Chapter
၁၃
ဢၽိယပဵၼ်ၶုၼ်ႁေႃၶမ်းမိူင်းယုတ
၁ ၼႂ်းပီႊဢၼ်ၶုၼ်လူင်ယေႇရူဝ်းပုမ်ႇၼင်ႈႁၢင်ႈၼင်ႈႁေႃသိပ်းပႅတ်ႇပီႊၼၼ်ႉဢၽိယဢုပ်ႉပိူင်ႇၸၢမ်ႇၸႃးမိူင်းယုတလႄႈဢုပ်ႉပိူင်ႇၸၢမ်ႇၸႃးၵႃႈၼႂ်းဝဵင်းယေႇရုသလႅမ်ႇသၢမ်ပီႊဢေႃႈ။
၂ ၸိုဝ်သဵင်မေႈၸဝ်ႈၸမ်းပဵၼ်မႃႇၶႃႇဢၼ်ပဵၼ်လုၵ်ႈယိင်းဢေႃႇရေႇလၵူၼ်းဝဵင်းၵိပႃႇၼၼ်ႉဢေႃႈ။
၃ လွင်ႈဢၼ်ဢၽိယတင်းယေႇရူဝ်းပုမ်ႇပဵၼ်သိုၵ်းပဵၼ်သိူဝ်ၵၼ်ၼၼ်ႉၸမ်းဢၽိယၼၼ်ႉပႃးဢဝ်ႁူဝ်ႁၢၼ်ၵူၼ်းသိုၵ်းလီဢၼ်လိူၵ်ႈၵဵပ်းဢဝ်သီႇသႅၼ်ၼၼ်ႉသေလႄႈယၼ်ႇတပ်ႉၶၢင်းတပ်ႉဢေႃႈ။ယေႇရူဝ်ႇပုမ်ႇၼၼ်ႉပႃးဢဝ်ႁူဝ်ႁၢၼ်ၵူၼ်းသိုၵ်းဢၼ်ႁႅင်းယႂ်ႇၼႃႇဢၼ်လိူၵ်ႈၵဵပ်းဢဝ်ပႅတ်ႇသႅၼ်ၼၼ်ႉသေလႄႈယၼ်ႇတပ်ႉၶၢင်းတပ်ႉဢေႃႈ။
၄ ဢၽိယၸုၵ်းယူႇၵႃႈၼိူဝ်လွႆႈၸေႇမရိမ်ႇဢၼ်မီးၵႃႈၼိူဝ်ႁၢၼ်ႉလွႆဢေႇၽရိမ်ႇသေလႄႈႁွင်ႉပၢဝ်ႇလႄႈဝႃႈ၊-ယေႇရူဝ်ႇပုမ်ႇဢိၵ်ႇတင်းၵူၼ်းမဵဝ်းဢိသရေႇလတင်းသဵင်ႈတင်းလူင်ၶဝ်ဢိူၺ်း။
၅ ဢွၼ်ၵၼ်ထွမ်ႇငိၼ်းတႃႉ။သူထုၵ်ႇလီႁူႉၸႅင်ႈမၢတ်ႈတွင်းလွင်ႈဢၼ်ဝႃႈထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလၼၼ်ႉဢဝ်ပတိၺိၼ်ႇၵိူဝ်ႈသေလႄႈဢဝ်မိူင်းဢိသရေႇလဢၢပ်ႈပၼ်တီႈတႃႇဝိတ်ႉဢိၵ်ႇတင်းလုၵ်ႈလၢၼ်ၸဝ်ႈတင်းလၢႆတႃႇသေႇယဝ်ႉ၊
