုတဢိၵ်ႇတင်းဝဵင်းယေႇရုသလႅမ်ႇသေယဝ်ႉဢွၼ်ၵၼ်ပႄႇၽဵဝ်ႈမူးမၢတ်ႈၽွင်းမိူင်းၵႃႈမီးပႅတ်ႈသေၵႃႈၼႂ်းၵူၼ်းတင်းလၢႆလႄႈဢဝ်
ၶွင်ၶူဝ်းၵႃႈဢၼ်ႁိမ်ႇလႆႈၸိူဝ်းၼၼ်ႉပၼ်ၵႂႃႇတီႈၶုၼ်ႁေႃၶမ်းထမ်ႇမသႅတ်ႉဢေႃႈ။
၂၄ ပိၵ်ႉသမ်ႉၵူၼ်းတပ်ႉၵူၼ်းသိုၵ်းသုရိပဵၼ်မုၵ်ႉဢွၼ်ႇၸိူဝ်းဢွၼ်ႇသေလႄႈမႃးသေၵေႃႈထႃႇဝရႃႉၽြႃးဢဝ်မုၵ်ႉလူင်ၸိူဝ်းလူင်ဢၼ်ယႂ်ႇၼႃႇဢၢပ်ႈပၼ်ၵႃႈၼႂ်းမိုဝ်းၶဝ်ၵွပ်ႈပိူဝ်ႈဢၼ်ၶဝ်ၸုၼ်ႉပႅတ်ႈထႃႇဝရႃႉၽြႃးၽြႃးပဵၼ်ၸဝ်ႈပူႇၶဝ်မွၼ်ႇၶဝ်ၼၼ်ႉဢေႃႈ။ၼင်ႇၼၼ်လႄႈၶဝ်ၼၼ်ႉဢွၼ်ၵၼ်ၸီႇယၢင်ႇပၼ်တၢမ်ႇတီႈယေႃႇသဢေႃႈ။
၂၅ မိူဝ်ႈဢၼ်ၶဝ်ဢွၵ်ႇၵႂႃႇသေၵႃႈတီႈမၼ်းၵႂႃႇၼၼ်ႉမၼ်းလႆႈတိူဝ်ႉမၢတ်ႇႁႅင်းယႂ်ႇၼႃႇလူင်လၢင်လႄႈၶႃႈၵူၼ်းမၼ်းတင်းလၢႆဢွၼ်ၵၼ်လွမ်ႁဵတ်းမုၵ်ႉၸိူဝ်းဢၼ်ယူႇၽၢႆႇၼိုင်ႈတင်းမၼ်းၵွပ်ႈပိူဝ်ႈလိူတ်ႈလုၵ်ႈၸၢႆးယိတ်ႉပရေႃးႁိၵ်ႈယေႃႇယတဢၼ်မၼ်းထွၵ်ႇပႅတ်ႈၼၼ်ႉလႄႈၶဝ်ဢဝ်မၼ်းတၢႆၵႃႈၼိူဝ်ၵူႇတီႈၼွၼ်းမၼ်းၼၼ်ႉဢေႃႈ။ပိၵ်ႉသမ်ႉၶဝ်ဢဝ်မၼ်းသၢင်းၵျူဝ်ႇၵႃႈၼႂ်းပႃႇႁဵဝ်ႈသၢင်းၶႅင်းၵႃႈၼႂ်းဝဵင်းတႃႇဝိတ်ႉသေၵေႃႈၶဝ်ဢမ်ႇဢဝ်သၢင်းၵျူဝ်ႇၵႃႈၼႂ်းပႃႇႁဵဝ်ႈသၢင်းၶႅင်းၶုၼ်ႁေႃၶမ်းတင်းလၢႆ။
၂၆ ၶဝ်ၸိူဝ်းဢၼ်လွမ်ႉႁွပ်ႈႁဵတ်းမုၵ်ႉႁဵတ်းၸိူဝ်းယူႇၽၢႆႇၼိုင်ႈတင်းမၼ်းၼၼ်ႉၸမ်းပဵၼ်ၸပတ်ႉဢၼ်ပဵၼ်လုၵ်ႈၸၢႆးသိမတ်ႉဢၼ်ပဵၼ်မေႈယိင်းမဵဝ်းဢၢမ်ႇမုၼ်ႇဢိၵ်ႇတင်းယႁေႃႇလပတ်ႉလုၵ်ႈၸၢႆးသိမရိတ်ႉမေႈယိင်းမဵဝ်းမေႃႇၽၼၼ်ႉဢေႃႈ။
၂၇ လွင်ႈတၢင်းလုၵ်ႈမၼ်းလၢင်းမၼ်းလွင်ႈတၢင်းဢၼ်မၼ်းႁၢပ်ႇဢမူႉဢၼ်ၼၵ်းလွင်ႈတၢင်းဢၼ်မႄးၵုမ်းမႄးႁဵတ်းႁိူၼ်းၽြႃးပဵၼ်ၸဝ်ႈၸိူဝ်းၼၼ်ႉၸိုင်တႅမ်ႈဝႆႉမီးယူႇၵႃႈၼႂ်းလိၵ်ႈဢၼ်သိုပ်ႇၵၼ်တင်းရႃႇၸဝၢင်ႇၼၼ်ႉဢေႃႈ။ဢႃႇမလိလုၵ်ႈၸၢႆးၸဝ်ႈၼၼ်ႉၼင်ႈႁၢင်ႈၼင်ႈႁေႃတၢင်တူဝ်ၸဝ်ႈပေႃႈမၼ်းဢေႃႈ။