၆ ဢၼ်ဝႃႈၼၼ်ႉႁိုဝ်။ၵူၺ်းၵႃႈယေႇရူဝ်းပုမ်ႇလုၵ်ႈၸၢႆးၼေႇပတ်ႉဢၼ်ပဵၼ်ၶႃႈသေႃးလမုၼ်ႇဢၼ်ပဵၼ်လုၵ်ႈၸဝ်ႈတႃႇဝိတ်ႉၼၼ်ႉလုၵ်ႉယူႇၽၢႆႇၼိုင်ႈတင်းၸဝ်ႈမၼ်းလႄႈလုၵ်ႉၽိုၼ်ႉယဝ်ႉ။
၇ ၶဝ်ၸိူဝ်းဢၼ်ယူႇမဝ်ၵိၼ်မၢင်ႈ၊ၵူၼ်းဢႃႉထမ်ႇမႃႉတင်းလၢႆၼၼ်ႉဢွၼ်ၵၼ်ၸူႉတုမ်ၵႃႈတီႈမၼ်းလႄႈႁႂ်ႈတူဝ်ၸဝ်ႈၵဝ်ႇမၼ်ႈၶိူင်ႇယူႇၽၢႆႇၼိုင်ႈတင်းရူဝ်ႇပုမ်ႇဢၼ်ပဵၼ်လုၵ်ႈၸၢႆးၸဝ်ႈသေႃးလမုၼ်ႇၼႂ်းမိူဝ်ႈဢၼ်ရူဝ်ႇပုမ်ႇဢသၢၵ်ႈယင်းလဵၵ်ႉယင်းၼုမ်ႇသၽေႃးယင်းဢူၼ်ႈယင်းဢွၼ်ႇလႄႈဢမ်ႇၸၢင်ႊႁၢမ်ႈတပ်ႉႁႄႉၶႅၼ်လႆႈၼၼ်ႉဢေႃႈ။၈ မိူဝ်ႈလဵဝ်ၼႆႉၵေႃႈသူဢွၼ်ၵၼ်ၵျၢမ်ႇပွင်တၵ်းႁၢမ်ႈတပ်ႉႁႄႉၶႅၼ်သိုင်ႇၸိုင်ႈဝၢၼ်ႈမိူင်းထႃႇဝရႃႉၽြႃးဢၼ်မီးၵႃႈတီႈမိုဝ်းလုၵ်ႈလၢၼ်တႃႇဝိတ်ႉၼၼ်ႉလူင်ပေႇ။သူပဵၼ်မုၵ်ႉလူင်ၸိူဝ်းလူင်သေလႄႈမီးဝူဝ်းၶမ်းဢွၼ်ႇဢၼ်ယေႇရူဝ်းပုမ်ႇႁဵတ်းဝႆႉႁႂ်ႈပဵၼ်ၽြႃးပုၼ်ႈသူၼၼ်ႉလူင်ပေႇ။
၉ သူဢွၼ်ၵၼ်ႁေႃႈယိတ်ႉပရေႃးႁိၵ်ႈထႃႇဝရႃႉၽြႃးဢၼ်ဝႃႈၵူၼ်းမဵဝ်းဢႃႇရုၼ်ႇတင်းၵူၼ်းမဵဝ်းလေႇဝိတင်းလၢႆဢွၵ်ႇပႅတ်ႈလႄႈႁဵတ်းယိတ်ႉပရေႃးႁိၵ်ႈတင်းလၢႆပုၼ်ႈသူၸွမ်းၵႃႈၼင်ႇဢၼ်ထုင်းၸၢမ်ႇၵူၼ်းတၢင်ႇၸိူဝ်ႉတၢင်ႇၶိူဝ်းမီးၼၼ်ႉယဝ်ႉ၊ဢမ်ႇၸႂ်ႈႁိုဝ်။မႅၼ်ႈၼင်ႇဢၼ်ၼၼ်ႉလႄႈၵေႃႉဢၼ်ပႃးဢဝ်ဝူဝ်းဢွၼ်ႇတူဝ်ၼိုင်ႈဢိၵ်ႇတင်းသူဝ်းၸဵတ်းတူဝ်ၼိုင်ႈသေလႄႈမႃးႁႂ်ႈလႆႈၶၢမ်ႇဢဝ်တၢင်းဢၼ်ၶၢၼ်းဝႆႉၵႃႈၼႂ်းဢရႃႇယိတ်ႉပရေႃးႁိၵ်ႈၼၼ်ႉလႆႈႁဵတ်းယိတ်ႉပရေႃးႁိၵ်ႈတီႈၶဝ်ၸိူဝ်းဢၼ်ဢမ်ႇၸႂ်ႈၽြႃးၼၼ်ႉယဝ်ႉလူင်ပေႇ။
၁၀ ႁဝ်းၸမ်းထႃႇဝရႃႉၽြႃးၼၼ်ႉပဵၼ်ၽြႃးပဵၼ်ၸဝ်ႈႁဝ်းလႄႈႁဝ်းဢမ်ႇၸုၼ်ႉပႅတ်ႈမၼ်းၸဝ်ႈ။ႁဝ်းမီးယိတ်ႉပရေႃးႁိၵ်ႈဢၼ်ၵိုတ်ႈႁၢပ်ႇဢမူႉထႃႇဝရႃႉၽြႃးဢၼ်ပဵၼ်မဵဝ်းဢႃႇရုၼ်ႇဢိၵ်ႇတင်းၵူၼ်းမဵဝ်းလေႇဝိဢၼ်ပႂ်ႉဢမူႉၶဝ်ယူႇၸိူဝ်းၼၼ်ႉဢေႃႈ။ၶဝ်ဢွၼ်ၵၼ်ဢဝ်ယိၸ်ႉဢၼ်တုတ်ႇၽႆးဢိၵ်ႇတင်းၼၢမ်ႇသႃႇတုတ်ႇၽႆးၵႃႈတီႈၽၢႆႇၼႃႈထႃႇဝရႃႉၽြႃးၵူႈႁူဝ်ၼႂ်ၵူႈႁူဝ်ၶမ်ႈဢေႃႈ။
၁၁ ၶဝ်ဢွၼ်ၵၼ်ပွင်မႄးပွင်ႁႅၼ်းၶဝ်ႈမုၼ်းၽၢႆႇၼႃႈၸဝ်ႈဝႆႉၵႃႈၼိူဝ်ၶူင်ႇတီႈၵိၼ်ဢၼ်မူတ်းၸၢင်ႇဢိၵ်ႇတင်းၶူင်ႇတီႈတႆႈၽႆးတင်းဝၢၼ်ႇတႆႈၽႆးပုၼ်ႈဢၼ်တၵ်းတႆႈၵူႈႁူဝ်ၶမ်ႈၼၼ်ႉဢေႃႈ။ႁဝ်းဢွၼ်ၵၼ်ပႂ်ႉဢမူႉထႃႇဝရႃႉၽြႃးၽြႃးပဵၼ်ၸဝ်ႈႁဝ်းဢေႃႈ။
၁၂ သူၸမ်းဢွၼ်ၵၼ်ၸုၼ်ႉပႅတ်ႈမၼ်းၸဝ်ႈယဝ်ႉ။တူဝ်ၽြႃးပဵၼ်ၸဝ်ႈၼၼ်ႉမီးယူႇလူၺ်ႈၵၼ်တင်းႁဝ်းလႄႈပဵၼ်ငဝ်ႈပဵၼ်ႁူဝ်ႁဝ်းယူႇဢေႃႈ။ယိတ်ႉပရေႃးႁိၵ်ႈမၼ်းၸဝ်ႈတင်းလၢႆၵေႃႈပႃးဢဝ်တင်းၼႄးၶရႃႇပုၼ်ႈဢၼ်တၵ်းတိုၵ်းယူင်းၸိူဝ်းၼၼ်ႉသေလႄႈမီးယူႇလူၺ်ႈၵၼ်တင်းႁဝ်းႁႂ်ႈလႆႈပဝ်ႇတိုင်ႈသေလႄႈတိုၵ်းယူင်းယူႇၽၢႆႇၼိုင်ႈတင်းသူဢေႃႈ။ၵူၼ်းမဵဝ်းဢိသရေႇလၶဝ်ဢိူၺ်း။ယႃႇပေဢွၼ်ၵၼ်ယူႇၽႆၢႇၼိုင်ႈသေလႄႈတိုၵ်းတေႃးထႃႇဝရႃႉၽြႃးၽြႃးပဵၼ်ၸဝ်ႈပူႇသူမွၼ်ႇသူၼၼ်ႉ။ပေႃးတိုၵ်းၸိုင်သူတၵ်းဢမ်ႇလႆႈလီလႆႈပဵၼ်ၵူၺ်း၊ဝႃႈၼင်ႇၼႆဢေႃႈ။
၁၃ ယေႇရူဝ်းပုမ်ႇၼၼ်ႉဝႆႉတပ်ႉသိုၵ်းမူၵ်းၵႃႈတီႈၽၢႆႇတၢင်းလင်ၵူၼ်းမဵဝ်းယုတတင်းလၢႆလႄႈၶဝ်ယူႇၵႃႈတီႈၽၢႆႇၼႃႈၵူၼ်းမဵဝ်းယုတတင်းလၢႆယူႇသေလႄႈတပ်ႉသိုၵ်းမူၵ်းၶဝ်ၼၼ်ႉယူႇၵႃႈတီႈၽၢႆႇတၢင်းလင်ဢေႃႈ။
၁၄ မိူဝ်ႈဢၼ်ၵူၼ်းမဵဝ်းယုတတင်းလၢႆဝၢႆႇတူၺ်းၶိုၼ်းၼၼ်ႉၸိုင်ၶဝ်ႁၼ်လွင်ႈဢၼ်ဢမူႉသိုၵ်းမီးၵႃႈတီႈၽၢႆႇၼႃႈဢိၵ်ႇတင်းၵႃႈတီႈၽၢႆႇလင်ၶဝ်ၼၼ်ႉလႄႈႁွင်ႉႁႃထႃႇဝရႃႉၽြႃးလႄႈယိတ်ႉပရေႃးႁိၵ်ႈတင်းလၢႆၵေႃႈဢွၼ်ၵၼ်ပဝ်ႇတိုင်ႈၼႄးၶရႃႇဢေႃႈ။
၁၅ ၵမ်းၼၼ်ႉၵူၼ်းမဵဝ်းယုတတင်းလၢႆဢွၼ်ၵၼ်ႁွင်ႉသႅၼ်ႇလႄႈၼႂ်းမိူဝ်ႈဢၼ်ၵူၼ်းမဵဝ်းယုတၸိူဝ်းၼၼ်ႉႁွင်ႉသႅၼ်ႇယူႇၼၼ်ႉၽြႃးပဵၼ်ၸဝ်ႈပၼ်တၢမ်ႇတီႈယေႇရူဝ်းပုမ်ႇဢိၵ်ႇတင်းၵူၼ်းမဵဝ်းဢိသရေႇလတင်းသဵင်ႈတင်းလူင်ၵႃႈတီႈၽၢႆႇၼႃႈဢၽိယတင်းၵူၼ်းမဵဝ်းယုတတင်းလၢႆသေယဝ်ႉ၊
၁၆ ၵူၼ်းမဵဝ်းဢိသရေႇလၸိူဝ်းၼၼ်ႉဢွၼ်ၵၼ်ဢွၵ်ႇပၢႆႈသေၵႃႈတီႈၽၢႆႇၼႃႈၵူၼ်းမဵဝ်းယုတတင်းလၢႆလႄႈၽြႃးပဵၼ်ၸဝ်ႈဢဝ်ၶဝ်ဢၢပ်ႈပၼ်ၵႃၼႂ်းမိုဝ်းၶဝ်ၼၼ်ႉဢေႃႈ။
၁၇ ဢၽိယဢိၵ်ႇတင်းၵူၼ်းမၼ်းတင်းလၢႆဢွၼ်ၵၼ်ႁဵတ်းတၢင်းဢၼ်ၶႃႈၽၼ်းဢဝ်တၢႆဢၼ်ယႂ်ႇၼႃႇလူင်လၢင်လႄႈၵူၼ်းမဵဝ်းဢိသရေႇလဢၼ်၁၈ လိူၵ်ႈၵဵပ်းဢဝ်ၼၼ်ႉလူမ်ႉတၢႆႁႃႈသႅၼ်ဢေႃႈ။
၁၈ ၼင်ႇၼၼ်လႄႈၵူၼ်းမဵဝ်းဢိသရေႇလၸိူဝ်းၼၼ်ႉတူၵ်းသုမ်းမိူဝ်ႈၼၼ်ႉလႄႈၵူၼ်းမဵဝ်းယုတတင်းလၢႆဢွၼ်ၵၼ်ပေႉၼႅင်ႇၵွပ်ႈပိူဝ်ႈဢၼ်ၶဝ်သွၼ်ႈပိုင်ႈထႃႇဝရႃႉ၁၉ ၽြႃးၽြႃးပဵၼ်ၸဝ်ႈပူႇၶဝ်မွၼ်ႇၶဝ်ဢေႃႈ။
၁၉ ဢၽိယလိုပ်ႈၸွမ်းလမ်းၸွမ်းယေႇရူဝ်းပုမ်ႇလႄႈၼုၵ်ႈဢဝ်ဝဵင်းပေႇသလဢိၵ်ႇတင်းဝၢၼ်ႈမၼ်းတင်းလၢႆဝဵင်းယေႇသၼဢိၵ်ႇတင်းဝၢၼ်ႈမၼ်းတင်းလၢႆဝဵင်းဢေးၽရိမ်ႇဢိၵ်ႇတင်းဝၢၼ်ႈမၼ်းတင်းလၢႆသေၵႃႈၼႂ်းမိုဝ်းမၼ်းဢေႃႈ။
၂၀ ၸူဝ်ႈပၢၼ်ဢၽိယၼၼ်ႉယေႇရူဝ်းပုမ်ႇဢမ်ႇၶိုၼ်းလႆႈႁႅင်းမီးႁႅင်း။ထႃႇဝရႃႉၽြႃးပၼ်တၢမ်ႇတီႈမၼ်းလႄႈမၼ်းတၢႆသေဢေႃႈ။
၂၁ ဢၽိယၸမ်းႁႅင်းယႂ်ႇၽႄႈတူဝ်းတွၼ်းမႃးဢေႃႈ။မၼ်းဢဝ်မေးသိပ်းသီႇၵေႃႉလႄႈလႆႈလုၵ်ႈၸၢႆးသၢဝ်းသွင်ၵေႃႉတင်းလုၵ်ႈယိင်းသိပ်းႁူၵ်းၵေႃႉဢေႃႈ။
၂၂ လွင်ႈတၢင်းဢၽိယဢၼ်ယင်းၵိုတ်းယင်းၵျၢၼ်ႇ၊သဵၼ်ႈတၢင်းဢၼ်မၼ်းၸွမ်းတင်းလၢႆၵႂၢမ်းဢၼ်မၼ်းလၢတ်ႈၸိူဝ်းၼၼ်ႉတႅမ်ႈဝႆႉမီးယူႇၵႃႈၼႂ်းလိၵ်ႈဢၼ်ပရေႃးၽႅတ်ႈဢိတေႃႇၸီႇယၢင်ႇသိုပ်ႇသႂ်ႇဝႆႉတီႈရႃႇၸဝၢင်ႇၼၼ်ႉယူႇဢေႃႈ။